السم في الكحك
الحلقه الثالثه
بقلم هويدا زغلول
وبعدها سبتهم يكلوا ودخلت المطبخ اخلص
اللي ورايا وبعدها خرجت لقيتهم نايمين
في الأرض وقولت ليهم
منار _ قولتكم كام مره متنموش في الارض
كده ينفع كده يا مازن انت عارف ان اختك بتحب
تقلدك في كل حاجه قوم اتعدل ولقيتهم مش
بيردو عليا
منار _ قوم با مازن طيب قومي انتي يا لوجي
علشان اديكي شوكولاته يا ولاد قوموا
مالكم في اي ولادي وروحت عليهم لقيت
جسمهم ساقع اوي لااااااا ولادي
ونزلت جري عند حماتي وكنت عامله ارن
الجرس وكانت قاعده هي و نجلاء
حماتي _ الحقي يا بت دي مش كلت منه
هتصرف انا ازاي دلوقتي
نجلاء _ افتحي بس يا حماتي اتكلمي ب هدوء
تمام علشان هي متعرفش حاجه وانا
داخله جوا الاوضه مينفعش تشوفني هنا
وفعلا دخلت وفتحت حماتي وقالت
الحما _ فيه اي مالك عامله ترزعي علي الباب
ليه كده
منار _ الحقني يا حماتي عيالي الاتنين راحوا
جسمهم متلج ومش عارفه فيه اي ارجوكي
اطلبي دكتور
الحما _ ياختي اقعدي كلها ساعه ونروح ندفنهم
ونخلص اي نصبهم وانتي بتقولي أنهم
كده كده جسمهم متلج يعني خلاص راحوا
منار _ لا انتي ازاي تقولي كده عيالي مش هيرجوا
مني ارجوكي اتصرفي معايا
حماتي _ طيب اقعدي ساكته هاتي موبايلي
وبعدها اتصلت علي محمد
حماتي _ الو الحقني يا محمد تعالي شوفي
مرات اخوك عملت اي في العيال بسرعه
يابني والنبي وقفلت السكه ولقيتها بتقولي
حماتي _ عارفه لو عيال ابني حصل
ليهم حاجه هعمل فيكي اي وربنا ما هسيبك
وانا مكنتش مركزه معاها كان كل همي
اعرف عيالي مالهم وروحنا المستشفي
الدكتور خرج وقال_ مين اللي عايش معاهم
في نفس الشقه
مهم _ امهم اهي يا دكتور هو فيه اي
ارجوك طمني علي عيال اخويا مالهم بس
الدكتور _ البقاء لله بس ده ب فعل فاعل وانا .لازم احتفظ علي الام لحد ما يجي الظابط
وانا اول لما سمعت الكلام ده اغم عليا
وفي شقه حماتي كانت قاعده عامله
تعيط ونزلت ليها غاده وقالت
غاده _ صحيح اللي حصل ده يا ماما طيب ازاي
بس
حماتي _ معرفش بس انا مش هسبها والله
لاخد حق عيال ابني منها
غاده _ من مين من منار. وهي هتعمل كده
في عيالها ليه كلنا عارفين ان هي روحها
فيهم لايمكن هي اللي تكون عملت كده
وفي الوقت ده قامت حماتي وقفت وقالت
حماتي _ قصدك ايه امال مين اللي هيعمل كده محمد قال ان الدكتور بيقول انها بفعل فعل
ومين بيطلع شقتهم يا حبيبتي
غاده _ والله يا ماما ما كان قصدي حاجه انا بقول الاكل ممكن يكون جاي من بره كده
انما مش منار
حماتي _ بقولك ايه امشي اطلعي شقتك وما لكيش دعوه بالحوار ده خالص ، وفي الوقت
ده دخل محمد وقال
حسين _ اطلعي لمي هدومك يا غاده علشان هنمشي من هنا
غاده _ ليه يا محمد مش فاهمه كلامك
محمد _ بعدين مش هتكلم في حاجه دلوقتي .وبعدها طلعت
حماتي _ هتمشي من بيت ابوك ليه يا حسين ان شاء الله
محمد _ والله يا امي لو عرفت ان انتي اللي عملتي كده متعرفيش أنا هعمل اي
حماتي _, يا لهوي يا محمد عايز تودي امك في داهيه انا معقوله اعمل كده في عيال ابني
محمد _ بطلي تمثيل بقى ما احنا عرفنا كل حاجه وعرفنا ان هو مش ابنك ولو فاكره أن انتي .كده
هتخدي الفلوس يبقي بتحلمي انا مش هخلي
اشرف يديكي حاجه يا امي
الام _ بلاش احطك في ي دماغي يا محمد احسن انت مش قدي
محمد _ انا رايح اشوف عيال اخويا يا امي علشان اشوف هعمل ايه في غيابه كنت عايزه اقول لك حاجه بيقولوا الام اللي ربت مش اللي خلفت بس انتي عمرك ما كنتي ام ولا مع اللي خلفتي
