تحميل رواية «التوهان قربان هواك» PDF

❥

. 𓆩H𓆪.

و بـ أسم رب البدايات نبتدي .

..

𓆩بقلمي سينارلاين علي𓆪

.

. 🦋  .

📿🦋🕊 ⭐🚬

ليست أشياء عابره

( التوهان لكن لما ؟ قربان هواك ! 🕊)

. 𓆩H𓆪.

رواية ملحمية حيث بنار ألانـتقام

و الثارات و حُب مجنون جمعهم التوهان

بين صِراعين و بــين قــلوب عَشقت

جحيم الدمـار و بيــن رجال نال منهم

الهوىَ حتى لاقى مضجعى  .

ثم بعد

ٰ

. . ⇜↜𓆩H𓆪↝⇜ .  .

هذأ الطــيف من الظلام يــلاحــقني

بــينك و بيــني و بــين الليل و وطــن

مهــجور و ســموم أحــقاد لا تنـــتهي

كيـف سَــننجو ؟

هذأ أرتِــجـــاف الــحــب بـــقـــلبــي

و هــذأ خــسران الــروح بـــجسـدي

أنــا كــيف عنك غفـلت هكذا بالرب

أخــبرني !

أحــادثكِ الــن تــجيــــبيني ؟

مالــذي تريدني أن أقـوله أليـك !

أي شيء ولو حـَــرفا ولو ســم ينهش

عــمقي تــحدثي و بكِ و اليكِ نجــيني

و من ضياعي و أخـطاء ذنوب سنيني

أعـــتـقيني

أسـتــوطانــك بداخــلي يـُرعـــبني

أنــتَ موجود معــي فـي كل وقــتي

أظنني ما عـدتُ أنــتمي لنفسي وليس

لــي أنــمــا شــيء بــي صــار أليك !

أذن عاتــبيني أرمي كل ما يـوذيكِ

مني و أعــيدي الي و أفــرغي كــرهُ

الخــفايه فيـــني

هكذأ أذن ؟

بالمناسبة أظنني لا أختلف عنك كثيرأ

أنا أيضا لا أعــتق من يوذينـي ولا

أغفر ولا أنـسى بل بدرب ألانتـــــــقام

أحرق و أحترق ولا أعود بمركبي للوراء

خطوه

يــعني لـ هنا وخلصنا ! يعني لو درت

ظهري ماأشــوفج بعد ؟

خلصنا !

هو أحــنه شوكت صَرنا عقــيد  ؟

مَعناها حــتى أعــتذاي ما ينفــع

بعد ! مَعناها راح أزيد جنوني وعَنادي

وكل ســوئي وأذيج أكثـــر بعد

وأسّكــتلك ؟

صَدگــني مو بنــت حواء أنـي أذا

ما خليت النجمات الي على أجــَتافك

هي و تراب التحت رجلي يتـساون

بس ما تِهـــونين لا ولي خـلق الــنفسّ

بـــيه عـقيدج العاشق أنــه الــخاتم

أسَــمه على جــبَينج عنــادَ بالدنــيا

وبيــه  .

حتى حــجَينه صَــاير شــعــر

هنا ودي أزيــد على الجَرح لعـد

ما ينـــفع ضــوء الشــمعه بـــعد

ولا مَصباح بيتك الي بايَدي أنكسر

ظــلمة لـيل روحـــي يَمــك و على

أعــداد الثــواني صَرت أدعــي ربي

يخلــصني مــنك

بس أني ردتــــج ماردت غِيرج

هذأ العـــقيد اللي الـــكل تهــــابه

مـثل غـــصن مكسور يَمج مَــطلبا

أنــتِ ليــله و نــــهاره

هذأ مو حُب يالروح وأذا تريد

ذكر نـفِسك شسَويت بيه..

غرفة ظلمَة وبس ضوء خِفيف يطلي

من زجاج نافذتك المكسوره الما منتبه

أنتَ عليها والبرد من كل مكان رجَفلي

جلدي وأيديه ، خانگ كل نفس بــيه

بسـوط وهــاي نــدوبك الي أنطــبعت

بجسمي ونزف شـفتي وشومك عليَّ

حابسَـني بِجسد ما بي روح منو گلك

فــراشه مثلي ترضى بـقــفص سـجان

ينَحسب على القانون وهو خارج عنه

بكل معانيه !

ٰ

ــــــــ

⚜️

𓆩مشهد 1𓆪

ردت أطـِلع و أنفذ مِناك باي طريقه

ومَا أهتميت لا لغيوم السماء ولا للمَطر

الي توا بلل شِوارع بغداد مثل لو أنه

مِشتاق الها و حتى أني بللني بدربها..

ركضت بَطلاع الروح أجر جـسمي

وجرح راسي المَضمد حيل وجـعني..

أللهث بأنفـاس مَجزوعه و مدري

وسَط التوهان و توهاني بيـمـن

صِدمتني !

جسد طخ جسدي بنفس الحظه الي

سقطت بيها من عنقي گلادتي  ..

من رهبـتي ليكون واحد منهم بِرجفه

خوف كتِمت حتى النفس البصَدري..

و تِخطيته و مِشيت

ومدري شبيه حَسيتني ضيعت روحي

مني ! هذأ العِطر بحق ربي ليش هيَج

دوخني !

سفطت رجليني ما كملت الطريق  ..

"شدا يصرلي وسط كل هاي الخسارات "

التِفـتت له  .. لابس أسود بالكامل و

أبَيـاض أيده بدأ ينزع نـظارته السوده..

و هنا گلبي بكل نِبـضه هـَزني   .

هـذأ هـوَ ؟   ..

نفسه  ! ما غيره  ..

هذأ اللي حبيته من أول لحظه ويوم ،

هذأ اللي من سنين دك حبه بكـِل كِتـر

بيه !

و بشنو حسَيت ؟ من لزمت گلبي

اليَدك بَجنون أمـسد عليه !

