تحميل رواية «الشيطان بأيدي رحيمه» PDF

مساوكم عسل

#شيطان_بايادي_رحيمه

الجزءالاول

مريم السعدي

قف هاهنا الحياه لن تسير على هواك سيدي انا موجوده رغم اختفائي بين فقري والمي وكثره جروحي وفقداني لاعزائي لي رب يحميني

انا بالله استعنت بمن استعنت سيادتك عذرا قد نسيت استعنت بمالك باهل النفوذ لعلك تشعر براحه ابحث عنها في كيانك اولا تجدها بالطبع لن تجدها لانك تعلم انك الخطا وترغم نفسك على التبرير الغير مقنع لذو سنين سبع كن سيدا حقيقيا واعترف وتوقف عن ما تفعله عذرا سيدي انك دون مستوى الشبهات بالدنيا

لكنك اعلى مستوى شبهات الاخره -----------

يحدث ان تعطينا الحياه صديقا بنكهه مختلفه يكون كروح اي بالظبط روح تسمعك ونوبات تسمعها تحملها همومك وتساعدك بدون مقابل تنطيها كل ثقتك وكل اوجاعك بطريقه لا اراديه تكوم تسمع كلامها وتشوفه الصح حتى لو جان خاطيء بس لان من روح قريبه لروحك بمرور الوكت حتلاحظ روحك تعلقت بيها  ويمكن متكدر تعيش دونها --- بس نصيحه اذا عدك هالروح تخلص منها لان الفقدان جدددا صعب لليتعلق خلي بعقلك اللي يوزن نص ربع جسمك انه ماكو شي يضل للابد والتشوغه اليوم كدام عينك احتمال باجر مموجود البقاء فقط لله --- قصتنا اليوم تتحدث عن  عبره  حلوه  انه الجمال جمال القلب  والروح الحلوه  وعبره ثانيه انه مهما كان الانسان سيء اكون فد شي نضيف  داخله ولو كلش قليل بس موجود  بايدنا احنا نكبر هالشي وبيدنا نخلي يختفي

اتمنالكم متابعه ممتعه لاحداث القصه

مريم السعدي

-----

-- بعد احداث الشام ودخول داعش عواءل عراقيه هواي تدمرت ومنهم عائله رحمه

رحمه شابه عراقيه بوكت سقوط الطاغيه سافروا اهلها للشام واستقروًهناك  رحمه عدها اخوه ٢واخت وحده  نسمه وسامر وثامر والدها يشتغل بمحل لبيع الاعشاب بسوك دمشق  المسكف اللي بشارع العراقيين  عدهم بيت صغير اخوتها بالجامعات واختها بالثانويه وهي متوسطه بدخول داعش للاسف رادوا يرجعون للعراق لان ساءت الاوضاع جدا بسوريا وماعدهم احد هناك هو العده احد مخلص منهم بطريق الرجعه لكفوهم جنود الخرافه بوكت جانت رحمه نازله عالطريق اكو كرفان بي حمامات وبصفه محل اسواق صغير اغلب مبيعاته مي دخلت للحمام وراها صار رمي ابو المحل قفل الكابينه وانهزم رحمه بهاللحضه فقدت كل اهلها وبقت محبوسه بهالكابينه بس بسبب الصدمه والهبطه اغمى عليها بعد كم ساعه صحت بكابينه ضلمه وفقط ضوه الحمام الضعيف اللي يطفا ويشتغل انذارا لانتهاء شحنه موجود رحمه انهارت بجي بس بهدوء والدها جان حاجيلها هاللي سوو داعش بالبنات جانت مرعوبه يمكن الله  هيالها فرصه للنجاه الها صح بعذاب بس هاي قسمه رب العالمين وهو اعرف بمصلحه عبده مو هو اللي ذكر عسى ان تكرهو شيئا وهو خيرا لكم

شافت روحها راح يرجع يغمى عليها رجعت شربت مي  رحمه  راح تحجيلنه قصتها المرت بيها  نتمنالكم متابعه ممتعه--

الرفىف اللي بالكابينه ضوه خافت صاير عليها مبينه البضاعه قديمه وكفت كوه احس حتى شراييني والاورده ترتجف بداخل جسمي شربت بطل كامل مي واتلفت عالرفوف كمت ادور بالجدران مال كابينه اي زرف اشوف بيها البره شكو بس ماكو اي ثقب بيها تذكرت الحمام اكيد بي هوائي شباك دخلت للحمام  صعدت عالغربيه  اباوع ضلللمه ولا صوت مرعب الطريق حتى سياره مابي حيوان مابي بقيت كاعده  اتلفت وين اهلي اكيد ماتو هسه زين وين وصلنا  طبينا الحدود العراقيه لو لا  للحضه ايست اني راح ابقى هنا لان لو اني بمكان البايع صاحب الكابينه وصار هيج كدامي فلا ارجع افتح كعدت اتذكر---

بابا بابا

ها بابا شبيج

عفيه هاي حمام اريد انزل

ثامر- انتي شبيج سكر كلسا كلسا خل نطب العراق مو متنا

- انت معليك دااحجي وي ابويه

- اي بابا  هسه هذا راح عاللخ عود

- خووش كعدت من وره خشمي بصفي نسمه نايمه على جتف امي وامي خليه سامر بحضنها ونايمين بقيت اباوع عالطريق توتر بابا وثامر  تعبني اخاف انام عبرنا حمام ثاني من كثر التفكير نسيت نفسي محتاجه لحمام

- ثامر- يابه هذا حمام خل نوكف حتى نشتري مي

- يله رحومه نزلي

- اي بابا مزلت فتت للحمام شفت ثامر مزل ورايه فات للمحل توني اطب واققل الباب واسمع سياره تشخط واطلاق ناري كثيف وصياح بلغه مااعرف شونها لاهي سوري ولا هي عراقي بالنص اريد افتح القفل مال حمام ارجف سمعت الكابينه كلها تقفلت وواحد ديركض من وراها كمت اصيح بابا بابا صارت صنطه وهدوء مثل الحلم حسيت نمل راسي وبعد محسيت ---  حسيت وره ٨ساعات كضيت اول ١٠ساعات بالضبط بس ابجي من تذكرت تملخت ابجي من ورايه راحو من  ورايه ماتو اهلي بعدين اتذكر ثامر من كال   نشتري مي يعني معقوله اهلي ماتو لا ممعقوله هاي انهزمو هسه يطلع الصبح واشوف الطريق طفا الضوه خلص شحنه تلمست بصفي ميز صغير كومدي يخلي بي البايع فلوس وبصفحه اللخ براد المي هم صغير جنت كاعده بالكع تلمست الكع كاربت كله رمل وترابه طريق خارجي وكفت وتلمست الميز كعدت روحي عليه جان مربع لميت رجلي بايدي اخاف اكو فد حيه عكربه يمكن عالميز احسنلي بقيت مقرفصه شريط حياتي مشه كدامي عيني  روضتي مدرستي القديمه صف اول ابتدائي بالبياع هجرتنا لسوريا والاحداث الصارت

بالعراق وشلون جننا خايفين طلعنا مهزومين تالي الموت اخذهم بنفس الخوفه او يمكن اكثر  اريد اتخيل نسمه وماما شصار بيها من شافت السلاح موجه على بابا والولد لا بس جانت بسرعه ملحكت تخاف اتخيل وابجي بحركه هسه انتو كلكم شهداء بالجنه بقيت بس اني هنا  زين اذا طلعت وين اروح الموت للعراقي صار اسهل من طكه الببسي فقدنا كومه عزاز خالتي رغد وزوجها باحداث مايعد السقوط عمي محيي بانفجار وعمي الثاني بالحريق مال الشورجه خالي جاسم الخطفو من الصيرفه هواي مبقالنا احد بالعراق غير بيت عمتي وجدان اللي ابويه تعارك وياها لان باكت ذهب ببيتي تموت عالفلوس كومه نطاها ابويه ومفكت ياخه عنها تالي فلوس دفتنه ببيتي باكتها هي وذهبها ومنطت حق خواتها وياها عمتي متزوجه وعدها بنيه وولد هم متزوجين كاعده بالزعفرانيه اندل بيتهم لان ميتيه على شارع عام يم بيت جدو القديم يم محل الوروار اي اذا طلعت عايشه فاروح يمها شون متكون عمتي تذكرت حجايه ماما الضفر ميطلع من اللحم تبقى من اهلي وتذكرت سالفه لخ مرهكالتلي كل انسان  مسووليه ودور بهالحياه الله ماخلقنا عبث  تذكرت قصه الخضر عليه السلام المذكوره بالقران شون هد الحايط لحكمه وامر من ربدالعالمين  وشون خرق السفينه وشنو السبب وشون قتل الولد كلها الها اسباب اكيد بقائي بي حكمه وبعد خبزتي مخلصت من هالدنيا طلع الصبح صوت الطيور بين نيالكم عدكم جنح وتطيرونً بين الضوه كمت رجعت وكفت عالغربيه اباوع الطريق يصفر حتى سيارتنا ماكو باوعت عالساعه اللي عالحايط اللي باقيه بس مياله بس تشتغل ساعه ٥ رجعت اباوع عالطريق من الهوائيه المربعه حتى لو جني سياره ميشوفوني صدك غشيمه اني شون اضل محبوسه هنا بقيت اباوع عالطريق هنا جانت سيارتنا اباوع ودموعي على خدي هنا وكفنا حتى دم ماكو  باوعت عالسما ربي بس انت تسمعني شنو حكمتك من بقيتي هنا سمعت طكطكه ورايه انداريت ركض اشوف فار ديكرض بفلين العازل ردت اعيط لزمت روحي شمعرفني شكو وره الكابينه بقيت صافنه حفر حفر وطلع من صفحه اللخ نيالك صغير وتكدر تطلع  نزلت افتر بالمربع مال محل لكيت بسكت ترد المالح عصاير بنجانه مي وبيها جان ثلج هسه صار بس مي اخذت عصير كوه اكلت كامت ترجف ايدي لازم اقوي روحي كملت بقيت كاعده صافنه باوعت الساعه صارت ب١٠كافي بجي  رحمه ميفيد تره كومي فكري بحل بقيت ادور كلشي ماكو لافتحه ولامكان بس الجريدي سمعت صوت ماطور وكفت ركض رحت عالغربيه طبك يم الكابينه بقيت اباوعله شكله مو داعشي كام يحرك  بالقفاله اخاف احجي بقيت اراقب ضل يحرك بالقفل يريد يكسره  منفتح شفته يتلفت يدور بالكع شوي واجه بيده طابوكه جبيره ختلت بالحمام وقفلت الباب عليه سمعته فك القفاله وطب مدري شديشيل من المحل ويطلعه صفنت اذا راح منو يوصلني اقلها بشر ويايه موًوحدي بهالجول فتحت الباب شمر صندوك البطاله وطفر بره ركض عالماطور اوكف اوكف عمو فدوه رفع راسه مخروع يريد يركز وكع الماطور منه بالكع رفعه ويباوعلي انتي منين

- عمو اني من سوريا عفبه احنا وين

- وشجايبج لهنا

- اني جيت وي اهلي بس كتلوهم الدواعش وابو المحل قفل الباب عليه واني جنت بالحمام احجي ودموعي على  خدي ضل صافن بوجهي رجال يطلع بالاربعين من عمره مبين التعب عليه  من ضعفه وبهذلته بقه ساكت كال وين اوديج انه هسه

- عمو احنا بالعراق

- هاي الحدود السوريه العراقيه اي طبيتي بالعراق توج عدج اهل بالعراق لوًترحين للمخيمات

- لا عمو عدي بالعراق عمتي

- زين عجل اذبج بكراج يوديج الله شاهد لو عدي ابقيج وي بناتي بس والله ماعديدهاي مي نضيف ماكوش جيت اخذ من ابو المحل صاحبي  رغم خطوره الطريق بس حنموتً من العطش لكيته معزل كلت افك القفاله بس اخذ مي وارجع اقفل

- اي عمو هسه توديني

- امشي صعدي وراي الله يسترعليج جنتو بسوريا

- اي

- من شوكت طالعين

- من ال٢٠٠٧ شغل الماطور لزمته من جتفه وطلع ويحجي الماطور جان تعبان وره ساعه وصلنا لكراج اسمه كراج ضاوي قريت القطعه كم سياره مو هواي كلهن ةيات تعبانه وحده بس تصيح بغداد وكم واحد بيها

- روحي عمي توكلي نزلت وعدلت صندوك الميزخاف يوكع -- شكر عمو

- الله وياج ويستر عليج عذريني بنتي قصرت وياج المفروض اخليج بعيني

- لا عمو جنت محبوسه يومين ونقذتنيدالله دزك الي

- روحي بابا اكفي اكلج

- ها عمو

- هاج هاي الغتره غطي راسج بيها ياكلوج بعيونهم ولو كلهم اهل غيره بس تخوف اوووف الله يستر عليج محصنه بالله ومحمد وعلي روحي بنتي

- مشيت كم خطوه ولد صاح هاي مره انداريت عليه صاح ولكم بعدها حديثه بجيت كمت اخاف التمو  عليه انتي منين مامنين انرعبت واحد صااح بصوت مرعب باللللكم فزيت بالكم عنها ماشايفين نسوان رجعت ليوره خطوتين ربي موتني ولحد يمسني بشرفي -----

- تعاي بابا

- صاح بصوت وخرو كلهم شكله جبيرهم  اجه رجال ضخم جبير معكل تقربلي ---

- منوين جايه بويه

- عععمو اني من سوريا بس عراقيه اهلي ماعرف وين يمكن ماتو

- زين وين تريدين جايه للكراج

- ااروح لبغداد بيت عمتي

- امشينا بويه ذيج الكيه تشوفينها اصعدي لو

ره

- اي عمو مشيت سويع وجسمي يرجف عيونهم عليه ويهمسون شلابسه واللخ يكول صغيره بعدها والثاني يكول الله يعينها على دنياها صعدت للسياره فارغه بقيت كاعده صعد ولد من العبريه شكل من ديصعد شافني ضل صافن عليه عاكد حاجبه نصيت راسي شوي واجه الرجال الكال صعدي بالكيه باوعلي

- يابه اليوم طالع بغداد اذبك بطريقي

- جاوبه الولد الصعد من العبريه --- شيوديك لذاك الصوب

- امانه اوصلها لاهلها اشر بعيونه بالمرايه يباوعله اندار الولد عليه وباوع عالشباك --- توكل بالله ضاوي

- طلعنا نمشي واني فكره تجيبني وفكره توديني من يوم طلعنا من سوريا لحد الان   محاسه بالامان ومااعتقد راح احسه ابد اهلي كل واحد ماخذ جزء من كياني ودااحس فاقده كل كياني   وعايشه  بس اريد اعرف لشنو عايشه بعد  يجوز يومي بعده مجاي اني اعرف انه ربي هو مدبر الامور وهو مدبر الحال   باوعت لبنطروني كله تراب نفضته نزلت قميصي على ركبي قميص جان طويل يوصل لركبه رجلي لونه مقفل تقفيلته ابيض واسود ناعمه وبنطرون كابوي اسود جواه وبوتين هذا لبس المراهقات بسوريا وتاقلمت وياهن غمضت اريد ارتاح خليت راسي عالشباك محسيت بشي بعد غفيت من حسيت اصوات ناس هواي مو مثل اول مطلعت كم واحد موجود  فتحت عيني كانما سوك وفتنا من يمه يعني اكو حياه زين جنت اتوقع العراق فقط ركام من كثر سوء الاعلام اليوصللنا لا اكو ناس هنا عايشه ديضحكون باىعت لشاب يدفع عربانه ضاحك ضحكه خاليه من الهموم وشاب ثاني عالسايد اللخ هم يضحك وياه بكلمات بيناتهم عبارات يمكن محد يفهمها غيرهم صفنت جريت نفس لازم اكون قويه ولد ولايتي  الموت لاحكهم بعربانه وهمه الضحكه تارسه وجههم شفت طفل كايد امه يبجي ماما اريد موز

- تجاوبه مضلتلي فلوس بالجزدان دمعت عيني ولافد يوم قصرت عني بابا كل طلباتي مجابه رغم بساطتها  شفت سيارات تنقل مخضر كيات حمل والعمال ينزلون ركي واحد يكول للخ هاي اخر طشه بعد ماكو طريق سوريا صاير عالسجبن غطيت وجهي باليشماغ مال الرجال النطانيا كمت ابجي اليشماغ جانت ريحته  ابد مطيبه بس مليانه غيره وتراب شهامه كمت استنشق منها واترس روحي ثقه مراح ياذوني ولد ولايتي اذا نخيت بيهم تذكرت الشايب شون عاط بيهم باوعتله اصلا طريقه مو منا ولا لهنا والعبريه نازل من زمان يمكن اعطله ويمكن يعرض  روحه للخطر بس معافني رفع راسه شافني داباوعله

- ها بويه حمام مو

- اللا دار وجهه من المرايه طلعنا من الازدحام كام يسال من وين طريق الزعفرانيه شوي شوي دلو طبينا صاح  يابه هاي الزعفرانيه تندلين هلج

- عمو وين الشارع العريض

- صفن سال المرور الشارع العريض وينه كال وره هالشارع

- اي عمو مناك لاف وطب بي شفته ضل يمشي لحد ما لمحت الاسواق من جننا جهال نشتري منها - اوكف اوكف عمو هنا

- وين

- هنا هذا البيت نزلت ركض باوعت الباب مصبوغ للحضه خفت خاف شالت صدك ابقى وحدي دكيت الباب كم مره طلعلي شاب ماعرفه انلجم حلكي

- المن رايده

- اا عمه وجدان

- ابتسم اي تفضلي

- جريت نفس الحمد لله باوعتله موجوده

- اي موجوده فوتي منو انتي يباوعلي عاكد حاجبه

- اني بت اخوها

- ها عبالي ماعدهم احد

- انت منو

- اني اخو جنتها هاي الكيه عليج

- ها -- انداريت عزه بعيني نسيته شكرا عمو رحمه الله والديك مراح انساك بدعائي

- هاي هي عمي لكيتيهم

- اي عمو شكرا الله وياك

- هله بيج الله يستر عليج بنيتي

- حرك الرجال السياره وراح رجعت فتت لبيت عمتي  اتصفن ماكو احد بالبيت بس جنتها سلمت عليها عرفت عن روحي واخوها صافن --- لعد وين عمه

- هسه تجي رايحه للقرايه

- ها

- انتي بت علي اخوها

- اي

- مو جنتو بسوريا

- اي مو كتلج 

- مممم وشون جيتي لهنا

- مو --- حجيتلها كلشي ضلت تباوعني منيدكه ولا مصدكه دموعي اخوها يباوعلي نضرات اكبر من عمري سمعت دكه باب وكفت دخلت عمتي بلهفه -- وينها منيه بت اخويه شلون صفنت بوجهي دقايق وراها تقدمت

