رواية التضحيه 💔 الفصل الرابع والعشرون 24 - بقلم ♡ويبقى الامل♡

- إن گإن إلأعتذار ثقيلاً على نفسكہ '💎'
- فتذگر إيضاً ،🔮💡'
- إن إلإساءة ثقيلـۃ على نفوس إلأخرين .!

عند ماريانا  ((بالمدرسه ))
دخلت لصف تلكني طالبات انتي منين وانتي منو واجتي لمدرسه وهم سئلت انتي منو اتفقت وي زهراء وصبا انو اني بت عمهم من لحله  ومرت الايام واني احاول اجنب احمد وانام بليل قبل لا يجي واكعد قبله ابدل واطلع لدوام  قبل لا يشوفني ومن يجي من دوامه لو انام لو اطلع اعذر اريد ادرس احاول ما اكعد كالو حيجيونهم قرايبهم من الحله
بهل يومين  ما اهتميت لموضوع داومت لمدرسه كل لعاده قبل لا يشوفني احمد نزلت وواطلع قبله وصلت لمدرسه اكو طالبه بالادبي اله كم يوم بس صفن بوجهي حاولت اتباعدها ماريد مشاكل واني مو مثل قبل طلعت من لصف اريد اشتري من لحانوت وجان تواه داك لجرس  اجتي نفسه هاي لطالبه وياها كم وحده مرت من يمي وضربتني بكتفي  مشيت ما احجيته بس وكفني حجيه
طالبه بصوت عالي  ::-اهوووو انتي ما اشوفين لو كل فصليه ما اشوف طريقه
ماريانا كلت طريقه
طالبه ::-اهوو شنو ما اسمعين يعني لفصليه لا اشوف ولا تسمع
مسحت ماريانا دمعته ولتفتت لطالبه
ماريانا ::-وياي
طالبه علت صوته ::-ليش اكو طالبه غيرج هنا فصليه
ماريانا ::-تفضلي شتردين
طالبه ::-هاي انتي ماريانا لو غيرج شنو ماعرفتيني
ماريانا ::-معقوله شذى
شذى ::-اي شذى الي انطردت من لمدرسه بسببج
ماريانا ::-مو بسببي بسبب اخلاقج لزفت وقلت احترامج للمقابل
شذى ::-هم فصليه وهم لسانج طويل شكد صلفه بعدج ماريانا لكله كبرياء وخشمه رافعته لج كلج فصليه تعرفين شنو فصليه
ماريانابصوت عالي::- واشبيه لفصليه  لج لفصليه تعرفين شنو يعني اضحي بنفسه علمود اهله
شذى ::-هع اضحي بنفسه وين اكو فصليه اداوم وتكمل دراسته بعدين لفصليه ميطونه اهله اله مسويتله مكسوره وين شموخج وراسي لعالي
ماريانا ::- راسي بعده عالي ماطول مامسوي شي
شذى ::-لج انتي كلج فصليه
ماريانا ::-شذى شنو تردينه
شذى ::-عدالج نسيته الج  وانفصل من لمدرسه
ماريانا ::-شذى ترى انتي جنتي غلطانه وكتلج اعتذري ماقبلتي وصار لصار
شذى ::-وانتي شدخلج بيه
ماريانا ::-اشلون شدخلني اشوف طالبه تنهان وتنظرب واسكت
شذى ::-هههههع ضحكتيني اشوفج انتي تنهانين وتنظربين سكتي لو طلعتي حقج
ماريانا ::-شذى ترى فار دمي من ذكرت لموضوع بعدي عن طريقي  ما اريد مشاكل
شذى ::-وين ماريانا لمحد يكدرله وكلمته لماشيه ع لمدرسه كله لو لان ذيج مدرست لخلفوج  لباعوج
ماريانا ::-شذى مشاكل ما اريد واخري عني  وترى بعدني ماريانا لقديمه فبعدي عن طريقي
شذى ::-يعني شنو اسوين
قربت ماريانا  من شذى اكثر وجانت واكفه زهراء وصبا وطالبات كلهن وحته لمدرسات ولمديره الي مصدومات من ماريانا لفصليه
ماريانا ::-شذى بعدي ترى ايد لماضي وهسه
شذى قربت اكثر  ::- هع لماضي متكدرين لان مو ثوله مثل قبل بعدين اشلون تعيدينه وانتي وحده فصلييييه
ماريانا  لفتت شافت لكل موجود ::-ايييي فصليه اني فصليه انطوني اهلي لا اهلي ما انطوني اني فرضت عليهم اكون فصليه بس ماجنت اتوقع لمجتمعنه لهدرجه معقد وهيج ينظر للفصليه لكم اني ضحيت بشوفت اهلي واني بعدني صغيره علمود  ما اخسر واحد منهم علمود ميصير لدم لركب علمود دم ميجر دم كافي كافي عاد فصليه فصليه وانتي شذى  ترى بعدني بكل قوتي واكدرلج فبعدي احسلج
شذى ضربت ماريانا حيل ع كتفه بمكان لجرح وضغطت عليه حيل لحد ماصرخت ماريانا
ماريانا ::-اخخخخخخخ
لمديره ::-كافي
شذى ::-ست
لمديره ::-ولا كلمه شفت وسمعت كلشي كدامي للدائره  يلا
مريانا غمضت عيونه ومشت بس حست جرحه الي صارله كم يوم يوجعه ينزف ماكدرت تحجي مشت وره لمديره ولمدرستين لواكفات 

