تحميل رواية السر الخفي بقلم جيجي pdf

كل ما يخلف بنت يقص شعرها ويأمر زوجته أن تخفيها للابد والسر اللى عمل كدا علشانوا مافيش بشر يتخيله

عمران راجل فى الستين كان قاعد مع ست فى الخمسين دى عيشه مراتو عمران قال بغضب...

هتخفيها زيها زى اخواتها.. ما اللى قبلها تواناهم عادى... وما تكلمتيش مش كانو بناتى هما كمان ايه الجديد....

عيشه ببكى... بس دوكم كانو بنات ضرايرى.. لاكن دى بنتى انا... وماليش غيرها سيبهالى هما خلفو ولاد بس انا ما هعرفش اجيب غيرها ....

عمران.. بقول ايه ده كان اتفاقنا اى بت هتاجى هتحلقى شعرها وتخفيها للابد وانتى وافقتى

عيشه بدموع.. عشان انا ما كنتش بخلف... بس دى بتى.. انا قصيت شعرها والله خليتو لرقبتها.. يبقى مش هى..

عمران بزهق.. بقولك ايه انتى بقالك ١٦ سنه بتاجلى وتقولى عيله صغيره... بس اهى كبرت وانا ما هستناش تانى... هتتاويها انتى ولا اخفيها انا بمعرفتى..

عيشه بانهيار.. مش هقدر.. والله ما هقدر..

عمران... خلاص هخلى الليل يليل والناس تنام وهخفيها انا... شكلك قلبك ضعف مع السن.. ولو اتكلمتى هقولها انك انتى اللى كنتى بتقتلى البنات كلهم.. وهتحصليهم كمان انتى وهى....

وسابها ومشى.. عيشه قعدت على الارض وبقت تبكى بانهيار.. ورا حيطه للاوضه اللى جمبهم كانت واقفه بنت ١٦ سنه وشعرها مقصوص لرقبتها.. والدموع نازله على خدها بصدمه من اللى سمعتو... دى صبا بنتهم.. جريت على الاوضه بخوف شديد وبقت تبكى باستسلام وهى مستنيه مصيرها..

بالليل فى مكان تانى .. كان فى شاب فى التلاتين.. دا عواد

واقف مع شاب تانى وقدامهم محصول وبيقول.. كل واحد اخد سبتو اديتهم الفلوس يا صابر..

صابر... اى نعم الناس كلها اخدت المحصول والفلوس ما تقلقش الحمد لله توزعت بالتساوى.. بس انا عايز اتجوز واحده غلبانه كدا فى حالها لا تفهم فى ده ولا ده... اقعد انا وهى كدا مبسوطين.. شوف كل الراجله راجعه مبسوطه مع حريمها الا انا.. خايف اموت اعذب..

عواد... عندى.. عروستك عندى البت جنه اختى

صابر.. ايه... ليه هو انا زعلتك فى حاجه..

عواد.. ايه ده... هو انت عشان بتشوفها بتتشاكل خوفت منها.. ده بس عشان انت راجل غريب والدنيا ما فيهاش امان.. انما لو تشوفها فى البيت القطه تاكل عشاها تعال هوريهالك فى شغلها سكره بس الله ما شاء الله عليها..

وراحو مكان قريب ولقو بنات قاعدين بضيق وبنت فى العشرين واقفه فوق عتبه وبتقول..

اه ما ده شغلهم مش بيمنو علينا بيه.. انتو كمان بتتعبو فى البيت وهما بيتعبو بره يعنى مش يرجع تعبان تجيبو الطشط زى الهبل وتغسلو رجليهم.. احنا لو تعبانين مش هيغسلو رجلينا... يبقى ليه نغسلهم يلعنهم الف مره احنا مش خدم عندهم..

صابر.. احم هى دى اللى القطه تاكل عشاها

عواد.. ما مصدقنيش اكلتو مبارح

صابر... دى تلاقيها حطتلها فيه سم....

عواد.. ليه دى طيبه قوى.. انت بس فكر

صابر.... طب هصلى استخاره وان شاء الله خير

وجرى بسرعه...

عواد بياس.. ولا هتصلى ولا هتقف على المصلايه حتى...

وراح عندهم وقال...

بتهببى ايه... يلا يا وليه منك ليها رجالتكم جابولكم المحصول روحولهم..

الستات مشيو بسرعه قرب من اختو وقال..

هو يوم بيستنوه من السنه للسنه يا جاحده.. تسلطيهم على بعض فى اليوم ده.. منك لله... كل ما اجبلك عريس تطفشيه امتى هتمشى وتحلى عنى

جنه.. انت عايز الاوضه بتاعتى انسى... ده بيت ابوى اشتريلك بيت

عواد.. واسيبك لحالك فى البيت

جنه.. خلاص اتجوز معايا كفايه بوظت مئتمرى ..

