رواية الشيطان العاشق للكاتبه سمسمه سيد الفصل الرابع والعشرون 24 - بقلم Emy Abo-Elghait

صمت باسل ولكن عاود الحديث مره اخري:هتسميها ايه

بسنت بتفكير :هسميها حور

قاطعهم ذلك الصوت :حور مراد المنصوري

نظرت بسنت بااستغراب وباسل بااستغراب لذلك الرجل التي تتسم ملامحه باانه في العقد الرابع من عمره بالاضافه الي ملابسه الانيقه اما هند فااقتربت منه واحتضنته

هند:كده ياعمو متحضرش خطوبتي

......:معلش ياحببتي كان عندي شغل كتير واول ماسمعت ان بسنت هنا جيت ع طول عشان قلقت عليها

نظرت بسنت له بدهشه اكبر قائله:هو حضرتك مين

هند وهي تقوم بتقديمه :عمي عزام السيوفي اظن تسمعو عنه

بسنت وهي تهز راسها :ايوا حضرتك صاحب شركات الادويه المعروفه بس تعرفني منين وتعرفه منين .....

نظر عزام لها لبعض الوقت وهو يتذكر صديق طفولته :واخده شويه من تفاصيل باباكي

ادمعت عيون بسنت عندما تذكرت والدها الراحل:حضرتك تعرف بابا

عزام وهو يقترب ليجلس بجوارها :والدك كان صديقي وكان صديقي المقرب كمان

بسنت :بس انا مشوفتش حضرتك قبل كده حتي ف العزا

عزام:ممكن ميكونش والدك اتكلم عني كتير وساعة العزا مكنتش اعرف ساعتها معرفتش غير بعدها بكتير وعمرك ماشوفتيني لاني بقالي كتير عايش هنا

ودلوقتي اكيد مستغربه ايه اللي فكرني بيكي

هزت بسنت رأسها بنعم فااكمل عزام:انا عرفت كل حاجه مريتي بيها من ساعة ماوقعتي مع مراد عارف انك شوفتي كتير اوووي واتحملتي اكتر لحد ماقررتي تمثلي انك موتي او استغليتي فرصه ان في واحده ماتت قدام مراد واعتبرها انتي

اندهشت بسنت وظلت محدقه به :وحضرتك عاوز ايه دلوقتي عاوزني ارجعله انا اسفه بس عمري ماهرجع لواحد زيه

ابتسم عزام وقال:لاياحببتي انا مش عاوزك ترجعيله انا بعتبرك زي بنتي وعمري مااتمنالك الوحش ابدا

بسنت بحيره:طيب اومال ايه مش فاهمه حضرتك

عزام:مراد ف طريقه لهنا

بسنت :هنا فين هيجي المستشفي عشان ياخد مني بنتي لامستحيل مش هديهاله ابدا

عزام بتهدئه:لا مش جي المستشفي ولاحتي هياخد بنتك هو جايلي الشركه عشان صفقه بيني وبينه

نظرت بسنت له بشك ولكن اكمل هو:لاالصفقه مش مشبوها وهو بطل الشغل المشبوه ع فكره

بسنت :ميهمنيش هيفضل ف نظري قاتل ابويه وهفضل اكره لحد مااموت

عزام:متنسيش لو شافك وعرف انك جبتي بنتك ع الدنيا هياخدها منك عشان يضغط عليكي ترجعيله

بسنت باابتسامه:حضرتك لسه متعرفنيش كويس ومتعرفش ان مش ممكن حد ياخد حاجه بتاعتي او ملكي وزي ماحضرتك قولت بنتي يعني هو ملوش اي الحق فيها دي بنتي انا وبس ومش هسمح ابدا لحد انو يخدها مني حتي لو كان هو

عزام؛يابنتي انا عاوز اساعدك مش اكتر انا هعمل حفله واعزمه عليها واتمني انك تيجي ده لو فعلا عاوزه تنتقمي منه هتيجي