- علي وين

- مااعرف بجيت نصيت

- شونً متعرفين احجييي مات

- والله عمه ماادري صار طلق واختفو همه والسياره ضليت ابجي كعدت بالكع وتلطم شالت التلفون مدري المن خابرت باوعتلي روحي ارتاحي انتي روحي اوف ربي لاحول ولا قوه الا بالله طببتني جنتها بغرفه بيها فراش وبيها دواليب حديد٢ وثلاجه قديمه تمددت عالفراش بس خايفه وره شوي سمعت صياحها وي جنتها اني كعدت بقيت اتصنت

- وديها اي مكان شنو تبقى هنا دار ايتام شي

- وين تروح

- والله اني مااصرف على غربه مو كافي لكمتج وابنج عطال بطال سكط والله لو مو ولدي زغار وماريد احرمهم منه جان عفتلج البيج وطلعت

- يمه يتيمه خطيه

- شعليه اني هم يتيمه

- بقيت صافنه بله اني شكو بقيت عايشه وين راح اولي ----

- يتبع

#الشيطان_بايادي_رحيمه

للكاتبه مريم السعدي

ج 2

كملت حجي وصارت صنطه بقيت اتصفن كلما تاخذني الصفنه اتذكر الموقف صوت الرصاص واختفائهم الغريب وبغمضه عيني اتذكر نهر الليطاني ولون المس اللي تحول احمر من كثر الحثث اللي انرمت بي وكفه الشاب عالجسر والداعشي بصفه والسلاح موجه براسه باي لحضه يرمي ويشمره بالليطاني مكتف ونوبات يشمره وبعد بيه روح يصل يرفس لحد ميغوك رحمه انتي احسن من هواي ناس اني متاكده الله بقاني لسبب مذكوره  بالقران  فانتم باعيننا وماخلقنا حتى يعذبنا الله كل صفاته رحمه بعباده واني راح اوجر على كل الم امر بيه  ارجع اغمض اتذكر اهلي وطلعتنا والرعب العاش بي  ابويه وثامر والخوف الضل بي  بالطريق جنت محاسه عليه ومرتاحه بس هو جان شايل الهم وي ثامر معقوله عايشين لا ماريد اضل بامل رجعتهم  لا خليني لو ماالامل اموت وبين هذا الموقف وذاك لكيت روحي غافيه برعب كلسا افز من اشوف ضلمه وارجع انام اول ليله جانت صعبه كعدت الصبح شفتها صنطه طلعت على كيفي لكيت عمتي كاعده بالكع تثرم سبيناغ

هلو عمه

- ها يمهً كعدتي صباح الخير

- دتسوين عمه اساعدج

- لا يمه ارتاحي تعاي تريكي وسولفيلي

- اي عمه كعدت كدامها اشرتلي عالجاي والاستكان صبيتلي وكعدت بالكع حودليه فارشه وبصفها الجوله عليها الجاي طلعت خبزه من جدر الخبز ناوشتنياها وجرت من يكها كلاص جبن كريمي مااحبه بس اكلته من لاجاره ضلت تسالنب ابوج شستغل هناك يبيع اعشاب بسوك المسكف

- زين اخوتج

- هاله واحد ثانويه سامر

- والثاني بشركه الببسي بس من علكت بحلب اجه يمنا بعدين طلعنا كلنا

- ميخالف يمه وكلي الله يمه اني محمد ابني مريض بالكله فشل عده ومرته هي التصرف  صح هو بيتي بس هي تصوف علينا هي ام البيت وشتكول يتنفذ انتي هالكم يوم شتحجي لاتهتمين  طببي منا طلعي منا

- اي عمه نصيت راسي كملت اكل وكمت شلت الغراض اباوع البيت وصخ بمعني الكلمه بحيث جوه الطباخ حيل وصخ ً عبالك لاستيك الدهن الجام وصخ البردات كله وصخ --- عمه منو ينضف

- منو ينضف يمه نوبات اني والجمعه هي فوكاني تعبانه خطيه

- ها الله يساعدها

- هسه انتي هنا ويايه بالبيت حتى متضلين بس تبجين وتفكرين البارحه الليل كله اسمعج تونين

- نصيت راسي خاله مو هينه

- ميخالف يمه هذا امر الله  واحنا بهالدنيا مخيرين ومسيرين وانتي ايدج بالبيت حتى متفك حلكها وتحجي والله دنيا جانت تخاف من محمد خوفه الحيه من تسكط ليهسه ماضلتله كلمه الله يرفع ناس ويهبط ناس كلها بيد ربج كومي يمه كومي اني رايحه بيت ام اركان جيرانننا اشوف شسوت عالنفط استلمو لا

- ليش

ليش ينطوكم نفط

- اي عالبطايق هالفتافيت من هالكومه خيرات يتصدقون بيها عالشعب

- الله يهديهم

- ايييي عفيه يمه عفيه احسن دعوه يله في امان الله ساعه ساعتين وجايه هاي الغده علىً نار هاديه شوفي انتي شتكدرين تسوين شغل مالح عليج اني

- اي عمه طلعت عمتي واني منين مادير وجهي زباله ودبك بلشت بالمطبخ الكاىنترات جلفتهن وحجي ماما براسي  الشغل ميتعب التفكير يتعب المفاكره تتعب الشغل راحه ورياضه للبدن اجلف واتذكر من جانت تحجيلي القصص  والامثالدجانت امي مدرسه بالفعل اباوع روحي كملت الكاونتر بسهوله والوكت مشه بسع تنهدت ربي عينني على قضاءك باوعت لبردات الهول مسينه شلعتهن وخليتها بالغساله وفريتها اندار الكه الحمام وصخ كلش رشيت شعدي منضف وكعدت اجلف طلعت قهري بالشغل منين مادير وجهي انضف ماالكه روحي الا وصلت لباب البيت والبيت غده مرايه من اباوع على تنضيفي كلبي يبرد طبيت بدلت من هدومً عمتي دشداشه تخرب ضحك عليه علكت البردات طبت عمتي ضلت فاتحه حلكها وتتبسم باوعتلي انتي جيتينا رحمه وهاي سهى هسه تكيف بيج  كعدت كدامي هسه يله انتبهت عليها التجاعيد ماليه وجهها والسمنه اخذت من عمرها العافيه بالكوه  تمشي وتنهد فتت اتمدد من تمددت حسيت بالتعب غفيت راسن وهالمره براحه كعدت على صوت سهى تحاجي عمتي

- عمه شبسع خلص المسواك ذاك اليومً تسوكت

- يمه ول يرحون ويجون عالثلاجه

- لا بت اخوج بس تاكل

- يمه توها يومين يمنه

- عمه شوفيلج جاره اني مااكدر اصرف عالبيت كله تزوجيها هاي اني مالي دخل

- مو دتساعدني بالبيت شوفي البيت شون صار يلمع على ايدها

- عمه ماعدي شسوي راتبي ميكفي

- هسه هي نفر راح تفرق هي شماكله خطيه

- ياعيني مااعرف والله شوفيلج جاره

- رحمه- بقيت ابجي واسمع وين اروح نخيت الله ورسوله تذكرت السي ه زينب شويه من صبرج سيدتي مااتحمل ذله مر الاسبوع من تجي سهى افوت للغرفه محمد بس متمدد فوكً وينام خطيه وولد سهى بالمدارس دوامهم بس ضهري نادرا ماشوفهم  ومن تجي بس تحجي عمتي تعبت خلص  اسبوع ثاني عمتي كالتلي يمه لازم تشتغلين

- ششتغل عمه كلشي مااعرف اسوي

- اي شي مربيه خدامه

- صفنت خدامه!والله وكت بت علي خدامه كلتها بداخلي دمعه عيني نصيت راسي

- يمه لو بيدي اخليج حتى بلمدرسه ترجعين بس مااكدر هاي موتتني البارحه مانمت من وجع كلبي لان مجابت الادويه تكولي خلصت فلوسي فاتحتلي ميتم

- اي عمه اشتغل ميخالف ولا يهمج

- هسه اروح لامً اركان اشوف بلكن احد محتاج شي

- خوش عمه

- طلعت عمتي وره ساعه جتي جنت توني مكمله شغل وكاعده كالت كومي لبسي يمه

وين

لكينالج-

-  بيت وتدارين رجال جبير بالعمر

- صدك عمه زين خاف مااعرف ويموت

لا يمه عدهم خدامه ثانيه تعلمج دمشي يمه

- لبست نفس هدومي الجيت بيها من سوريا وطلعت وياها  رحنا لبيت ام اركان ضلت تباوعلي المره تبشبشت وي عمتي وطلعنا وكفنا تكسي كالت ان اركان لحي القضاه وصعدنا اباىع عالبيوت بيهن حلوه وبيهن خرابه والشوارع هم بيها حلوه وبيها كاضيه دخان هنا واصل للسما هاي شكو صاحت ام اركان ابو التكسي رد ببرود انفجار والله صارت عاديه السالفه شكلها واني الليل كله انوح الله يساعد كل طفل يتيتم وكفنا يم شارع كالتله ام اركان اوكف يمه هنا اندارت على عمتي ام محمد شايله فلوس لو احاسب

ها اي اي شايله

طلعت عمتي فلوس ونطتها للسايق وباوعتلي  خجلت هي كوه مدبرتها نزلنا تمشينا الفرع يخبل وصلنا لبيت جبير بس مبين عليه جديد بس ايدهم مو بيه دكت الباب امراركان فتحت وحده سمينه وجثيثه لابسه صدريه مال مواعين  --- ها امً اركان هله هله بيجً تفضلو

حبيبه ام عيسى هاي البنيه الكتلج عليها

ها اي زين تعاي فوتي ماما

رحمه- جانت مبينه عليها من ذنه القاسيات بالبدايه خفت كعدنا بمطبخ البيت  بيه قنفات صغار البيت جان نضيف والمره دتسوي كبب تذكرت ماما

باعي امي هذا الشايب مريض وبي زهايمر والحاجتين جواه بناته موضفات واني مابيه بعد كالو شوفيلج وحده وياج انتي شنو ايدج ويايه غسله  دواه علاجه تديرين بالج عليه متطلعين منرالغرفه ابد خاف يحتاج شي ياذي نوبات ميحس على روحه

- اي

- تعاي هسه  شوفي الغرفه

- جرتني من زندي باوعت بعيني زين زين قويه بقيت صافنه هاي شبيها طببتني لغرفه بيها جربايه ونايم عليها رجال شايب ومتغطي ميز بصفه وريحه الغرفه كلها مال تواليت بيها حمام داخل الغرفه اباوع بالكع يم الميز دوه مجبوب ويابس مدبك ومنا هدوم مطشره غلافات ادويه ومنا جياسه فارغه عالميز كشور فواكه يابسه الحجي هاملي كلش

- ها شكلتي وينطوج 400بالشهر بس هنا تباتين بهالغرفه والبيت مبي رجال مثل مكتلج بس بناته 2 موضفات وحده متدري عن ال2 شكو

- خوش هاهي اقبل باوعت لعمتي اي عمه ميخالف جريت نفس احسن من منيه سهى بداخلي راحت عمتي وامً اركان راسن فتحت الشبابيك هويت الغرفه فتح عينه الرجال باوعني مستغرب ابتسمت هلو عمو اني العامله الجديده

هله بنيتي

- راد يكعد عدل ركضت خليت مخده وراه ريحته مطيبه ابتعدت كال بس ساعديني افوت لاحمام واشر وايده ترجف هاي الجيس جيبي

- صار اباوعزالحيس حفاضاته نصيت راسي سويت روحي مداشوف سندته وصلنه للحمام كعد عالغربيه كال اطلعي طلعت ركض شلت فراشه بدلته ووجه المخده هم جنت ماخذه من ام عيسى جرجف وغيرته طلع كال دشداشتي البيضه جانت ها

- اي عمو هسه ركضت جبتها لبستها اله جان يرجف رجع للفراش باوعله ابتسم رجع باوعلي الله يستر عليج بنتي

- اووف ويعافيك عمو تمدد كال حبايتي

- اي عمو طينها اله وشرب المي كال شغلي التلفزيون  داره عالاخبار واني بلشت عاد نشفت الغرفه ومسحتها وهو يباوعلي ويباوع  عالتلفزيون شكو قلاقيل زايده هاي تخلصت منها كعدت ارتاح مال طيني الحبايه

- لا عمو اخذتها

- وين اكو مااخذتها طيني الحبايه

- ضليت صافنه هذا نسه باوع عمو جانت 5صارت4اخذتها انت ناسي تره  هسه حسويلك ريوك

- ها يله سويلي طلعت جبت الريوك محضرته امً عيسى جانت تراقب بهدوء وتشىف شسوي تريك الحجي ورجع نام بقيت اكلب بالكتب اللي بمكتبه بيتهم  مرتً كم يىم نفس الحاله الحجي متعب وبي زهايمر نوبات يصيح ويعيط مبلع الحبايه بس معديه الوكت كمت ادز فلوس لعمتي علمود علاجها مرت شهور بناته نوبات اشوفهم دقايق ويرحون بس خطيه لو ينطوني هدوم ميريدوها لو احذبه وجنط مره وحده منهم طلبت مني انصف غرفتها وطتني فلوس يعني مرت 6شهور علاقتي بام عيسى فوك الزينه بيت عمتي كمت ماروح ولا اكدر اطلع من البيت الحجي مينعاف  ومرت الايام صار 7شهور اني يمهم لحد ما صبحت بيوم لكيته ميت صدك تاذيت  ركض بنته فحصته كالت ميت فرغ فراشه الحجي بقيت صافنه كمل العزه والبنات قررو يبيعون البيت بيومها كلولي  لو نكدر جان اخذناج بس احنا حنفصل كلمن ببيت  حرجع لبيت عمتي لنفس الرنه رجعت بس عدي فلوس كمت اشارك سهى  بالمصرف بس الله يستر من تخلص حاجيت ام اركان تشوفلي شغل لحدما جاني تلفون من ام عيسى ---

- الو هلو رحومه شونج

- هلو خاله مشتاقين

- والله احنا هم شونكم شخبارج

- زينه عايشه وانتي بالي يمج اشتغلتي لا

- اي والله اشتغلت وي بت عمتي لان هي بطلت واني بمكانها صار شهرين

- ها بلكن تلكيلي وياج

- هو اني خابرتج علمود هالسالفه باعي محتاجين عاملات واني اعرف  شغلج  شونه بس سنو المكان عماره ومتعبه 20شقه  وبس5بنات يعني كل بنيه عليها 4شقق وهالمكان سوي متحجين لاحد لازم وتوقعين عقد ىهاي متطلعين لحد ما تكمل 3سنين

- شنو هاي وين هذا

- مااكدر احجي اكولها سري

- شيسولي يعني

- يقتلوج خاتون

- والله يسوون فضل وروح الغوالي ههههههاي

- ديله لعد باجر امرلج انتضريني براس اجي بسياره العماره

- خوش انتضرج اني بصايتج ام عيسى

- ماشي ماشي الله وياج

- يتبع

ا2

#شيطان_بايادي_رحيمه

الجزء3

ثاني يوم كملت شغلي وطلعت عالموعد وصلت راس الشارع بنفس الوكت انتضرت شوي وكفت سياره عاليه يمي درت وجهي صاحت صعدي رحومه

- ها ام عيسى منيلك هالسياره طكيتي لا وكاعده ليوره عساس سايقج

- هههه ولج هاي سياره العماره صعدي لتضلين تلغين

- صعدت كعدت ليوره يمها اباوع السايق مناضره ولبسه تكول مال علم دار اسود وباسود كلشي محجه كعدت يمعا اشرتلي اش وصلنا للسوك

- تعاي ويايه نتسوك اني المسووله عن المطبخ

- امشي عيني امشي نزلنا شفتها تتسوكً من كلشي 10كيلو انصدمت دتسوين عزيمه

- سكتي لتحجين تسوكت كومه خلو المسواك بالسياره انترست ترس وصعدنا كوه ساكته الفضول كتلتي وصلنا بنايه (لاول مره مراح اذكر مناطق عذروني) عاليه كلش طبينا بفرع شفتها ضليت صافنه وهالفرع نضل نمشي كوومه كلها حدايق داير مداير البنايه ومليانه حرس وجلاب بوليسيه بقيت صافنه فتحونا بوابه جبيره وطبت السياره ومن البوابه للطرمه مال البنايه لييييلمطبخ الجان كلش جبير اخاف حتى انزل بحياتي مشايفه هيج ترف حتى بيوت ماكو غير يمكن بصف البنايه بيت زغير حلو جنه كوخ وهم يمكن ملحق للحراس البنايه اشبه بمدينه كامله الهم كلها خضار وزرع واشجار تحيط بالحدايق مالتها اشجار عاليه تحوط سور الحديقه بقيت اتفرج انتبهت اكو 4بوب للبنايهً كل باب على فرع رفعت راسي عاليه حيل يعني اكو هيج بناء هنا اباوع عالحديقه بيها تقريبا 15فلاح اح واحد من الحرس جثيث

- يبنيه فوتي لتضلين بالحديقه عدنا ضيوف

- ها اني

- لعد امي طبي وي ام عيسى انتي العامله الجديده مو

- ها

- يبووو من هسه ذابته ثول فوتي ابويه فوتي

- بقيت صافنه علي اكرع وطويل وجثيث ولابس قاط اسود دونً رباط والجلب بصفه منين مادير وجهي كامرات دخت حسيت ايد جرتني انداريت فازه ام عيسى

- تعاي شعدج بره من اول يوم تنطردين

- خاله وين جايبتني ببرج خليفه

- خههههه لا ولج هاي الجنه تعاي تعاي افهمج

- فهميني جرتني للمطبخ بقيت اتلفت شكو جهاز بالتلفزيون شايفته جايبيه هنا شنو السالفه

- باعي رحومه هذا المطبخ هاي هنا المنور

- هذا منور خاله هذا فرع شارع رءءيسي

- بعدج ششايفه تعاي

- هذا الطابق كله النا باعي هنا هاي 6غرف وحده بصف الثانيه هاي للعاملات كلمن الها وحده

- طبيت للغرف عبالك مال فندق نضيفه وكل وحده بيها ديلاب ابو بابتين ومرايه وجربايه نفر وحمام صغير وبلازما وتلفون ارضي افتر راسي صدك جذب رجعت باوعتلها اني وين

- سكتي لتحجين باعي هاي المصاعد تصعدج عالشقق فوك ومنا

- باوعت على شي حاكيه بالحايط اشرت عليها

- ومنا تعرفين ياشقه فارغه تصعدين تكربيها وبعدين نخصص ياشقه عليج وياشقه عالبنات خلي ينزلون وتتعرفين عليهم

- اي

- ومن نفس الحاكيه تعرفين شيردون خاف يطلبون شي شاتي هاي ساسي الهنديه تصعد الاكل ممنوع احد يصعد وكت جيه الضيوف ومن يدخل ضيف يشتغل ضوه احمر هنا ومن فارغه يشتغل الاخضر مثل اشارات المرور احمر واخضر

