السم في الكحك
الحلقه الثانيه
بقلم هويدا زغلول
وفي الوقت ده دخل محمد وأخو حسين
وقال
محمد _ مش الفلوس اللي هتخسرنا
بعض يا اخويا بس انت عارف انا واخوك
نفسنا نكون عندنا عيال
اشرف _ مش فاهم وايه علاقه الفلوس بموضوع الخلفه
حسين _, يعني يا اخويا كل واحد فينا محتاج يعمل عمليه حقن مجهري
اشرف _ وهو احنا عرفنا الفلوس قد اي
اصبرو ربنا كرمه كبير واكيد هيكرمكم
الحما _ اسمع يا واد انت احنا مش هنتحايل
عليك الفلوس هتروح ل اخواتك وانت
ملكش كلمه في البيت ده
يلا بينا يا عيال علي تحت ، وبعدها نزلوا
وانا خرجت من الاوضه وقولت
منار_ انت كبرت الموضوع قوي يا اشرف خلاص بقى هما حرين في فلوسهم
اشرف _ حاضر انا هدي لكل واحد نصيبه
ويعمل اللي هو عايزو بس برضه
عايز امشي من هنا
منار _ مش هسيبك تخسر امك واخواتك
انت سامع ولا لا مافيش مشي انت ملكش
غيرهم يا حبيبي اهدي بس وانزل
صلي التروايح في الجامع ، وبعدها نزل
وفي شقه حماتي كانت قاعده مع عيالها
محمد وحسين
حسين _ مالك يا امي اول مره أحسك كده
فيكي حاجه غريبه
الام_ اسمعوا بقي انتو الاتنين انتو لازم
تعرفوا الحقيقه انتو مش اخوات اشرف اصلا
حسين _ اي الكلام الفارغ ده انا مش فاهم
حاجه
الام _ دي الحقيقه اللي خبتها طول حياتي
وكنت فاكره أنها خلاص انتهت لما ابو اشرف
راح بس شكل الموضوع مش عايز يتنهي
محمد _ اتكلمي بسرعه يا ماما فيه اي
وبدأت حماتي تفتكر اللي حصل زمان لما
كانت عايشه في بدروم عن الحاج محمود
وخبط عليها وفتحت نرجس وقالت
نرجس _ انا اسفه يا حاج محمود انا عارفه ان انا اتاخرت عليك في الايجار بس انت عارف جوز الواطي طلقني وسابني ومليش حد وانا لسه والده
محمود _والله انا جايلك علشان موضوع ثاني انتي عارفه انه اشرف راحت وهي بتولد ابنه والولد جعان جدا وانا مش عارف اتصرف ازاي وعرفت ان انتي مخلفه توام
نرجس _اه هاته وانا هرضعه معاهم ده ابنك
في عنيا والله وبعدها طلعت الشقه وبقت
ترسم عليه دور الحب لحد ما اتجوزها
وفي يوم كان قاعد محمود وخرجت نرجس
وقالت
نرجس _ بقول لك ايه يا حاج انا عايزه اطلب
منك انا حاسه ان اشرف ابني ومش عايزه
يكبر يلاقي ليه مرات اب انا عايزه اكتبه ب اسمي
انا
محمود _ مش فاهم كلامك ازاي يعني وأمه
الله يرحمها ذنبها اي
نرجس _ العيال بكره هتكبر يا حاج ومش عايزه
يكون في عدواه بينهم وبين بعض احنا
بكره هنروح ومنعرفش الزمن مخبي اي
محمود_عنك حق أنا هكتب العيال كلها
ب اسمي واسم عيالي بس فلوسي كلها
اخويا كاظم هيخدها
نرجس _ اخس عليك يا حاج هو انت فاكر أن
بعمل كده علشان الفلوس انا مش عايزه
اي حاجه وفعلا عمل الكلام ده وبعد ما ادا
اخو الفلوس يكبرها راح وربت نرجس العيال
كلها
# رجوع
حسين _علشان كده عمو كتب الفلوس كلها باسمه هو عشان احنا مالناش حق فيها
الحما _ لا يا قلب امك ما انا مش بقولك الموضوع ده علشان تقول الكلام ده لازم تفكر معايا هنعمل ايه انا ربيت وتعبت