عِشت الرجفِه والرهبه و جَسمي بالـف

ياعلي يله وكــِفتــه ، أميل بوجهي و

أباوع عليه من بَعيد و ما حسَيت من

دمعت و لا برِوحي المرتجفه من المطَـر

والبرد ولا مـن فتحت شـفتي بخـفوت

أهـمَس لـ نفسِي بسَكون و عاينـله  ..

(من بِـعيد ضل يرجَف گلبي و مَحد بحاله)

ٖ

ٰ

. ⚜️ .

.

𓆩مشهد 2𓆪

باوعت للنسر و النجمات على أكتافه

مترقي و صاير عقيد من جــديد ؟

تـقدمت أگعد بجانب اخواني و هو

تكلم و عيونه تنظر لي بنيران ساعره!

أبتسمت بسري أگول جايني والحب

بعيونك لو شيء ثاني رايده مني !

ٰ

ٰ

. ⚜️ .

.

𓆩مشهد 3𓆪

.

عيونه تلهب واگف گدأمي و بطلته

خطف أنفاسي  ..

- تدرين شنو شاغل فكري بهل الليل؟

أسويها وياج لو ما أسويها !.

زفيته بنظرات عجرفتي و كبريائي ..

ذرة مشاعر ما أحتواي أني ..

- بكيفك متفرق يمي .

سحبني لصدره و كتف أظلوعي بخشونه

أيديه و البدلة المرقطة العسكريه ضابه

كل جسمه  ..

-بكيفي گـــلتي مو ؟.

.

ٰ

   𓆩مشهد 4𓆪

واكفه على سور السطح و صارت عيني

عليهم أول ما أجى أبن الضاحي و أبن

المذهب أكباله رددها بصوت عالي هو

و جماعته مثل نشيدهم المعتاده لمن

يشوفونه  ..

" الما والاه الصوج من أمه

اليبغضك يا علي ما عنده شخصيه

و ما يحتاج أكلك أمه يا هيه خلى

يرجع التاريخ خل يشوف ماضيه

الما والاه الصوج من أمه "

عقد أيديه خلف ظهره و ابتسامه

جانبيه أكتست وجهه حتى طلع

السبحه و صار يفرفر بيها بأيده..

" العقيد يعرف علي و عمة السادة

ما يحتاج أراجع التاريخ و أعرف

ماضيه و منو همه أسياده "

ــــــ

ٰ

. ⚜️ .

𓆩مشهد 5𓆪

" أريدها والله و عظمته أريدها

و بغيرها ما أقـبل لو تنگلب الدنيا

و ما يكون أسمي ابو الحسن أذأ

أخذت بنيه غيرها و طببتها لبيتي "

" ولك متزوجة أصحه على زمانك

و كافي خــبال خاطر الله تــشتريد

نســويلك !! ها !! شتريد نــروح

و نخطـــبها الك من رجـــلـها ؟ "

" أي علي الدر !! أي خطبها الي من

رجلها !! روح يلا روح !! أخطبها الي

من رجلها!! "

و نگلب البيت گلاب بصياحه و هو

يكسر بكل شيء يشوفه گدامه و أبو

تراب و المجتبى و ابو الفضل و الامير

و كرار و حيدر و باقي الولد يريدون

يسكتونه ماكو . . أنجن بخبال و

هد حيلنا .

ٰ

ــــــــــ

. ⚜️ .

𓆩مشهد 6𓆪

النيران ترست كل المكان و أسمعهم

يكسرون بالباب و صياحهم طربني !

- علي الدر ! هذأ انتَ .

- روحه العلي الدر أنتِ أني هنا لا

تخافين أموت و ما أعوفــج .

عيني صدت للمكان .. هو أني شضل

بيه و ما خسرته ؟

صحت بتوسل ..

- روح خلص روح أمانة الله لا تتأذى

بسببي، ماظـل شيء يــسوة عندي ..

الخاطر ذو الفقار أخذهم منا وارجع

الخاطره  .

دك الباب بكل قوته و يصبح بخبال..

-فدوه نروح كلنه الج هذأ ابو الحسن

و ابو تراب و المجتبى و ابو الفضل

و حيدر و الامير و كرار هنا أحنا نطي

أروحنا وما نـعوفج و حق ربج .

وگف كل شيء بيه من سمعت حجيه !

أني شسويت بولد نبراس ! دمـرتني

و دمرتهم بسبب هالحب . .

خفضت عيني للارض  ..

يا ريتني ما حبيت يا ريتني ما عشگت

بيوم  ياريت  ..

ٰ

ٰ

ـــــ

𓆩مشهد 7𓆪

يحاجيني بسخريه مثل عادته..

بعد مخلصت ذيج الاغنية و شغل غيرها

{ أو أگـلج هاي سمعيها ولو حسيتي

رايده تتذكرين شخص تذكريني بيها}

مخليني أرمقه بصفنه .. طير بداخلي مل

من سجنه .. حتى من سمعتها ..

" حـــبيبي بعـــيني لك دمعـــة

كلام بگلبي ما تسمعه أريد أحجيلك

و أرتــاح تــعال الخاطري بسرعه "

" حبيبي الشوگ أذاني دخيلك راح

أموت أني لو تلحك عليَ لو راح ميت

أنت تلگاني "

ٰ

ٖ

ـــــــــ

. ⚜️ .

𓆩مشهد 8𓆪

كان يوم العاشر من مــحرم و مثل

العادة رواديدنا يتوسطون الاستقبال ،

تجمعنا أحنا والبنات نسمعهم يتناوبون

بالقصايد..

" علي و هذأ الاسم يسري بشراييني

نــبع يالــماتمل شــــوكك ريــاحني

عـتب وياك عــندي يراوح بعــيني

يمـن فركاك گــدر صـفوة ســنيني "

و الكل طلب منه يقرأها منتظر  .

