رواية التضحيه 💔 الفصل الحادي والثلاثون 31 - بقلم ♡ويبقى الامل♡

ام سيف

ابو سيف وينك حملك زاد وصبر ماعندي مو كل لناس عده صبر ايوب لهنا حد صبري ما اتحمل بعد واني اشوف اماني لحبيته اكثر من بنات دتاذه جنت ساكته لان ماعرف اهله واكول اخاف اجرحه من اكله انتي مو بنتي بس لبنت لجتي وي ماريانا اكدتلي وثبتلي هاي اخته ولازم ارجعه امانتك وهديتك اجه وقته ترجع الاهله

صباح الخير ابطالي

كعدت ماريانا وراحت لدوامه بطريق

نور ::-ماريانا اشونه حيدر
ماريانا ::-اشلونه مو شفتيه اكل لطاوه كله
نور بتردد::-لا حيدر اخو احمد
ماريانا استغربت::-حيدر
نور ::-اي
ماريانا ::-شعندج وياها
نور ::-اشبيج سئلتج اشونه
ماريانا ::-زين  وكلش حباب وكف وياي  وجان صدك اخ الي ولا حسسني فصليه لو غريبه يضحك ويسوالف وياي حدوري حباب ماكو منه  بس ليش اسئلين عليه انتي تعرفينه
نور ::-
ماريانا ::-نور حبيبتي انتي تعرفينه لحيدر
نور ::-ماري شوفي صح انتي اختي الاصغر مني بس جنت شنو ليصير وياي اجي احجيلج عنه وما اضم عنج بس موضوع حيدر خفت منه وماكدرت احجي لاي واحد وهسه اريد احجي افضفض اريد   ارتاح

ماريانا ":-احجي نور
نور ::- شوفي ماري قبل سنه ونص او اكثر
ماريانا ::-لمهم
نور ::-جنت داخله بكروب بلفيس ونزلت منشور واحد تعرضلي ف لمدير لكروب دخلي خاص وحاجاني وحذف لمنشور ولشخص 
ماريانا ::-هاي سالفه اعرفه
نور ::-تذكرينه مو
ماريانا ::-
نور ::-اي هو مدير لكروب بقه كل فتره يراسلني ومن انزل منشور يعلقلي صرنه اصدقاء بلكروب ينشر وانشر مره كلي راح انطيج لكروب لان راح اغيب فتره وبس انتي اثق بيج لمهم وره اسبوع رجع ورجعنه نتراسل كتله ماكدر اضيفك اخاف اهلي ميقبلون سوالي حساب خاص الي محد يعرفه وبس هو صديقي وبقيت اراسله منه اتعلقت بيه حيل وصار مثل الادمان نتراسل مره نمت وهو باقي ينتظرني ومن كعدت لكيته منايم بعده منتظر وخايف كلي اريد اتصل واسمع صوتج اتصل وحاجيته واعترفلي يحبني واني جنت هم احبه واكتله افكر اشون تحبني واتته مشايفني

ماريانا بسرعه ::-بس لا دزيتيله صورتج
نور ::-لا طبعا كتله اني طالبه وانطيته اسم لمدرسه هو اجه لمدرسه كام يجي يوميه حته يشوفني اني اشوفه اعرفه وهو ميعرفني لحد ما مره كتله تعال واني اخليك تعرفني طبعا هو ماصدك اجه لمدرسه واني اجيت يمه وكفت وكتله اشونك حيدر اني نور