بسنت بتفكير :ان شاء الله شكرا لزيارتك فرحتني والله

عزام:العفو ياحببتي وحمدلله ع سلامتك

بسنت:الله يسلمك .......اتجه عزام للخارج وذهب من المستشفي الي الشركه مره اخري اما بسنت فظلت تفكر في كلام عزام

باسل:هتعملي ايه

نظرت بسنت لتلك الصغيره النائمه وابتسمت :ايه السؤال الغريب ده ياباسل

هنتقم طبعا متنساش من اخر مره عارف اني فاقده الذاكره

باسل:وهتستغلي الحته دي طب وحور

بسنت:بنتي محدش هياخدها ومش هعرفه اصلا اني خلفت

هند:وافرضي عرف

بسنت :ساعتها انا هتصرف

باسل:طب ارتاحي دلوقتي ومتفكريش

بسنت:ماشي

...................

بعد مرور عدت ساعات في مطار باريس خرج مراد من المطار منتظر السياره الخاصه بشركه عزام وبعد عدت دقائق وصلت السياره وصعد بها مراد وانطلق نحو شركه عزام وبعد نصف ساعه وصل مراد واتجه لمكتب عزام

عزام :اهلا اهلا استاذ مراد نورت شركتي

مراد باابتسامه صغيره:اهلا بيك ....ثم تابع بجديه ممكن بقا نتكلم ف الشغل

عزام :مالك جي حامي كده ليه بس ماشي نتكلم ف الشغل

مراد:انا عرفت كل المعلومات عن الصفقه بس شايف ان السعر عالي شويه

عزام وقطب حاجبه :3 مليون كتير عليك يامراد بيه

مراد :مش كتير بس 2 ونص حلوين

عزام :مااختلفناش كتير

مراد :يبقي تمام نمضي العقود

عزام:اهده اهده اول حاجه انا عندي حفله بعد بكره وبعد ماتحضرها نمضي العقود عشان اعرفك ع شركاء هتبقا مناسبه كويسه جدا واهو تكون علاقات كويسه

مراد :انا اسف بس .....قاطعه :لا مفيش اي اعتذارات متكسفنيش ده اول طلب اطلبه منك

مراد :اوك موافق

عزام :دلوقتي تقدر تمشي عشان ترتاح

مراد :متشكر سلام

...............

في القاهره رن هاتف المنزل فتقدمت حوريه منه واجابت بصوت ضعيف:الو

بسنت:.......

حوريه واحست بشئ غريب:الووو

نزلت دمعه حاره من اعين بسنت وزفرت بوجع

حوريه بالهفه :بسنت

بكت بسنت بوجع شديد وقالت بنبره حزينه:ماما وحشتيني

حوريه ببكاء:حببتي يابنتي اناي فين بتتكلمي منين قوليلي عشان خاطري يابنتي ارجعي والله العظيم عمري ماهغلط ف حقك تاني ارجعي عشان قمر حتي اختك معدتش بتتكلم من ساعة ماسمعنا خبر موتك ليه عملتي فينا كده يابنتي عارفه اني غلطت وغلطتي كبيره بس انا اسفه ارجعي وانا مستعده اعملك اي حاجه

بسنت بدموع :لا ياماما انا غلطانه وزباله وانا عارفه متعتذريش مني انا اللي اسفه اني عملت كده وارجوكي متعيطيش ودلوقتي افتحي الباب بتاع الفيلا وانا معاكي .....اتجهت حوريه سريعا نحو الباب وفتحته فوجدت باسل يقف امامها ويبتسم

بسنت :هتفضلي موقفاه ع الباب دخليه ياماما

حوريه :اتفضل يابني

بسنت :بصي ياماما باسل هيجبكو عندي انتي ولورا وخالد وقمر انا حجزتلكم طياره خاصه كمان ساعه مش عاوزه حد يعرف اي حاجه غير اما تيجو ارجوكي