" كم ذا القعود و دينكم هدمت قواعدة

الرفيعه تنعى أصوله فروعه و فروعه

تنعى أصوله ، فيه تحكم من أباح

اليوم حرمته منيعه "

"الله يا حامي الشريعة الله الله "

" ماذأ يهيجك أن صبرت لوقعة الطف

الفضيعه ،أترى تجيء بأمض من تلك

الفجيعة ، حيث الحسين على الثراء

خيل العداء طحنت ضلوعه "

حتى أستلمها أبو الحسن يمكن؟ ولاول

مرة هيج أسمع صوته!! حط عينه على

أخته  ..

"تگله الكاتبك يا حسين من هالناس

چــا وينـــه ؟

يگلها يماي العين كلها أنگلبت علينا"

ٰ

ٰ

. ⚜️ .

𓆩مشهد 9𓆪

من فززني كلامه بنشوه يحجيها!

{ عجـبج؟ أذا تردين بأيدي أوشملج

أخــتاري على صدرج لو رگبـــتج !.}

بصقت على الارض بدون ما أخرج

شيء من ثغري .. من هربت الكلمه مني

( گـــواد مو بيــدك.)

ٰ

ٰ

ــــــ

.  𓆩مقتطف𓆪  .

كلتلج الـية ما تصيرين الغيري

لابن السادة تاليتج تنزفين عروس

ٰ

ٰ

ـــــ

{ ويا المطر حلت شعرها }

( ياهيَ  ؟ .)

{ السلسالها يغازل خصرها }

ٰ

ٰ

. ⚜️ .

( العقيد أبو النجمات  ؟)

فرفر سلاحه و مدري شنو الاكثر حده

رصاصته لو سواد عيونه  !  ..

{ عجل نجيبج للدرب يا أم شامه }

عدلت سلسال خصري و دمار الموقف

بيني و بينه  ..

( نجوم السماء اقربلك )

.

.

.

𓆩مشهد 10𓆪

(ماراح تـــتركني بحالي ؟ . )

رجع يمي و حزامه شمره يخلي سلاحه

بجيبه ! من قرفص يبشرني بنفس نبرته الساخره ..

{ يست الحُسن اليلة أني وياج و

السهرة صباحي .}

ٰ

ٰ

_

.  𓆩مقتطف𓆪 .

ـــ

『يـحقلج بس كون الليل ما تنامينه

ألا و شعرج ملامس صدري حنين. 』

تنوعتله بنوايه غريبه  .. هتفت..

( شايفلك واحد يزعل من الثاني وتالي

الليل ينام بحضنه ؟.  )

أنتهى و داخ رايد يشرب الحياه من

شفتي و يبوسني  .. ما خليته  ..

ضحك معقب  ..

『 أطباع سادة يا عشگهم أنتِ تعودي.』

ـــــ

.   𓆩مقتطف𓆪  .

(  مجرم قـاتل بلا ضمير ولا أحساس

بس لا تــصير مُـــعتدي .)

نطبكت حواجبه  .. سحب نفسه قبل لا

يبوسني و ردد كلمتي  ..

[  لا أصــير مُــعتدي  ؟]

جريت الساني جر حتى يحاجي..

( لا تــدخل أرض مو أرضك يالراوي .)

ـــــــ

باوع لي و الدمعة بعينه  ..

『چــا و أني  ؟ 』

ــــــ

.

.

𓆩مقتطف𓆪

فرد خصلات شعري على طوله و بخدر

يحجي  ..

{ عندي طلابة ويا شاماتج يول

گليلي شيحلها  )

لصق سباته على شفايفي و أنفاسنا

تسطر و تحرق  .. و عيونه سابهه بعيوني

{ العقيد ما رايدها عشاير وياج

بس رايــد شفــايفج فصـلية  }

ٰ

ــــــــ

.   𓆩مقتطف𓆪 .

مسح وجهه و شعره  .. ينظرلي بنظرة

كلها أشمئزاز  !  .. يفرفر لكل نقطه بيه.. و

كل تعابيره تستوحش و تنجن  و فوق

كسرة خاطري كسرني  ..

『 ألعتب يعشگ كبرتي و شهگة السادة

موش عليج علي أنا الما عرفت أختار 』

ٰ

ٰ

𓆩مقتطف𓆪

ضيعت النظر و أني أباوعلـه.. و مُر حبا

وياه من رديت  ..

( حتى أنتَ مثلهم  ! يالردتك خرزه من

عين اليحسدون شجاك ومن عينك قبل

عينهم وگــعتني !!)

ـــــــ

.

.

.

.   𓆩مقتطف𓆪

صحت بجنون " أكرهك!! "

سند نفسه على باب غرفتي من سده

يــتنوعلي أبرود بس مبتسم..

" الدرجة وأشــمه أسمي على صدرج "

ـــــــ

.

.

𓆩مقتطف𓆪

كان ليل كئيب و باهت  ..

كل شيء أسود  .. من شعره لعيونه

لـ ملابسه  .

قرفص منحني و حط أيده على القبر    ..

{ يست الحسن أني رائف }

ـــــــــ

" چــا أذا مو الج روحي شيلي بيها  ؟ "

ٰ

ــــــ

" و عشك أبــويه التارس گلبي

ما أكون بنــت نــبراس أذا مخليت

صراخـــهن ما اله والي و رجعت

الحـــق ثـــلاث أضــــعافه "

ٰ

ـــ

.   𓆩مقتطف𓆪  .

" فوتي و گوليله يابه بنتك عاشكه

مجرم و مخبله بــي و خلي الـ الله

ترج قصور الســراي والي بيها "

..

𓆩مقتطف𓆪

_

" الــصديق المثــلك عافية من الله

لانك درع وسـيف منين ما انـــدار

ويايــه الاكيك "

ٰ

ــ

𓆩مقتطف𓆪

_

" تحبك بجنون حرام تكسر بيها

گدام أهلهــا و ناسها "

" اني ما جبرتها يا خـوي هيه

الدكت صَدرها و حبــــتني "

ٰ

ــ

" تركت الجكاير و أدمنت شــفايفج "

ٰ

_

.   𓆩مقتطف𓆪.