- ها اي اغمض عيني وافتحها مداصدك اكو هيج

- زين هسه فهمت

- باعي هاي غرفه الغسالات بيها 5غسالات ضخمه اوتوماتك الهدوم تنشر بالمنور وتنشال ثاني يوم وساسي تكوي

- ماشي بلهت ريك احاول اركز وي كل كلمه --- بعدً

- وهاهي هاي هنا مواد التنضيف والمواسح والفوط

- خوش

- وهنا البرادات مال الاكل انتي مو مسووله عن الاكل هاي شغلتي

- اي زين اني مسووله عن اربع شقق

- اي هسه خلي البنات ينزلن ونتفاهم بالتقسيم

- اوك بقيت افر براسي زين هاي مالمن البنايه

- اهااااا هنا بعد تخاربنا اي سوال مامو عليح بشغلج وراتبج كل 1بالشهر يوصلج

- شكد

- 4اوراق

- هلوو مو قليله 4شقق

- والله كيفج اكل زين ونوبات حوافز مكان جنه وعطله بالاسبوع لا والله بلاش اذا قبلتي حتى نكوللهم

- خوش هاهي كوليلهم قبلت المكان عجبني بس بقت خوفه والمريت بي كتل شكو خوف عدي كمت مااهتم بس بقه الفضول كاتلني اختاريت غرفه تطل عالحديقه كلش حلوه افتح شباك يصير كدامي ياس والريحه تجنن جريت نفس هي صح خدامه بس يمكن اكدر اصير شي هنا يمكن يصيرلي مجال اقره مااعرف شمكتوب لي صاحت ام عيسى تعاي رحمه اجه سكرتير المحامي

- عكدت حاجبي سكرتير المحامي شعده جيت طلعت من الغرفه امو صاله حبيره كلش جان كاعد بيها شاب موتب وبيده جنطه باوعني ببرود ونزل راسه كال

- هاي العقد وبي كل الشروط اذا قبلتي دنبلش وتوقعين

- اي لزمت العقد بيه كومه شروط منها تضحك مثلا بعد الساعه الثامنه ممنوع الخروح الى منتزه البنايه ووالثاني عدم الاسئله او استفسار واستجواب عن البنايه وغيره ترتيب وتنضيف باتقان والا الخصم وكل غلط مخالفه يطير الراتب ربعه بس شي سطرني العقد لازم 3سنين واذا تزوجت او بطلت ادفع 4ملايين دينار عراقي بقيت صافنه كاتبين ليجوه يحقلي عطله بالاسبوع بس تكون عكس عطل بقيه الخدم ومن الشروط ميقل عمر العامله عن 17وميزيد عن ال20 والاستيقاظ من ال5فجرا وعدم السهر لل8تنطفي كل الاضاءه بالبنايه والاجهزه المرئيه يعني التلفزيونات شنو اني بسجن بس عادي تقبلت من لاجاره ترددت بالتوقيع تالي وقعت واني اباوع لام عيسو ونضرات التشجيع بعينها اخذ الشاب الاوراق وسلمتي4اوراق راسن باوعلي اي مخالفه تره تنخصم من الراتب الجديدهزيت راسي ماشي --- اي كلمه وي الحراس غرامه --- ماشي --- ساسي بس تطلع تودي الاكل

- ماشي

- واي ضيف يجي ممنوع وحده من العاملات تطلع هاي معروفه خو

- ماشي ماشي

- هاهي ماعدي اي ملاحضات لبسكم يكون تفصال لبس هدم خاص وفقط ام عيسى عالمطبخ والتغذيه

- ام عيسى- هاهي فهمت

- يله اترخص ممحتاجه شي سوال استفسار

- لا استاذ هاي هيه

- ها صدك قبل لا انسىً اي احد من الاهل ميوصل للبنايه ممنوع

- فهمت كلشي

- يله رقمي يم ام عيسى اي شي تحتاجو تخابرون وفقط كرار ينحجي ويا يحتاج اعيد

- لالا فهمنا

- رحمه- طلع السكرتير بقيت صافنه شهالامكانيه الموجوده الراتب الجديدهزيت راسي ماشي

راح وكعدت يم ام عيسى واحد بس يطب ويطلع للبنايه من الحراس وهو كرار نفسه الصاح بيه وكال فوتي حوه ---الحراس كلهم بره عالكامرات وبيهم فوك السطح كم واحد --- ام عيسى يصير واحد يفتر

كعدي ممنوع يمعوده

خوش كعدت نزلت بنيه تطلع بكدي بالعمر باوعتلي وباوعت لام عيسى --- هاي رحمه مو

اي هاي

هلاوً

هله بيج

اني دعاء عامله وياج

هله بيج اني رحمه

حبيبتي من الاخير شقه 13و14و15و20الي

ها ماشي

ام عيسى- خو انتي وين ماكو شقه سكانها نضيفين تكيفين عليها

والله اني اختاريت اول

يله خاله هاهي كيفها باوعت المصعد نزل هاي وحده ثانيه لا والله 2 طبو -- ها جتي العامله هلاو اني سجى واني شمس -- وحده منهم محجت شي مبينه معقده اشرتلي شمس مخبله ابتسمتلي شمس رجعت الابتسامه تحاجينا اتقت اول 4شقق الي والوراها سجى وراها الخبله رنا وراها دعاء عالضوه الاخضر التفرغ نصعد عرفت انه ساكنين الشقه مريه وحده البنات يشتغلون قبلي بشهور بس الخبله قبلنا بسنه حجايه منا حجايه منا تعرفت عليهم عرفت منهم ساكتين الشقق ذوي النفوذ مو عاديين يعني وميندلون للمطبخ ابد ساسي تصعده الهم واكو مصاعد تطلعهم ليبره غير مصعد الخدم يعني كانما فندق 5نجوم دكت الحاكيه --- ام عيسى ام عيسى صعديلي الغده نفرين

صار ست زهره

باوعت شو نفرين

شششش لتتدخلين شون ويدالفضوليه اني

هاها يله سكتت

- - الضوء الاخضر صاحت ام عيسى

- يله رحومه شققج هاي

- اي خاله كمزت متشوقه اريد اشوف الشقق صعدت وي الغراض مال تنضيف كل طابق بيه 3شقق طبيت للشقه تخبل الكاع مرمر ونص الحايط سيراميك البردات حمر واول ماطب بردات خرز الوان حلوه كلش اول ماادخل ممر بي طول وراها هول صغير قنفاته موديلاتها تخبل كولها دزاينات غرفه النوم عبالك مال الافلام تفاجات الحمام بي جاكوزي صغير نضفت واني صافنه بالبيت طلعت وحده من الحمام بالمنشف--- هلاوو

- ههلاو عيني

- انتي العامله الجديده شنو اسمج

- ااني رحمه

- اوك رحمه خلصتي الغرفه تنضيفها حفوت ابدل

- اي اي ست كملت تفضلي

- الله عاشت ايدج

- ابتسمت طلعت عالهول نضفته لكيت هدوم مال رجال لملمت واني دايخه بالسالفه ليش هالاضويه والسريه والتحفظ نضفت المطبخ مبي وصخ بس صينيه الاكل لملمت وكملت باقل الساعه طلعت عالشقه اللخ جانت نفس الفصال كله نفس الشي بس الرقم والباب يختلف كملت للعصر نزلت جوه بمصعد الخدم لكيت ام عيسى مخليه طاوه شكبرها دتسوي عشا وياها ساسي وصمون يكفي عشيره كامت تسوي لفات وتخلي بالصواني بقيت كاعده بعدما بدلت هدومي ويمي من هالصفحه سجى ومن هالصفحه رنا الخبله كمت ساعدت ام عيسى ساسي--- لالا عوف انت اكعد ممنوع تتعاقب--- شبيها هاي

- كعدي يمه كعدي هسه نتعاقب

- كيفكم كعدت نضفت الكاونترات وراهم صاحت كررار

- جيت حجيه

- طب كرار اخذ اللفات عثر بوصله المسح ركضت سجى وياه لملمت اللفات باوعلها هز راسه عوفيها اخذ الصواني وطلع باوعت لسجى ضلت تباوعله وتجر حسره شكلها معجبه بي مرت الايام واحنا بنفس الحاله انضف وانزل مر اسبوع واني لباب المطبخ ممنوعه الطلعه لحد ما فد يوم اختنكت طبيت على سجى لغرفتها وسديت الباب طبعا هالشي ممنوع بس طكت روحي -- ها رحمه شبيج

- باعي اريد احجي اختنكت

- تعاي تعاي كعدي

- هاف يغرمونا

- لالا غلسي كعدي كعدت عالجربايه وكعدت كدامها سولفيلي شنو سالفه البنايه شو البنات الفوك يشكن شك ولل8بعد ممنوع الصعده حتى لو الضوه اخضر الا اذا نادو ساسي والبيبان تتقفل علينا شكو وين طابين معتقل

- ولج مو هاي شروط الشيطان

- الشيطان الشيطان منو بعد

- الشيطان صاحب البنايه

- ها هو اسمه هيج

- اي ههههه هو شيطان حتى الحرس يسمو شيطان

- انتي شايفته

- محد شايفه داد

- زين وينه

- مااعرف يكولون الشيطان بكل مكان يمكن يراقبنا من الكامرات الموجوده بكل مكان

- يايمه زين شنو منو ساكن فوك

- لج بابا عماره مال موزينات خاصه باصحاب النفوذ مو اي احد

- عزززززززه لطمت على وجهي لج منو كلج

- اني ودعاء مره دنفتر قبل ال8سمعت كرار هذا الحليوه الضخم

- اي عرفته

- اي يكول لام عيسى الشيطلن راح يجي ضلينا نتصنت كاللها الشيطان ميقبل واي شي توكع براسي

- بقيت فاتحه حلكي يعني هو شنو موجود بنفس البنايه

- لالا مستحيل اني صارلي 7شهور من انضف ابحوش ماالكه احد غير الصاكات بس اليجون طاكين كلش لان من يطلعًون واصعد انضف الشقق تعاي شوفي الهدايه والملابس يجيبوها كلها راقيه ونوبات ذهب اشوف الوصولات عالميز ونوبات لعبان نفس شرب وعابسوالف ونوبات نسمع صياح وحده من البات يركضون الحرس طبعا احنا وره ال8المصاعد تقفل محد يكدر يصعد فوك من الطابق الخدمي

- اهااا يعني احنا مراقبين

- مااعرف بس هو اكو بره كابينات مراقبه بس بعالطابق لا مااتصور بس ساسي وام عيسى واكو وحده بالمطبخ

- ها

-

-

-

#شيطان _بايادي _رحيمه

4

مريم السعدي

بقيت صافنه

- اكولج كومي تكلبي وروحي لغرفتج اروح انسحل  واتغرم ورايه علاج امي

- لا امج مريضه

- اي والله تنهدت

- شبيها خطيه

- سكر والله وضهرها روماتزم ومتكدر تمشي يعني من كلشي شوي

- خطيه الله يساعدها

- تسلمين وانتي امج وين

- اني والله ماادري جريت نفس

-

- شنو لقيطه بقيت صافنه

- باعي سدي الموضوع اووف عوفينه مو دنقشب عالشيطان

- كومي بابا كومي اروح احلم بي

- هههههه ناقصه جنون وشياطين مو كافي الخبال البي

- ههه يله تصبحين على خير

- باي دعو

- ههه هلو رحومه

- طبيت للغرفه صافنه شنو هالشيطان فتحت البرده الشباك علحديقه فتحت الشباك قضبان اكو بس بيها مجال مددت راسي بين القضبان طب راسي ههه طببت جسمي والله طلع اباوع عالحديقه طلعت من الشباك مشيت خطوتين والثالثه لطشت بالحايط لان كامرات عالواير الرئيسي تمشيت لكيت مثل اليساوي  من الياس العالي اخضر وريحته تخبل الفرق بين خط وخط  بعد نص متر وطول اليساوي 4امتار اذا خلص  اليساوي اطب بنص الحديقه واحتمال انلمح من الكامره واتعاقب  كعدت عالحشيش اباوع عالكمر شكد حلو كعدت بالكع حسيت بالحشيش بارد ورطب شلت رجلي خليت جف رجلي عالياس الكبالي وانتجيت عالياس  الورايه  شون حلو بين احضان الطبيعه هههه البروده البضهري وبين اصابع رجلي كمت ابتسم رفعت راسي اباوع عالسما النجوم متقاربات تذكرت اهلي لمتنا عالسفره وكعدتنا سوه الصبح من نروح للدوام رجعت دموعي تواسيني حسيت روحي ارتاحيت اكثر من الجوه اختنكت المسافه البين هط الياس والخط الثاني نص متره  واني كلعده بنهايه اليساوي يعني اذا طلعت منه  كم خطوه اوصل لشباك غرفتي ولازم اكمل اليساوي كله يله اطلع عالحديقه الجبيره ثيله خضره وبالسياج كله اشجار برتقال عاليه بقيت اتفرج كمت اغفي بس مديهلي اطب بالغرفه شفت شاب يتمشى ويتنهد بقيت بمكاني اكيد واحد من الحرس متحركت هاف يلمحني تقدم خطوتين وكف ورد رجع مد راسه ليوره ضل صافن باوعتله  مااعرف وين اودي وجهي ضل يركز كتف ايده ضل يباوع كمت مااعرف وين اودي وجهي كلت انلاصت وتغرمت  كال

- انتي  منو شون  طبيتي مدري طلعتي  همس صافن بس صوته خشن واجش شكله من بعيد  ملامحه قاسيه 

- نصيت عضيت شفتي تقدم يتلفت ويباوع يمنه ويسره انتي منو همس

- اني هنا عامله 

- الباب مقفول شون طلعتي قبل ليقفلًو صار شكد بره تفترين

- ضل يراقب يمنه ويسره متفاجا نضرته باعصاب

- لالا توني طلعت

- اي شون طلعتي فهميني

- سكتت ودرت وجهي ماريد اكوله -

- متحجين شبيج انلصمتي انتي منين

- انت شعليك يله روح

- تردين تتغرمين شوكت بلشتي عمل

- اني صار 10ايام

- ها وتردين تتعاقبين من هسه

- اذا حجيت انت هم تتعاقب

- ها

- صفن بوجهي مستغرب عاكد حاجبه

- مو ممنوع الحراس يحجون ويزالعاملات وممنوع  حتى يفوتون لداخل حديقه البنايه بقه صافن بوجي كتف ايده

- اذا حجيت اني هم احجي اكولهم اعرفه واسولف وياه كل يوم هز راسه زين كومي فوتي داشوف شون طلعتي

- روح واني افوت عود

- منين تفوتين الباب ممقفوله لزمت التفون اخابر كرار صاحت لا راح افوت --- يله روحي

- روح انت اول واني اطب راسن

- ضليت اباوع مستغرب منين حتفوت اكو مكان فايتنا واني ماادري بيه كمت امشي واتلفت ورايه هي تباوع بقيت امشي مدرت وجهي انداريت ملكيتها عجيب رجعت لليساوي مال ياس اباوع ماكو ولا الها اي اثر للحضه فكرت انها من الجن او الملائكه عدها قدره اختفاء وضهور يمكن مقنع اكثر من وجودها وعدمه والبيبان مقفله انسطرت ورجعت بنضره  مراقب خاف احد يلمحني-----&&&&&&&&&&&&&&&&&&&&&&&&&&&&&&&&&&&&&&& قبل عشر سنين من اليوم

- يابه اني احبها

- ابويه مو ثوبنا من يومنا واحنا مستقلين مو كدهم

- اشتري بفلوسنا يابه اني وحيدك اذا راحت من ايدي تره تطلع جنازتي من البيت

- بابا لتحرك كلبي الاب ميقبل  وكام يهدد والله يودينا وره الشمس

- يطبه طوب والله لو اعرف ابوكها

- يابه تعال تعال ولك بابا هاي سوالف المراهقين تاذيني وتاذي خواتك غضنفرررر يابه لا اله الا الله عالولد حيموتني كله من ومن دلالج

- ام غضنفر - اني ربيت 5بنات   وزوجتهم طلعت  مااعرف اربي 

- اي دللتي تربيه الولد تختلف عن البنيه-----

- اني غضنفر من اهالي الجادريه وحيد اهلي على خمس بنات الصغير بالتعداد بين خواتي الوالد يمتلك اكبر معمل قماصل جلديه بالشرق الاوسط  ميريد يطلع من العراق رغم كل الحاحنا عليه لان ميتحمل الغربه يحب بين اهله وناسه   بالنسبه الي  طلباتي منقذه بدون تردد ارقى سياره عدي واني الاصرف على جماعتي   مكمل 2كليه  هندسه حاسبات وكمت ارسب من الصياعه  اروح جامعه بس علمود الونسه لاشغله ولاعمله بيومً من الايام حبيت بنيه كلش حلوه واستمرينا بعلاقه بذاك الوكت على الارضي صارت طبه وطلعه حبيتها حيل وعشقتها  عرفت انه والدها مستشار من مستشارات صدام بذاك الوكت  تقدمت كم مره وابوها يرفض واني وحيد اهلي ومدلل مستحيل لاريده ميصير البنيه ايست من ابوها تركتني تخبلت اكثر مخليت مكان ملحكتها بي ووالدي يركض ورايه خايف من ابوها قرر يسفرني انهزمت من البيت ومحد يدري بيه وين ماوين بقيت بيت صديقي  والحك وراها تدمرت لحد ماعرفت من صديقتها انه راح تتزوج رحت لابوها للبيت اهدد كلي حجايتين

- بابا اهلك يردوك لو اتصرف شكلك بايع روحك

- عمي اني رايدها وراح اموت

- موت لعد

- تره مستحيل تصير لغيري

- مو كيفك

- يعني متقنع

- وانت متخاف على روحك

- لا ماخاف بس من الخلقني

- والخلقك مخلقلك عقل تفكر بي اقلها ينذرك ويكولك اني منو

- اعرفك بس اعرف الله اكبر منك

- امشي اطلع بره حراس طلعوووووو

- سحلوني بره  واني ادفر وارفس واحد من الحراس كال يمعود لتتقارش كده انت

- اني اكبررر منه

- ولك اسكت بابا انت مخبل والله مخبل اصحى لروحك تره راح تنكرط

- اموت  وماعوفها

- كيفك لعد

- طلعت اكمز رجعت لبيت ابويه كسرت البيت امي وخواتي يركضون ورايه يبجون ابويه بس صافن عليه  خايف اني تهسترت واتخيل غيري يلزمها ردت اموت بايامها وره كم يوم عرفت اليوم مهرها وجانت متمرضه ووالدها ممهتم انسحلت روحي سحل اخذت سلاح وركضت لبيتهم الحراس بس شافوني كمزو عليه جروني نهزمت اني كمت ارمي عالبيت حسيت فد شي مثل الجيس تغطى بوجهي وبعدمحسيت وره فتره حسيت روحي بمكان ريحته مطيبه فتحت لكيت نفسي بسجن بي بال50نفر ومساحته ب15متر كوه متحاشكين واحد بصف اللخ عطشان حيل من صحيت كامو يحجون كلهم

