رواية الشيطان العاشق للكاتبه سمسمه سيد الفصل الثاني عشر 12 - بقلم Emy Abo-Elghait

ثم اغلقت الخط واغلقت الهاتف واكملت نومها.......اما عند تلك الفتاه فظلت مندهشه من رد فعل بسنت فسالها ذلك الجالس بجانبها :ف اي قالتلك اي انطقي 

الفتاه:يامراد باشا هي مش هاممها حاجه ولمؤاخذه يعني كانك ولاعملت اي حاجه ولاانته مهم اصلا ف حياتها
جذبها من خصلات شعرها :اخرسي مسمعش صوتك خالص غووري من وشي ....خرجت الفتاه مسرعه وتركته :ماشي يابنت البحيري انا هوريكي النجوم ف عز الضهر .....
...............
ف صباح اليوم التالي استيقظت لورا ولم تجد بسنت بالغرفه فااعتدلت ف فراشها وهمت بالوقوف ولكن قاطعها دخول بسنت
بسنت:صباح الخير
لورا:صباح النور كنتي فين ومصحتنيش ليه معاكي
بسنت:محبتش ازعجك من بدري معايه كنت بخلص شويه حاجات عشان العزا بس وطلبت ممرضه عشان ماما
لورا :طب وقمر مين هيهتم بيها
بسنت:الداده هتهتم فيها
لورا ببعض التوتر:والاستاذ خالد
بسنت باابتسامه صغيره:ماله
لورا :مين هيهتم بيه يعني هو اتصاب والمفروض حد يهتم بيه و......قاطعها دخول خالد قائلا:ياببببسنت يلا لازم ننزل بسرعه ....قاطعه نظرات تلك الواقفه تقابلت اعينهم ف نظره طويله بعض الشئ
بسنت بصوت عالي:انته يابني في حد يدخل كده ....لم ينتبه خالد لما تقول فنكزته بسنت بذراعها
خالد بضيق:في اي يابسنت ايدك تقيله عاوزه اي
بسنت بسخريه: وهي تعيد كلامه:يابسنت يلا لازم ننزل بسرعه
خالد:انا غلطان اني جيت اناديكي
بسنت وهي تدفعه خارج الغرفه:امشي قدامي هي ناقصاك ع الصبح ..وانتي (وجهت حديثها ل لورا )كملي نومك وارتاحي
لورا بتسرع:لاانا هلبس وهاجي معاكم
بسنت:اقعدي يالورا زي ماقولتلك مفيش داعي .....خرجت بسنت خلف خالد الذي يتمتم بكلمات غير مفهومه
بسنت :بتقول اي يابني انته
خالد :مبقولش اتفضلي قدامي
....نزلو للاسفل واكملو التحضيرات وف المساء صعدت بسنت لاارتداء ملابس سوداء لتتناسب مع العزاء وبعد ان انتهت نزلت الي الاسفل ووقفت هي وخالد لااستقبال المعزين
.............
عند مراد ذهب احد الحراس لاابلاغه باامر ما
الحارس:مراد باشا بسنت هانم عملت عزاء لوالدها ووصلنا كمان ان لورا هانم موجوده ف الفيلا بتاعتها
مراد وترك الكاس الذي بيده :حلو جهز العربيه
الحارس:ليه ياباشا حضرتك رايح الشركه
مراد بحده؛وانته مالك نفذ اللي قولتلك عليه
الحارس:حاضر ياباشا .....خرج الحارس وتحدث مراد مع نفسه :معقول يبقي عزا عمي ومرحش ولاهي حتي تقولي
القلب:انته مجنون تقولك ازاي دي هي حتي مش طايقاك وماتنساش انك السبب ف موت ابوها هي عمرها ماهتسامحك
العقل:لاهي غلطانه لانو بقا جوزها المفروض تقوله ع كل حاجه ميعرفش من بره
القلب:وانته معتبر اللي حصل ده جواز بجد الجواز اللي بالاجبار ميتسماش جواز
العقل:خلاص القرار اتاخد وهنروح ......وبالفعل اتجه الي غرفته وارتده ملابسه وانطلق نحو فيلا البحيري
..............