حوريه:حاضر يابنتي حاضر

بسنت:سلام

اسرعت حوريه واخبرت خالد ولورا باان يحضرو حقائبهم سريعا دون اي اسأله واتجهت نحو غرفتها واحضرت حقيبتها سريعا وقامت بتحضيرها واغلقتها واتجهت لغرفة قمر بعد ان البستها ملابسها واخذت ملابسها ووضعتها ايضا بحقيبتها ونزلت الي باسل الجالس وقامت بالنداء ع خالد ولورا

حوريه :خالد يالووووورا يالا هنتاخر ع الطياره نزلت لورا مسرعه وخلفها خالد وهم يحملون حقائبهم

لورا بتذمر:نفسي اعرف رايحين فين قوليلي طيب

نظرت حوريه لباسل وقالت:يلا بينا يابني ....اخذهم باسل وصعدو بسيارته وظل خالد طول الطريق ينظر له وكانه يحاول ان يتذكر اين رأه من قبل وبعد ان وصلو للمطار واستقلو الطائره

خالد :انا شوفتك قبل كده

باسل:ممممم يمكن

لورا:ياطنط قوليلي هنروح فين بقا

حوريه:تعرفي تبطلي رغي لما نوصل هتعرفي

بعد مرور عدت ساعات وصلو مكانهم واستقلو سيارة اخري ووصلو ع احدي البيوت طرق باسل الباب فافتحت له هند

هند بهمس:هما دول

باسل وهو يهز رأسه بنعم:ايوا

افسحت هند لهم المجال فدلف الجميع للداخل واغلق باسل الباب جيدا

لورا:مممكن بقا تقوليلي في ايه ياطنط

بسنت :انا اقولك .....نظر الجميع نحوها وانصدم كلا من لورا وخالد كثيرا ونظر لبعضهم البعض اما قمر فركضت نحو شقيقتها واحتضنته وظلت تردد باسمها وهي تبكي اما عن حوريه فاانهمرت دموعها وهي تتقدم من ابنتها

بسنت وهي تنظر لها:وحشتيني اوووي ياماما ....ارتمت الام بااحضان ابنتها وهي تبكي :حببتي ييابنتي وحشتيني اووي كده تحرقي قلبي عليكي انا اسفه سامحيني والله كنت غبيه اما حكمت عليكي اسفه

بسنت بدموع:خلاص ياماما عشان خاطري والله مازعلانه منك انا بحبك اوووي ارجوكي منبعديش عني لحظه تاني

حوريه :ولاثانيه حتي ...ابتعدت حوريه عنها وقبلت رأسها اما هي تقدمت نحو لورا وخالد الذين مازالو مصدومين

بسنت وهي تجفف دموعها:هتفضلو مصدومين كده ولاهتاخدوني بالحضن ...ماان اتمت جملتها حتي جذبتها لورا نحوها واحتضنتها بقوه

لورا :ليه يابسنت ليه كده انتي متعرفيش احنا كنا عايشين ازاي

بسنت:اسفه ....انضم اليهم خالد واحتضن الاثنين معا

بسنت بمرح:خلاص ياخالد ايدك بقت تقيله ابعد

اتجهت مره اخري لحوريه واخذتها من يدها نحو غرفتها ...وقفت حوريه ع الباب وتقدمت بسنت من صغيرتها وحملتها بين يدها

حوريه بفرح:دي حفدتي صح

هزت بسنت رأسها بنعم فااخذتها منها حوريه واحتضنتها وظلت تقبلها

خرجو للخارج مره اخري كان خالد ولورا قد جلسوا واحضرت هند لهم مشروب بارد ولقمر ايضا فااتجهت حوريه بحفيدتها وجلست