عواد.. واسيبك معاها لحاكم لما اطلع عشان تكليها.. ربنا يلزك يا شيخه منك لله.. اطلعى قدامى يلا..

عند عامر.. قام من على السرير ولسه هيطلع من الاوضه بس عيشه مسكه في رجله وقالت برجاء...

الله يخليك بلاش.. خليهالى والنبي.. عشان خاطر النبي سيبهالى..

عامر زقها برجلو وقال.. بقولك ايه اكتمي انا مش عايز اسمع صوتك...

وجاب قماشه وحطها في الميه ومسكها في ايده وطلع على اوضه صبا.. وفتح الباب ودخل الاوضه بس وقف مكانو بصدمه لانها ما كانتش موجوده... بقى يدور فى الاوضه برعب باين على ملاحو بس مكانش ليها اى اثر..

خنق عيشه وقال بزعر...

ودتيها فين طفشتيها صح... انتى هربتيها..

عيشه... يمين بالله ما اعرف راحت فين ولا شفتها.. يمين بالله ما اعرف طريقها..

عامر... انتى اللي هربتيها.. اوعى تكونى قلتيلها خفينا اللي قبلها ليه.. قولتيلها ان احنا قتلنا اخواتها البنات..

عيشه بخوف.. لا والله ما قولت حاجه.. ولا قولتلها ان احنا كنا هنموتها انا قعدت في اوضتي وقفلت عليا وما طلعتش منها والله....

عامر.. امال هربت ليه يعنى..

عيشه... ما عارفاش والله العظيم ما عارفه...

بصلها بتحزير وقال... تبقى هي تبقى بتك يا عيشه المقصوده... بس انا هلاقيها ويوم ما الاقيها هدفنكو فى نفس القبر انتوا الاتنين عشان تونسيها..

وزقها على الارض ومشي من البيت بسرعه.. يدور عليها فى كل مكان زي المجنون.. وعيشه قعدت مكانها بخوف مش عارفه تتصرف ازاى..

صبا كانت ماشيه فى الجبل وقفوها ٣ شباب وقالو.. .

الجميل مروح لوحدو..

صبا بصتلهم بخوف وكملت طريقها بس وقف قدامها التانى وقال..

فى ايه يا غزال الوادى ما تردى علينا..

صبا... بعد انت وهو انا عاوزه امشى..

الولد.. طب ما تمشى معانا احنا رقبتنا سداده نوصلك مطرح ما تحبى... وعنينا ليكى..

صبا بخوف.. بعدو انت وياه الحقونى يا خلق..

ولسه هتجرى بس حاصروها التلاته......

الفصل الثاني من هنا

لقراءه باقي الفصول من هنا

...صبا بخوف.. بعدو انت وياه الحقونى يا خلق..

ولسه هتجرى بس حاصروها التلاته بس فى ايد قويه شدتها منهم وكان عواد خباها وراه وقال...

بس انت وياه.. ايدك يا بويا لتوحشك..

الشاب هى تبعك

عواد.. اه

طب دى تلزمنا..

وفتح عليه سكين بس هو ابتسم بسخريه وخبطها برجلو وقعها وطلع سلاحو وصوبو عليهم بس جريو بسرعه..

.اتنهد بياس وبصلها وقال...

حمد لله على سلامتك انتى زينه.. عملولك حاجه..

بس صبا كنت بترتجف من الخوف وفجاه اغمى عليها..

عواد.. شالها حطها في العربيه وجنه كانت معاه.. وطلع على البيت حطها على الكنبه بقى يفوقها.. وقال لجنه...

اجري هاتيلها بصله نفوقها بيها.

جنه.. بصله ايه هي فروجه... الناس بتفوق البشر بكالونيا

عواد.. روحي هاتي اي حاجه..

جنه.. تؤ احنا داخلنا السنه الجديده خلاص وانا رفعت شعارها... طيبه تاني.. لا... ايوه هنضم مع الاستاذ احمد سعد..

عواد بضيق.. اطلعي هاتي الكالونيا بدل ما هطلع اجيبها.. وانا ماسكك من قفاكى واهو انضف بيكى الارضيه..

جنه.. حاضر.

وطلعت جابت البرفان.. وعواد اخدو منها بضيق وبقى يقومها... صبا قعدت وقالت بتعب..

يا بوي..

عواد.. انتى زينه عايزه نشوف حكيم..

صبا.. انا زينه ما فياش حاجه.

عواد.. طيب تعالي خليني اوصلك عند ناسك لو خفيتى حكم زمانهم قلقانين عليكى.. انتى ايه اللي طلعك في الليالي دي لوحدك..

صبا.. انا ما عايزاش ارجع عند ناسي ..