- يابه صحه صحه عالخير وضلو يضحكون ودوي حجي كومه راسي انترس حجي  عرفت روحي انسجنت مجنت خايف ابد  على ابو شنو التهمه  واني ممسوي شي بس اتضح انه كلشي بيدهم فتره ايام وبده التعذيب حسبوني وي المقاومه اكلت كتل بس الله يعلم بي لا اهلي يدورن بيه وين ولا اني اعرف وين ياهو البسجن  الاسئله اكوله وين احنا يكولي شالوني من فلان مكان وبعد محسيت كانت الحرب عالابىاب  2002 وره التعذيب جسمي يتجرح يرشون علينه ملح والليل كله يحرك بينا عطش جوع تدمرت واني المدلل طلع الدلال من عيني كرهت حتى الحبيتها طولت بالسجن سنه بس اكلت تعذيب كبرني عشر سنين اخذت عهد على نفسي مالي علاقه باحد بعد وزمره صدام مااكربلها جان همي اهلي وين همه وليش ميسالونً عني كرهت حياتي طلعونا الامريكان بعد تعذيب منهم ومن حكومتنه القديمه طلعت واني عايف دلالي ونفسي الترفه بين حيطان السجن تركت اخر ضحكه واخر ضحكه دلال تغيرت جنت متفاجا ومستغرب عاللي شفته بين قضبان السجن من قساوه كلب مشايفها بحياتي ناس تشوف بشر تتعذب ومتنهزلها شعره جنت متفاجا اكثر من المي جان عدي القتل اسهل بهواي من الشفته تحولت لانسان خالي من المشاعر طلعت من السجن وراسن رحت لمنطقتي جنت متوقع اشوف اهلي من وصلت لكيته فارغ ومعروض للبيع بقيت افر براسي ماعدي غير جيراني اسال عليهم عدهم من شافوني انصدموا كالو ابوك مات وامك بالمستشفى خواتك كلمن ببيت تقسم الورث وبقو بس هالبيت وهسه امك بالمستشفى بين الحياه والموت كلشي بيه مات اتذكر صرخه والدي وتوسله بيه اترك الموضوع  ركضت للمستشفى لكيت خواتي ملتمات اشتغل الصريخ من شافوني ولكم عايش اني شبيكم هياني --جانو ممصدكين اني عايش اللي تشم بي واللي تحضن وتبجي  بقيت صافن امي وين كالو جوه بالعنايه طببوني بالمشافعات  الها اخر نضره نضرتلي فتحت عينها كلها شهكت وراحت لربها امي ودعتني باخر نضره الها بهالدنيا راحت امي من وره قهري وره شهر كعدنا وكالو نتنازل عن حصتك وحده من اختي كالت اتنازل عن حصتي ابويه جان صاحب ملكيه جباره لدرجه الجادريه جانت ربعها باسمه من غير بالمحافضات مكدرت ابقه دقيقه بمنطقتي المنطقه كامت تاكل بيه اهلي راحو من وراي ابويه وامي خواتي شالو حقد  بقيت بفتره سنه بعدها بالعراق كامو يبيعون كيعان اشتريت جنت افكر ابني فندق  بعدها جتني فكره اسوي هيج عماره جان تفاصيلها

- يتبع

-  

-

-

-

-

- [ ]

#شيطان_بايادي_رحيمه

5

مريم السعدي

جان بنيتي اسويها فد شي راقي ردت  تحويله  خرافيه لوضعي اشتغل مثل اليشتغلون انبنت العماره ودخلت  بيها تفاصيل تسطر عدي ولد صديقي محامي خليته جوه ايدي عمر المحامي اتفقت وياه بكلشي جان بالبدابه متخوف بس من سمع اللي راح يجي من مبالغ ماليه  تردد بعدها وافق ___

عمر اريد كلشي بالقانون ماريد اي مستمسك كله بالقانون

- بسيطه ماشي شنو التريده

- ردت بنات حلوات حيل ماعدهم احد يعيلهم خط الفقر هو الحيوصلهم لهالمسار واريد بنات همه الناوين  هالشي هي تريد تشتغل هالشغله مهزومه يتيمه

- خوش

- حيكون زواج عرفي مو هيج ومو اي احد وشرط البنيه تكون عذراء سجلها لهاي الفقره

- ماشي

- عمر اريد اعلان مبهر عالعماره بين صحبانك اليشتغلون وي اصحاب النفوذ وين ماكو طاك تكوله شون بنات بالبنايه وهسه هم عاجه مال سوريات  يجون لهنا نزوح

- اي صح

- اي نكفلهم واللي راح يختارهم يتزوجها عرفي شهر بس مو اكثر وبعدها يصير طلاك

- زين شنو المقابل3000دولار شهري رفعت حاجبي كاعد رجل وافكر وانطي افكار

- ها خوش

-  يكون الدخول للبنايه وره ال8يله يجون للعماره

- ماشي

- اي سلاح اي شي ميدخل وياه حتى الحرس

- ماشي

- يكون اختيار البنات عن طريق الحاسبه يشوف صورهم بالحاسبه  ويهتار اللي يريدها

- ماشي ماشي

- واخر شي عمر اني موموجود

- شنو

- اني مو بالصوره ابد

- ها

- اي شي مو باسمي غير الكع

- ماشي  واذا سالو المن

- مالتك غير باوعتله بمكر وابتسامه مزح لهالحد تكون حريص اريدك اي شي موقانوني غير مقبول

- ماشي جريت نفس غضنفر وانت وين تكعد

- اشرت عالبيت الصغير الدينبني بصف البنايه--- هنا حتى تكون  عيني عليكم  كامرات بكل مكان واني اراقبكم

- ماشي

- كرار وياك اني مافوت للبنايه ولا الي علاقه

- ماشي

- البنات يكونون مدللات سيارت جوه ايدهم بسواقها راتب شهري 800دولار غير كل وحده الها شقتها الخاصه وماكل ومشرب

- اي فهمتك

- اي والاهل اذا موجودين  ميوصلون للبنايه واي مشكله طرد راسن والعقد يكون كل 3سنين ويخلص عقدها وتطلع من البنايه

- اوك ماشي

- سجلت كلشي

- اي

- هاهي

- هاهي

- كوم روح بلش

- ماشي

- بلشنا العمل وبده الاعلان مطلوب بنات  للعمل بمجال فني وباجور قيمه ويكونون ذو وجه جميل وجسم اجمل ميزيد عمرهن عن ال22  وعلى عنوان مكتب عمر بلشو يقدمون ونطه الاستماير عمر بيهم قبلو وبيهم رفضو وبيهم  احنا رفضناهم صار عدنا كم هاءل من المقدمات انسد التقديم وبلش العمل وفعلا بده الطلب يدخلون للموقع عن طريق الانترت ويطلبون ويتم اختيار البنات جننا نختار من بين الطالبين الافضل والاقوى نفوذ ونفضل مو صاحب المشاكل عجبت ذوي النفوذ الفكره وبده كلمن يجيب صديقه  وياه ويختار ويتزوج عرفي وشوكت ميعجبه يوم يجي ويوم لا تم طرد كم بنيه بسبب اشكالات وسرعان ما اشتغلت بمكانها الافضل والاحلى جنت مقتنع انه هالفكره سليمه حتى مدااصلمها لان زواج مو شي موزين احسن متشتغل بشي موزين وماعدها مكان تبات بي  فلوس كامت تجيني بالهبل انطي رواتب واخلي بالحساب ولا فد مره شفت البنات ولا حاجيت وحده منهم جنس النسوان شلته من بالي كمت احب الهدوء  بيتي سكنته وحدي  الخدامه مال عماره تجي كل يومين الفجريه واني نايم ساعه تنضف وتروح  جنت محتاج للوحده  بسبب الهوسه العشت بيها سنه او اكثر جنت اعشق السكون واي هوسه تدمر اعصابي بالنسبه للاكل جانت ام عيسى تجيب الاكل تخليه بالثلاجه واني من اجوع احمي اكضي اغلب وكتي بممارسه هوايتي  لو سبح لو رياضه لو تحنيط حيوانات محد فايت لبيتي او يعرفني صاحب العماره ولا حتى عمر يوصل كله بيد سكرتير المحامي  الامور اكثر شي لازمها كرار صديق السجن شغلته ويايه عرفت بي انضلم مثلي وسبع صار امور الحراسه عليه  -------&&&&&&&&&&&&&&&&&&&&&&&&

- بعد يومين رجعت افتر بحديقه العماره  الجبيره والبنيه نسيتها بس رجعت للبيت بس اكثر شي سطرني شون طلعت ومحد حس بيها وشون رجعت فاتت   ---من ماعدي شي اراقب غرفه الكامرات  --- كبر حديقه العماره تقريبا 4فدان مساحه واسعه وجبيره كانما مدينه سياحيه حبيت استثمرها بغير شي بس بعد موهسه كلشي بوكته حلو  طبيعتي ب1بليل اكوم افتر عدي باب صغير رابط بين حديقتي وحديقه البنايه يوميه اطلع وافتر واني دافترفتت من يم اليساوي اللي فتت ولمحت بي البنيه قبل يومين تعديته واذكرتها رجعت كم خطوه مديت راسي لكيتها مقرفصه حتى مااشوفها انحولت حتخبل هاي منين دتطلع بقيت صافن عليه رفعت عينها عبالها رحت شافتني موجود دارت وجهها بضجر شلت التلفون اخابر على كرار انتضار باوعتلها سديته صافن بحالتها ممهتمه رجلها عالياس  وضهرها عالياس --- انتي مفصوله

- مو كيفك جاوبت ببرود

- لعد كيفج

- لا كيف الشيطان باوعتله باستصغار

- انتي متستحين من تشوفين روحج وحدك نشاز عنهم

- ممسويه شي غلط والله

- ممم كومي فوتي اذا تردين وضيفتج

- معليك مني زين تقرب يمشي بين الياس طب باليساوي كمت راسن وكفت

- ردت اتقرب ببالي هالشي مو واقعي   منين اجتتتتتي رجعت ليوره   مهزومه مني قبل لا اوصللها بامتار وكفت مشيتي كتفت ايدي بس كوليلي منين جيتي

- روح واني اطب

- هم مثل البارحه وتختفين

- مو تريدني ابقى بالطابق الخدمي

- بقيت ساكت صافن على وجهه تحاجين بعصبيه وتحرك بروحها  شعرها يتمايل وي حركتها العصبيه وحاجبها وياها جريت نفس حتخبل

- روح يله

- علت صوتها واني ماريد بلبله والحرس يجون ويشوفوني  وحيعرفون اني مو منهم واكيد حيشكون بكوني اني الشيطان رجعت ليوره واباوع عليها بعدها التفتت مشيت تقريبا 6خطوات بهدوء التفتت ملكيتها اويل يا الله وينها هاي رجعت فتت لمنفاي هدوءي وسكون الليل راحه مابعدها راحه تمددت حتى بطيفي دخلت  شجابج بخيالي بت اللذينه هاي سر لا زم الكفه ابطلها وافضها اي ابطلها لزمت الفون دكيت على كرار رد

- الو نعم سيدي

- كرار اكو وحده من العاملات دتطلع بره

- مستحيل ماكو الباب مقفوله

- شون اني شفتها اكذب عيني

- لا سيدي العفو بس ماكو  وحده تطلع اكص رجلها

- مااعرف تبطلها من عملها شلشت تفكيري صار يومين اشوفها هاي اذا لمحها واحد من الزباين تنلاص عليها وعالزبونً والنوب تروح تطلع عفيفه ومتريد تشتغل هالشغله ويكوم يسويلها مشاكل

- لالا سيدي هسه حاخذ روكي وندور

- راحت هسه  طبت بس منين مااعرف

- صار سيدي هسه باجر اني اراقب لتشيل هم

- ماشيل هم اني اليسويلي اشكال اكطعه واخلص

-  اي سيدي تامر امر

- سديته منه كمت من البلكون المطل عالحدايق الجو طيب وريحه الواسقي والشبوي معبيه المكان جريت نفس طبيت سويت كهوه ورحت لغرفه الكامرات شغلت الكامرات الداخليه كعدت اباوع ادورها بين الخدم عجيب موموجوده بقيت امشي ماهي افتر راسي شنو هاي بخيالي معقوله حتخبل طفيت كلشي وطلعت بيتي مرتب وصغير الارضيه خشب والاثاث ناعم ابيض والمطبخ اوروبي بي كل الاجهزه البسيطه حسيت بجوع طلعت الاكل مال ام عيسى خلينه بالمايكرويف حميته وكعدت اكل بالمطبخ ميز طعام صغير اباوع عالكرسي الكدامي يجي يومً يكعد بي احد يشاركني هالهدوء لالا ماريد مستحيل اسمح بهالشي فريت راسي عالهول المفتوح عالمطبخ بنص حايط فصال غربي لاول مره بعد 4سنين اختنك بهدوئي حسيت روحي محتاج خواتي باجر ادك عليهم امر اخاف يسالوني وين جنت اكولهم جنت مسافر عفت كلشي غسلت وصعدت فوك الدرج خشب والسياج المنيوم ناعم عدي بوري بالمحجر داءما يفلت واضبه كملت الدرج باوعت عالطابق الثاني  غرفتين نوم وحمام  فتحت الغرفه اللي مانام بيها غرفه تركيه ناعمه كامله بس محد مستعملها فكرت اخذ وحده من الحسناوات اللي بالبنايه اخليها الي

- لامستحيل بعد الشفته ابد اني انتهت حياتي وهي صار عدها احلى اطفال  ونستني واني امي وابويه من ورايه ماتو النسوان ميجيبون غير وجع الراس سديت الباب بقوه وطبيت لغرفتي سديت باب البلكون بردت الغرفه تمددت فتحت اللاب توب اكلب هوايتي المفضله تحنيط حيوانات  ونحت عالخشب عدي غرفه جوه الدرج خاصه لهالشي ضليت لل3كمت اغفي طفيت ونمت  رجعت زارتني بطيف عالبنيه ام الياس شفتها بالحلم وكفت بالياس ووكفت كبالي بعد بوصات عني خلت ايدها على كلبي حسيت احساس رهيب دكه كلبي اختلفت وتسارعت ردت اباوع بعينها شفتها تبجي دم فزيت من نومي نعله الله عالشيطان هههههه اتعوذ من روحي  يمكن جنيه والله هاي رجعت نمت وايديدعلى راسي تذكرت من جانت امي تقره على راسي من اتمرض يوميه احتاجهم اكثر احتاج لللمتهم احتاج لامان ابويه لحنان امي وضحكتها  رجعت نمت واتخيل صوت امي سبحان الله من طلعت من السجن بعد مبجيت حتى من توفت القساوه اكلت وشربت ويايه  عيب امر البني ادم يتكيف وي وضعه ايا كان كعدت الصبح ام عيسى توها تطلع من بيتي ساعه 5ونص منمت غير ساعه وحده  شفت الريوك محضر مالي نفس بليل اكلت  عفته رجعت للفراش مكدرت انام شغلت اغاني هادئه فتت للحمام وترست البانيو شكو شبيه اليوم السماعات باذني والمي دافي غمضت كعدت اتذكر حبيبتي وابوها وضياعها من ايدي سعادتها وي زوجها واطفالها فتحت عيني صار شكل الجنيه كبالي  استغفر الله هاي شجابها ببالي كاضم الساهر يغني باذني ---- مالي خلك احب وانعشك غمضت كملت الاغنيه سبحت وطلعت لغرفه الكامرات رجلي ودتني فتحت الشاشه اباوع ضليت اراقب ماكو الها وجود هاي ساسي وهاي تم عيسى وهاي البنات ال3هاي منو منين فرت راسي فر انتضرت الليل بفارغ الصبر بس ماضمها تطلع بعد ما كرار يعاقبها يعني اذا لكاها

- رحمه- عملي اخذ وكتي غرفتي الوحيده من الغرف مو قريبه علىً كامرات المطبخ بصف المصعد اكمل شغلي وراسن بغرفتي نوبات سجى تجي يمي ونوبات دعاء  كمت مااوصل للمطبخ ابد وخطيه من يصير غده ساسي تجيبه خدومه هالبنيه هواي انشغلت بالقراءه اشتريت موبايل باول راتب واخذ وكتي انترنت تصفح وسوالف وضحك اخذ كل وكتي بس لليل ابدي اختنك حيل يضيق نفسي اريد اشم هوه وارجع اخاف من العقوبه بس اليوم لازم اطلع لان هو البارحه طلع اليوم ميطلع انتبهت بين يوم ويوم يطلع دكت ال8تقفلت البيبان انطفت الاضاءه فتحت البردات انتضر يهدا الوضع كمت اسمع فوك ضحك واغاني فريت بايدي والله الخوانم عايشات عيشه ملوك للوحده  جتي سجى يمي بقينا نسولف اول مجتي شون جانت محتاجه وساعدها كرار سوت عمليه امها بقينا نسولف بس ماحب اجيب سيره اهلي وهي هم متضغط خطيه للوحده وعشره  سجى راحت نامت  فتحت الشباك مال غرفتي نزعت شكو برجلي باوعت ماكو احد اضاءه خفيفه بالحديقه عكس كل يوم كل البلوجكترات مشتغله  اليوم مضلمين نصيت طبيت بين قضبان الشباك طلعت منه انطبكت بالحايط جريت جيس الحب اشتريته هالاسبوع من رحت لعمتي جريته من الرازونه ببطن غرفتي انطبكت بالحايط مشيت مشيت خاف تلمحني الكامره وصلت كبال اليساوي مالتي زحفت طبيت بي وافز فزه تسوه حياتي جان كاعد باليساوي ومنصي من طبيت ازحف لمحته فزيت وكال --

- هسه عرفت شون دتطلعين

- اانت شتريد مني

- سطرتيني سطر باوعتها بغضب

- انت شعليكً مني يمعود

- شون مدرتي تطبين بين الحدايد هيج عيج عضمج لين

- لا هي عريضه نترت بي واتلفت خاف احد يجي  انداريت عليه انت ليش جلبتلي

- مممنوووع انتي متفهمين بقيت اباوعلها

- ممسويه شي بس ابقه هنا بهاليساوي ساعه واطب محد يشوفني باوعتله بتوسل

- شجابرج خزرتها شنو هالصلافه

- اختنكت اختنكت اشرت على ركبتي بعصبيه  شنو سجن ومسجونين

- هه هذا سجن

- اي لعد شنو

- لتحجين عن شي ممجربته

- هسه انت شنو حتكولهم

- جريت نفس شعدج تطلعين ووين شغلج بالطابق الخدمي

- اي

- مموجوده بالكامرات

- شنوو انت حارس الكامرات

- اااي اني الحارس والبارحه داافصلج اريد اشوفج مموجوده بالكامرات ليش  وينج انتي

- اني اشتغل واكمل شغلي وابقى بالغرفه مااطلع اشرت علىً غرفتي انداريت شفته عاكد حاحبه يباوعلي شبيك