وحده من طالبات ::-بنات شوفن هذا دم
صبا ::-زهراء هذا لدم من مكان ماريانا
زهراء ::-لج امشينه وراها

ماريانا
من عصرت ايده ع كتفي مكان لجرح حسيته متقصده ما رفعت ايده وابينله هذا مكان ضعفي جرحي بقيت ساكته لحد ماحسيته فتحت لجرح صحت اخخخخ اعرف صبا وزهراء ميعرفن بلجرح هو اله كم يوم ياذيني وماكدر احجي  صارله 5 اشهر لجرح يمكن ملتهب  مشيت وي لمديره بس بعدني ما واصله حسيت براسي ذكل وعيوني غوشن وفجاء صار سواد ع عيوني ومادري بعد
زهراء ::-ماريانا
صبا ::-ولج هاي كتفه ينزف اشبيه
زهراء ::-مادري بسرعه ردي رقم احمد لو حيدر واتصلي عليه
صبا ::-منين
لمديره ::-شيلنه  وهاج اتصلي
صبا ::- اااا نسيت شكد 0780 26 ع منو اتصل
زهراء::- اي واحد بسرعه
صبا وهيه ترجف :؛-هاج ما اكدر اتصل
زهراء اخذت لموبايل اتصل ع احمد وطالبات ولمدرسات شالن ماريانا لغرفه احد لمدرسات  وحالون يوكفن نزف جرحه
زهراء ::-الووو احمد لحكنه
احمد ::-منو زهراء شكو اشبيج
زهراء ::- ولك احمد مادري
احمد خاف ::-زهراء احجي اشبيج وانتي وين
زهراء ::-اني بدوام بلمدرسه
احمد كلبه وكع ::-ماريانا بيه شي
زهراء  وهيه تبجي::-اييي هيه لحك اشو  تنزف دم مادري ليش
احمد ::-من كتفه
زهراء ::-انته تعرف شي
احمد ::-خرره بيك زيد لج مكان طلقه هذا
زهراء ::-احمد تعال بسرعه
احمد ::-يلا جاي احتصل ع حيدر وحسين

احمد
جنت كاعد بشركه واتصل رقم غريب رديت طلعت زهراء مرتبكه وخايفه بس كالت لحكنه وحنه بلمدرسه كلبي وكع خفت ع ماريانا مادري ليش 
اتصلت ع حسين وع حيدر وطلعت من دوام ع لمستشفى

زهراء

اجه حيدر وماريانا بعده فاقده لوعي طلعت اني وصبا وياه وطار بيه ع لمستشفى  لاكانه حسين هناك  دخلو بيه لطوارى وصل احمد وانتظرنه حسين  يطلع من طوارى يكول اشبيه
حسين ::-سلام
لكل::-احجي اشبيه
حسين::- ما ابيه  شي  جرحه مفتوح طبعا الاخت هاملته لعمليته وملتهبه ومفتوح لجرح ونازفه
صبا ::-لا خالو هاي وحده اسمه شذى حيل ضغطت عليه وظربته بكتفه
حسين ::-لمهم ضدمناله جرحه وشديتله مغذي فد ربع ساعه وتكعد وطلعونه وياكم للبيت وطبعا اني وياكم
حيدر ::-هلا بيك
حسين ::-الحمد الله ع سلامته
لكل ::-الله يسلمه