عواد.. بسم الله الرحمن الرحيم.. كيف ما عايزاش ترجعى لناسك يعنى... امال هتروحي فين... الواحده ملهاش غير بيت ناسها... هتروحى فين لو ما روحتيش.. انتى شوفتى الشارع والناس اللى فيه...

صبا.. بروح اى حته الا بيتنا.. انسى مش هرجع..

عواد.. هو انتى هاربه من ناسك..

صبا.. ايوه هربت منهم.. وانت خلاص كده شكرا ليك..

ولسه هتمشى عواد شدها من ايدها قعدها وقال..

تمشي تروحي فين في الليالي دي لوحدك.. الجبل مش امان اخاف عليكى... ايه اللي حصل هربتى من ناسك ليه وليه مش عاوزه ترجعى.

صبا... لو رجعت هيموتوني..

جنه.. عملت حاجه غلط اكيد... تلاقيها عندها حبيب وهربت لجل تروحلو... هما بنات اليومين دول بيهربوا على عشان العشق...

صبا.. استغفر الله العظيم احنا العشق ما نعرفوش ولا نشوفوه.. اخرنا نقراه في الروايات.. ونشوفو فى الافلام

جنه... وطالما انتى ما عملتيش حاجه عفشه هربتى منهم ليه..

صبا.. قلتلك عشان عايزين يموتوني انتى بتسالى السؤال مرتين ليه

جنه.. ايوه عايزين يموتوكي ليه.. ولا طقت فى نفوخهم عايزين يموتوكى...

صبا.. اه هما اتجنو..

عواد بضيق.. انتى ليه لسانك متبري منك ما تكلمينا زين

صبا.. انا عايزه امشي انت اللي مش راضيلي امشي

عواد.. الحق عليا اللي مش عايزك تطلعى لحالك في الليل ده..

صبا ببكى.. انت ما غلطانش يا سيدي وكتر خيرك.. وجميلك على راسنا من فوق... بس انا ما اعرفش اهلي عايزين يقتلوني ليه عشان اقولك.. انا ما عارفاش ابويا بيقول لامى اقتليها ليه..

جنه.. لا تكوني وطيتي راسهم وجبتيلهم العار..

صبا.. احفظى لسانك يا خيتي احسن ما تلاقيهوش

جنه.. ومين اللي هيقطع لساني يمكن انتى..

عواد.. بس صلوا على النبي...

صبا وجنه.. عليه الصلاه والسلام حبيب الله..

عواد.. نامي دلوك والصباح رباح..

جنه.. انا ما هدخلش البنت دي اوضتي ما ياكلها قطر

عواد.. خلاص باتى في اوضتى.. انا هبات في الصاله هنه لو عوزتو حاجه.. يلا..

وراحو كل واحده على اوضتها وناموا في صباح يوم جديد.. جنه راحت على اوضة صبا وشدتها من الهدوم بتاعتها قعدتها.. صبا شهقة بخضه وقالت....

بسم الله الرحمن الرحيم في ايه على الصبح..

جنه... هو انتى مش مستنياني احضر الفطور واجيبهولك على السرير لحد عندك واقولك بالهنا صح..

صبا.. لا

جنه.. خلاص يبقى تقومي تحضرى الوكل معايا..

صبا.. انتى ليه بتعاملينى كيف حماتي انا عملتلك حاجه ما انا نايمه في حالي اهو...

جنه.. امم حالك.. بصى يا اختى هقولك احنا هنه بنفطر مره واحده وبنتغدى مره واحده وكمان بنتعشى مره واحده.... يعني السفره بتتفرد ٣ مرات في اليوم.. تانى... مره الصبح.. مره ظهر.. مره ليل... ما عنديش استعداد بعد ما نفطر انا واخويا.. تدخلي انت المطبخ وتلوطى الدنيا ولو حتى هتغسل مواعينك لحالك لا هتقومي معايا الصبح وتجهزي هتاكلي.. ما هتقوميش وما هتجهزيش ما هتاكليش لا معانا ولا بعد ما نشيله.. تستني الطقه اللي وراها.. هسبقك انى على المطبخ.. ورايا

وطلعت من عندها...

صبا.. ايه دى ساتر يا رب عامله كيف مره الاب اللي بيجيبوها في الافلام..

وراحت ستحمت ولبست.. ونزلت تجهز معاها الفطور.. وعواد كان قاعد على سجادة الصلاه وبيقرا في المصحف.. صبا راحت عندو وقالت...

هو انت قاعد بتقرا من ميته..

عواد.. صدق الله العظيم.. انا بقرا من الفجر انا متعود كده بصلي الفجر واقعد اقرا لحد الشمس ما تطلع..

صبا.. ما شاء الله كل يوم..

