رواية التضحيه 💔 الفصل الخامس 5 - بقلم ♡ويبقى الامل♡

مريانا

بعد ماسمعنه طلقات وتهديد ممنوع نطلع ويردون دم دم شنو يعني يقتلون واحد من اهلي لا مستحيل ع موتي ابوي لازم يطلع سيف لازم يكوم بسلامه لازم اساعد اهلي اي اهلي يامه ساعدت ناس ويم اهلي وكفت صار وقت لصلاء صليت ودعيت ربي ونذرت بس كون تمر ع سلام
بقيت افكر اشلون اساعد اهلي واخييييرا

مريانا::-الووو
نبا::-هلا ميرو اشلونج ان شاء الله بخير
مريانا::-اذا ساعديني نكون بخير
نبا بتردد وخوف واستغراب::-اني اساعدج
مريانا::-اي انتي اشبيج خايفه
نبا::-لا مخايفه بس بشنو اساعدج
مريانا::-اسمعي تعالي علينه باجر واني اكلج
نبا::-ان شاء الله
مريانا::-يلا حبي باي
نبا::-مع سلامه كلبي

نبا

اني نبا صديقه مريانا لمقربه بيتنه قريب عليهم وياها بلصف وباجر اروح لمريانا واني خايفه بيش اساعده هيه صديقتي لازم اساعده بس عجيب بشنو اساعده بلا خلي اشوف ايات

احمد

بقيت افكر معقوله بعدنه بتفكير جاهليه دم بدم معقوله هيج اهلي تفكر قابل همه متقصدين ايي متقصدين لا مامتقصدين اوووف لازم احاجي ابوي واكله يحوله محكمه مو عشاير خلي انام وباجر الله كريم

💕صباح الخير💕 ابطالي

مريانا::-صباح الخير ماما
ام مريانا وهيه تبجي ::-صباح النور
مريانا::-هاا ماما اشبيج ان شاء الله حيطلع بابا قريب كلش ما ابقه شي
ام مريانا::-ان شاء الله
مريانا::-ان شاء الله عمتي ام سيف وين

مريانا::-هلا عمه اشونج اليوم
ام سيف::-اشلوني وسيف بعده
مريانا::-عمه سيف اذا بقه هيج لازم نسافر بيه

نبا::-صباح الخير
مريانا::-هلا شعجب اجيتي من صبح
ايات::-اخذنه اجازه النه والج ولحبايبج وجينه
مريانا::-انتي منو دز عليج
ايات::-حته بمرق اطلعلج حبي
مريانا::- سلمن ع بنات ولمامتريكه تاكل وتجي وراي للغرفه
نبا::-اي والله جوعانه

بعد ساعه

ايات::-احجي
مريانا::-ايات فدوه احفظي لسر
ايات::-من عيوني كولي بشنو نساعدج
مريانا::-......................

نبا::-جدي لبيتنه نروح
لجد::-لبيت مراقب
ايات::-تلبس نقاب
لجد::-لا ماتطلع
نبا::-اخوي يجي ونروح وياها وهو يرجعه بعدين لازم تغير جو مو زين عليه لا تتمرض
لجد::-يرجعه بيده اشويه واخابر
ايات::-اييي

مريانا

لبست عبايه ونقاب اني وايات ونبا واجه اخو نبا وطلعنه وطبعا وصلنه لبيت نبا واخذنه تكسي وطلعنه وونطينه خبر الاهل نبا رايحين لبيت ايات وحنه بطريقنه وصلنه لمكان الي اريد اروحله انصدمت بشخص

احمد

طلعت من بيتنه وردت اتمشه وبطريقي نصدمت بشخص

مريانا ::-ما اشوف
احمد::-اعتذر اختي
مريانا بحزن::-ياريت يفيد الاعتذار جان خلصت عمري اعتذر ولا افقد احبابي
احمد::-هااا
مريانا::-سلامتك