ماريانا ::-منووو
نور ::-اي هو نفسه حيدر حماج
ماريانا ::-اي كملي
نور ::-هو من شافني ماصدك  وبقه يجيني واشوفه ويشوفني ع طول وحته من اريد اطلع لاي مكان انطيه خبر ومره اجاني لبيت
ماريانا ::-نور تحجين صدك لو اشاقين
نور ::-وعيونج
ماريانا ::-نور جاي تختبرين صبري شنو جاج لبيت
نور ::-اجه و وي جيته  اجه مؤيد وكتله اخو صديقتي يريد كتاب انطيته اله ورجعت والله
ماريانا ::-كملي
نور ::-اي ومن صار لحادث اني بوقته جنت شاكه بنفسي مريضه  فتره لحادث كال عندي مشاكل بلبيت واني هم كتله بعده اني حللت وطلع عندي هل مرض اني اتصلت عليه
ماريانا :-يمته حللتي
نور ::من رحنه شفته سيف يمكن بعد لحادث ب3 ايام لو 4
ماريانا ::-اييي كملي
نور ::-اتصلت عليه كالي اريد احجي وياج  لان عرف انو اني بتهم بس قبل لا يحجي كتله اني هم اريد احجي وياك كلي شنو كتله مو كتلك عدنه مشكله بلبيت كال اي هو اريد افتح وياج موضوع هاي لمشكله كتله لا تحجي ولا تفتح اني انخطبت هو انصدم كال شنو كتله اي ونقرت فاتحتي ولجمعه عقدي اكطع علاقتك بيه  وكطعت لخط وقفلت موبايلي كم يوم رجعت فتحته اتصل كلي جذابه ماعدكم عرس وعقد كتله لا عدنه بس سكتاوي لان اكو مشاكل كلي ليش اجذبين كتله اي اجذب اني ما احبك اكطع علاقتك بيه سديته وكسرت لخط ومن يومه ماعرف عنه شي  
ماريانا ::-يعني حبيبج حيدر
نور ::-اي ومادري لحد ماشفته من وكعتي واجيتي
ماريانا ::-واني اكول يحبني طلع موالله  لعبد الله
ضحكت نور
ماريانا ::-نور حبيبتي ترى حدوري  حباب وماكو منه واذا انتي من نصيبه وقسمته لو شنو يصير انتي اله ماطول مقسومه اله
نور ::-صح بس ومرضي
ماريانا ::-لعلم تطور ومرضج ان شاء الله تشفين منه وبابا كال اطلع بيه للهند  بس تخلص امتحانات
نور ::-الله كريم

بعد لمدرسه 
طلعت ماريانا من مدرسته وهيه سوالف وي نبا
وكفت نبا 

جانت ماريانا مدنكه  لتفت ع نبا الي بقت وراها
ماريانا ::-اشبيج وكفتي امشينه
نبا ::-
ماريانا ::-نباوي عليمن صافنه
لتفت ماريانا لمكان الي صافنه عليه نبا  تفاجئت بوجود
حسين واحمد وحيدر!!!
واكفين يم مدرستهن
نبا ::-ماري
ماريانا  تحس كلبه كام يركص من لفرحه وكل طالبات يسمعن داكته 
طلعت نور مت لمدرسه وشافت نبا وماريانا واكفات
نور ::-اشبيجن واكفات امشن
نبا وماريانا ::-هااا
نور ::-وجعا  يلا امشن كدامي
مشت نور لكدام وهيه دردم رفت راسه وشافت حيدر بمكانه لقديم لوكفله بيه قبل  ابتسمله وهيه طارت من لفرح  اجنه نبا وماريانا  كدمن بلمشي لحد  ماوصلن يمهم 
احمد  وعيونه ع ماريانا ::-سلام عليكم
لبنات ::-وعليكم سلام
حسين وعيونه ع نبا وطاير من لفرح واخير شاف حبيبت كلبه ::-اشلونكم
لبنات ::-الحمد الله
حيدروهو مبتسم ابتسامت نصر ::-ترى حنه بره مو بلصف حته تحجن سوه
ضحكن لبنات
احمد ::-يلا نوصلجن
ماريانا وهيه تاخذ نفس ::-- تسلم عاجبنه نتمشه
حسين ::-لا باله مو حسستنه مراهقين واكفين يم لمدرسه  لبنات
حيدر ::-اي والله
نور بجرئه ::-يعني تقنعوني مواكفين يم مدرسه بنات قبل  وغمزت لحيدر
احمد بسرعه ::-لا والله اول مره بحياتي
حسين بتبرير موقف ::-حته اني والله اول مره بحياتي اوكف يم مدرسه بنات احس نفسي مراهق طايش هم مو عاقل ومنتظر حبيبته
ماريانا ابتسمت بخباثه ::-وانته حويدر
حيدر ارتبك  ::-هاااا اني شنو
ماريانا ::-ع وكفت لمدرسه
حيدر ::-اشبيه
كله بقت تضحك عليه
قربت ماريانا من حيدر ولزمته من اذانه
ماريانا ::-ولك مو عيب توكف لختي يم لمدرسه متستحي مدكول عندي اخوات
حيدر ::-لعد اختج ماتستحي مادكول عندي اخوان ليش اعذب ابن لناس
احمد ::-واني اكول شعنده واكف هناك ويكول هاا اجيت لصديقي
ماريانا ::-اييي طلع عاشك من ورانه لاخ
حسين ::-يمكن مكتوب علينه نعشك بنات هاي لمدرسه  ونعيش لمراهقه
ماريانا ::-دكتور ترى ما انسينه
حسين ::-بس لحظه افهمكم
نبا ::-ماري اني تاخرت  ماشيه كدامج
مشت نبا ركض
ماريانا ::-يلا مع سلامه
لشباب ::-الله وياج
ماريانا جرت نور ::-فشلتينه امشي
حيدر ::-شتردين منه
ماريانا ::-لك عيب استحو

