مرت سنة على تخرجي عمر حمادة صار سنتين..المد والجزر بين وبين عمتي بعده وزاد من خطبنا حلا لمازن حماي وهاي تصير بنت خالهن واخت زمن الي رادتها خالتي لفيصل...بعيد زواجنا الخامس وديت حمودي لبيت اهلي ...زينب ظلت تلح راح يصير زواج مازن اصبغي شعرج هم على عيد زواجكم وهم براج عرس... رحت صبغت وخصلت وظليت صافنة بالصالون النسوان تحير شسوي...بلحظته ستخطيت فيصل ..كلشي ماشايف مني مكياج مرات اخلي بالليل...شي الوحيد البس سيتات له لان هو يجيب على ذوقه ...اخوات فيصل الثلاثة المزوجات جانن بغير محافظة ماخذات ولد العم ...مايجن غير مرة بالسنة بالعطلة لان عدهن اطفال ومدارس...يجن اسبوعين ويرحن...اثنين نفس طبع زينب حبابات ومالهن شغل باحد والثالثة اسمها ام محمد لا هاي نفس لائمة عمتي وحتى بحياتها مامستقرة مشاكل دائما وية رجلها...جتي يمنا صار اسبوع زعلانة ..عدها ٣ جهال راوتني الويل ...انظف وجهالها يوسخون..اني جنت انتظر فيصل يلا اتغدى ميقبل الا سوة اجي اريد اصب لكيهم مخلصين وباقي قليل اظطر اصبه لفيصل واكوله اني تغديت ...وابقى للعصر يلا ..لان فيصل من يصعد ينام لازم انام يمه ...لحد مايطلع للصيرفة يلا اكدر اتغدى...ابني يشبعونه بسط...وغير الحجي الي مايخلص...زينب تعينت مدرسة ...عمتي كامت تخلي شغل البيت كله لازم يخلص الصبح..حتى من ترجع بنتها خلصان...اوووف اشكال ...صح جنت ماسكت واردها من تحجي بس الشغل ماكدر لازم لخاطر فيصل...
رجعت من الصالون حمويني لليل يلا يجون فابقى بدون حجاب هن شافن شعري ظلن يحوسن ماهتميت كملت العشى وصعدت ...ومن كاعدة بالصالون سمعت وحدة حجت عن شموع معطرة سالتها دلتني من اشتريها ...شعلتها وفرشت فرشة العرس..وصحت زينب سوتلي مكياج ومن طلعت لبست بدلة مال الحنة مالتي وانتظرت فيصل ...من اجى اول ما دخل جان ضايج عرفت عزفتله امه...بس شافني...تقربت عليه وبسته بخده
حنان...كل عام وانت حبيبي وزوجي…شبكني راسا
فيصل...هاي شطالعة ...مغلطان بالغرفة اني
حنان...لا حبيبي بدل وتعال بين مادخل للحمام وطلع حظرت الكيكة وهديته جانت سويج سيارة فضة محفور بيها الى حبيبي الغالي...جنت اشعل شموع حسيته واكف وراي
فيصل...كل عام وانتي احلى حبيبة عندي...رفع شعري ولبسني كلادة بيها ملاك معلك صح ناعمة بس جانت كلش حلوة..تبسمت
حنان...عبالي نسيت موعدنا ..
فيصل...لا ما انسى احلى يوم بحياتي….
حنان...فيصل بعدك تحبني
فيصل...شبك ايده بيدي...ورفع وجهي له...ليش قصرت وياج بشي ...لو شفتي علي تغيير
حنان...لا ...بس انت تشوف اشكال واني...خلى ايده على حلكي
فيصل...حنو اني حبيتج مثل ماانتي ...ماشفتج بغير شكل وحبيتج وبعدين شفت الوجه الثاني...لا ...وهسة احبج اكثر من الاول ...ولو لسانج مرات بودي اكصه...
حنان...هههه ميخالف حسبت اخوك اني
فيصل...ههههه ولك شلون اخ فديته ..بقت لمسة فيصل مثل ماهي تاخذني لغير عالم...جان دائما يجيني بلهفة ...