جحضت نظراته .. لمني بحركه زوعتي

الوجع من صفيت ويا الحايط و جسمه..

{ يول تحنيلوا لليوم ؟ واني اللي أتراجف

عليج مستــكثرة النظرة ألية!!}

ٰ

ـ

𓆩مقتطف𓆪

_

[أگولج شمـلقبها و تخلينه سر بينا. ]

و حرام أذا هزيتلي جـفن گدامه لحظتها.

أردفت ابرود..( أسمعك ؟.)

أخذ نفس كانه طير و بقفص مسجون..

من جاوبني [ سنيورة زمانها .]

ٰ

ـــ

" أنباري و عشگ بغدادية شممكن

يصير  ! "

رفع أيده للسماء  ..

" أحضرها يا علي نولينه "

ٰ

ٰ

𓆩مقتطف𓆪

.

" المـا تهزه بنت التسعينيات تسحله

الج بنت الالفينات و أخذيها مني

و أشوفج ألامهات شتجيب أذا ما

خليته يركض ورايه وهو الممنون ما

أطلع بنت أيماني "

ٰ

𓆩مقتطف𓆪

{ يول هـــلا بالطير الـــطار مني

و حـــن لديـــارة }

ٰ

𓆩مقتطف𓆪

"عن يا وجع تحجي؟ سويت كل شيء

وياك لكن مافاد أني يمك وأنتَ عينك

على أختي "

ٰ

𓆩مقتطف𓆪

- سهر طول الليل محد بينا نام و

أسمعه يعد بالرقم *** و الشفة بالشفة

ٰ

𓆩مقتطف𓆪

ٰ

( گالوا العقيد رائف ضاعت علومه  ..

گلتهم عاشگ مهووس لحد يلومه )

ـــــــ

ٰ

.  مقتطفات  .

[ الحب سالوفة جبيرة يابنت الناس

جــربي تعــشگــين شخص طالبته

دم و ثـــار .]

ٰ

.

『 چـــا و گــــلبي  ؟ 』

.

{ أخـــذي روحــــي و أطــــلبي }

ٰ

ـــــــــ

ٰ

.  𓆩مقتطف𓆪.

( هــا يالجراح سورك العالي أنهدم؟.)

نزل بساتينه لـ بحر عيوني .. و ليش

أبتسم !

[ الج ؟ من أول نـــظرة أنهــدم ]

ٰ

ٰ

ـــــــــــــــــــــــــــــــــــــــــــــــــــ 🕊

.

.

تنويه مهم  الروايه بسرد ( خاص بيه )

ممطروق بعالم الواتباد لذلك يا تقرأها

بتركيز و وعي يا من بدايتها تتركها لانها

مو روايه عابره ، أحــداثها كثيرة .. و

جـــدا مو عــاديه  ،بين الانتقام  ،بين

الثارات و الهووس و حبكة معقدة

للشخصيات و ما بين كثرت المحرمات

و عالم من الطبقة المخملية لذلك تحتاج

عمق حتى تفهمون احداثها.. غير ذلك

اي أسأءه و تدخل بالسرد بعد هذأ

التنويه المذكور كتم  فورا..

❥

أي حرق للاحداث على القرأء الجدد

يضر بالمتعة لذلك أتمنى ما أضطر

اكتم لهل سبب أيضا  .

.....

𓆩التوهان قربان هواك

  𓆩بارتات طويلة  ، حبكه عميقة𓆪

❥ 𓆩H𓆪

و أخرا  .. ماتعجبك  ، مو نوعك لا

تنطيني نصائح بحجة ( رائيي الخاص)

بل من اول بارت أتركها لان يالروح ما

يهمني رأيك لا والله أصلا ما اعترف بي.

🦋🕊⭐🚬  📿.

لاول مره 2024- اكتوبر  ..

لكن  ..

أبتدأت بشكل فعليا 15 مارس 2025

لكن نشر البارتات في أكتوبر، ديسمبر

..حيث فصل ألشتاء .

.....

جميع الحقوق تابعة لي و محفوظا

قانونيا  .. فاي نســخ لصق ســرقة

جزيئات مني و دحــسها بروايتــك

القانون يدخل فخليك محترم وابقى

بعيدأ عن كتاباتي ..

.....

الملتقى بأذن الله🤎

. . . . .

. 🦋 .

. و بسم رب البدايات نبتدي .

بـقلمي سينارلاين علي

التوهان قربان هواك🕊

ليست رواية عادية..

ولن تكون كذلك فاهلا بالقربانيون

بعمق التوهان .

. 🦋  .

خيالك مايفارگني وياي بصحوي و

بنومي اليوم البي تروح بعيد ذاك

اليوم مو يومي  .

🦋

. ⇜↜𓆩H𓆪↝⇜ .

قل للايام الباقـيَا من عمري هأن الفرأق

فــبعـَد ألسِنين لبـَعدنا سَـنعود للِــديــار

فهـل للحَـنـــين أن يبــَحر بَمركبــي لعزيز

عنا قطع ألوصال لحـبنا . . مُعتكف عن

ألهِوى غـأفلا عن ذكـِرنا نحن التِائهـــون

في ألتــَوهان المضـحـَون بـروأحـِــنا

فــدأءأ لـ قُـــربان هِـــوأكَ

⋱𓍲⋰

↜

. ديسمبر لـ مارس  .

ظــلام توسَط ليــل السًماء عَميق ـ لكنَه

و بَشــكل و أخِـر مثير يجـذب عيــون

السائرين علىٰ مـــر الطـــريَق..