عواد.. اه اصل بيقولولي ان اللي بيقعد مطرحو كده لحد الشمس ما تطلع ليه اجر عمره... كمان ربنا قال.. ان قران الفجر كان مشهودا.. ف مافيش وقت اجمل من ده.. وانا اصلا عند الشمس ما طلعت واتزحمنا فى الدنيا الواحد بينسى روحه ربنا يغفر ويسامح بقى.. ما بنلحقوش غير الصلاه.. والقران اجمل حاجه الواحد يبتدي بيها اليوم.. انتى ما بتقريش بعد الفجر..

صبا... لا اصل انا بصراحه كمان مش بصلي..

عواد.. ليه ما بتصليش...

صبا... ما عرفش لا امي ولا ابويا بيصلوا فانا ما صليتش

عواد.. لو تحبي ممكن تصلي معانا انا واختي من هنا ورايح احنا بنصلى جماعه..

صبا بحماس.. ماشي انا جاهزه..

جنه... هو ايه اللي تصلي معاك انت واختك من هنا ورايح يصلو فى جنازتها قادر يا كريم.. هي هتقعد عندنا كتير مش هتتوكل على الله يعني خدتك الشهامه امبارح وما قدرتش تسيبها في الليل لحالها يلا خليها تروح تشوف مصالحها اهو الصبح طلع...

عواد بص لصبا وقال.. هي على فكره طيبه والله بس هي لسانها متبريه منها.. المهم انتى هربتى من ناسك ليه.... امبارح قلبي ماطوعنيش اهمل بنت صغيره زيك كده في الشارع لحالها وكمان انتى وراكى بلاوى والاتنين عكس... بعض فالواحد ما عرفش يتصرف كيف فقوليلي عشان اعرف اتصرف انا...

الفصل الثالث من هنا

لقراءه باقي الفصول من هنا

عواد بص لصبا وقال.. هي على فكره طيبه والله بس هي لسانها متبري منها.. المهم انتى هربتى من ناسك ليه.... امبارح قلبي ماطوعنيش اهمل بنت صغيره زيك كده في الشارع لحالها وكمان انتى وراكى بلاوى والاتنين عكس... بعض فالواحد ما عرفش يتصرف كيف فقوليلي عشان اعرف اتصرف انا...

صبا بدموع... انا كنت قاعده عادي يعني بقالى 16 سنه قاعده عادي مع ابويا كان بيكرهني عمرو ما جيبلي حاجه ولا فرحني ولا حتى بص في وشي... بس امي هي اللي كانت بتحادي عليا انا كنت فاكره انو كيف رجاله كتير في الصعيد ما بيحبوش خلفه البنات فانا كنت بقول عادي بس امبارح لقيته بيقول لامي.... تاويها كيف اللي تاواتيهم قبلها اصل ابويا متجوز ٣ حريم.. وامى ما كانتش بتخلف فجاه جابتني انا بس سكتت على كده... فهي كل ما ابويا كان بيخلف بنت من مراتاته التانين كان بيخلى امى تحلق شعرها وتخفيها للابد.. ده اللى عرفتو امبارح.. طلب منها تعمل كده فيا انا كمان... هي ما قدرتش عشان انا بنتها قصتلى شعرى... انا ما عرفتش ليه.. وقالت لابويا انها مش هتقدر تعمل كدا فيا.. هو قال هعملها انا مع انى.. يمين بالله ولا كلمت حد ولا عملت حاجه.... ولا ابويا كان بيطلعنا من البيت كان حبسني في الاوضه 24 ساعه.. لا كنت بطلع ولا بدخل... حتى لما كنت بعوز حاجه يعني من السوق كانت امي بتروح تجيبهالي.. ما عملتش حاجه غلط كيف ما كنتو بتقولو امبارح..

جنه.. انا اسفه حقك علي انا ما قصدتش يعني بس انتى كمان حطي نفسك مطرحنا جيانا ببلوه..

عواد.. خلاص عاد دى ما بتحصلش كتير ما بتعتذرش خالص من حد.. جنه لو قالولها تاكل من الحمم البركانيه ولا تعترف بغلطها تقول اكل من الحمم..

جنه.. ده عشان انا ما غلطتش قبل كده.. لما غلطت دلوقتي اعترفت... انت كل مره بتكون غلطان.. سمعت كل مره..

عواد.. ماشي ماشي صح خلاص انا غلطان كل مره يا ساتر يا رب.. بس ليه يعني بيعمل كده في البنات ليه بيكرههم.. يعني بيكره خلفه الحريم عموما..

صبا.. لا لا الموضوع طلع اكبر من كده بكتير المشكله ان انا ما ليش حد.... فما عرفش اروح فين.. امي طلعت قتالت عيال.. وابوى بيدور عليا عشان يخفيني انا كمان وجدتى بس اللى اقدر اروحلها بس زمان ابوى هناك... او هى عندهم..