حيدر ::-اشويه واجي اني

حيدر جنت واكف بطوارى شفت وحده جني اعرف اي اعرفه شكله ما ناسيه من 5 اشهر كل يوم انام ع شكله وطفولته  ورقته شفته شفت لحزن بعيونه اصلا امنيتي اشوف لفرح بعيونه رحت وراها شفته دخلت  لمكان صراح صدمني رجعت لطوارى لكيت ماريانا كاعده بس بالي مو يمه بالي يم لشفته  لفتت لماريانا  لبيه مكفيه
حيدر ::-الحمد الله ع سلامتج
ماريانا ::-الله يسلمك
حيدر ::-اشلون صرتي
ماريانا ::-الحمد الله تمام طلعوني
حيدر ::-مو يمي يم احمد
زهراء ::-وينج يمه تعالي شوفي ولدج كلمن بعالم احمد بعالم مندري بيه لو حيدر لطلع ورجع بمكان ثاني  عقله  حيدر اشبيك
حيدر ::-ما ابيه شي يلا صبا امج خبصتني عليج وانتي هم زهراء كدامي
ماريانا ::-اخذوني وياكم
زهراء ::-وين احمد

احمد
من طلع حسين دخلت شفته بسته من راسه  بقيت يمه انتظرته شفته تحرك براسه كمت من يمه رحت حظرت الاوراق لخروجيه ومريت ع حسين علمود نطلع

احمد ::-سلام
لكل ::-سلام
مريانا
فتحت عيوني اني وين  بلمستشفى   شفت صبا وزهراء وحجتلي صبا كولشي وكلتلي انو احمد قبل اشويه طلع ودخلن صارله اهواي ماكو انتظرته واستغربت ليش طلع ومانتظرني لحد ما اكعد بس اني حسيت بشخص باسني من راسي اشويه ودخل سلم اني نزلت راسي وغمضت عيوني اسمعه
احمد ::-شنو نايمه
صبا ::-لا تواه كاعده وحته ردنه نروح وانتظرناك
زهراء ::-ماريانا
ماريانا وهيه مغمظه عيونه ::-نعم
زهراء ::-يلا اكعدي حته انطلعج
احمد ::-اذا تعبانه عوفيه نايمه وانتو خلي حيدر يوصلكم واني ابقه

طلعت زهراء وياها حيدر وصبا رجعو لبيت وحيدر بعالم ثاني 

احمد
بقيت كاعد يمه توقعته نايمه لزمت ايده حسيته رجفت قربت راسي يم اذانه وبهمس
احمد ::-كاعده
ماريانا
من لازم ايدي مادري صار رجفت  وقرب مني حسيته سمع دكات كلبي وهمسلي كاعده فتحت عيوني ونزلت دمعتي 
احمد ::-ماعاش لينزلج دمعتج الحمد الله ع سلامه يالغاليه خطاج لشر

ماريانا
من كلي ما عاش لينزل دمعتج نزلت دموعي لا شعورين وكمله بالحمد الله ع سلامه يالغاليه اني اني اني الغاليه الغاليه الي مكانه بكلبك ي احمد
احمد ::-افه ليش تبجي
ماريانا ::-
احمد قرب منه اكثر ::-حته وانتي تبجين تخبلين بس ضحكتج احله من دمعتج
ماريانا
بقيت ساكته  ماكدرت احجي متت
احمد ::-كافي يلا بجي وحجيلي شنو لصار
ماريانا ::-فصليه
احمد ::-مو اتفقنه محد يعرفج بلمدرسه انتي فصليه
ماريانا ::-اكو طالبه اسمه شذى تعرفني من زمان
احمد ::-اي
ماريانا ::-تقنعني محجتلك صبا
احمد ::-اريد اسمع منج
ماريانا ::-قبل من جنت بثاني اكو طالبه تعرضتله شذى واني وكفت وياها وكدرت بطريقتي اطلع شذى لمذنبه واستحقت لفصل
احمد ::-وهيه صدك تستحقه
ماريانا ::-اي فصل من كل مدارس متعرف شذى شنو سوت وليش استحقا لفصل طعنت بلشرف وصارت تستخدم لبنت وسيله مصرف وطبات وطلعات وتهدد بشرفه
احمد ::-وانتي
ماريانا ::-اني كمشت كم دليل ونفصلت
احمد ::-هاااا
ماريانا ::-يلا اريد اطلع وين زهراء
احمد ::-اعتقد وصلت لبيت يلا خلي اساعدج
ماريانا ::-انته
احمد ::-اييي منو غيري