رجعن لبنات ع بيوتهن وهاي هيه علاقه نور وحيدر رجعت ورجعت مخابراتهم وعلاقت حبهم حست ماريانا اخته حصلت ع الحبيب بس كون تشفه وهيه وصيدقته فشلت بلحب

تسريع الاحداث

بيوم السنويه راحو اهل ماريانا ع بيت ابو زيد  وشاركوهم عزاهم بقت ماري ابيت اهله ما اراحت  راحت ام سيف وام ماريانا وعمته ام مهند  شافت ام سيف ايه     وبقت عينه عليه  شافته حته بلكلام وتصرفات تشبه الاماني  قررت تنهي لموضوع

ام سيف ::-اشونج خاله
ايه ::-هلا خاله  الحمد الله تمام   اماني اشونه
ام سيف ::-الحمد الله زينه
ايه ::-ان شاء الله دووم  يومه هاي خاله ام سيف
ام ايه ::-اي يمه زوجه عم ماريانا
ايه ::-يمه هاي لبته تشبهني
ام سيف ::-اي بنتي اماني نسخه من بنتج الله يحفظه الج
ام ايه ::-اي شفت صورته حسبالي ايه
ام سيف ::-كالو عده توام
ام ايه ::-اي والله بس انخطفت مني من لولاده وبعده كالو ماتت
ام سيف ::-ليش انخطفت
ام ايه ::-عداوه
ام سيف ::-بيا سنه
ام ايه ::- 95
ام سيف ::-بيا شهر
ام ايه ::-ب 3
ام سيف ::-هااا
ام ايه ::-اي وبعده بسنتين اجنه خبره هيه جانت مخطوفه مو ميته ولخاطفته مسويه بيه حادث ترك امرلي ورحنه عشنه يم اهلنه بلحله وقبل 5 سنوات اجينه لبصره وبعدنه بسنه اجه ابو زيد لان اني وام زيد اخوات وبصراويات اهله بصره

رجعو من بيت ابو زيد  وصادف يوم خميس بعده لجمعه ونجمعو ابيت لجد ولتمو كلهم بعد لغده ولي يشرب غازيات ولي يشرب جاي وسوالف وضحك كطعت ام سيف لضجه حته يعم لهدو بصاله لتعلن عن رياح بالعائله
ام سيف ::-عمي ممكن اشوي اريد احجي بموضوع
لجد ::-صار     اسمعوني يابه اريد اجي وياكم