نبا::-والله خايفه انوب ايات مالبست نقاب
ايات::-ماكلتلي شدراني يلا فضني
مريانا::-اني ونبا ندخل وانتي حظري تكسي نبا مو تنسين انتي خرسه خوش
نبا ::-يلا دكي لباب
ايات::-الله وياجن بنات راح اجر تكسي لا انشاف
مريانا::-ياالله يا محمد يا علي

هدى::-منووو

مريانا بصوت ضخم::-اني يمه افتحيلي لباب
هدى بخوف ::-منوووو انتي
مريانا::-ع باب الله طالبه صدقه لدفع لبلاء يبنيتي
هدى::-لحظه خاله

هدى::-زهراء زهراء
زهراء::-هاا شكو
هدى::-هاي ع باب الله تعالي وياي نطيه
زهراء ::-يلا تعالي

نبا::-همزين لبستي عدسات اسود
مريانا::-اسكتي

هدى::-تفضلي خاله
مريانا ::-يمه وياج ماي
سجى::-لحظه
هدى::-تفضلي خاله ادخلي

دخلت مريانا لبيت وياها نبا

مريانا::-ابوج موجود خاله
هدى::- شتردين منه
مريانا::-والله اني محتاجه ودلوني بابوج رجال خير وكالو ينطي
هدى::- اصيحلج بابا
مريانا::-ياريت يبنيتي

هدى::-بابا هاي وحده تريدك محتاجه وع باب الله
ابو زيد::-دخليه لاستقبال

هدى::-تعالي وياي
مريانا::-هاي بتي خرسه وطرمه بقيه هنا بس اني ادخل
زهراء::- تفضلي خاله اشربي
مريانا::-شكرا.. وتمد ايده. ل نبا هاج يمه

هدى::-يلا خاله بابا منتظرج
زهراؤ::-وين ماخذته
هدى::-يم بابا انتي ابقي هنا

مريانا::-سلام عليكم
ابوزيد::-وعليكم سلام تفضلي.
مريانا::-لوحدنه يا ابو زيد
ابو زيد ::-هدى جيبي شاي
هدى::- صار بابا

هدى::-وج زهوره منو هاي بقت هيه وبابا لوحدهم
زهراء::-ماعرفتي شتريد
هدى::-لا

ابوزيد::- اي اسمعج شنو رايده تفضلي
مريانا رفعت نقاب
ابو زيد::-منو انتي
مريانا::- عمي ابو زيد طالبتك
ابو زيد::-كولي ابنيتي
مريانا::-اسفه عمي بس ما احجي لحد مدكلي انطيتج