وكف احمد وقرب من ماريانا الي رفعت راسه خله احمد ايده جواها وكعده صار راس ماريانا ع صدره

ماريانا
من رفعت راسي وكومني وصرت بحظنه حسيت بالامان بس تذكرت اني فصليه  ساعدني وكفت ع طولي حطلي عباتي ع راسي

احمد
عطره سطرني وهيه قريبه مني وبين ديه كومته ولبسته عبايته وكتله
احمد ::-يلا كمشيني ع كولتج
ماريانا ::-هههه ترى ايدي مو رجلي ما احاجه

طلعت من طوارى وسمعت صوت جمدني بمكاني صوت اميزه من كل الاصوات  صوته  كلماته ع كيفج ابنيتي  كلبي كام يوجعني شفت احمد اجه بسياره ماكدرت التفت لمصدر لصوت جنت اني واكفه ع رصيف وصوت لسمعته لواحد باب لطوارى كلت اتوهم مشيت صعدت بصدر يم احمد لان اشرلي اصعد يمه
احمد ::-ترى ساعه ب2 ونص
ماريانا ::-عاااا صدك عود
احمد ::-اييي وميت جوع
ماريانا ::-يلا طير ع لبيت يلجوعي
احمد ::-لالا ع لمطعم
ماريانا ::-ماكدر
احمد ::-ناخذه سفري
ماريانا ::-اوك

ام زيد ::-الحمد الله ع سلامه يمه خيرج
ماريانا باست راس ام زيد ::-الله يسلمج خالتي
ام زيد::- كعدي هنا ارتاحي
ماريانا ::-اريد اصعد ابدل ريحه لدم خنكتني
فاطمه ::-سلامتج
ماريانا ::-الله يسلمج
صعدت وصعدت وياي فاطمه ساعدتني اجتي سهام تحمدتلي سلامه وطلعت هيه قبل كم يوم اجت حاجتني كلتلي لا اقربله ولا تقربلي لان عمو ابو زيد مخوفه هيه وزيد فبعدو عني   غيرت ملابسي واجه احمد صعد وفاطمه حظرت لغده  لجابه احمد
احمد ::-يلا تعالي تغدي
ماريانا ::-بس اني وياك
احمد ::-ليش اعزم لعايله كله لج هنه لكمتين جبت كلت هاي مريضه متاكل علمن مكثر
ماريانا ابستمت ::-ههههه حته لو مريضه احب لااكل
احمد ::-ادري بيج فجبت مال 5 نفرات
ماريانا ::-لالا مو لهدرجه
احمد ::-حسبت حساب زهراء وهدى
ماريانا ::-هااا
احمد ::-يلا سمي برحمن

مريانا كملت غده ونمت  كعدت ع اصوات بلبيت لمغربيه كالو اجوي خطار غيرت ملابسي ونزلت واني  ايدي رافعته  دخلت سلمت اشو نضرات غير شكو مادري  وسمعتهم يحجون لفصليه ولفصليه
الحجيه ::-وشنو عدكم لفصليه تبقه نايمه للمغرب
ام زيد ::-لا بس تعبانه مريضه
الحجيه ::-خاف حامل لفصليه
ام زيد ::-لا
الحجيه ::-اشبيه ايده هم فصليه وهم مكسره
ام زيد ::-هاي مصوبه
الحجيه ::-منين
ماريانا ::-هاي لفصليه دافعت عن اخوه وصارت طلقه بيه
الحجيه ::-ولج لسان
ماريانا ::-ليش لفصليه ربج خالقه بلا لسان لو شنو
فاطمه ::-ماريانا اذكري الله
الحجيه ::-شنو من اسم هذه بي لا مسيحيه
ام زيد هاي لمعزايه
سهام انطت نضره لماريانا ما فهمته
سهام ::-لا حجيه  هذا اسمه ع سيده مريم
لكل نصدم بيه
الحجيه ::-خو يسمونه مريم
سهام ::-بعد عجبهم
ماريانا كامت راحت لمطبخ وكفت واجنه هدى وفاطمه وزهراء
ماريانا ::-تعبت فصليه وفصليه ادري اشبيه فصليه
فاطمه ::-افه اعرفج قويه
ماريانا ::-لج تعبت وين ما لروح اشوف نفس لنظره فصليه وفصليه قابل ناهبه اني
هدى ::-اصعدي ارتاحي
ماريانا ::-اوك