ولا مع اللي ربتي وبعدها مشي
وفي القسم انا كنت وافقه عامله اعيط
والظابط قالي _ هما كلوا اي بالظبط
منار _ نفس الاكل اللي انا كلت منه والله مافيش حاجه تانيه انا مش قادره اقف والله ومعرفش اي اللي حصل ليهم
الظابط _ هتفضلي هنا 4 ايام علي ذمه
التحقيق لحد ما نشوف اللي حصل ده حصل
ازاي
منار_ ارجوك ابوس ايدك انا عايزه اكون .مع
عيالي لي اخر لحظه ليهم انا ام ولا يمكن اعمل
كده في عيالي واوعدك والله هرجع لحضرتك
تاني وانا كنت منهاره اوي وهو وافق أن .اروح
المستشفي واودعهم وهناك شوفت حسين
منار _ شوفت اللي حصل للعيال انا مش قادره
اصدق والله
محمد _انا عايزه اعرف هما اكلوا ايه بالظبط
وازاي اللي حصل ده
منار _ فاكروا من نفس الفطار ان انا اكلت منه وشربه لبن والكحك اللي مامتك طلعته وبعدها
سكت شويه وقولت الكحك معقول اللي بالي
محمد _ خليكي مع الاولاد جوا بس لحد ما نشوف
هنعمل اي وفي الوقت ده روح اشرف
البيت وكان مع شنطه الفلوس وقال لامه
اشرف _ مساء الخير امال فين اخواتي يا امي
انا جبت ليهم نصبهم بالظبط والورق علشان
يتاكدو اي ده هو انتي لابسه اسود ليه
يا امي مالك فيكي اي
الام _ مش عارفه اقولك اي يا حبيبي تعالي
في حضن امك يا غالي البقاء لله ربنا يصبر قلبك
اشرف _ قصدك ايه حد من اخواتي حصل له حاجه ردي يا ماما عليا ارجوكي
الام _ مش اخواتك يا حبيبي دول ولادك ما اعرفش مراتك عملت فيهم ايه منها لله مش مصدقه في ام تعمل كده في عيالها
اشرف _ انا مش فاهم حاجه
الام _ كلم اشرف اخوك يا حبيبي واعرف هو في انهي مستشفى وروح شوف عيالك لاخر مره اه يا قلبي مش قادره.والله حسبي الله ونعم الوكيل .فيكي يا منار وبعدها جري ونزلت
نجلاء
نجلاء _ يا خرابي يا حماتي انا كنت واقفه على السلم وكنت هموت من كتر الضحك ممثله بارعه
حماتي _ نقطيني بسكاتك يا اختي المهم عايزه .يبان عليكي الزعل الفتره دي
نجلاء _, من غير ما تقولي يا حماتي بقولك ايه ما تيجي نعد الفلوس دي ونشوفها كام كده كده حسين شكله مش عايز حاجه
حماتي _ اهمدي يا نجلاء ما تنسيش محمد ده ابني ولازم هياخد في الفلوس دي وبعدها
جري اشرف علي المستشفي
منار _شوفت اللي حصل لعيالنا انا مش قادره اصدق والله يا اشرف اللي حصل ده انا عايزه عيالي ما ليش دعوه
اشرف _ اي اللي حصل وازاي الاتنين يحصل
فيهم كده مره واحده
محمد _ اهدى بس يا حبيبي القضاء وقدر
ربنا يرحمهم
منار _ لا مش كده او قدر امك اللي عملت كده ايوه يا اشرف امك طلعت ليا طبق كحك ومن ساعه ما العيال كلوه وحصل فيهم اللي حصل
ده
محمد _ اهدي يا منار ايه كلامك ده بس ما ينفعش تتكلمي في حاجه انا ما تتاكدي منها
منار _ ارجوكي اشرف روح هات الكحك وخليهم يشوفوه انا متاكده ان امك هي اللي عملت كده
انا كمان هتحبس والله لأن انا اللي مسؤله
عنهم ، وبعدها الدكتور قال تعالو يلا خدوهم
هما خلاص خلصوا وبعد ما روحوا المقابر
روحوا البيت وحماتي قالت
الحما _ ايه يا حبيبي خلاص حقك عليا ان انا ما قدرتش اجي والله ما عارفه اقف على رجلي من ساعه ما سمعت الخبر
أشرف_ فين طبق الكحك يا امي اللي كان في الشقه فوق
الحما _ كحك كحك يا حبيبي انا مش فاهمه انت بتتكلم على ايه
اشرف _طبق الكحك اللي انتي طلعتيه لمنار علشان تاكل منه هي والعيال