خالد:الله مين القموره دي

بسنت:بنت اختك ياخالد بقيت خال

فرح خالد كثيرا وظل يحاول اخذها من حوريه

حوريه:حفدتي مش هديها لحد اقعد ساكت

قمر بطفوله:مامي مامي دي مين

حوريه:دي بنت بسنت

قمر وهي تقفز وتسقف بيدها:الله الله عندنا نونو هنعب معاها

ابتسم الجميع وظلت حوريه تسال بسنت عن حياتها هنا

لورا:بس ايه ده غيرتي لون شعرك واستايل لبسك ولينسز وشغل عالي

ابتسم باسل وقال:عشان يليق بااسمها الجديد

استغرب الجميع وتحدث خالد:انتي غيرتي اسمك

اخذت بسنت نفس طويل وقالت:ايوا غيرته حاليا انا ميته بالنسبه للكل بس ليندا ماممتتش وده اسمي وياريت محدش يسال عن اي حاجه دلوقتي ممكن

...............

بعد مرور يومين وبالتحديد يوم معاد الحفله حضر الجميع لفيلا عزام ووصلت بسنت مبكرا وقابلت عزام

ابتسم عزام وقال:كنت متاكد انك هتيجي

بسنت:لازم ياعمي

عزام وهو يتحدث سريعا:طب روحي اقفي بعيد لان مراد جي هناك اهو ......اتجهت بسنت نحو باسل وهند الواقفين

باسل:هنعمل ايه دلوقتي

هزت اكتافها بلا مبالاه:معرفش

هند وهي تغمز لها :بس ايه القمر ده

(كانت بسنت ترتدي فستان يصل للركبه ضيق من محيط الصدر وواسع من بعد ذلك كب بالون الابيض وعليه نقوش ذهبيه وفردت شعرها البني ع كتفيها وارتدت حذاء بالون الذهبي ووضعت القليل من مساحيق التجميل مما جعلها بمظهر مثل الاميرات)

بسنت باابتسامه:من بعض ماعندكم ياهنود

بداءات الحفله وفي منتصفها اتجهت بسنت لمسؤال الدجي ....وبعد عدت دقائق انقطعت الانوار وظهرت بسنت تحت ضوء خافت وهي ممسكه بالمايك وبدئت ف الغناء لم يميز مراد شكلها بسبب الاضاءه وبسبب التغيرات الطارئه عليها بداءت ف الغناء واندمج الجميع مع كلمات الاغنيه وصوتها العذاب احس مراد ان كلمات الاغنيه موجها له

يلا عادى مش حكاية يلا عادى مش حكاية

يعني مش طالبه دراما

مش حتفرق شيء معابا حتى مش حتسيب علامه

إما أعراض انسحابك من حياتي مش قضيه

مش حلومك مش هعيش جوه شخصيه الضحية

يلا عادى يلا عادى

و يلا عادى هي جأت على جرح يعنى

ما الجراح بالكوم في قلبي عادى يعنى

بس كان في شبر فاضي حط جرحك فيه و زود

اسمى جوه الخانه ماضى و جرحى في خانه التعود

و في خانات الذكريات حط اسمك فى المواجع

تحت خانه الملحوظات اكتب ان الجرح واجع

أما في الخانة هنرجع اكتب انه معدش نافع

انت حاجة من الحاجات اللي في حياتي كثيرة

لو بترتيب الخانات انت في الخانة الأخيرة

انت جاهل في المشاعر والكلام وياك خساره

فى امتحان الغدر قادر تبقى أول و بجداره

وفى خانات الذكريات حط اسمك فى المواجع

تحت خانه الملحوظات اكتب ان الجرح واجع

أما فى الخانه هنرجع اكتب انه معدش نافع

و يلا عادى هي جات على جرح يعنى

ما الجراح بالكوم في قلبى عادى يعنى

بعد انتهاء الاغنيه اضيئت الانور وانصدم مراد من وجودها حاول الاقتراب سريعا ولكن اوقفته يد .....