و فــوق الأرض

سـمِـاء بقمِـرها و نِجـومها قد أضـاءة

کْل ألطِـريق

نِسِمات هّوآء .. تُسِآبـق آلريح

و هِمسَات .. حنين دافئه تغِازل الشتاًء

و ربَّ العرشُ عليهاً رقيبَ..

أرضَ ببتسَامه تـلاقـيَ ذرات ثلجّ قِد هطِلتَ

و عَــبر الــنِوافِــذ من ســـيارتها تـــرى

أخــصّانَ أشَــــجِار خــضراء .. علُى ..

الطّــريق قــدَ نــثّــرت

مَدينه بإطٌلالة أهّلها قد زينتّ

أحباء أصّدقاء ازواج لكُل منهمّ بمَوعد قد خرج

فُراق، لقاء ، زَوآج آنفصِـال، حـب كـرَهِ

تخــرَجَ ـ سعاده - حـزن قد زُاَْر اَْحدهًم

كامصِير محتٍمٌ في هذهِ الحياة

نِودع عـَام ونســتقّبل آخر على أمل

أحّلامنــا فِيه تزهّر..

و في أجــمَل بقِــعه من هذهِ المــدينة

المبتــهجه بالحيَاة تــتِوقف سـيارة

أحدَاهن أمــام منــزل كبـَير . . و من

هنا تــكِــون البــدايات ..

لكن قِبل هذا..

( و سلاماً على حَب أنتهَى قبَـل أن يبَدأ)

[ و كل ساق سيُسقى بما سقى ]

{  كما تُــدين تُـــدان .}

" و بـشر الـقاتل بالقتل "

ــــــــ

ــــــــ

- بغداد المدائن -

بيني و بينك و بين هذاك المُصباح

الي كسرته ببــابك صفحات وسط

ذاكرتي ما أنست  ..

على أصَطــفاف مَدينة دار الــسلام

عــند أطرافها حيث ذيج البـساتين اللي

أحــتـوت واحـد من البيوت المهجوره

واللي يـبدو و كانه أكبر حتى من قصور السياسيين، ما ينعرف عنه شيء و هو

عن الجَميع مَحظور عدأ مالكه ورجاله !

مكان مخفي . . تم تلقيبه من قبل

مالكه بـ ايوان كسره

و صعب للعين انو تلمحه  .. بين البساتين

متواجد  .. و ياما بي أروح ناس ودعت

الحياة  .. بريئة و مو بريئة  ..

و داخله

هـناك بذيج الغرفة أللي بالاسم فقـط

تِسمى غرفة خالية من الاثــاث كبيره

ومَهــجور كالمُستقع أللي ما يدَخلـلها

ســوى ضـوء القـمَر من جـزء نافذتـهَا

المكسَورة ، هناك حـيث لا صَوت يُسمع

ولا أمــان يجــثوأ لسَاكنيها  ، متروسـة

غــبار و خــيوط الـعناكب بكـل زواياها

ويا روائــح الــدم اللي بــقــت ذكـــرى

لاجـــساد نـــاس تـعــذبت بثــناياها .

حتى أجى الــدور الضحيه جديـدة

ولاول مره تــكون أنــثى تدخل الهل

البيت المهجور لتـصير أســتثاء عن

باقي دم الرجــال اللي ينهدر هنا كما

هو مشهور و مــعروف عند صاحب

المكان و الي يـقربله .....

فـمن خمسطعش يوم و أني حبيَستها

و سجــينـتها .. تم أختــطافي و ما أدري

منو الفاعل أو لأجل شنو حتى .!

من سندت ظهري على واحد من زوايه

الجدرأن ضامه رأسي بَين ركبي.. شاحب

وجهي ومُتعب جسدي كله ..

و ما بين العتمة و الضوء بحبسي ما

شــفته  ..

وين ما أصد ظلمه  .. ليل أسود حاوطني

و كوابيس موحشة تـفــترس أيامي  ..

ماكو حـَديث ولا سوأل ولا شخص

يخبرني بماهَية جريمتي اللي مرتكبتها!

ولاي سَبب دأ أسكن هذي الجُــدران

المظلمة !

فـطوال الأسبـــوعيــن اللــي مـضت

يدخــل لــي ألطـعام كل يومــين مرة

وحدة فقـط على أيد رجال ما بصرت

وجهه بِسبب شدة الظلام هنا أضــافة

أنه ما يـطيل بــقائه غير ثواني مَعدودة

عندي و يروح بسرعة  .

لكني أحيانا أســمع بعض ألاصَوات

البعيده لمن يَتــحدثون رغم أنها ما

تـكفـي لاعرف عن شنو وربما بالاصل

هذأ المكان ما يَسكنه الكثيرين !

بس كل ثــلاث أيام كـان الوضع يتــغير

و يــصير ضــجــيج فــضـيع و أصــوات

رجال تــتوسل و تـصرخ و بعـــدها هـناك

صوت قبل صـوت ألرمي يــطلع بجمــلتين

قــبل كل طـلــقة تنگــال... ركــزت بــيها..

•1، 2 تريدها بالگصه لو بالعين•

• ردد التوحـيد و هسة أذكرنا يم ربك •

مثل هسة و هي دا تـتردد بالمكان  ..

من وقت عجزت أعده  ..

الى أن كـل هالهوسة أنتــهت تخليني

دايخه و ضايـعة و مرعوبه عن شنو

دايصير هنا !

منو ذولي اليتوسلون لاجل الحياة  ؟

و لويش هيج أروحهم تهدر بلا رقيب و

حساب  !

صوت صرخاتهم أنحفرت مثل هاي

العتمة بدماغي  ..

و بديت غارقة بالتفكير ممنتبها لـ باب

الغرفة اللي أنـفــتح ولا لصَوت وقـع

خطوأت ذلــك ألرجال و هو يــتـقدم

صَوبي  !

و يمكن أول كــلمات منه مرت على أعتابي

{ أشــرقــت و أنــورت }

صوت رصيص الباب أنــغلق و بعدها !