لكل سكت ولتمو يم جدهم حته يسمعون
لكل ::-تفضل بويه
لجد ::-تفضلي بنتي
ام سيف ::- زاد فضلك يابه اريد احجي وياكم بوضوع بس قبل كلشي اريد اسمحوني اني انسانه مو معصومه من لغلط واذا انتو اشوفنه غلط اني اشوفه اد لامانه ولوفه لزوجي لان هاي وصيته واريد اشيركم بموضوع  بس قبل كلشي اماني يمه
اماني ::-هاا يوم
ام سيف ::-يمه اماني انتي مامحلفتني بس الله شاهد عليه ليوم دين احبج اكثر من روحي وحته اخواتج يغارن منج لان احبج اكثر منهن لان بيج ريحه لمرحوم وكله تدري احبج ع ريحته ودايمن من اكولكم اماني هديه لمرحوم الي دكلولي يعني سيف هم هديه لمرحوم   اكلهم اي بس اقبل لا احجي سري اني وزوجي راح افتح لعلب  انتو تعرفون ابو سيف ترك لكل وحده من لبنات علبه هديه زواجه

ماريانا ::-اي عمه حته لنطيتينياها مافتحته

ام سيف ::-لان مافتحتيه ما انفضح سر هاي كل لعلب وكل وحده راح اطيه علبته اماني تفضلي يمه وانتي امنيه وهاي لج امنيات وهاي لج سمر وانتي هم نور وحته غدير ترك له وحده

اخذن لبنات لعلب ماعده ماريانا لان مستلمته

ام سيف ::-افتحن

فتحتن لبنات لعلب
ونصدمن مجرد ورقه
لبنات ::-عمه هاي ورقه
ام سيف ::-الله شاهد مافتحتهن بس زوجي وعرفه عرفته تارك شي للماضي  تكدرن تقرن كلجن بصوت واحد لمكتوب بلورقه

لبنات قرن بصوت واحد ::- سلام عليكم بناتي حبيباتي  اكتب لجن هذي  رسالتي لتفتحنه بيوم زواج لان هديتي اول شي اكلجن الف مبروك بنتي وثاني شي ما اعرف منو راح تزوج اول وحده حته تقره لمكتوب واني متاكد لتقره حتنصدم بس كتبت نفس لمكتايب حته لا يصير شي  اي يصير شي لان هذا زواج واني اخاف اكو وحده بيجن لازم قبل لا تزوج تعرف لماخذته منو يمكن يكون اخوه ؟؟

نزلن لبنات رساليل وبقن مصدومات حته ام سيف وياهن شنو لمكتوب 
لجد ::-شنووووو هذا لخرطي اسكتن وحده تقره خلي نفتهم
ماريانا ::-انطني اني اقره 

سلام عليكم بناتي حبيباتي  اكتب لجن هذي  رسالتي لتفتحنه بيوم زواجن لان هديتي اول شي اكلجن الف مبروك بنتي وثاني شي ما اعرف منو راح تزوج اول وحده حته تقره لمكتوب واني متاكد لتقره حتنصدم بس كتبت نفس لمكتايب حته لا يصير شي  اي يصير شي لان هذا زواج واني اخاف اكو وحده بيجن لازم قبل لا تزوج تعرف لماخذته منو يمكن يكون اخوه ؟؟  اي اخوه  ماكدرت اواجه حته ام سيف ولا ابوي ولا اخوتي  وما اعرف ربي اشلون ياخذ امانته مني ويمته اموت فكلت اكتب رساله لكل بنت حته من تريد تزوج تفتح وتحجي اذا جنت ميت  ام سيف زوجتي انا اسف  لان ماكدرت اعترفلج بلحقيقه خوفن ع مشاعر لطفله اماني 

اماني ::-شنوووو
ماريانا ::- اي اماني هيه لبنت الي لازم قبل لاتزوج تعرف لماخذته منو لدنيا صغيره ويمكن يلخطبه اخوه لو لا   اهلي وزوجتي وابنتي اماني اسف جدا