الحما _هي عايزه تلبسني انا الموضوع انا ما طلعتش حاجه لمراتك يا حبيبي وبعدين هو انا لحقت عملت كحك وطلعته كمان لمراتك وفي الوقت ده دخل حسين وقال
حسين _ لا بقولك ايه هي مراتك عايزه تخرج منها وتدخلي امي في الحوار انا مش هسكت يعني اشرف على الموضوع ده
الحما _ بس يا حسين ما ينفعش تتكلم مع اخوك الكبير بالطريقه دي سيبه هو معذور برده بس انا يا ابني ممكن اعمل كده في عيال ابني
دول روحي وبعدين بيقولوا ده اعز من الولد
ولد الولد
اشرف _ مش عارف ليه مش مصدقك يا ماما بس اعملي حسابك انا لو عرفت ان انت اللي عملت كده في عيالي انا مش هسكتلك
حسين _ لا انت شكلك اتجننت بقى انت ازاي تتكلم مع امك بالطريقه دي انت ناسي ان امك ولا ايه
الحما _ قولتلك اسكت انت يا حسين انت لو مكانه هتعمل اكتر من كده دور عياله يا ابني وراحوا بس عايزاك تعرف يا اشرف ان انا لا يمكن اعمل فيه عيالك كده يا حبيبي ،. بعدها مشي
اشرف
حسين _ امي هو انتي اكيد مش انتي اللي عملتي الموضوع ده مش كده
الحما _ هيفرق معاك لو قولتلك اه وقولتلك لا ده كل اللي يفرق معاك الفلوس وبس واقعد ساكت وحاولت اقرب لاشرف الفتره دي
حسين _ اكيد يا امي هعمل كده لازم ابين له ان انا الصدر الحنين دي
الحما _ ولازم توهموا ان مراته اللي عملت الكلام ده قولوا ان انا كنت اسمع تكلم واحد في التليفون وكانت علي علاقه بيه
حسين _ يسلم دماغك يا امي
وفي شقه محمد كان قاعد هو وغاده مراته
غاده _ ممكن افهم بس يا محمد هنمشي نروح فين دلوقتي واحنا ملناش اي مكان تاني وبعدين هو انت عايز تسيب البيت وتمشي ليه
محمد _ اشرف صعبان عليا قوي في اللي حصل ده عمري ما شوفت منه حاجه وحشه خالص
غاده _ طيب واحنا مالنا ربنا عايز كده خلاص المفروض تصبروا بالكلام مش تسيب البيت وتمشي
محمد _ انا حاسس ان امي اللي عملت كده يا غاده ومش قادر اسامح نفسي والله اني سكت
غاده _ استغفر ربنا امك هتعمل كده ازاي يعني دول احفادها
محمد _ مش احفدها اشرف اصلا مش ابنها طول عمري كنت بستغرب طريقه امي مع اشرف
بس عمري ما كنت اشك أنه مش ابنها
غاده _ انا مش فاهمه منك اي حاجه ازاي يعني مش ابنها وانت عرفت الكلام ده منين
محمد _ بعدين هقولك بس لازم نروح دلوقتي
عندهم معلش
غاده _ عنيا يا حبيبي اللي تؤمر بيه
وفي شقه حماتي كانت قاعده هي ونجلاء
حماتي _ والله يا بت يا نجلاء مش عارفه اشكرك ازاي على اللي انتي عملتيه ده موضوع اني اطلع اشيل طبق الكحك ده مجاش في دماغي خالص
نجلاء _ ومين اللي قالك يا حماتي ان انا اللي طلعت شلت الطبق اصلا ما اعرفش حاجه عن الموضوع ده
حماتي _ يا نهار ابيض امال مين اللي دخل شقه منار وشال الطبق وليه عمل كده
نجلاء _ ما حدش يعرف بموضوع كحك ده اللي انا وانتي ده حتى محمد ما يعرفش هيكون مين
الحما _ بجد انا بدأت اخاف مين اللي هيعمل
كده بس وفي الوقت ده الجرس رن وفتحت
نجلاء وكانت غاده دخلت اقعدت
الحما _ كويس ان انتي جيتي عقلي جوزك بقى وخليه يرجع البيت تاني
غاده _ مش قبل ما اخد حقي حماتي الاول ابقى ارجعلك ابنك تاني ولا تحبي اودي الفديو
ده ل للبوليس اول لماشوفت نجلاء نازله
بالطبق عندك وبعدها انتي طلعتي بيه شقه
منار قولت اكيد في حاجه غلط
روحت صورتك. وانتي داخله شقه منار بالطبق وطلع هيفيدني فيديو
نجلاء _ انتي اللي شلتي طبق الكحك مني شقه منار صح
غاده _ لا طبعا مش انا اللي عملت كده وانا مش دخلت شقتها من ساعت ما راحت المستشفي
ياتري مين اللي شال الطبق