خطواتــه تـــتـقرب عليَّ !

{ ضِــويتينا دكـــتورتــنا }

صوته خلاني أرفع رأسي ناحَيته و لحظتها

سُرعان ما جِعدت حواجبي بِسبب ضوه

الفلاش الخاص بتليفونه والمَسلط على

وجهي عن قرب..

هوَ مستمر يتفحصني عدل بضواه..

ببحة صوته الناشدتني  ..

{ أي يست الحِسن ؟.}

تــقرب قريب مِني  .. يَجلس القرفصاء

متلـثم وجــهَه بَــقناع أسـود سـوى من

حواجبه و عَيونه ألظاهره ، بالكاد لمـحَتها

أبو سود العيون  ! أحاول أنُ أعِـــتاد على

الضِوه بعـــد كل هاي العتـــمه اللــي

مــسيطره هـــنا ..

و هوَ مستغربني  ! ..

{ يول شهـل هــدوء ؟.}

و ما أدري أي شـعور يَنـتابني هسة ؟

بديـت هادئة بشكل غريــبَ مثل لو أني

غير مـخطوفه .. أبحلق بهيئة هذأ

الرجال بِسكون ..

لساني طخ لسانه   ..

( ليــش أنــي هــنا ؟)

ثلاث كلمات خرجت من شفايفي بعد

دقيقة صَمت خــلته يرفع لي أحد حَواجبه،

حس بـــغرأبــة نوعا ما ناحيتي  !

بدى من البديهي والـمُعتاد عليه كان

لازم أسأل عن منو يَكون هو أولأ  !..

لكن ما سألت  ..

عيونه تــتـبع عيوني  ..

{ برأيي نِـــتعرف أول }

ما خرجت نبرته عاديا أبدأ كان هناك

نوع من الاسَتهزاء وألغضب وهو بادي

بخلع اللثام عن وجهَه يرَمقني بحده

وسَخط  !

يسأل  .. مدري يسخر  ..

{ أذا مــا عنــدج أعــتراض  ؟ }

و بدى متعمد يزيح أللثام برخاوه مَستفزه

بس بالنهاية كان وجهه راح يضهر فمِاكو

داعي أنه يخبئ روحه عني! دامه مو خايف

أصلا من عواقِب فعلته و أختراقه

القانون دولته .

همست ويا روحي  ..

( شــدا تــثرثـر يالغـريب  ؟  .)

رفع نفسه عني!

.. سمعني .. و تك حاجبه مرفوع..

{ أي والله .}

من خفض من نفسه متوازي ويايَّ   ..

يهمس لي ببحته الغريبه  ..

{ وجهي ما ينـسي مو ؟.}

و سَرعان ما تبدلت الملامح والجو

الطاغي بهل مكان !

هذأ الوجــه ! وين شــايفـتــه  !

كأن هــذأ أول ســوأل خِـطر بفكري

لـمن رمـي قـناعه بالارض يسَتعدل

بوگفـته گدامي  ..

مو غريب !

هذأ الوجه مو غريب ابد !

و كأنه مثل المر على حلمي بيوم! .

من حسيت بغوأش شِديد وسَط ذأكرتي

ضيگت عيوني على وجهه ! دقائق أباوعله

و هوَ عينه عليَّ .. منو هو  ! وين شفته  !

سواد عيونه أخذ تركيزي  ..

الى أن مريت بطيوف ذكرياتي على يوم الاختطاف .

شيء شيء بدى يطوف بيه  ..

ٰ

❥ عودة للماضي  ❥

« رأس السنه يوم الاخــتطاف »

ٰ

" حَنين نبراس ساري السراي عجل! "

لفظ أسَــمها بعجــرفه و هـو يــطرق

بِحذاءه الارضـيه لمن رجع برأسه الورة

يرمق صورها الي بيــن أيديه  .. أول

مگدر يحصل على كافة المَعلومات عنها .

بالحظه اللي بده الوياه يسردله

باقي اخبارها ..

"من أسبوع وهي بـ بغداد عقيد رائف

دتراجع طلبَ الانضمام لمستشفى هنا

و حَســب الي أفتــهمته من جَمــاعــتنا

والدهـا عَـنده وأسَـطات قــوية حــتى

وهــو عَايـش بـ لنــدن بَعــده مَسيطر

هنا "

ضحك العقيد بهدوء من الرشاوي الي

ما تنــتهي  ..

و سواد عيونه يرمق بتمعن صورها بينما

يداعب حواف الصقر اللي گدامه من

أشـر بايده للثاني . . .

"  أخـتصر معاذ . "

عدل وقفــته الملازم  ..

" عدها أثنعــش أخو و أربعة بنات

من غيرها.. نص اخوانـها عندهم شركات

خاصه بيــهم ، الوالد منطيهم الحرية

الكامله و سجــلهم نظيف اية سوابق

ما عندهم  ! "

أخذ نفس يكمل  ..

" بالمختصر عقيد بيت ساري عالم هواي

أقارب و ولد عم و خوال الكل شهادات

وأغلبهم خارج العراق يعني من كثرتهم

أحــس الي يندك بيهم مضيع عقـــله "

على كلامه العقيد تبَسم بسخريه  ..

"  يول أني مضيع عقلي ناوي أندك

بيهم . "

أمتعض الشاب  ..

" عقيد رائف  ! ترى مو لعبة شوف

واسطاتهم  . "

ما أهتم اله  .. يگوم من مكانه.. مـلتقط

سلاحه بينما يوجه نـظراتــه المتعاليه

على ساعة مُــعصمه اللي تشِير للسبعة

بـ ليل

يرمي باوامره العقيد رائف ..

" معـــاذ خــبر الــولد يجهزون البيَت

الي بـ المدائن مِنا للعـشرة إني وبنت

السراي هــناك "

معاذ اللي تفاجى من كلامه لحك بعقيده

اللي ترك مَكتبه يخرج من المكان بالكامل

حتى ركبَ سيارته الخِاصه مو التابعة

للجيش  ..