اماني ::-يمه شنو هلمكتوب

لكل بقه مصدوم

ام سيف ::- يمه اكعدي قبل كم سنه ب1995/3/30اجاني ابو سيف واني تونطي طالعه من لعاشر عمر سيوفي بوكته 11 يوم اجاني لضهريه وبيده طفله  انصدمت واستغربت كتله منو هاي كلي هاي بنتي

1995/3/30

ام سيف ::-منوووو
ابو سيف::-اي بنتي
ام سيف ::-انته مزوج
ابو سيف ::-تزوجت من سنه  وامس زوجتي جابت وماتت
ام سيف ::-اي ولمطلوب مني
ابو سيف ::-اعرفج بت اصول وماترديني تربينه حاله من حال سيف  ومحد يعرف وليسئلج كوليلهم جبت توام
ام سيف ::-اشلون
ابو سيف ::-اي اذا تحبيني اعتبريه هديه مني الج وترى هاي لبنيه يتيمه خافي ربج بيه يامره واني كتلج هاي هديتي الج ع ولاده سيف

اماني ::-يمه انتي شنو تحجين

ام سيف ::-وثاني يوم كلي راح نسافر للبصره هناك نعيش يم اهله واذا سئلوج انتي مو كلتي بس سيف كوليلهم حبيت ابقيه مفاجئه ورجعنه عشنه بلبصره وعفنه امرلي  الي بس هيه تعرف حقيقه قصتنه وبعد كم سنه من صارت اماني جبيره عمره9 سنوات وكتله راح البسه حجاب وجانن بوكته امنيه وامنيات اصغر منه وشافني اشلون احبه اكثر منهن لان صدك عتبرته هديه منه وحافظت عليه كال لبسيه وسئلني اذا مرضعته وي سيف كتله اي كال يعني اخته كتله ليش هيه مو اخته شنو لفرق هيه جابته مو اني انته ابوه واني ربيته كالي هااا هم صح ومن كبرت وشبت قبل لا يموت باشهر اجاني واكلي اذا بيوم اعترفلج وكتله اماني مو بنتي لكيته ع رصيف اصدكيني ويريدوننه اهله  كتله اكيد لا لان بنتك وبنتي  اني مو بسهوله يجون ليش كال لا بس مجرد سوال ردت اشوفج تنطينه كتله المن كال كلشي يصير يجون اهل امه خواله ويردونه كتله لا اهلي همه خواله  وانطاني بيومه لصنادقي وكلي منو بيهن تزوج تفتح وحلفني ما افتحه كتله يجوز اموت قبلك كال ما اعتقد ما اطول عندي سر اتمنه اموت قبل لا ينفظح
كتله يا ابو سيف عندك شي كال انتي زوجتي وتقبلتي بنتي وحبيتيه اكثر من بنات بس اخاف اكلج وتقل لمحبه  كتله لا اماني تبقه عزيزه وهديه منك كلي بيوم لرجعت من دوام لكيته طفل ع رصيف نزلت ولكيت اماني جانت طفله ومبينه تواه صايره يومين وجبته لبيت وكتلج بنتي من زوجتي وجذب اني لا مزوج ولا شي بس خوفن عليه  وخفت لا لبنت تنكشف حولت نقل للبصره يم اهلي ولكيت حجتي ماكدر ابقيج بلبيت انتي وجهال وهيج كله اقتنعت هذا لسبب مو خايف اهله يدورون عليه  وهاي امانه عندج اماني بنتي وابنتج

اماني ودموعه بعيونه::-يمه شنو هل لسر لضامينه عني ومن صار عمري بعشرينات يلا حجيتي

ماريانا ::-عمه معقوله  اماني وايه
ام سيف ::-اني محجيت وخذلت امانه زوجي لحد ما اشفت ايه 
اماني ::-لا مستحيل اطلع عايشه بجذبه كل هاي سنوات والي اكله ماما مو امي واجذب عليه حبيتج اكثر من روحي وحته زواج ما اقبل اكول ابقه يمه منو اله بكثر ما احبج وتاليته اضمين عني اهلي