عواد.. انتى هتقعدي حدانا هنا ما تطلعيش ابدا.. وانا لما انزل السوق هجيبلك عبايه ونقاب عشان تقدر تطلعي بيهم في المكان اللى انتى عيزاه... وما حدش يعرفك واحنا هنقول انك قريبتنا..

جنه.. انت هتعمل كيف ناس البندر.. وهو ينفع تقعد حدانا وانت قاعد شحط هنه معانا في البيت.. طالع داخل انت تتجوزها احسن..

عواد.. جواز ايه اقعدي ساكته..

جنه.. مش كنت قاتل روحك على الجواز امبارح وعايز تتجوز وعايز تخلف وعملت ان انا العقبه في الموضوع

عواد... انتى عقبه في حياتي كلها اسكتى بقى...

جنه.. يبقى انت اللي مش عايز تتجوز وبتتحجج..

عواد. اول حاجه البت لسه 16 سنه يعني ما كملتش سن الجواز اصلا عشان اتجوزها تمام...

جنه.. مليش صالح بقى استحمل كلام الناس وحديتها البايخ...

عواد.. يلا تعالو كلو..

وبقت تعدى عليهم الايام..

عند عيشه كانت بتبكى عند ست فى السبعين دى جليله امها وبتقول...

قلب عليها الدنيا كلها مش لاقيها.. عم يقلب عليها شبر شبر وحته حته مش لاقيها.. طب تكون راحت فين بس ده ما خلاش ولا مطرح الا ودور عليها فيه.. انشقت الارض وبلعتها يعنى...

جليله.. ما انا قلتلك من الاول ان اللى انتى بتعمليه ده غلط وهياجي يوم الكدب هيتكشف.. وقلتلك كيف ما بتقتلي بنات الناس هياجيكى اليوم ويخليكي تقتلى بتك بيدك.. قولتى ما هيحصلش... وما تبعتينيش.. ومشيتى ورا راسك..

عيشه ببكى... كنت فاكره ان انا عمري ما هيبقى عندي بنت فى يوم من الايام... انا كنت ارض بور يا اما... وكلامك يومها كان مستحيل... ما كنتش اعرف انى هخلف يا اما كنتش عارفه... ما كل الدكاتره قالولى ما بتخلفيش واخدت خمس سنين ما بخلفش.. وعشان حظى جبتها حته بنت واحده ولا تحتها ولا فوقها.....دلوك عايز يحرمنى منها... ابوها قالب عليها الدنيا شبر شبر وقطعه قطعه لاجل يلاقيها ويموتها ياما...

جليله... ده غضب. ربنا عليكى... قلتلك الدنيا مالهاش امان.. وكل ساقي هيشرب من اللى سقى الناس منه.. وانا قلتلك الكلام ده.. قولتلك ده مجنون.. لا عندو دين ولا ايمان ولا يعرف ربنا ولا يعرف الكلام اللي قاله... ماشي ورا جهل وخرافات خلتو قاعد عم يقتل فرحته دقيقه بدقيقه في الدنيا.. خلتو ولا فرح بجواز ولا فرح بخلفه وضايق مراره انه يقتل عياله باديه.. عارفه ليه عشان بعد من ربنا واطمن للحياه اللي ربنا قال ما تطمنولهاش اطمنتولها انتى وهو.. انتى قولتى خلاص ما بتخلفيش يبقى تقتلي عيال غيرك.. وتقعدي زي الفل شيلي.. ولسه لسه لما بنتك تعرف انك قتلتى عيال الناس لسه كمان لو ضرايرك عرفوا ان انتى اللى اخدتى بناتهم...

عيشه... بتى اكيد سمعتني ياما.. امال هربت ليه سمعتني وانا بتكلم مع ابوها.. اكيد عرفت ان انا اللي قتلت عيال ضرايرى.. وضرايرى ما هيعرفوش مين هيقولهم يعنى.. الواحده كانت بتقوم من النوم ما تلقاش بتها.. ايه وراها ان انا الى خفيتها عامر كان بيخطفهم ما حدش شافو.

جليله.. هئ ما فيش حاجه بتستخبى والي ربنا بيريد يفضحه بيقدر يفضحه... وهروب بتك دي اول فضيحتكم يا عيشه..

عيشه بضيق... فى ايه يا اما هو انا جيالك تواسينى ولا جاياكى تقطميني...

جليله... ادعى على ولدي واكره اللي يقول امين.. انا ما عجبنيش حالك بس ما قادراش على قطيعتك بتفضلي بنتى في الاخر مهما هببتى..

عيشه.. انا هرجع بيتى.. هرجعله.. يمكن عرف حاجه عن بتي..