ابو زيد كل تفكيره تريد مساعده ماليه لان توقعه نازحه فكال خلي اساعده بثواب ابني

ابو زيد::- انطيتج كولي شرايده مني
مريانا::-اسفه عمي بس لعرفه اني انو رجال كد كلمته
ابو زيد::-كولي شعندج
مريانا وهيه تبجي ::-يعني عد كلمتك
ابو زيد::-ليش تبجين يبنيتي
مريانا::-عمي والله اسفه اجيتك بحتيال وخليتك تنطيني وعد ساعدني وانته مترف شرايده منك هذا مو طبعي ولا تربيتي بس مجبوره اسوي هيج اني مريانا ال.....
ابوزيد بصدمه::-شنوووو
مريانا وهيه تبجي ::-اي لسمعته اني بت ال ....
ابو زيد::-وابيتي
مريانا ::-عمو انتي انطيتني كلمه وساعدني
ابوزيد::-بشنو اساعدج
مريانا::-عمو فدوه اروحلك تنازلو وطلعو بابا
ابوزيد::-لقاتل هو ابوج
مريانا وهيه تبجي ::-والله ابوي مو قاتل والله مو قاتل
ابوزيد ::-نعلي شيطان واطلعي
مريانا::-عمو نسيت انته انطيتني كلمه
ابو زيد مكدر يسيطر ع نفسه ونزلت دمعته::-اشلون اساعدج وابوج حرك كلبي بابني ويتم احفادي وبت اخوي لبعده شابه اترملت بسبب ابوج كليلي بيمن اساعدج وضحكت بيتي ختفت جايه بكل عين صلفه تردين اساعدج واني اريد واحد يساعدني كل ما اشوف احفادي لو زوجتي وهيه تبجي ع ابنه اخواته اخوانه كليلي اشلون اساعدج
مريانا وهيه تبجي وتحاول سكت ابو زيد::-عمو ع كيفك مو زين ع صحتك بعدين مو بس انتم حته عائتي ختفت ضحكه وصوت بيه اخوي بين الحياه ولموت
ابوزيد::-سيف اخوج!!
مريانا::-اي اخوي ابن لعم مثل الاخو ويمكن اعز. واذا ع ابنك وايتامه وزوجته وامه شدكول الاهلي. سيف هو لمعين الوحيد الاخواته وامه سيف هو الاخو والابن والاب والصديق الاهلهه
ابوزيد::-لمطلوب شنو
مريانا::-عمو تنازلو عن بابا واني قابله باي ثمن
ابوزيد::-بس ابوج لازم يتحاكم
مريانا نزلت وكمشت ايد ابو زيد::-عمو ابوس ايدك عمو والله اول مره اذل نفسي خلصت عمري اشرط وكلامي اوامر جنت اكول مستحيل يغدر بيه زمن بس غدر بيه عمو مستعده ابوس رجلك بس طلعو بابا مو كافي حنخصر سيف
ابوزيد::-كومي روحي الاهلج قبل لايجي ابني زيد
مريانا::-عمو شتردون فصل انطيكم افلوس دنيا ملاين
ابوزيد::-انتي تعرفين شرايد ابني يطلع ابوج ويسويه كعدت عشاير ويصير دم بدم
مريانا::-لا عمي شنو دم بدم كعدت عشاير وخلوه فصل
ابوزيد::-اخوته شباب وفاير دمهم يريدون ثار اخوهم
مريانا فتحت جنطه وطلعت سلاح::-هاك عمو ارمي وهيج دم بدم وخلصوه لان موتي ولا اشوف واحد من اهلي متاذي
ابوزيد::-توكلي يابنيتي

مريانا وهيه تبجي ولقلبه من حجر هم يعطف ع حاله بقت مريانا توسل

مريانا::-عمي طلبتك
ابو زيد::-توكلي قبل لا يجي زيد
مريانا::-ان شاء الله

طلعت مريانا من ابو زيد ومسحت ادموعه وراحت لنبا الي واكفه ب لباب

مريانا::-يلا يمه
نبا::-
مريانا::-مع سلامه
هدى وزهراء::-الله وياج خاله

ايات الي واكفه يم تكسي

مريانا::-يلا ايوته خلي نمشي بسرعه لا يحسون اهلي بيه وانوب يخافون وحسبالهم صاير شي

ايات ::-اوك مشينه بس اصعدن

احمد ::-
رجعت وشفت نفس لبنات واستغربت لوحدهن وبتكسي. وليش. وشكو بس وحده من لبنات الي ضربت بيه. جذبني عيونه لكبار و وساع ولونهن

ايات ::-اي نزعيهن. لعدسات مو زين ع عيونج
مريانا::-اصعدي لا صيرين خيره

رجعت مريانا لبيتهم وهيه عقله يم ابو زيد شنو راح يسوي و اشلون كدرت تروحله وخاضت هيج مغامره صعبه وجنونيه ورتاحت يوم سمعت ابو زيد قبل بلعطوه لحد متخلص اربعين ابنه وكدرو يسكتون زيد. بس مجانو يدرون شنو سبب سكوت زيد

بعد شهر ع ابطالنه

💕💕💕💕💕💕💕💕💕💕💕💕💕

نهايه لبارت ل٥

اتمنه يعجبكم لبارت واسفه لان جنت مريضه
💕💕💕💕💕💕💕💕💕💕💕💕💕💕

💕💕💕💕💕💕💕💕💕💕💕💕💕💕💕
توقعاتكم

١_ابو زيد. فكر بكلام مريانا لو لا
٢_شنو سبب سكوت زيد
٣_تسكت لو حتصرف تصرف ثاني مثل مغامرته لمجنونه. 💕💕💕💕💕💕💕💕💕💕💕💕