ام سيف ::-يمه والله خفت تعوفيني

اماني ::-با نانيتج  خسرتيني

ركض اماني للغرفه وقفلته عليه

مريانا كامت طلعت ع لحديقه واتصلت ب ايه

ايه ::-هلا والله بلكاطعه
مريانا ::-هلا بيج
ايه ::-ماري ترى اسبوع جاي خفلت خطوبتي ومقرره اتصل عليج اعزمج انتي واماني
مريانا ::-اماني
ايه ::-اريده تحظر خطوبتي لان تشبهني بمكان توامي  عادي تجي مو
مريانا ::-ايه منو يمج
ايه ::-ماريانا صاير شي
مريانا ::-ايه ماعرف شكلج بس اريد اشوفج يم حسين بلمستشفى
ايه ::-حسين مامداوم
مريانا ::-اوك انتظرج يم مختبر ....
ايه ::-شكو
مريانا ::-تعالي واني افهمج

راحت ماريانا وقنعت اماني لازم تكون قويه وتلكه اهله ولازم اول خطوه اسوي تحليل هيه وايه بدون محد يدري وطلعت لعصر ولكن ايه منتظرتهن جايبه حيدر وسون تحليل وايه عرفت بلموضوع وبقت تدعي تطلع اماني اخته وبقه سر تحليل بيناتهن ونتيجته بعد 3 ايام

بعد 3 ايام

سمعت ماريانا صوت موبايله يرن شافت لمتصل لدكتوره خافت وترددت  اذا جاوبت وطلع يجابي اماني تعوفهم واذا طلع سلبي اماني تبقه بس هم يجي يوم وتلكه اهله وصعب تبقه بدون اهل

ماريانا ::-هلا دكتوره
دكتوره ::-هلا بيج حبيبتي
ماريانا ::-بشري دكتوره
دكتوره ::-تحليل .....

اتصلت ماريانا  ب احمد وعزمته واتصلت ب ايه وعزمته ع لعشه  بليل لتمت لعوائل  وكل مستغرب لوضع شنو سبب لعزيمه جانو لزم بلمظيف ونسوان بصاله واماني بغرفته  نزلت ماريانا وكفت بمكانه الي كل مره توكف يمه وتسمع شنو يصير بلمظيف وصاحت ام سهام وام سيف  يدخلن وياها لمظيف ام سيف خافت دخلت ماريانا لمظيف وسلمت شافت عيون احمد الي مشتاقتلهن
مريانا ::-سلام عليكم
لكل ::وعليكم سلام
مريانا ::-جدي اسفه بس طلبت من خالتي ام سهام تدخل وماقبل وعمتي ام سيف هم
لجد ::-شكو
ابو زيد ::-بنتي شنو لشي ضروري لعندج
مريانا ::-عمي ابو سهام قبل كم يوم زوجت عمي عترفت بغلطه الي هيه لهسه تعتبره صح كلكم تعرفون اماني بت عمي تشبه ايه وكلنه ربك يخلق من شبه 40 بس لصدفه قبل 3 ايام سويتلهن تحليل ونتيجه  طلعت 

           ايجابيه !!!!!

لك نصدم
ماريانا ::-اي اماني توام ايه وعني من جان عايش بامرلي لاكيه ع طريقه وعمتي خايفه  تخسره لان هيه لربته
بهلحظه نزلت اماني وهيه تبجي  كل سمع ماريانا ام سهام ركظت ع بته بعد ما اغمه عليه وبقت تشبك بيه ولكل اشكر عائلت ماريانا حافظين الامانه كل هل سنين رفضت اماني تروح وياهم وبقت ليله كله نايمه بحظن ام سيف حظرت خطوبت اخته وبقت عايشه عد ام سيف وتروح وترجع ع اهله ونور سافرت حته تتعالج بللهند  ورجعت من لهند بعد شهر مشافيه معافيه ولكل فرح بيه وبرجعته اجوي عائلت ابو زيد كلهم
ابو زيد ::-بويه احمد فض سالفتك عيب صرنه اهل وبت عمك طلعت عدهم ولناس فضلهم مغطينه عيب لجاي نسويه بتهم مبقينه معلكه لا هيه بسما ولا هيه بالارض طلكه حرام شايله كلمه لفصليه