احمد سمع كولشي ولكه فرصه يكعد وي ماريانا لتهرب منه بحجه لدراسه ونوم

احمد فتح باب لغرفه ودخل
احمد ::-شنوو نايمه
ماريانا ::-لا كاعده
احمد ::-نسوالف لو تنامين ترتاحين
ماريانا ::-تعال نسوالف شعدنه

بقو يسوالفون ومحسو ع نفسهم 
ماريانا ::-عاااااا احمد
احمد ::-هااا ولج اشبيج
ماريانا ::-ساعه ب3
احمد ::-احلفي
ماريانا ::-وعيونك
احمد ::-شنو وعيوني
مريانا ::-اي اشبيك
احمد ::-اول مره واحد يحلف بعيوني
ماريانا ::-يلا خلي نام
احمد ::-لحظه لويش حلفتي بعيوني
ماريانا ::-لان اني متعلمه بهيج مواضيع ما احلف بالله احلف
احمد ::-ليش سكتي احجي
ماريانا اووف ربي شنو احجي  ::-احلف بشخص لمقابيلي
احمد ::-بس
مريانا ::- ياا خلي نام

اصبح
زهراء ::-ولكم كعدو  خررب احمد ماري اكعدي يلا تاخرت اهووو
احمد ::-هااا شكو
زهراء ::-سلامتك يل مكثر بسهر هيج حبيت اصبح عليك خير مثلا شكو اكعد وراك دوام والاخت شنو مداوم اليوم
احمد ::-اوك يلا ولي من صبح لسان طير بالعه
زهراء ::-هو صوجي اكعد بيكم صارلي 4 ساعات
احمد ::- دمشي اربع ساعات  هو مصارلي 4 ساعات من نايم
زهراء ::-هلا هلا مصارلكم 4 ساعات والله خوش
احمد ::-امشي ولي

لتفت احمد ع ماريانا وابتسم
ماريانا ::-خير تابوع بوجهي
احمد ::-من عاشر قوم اربيعين يوم
ماريانا ::-اصبح منهم ههههه
احمد فديت لضحكه ::-وحافظته بعد من يمته كاعده
ماريانا ::-من حسبتو لساعات هههه
احمد ::-يلا كومي بدلي
ماريانا ::-صباحو وغمزتله وكامت

احمد
خرب اشبيه اني هاي عود اني ثكيل  ابنيه تخربط اوضاعي لالا مستحيل بس مجرد عاطف عليه وحسين حطه بالي سالفه الحب

غيرت ماريانا ملابسه ونزلت حته داوم وتفاجت بلكلام
الحجيه ::-ام زيد وين اكو فصليه اداوم وتعيش حياته  اشو مدللينه فصليتكم
ام زيد ::-خاله اني ملحسبته فصليه حاله حال زهراء وخطيه بعده صغيره
الحجيه ::-بس تبقه فصليه بمكان دم ابنج شنو نسيتي محمد

سمعت كلشي ماريانا وركضت لغرفه شافه احمد حاجه ماردت عليه سدت لباب وبقت تبجي
زهراء ::-اهوو ماريانا يلا افتحي لباب تاخرت عندي امتحان
احمد ::-شكو
زهراء ::-سمعت حجي
احمد ::-ماريانا افتحي
ماريانا ::- ما افتح زهراء روحي داومي اصلا اني اشلون ادوم بعد فضيحت امس واليوم لصار   اني نسيت نفسي فصليه
هدى ::-لج انجبي شنو هذا الحجي حبيناج ونسينه منو انتي وليش اجيتي لهنا لا ياثر عليج حجي لناس  واني مو فصليه اني مجرد فتاه ضحت علمود اهله
ماريانا ::-ما اداوم
احمد ::-مو عكيفج يلا افتحي

يتبع 

انتظروني  بالجزء القام  الي اني وابطالي   محظريلكم مفاجئه

🎀🎀🎀🎀🎀🎀🎀🎀🎀🎀🎀🎀🎀🎀🎀

احبكم عائلتي لواتباديه