جليله بغضب.. انتى جبله يا بت.. مش لسه مهزقك ومسح بيكي بلاط البيت وقالك غوري في داهيه هترجعيله تانى تعملي ايه مستنياه يموتك يعنى...

عيشه.. يموتنى يا اما بس اعرف حاجه عن بتي ما ينفعش اقعد كده والبت ما فيش خبر عنها..

ومشيت بسرعه.. وجليله خبطت اديها فى بعض وقالت بقلة حيلة...

لا اله الا الله.. لله الامر من قبل ومن بعض..

عند صبا كانت بتتمشى مع عواد فى الجبل وقال..

بس يا ستي دى اراضينا.. وبنزرع الارض احنا وكل الرجاله اللى عندنا.. وفى موسم الحصاد بنحصد فيه زرعنا.. فبنوزع المحصول على كل الرجاله اللي اشتغلت فيها..

صبا... ايوه بس هي مش اراضي الجبال دي ما بتتزرعش

عواد.. اى نعم... احنا ساكنين في الجبل اللى ما بيتزرعش.. في تحت هناك اها وادي في اراضى يعني بعدنا بشويه اماكن صالحه للزراعه.. والعاليه اللي ما بتصلحش للزراعه ساكنين فيها بنستفاد من كلو بقى هنعمل ايه..

صبا... طب وليه ما لكمش بيوت في المدينه عند الناس والطريق العام.. ليه جيتو هنه فى الحته المقطوعه دى.

عواد.. لا ما هو اللي صعبت عليه عيشه المدينه هو اللي جاي هنا.. هناك دوشه وصعبه.. مالناش مكان.. جينا هنا وبنينا بيوت وعشنا.. والحمد لله مرتاحين وكلها اراضى ربنا..

صبا.. اه بس جميله قوي تحسكم كده كيف بيت العيله كلكم زي بعض...

عواد.. ايوه امال ايه الواحد هنا بتلاقيه سند للتاني لما بتعوزيه تلاقيه..

صبا بصتلو وقالت.. صح انت الجدعنه فيك ما لهاش اخر...

عواد حمحم بحرج وهى اخدت بالها لجملتها وقالت بكسوف...

صبا.. احم.. انا.. احم.. اقصد ناس المكان كلهم يعنى بس انت حاله خاصه يعنى.. اصل اللى انت عملته معايا ما حدش من اهلي عملو..

عواد.. احم.. لا ده اي حد في مطرحى كان عمل وياكى نفس اللى انا عملتو.. يلا تعالي خلينا ننزل..

ونزلو من على الجبل وبالليل كان فى فرح .. وكانت صبا لابسه عبايه من عندهم وبرقع على وشها.. وراحت معاهم الفرح وكان في نار والبنات بترقص حواليها والشباب عاملين دايره بس بعيد شويه متجمعين فيها الشباب كلهم.... والبنات كانو عمالين يرقصو.. وعواد كان كل شويه يبص علي صبا..

صابر... ايه الموضوع مين اللي معاكم دي قريبه ايه يا عواد.. ده انت مقطوع من شجره.. لا ليك اهل ولا خال ولا عم..

عواد.. اش الله يخرب بيتك انت هتسيحلي..

صابر.. اسيحلك ايه ما انا صاحبك وعارفك.. انت بقالك 30 سنه قاعد وسطينا مقطوع ما حدش ظهرلك ابدا.. الا ما ظهرلك حتى بسه جت نونوت تحت بيتك .. انت واختك المهفوفه دي.. ها مين دى..

عواد.. دي واحده كده حكايه حكايه.. ووراها موضوع واعر قوى يا صابر.. واستنجدت بينا. بس..

صابر.. امم كده حكايه.. واضح انها صعبانه عليك عينك ما نزلتش من عليها من ساعه ما جيت وياها..

عواد بحرج.. احم قصدك ايه..

صابر.. ولاونك عرفت قصدى بس.. في الصبح على راس الجبل وعم تشرحلها وتشاورلها على شغلنا... والعصر ماشي معاها جنب حصانك.. ودلوقت في القعده عينك ما نزلتش من عليها رغم انك بتغض البصر عن الحريم

ناقص بس تروح تقعد وياها هناك.. ف بسال بس..

عواد.. ما فيش حاجه من الكلام ده على فكره..

صابر.... والله انا شايف انه مدام حكايتها حكايه ووراها حاجه واعره بلاش توجع قلبك.. لتوقع مننا احسن ما تعرفش تقوم.. ابعد يا صاحبى عن حبال الحب لا تتلف حوالين رقبتك وتتشنق مننا..

عواد.. عملت ايه في الاستخاره بتاعت جوازك من اختي

صابر... بتتهرب ماشى. طلعتلي اتجوزها مش عارف ايه الخير فيها بس طلعلي كده.. هعيدها تاني واشوف..