محمد _ مين ابويا ياماما وليه سابك .وازاي مجاش يسأل علينا خالص
الحما _ شوفي الواد انا بقوله ايه وهو يقولي ايه انا بقولك لازم نشوف حل في موضوع الفلوس دي لازم نخدها منهم
محمد _ انا مش عايز حاجه لان الفلوس دي
مش من حقنا برحتكم انتو بقي وبعدها
طلع شقته
حسين _ سيبك منه يا ماما انا هفكر معاكي ولازم فعلا ناخد الفلوس دي دي حقنا
الحما_ايوه كده يا نن عين امك عندك
حق وعدا كام يوم ومكناش بننزل عند حماتي
خالص وفي يوم اشرف دخل المطبخ وقالي
اشرف _ حبيبتي انا لازم اسافر علشان اشوف
موضوع الفلوس ارجوكي بلاش تنزلي عن
امي خالص مش عايز مشاكل
منار _ متخافش يا حبيبي حاضر هعملك اللي انت
عايزو بس خد بالك من نفسك
اشرف $مش عارف ليه حاسس ان انا خايف ومش عايزه اروح ربنا يسترها بقي وفي شقه
حماتي نزلت نجلاء وقالت
نجلاء _ هو لسه برده اشرف ما بينزلش هنا يا ماما مش لازم نعرف هيعمل ايه
الحما _ مش عارفه يا بت يا نجلاء مش عايزه اطلع انا شقته خالص
نجلاء _ والله يا ماما انا عندي فكره بس مش عارفه انتي هتوافقي عليها ولا لا
الحما _ قولي فكره اي
نجلاء _ لازم اشرف يحس أن حاجه غاليه راحت
منه علشان يحس بينا ومافيش اغلي من عياله
بصراحه
الحما _ اي يا بت الكلام الفارغ ده عايزني اعمل
اي في عيال ابني وسكت شويه وبعدين قالت
وحتي لو وافقت هعملها ازاي مانتي عارفه .ان
محدش هنا بينزل خالص
نجلاء _ ما هو احلى حاجه في حماتي ان انا واخده دماغك ثواني وقامت جابت طبق كحك
وجت خدي يا حماتي طلعي الطبق ده لمنار
والطبق ده كفيل يحل مشكلتنا
حماتي _ وافرضي يا بت عرف حاجه او كشف
عليهم
نجلاء _ واحنا مالنا يا حماتي مراته والاكل هي اللي عاملاه ما هو كلهم هيروح ومش هيبقي
فيه حد يقول حاجه المهم طلعي ليها الطبق
وقولي ليها فضي في طبق من عندك علشان
عايزه طبقي
حماتي _ هو انتي ازاي يا بنت انتي بتتكلمي معايا كده ما هما برده عيال ابني
نجلاء _ عيالك ما بيخلفوش يا حماتي وانتي عارفه وانا عارفه وخليني ساكته وبعدها طلعت نجلاء
الحما _ شكل البت دي عارفه حاجه وبعدها
اخدت الطبق وطلعت ليا وانا فتحت
منار _حماتي تعالي يا حبيبتي اتفضلي
الحما _ ما هو انا قلت انت مش عايزين تنزلوا اطلع انا بقى معايا طبق الكحك ده اشرف فين واحشني قوي
منار _راح يشوف موضوع الفلوس ده يا حماتي وباذن الله هيدي كل واحد حقه انا اتكلمت معاه والله
الحما _ طول عمري بقول عليكي حنينه يا حبيبتي خدي بقى الكحك بس هاتي لي طبق عشان اروح اطلع لسلايفك فيه
منار _ عنيا يا حماتي وبعدها دخلت بالطبق فضيت
الكحك وبعدين خرجت ليها الطبق
الحما_ ربنا يخليكي يا مرات ابني يا حنينه
انا نازله بقي ، وبعدها نزلت وانا دخلت المطبخ
ودخل مازن ولوجي عيالي
منار _ايه يا حبايبي شكلكم جعانين اخرجوا بره وانا اعمل لكم كوبايتين لبن واجيبلكم طبق الكحك ده واجي
لوجي _ الله كحك ماشي يا ماما وبعدها
عملت كده وكلوا الكحك وبعدها حصل