صاح معاذ بـ أنفعال  ..

"عقيد شراح تسوي بيها ؟ البنيه عايَشه

عِمرها كــله بالخــارج و بظـهرها ناس

واصــله ، لا تــگول راح تِخــطفها ؟؟! "

بدى يـخاف يَوصـــل الامر للســلطات

الحــكوميه وقتــها الدنــيا تنـگلب فوك

راسهم فمنو هذأ العاقل اللي يندك بـ ناس

واصله مــثلهم  ! و بــلا أمر قانوني  !

فتح باب السياره و رجع بي يسأل ..

" ناوي تخطفها ؟؟ شراح تسوي عقيد!"

و العقيد اللي باوعله بسخريه و

نفاذ صبر رد عليه ..

" لا يول أخطـفها شنو ؟ كل فكري

أتزوجها على سنة الله ورسوله قبل لا

تـضـيع من أيدي سـت الحِــسن "

شغل المحرك و كمل بحده..  ..

" و هساع تصعد لو لا  ؟ . "

تنهد معاذ  ..

"  أني ويــاك ويــن ما تــروح  . "

و صعد السيارة  .. منطلق العقيد بعدها

صوب مهمته  .. ذيج الي توها رجعت

للعــراق  و الي ما تدري هالدنيـــا بيا

    طريقة حـ تميل وياها بسوءها و مُرها  .

ٰ

ــــــــ

. ذات الوقت  .

" أشـگر مَديـنة "

" هـا ذمـاغ ؟ "

" أركض بـَعد أخـوك "

طَخ كِـتفه و بدون تفكير هب الاثنين

بالهروله وسط شوارع المِدينة بهل اليل

اللي أنترس ضلام و تكاد سَماءهم

تزخ ألامطار .

" منا على شارع الاورفلي زلم

فُـراق يـــنتظرونا هـــناك . "

رد اشگر  ..

" غيغ بلوة ليش هناك بعيد حيل

يــتانــونه  !  . "

بطرف نظرة باوعله ذمــار  ..

" مو يتحاجون حتى نعترض گول

زين و أجوا ذول الحقيرين  . "

و ما توقفــوا عن الركض  .. بين

الشارع بين السيارات و بين كثرت

الناس حتى بهل الجو البارد  ..

و حتى لمن صاروا يتصَدمون ببعض

الاعمَدة الكهربائيه مُستشعرين ركض

الرجال خلفهم هما ما وگفوا للحظه..

هرع صوت ذمار  ..

" لا يا داحي الباب راح ننلزم  . "

لكن كز أشگر على أسنانه و بَحركة سريعه

خِطف أيد ذمار أله يسَحبه خلف أحدى

السيارات الكبيره يلهثون بِتعب من

الوضع برمته .

مرت دقيقه .  همس أشگر  ..

" غأحوا ! "

" أي "

" متأكد ذماغ ؟ "

" وعَيونك الزرك "

أسَتعدلوا بوگــفــتهم و بدون تاخير تابعوا طريَقهم حتى وصَلوا وين ما الجماعة و

السيارة اللي تنتظرهم  ..

" ضل بالي ليش أتاخرت أشگرنا ؟ "

حاجاه لؤي هذأ اللي جان يتكئ على سيارته بينما التقـِط حقيبة سودة رماها أله أبو

العيون الزرك  ..

من مرر أشگـر نظره تفقـديه لحاله،

و دبت السِخريه بثغره .. ينهره..

" آه ؟ ضل بالك عليَّ ؟ لهذأ السَبب

مَشــغل أغـــاني وطِــاكلك جكــاغه

وعــلى أخـــغ مـَود مــزأجـــك ! "

عَكف لؤي حواجبه و رمى إخر ما تبقى

من جكارته يسَحقها بَحذأئه  ..

" عيد شگلت يحلو  ؟ . "

كز أسنانه أشگر لحظتها  ..

" خايــف منك  ؟ . "

و لؤي يرمقه بأحتقان و بانزعاج، لان

أشگر عنده مشكله بحرف الراء و اغلب

كلماته ينطقها بسرعه فضيعه  ..

من نهره لؤي  ..

" الضاهر طاكه عندك ! لا تخــرط لا

أخربلك وجَهك الحلو هذأ و أضبطلك

حرف الراء عدل بـ ألــسانك "

و بينما جان الوضع حـيَتأزم مط واحدهم

راسه من جام السياره مُبحلق بذمار  ..

سأل " مـنو هذأ ؟ "

فاخذ لؤي ضبِة من الفلوس من الجنطه

ومــد بي للي جابه الهم يَصعد بِعدها

السيارته متولي القياده بنفسه صاحب

العــيون الناعسه هذأ .

" ذمار أنظم النا من جديد الولد ضـِمان

من أشگر و توصيه من موهان فلا

تيَشل همه مهند "

أستنكره مهند  ..

" هو أني بـ أشگر ما وأثــق أنوب

جـَبت صاحبه هذأ ؟ "

تحنط وجهه و ضرب التسيرن لؤي..

" شعـليه غير ليث شِغلهم بطلب من

الراوي ولو عليَّ أني مو واثـق بيَهم من

البدايــة "

عِندها ما حسوا سِوى بـ أشگر

يَمط برأسه من دأخل زجاج سيارتهم

" لا فــدوه ثـقوا بــيه شباب ! أشو

هاكم زيــج و طـيح الله حِـــضكم

عود وصلــوها للــغاوي " ( للراوي )

هالكلمات دفعت مهند ينزله  ..

"شو ما تحترم لك ! شكلك ما تعرفنا؟"

واحد مثل أشگر لا خاف ولا أهتز..

"ناس تصلي و تصوم شلون ما أعغفكم"

لحظة تجاوزت بدت حتصير  .. لكن

نبرة لؤي الي ضحك و هتف  ..