عواد.. انت بتتكلم جد انت صليت اصلا.. كنت فاكرك بتسهيني..

صابر.. لا والله صليت ومش عارف ايه الخير بس يمكن ربنا شايفه وانا مش شايفه.. هعيدها تاني ولو لا قدر الله طلعتلي تانى.. هاجى اتقدم يعنى هعمل ايه يعني عقول لربنا لاه.. اعوذو بالله...

عواد.. ماشى.. تمام بس الاول خلينا نشوف موضوع البنت دي ايه.. وبعدين انت..

صابر.. براحتك انا والله مش مستعجل..

عواد مشى وراح هو وصبا رجعو على البيت..

صبا.. تعرف انا اول مره في حياتي اروح فرح.. حلو قوي عجبنى..

عواد.. عقبالك..

صبا... مش اما اعيش الاول..

عواد.. طب انتى ما لكيش حد يعرف نسأله...

صبا.. تؤ خالص.. ضراير امى اكيد ما يعرفوش حاجه واصل... عارف ممكن جدتي تكون تعرف بس هي ما هترضاش تقولي عشان امي..

عواد.. يعني جدتك تعرف..

صبا... اه سر امى معاها... بس هى ممكن تكون عند ابوى او ابوى عندها.. ف انا ما هعرفش اروح اخاف ابويا يشوفنى..

عواد.. لا ما انا مش عايزك انتى تروحي عشان ابوكي ما يلاقيكيش... هروح انا واسالها.. ولو عرفت اي حاجه اقولهالك..

صبا.. لا تروح لحالك.. انا خايفه عليك قوي... خايفه ابويا يعملك حاجه...

عواد.. ما تخافيش عليا ياما دقت على الراس طبول.. ما بياخدش الروح الا الى خلقها...

صبا ببكى... هيموتوك.. يا عواد..

عواد.. لا ما حدش هيموتنى.. هاتى عناوينكم وخلو بالكم من بعض انتى وجنه لحد ما اجى...

الفصل الرابع والاخير من هنا

لقراءه باقي الفصول من هنا

..عواد.. لا ما حدش هيموتنى.. هاتى عناوينكم وخلو بالكم من بعض انتى وجنه لحد ما اجى...

عند عامر كان بيصرخ بصوت عالى.. وكانو عندو جليله وعيشه.. وزوجاته التلاته.. وهو بيصرخ وبيقول..

بعدوها عنى هتموتنى... هى جات تموتنى..

عيشه... اهدا بس استهدى بالله محدش جاي يموتك..

عامر.. لا هى اهى جات عشان تقتلني.. كيف ما قتلنا البنات الى قبلها.. قلتك اقتليها زى ما قتلى البنات التانين بس انتى فضلتى تقولى صغيره صغيره.. اهى كبرت وهتموتنى..

لبنى مراتو الاولى... بنات مين اللي قتلتهم يا عامر بناتنا احنا.. هي اللي قتلتهم.. وانت كنت عارف كل السنين دي

وانت اللى قولتلها تقتلهم كمان..

عيشه بكدب... بطلى تخريف. الراجل اتجن انا ما قتلتش حد..

كريمه زوجته التانيه... لا انتى عشان كنتى ارض بور معقول الغل وصلك تاخدى عيله من امها وتقتليها...

عيشه.. ده اتجن ما تسمعوش كلامو..

عامر.. اهى جابت بناتى اللى انتى قتلتيهم وجايه تخنقنى.. منك لله.. دسونى منها.. هى اللى قتلتكم انا ماليش دعوه..

صفيه مراتو التالته.. امسكوها انتى اللي قتلتى بناتنا مش كده.. عشان ما كنتيش بتخلفي صح.

وتلمو عليها التلاته..

وعيشه بقت تقول.. بعدى عني.. انت وياها انا ما قتلتش بنات حد..

جليله نزلت وهى بتقول.. لا حول ولا قوه الا بالله... لا حول ولا قوه الا بالله.. انت جبت وانت اخدت يا رب ..

بس قابلت عواد تحت بيت عامر وقال.. السلام عليكم يا حجه.. انا عواد من الجبل.. روحت بيتك ومالقتكيش وهمسلها وقال... صبا عندى.. انا مخبيها بس كنت عايز اعرف ليه عملو كدا.. وفى ايه فوق..

جليله بلهفه.. هي عندك..

عواد.. ومناها ترجع.. بس ليه كان بيقتل بناته هى خايفه.

جليله قعدت بقلة حيلة وقالت..