- لازم تنفصلين يتعلمونً منج ويسوون انكس بعد

- نصيت راسي اني كمت اكطع باوعتله والله بعد مااطلع باوعتله بتوسل

- باوعتلها جريت نفس انتي الجبتيها لروحج

- والله بعد ماسويها تره ومكايله لاحد اشرت بيدي يباوعني بحيره

- هزيت راسي شجنتي تشتغلين قبل

- خدامه همين

- ممم رجعي اشتغلي خدامه لعد

- لالا عفيه وكف ديروح نفض بنطرونه باوعلي رفع عينه

- وحده متستحي ومتهتم بالنضام

- جريت قميصه لالا فدوه تعال حطب بعد مااطلع كمت راسن فتت للغرفه ضل يباوعلي ردت اسد الشباك واباوع بعينه خايفه منه شحيسوي ضل يباوعلي بحيره وكفته مال جنود يخوف ينضر بقساوه وحزن دااسد الشباك اشرلي اوكفي وكفت تقرب من الشباك رفع راسه يمكن يباوع الكامرات

- تقربت منها قراصتها بالكع وجيس مال حب مسويه سفره بت الاوادم وصلت لشباكً غرفتها فتحت الشباك

- ها

- هاج هاي غراضج بعد لتطلعين

- لا مااطلع باوعتله راح تحجي

- لا كلتها بزمجره  بقيت اباوع بعينها عضم الترقوه مبين عضام صدرها جوه ركبتها العضمتين بارزه بس صايره حمره مال قضبان الشباك--- كلهاي اشرت عالعضمً من دون لمس كلهاي علمود كعده بالحديقه

- مااتحمل انسجن اختنك

- ممم دسدي الشباك والبرده ماعدج شغل الباجر

- عدي طبعا

- لعد روحي يله نامي

- انت من الحراس درت وجهي داروح رجعت التفتت عليها هواي فضوليه انتي وهالفضول اخر شي حتصفين بي وره هالاشجار اشرت على سور الحديقه اقصد تنطردين بهالكلمتين -/-/ ركض سدت البرده وطفت الضوه

- مخايفه منه بس منين الكه شغل بعد تمددت انام بالكوه غفيت وكلسا اتذكر قساوهً وجهه وافز شون بله هسه  باجر اصبح الكه روحي مطروده  يابه ديله محد مات جوع نمت  الصبح  كعدت ركض كمت عالشغل ونضفت وكلما شوف كامره اباوع عليها خايفه وانصي راسي كمت اتواجد هواي بالمطبخ بصاله الهدم في سبيل ءميكول ابطلها يعرف انه اني دااشتغل مو كاعده كمت احس روحي مراقبه كلسا اباوعرعالكامره من احجي من امشي من اضحك انتبه على روحي

- احسها تدري بيه وره الكامره  كمت احب اراقبها وافتح الشاشه علمودها اشوف شغلها شدتسوي  مداتسًوي كلامها وي العاملات عنادها وي ام عيسى نوبات شغلات تضحكني رغم مااضحك ضاعرب بس داخلي يضحك على عمرها ومراهقتها  كم يوم بليل كمت افتر اشوفها متطلع بليل كامت تخاف

- رجعت لسكوني اكمل شغل الفوك انزوي بالغرفه وحدي  وساسي تجيب الاكل الي ونوبات سجى تجي  يمي يلهيني الفون النت القراءه بي التصفح ام عيسى ملتهيه بالشغل والبنات هم كلمن بهمه رنا جانت موضوع الغرابه بالبنايه بالنسبه الي  هالبنيه بس ساكته متحجي معقدتني رجعت مااضهر عالكامرات ومن اشوف كامره ه انصي  وافوت حتى مابين حتى ميشوفني مجرد احساس انه اني داامثل علمود ميطردني جنت اكره روحي من وره هالشي محد يهمني بعد يومين والثالث رايع يوم بليل ب2 اختنكت كلش فتحت البردات والشباك صافنه عالياس صارت امنيتي هاليساوي والريحه البي والانتعاش لمحته  فات  وايده بجيبه باوع عاليساوي عباله موجوده سديت البرده راسنً كعدت خليت ايدي علىً كلبي خايفه ليش هيج هذا يخوف حاله حال بكر شكو خايفه منه بقيت اتنفس بسرعه سمعت دكه بالشباك فزيت ردت اكوم ركض انطخيت بحافه الشباك الزاويه

- يومين مرت متضهر عالكامرات تتهرب هالبنيه كامت تخوفني شنو البيها سر ماعرفه  شو حالها حال بقيه الخدم ء صار اربع ايام مختفيه تضهر وتختفي لا اعرف اسمها لا شكلها ترددت اكول لكرار يشحتها ولا اكدر اكوله لا عوفها عباله مخلي عيني او عدي شي وياها فتريت بالحديقه ملكيتها تجرات ادك الشباك مال غرفتها كان مفتوح ومسدوده البرده كانما كانت كاعده جواه من دتكوم انضربت بالزاويه صاحت كبل خليت ايدي على حلكها اي صوت كرار والزمره يجون ركض مديت ايدي لصمت خلكها والتفتت عالحديقه خال احد اجه تاكدت مامو انداريت عليها التقت عيني بعينها مدمعه وصافنه عليه سحبت ايدي بهدوء بلعت ريك هالنضره بيها كومه صدك حسيتها محبوسه نصيت راسي مرتبك بس مبينتها رجعت كم خطوه ليوره واباوع عليها وراهز التفتت ورحت راسن لمنفاي الدتسوي خربطه بالنضام شيطان خربطه خلك بنيه لاراحت ولا اجت تخليك تفتر الحدايق عليها  مو شغل هذا هذا مو شغل  كمت امشي والتفت بخوف لا احد مراقبني طبيت للبيت جريت نفس

-

-

-

-

#شيطان_بايادي_رحيمه

6

صعدت راسن بالبلكون روحي ضلت تلوب زين ليش ردت اشوفها بقوه شنو البيها غير شي اعصابي رجعت ماسيطر عليها خفاش ضل يطير فوك البلكون جبت الكسريه وضربته وكع بساحه بيتي نزلت شلته وطبيت بغرفه اول مره احنط خفاش شكله يكشش الروح من قرب خليته وحنطته بالمواد طولت بي تلث ارباع الساعه بقيت اتفرج على منضره اول مره اعرف الخفاش يرظع اطفاله عده اثديه رضاعه زين هو مو يبيض مو من الطيور للحضه انقهرت زين خاف اطفاله يرضعون ضحكت على تفكيري صاير عاطفي طلعت من الغرفه سديت الباب توجهت للمطبخ  حميت الاكل وكعدت اكل تذكرتها تذكرت عيونها مليانه دمع ليش من الضربه مال شباك لو خوفها مني  اباوع الماعون كمل بدونً مااحس بطعم اي لكمه منه غسلت وفتت لغرفه الكامرات  ضليت اكلب بكامرات القسم الداخلي الخدمي ضلمه وهدوء رجعت وماكو اي حركه طفيت الشاشه خليت راسي عالميز اللي جانت ايدي عليه جريت نفس  صعدت فوكً تمددت اسمع موسيقى وانام وفعلا غفيت وهم زارتني بالحلم  وبيساوي الياس اني هاليساوي اذا ماشيله من عركه مو غضنفر اني جانت كاعده بصفي تسولف واني ارد عليها بهدوء جننا خايفين كلش لااحد يشوفنا فزيت  ورجعت نمت كوه كمت يوميه اطلع بليل بين الحديقه مال بنايه ىحديقتي حتى باب ماكو سياج من الياس العالي مرتبه الفلاح على شكل مكعبات عريضه بحيث يخترق الياس جسمي يله افوت لحديقتي مال البيت  ونوبات تتشخط ايدي بس احسن هيج خليني محد يعرفني الي علاقه بهالمكان  بقيت مستمر بشكل يومي اروح واجي متطلع كامت ابد وحتى شباك متفتح بقيت اراقب شباكها  متفتحه ابد ارجع للبيت اراقب الكامرات الداخليه ادورها بين ام عيسى والبنات بس نادرا ماتطلع خطف صفنت هالاسبوع لازم اخلي كامرات بكل البيت من يطلعون وتفرغ البنايه بس بالغرف والحمامات ماخلي تكون كامرات خفيه بكل مكان حتى غرفه الغسيل واستثني الحمامات وغرف النوم صفنت اخلي بغرفه نومها لالا مو هالحد غمضت عيني اني صدك اريد اشوفها صدك هيج فكرت

- رحمه- مرت ايام ومالي واهس باي شي  هذا ليش ضل يحومي عليه ليش دك الشباك عيون من صارت بعيني حسيت حاجاني بيها كمت اشوفه يوميه يطلع يفتر من زرف البرده اباوع يضل يراقب شباكي ويروح وره البنايه يجوز غرفه الكامرات هناك كمت اتقصد مابين بالكامرات  اضوج اكمل شغلي واكضيها وي سجى تحجيلي عن اهلها وخواتها عن حياتها قبل البنايه مجنت احجي شي بس ساكته واتصنت عليها دعاء جانت حايره بعلاقتها من تكمل شغلها اما سجى من يطب كرار تتبهذل احوالها وجان مبين على  كرار  طريقه منعه نفسه من عيونها جنت اتونس من اراقبهم  عشاق بس خايفين من الشيطان   بعد مرور اسبوع على طلعتي للحديقه بديت اختنك خصوصا بليل اليوم اربعاء والبارحه اجه وقبلها معقوله يجي اي  يجي تقشمرين على روحج لازم مرابطه يوميه زين شون خاف يبلغ عني غمضت عيني لابابنهار اكدر اطلع لا بليل  راحت سجىً من يمي وفاتت لغرفتهاعلى اطراف اصابعها فتحت البرده الياس كدامي جريت نفس اريد اطلع بس هذا الحقير صفنت تذكرت الكامرات  طلعت بالمطبخ الكامره فوك الباب وكفت كدامها بقيت صافنه جريت نفس يجوز مديراقب هسه تقربت عالكامره بقيت اباوع بيها لا مديراقب هسه هذا مشيت خطوتين ارجع للغرفه سمعت الكامره تحركت باتجاهي بقيت منداره وناطيه ضهري للكامره وكفت درت وجهي ورجعت باوعت اشرت على ركبتي --- اختنكت مدااكدر اريد اطلع همست  لتبلغ باوعت  بتوسل للكامره مشيت وفتت للغرفه

- بقيت اراقب وكت طلعتها للحديقه مموجوده رجعت للبيت عالشاشات  لمحتها بالمطبخ وحدها دتسوي هاي تقربت منرالكامره شنو حتشلعها شفتها اشوت علىً ركبتها وتهمس اختنكت راح اطلع لتبلغ الله يخليك عيونها تريد تبجي مشت دتروح حركت الكامره عليها رجعت عادت الحجي وراحت للغرفه غمضت عيني من شفتها يله رجعت لاستقراري رجعت روحي عالكرسي ارتجيت خليت ايدي وره راسي جريت نفس راح تطلع اروح يمها لا ماروح لا عساس بس افوت من يمها وهاهي اسكت طلعت لبست سويتر وبجامه رصاصي  وصلت لبعد كم متر عن الياس خففت مشيتي وكفت يم الياس باوعت لكيتها كاعده نفسدالكعده كف رجله عالياس وضهرها عالخط ال2 منه باوعتلها ودرت وجي اتلفت خاف كرار يطب الحديقه بقيت افر براسي  عنها وارجع اخذلي نضره لكعدتها منصيه راسها وتلعب بالحشيش خليت ايدي عالياس كان يوصل لبطني طول السره باوعتلها ساكت اتامل ملامحها كانت عيونها متباوعلي ابد بس بالكع بقيت ساكت وهالشي يكفيني

- رفعت راسي باوعتله بلع ريك ودار وجهه عاكد حاجبه   -- حنطرد مو

- باوعتلها هزيت راسي لا بدون صوت ودرت وجهي اباوع  جريت نفس شداخربط النضام كله حيتخربط وياها

- ليش متكوللهم وليش جيت لشباكي

- باوعتلها ودرت وجهي جريت نفس ثاني تنهدت  مكمت اباوع عليها بس ايدي عالياس والايد الثانيه بجيبي ---

- فد يوم هارون الرشيد حلم بحلم غريب انه اسنانه كلها توكع بيده يبقى بس واحد فز من النوم محتار

- باوعتلها عكدت حاجبي شدتحجي هاي باوعتلي ابتسمت درت وجهي بعصبيه طيتها عين اكثر من اللازم كملت حجي

- فز هارونً محتار كال هاي شنو المنام الشفته دز عالحاشيه مالته وراد اكبر مفسرين الاحلام  ونفسداليومً جمعهم بفد مكان جوي من غرب البلاد وشرقها---- كمت احجي وماباوعله حتى ماارتبك --- المهم كللهم اني هيج حلمت شنو تفسيره ضلو صافنين عليه المفسرين هذا شيكولوله هسه يعدمهم بعد مده من اصراره جاوبه جبيرهم وكاله --- باوعتله جان ديباوع منتضر الجواب من باوعتله دار وجهه --- كاله سيدي هاي معناها اهل بيتك والمقربين الك كلهم يموتون وتبقى وحدك هارون الرشيد تخبل  راسن كال اقطعو راسه امام الملا

- فتحت عيني رفعت عينها  باوعتلي بقيت اباوع بعينها سكتت -- احمم وراها كملت وعيونها بعيني

- ورجع هارون سال الملا عن تفسير  الحلم كلهم خافو يجاوبون لان ماكو غير حواب لهالحلم ولا تفسير واحد منهم كال -- بقيت اباوع بعينه جان منتضر الحواب اكثر  من قبل -- سيدي هالحلم تفسيره انه انت تصل عايش لحد ماكل اهل بيتك يموتون وانت اخر واحد بيهم يموت  --- ابتسم هارون الرشيد وكال هذا التفسير الصحيح اكرموه --- شفته ابتسم تك خد ودار وجهها هز راسه لزم لحيته بتك ايده --- هسه انت هم مثل هارون

- باوعتلها راسن بتفاجا

- اي شنو جنت اكولك مخنوكه متقبل هسه من كتلك بتوسل قبلت

- بقيت اباوع بعينها

- اكعد اذا تريد متعبت

- درت  وجهي تنهدت كومي فوتي

- اي همست وكفت براحتي ماكو داعي ازحف انداريت شفته يتلفت يمنه ويسره شكد حريص فتحت شباكي وطبيت بقيت واكفه بالشباك طب باليساوي علكيفه وكف بالنص صل يباوعلي ابتسمت شكرا خله ايده بجيبه غمض عينه ودار وجهه سديت البرده باوعت من الزرف اندار على شباكي وكمل طريقه

- رحمه- طلع حباب هههه بس يخوف شكله وعبالك يريد يكتل بس هو حباب شون جذبت انتباهه القصه ههههه اشبع قصص بعد خالتك ههههه انداريت لفراشي كلبي حسيته انفتح راحت الخنكه كمت كلسا لا اراديا ابتسمت تذكرت قصص ماما وسوالفها من ننجمع عالسفره يمكن ميت مره سامعين كل قصه منها بس منكولها سامعيها هههه غفيت كعدت الصبح هاليوم بنشاط وهمه مجرد تفكيري انه ديشوفني يخليني   افرررح  عكس قبل  طبيت المطبخ صباحو ام عيسى باوعت للكامره ابتسمت صباح الخير ودرت وجهي جتي سجى ها لج كعدتي

- لا بعدني نايمه هههه نعسانه

- ام عيسى- اصعدو نضفو البنات كلهم طلعو بقيتو وحدكم نضفو وكلمن لبيتها ب4اليوم تطلعون منا

- رحمه- حاضر ست ههه تريكت بسع واخذت غراض التنضيف وصعدت فوك لشققي نضفت وكملت بطاله المنكر مشمره والكرزات وبقايا العشا مبين من بره عائشه يمكن بهل الغرفه اذا مغلطانه حيل وصخه حتى حمامها اكثر حمام يتوصخ بين حمام الشقق كملت تنضيف نزلت الهدوم الوصخه ونزلت بغرفه الغسيل

- غضنفر- من الصبح كعدت جانت بعدها نايمه بس ام عيسى وعامله من العاملات بقيت افر بالكامرات على غفله سمعت صوتها تسلم على ان عيسى ابتسمت ضهرت واندارت عالكامره كالت صباح الخير تضحك غطيت وجهي فركته بايدي ضحكت راحت تريكت وكلسا تباوع ابتسم لو تغمز للكامره كملت شغل ورادت تطلع باست وحده من العاملات بقيت اباوعها يومين مراح اشوفها وشنو يعني واذا مشفتها حموت قابل  راحت وسدت ام عيسى الباب طفيت الشاشه رجعت راسي جريت نفس تنهدت بحسره ليش ضاق نفسي  الخميس بليل طبيت البنايه وي كرار وخلينا كامرات وتحججت انه مداارتاح لبعض العاملات خلينا بكل مكان عدى غرف الخدم نضرات كرار نوعا ما شاك بيه بس جنت اتهرب من عينه ---هاي سيدي خلصنا يله نطلع

- اا اي روح اني هسه اطلع وراك روح

- ماشي اترخص 

- طلع وكلسا يلتفت بقيت اباوع المكان يمكن هاي من المرات المعدوده على الاصابع اللي ادخل بيها هنا تاكدت انه طلع تجرات افتح باب غرفتها فتحتها بهدوء طبيت مرتبه وكفت بشباكها جريت نفس فتحت الديلاب كانت ملابس قليله من ضمنها ثوب الخدم تقربت اشم الثوب انتبهت على روحي ابتعدت فركت وجهي اني راح اوكع  روحي       التفتت عالحمام طبيت ليفتها شامبو فتحت الشامبو شميت  العطر غمضت عيني شنو السالفه يابه شبييييه انتبهت عالمغسله تك تراجي فص شلته بيدي هاي كانت باذنها خليته بجيبي المرايه صارت بوجهي عكست ملامحي كانما تغيرت وصارت رقيقه شنو شيطان وين قساوه كلبك وين جلمودك بقيت اباوع بوجهي حاولت اغير ملامح وجهي على الاقل من الخارج وطلعت سديت الباب وطلعت من البنايه مشيت عبرت الحدايق وصلت للياس وكفت شوي وعبرته وعيوني عليه طبيت لياس بيتي وطبيت لبيتي  الخميس كوه انكضى كوه  مشى معقوله عدها واحد تحبه بره اي ليش لا ---

- رحمه- رجعت لبيت عمه طيتها اسبوعيتها وتسوكت للبيت سكتت جنتها طلعت للسوك جنت متشوقه اتسوك يمكن لان عدي فلوس او يمكن لان فرحانه مااعرف ليش طلعت وي عمتي السوك بي تراكسودات تخبل جنت اركض عالماركه السوريه يمكن كلبي يحن الها  لكيت سويتر رصاصي  مثل الحان لابسه الحرس ابتسمت تراك كامل بناتي اشتريته واشتريت  طاك ابو الورده واشتريت بنطرون وبلوز احنا بالبنايه بالعاده نلبس لبس الخدم بس بليل من اطلع للحديقه اخذ راحتي  باللبس اخذتهن ورجعت للجمعه الضهر خابرت ام عيسى كالت كرار يكول تعالوا اليوم متضلون لباجر