احمد ::-صار

وبعد ساعتين  دخل مؤيد لمطبخ وضحكته شاكه حلكه
ريام زوجته ::-شكو صارلي مده مسايفتك هيج فرحان  وتظحك
مؤبد ::-بصوت عالي ماري ميرو
ماريانا ::-نعم
مؤيد ::-لج طلكج حررج من كلمه فصليه

كله فرحت وصوت لهلاهل سمعه احمد بس ماري مسحت دمعته قبل لا يشوفه احد ومن باركوله وبجت كلتلهم دموع لفرح  هذا لحجي وصل لاحمد ماري تبجي من فرحته لان طلكته   طلعت نتايج وماري نجحت لخامس ونور طلعت معدل يقبله قانون  وقدمت 

ماريانا
بيوم لجاني لمدرسه بعد ما اجه وره شهر اتصلت بيه علمود اماني من عزمتهن جانت مخابرتنه جافه كلش مجرد سلام وعزمته وبعد نور سافرت ورجعت فرحنه بيه واجونه  بيومه طلكني ما انسه ذاك ليوم2015 /7/23 جنت اتمنه ابقه ع ذمته بس بعد الله مكتبلنه طلعت نتايج ونور قدمت قانون اشك بيه طلعت هذا لمعدل حته تقدم قانون وي حيدر   واماني كامت تروح الاهله وتبات يمهم يومين و3  وعلاقته قوت باخوه حسين وهو جرجره بلحجي وكلتله نبا صديقتي مو من بنات عمه وعرف كلشي عن نبا وتقدمله  ومنتظر جوابه

تعالو انشوف ابطالنه حاليا

احمد ::-كم مره كتلج لا تتحركين مو زين ع طفل
       ::-اووو احمد ميصير هيج ترى ماعليه شي
احمد ::-يا حبيبتي اشون ماعليه وانتي توج بالاشهر لاوله ميصير تتحركين
        ::- صار حبيبي ابو حسين
احمد ::-اي ترى اني متفق وي حسين 
       ::-فديته ابنهم حمودي يخبل كون تطلع عدنه بنوته  مو ولد وتعيش قصه حب وي احمد ابن حسين  ونبا
احمد :::-لالاا ما اريد بنتي وابن اخوي يعشون لعشنا بعدين تعالي تردين بتنه انطيه فصصصصصصليه !

ماريانا
هلوو حبايبي اكيد استغربتو من زوجت احمد تعالو احجيلكم شنو لصار قبل سنه ونص  بعد ما طلقني احمد بشهر ل7    و داومنه تقدم حسين لنبا وردت جواب وعقد اذكر زواجهم  بشهر ل2 يوم 14 رادو هذا تاريخ لان عيد الحب  بيوم اجه احمد لصالون وي حسين من اخذو نبا من صالون صعدو نبا وحسين بسياره بقيت اني اطريت اصعد وي احمد صعدت وجان مشغل هذا حبيبي
احمد ::-اشونج
ماريانا ::-تمام وانته
احمد ::-اخذب عليج اذا كتلج زين
ماريانا ::-ليش
احمد ::-لان احبج
ماريانا ::-
احمد ::-اشبيج ساكته
ماريانا ::-
احمد ::-ماري كل عام وانتي لحب
ماريانا ::-هاا
احمد ::-ليوم عيد الحب تدرين مو
ماريانا::-اي
احمد ::-بعيد ميلادج ردت اعترفلج بحبي بس وكعت جدج ونور وبقيتج يم اهلج وماكدرت اعترفلج
ماريانا ::-ولكتلياها بيوم لحفله
احمد ::-كله طالع من كلبي  جنت مقرر بس نصعد لغرفته اعترفلج واكلج مو تمثل صدك احبج
ماريانا  ابتسمت::-
احمد ضحك::-اموت ع ابتسامتج
ماريانا ::-واني هم
احمد ::-انتي شنو
ماريانا ::-احمد وصلنه لمصور
احمد  بصوت عالي::-احبج
حسين ::-ولك مو عيب
احمد ::-انجب اخذ ليحبه وجايني عيب