عشان جاهل.. مره زمان جات واحده قالتله انها هتقراله الطالع وتشوف المستخبي... كان هو واخوه.. قرتلهم الكف وقالتله انه في بنت من صلبه بيضه وشعرها طويل هتقتلو... بنتو هتقتلوا بيبدها.. خاف على روحه لانو كان عندو بنات من حريمو التلاته.. اتجوز مره رابعه اللي هي بنتي عيشه.. قلتلها كتير بلاش تتجوزيه قالت هتجوزو بدل ما اعنس.. عشان ما كانتش بتخلف... هو كان فرحان انها مش بتخلف.. قولنالو طلق حريمك وسيبهم يخلفو من غيرك بس لا.. فضل كل ما واحده تخلف منه بنت.. يخلي بنتي تحلق شعرها وتاويها قتلهم 6 لحد ما بتي فى مره خلفت.. فضلت تبكي وتخبى بنتها 16 سنه بعدين قالها دلوقتي يعني دلوقتي.. والبت هربت وفاكرها هتاجي تموتو اتجن يا كبدى.. جهل وقلة دين.. ضيع حياته بسب كلام ما لهوش اي لزمه..

عواد.. اتجن..

جليله.. اه.. بتى عشان ما بتخلفش رضيت تقتل عيال الناس.. لحد ما جيه بعدل ربك اليوم اللى انطلب منها تقتل بنتها بيدها.. كلهم ضرايرها خلفو ولاد وفضلو معاهم.. وهى قعدت لوحدها..

عواد.. معقول التخريف ده.. معقول واحد يقتل بته عشان كلام..

جليله.. ما هي قالت لاخوه نفس الكلام بنتك هتقتلك بت اخوه حبلت في الحرام... ابوها كان عايز يموتها بتزقو منها وقع من فوق مات.. ف هو خاف وقال ان كلامها بيتحقق

بس قاطعهم وصول البوليس واخد عيشه.. وعامر.. رجع عواد وحكى لصبا كل حاجه عرفها..

صبا ببكى.. يا لهوى يعني ابويا اتجن وامى اتحبست.. انا لازم اروح لجدتى..

عواد.. اهدى ضراير امك ما هيسيبوكيش دول قلبهم محروق على بناتهم.. كارهين امك قوي..

صبا.. لا ما ههملهاش واصل..

ورجعت عند جليله وقعدت معاها.. وبقت تعدي الايام عليهم... بعد سنه كانوا عاملين فرح كبير لصابر وجنه.. وعواد كان واقف بعيد.. بس جالو صوت صبا من وراه بتقول....

مبروك..

عواد بفرحه.. صبا الله يبارك فيكى.. كيفك عامله ايه

صبا.. الحمد لله زينه انت كيفك.

عواد.. بخير الحمد لله..

صبا.. سمعت ان اختك هتتجوز قلت لازم اجى اباركلك..

عواد.. الله يبارك فيكى.. عقبالك...

صبا.. عقبالك انت..

عواد.. اه والله البيت هيفضى عليا..

صبا.. شد حيلك ولاقي واحده تملاه..

عواد.. بصراحه كده انا عايزك انتى اللي تمليه

صبا.. انا لسه صغيره... انا 17 سنه ما ينفعش اتجوز لسه قاعديلي سنه كمان..

عواد.. وماله نستنوها احنا مش مستعجلين..

صبا.. هو انت كسلان كده على طول.. هو مش العريس اللى بيروح للعروسه انت استنيتنى اجيك وتطلبنى. تؤ

انا مش اقل من اللى بيجبو اهلهم عشان يتقدمولها..

عواد.. يا ستي انتى ادينا الاوكيه بس وانا بجيبلك القبيله كلها واجى اتقدم..

صبا.. انت ايه طلع الفكره دي في راسك..

عوتد.. بصراحه بعد ما مشيتي اتوحشتك قوي حاسس انى عايز ارجعك عندي تاني. بس المره دي مش هرجعك واحده هاربه وهتتخبى حداى.. هرجعك مرتي وام لعيالى.. ها نتقدموا ميتى..

صبا..والله الباب انت عارفه.. مش هندلوك عليه يعنى..

عواد.. اجى بكره..

صبا بضحك.. تؤ الليله هنسهر ونصبح نايمين..

عواد.. طب بعد بكره حلو..

صبا بابتسامه.. الخميس واحنا بنكون صايمين..

عواد بغيظ.. طب الجمعه..

صبا.. هنصلى مش بقيت اصلى والجمعه عيد المسلمين..

عواد.. طب العصر يمشي.. واهو نخلى العيد اتنين.

صبا بضحك.. هستناك...

ودي كانت نهايه حكايتيتنا.. انتهت بجواز عواد وصبا.. وبحبس عيشه.. وجنون عامر... وانهوها انتو بلايك وكمنت برايكم فى القصه عجبتكم او لا .. عشان نستمر معاكم فى حكاوى تانيه باذن الله... دمتم في امان الله مع من تحبون باذن الله

لقراءه باقي الفصول من هنا