في الفيلا وقفت بسنت مع الحاضرين وجدت من يخبط ع كتفها برفق فنظرت للخلف وتفاجئت بوجوده
بسنت:انته اي اللي جابك
باسل بجديه :البقاء لله
بسنت:ونعم بالله ....بس برضو مردتش ع سؤالي انته اي اللي جابك
باسل:ع مااعتقد ان ده عزا وانا جي اعمل الواجب مش اكتر
بسنت:شكرا اظن انته عملت الواجب اتفضل بقا
باسل واقترب منها:انتي ليه بتعمليني كده
بسنت وتراجعت خطوتين للخلف:انا معرفكش واي حد معرفوش ملهوش عندي غير كده
باسل:بس......قاطعه تدخل ذلك الذي امسك بيدها بقوه واتجه بها خارج الفيلا حاولت هي الافلات منه ولكن لم تنجح
بسنت بغضب:سيبني انته اتجننت ازاي تمسكني كده
مراد محاولا تهدئت نفسه:انا حر مراتي وانا حر فيها وبعدين ازاي تسمحي لنفسك تقفي تتكلمي مع واحد ايا كان
بسنت بغضب:وانته مالك حياتي وانا حره فيها
مراد :هو انتي محدش قالك ان اللي يقف يتكلم مع اللي يسوه واللي ميسواش يبقي مترباش شكل كده ابوكي معرفش يربيكي كويس.......قاطعته صفعة بسنت القويه
بسنت بغضب جامد:انا مسمحلكش تتكلم ف حقه ولانص كلمه انته متسواش اي حاجه عشان تتكلم عنه وانا متربيه غصب عن عينك ....ورفعت اصبعها ف وجهه ولااخر مره بحذرك متتدخلش ف حياتي تاني ....تركته وذهبت مسرعه وتلك العبارات الساقطه من عيناها تسبقها ....كل ذلك وعيناه تراقبهم من بعيد
باسل بصدمه:مراته طب ازاي وامته ....ذهب خلف بسنت ووجدها تجلس ف تلك الزاويه البعيده ف حديقه الفيلا اقترب منها وجلس ف مستواها
باسل:مينفعش تضعفي
بسنت بدموع ونظرت له:ليه مينفعش هو انا مش انسانه زي زي غيري ولالازم دايما ابقا قويه ومهما شوفت متهزش انته عارف يعني انك تفقد شخص عزيز عليك لاوفوق كل ده تتجوز الشخص اللي قتلك الشخص اللي بتحبه عارف يعني اي عيلتك كلها تبقي متهدده بالخطر وبلدك ف نفس الوقت مبتبقاش عارف تنقذ انهي عيلتك اللي اتربيت وسطيهم ولابلدك اللي اتربيت عليها
باسل :عارف وحاسس بيكي وساعات كتير بيبقا لازم تخسري حد غالي عليكي عشان الباقي يعيش
بسنت :بس انا تعبت ومعتش قادره
باسل:انا جمبك ومستعد اساعدك ف اي حاجه بس مش عاوز اشوفك بتعيطي لان ده ...واشارلقلبه....بيتوجع لما بيشوفك ضعيفه او بتعيطي ......
بسنت بدموع:انا مش عاوزه منك حاجه بس سيبني ف حالي .....اقترب هو وجذبها الي احضانه رغم مقاومتها واخذ يتحدث:صدقيني انا مش عاوز اكتر من انك تبقي كويسه مش عاوز اكتر من كده
...........
عند مراد جاء ليذهب ولكن اوقفه ذلك الصوت
لورا :هو انته مبتحسش خالص معندكش دم
مراد بعصبيه :انتي احسن ليكي متتكلميش معايه لسه حسابك معايا مخلصش
اقتربت هي ولااول مره لم تخف منه :ايه هتقتلني زي ماحاولت امبارح ولاهتحاول تاني تموت ابني
مراد وامسكها من ذراعها بقوه وجذبها خلفه حتي وصل لباب الفيلا وجاء ليخرج ولكن وقف امامه الحراس
مراد:اوعو من وشي
الحارس:اسفين يافندم سيب لورا هانم وهنوعه
مراد بحده:انته متعرفش انا مين لو مستغني عن عمرك خليك واقف قدامي
جائه ذلك الصوت من الخلف :لا يابن المنصوري انته هنا ف عالمي الخاص يعني دول مش هينفذو اي حاجه انته عاوزها لو هددت من هنا لبكره