- مو عساس السبت الصبح

- لالا مقبل

- ماشي هسه اجي دزي سعدون ابو السياره

- هسه ايج بس يمر على رنا ودعاء وسجى

- خوش انتضره بدلت ركض وحضرت هدومي شتريت دوه عمتي بوستها وطلعت  على سياره البنايه رجعنا للبنايه وكلمن لشغلها راسن كملت ونزلت ب8الشققجانت فارغه واني انزل بالمصعد لمحت رنا تباوع من زرف الباب مال الشقه مشافتني غلست ونزلت تلاكيت وي سجى--- تعاي تعاي

- شكو

- باعي هاي رنا دتباوع على زهره ام شقه 16 من الزرف

- هاا اي شكد قديمه من اول تبصبص

- عزززززه غير تحجين خاف تباوع علينا هم

- لا لج هاي تتمنى تعيش مثلهم بس هي موحلوه شون فمتكدر فتكتفي بالنضر شبيج

- ها عمي اذا هيج بيها مجال تنهدت صارت حركه الكامره عليه ابتسمت الها ونصيت احسه يراقبني بحركه الكامره تتبعها الي

- غضنفر- امرت كرار يرجعون العاملات اليوم مو السبت مكدرت بعد ردت اشوفها بس هافي هالشي حتى على روحي رجعت دتسولف وي العامله ال2 فريت الكامره عليها ابتسمت للكامره تنهدت براحه

-

-

#شيطان_بايادي_رحيمه

7

مريم السعدي

احس روحي اامن  وهي بالبنايه  مامن عليها كدام عيني ليش هلكد همتني يمكن لان حلم وحقيقه ويايه حتى شكلها عادي لا بس هي محبوبه لا شكلها مو عادي بس خدودها بمره وشعرها هم حلو وو طولها جره عينها -----لكيت روحي دايخ بتفاصيلها وبين ملامح وجهه  اخذها يمي كم يوم وانطيها مبلغ محترم  صفنت  لزمت راسي بتك ايدي حرامات اوصخها بوصاختي لازم اشيلها من راسي -----لليل واني اراقب بالكامرات شفتها كم مره تروح وتجي وره ال11لمحت العامله 2طبت يمها يمكن صوت الكامرات مواضح بس اعرف وحده منهم اسمها رنا  بس ياهو منهم مااعرف لان اشوف ام عيسى هواي تصيح اسمها

سجى- رحمه صارت مثل اختي قريبه بشكل مو طبيعي تقريبا حجيتلها كلشي عني----

رحمه- خابرتي اهلج

- اي توني جريت نفس ماما تخربطت

- ليش

- مااعرف صاعد الضغط اووف ربي

- اخوج الصايع ليش ميشتغل

- يمعوده حاير بحبيباته دلله ابويه الله يرحمه لحد متسكط كام ميعرف يشتغل النوب مفشلنا وي العالم

- الله يساعدكم سجى شون جيتي هنا

- ممم ابتسمت باوعت بوجهه بمكر --- كرار

- اي جنت متاكده اكو شي

- يعني

- شون تعرفتي عليه

- جنت كاعده بكافتريا المستشفى وروحي طافره جانت امي بالعمليه واني شايله هم شون حكمل الفلوس محد يقبل ينطينا بعد كلها تطلبنا

- اي

- شفت واحد ضخم واكرع كدامي يبتسم وينصي باوعتله هذا شبي ضل يباوع ويبتسم واني روحي طافره اشرتله بيك شي

- ههههه خرب يومج

- والله اني بيا حال وهذا كاعد ينسق

- تالي

- ربج العالي ضحك وطلع سنونه اعلان سيكنال تو هههه عاد كال تسمحيلي اكعد يمج

- كتله تفضل واني روحي تلوب

- اي

- اي فكعد كدامي وكام يحجي منو عدج هنا كتله امي كال اني هم امي هنا عدها عمليه مال مراره

- هااا

- اي كتله امي عمليه بضهرها

- كال هاي يرادلها كومه وارد اني نصيت راسي كال عدج امكانيه لو اساعدج عادي تره بس مقابل شغل اني تفاجات جنت توني متخرجه عبالي حيشغلني بمكان وضيفه هاي كتله اي والله ومحتاجه وضيفه ياريت كال شكد محتاجه كتله كذا مبلغ طلع من جيبه كومه فلوس وطاني وكال من تكوم بسلامه هذا رقمي اتصلي واني اوضفج عدي معارف هواي اني صدكت كبل رحت ركض نطيت فلوس العمليه وطلعت امي الحمد لله وره كم يوم خابرته تشكرت منه وكتله جاهزه للعمل اني شوكت مطلع وضيفتي والراتب انطيه الك كله ضحك كال باجر تعاليلي فلان مكان بالبدايه خفت  بعدين كال مو وحدج تره اكو هواي مقدمين عالوضيفه ارتاحيت والحاجه اذتني جيت عالعنوان مكتب بالعامريه عادي مال سكرتير المخامي الليجي دائما هذا الاجه علمودج

- اي اي

- اي هو هذا وكعدنا اني ورنا ودعاء واكو جان تقريبا 13 بنيه كرار جان ويانا من عرفت الوضيفه عامله منضفه ببنايه مغلقه تخبلت صح محتاجه بس مو هالحد طلعت من المكتب بعصبيه اجه ورايه كال شصار يعني واذا مو عامله اني هم حارس بس على مستوى راتب زين مو هيج

- هاا

- اي فكال لتنسين تره انتي مديونه اقلها وفي دينج وبطلي  سكتت من لا جاره وافقت عساس بس انطي ديني واكعد شو السالفه عجبتني بس ضليت شايله بكلبي عليه وضل هو عصبي عليه وميحاجيني

- اي وهسه

- هستيش بعد هاهي

- صارلج شكد

- سنه

- وفيتي دينج

- بعد شهرين اكمله

- وتنطيها بيده

- لالا انطي لام عيسى تنطي ميصير احاجي ممنوع

- صدك خطيه زين اكولج هالشيطان المكموع وينه شو ولا مره شفناه

- مااعرف بس هو توصل كل الاخبار اله حسب ميكولون مراقب الطوابق الفوك

- هاا

- اي بعد مااعرف

- زين شنو ولا مره جاي

- لالا ابد اني صار سنه ونص هنا مشايفته

- هاي شنو بس تدرين هذا شحيصير بي يوم القيامه

- ليش يعني

- ولج البنات خطيه شنو ذنبهم فقره ويتزوجون من لا جاره

- اني مو وياج

- ها

- والله باعي اولا بارادتهم ثانيا كوم دينطيهن فلوس شي ثاني قابل بدون زواج اشو بورقه عرفي وشقه وحدها وكل شهر تغير واحد وتلزم عده هم هههههه

- خرب يومج هههه

- والله تره بيهم يجون يصرفون علبنيه صرف من صرف باكيتات الهدايه ونوبات حتى ذهب من غير السفرات بس بعد هي وشغلها غمزتلها عسه ست زهره صار لها سبوع مسافره رغم الشيطان مانع هالشي حسب مسمعت بس اخذو موافقته ووقع على سلامتها

- هااا هيج والله عمي زين بس تبقى بدون حقوق يعني لو مشغلها خدامه ومحافضه على شرفها احسن

- حبيبتي هي تكدر تقدم عالطابق الخدمي بس هي حبت السهوله

- اي صح قنعتيني صفنت سجى تحبي لكرار

- رفعت حاجبي نصيت اعجاب مو درجه حب رغم هو اكرع مكركع بس ينكرط

- يمعوده چنه غول ههه

- عابتلج والله يخبل حتى بالحمام ميطول ههههه

- خرب يومج دكومي صارت بالوحده ورانا كرب باجر

- اي عفيه يله تصبحين على خير

- تصبحين على كرعيه سجاوي --- طلعت سجى واني على نار بس ردت اطلع حتى اشوفه لبست تراكسودي انتضرت شوي تغفى سجى طلعت على كيفي لبست الطاك وفليت شعري وكفت كدام الكامره ابتسمت همست حطلع اشرت بركبتي تجي سويت باصابع ايدي باي بابتسامه وطبيت للغرفه فتحت الشباك والبرده انتضر ماكو معقوله مشافني لا هسه يجي اكيد ينتضرني مثل مداانتضره  طلعت من الشباك ومشيت اتلفت كعدت باليساوي بقيت اتنفس بعمق انتضر ماكو مااجه

- غضنفر- بقيت مشغل شاشه وره ال12 وكعدت كدامها كمت اقره كتاب  بيدي متوتر واباوع كل شوي ماكو الها اثر لل1وعشره طلعت كدام الكامره تضحك ذبيت الكتاب جريت الكرسي  تقربت للشاشه  --كالت حطلع وغمزت كانها واثقه انه اني راح اطلع وكفت عدلت هدومي صفنت لا ما اطلع رجعت كعدت خليت اصبعي بحلكي رجعتلي خاله اكل باضافري ججججج شداسوي داارجع ليوره طفيت الشاشه وكمت كعدت بالبلكون اهز برجلي بمجرد انه دااحس بيها بره وممكن اسمعها واشوفها كدامي وكاعد تتنتضرني هالشي خلاني  اتوتر دقيقه دقيقتين 3مرت عشر دقايق مكدرت بعد متحملت نزلت من البلكونه دااطلع رجعت لحمامي تعطرت مهتميت لروحي ولا باوعت بالمرايه  ولااريد الاحظ روحي والزم نفسي ماريد اتراجع ماريدها تنتضر وتمل وترجع تفوت طلعت راسن تعديت الياس جلب بكلو تراكي جريته قوي ومشيت كم خطوه وصلت لليساوي وكف كلبي ثكلت مشيتي مديت راسي نفس الكعده كاعدتها وبيدها التلفون شافتني ابتسمت درت وجهي رجف كلبي خليت ايدي عالياس رجعت اباوع يمنه ويسره رجعت لنفس النقطه خاف يشوفوني الحرس ويعرفوني مو منهم درت وجهي عنها اتلفت

- تكعد

- انداريت عليها عكدت حاجبي مرديت عليها رجعت درت وجهي عنها واتلفت خاف يشوفوني

- اكعد حتى ميشوفوك

- تنهدت باوعتلها رافع حاجبي ودرت وجهي نار من ابتعد عنها ابرد من اقترب احترك خليني بمكاني جنت افضل السكوت ا يمكن كمت مااعرف احجي انتبهت تلعب بموبايلها باوعت عليه ذبته بقت تباوعلي رجعت درت وجهي ماريد التقاء عيوننا مثل ذيج اليله من دمعت خربطت احوالي

- انت ليش داءما كئيب ومتضحك باوعلي بغضب ودار وجهه

- --- اكدر اضحكك اني تتراهن رجع باوع تنهد بضجر ودار وجهه  --- بس بشرط اذا ضحكت تكعد باليساوي كام ميباوع كتف ايده و  انتجه باليساوي كانما يكولي مراح تكدرين تضحكيني جريت نفس --- اكو فد يوم جان اكو خطبه الجمعه والعالم ملتمه والشيخ دينطي الخطبه يمدح بيها رسول الله وفعاله وفصاله و تحمله للعذاب وخلقه نص الكاعدين بالجامع جانوا يبجون بهدوء --- التفت عليه يستمع رفعت راسي باوعتله دار وجهه راسن ابتسمت -- وامام الجامع يحجي بافعال الرسول ومندمجين  الكاعدين كلهم اله طبلهم واحد جثيث طويل   وبيده سيف  صاح منو يخاف  الله التفتو عليه خافو هذا شكله يريد يقتل طوله وضخامته وعصبيته وشكله والسيف البيده رجع صاح منووو يخاااااف الله صاح واحد رزن من النهايه اني اخاف الله شعدك -- كاله كوم ويايه كام وطلع وياه بس شنو بتردد طلعو ذوله الكاعدين واحد كام يباوع بوجه اللخ ويحجون شنو الفلم شنو السالفه -- رفعت راسي باوعتله شفته منصي راسه وديستمع مكتف ايده ومرتجي بالياس --- رجع الامام يكمل الخطبه كال ميصير نكطعها وهاي عن فصال الرسول وبيها ايات قرانيه حرام تنكطع كمل الخطبه ورجع طب الضخم  وبيده السيف نفسه بس شنو يقطر دم صاح منووو يخاااف الله ذوله سكتو باعو عالخطيب امام الجامع محد يرد ولا احد يحجي النوب السيف يقطر دم  محد رد ورجع صاااح منووويخاااف  الله واحد من النص خاف كله عمي بس امام الجا يخاف الله امام الجامع شجاوبه --- باوعت بوجهه باوعني منتضر -- امام الجامع كله  يابه بربك بذمتك  هسه احد كلك اني   اخاف الله

- غضنفر- ابتسمت ودرت وجهي رجعت ضحكت نصيت راسي باوعتلها هزيت راسي يمنه ويسره درت وجهي

- رحمه- ههههه طلع العينتين جايب ذبيحه بباب الجامع ديريد يذبح خروف ويذكر الدعاء عالذبح وميعرف الدعاء ومن اخذ الرجال الاول ذبح الخروف وكمل وطلع الرجال ميعرف الدعاء لذلك رجع طب عالجامع وهم عبالهم كتله

- ههه

- هههاي ضحكتك ربحت الرهان ربحت

- هزيت راسي اي كعدت بهدوء بطرف اليساوي وهي بالطرف ال2 ضحكتني غصب ماكو شي يضحك بدنيتي  بس هي طلعتني من دنيتي لدنيا القصص الطريفه اسلوبها من تحجي يجذب كعدت بالكع ضهري عاليساوي وثاني رجلي داير وجهي على صفحه الحديقه مو صفحتها لا اللخ

- رحمه- شنو اسمك باوعلي ودار وجهه اهوو احجي رجع باوعلي خزرني -- اني رحمه همست بهدوء

- هزيت راسي اي

- باوع وكفت على ركبي اشوفه السويتر شوف اشتريت مثل مالتك باوعلي باوع على البلوز ابتسم تك خد ودار وجهه رجعت كعدت مثل كعدته اهز برجلي الثانيتها ---وين تنام انت

- باوعتلها شوًكامت تتدخل مجاوبت درت وجهي

- بالكابينه وي كرار

- هزيت واسي اي من دونً ماباوع عليها

- اريد اشوفك ليش بس داير وجهك شنو معقد

- ضليت صافن شنو هالجراه انداريت عليها على كيفي باوعت بوجهه

- ابتسمت  ونصيت رفعت راسي تخجل

- جج باوعتلها باستصغار

- لعد ليش

- ماكو داعي

- هففف همزين نطق

- ابتسمت ودرت وجهي رجعت باوعتلها امشي فوتي

- والله عرفت نطقت علمود تكول هالكلمتين

- ممنوع همست باوعت بعينها

- انت متكول لاحد

- بقيت اباوع بعينها تقربت تمشي على ركبها  ناحيتي-- وين وين جايه

- بس داوخر هاي بكلاوك قربت ايدي بعد جسمه باوع بعيني بغضب نصيت راسي رجعت بمكاني ضجت منه شنو شبي قابل حاكله كبر كمت ماباوعله

- امشي فوتي

- اييي فهمت وكفت نفضت هدومي وصلت للشباك شفته يباوعلي رجعت تقربت منه جريت كلاوه باوع على هاي جريت من الكلاو الياس الواكع بي رجع روحه ليوره عاكد حاجبه نفض كلاوه رجع باوعلي هز راسه ماشي همس روحي

- اي حروح بباي ابتسمت خفيف وطبيت سديت الشباك تقرب وكف يمه بقيت اباوع بعينه نزعت الطاك نصيت راسي نزل شعري خله ايده بجيبه تنهد يباوعلي نضرته ماامل منها حسستني  بانوثتي حسستني  اني حلوه   اشرتله باي هز راسه يبتسم نصه ومشه وايده بجيبه كام كلسا يلتفت يباوعلي ويرجع يكمل مشيت سديت البرده كلبي مفرفح يمه كلبي تمددت ركض اضحك رحتله سبع  فداوي فدوه لثكله ورزانته غطيت راسي ونمت

- غضنفر- رغم كل التوتر الجنت حاسس بي بس ارتاحيت الها حيل لكلامها لسوالفها وقصصها تضحك وخفيفه عيونها المدوره حلوه ونضرتها بعد احلى خلتني الليل كله متمدد ابتسم ونمت مرتاح  كعدت الصبح وطلعت جنت ناوي اقدم اكمل كليه جنت مقرر هالسنه اكمل دراسه ردت اجرب لان عدي وكت هواي لازم ينكضي  فعلا طلعت بابدبيتي عكس بيبان العماره ال3اطب واطلع ميشوفوني لا الحرس ولا سكان البنايه طلعت قدمت معامله كانت قانونيه وكفت بكم سالفه خابرت عمر كملها بساعه وطلعنا رجعت للبيت متلهف عالكامرات مامو احد بس ام عيسى يمكن فوك حركت الكامره اللي بالممر اللي سويناها خفيه  شفت رنا  دتباوع خفيه فتحه باب غرفه رحمه فتحت عيني شتباوع هاي صدك جذب قربت الكامره  عليها الباب مردوده وباقيه فتحه  صغيره كلش  يجوز دتبدل يجوز شي هاي رنا شسالفتها شلت التلفون دكيت على ام عيسى

- الو ها سيدي همست صارصار سيدي اي سديته منه صحت رناااااا

- نعم

- تعاي هنا دتسوين

- مداسوي شي

- عليمن دتباعين استاذ عمر يكول  دتباعين على غرفه عامله من العاملات

- ها مو شسمه

- شسمه احجي انتي شبيج صارت اكثر من شكوى ضدج

- خاله هاي رحمه بايكه كلاده من شقه رغد الفوك وداشوف وين ضمتها

- رحمه تبوك ولج سنتين ويايه طلعت رحمه شكو ام عيسى شبيج باعي انت شايله شي من غرفه رغد

- لا والله ماللي علاقه مو شقتي

- بعد شكو

- عععبالي اخذتها ودتضمها

- هاا زين دير بالج على روحج تره  اكثر من مره صارت رنا

- اي هو الماعده حظ ماعده حظ

-

-

-

-

#شيطان_بايادي_رحيمه

8

مريم السعدي

رحمه- راحت رنا تقربت من خاله ام عيسى شكو خاله شبيها

- ماادري تباوع من الزوف بس تراقب

- عزه صفنت خاف جنت نازعه ودتباوع عليه كمت احجي وي روحي صعدت على الشقق انضف كملتهن نزلت توني انزل بالمصعد واسمع صياح هاي منو عزه بعيني هاي سجى ذبيت الصطله والمنضفات وركض لغرفتها لكيتها تبحي وتملخ بروحها ل شبيييج