ثاني اليوم جانت الوجوه مكلبة علي...وخاصة اجت زمن جابت ملابس اختها...طبعا غرفة العرسان يطبن يقفلنها ومن يطلعن هم...زمن جانت تباوعلي من فوك لجوة...ما هتميت ماجانت عندي فقرة غيرة من وحدة...كملت الغدة ورحت على اهلي اجيب حمادى ...جانو يريدون يخطبون لمهيمن وهو تخرج وفتح صيدلية واموره ماشية ...علي طلع مشتمل وحده وعنده ولد اثنين وبنية وحسن عنده ولد وبنية...فاني اقترحت عليهم زينب ..اعرفها تحبه من زمان ...هو ماعترض كال خوش بنية …وفعلا حجوا وية فيصل وافق بعد عرس مازن يتم قراية الفاتحة ...صار عرس مازن واني لعب طوبة بية كلهن اجن باتن ...والعمة ماقصرت تجيب وتذب علي شغل ...وبيوم الزفة وديناهم للفندق...من رجعنه ...جنت واكفة على السنك واجى فيصل شبكني من ورة...
فيصل..يلا حبيبة تعاي ماخلصتي
حنان...فيصل ...اليوم والله تعبت
فيصل...لا اليوم ماكو عذر مو مثل البارحة ...وبعدين خلي نذكر ايام عرسنا..جان يهمس بأذني حسينا على صوت ورانا راسا ابتعد فيصل
انتبهنا ام محمد واكفة ..انسحبت من شافتنا نتبهنا...لحد السبعة بيتنا جان معسكر من الجهال...قبل السبعة بيوم اجو العرسان .بعد السبعة بيوم مشن اخواته ماعدا ام محمد طبعا رجلها ما اجى صالحها....جان يوم سبت فيصل ماجان عنده دوام طلع بشغلة واني جنت تعبانة مال اسبوع العرس...كال ابقي نايمة...كعدت واني دانزل على الدرج وانزل حمادة سمعتهن
ام فيصل...نزلت المسعدة ليش لا ...اكو الخدم بهالبيت
ام محمد...والله يمة انتي منطية عين ...احجي لفيصل
ام فيصل...يمة ساحرات للولد …لعد هاي تلوك لفيصل
ام محمد...هي حظوظ الزركات
حنان..لا وداعتج نيات ..ربج ينطي على النيات
ام محمد..شنو قصدج
حنان..ماقصدي بس الجوة ابطه عنز يبقج
صارت حجاية منهم حجاية مني نزلت العروسة شاركتهم...واني هم ماقصرت وياها هي نغثت حيل
حلا...عمة ماعرف شافه بيها فيصل ..اشو جنها رجال..
حنان...شافي بية لما شافه بأختج
ام محمد..تاج راسج لج ...اشرف منج..
حنان...عاد بهاي محد يكدر يوصل حدي
ام محمد...شمدرينة شلون غشمرتي من جان يوصلج...
صعدت عندي الحماوة ...حطيت ام محمد وبسطتها...اجت حلا تساعدها وتريد تضربني وزينب من جهة تجر بية حاولت ادفعهن عني اجت الدفعة بعمتي وكعت ...بهاي اللقطة دخل فيصل ومازن ...فيصل تفاجأ ومازن ركض على امه يكومها ومرته تلكته صارت هوسة كل واحد يحجي ويغلط من جهة حسيت واحد يجر بية ...اني هم استلمتهم غلط وحجي ...جان فيصل يهز بية يريد اسكت..بس اني فقدت وامه تعيط وتبجي واخوه يغلط...هوسة ماعرف شنو ديصير بس صحيت على صوت فيصل وهو يصيح انتي طالك بعد ماجان يهز ببه واني اصيح عليه...جمدت بمكاني ...اباوع بالوجوه وارجع اباوع بوجهه وهو صاير نار ..صعدت لغرفتي واني اجر برجلي جر ...هذا جان شريط الذكريات يعرض كدامي للسنوات الفاتته كلها...كمت سحبت جنطتي وخليت ملابس لي ولاحمد...نزلت...اريد اطلع سمعت صوته
فيصل...وين رايحة...كملت مشي بيد جنطي وبيد الثاني ابني...اذا طلعتي بعد مالج رجعة...وكفت لحظة ظهري له ...ومسافة قصيرة بينا بس بلحظتها حسبته ابعد مايكون عني...كملت طريقي للباب ....وللحكاية تكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!