بعد زواج نبا يوم 2016/3/5
اجه احمد واهله  خطبوني  من اهلي
لجد ::-اشرب جايك ابوزيد
ابو زيد ::-ما اشرب لحد مدكلي لجايك بيه مكضي
لجد ::-تفضل كول
ابو زيد ::-جاي اخطب بتكم لمحروسه لبني احمد واتمنه مترفضونه
لجد ::-شنوو
مؤيد ::-بس احمد صارله سنه من طلكه كون رايده المن طلكه
احمد ::-طلكته حته لا تبقه فصليه وجاي اخطبه من جديد ومثل ما انطيتو حيدر انطوني مره
لجد غمزلهم  ::-ماعدنه مره الك

ماريانا جانت واكفه يم لباب ومتاكد جده واكفه تسمع اول ماسمعت جده دخلت
ماريانا ::-جدي منو كال ماعندك مره لعد اني شنو بعدين مو كافي ضحيت بكلشي علمودكم اني هسه ارجع اضحي بيكم علمودي

لكل ضحك عليه حته احمد
مريانا ::-ليش اضحكون
لجد ::-فشلتيني ولج يابه الك مره يمنه
انتبهت ماريانا ع نفسه وفلت طارت ع لمطبخ

والحمد الله عقدنه وكتله من اكمل لسادس يلا نزوج  اتفقنه بس احمد وسوالف بعطله اتصل ع اهلي وقدم زواجنه وتزوجنه  هم يوم 2017/2/14
بعيد الحب عتبر هذا اليوم  عيد زواجه وعيد حبنه لان بيومه عترفلي بحبه   وهااا  طلعت معدل 88 وماقدمت كليه لان طلعت

حامل

واحمد مكيف وطاير من لفرح وميقبل اتحرك

وباقي  الابطال

حيدر ونور عاقدين وزواجهم من يتخرج حيدر بعد سنه ومهند تقدم لهدى وانطوه  وحاليا مخطوبين  واماني تقدمله واحد وياها بلكليه وحفله تخرهم تزوج  وايه صار عده طفل وحامل 

هاي روايتي اني وعائلتي  ضحيتي بكلشي لخاطر اهلي اول مره وهسه ضحيت بدراستي لخاطر لبنوته الي بطني  حته اهتم بيه وا حبيبي احمد

       ((   لكل بدايه نهايه))

         التظحيه 💔 لكاتبه♡A♡ ويبقى الامل ♡t♡

                  ♡t♡  طفوف حميد ♡A♡
🎀🎀🎀🎀🎀🎀🎀🎀🎀🎀🎀🎀🎀🎀🎀

مرحبا عائلتي لواتباديه هاي روايتي بين لحقيقه ونسج من لخيال بعض  لمواقف حقيقيه ولبعض حذفتهن ولبعض من نسج خيالي  اتمنه تعجلكم رواتي  لاوله بلواتباد واعتذر عن الاخطاء الاملايه    وانتظروني

       بقصص وروايات جديده

  (( من انا  ؟؟؟  حقيقه ولبعض من نسيج خيالي ))

   ((مجنوني💕  حقيقيه))

((💕اكون او لا اكون💕  حقيقيه )))

((ابتعدت وهيه تعلم في بعده جرحي 💔  حقيقيه)))

((يامن كنت حبيبي)))   

((حبيبي زفيته للحشد😢  حقيقيه)))

((جنك عشكت لموصل اكثر مني😢     حقيقيه ))

((زفت  معشوقي 💔         حقيقيه ))

هاي قصص حقيقيه  عندي كاتبته بكتابي  ان شاء الله اكتبه الكم ع واتباد انتظروني

احبكم عائتلي واتباديه❤❤