- امي رحمه امي راحت

- لا اله الاالله  ميخالف حبيبتي والله مااعرف شكولج حضنتها كمت ابجي وياها كلها رجعت ذكرياتي رجع نفس الوجع غمضت عيني وهي تشهك بحضني طبت ام عيسى  علينا خطيه هم حضنتها وكسرت عليها

- كرار- ام عيسى ام عيسى هاي شكو

- مامو شي يمه هاي خطيه ام سجى نطتك عمرها

- لا اله الاالله باوعت لسجى بغرفتها ورحمه يمها حاضنتها جانت تبجي ومتاذايه كلش مكدرت ابقى وماريد اعوفها خابرت الشيطان اخذت اذن  منه ساعتين وارجع بمكاني سعدون اخلي طلعت جبت السياره ورجعت للقسم الخدمي صحت ام عيسى

- ها يمه

- صيحي سجى داوديها

- ها انت توديها

- اي اي جريت نفس جتي لابسه اسود ميته بجي كوه تمشي روحها مردت كلبي سجى من اول ماشفتها حركت بيه مشاعر طمها السجن  تقربت يمها اخذت علاكتها من اديها وطلعت وهي ورايه كلسا اندار فتحت باب السياره صعدت ليكدام باوعتلها مردتني مرد صعدت وسديت الباب وصعدت اني هم باوعتلها وطلعت طلعت من منطقه الشيطان انداريت عليها البقاء لله سجى

- هزيت راسي منصيه ودموعي تجري

- تنهدت وكفت السياره بفرع فارغ شنو اسويلج شون تردين اساعدج

- باوعتله متفاجاه مسحت دموعي شفت عينه مدمعه يباوعلي بالم ويدخن --- نصيت راسي وديني اريد الحك قبل ليطلعوها من البيت بجيت

- ججج استغفر الله ربي واتوب اليه  خليت ايدي على ايدها ذكري الله جريت نفس طلعت وصلتها لبيتهم انداريت عليها اي شي تحتاجين بس خابري ومن تكمل الفاتحه ادز سعدون

- اي شكرا باوعتله  ونزلت نص كلبي احس بي مات ونصدالثاني احتييه باهتمامه بيه طبيت لبيتنا -----

- رحمه- وجعت كلبي سجى طلعت واني ضليت مبنجه المهار كله بالصاله مال خدم مقرفصه وكاعده عالقنفه حتى اكل مكدرت اكل ام عيسى ودت الاكل للولد وساسي صعدته للشقق واني صافنه بس اتذكر  من اخذوهم اني شصار بيه اشتاقيت لماما اكثر صارت مغربيه وانطفت الاضاءه طبيت للغرفه تمددت وضليت ابجي احس هسه يله ارتاحيت من بجيت  طفيت اي شي يطلع ضوه بس ردت ابقى بضلمه ردت مااسمع بس صوت البجي مالتي الهادي هو اليواسيني عشت وي ذكريات لمه اهلي بالضلمه وكل شوي ابتسمً من اتذكر موقف وارجع ابجي  ---

- غضنفر- ضلت كاعده من راحت سجى هلكد انقهرت عليها هيج صارو صديقات حتى اكل مااكلت طبت لغرفتها من وكت وبعد ماسمعتلها  صوت  صارت ال12 والوحده وهي ماكو توقعت حتحتصر وتبين بالكامره وتطلع تكولي اختنكت ماكو ماالها اثر بس منضرها بالصاله وبس صافنه ومن دون متاكل شي اذاني بقيت انتضر للوحده ونص مكدرت وقت جولتي التفقديه كمت بعدما ايست من طلعتها  طفيت الشاشه طبيعتي مرتب زايد عن اللزوم طلعت الحديقه مشيت وصلت شباكها وكفت كباله تقربت دفعته شفته مسدود ومطفي الضوه والبرده مسدوده تجرات ادك الشباك بعد تردد دكيته دكتين باصبعي معقوله نايمه يوميه هالوكت كاعده بقيت واكف انتضر شفتها فتحت البرده عيونها وارمه من البجي ابتسمت كوه فتحت الشباك ---

- هلو-- دك الشباك يمكن هو الشي الوحيد الضل حلو بحياتي

- هزيت راسي عاكد حاجبي مستغرب من مشاعرها هلكد اذتها سجى وامها --- احمم  همست اليوم ممخنوكه؟

- نصيت راسي جريت نفس -- هسه البس جاكيتي واطلع انداريت اجيبه جان يراقب  -- اطلعي وياه عيشي رحمه عيشي الله كتب عليج هالشي شون شتسوين يعني طلعت من القضبان مال شباك واكف بصفي ومخلي ايده بجيب سويتره مشيت كم خطوه وكعدت  باليساوي مشه ورايه ضل واكف يباوع يمنه ويسره بس اقل ارتباك عن كل مره باوعلي نصيت راسي مابيه حيل حتى اضحك كعد بعد متر عني

- غضنف- تنهدت شبيج اليوم همست

- مابيه شيً

- ممم علمود سجى

- باوعتله دمعت عيني هزيت راسي ضل يباوع بعيني

- رجعت نفس النضره ورجع كلبي يرفس مو يدك بقيت اباوع بعينها برطمت ونصت جريت حسره --- شبيج همست ليش تبجين

- مابيه شي مسحت دموعي

- غضنفر- تنهدت باوعتلها مسحت وجهه وضحكت بتصنع باوعتلي 

- انت شنو بس تراقب الكامرات

- اي هزيت راسي بدون صوت كمت ماريد افارك وجهه بس اباوعلها

- زين شكد يطوك راتب هواي

- يعني تنهدت ماشي الحال

- ممم زين اهلك وين تغيرت ملامح وجهه نصه راسه شنو وينهم

- مااعرف شصار بيه من سالت باوعتلها امي وابويه متوفايين بس عدي خوات وسكتت درت وجهي

- الله يرحمهم تحسرت

- وانتي

- موجودين بالزعفرانيه كلت بلا موبالاه  منصيه راسي مجنت احب احد يشفق عليه  وماريد احد يعرف قصتي

- بقيت اباوع عليها تتصنع عدم الاهتمام بس مبين متاذايه --- رحمه همست

- انداريت عليه بسرعه اول مره يصيحني باسمي بلعت ريكً نعم ابتسمت باوعت بعيونه

- خومااحد يدري بينا -- قاطعتني

- لالا لتخاف غمضت عيني ودرت وجهي

- حتى سجى

- لا والله محد يدري تنهدت انداريت عليه انت شسمك

- باوعت بعينها ليش همست

- شنو بس انت تعرف اسمي

- جريت نفس ااحمد اسمي احمد

- باوعتله مستغربه

- شبيج

- ملايكلك الاسم

- نصيت راسي يله كومي جريت نفس امشي فوتي

- اي وكفت لمحت احد فات نصيت راسن نصه ويايه

- شكو

- اكو احد

- لا

- والله اني شفت ولد

- بداخلي خرب روحك غضنفر خرب روحك صرت اعصاب بقيت منصي وهي هم منصيه رفعت راسي شوي مامو احد باوعتلها ماكو احد

- راح

- اي امشي بسع فواتي كلتها بعصبيه باوعتلي ودارت وجهه فاتت دتسد الشباك بقيت اباوعها بعصبيه محملها ذنب الصار لو لاكفينا ---اليوم اخر يوم تطلعين ممنوع بعد

- بقيت صافنه فاتحه حلكي

- مفهوم نترت

- اي بقيت اباوع معاجبني سديت البرده بقوه ورحت بفراشي بعصبيه وادردم

- هاهي بعد لازم اخلي حد صارت السالفه خطره كافي لعب كوه نمت بقيت اتكلب نضره عينها دمعتها المستقره بعينها ضحكتها اللي اليوم مسمعتها نمت ممرتاح كعدت الصبح طلعت للكليه اول يوم دوام صف ثاني كليه واني جبير مو صغير بس بالي يمها دخلت مساءي الويايه كلهم كبار اكمل كم محاضره واختنك اطلع ابد مااختلط رجعت للبيت اكلت ونمت بالي يمها مدتروح من بالي  عصريه فتخت الشاشه وادور عليها مضهرت ابد ادمنت شوفتها وسماع صوتها بس ماكو فريت كل الكامرات ملكيتها

- رحمه- سجى مامو هالايام فاتحه امها اكمل شغلي وافوت للغرفه بعد مااطلع ابد اكضيها عالتلفون اكلب مقاطع مضحكه مناضر سوريا شوارعها كلشي تعمدت مااضهر كدام الكامرات لان غثني هواي البارحه صار الليل ونمت من وكت

- لحد الان ماكو صار الليل انطفت الاضاءه ماالها وجود تمددت واتفرج عالشاشه اخاف تطلع تحجي شي بس اني كتلها اخر مره بس هي تعاند اووو ه دوختني باوعت الساعه ب2 هاي بعد متطلع جريت نفس وغفيت روحي بالشافعات الفجريه سمعت ام عيسى دخلت شنو صار الفجر واني منايم خرب اني الجبتها لروحي  سمعتها تنضف بالبيت شغلت غساله بقيت نايم لحد هسه ام عيسى تضن انه اني المحامي مو الشيطان نفسه هي مشايفه عمر شايفه بس سكرتيره من سالت كرار كللها المحامي  شميت ريحه المنضفات  وره شوي سمعت سده الباب يمكن كملت شغل وراحت كمت افتر بالبيت ضوجه روحه طكت لمحت عصفور بالحديقه لاكفته البزونه مااعرف شصار بيه ركضت نزلت من البلكون اخذته لكيتها متدمي وديموت طردت البزونه شجابج لهنا بابا روحي لا اصعدج فوك بالبنايه  و طبيت بغرفه التحنيط حنطته كضه الوكت بسع  صار الليل  بقيت صافن بروحي هم مراح اشوفها لا هسه تطلع هاي متتحمل بقيت اراقب اصلا ماكو باي كامره كضيتها افر من كامره لكامره تعبت طفيت بعصبيه ورحت للغرفه انتضرت للوحده اكلب بالفون كمت طلعت للحديقه افتريت ورجعت عالياس مطالعه لزمت روحي واذا احسن هيج مشيت بالحدايق رديت رجعت مكدرت وكفت يم الشباك وايدي بجيبي

- رحمه- لمحته بالشباك خياله موجود وكفت علكت الضوه الصغير وكفت وره البرده  باوعت من الزرف يباوع عالشباك وايده بجيبيه ويلتفت ضايج مهتميت صح ضعفت ردت افتح البرده بس لا لزمت روحي

- هيانه خيالها دتحس بيه او يمكن حتى دتشوفني ومتريد اشوفها معاقبتني يعني قربت ايدي لزمت القضبات قوي ارجع غضنفر واتعوذ من روحك هاي تخربط كل النضام درت وجهي مشيت ارجع

- رحمه- راح اباوع من الزرف راح يعني عادي عده كعدت ابجي صدك انقهرت جتي اوقات حسيته واحد من اهلي حسيته يهتم لامري ويخاف عليه من  الخنكه عرض روحه لخطر الطرد من ورايه سكت وتجاوز خط البنايه الاحمر علمود اني مااختنك بس هسه عرفت محد يحير باحد كلمن حاير بروحه ضميت راسي بين رجلي ابجي --- سمعت دكه شباك فتحت عيني صفنت هاي اندكً لو تهيالي رجع اندك وكفت باوعت من الزرف واكف لازم الحدايد ويدك بالشباك وعينه عالحدايق خاف يجي احد صفن يباوع يبتسم بمكر نصه راسه يمكن شاف خيالي خرب ان انهزمت يم الحايط شفت خياله تحرك وراح 

- لمحت خيالها ههه عوفها غضنفر عوفها هي هم تنتضر هسه منا لباجر تكوم تلوب هه رجعت للبيت تمددت كلسا اتذكر وابتسم مر اليوم  الثاني بصعوبه واول ماوصلت من الحامعه ركضت عالكامرات مشتاقلها اي مشتاااق بكد رحمه الله بس هم مضهرت تتهزم مني ههه اول مصار الليل بسع طلعت عالموعد القديم بس هم ملكيتها وكفت يم شباكها حاير صدك مطلعت

- اجه وضل يفتر عالياس راح ورجع واني خاتله وره البرده  انقهرت عليه دك الشباك فرح كلبي دكه كم مره بس مرديت ردت اشوف شحيسوي

- شنو السالفه وينها ليش مدتطلع صرت اعصاب

- مبين من شكله صار عصبي كيفت كلش هيج اثرت بيه شكد هو متكبر بس اثرت بي اني  راح للبيت وعينه على شباكي تمددت فرحانه عصبته ههه بقيت افكر بي صار شي حلو بحياتي فد شي يرجع نبض بيه رجع اندك الشباك باوعت من الزرف ركض شفت ورده حمره تخبل شفته ماكو فتحت الشباك اخذتها طلع من جوه الشباك منصي لزم ايدي عصرها قوي

- ليييش متفتحييين من ادك لعبه بيددج اني ضغطت على سنوني

- خزرته مو كتلي بعد ماكو طلعه

- بلعت ريك غمضت عيني هديت ايدها تنهدت ارجف بسدادك الشباك ينفتح لو ذابحج هم تفتحي تره افوتلج للغرفه اطيح حضج

- واذا مفتحته مد ايده ركض لزمني من فكي قوي

- جريت وجهه من بين القضبان ميلت بخدها غمضت عينها رغم قوه مسكتي بس هي حسيتها ارتاحت بلمستي  --- اموتج اذا متفتحي همست ذايب ذبلت عيوني بغمضت عينها وتاثيرها--------

#شيطان_بايادي _رحيمه

9

مريم السعدي

غمضت عيني جريت نفس رققت لمستي تلمست باصابعي خدها فتحت عينها خبلتني بيها جريت ايدي بهدوء درت وجهي الزم روحي احمم اطلعي همست

- جنت خايفه رغم تاثري بدفو وقوه ايده ابتعدت خطوتين من الشباك---- ماريد اطلع همست

- لزمت الحدايد قوي باثنين ايدي ضغطت على اسناني رحمممممه اططلعي

- ماريد والله ماريد خنكتني العبره  هليت ايدي على حلكي  اباوعله صار كلش عصبي

- شنو هسه كمتي متردين الحديقه مو جنتي تموتين عليها احجي باعصابي ونفس الوكت  بهدوء  لازم الحدايد واهز بيها

- انت تخوف صرت نزلت دموعي حباب روح

- اطبلج رحمه والله

- متكدر ممنوع

- رحمه اطلعي مساويلج شي

- احمد

- صفنت من كالت احمد استغربت  رجف جسمي غيره من اسم مو اسمي

- احمد حباب روح

- صحتني من نومي كانما فكيت عيني باوعتلها هدات روحي كوه همست ماسويلج شي تعاي بس كعدي هنا اشوت عالياس

- اني ماريد اطلع اليوم

- تنهدت بالم خربطه مشاعري شغلي حاجتي الها لحنانها وسوالفها  طلعتني من كل جمود حياتي بحيويتها وضحكتها كعدت بطرف اليساوي اللي كبال شباكها  اشوفها وتشوفني ثنين رجلي خليت ايدي على راسي جريت نفس باوعتلها ابقي بالشباك لتسدي وترحين

- بقيت اباوعله تقربت من الشباك هزيت  راسي اي ماروح

- انداريت عليها تنهدت تخافين مني همست باوعت بعينها

- نصيت راسي اي شويه

- هففف باوعت للسما ورجعت باوعتلها ليش شمسويلج اشرت بيدي اخترقتي قانون البنايه ومحجيت شي ولا عاقبتج ولا منعتج الوش الخوف

- هسه من عصرت ايدي خفت منك

- لتخافين مني همست تقربت منها وكفت كدام شباكها باوعت بعينها خليت ايدي بجيبي بس طيعيني ولتخافين

- نضره الحنان والقسوه المجموعه بعينه ودتني لدنيا خاليه من العذاب العشته هزيت راسي اي ابتسمت

- مديت ايدي الها يله تعاي همست اشرت بيدي

- وخر خل اطلع انطاني مجال وطعا كذامهزابتسم ونصه راسه تنهد كعدت باليساوي اجه ورايه كعد قريب عني بعد شبرين  ميباوعلي لوً عالياس لو بالسما عيونه واني استغليتها فرصه  اباوع على لحيته وتفاصيلها شعره الخفيف وكثافه حاجبه ورمشه وقساوه عينه  اذانك جبيره هههه

- حتى اسمعج بيها زين ابتسمت من دون ماباوعها

- ليش متباوعلي

- انداريت عليها  باوعت لعينها وارنبه خشمها رسمه شفافها تنهدت رحمه احجيلي عنج درت وجهي مدااكدر اضل اباوعلها احس افقد اريدها اقرب تكون وماريد تخاف مني

- اسمي رحمه وعايشه يم بيت عمتي وخلص

- مممم جيد وواهلج وين يعني امج ابوج ماعدج اخوه

- بقيت ساكته

- انداريت عليها باوعتلها صافنه بالسما ---رحمه

- ها انداريت عليه تنهدت مسافرين

- وانتي ليش باقيه

- ماحب اسافر ابتسمت كوه باعت ريك تجرح بلعومي من العبره

- عكدت حاجبي شو حجيها ممفهوم

- ووانت اهلك وينهم

- اني تنهدت امي ماتت وابويه هم بس عدي 5خوات متزوجات وعدهم بيوت

- ياحلو انت خال

- ههه اي قبل 4سنين صرت خال

- اني لو اصير خاله مافارك جهال اختي احجي وابتسم اتخيل نسوم تصير ام فدوه لطولها --- زين تروحلهم الخميس

- عكدت حاجبي باوعتلها ليش الخميس

- مو بعطلتنا اقصد

- ممم صار سنه وست شهورمشايفهم باوعتلها تلاشت ملامح وجههه ابتسمت شبيج

- عدهم غيرك اخ

- لا تنهدت نصيت راسي

- شنو بينكم مشاكل

- لا والله حتى الجبيره تنازلتلي على حصه الورث ابتسمت هزيت راسي يمنه ويسره

- جريت نفس -- فد يوم وحده متزوجه وعدها ولد عمره 9سنين وعدها اخ واحد

- انداريت عليها كتفت ايدي خوش احب قصصها

- ههه مركز كلش

- احب قصصج

- ههه اشبع قصص كومه اعرف

- المهم

- المهمم  الحجاج جان حاكم بذاك الوكت ---زوجها واخوها مااعرف شسوو يمكن باكو

- اي

- اي فقرر يعاقبهم بالاعدام ويعدم ابنهم هم لان جان هاها جانو يوصلون اخبار الجيش لغير جيش يعني للعدو

- هااا

- اي فالولد الصغير هو يجيبها ومنو يتوقع طفل هلكد عمره هيج يسوي

- خوش

- زيين فلكفوهم وراد يعدمهم كلهم  ال3 -- اثناء تنفيذ حكم الاعدام سمع صياح مره وبجي اندار عالشعب قبل جانو يعدمون كدام الناس

- اي اعرف

- اي اندار شاف وحده كلش حلوه موتت روحها من البجي سال منو هاي كلوله هاي ام الولد وزوجه الرجل واخت الشاب فكال جيبوها يمي

- لا حيعدمها

- لا مو هيج هههه جابها ضل يباوع على حسنها جانت حلوه كلللش انقهر عليها  وكللها اختاري  واحد بس  ماعدمه الج حق بنفر واحد هو شتوقع

- تختار ابنها

- اي هيج توقع بس هي المن اختارت

- المن رجلها

- لا اختارت اخوها

- ها ليش خبله هاي

- سالها الحجاج ليش اختاريتي اخوج كالتله--- الزوج موجود والولد مولود لكن الاخ مفقود --- الرجال يجي غيره والولد هم يجي غيره بس منين اجيب اخ وامي وابويه ماتو بقيت اباوعله بعتب

- باوعتلها نصيت راسي

- خواتك ميخابروك

- يخابرون بس ملو من كثر ميسالون واني مااسال نصيت راسي تنهدت

- انت هسه كل البقالهم من اهلهم اني لو دنعت عيني نصيت لو بمكانك ماعوفهم يوميه اروحلهم وكل عطله ابات

- باوعتلها دمعت عينها صارت تلمع السواد صار قاتم ---شبيج همست

- مابيه نعست تضاهرت باني اتثاوب وكمت

- وين جريتها من اديها كعدي خاف احد يشوفج

- اوك كعدت يله اريد انام

- بعد وكت بقيت اباوع بعينها تنهدت شكد عمرج

-   19وانت

- بقيت صافن 32مبينه اكبر من عمرج

- نصيت راسي وانت مبين اصغر عبالك

- ابتسمت اني قصدي ثقافتج وحجيج وقصصج انتي وجهج وخدودج مبين هلكد عمرج

- ههه يله نعست

- امشي تنهدت

- انت اليوم تخبل حباب وسولفت كومه وضحكت تعرفت عليك ههه

- ابتسمت درت وجهي اباوع فوتي اشرتلها جنج بزونه

- ههه بباي

- هلاو ابتسمتلها لتتخلين عن الكامره لاتشوفين شي ميرضيج

- ميخالف بيباي اشرتله اندار يروح  كلسا يلتفت يضحك ويروح اخ كلبي اخخخخخخخ ياالله شنو هالاحاسيس شنو هالدفو والامان شنو هالتكامل اللي دااحس بي الحمد لله الله عوضني نمت براحه والصبح سويت شغلي وشغل سجاوي خطيه ابسط شي اسوي حتى اوكف وياها

- غضنفر- حسيت روحي انولدت ونسيت كل ايام السجن شون جانت نسيت العذاب اللي تعذبته وره الحبيتها رجعت ابتسم من كلبي رجعت اتنفس ويدك كلبي سريع من يتذكرها هي بعدها صغيره بس جبيره بعقل بافكار باسلوب يخليني انصاع الها بدونً نقاش رجعت نمت والصبح رحت للحامعه كلشي صار يذكرني بيها ضحكتي وفرحتي الصغيره كل الاعرفه من اكعد وياها انسى كلشي  واحب اسمعها بانصات رجعت للبيت كبل عالكامرات جنت بس بيوم الامتحان اروح امتحن وارجع مساءي وطربكه طبيت للبيت وكبل عالشاشه جانت دتاكل بالصاله كبال الشاشه رافعه شعرها ولابسه بنطرون وبلوز مكمله شغلها وكاعده تاكل ارتاح كلبي من شفتها تبتسم كلما تباوع للكامره  واني اذوب ركضت حميت الاكل بالمايكرو وكعدت اكل وياها تسولف وي ام عيسى ودعاء اتصور اسمها وتاكل وعينها عليه يوم عن يوم يزيد تعلق كلبي بيها ودااحتاجها اكثر  لليل طلعت من اختفت من الشاشه  صارت ب12ونص كمت افتر وكفت يم شباكها دكيت الشباك  فتحت البرده ركض ابتسمت ها تطلعين همست

- اي اطلع نصيت وطلعت باوعتله ابتسم 

- كعدت كدامها هالمره وهي كدامي مجرد اباوه لرصعه خدها تجيني الضحكه وهي هم تضحك ---- بيت عمتج بي ولد --- سالتها دون مقدمات

- باوعت عكدت حاجبي ابتسم اي واحد ومتزوج ومريض خطيه

- مممم  ياصف صرتي وليش ممكمله شوكت عافوج اهلج وسافرو

- تنهدت ماريد احجي بهالموضوع

- اريد اعرف عكدت حاجبي ضليت صافن ساكته ومنصيه هاي مسويه شي واهلها عايفيها وطافرين----احجييي

- شبيك  حتضربني ضليت صافنه عليه جريت رجلي وتربعت بعد ما جنت ممدده رجلي بالياس عكدت حاجبي

- احجي شمسويه وعافوج

- ممسويه شي نترت بي

- لعد اكو اهل يعوفون بنتهم  ويرحون

- معليك نترت وكفت داكوم

- اكعدييي ضغطت على سنوني

- ماريد مشيت سريع دافوت بالشباك وصلي جرني من ايدي طببتها راسن ملحك لحك على شعري جرني منه صحت اااي  وخر عوف شعري انلزك بحدايد الشباك يجرني

- تعااااي داكول تره تكطعه

- شتريد شتريد

- انتي شبيج

- انت الشبيك انداريت عليه وخر ايدك راسي كام يوجعني

- هديتها كمت اتتفس سريع انتي جان عدج شي وي احد وعافوج

- ضليت صافنه عليه لا كلتها وكلبي وجعني

- لعد احد مسويلج شي وانهزمو من الفضيحه احجي

- لالا

- لعد شنو متزوجه وراحو وعافوج يم رجلج شنو شنوووو

- معليك انت رجعت ليوره طلعت من الغرفه طبيت لحمام الخدمي ابجي ماريد احجي لاحد ولااريد شفقه احد شوي ورجعت للغرفه شفته رايح سديت الشباك والبرده كعدت بفراشي عادي احجي لالا ماريد يحبني شفقه شكوله ليش اهلي سافرو اصلا ماريد احاجي بعد خلي يولي اقل شي يريد يضربني وعصبي النوبه يشك بيه تمددت مخليت شي متذكرته اشتاقيتله واني صار ساعتين من راح اخاف جيف زعلته هففف خرب توني افرح بيه وباهتمامه -----

-

-

-

#شيطان_بايادي _رحيمه

10

مريم السعدي

غضنفر- مسيطرت على نفسي رجع هاجس الاريده يصير الي هالمره اكثر لان فقدت الجنت اريدها اخاف افقدها اخاف مصدكت رجع كلبي ينبض  ماريد اخسر بعد صفنت اني شدااحجي كمت افكر بعيييد يصير اتزوجها لايابه صفنت مثل الكلوب واشتغل اخذها عرفي اي ليش لعد حلال على غيري وحرام عليه اتزوج عرفي واخليها هنا بقيت اباوع عالبيت اتخيلها ويايه جريت نفس  فتره شهر شهرين من امل انطيها حريتها اي ماارتبط  بزواج كامل مخبل عاقل دااورط روحي شمدريني منين ما منين شوساكته ومتحجي تفور دمي اووف راح اخبزها هاليومين اهملها نمت بعدما حولت الشاشه للغرفه اراقبها بغرفتي اني ونايم متمدد كاعد اكل من تطلع كلبي ينفتح ومن تكون مموجوده كلش اضوج اضل ادور عليها لحد متطلع كامت متهتم ومتباوع للكامره وتفوت ركض  تحرك كلبي بليل اطلع وهي متطلع مااروح لشباكها يوم يونين 3بديت اشتاق  افوت من يم شباكها اكدي شوفتها متكفي شوفتها بالكامره اشتاقيتلها كلش لسوالفها لضحكتها وقصصها  تعبت كمت اكضيها بس متمدد بالفراش وادور وجهه بين سكان القسم الخدمي مرت 4ايام بديت اتاذه بديت اسهر حتى الشباكً متفتحه بليل ماحملت دكيت الشباك

رحمه- يومين هملته اشوفه يفوت يفتر بالحديقه يباوع عالشباك ميتقدم ملازم ابقى هيج مغرور ومتكبر على شنو شمسويتلك  عفته بس من ثاني بديت اتاذه ابجي بس لازم الزم روحي مااذب روحي عليه خلي يتعلم ميقسى عليه اقل شي عصبي  اني احبه لازم اعلمه شحب اذا رادني يتحمل ويايه  ثالث يومً تمرضت وكعت بالفراش يمكن من فراكه صخنت بليل ارجف سجى تاخرت اشتاقيتلها واحتاجيتها بالشغل كمت اتعب هواي بليل سكعت دكه شباك فتحت عيني تخيلت هاي بهذياني لان مصخنه رجعت غمضت

- لمن مفتحت تخبلت طولت ادك هواي كوه لازم اعصابي اخر شي فرطت دكيت قوي ومفتحت يططططبج طوب شوف اليجيج بعد واريد اشوف ياناقص ميعاقبج اذا طلعتي حتى لو وصلت خنكتج الموت عفتها ورجعت بعصبيه نمت حسيت الصبح اليوم اربعاء باوعت للشاشه شفتها دتغسل عدوم بغرفه الغسيل وشكلها تعبانه شلت التلفون اشوف بيش الساعه ب10 لكيت رساله من كرار داز -- ام عيسى اخذها سعدون للمسواك قبل شوي--- دزيتله ماشي   كرار جان شيصير  يكول  حتى يكون عدي علم  بكلشي يصير بالبنايه  واني اراقب لمحت دعاء صعدت بالمصعد ورنا بالمطبخ  وهي تشتغل بس كلش تعبانه تاذيت من شفتها  اني يمكن محسبت حساب سجى خطيه تشتغل شغل بنيتين بقيت اراقب طبت رنا لحد الان محد يدري اكو كامرات  بغرفه الغسيل طبتلها رنا باوعتلها شفت رنا تقربت كلش كمت من فراشي تقربت للشاشه لزمت التلفون رجف كلبي خاف تسوي شي تقربت اكثر من ضهرها رحمه فزت انلزكت بيها من وره تحرشت بيها رحمه كامت تدفع لزمت الفون اخابر على كرار ميرد تخبلت رحمه خربت وهاي مستمره تتحرش قفلت الباب ركض لبست التيشرت وطلعت من البيت للبنايه اركض والتلفون بيدي كرار انقرض  ميرد وصلت لباب الداخليه مال مطبخ حطب مااكدر بعد طبيت ركض دفرت الباب مال غرفه الغسيل  ماكو قافلتها ال--- صحت بعلو صوتي فتحيييي جاوبت جيت هاي خربت رحمه مدري شبيها مجرد فتحت الباب ضربتها على وجهه شفتها تكومت ركضت على رحمه يمه كلبي هدومها مصعدتها ليفوك البت الكلب  مااعرف شمسويه نار نار صارت بكلبي احركها بس خل تصحى رحمه احركها واحرك اهلها --- رحمه رحمه كومي رحمممه

- فتح عيني رنا مدري شبيها تحرشت بيه واني نص جسمي خدران من المرض كمت ارفس وادفع تالي خربت حسيت وصياح احمد صدى براسي يصيحني ابتسمت فتحت عيني --- احمد جيت هنا مو يعاقبوك

- غمضت عيني تنهدت شلتها ووديتها للغرفه باوعت بوجهه تباوعلي وتغمض وترجع تباوعلي وترجع تغمض خبلتني-- رحمه بيج شي حاجيني

- نعسانه

- نامي تنهدت نامي  ارتاحي داشوف هاي البت ال--- طلعت من غرفتها شفتها كاعده مقرفصه بس باوعتلها وطلعت كلش كافي الفضيحه لحد هسه وصلت لباب الخدمي خابر كرار صحت بي انتتتت وين

- هنا سيدي بالحمام جنت والله

- دادخل للبنايه رنا بهالدقيقه تنطرد وحتى راتب ماكو متنطيها قزرقط بعينها

- شبيها شكو

- شاذه تحرشت ببنيه تنهدت  ارجف وياها

- اي سيدي هسه انت وين

- ااني بالباب طب من الباب الرئيسي شافني فتح عينه غلست ومشيت وصل يمي --- سيدي دتسوي

- اذا حرس مامر يقومون بالمهمه مكدرت اتحمل بعد من الداشوفه بالكامره واخابر انت ماكو اخر مره كراراخرررر مررره اعاقبك والله العضيم

- صار سيدي اسف هسه اسوي اللازم

- امشي فضها هاي متبات هنا اليوم رجعت للبيت اتلفت محد شاف محد خرررب صار كم سنه  اشتغل اول مره تصير هالحاله  خربطه خربطه ااووف بس مااكدر اعوفها حركت كلبي بت المصموط متحرشه بيها والله جنت شاك رجعت تذكرت ابتسامتها الذبلانه ااوف وصلت البيت خابرت كرار--- ها شسويت

- هاهي سيدي راحت

- بدون مشاكل كرار

- اي اي بدون مشاكل

- زين ام عيسى رجعت

- اي رجعت

- رين كولها تشوف العامله اللي اذتها

- رحمه سيدي

- عضيت اصبعي اغار من ذكر اسمها من لسان غيري --/ اي اي هي

- سيدي جاب سعدون دوه ونطوها

- منو نطاها منو

- غير ام عيسى

- ممم ماشي كرار تلفون خلي يمك لا احرك عشيرتك

- صار

- سديته منه غمضت عيني شون اريدها شون بيها اخ ربي اعرف خربطت هواي بس نضره منك ولو كلي خجل من هالطلب ضلت يمك بعد تمددت من الهبطه مالي واهس حتى اكل كلسا منضرها من حصرتها ببالي يكش الجلد بت الكلب وارجع اتذكر دفو جسمها اروح انتهي ونضره عيونها الذبلانه  اشتاقيتلها هواي  انتضرت لليل طلعت افتر بالحديقه وصلت لشباكها مفتوح شويه دكيت  دفعته للشباك جريت بايدي البرده شفتها نايمه ومتغطايه بقيت اباوعلها شكد مشتاقلها ---همست  رحمه رحمه

- فتحت عيني حسيت كعدت علىً كيفي دايخه كلش  شفته عيني غوشت اشرلي تعاي بيده يم الشباك

- تقدمت كوه واكفه

- جيبي كرسي وكعدي  ارتاحي بقيت اباوعلها

- هلو كوه حجيت تعبانه جريت  الكرسي وكعدت بالشباك يبتسم بوجهي بس يباوعني بعتب نصيت راسي  --- شونك همست اليوم حلمت بيك

- زين الحمد لله هه شحلمتي

- ماادري شو مخربط بس صدوووك هاي رنا

- ادري ادري تنهدت طردتها

- انت طردتها ليش تكدر

- اي مو كلت للمسوولين وطردوها تنهدت  انتي شون صرتي هسه

- زينه الحمد لله حلمت بيك شلتني

- هزيت راسي نصيت راسي تنهدت متكدرين تطلعين يمي  شوي

- ليش همست مو زعلان انت

- انتي اللي مو صادقه ويايه رحمه اريد اعرف كلشي عنج ليش مانعتني

- ليش تريد تعرف حجيتها بهدوء وتعب رجيت راسي عالشباك

- تنهدت رحمه اني اريد اعرف كلشي عنج

- ماكو شي مااعرف اهلي وين بجيت واني دايخه مرجيه راسي عالشباك كمت ابجي ردت ادوخ

- رحمه اطلعي تعاي تعاي

- ماريد

- تعاي ياعيني لتشلعين كلبي جريتها من ايدها كوه نصت وطلعت لزمتها من ايدها وصلنا  للياس  كعدناكوه تمشي خطيه كعدت يمي جنت طاير بيها جسمها حار لازم ايدها ---- هسه من تشنين الياس تطيبين

- مدااكدر اشيل راسيً

- خلي على كتفي همست حسيت روحي حموت ذايب   بيها كمت اخاف اباوعلها

- تعبانه

- ادري والله

- شلتني اليوم شون طبيت مو ممنوع

- تنهدت خلي راسج هنا وارتاحي

- قربت راسي خليته على كتفه غمضت عيني كتفت ايدي

- شبيج بردانه

- شوي همست

- نزعت ستره التراك غطيته بقيتها على كتفي قربت راسي متردد  خليته على راسها

- احمد همست

- فزيت كرهت الاسم ضغطت على سنوني رحمه رحمه رحمه

- ها شبيك باوعتله  صار قريب عليه باوع بعيني 

- باوعت بعينها دورت وجههه شفافها بلعت ريك احم اني غضنفر حسيت صوتي راح

- شنو

- اسمي باوعت بعينها اسمي غضنفر

- صدك عدلت كعدتي ليش كذبت عليه

- مادري مادري بس لتحجين لاحد جريت راسها على كتفي

- احمد اكول شسمك تنهدت غضنفر صفنت اريد ارجع انام

- باوعت بعينها بتعب بعدت شعرها عن وجهه  تعبانه

- اي وضجت منك لان كذبت عليه خفت لااحجي مو

- اي

- مااحجي والله بس اتكذب بعد

- ماشي تنهدت غمضت عيني ليش هيج دتاثرين بيه

- ابتسمت اني هم

- كذب انتي مومهتمه مثلي

- اني لا والله شبيك بس ردت اعلمك متعصب

- محد يعلمني اني فهمتي محد

- اي همست باوعت بعينه كمت استندت بكتفه وكفت بقه كاعد بالكاع يباوعلي طبيت للغرفه وكف تقرب ضايج

- شبيك

- ضوجتيني

- ليش شسويت

- تنهدت روحي ارتاحي

- هواي اخذتو من الشيطان من شتغلتو هناك

- هاا

- شنو ها اخذتو من قساوته

- فكيت حلكي ---ليش شتعرفين عن الشيطان

- ضالم وخبل

- هه كلت بكلبي رحمه الله والديج --- ليش شسامعه

- شمدريني مسوي عماره مال موزينات

- ليش مال موزينات تمشيت وصلت لشباكها  تنهدت تره هواي تتدخلين

- ضالم وقاسي الله يحركه

- بقيت اباوع بوجهه بغضب

- شبيك هيج تخاف عليه

- كافي رحمه

- ليش هي هاي عيشه عايشها لاتروح لاهلك لا ابد والبنات الفوك شنو ذنبهن احجي بعصبيه حسيت طبت من النار الحسيت بيها

- شغله متعرفيها لتحجين بيها احسن درت وجهي اشوف خاف اكو احد بديت اضوج كلش

- ليش مااعرفها  كلولي كلشي انت حاول تلكالك غير شغله احمد اكول غضنفر  -- حاول تطلع من البنايه  واني هم راح اطلع اكيد الله يهيالي غير  شغله اشرف من هالشغله

- رحمه روحي نامي

-

- باي غضنفر هه تدري اسم احمد مجان لايكلك

- درت وجهي عليها ورجعت درته عالحديقه ابتسمت يله باي

- باي هه سديت البرده تمددت شون قابلين على هالشغله شون قابله غيرتهم عليها وهمه ولد يستغلون ضعف بنيه فقيره

-

-

-