" كلنا ولد التقاطعات و هاك اشتري

مي لو جكاير  "

شاركه ذمار  .. مراهق هالولد  ..

" والله صح أفرفر بالتقاطعات من

عمري طـفل وهســـة 17 تعال أشتري

و تعال أشتري "

و بدو سوالف فقر  ..  حتى سحب نفسه

أشگر و شيء من الغصه بداخله  .. ما

  راد هذأ الطريق لكن العوز گتال صاحبه .

ـــــــــ

ٰ

.  حنين  .

ليلة رأس السنه .. و جـو شــتا وبـرود

منعش تـِتساقط غيوث الامَطار بِـخفه

على دياري من الغــروب لحد هســه ..

من طلعت بسيارتي من بيت السراي..

كنت بموعد مع مسؤول المـستشفى

لكن نصف الطريق وصلت رساله منه

تأجل على بكره  ..

عندها وقفت سيارتي لا على التعيين ..

من تفـقدت ساعة مُعصمي  10:15 و

أرتفعت عيوني من زجاجة سيارتي صارت

مقابل بيت بـ لافته مكتوب [ الجراح .]

شد أنتباهي مصباح يضيء على حايطه.

و المطر خفيف ينزل عليه  ..

ما حسيت بروحي من نزلت أيدي تلف

بوشاحي و أيد بمعطفي الاسود الطويل .

تـقربت وأقـفه و شنو الي ردته ما أدري!

لكن لحظتها صوت موء قطة فوق سور

الحايط و المصباح جذبني  ..

" تـردين تنــزلين  ؟ . "

رفعت نفسي حيل صـعبة الوحها بس

حاولت  .. مسكت أيدها دا أنزلها و

عكسي أصـتدم بالمصباح  .. تحطم

شيء منه و أنــطفى ضــواه  !  ..

على الارض تركت القطة متنهده وهيَ

هربت لبعيد  ..

ضحكت  .." يا ناكرة المعروف "

و رجعت عيني للمصباح ! شاسوي! تقدمت

للجرس ضغطته لوهلات قررت ادفع

ثمنه الهم ..

بالنهاية اليغلط ولو على اصغر الاشياء

لازم يعوض و يصلح مو يهرب كأنه

ما أرتكب خطأ ما  ..

من بــقيت أنتظر ينفتح..  و عيوني

تتمرسى على قطرات المطر الخفيفه..

ليل و سحاب غيوم و هـواء عــليل

يلامــس شيء من بهـــجتي  ..

محد فتح! أنحدرت صوب الباب مرة

مرتين و ثــلاثه طرقــته محد خرج  !

ممكن طـالعــين  !

فكرت أترك مبلغ مالي و تنتهي القصة..

لكن أنتبهت كامرة معــلقة هنا تخــص

هالبيت .. معناتها حيشوفوني بكل

الاحول لذلك توجهت الها و رميت

كــلماتي  ..

" أســفه مو بقصدي الصار .. و حسب

التسجيل لو شفتوه كان ودي أساعد

القـطة.. "

سكتت مو عارفه بشنو أندهم  !.. لكن

عيني الصارت على أسم الجراح فهمتني

هو رب الاسرة  ؟

( والمصباح الي كسرته بــبابك حدفع

ثمنه )

بكره و هذأ القررته من سحبت نفسي

مغادره هالمكان  ..

رجعت للبيت   .. أهتز تليفوني اثناء

دخولي لـ غرفتي.. رجع يطالب بشوفتي

هالمسؤول  ..

مارفضت حتى والوقت تاخر حيل.. يبقى

صديق والدي و النه عرف بي  ..

ولاني أنسانه متحرره.. ما عندي قيود

ولا أمتنع عن الخروج بأي وقت كان..

من غيرت ملابسي و نزلت وتين و اليانور

مجهزات الزينه للاحتفال  ! استفسرن

" ويــن حنين  ! غير نــحتفل سوه!

  مابقـت غــير ساعة على نهاية السنه"

لوحت بايدي ماخذه طريقي  ..

" تمــام مراح أتــاخــر   . "

بالبوابه صرت  .. و ما شفتهن غير وراي

يصيحن  ..

" جايات وياج مانعــوفج . "

ابتسمت الهن  .. صرفت السائق و توليت

القيادة بنفسي  ..

و كذأ دقائق مرت  .. في زدحام و

توقــفت  ..

و بالحظة عَيوني ترسها الوهن أول ما

مريت باحد الشوارع على ذكرى مرت

ببالي تخصه ..

مرت قرابت الخمس سنوات من أول

مرة شفـته بيها .. ذاك أبو عيون الخضر

اللي چــوه گـلـبي بدون ما يدري.

رغم يومها ما شـفـته غير بس مرتين

بس منها و لليوم أنـقفل گلبي الــه و

ربطــته بي للابــد ..

من مسدت على جانب صَدري متنهده

و أضحك ..

" يابنت نبراس أهدئي لا يوگف گـلبج "

شحت بوجهي بعدها ماخذه العطر

الفرنسي من حقيبتي، من صرت أغرق

أماكن النِبض بجَسمي بي حتى وصلِت

الكعبي..

رشيت العطر تحته ومن بيَن فـراغات أقدَامـي..و حتى سوار ساقي هم عطرته

و يروقني هالفعل هذأ  ..

كملت  .. رجعت أحرك السيارة لكن ابت

تتحرك  .. حاولت و ذات الشيء  ..

أجاني تذمر أخواتي  ..

" شكلها تعطلت أنوب دتمطر واللهَي

أكلناها وراح تضيع عليج الوظيفه "

ما أهتميت  ..  و وتين صاحت..

"دا نحجي وياج .. السيارة وگفت."

هنا هزيت أيدي اصلا ما صارلي سوى

أيام من أشتريت السيارة وين لحگت

تعطـل ؟..

اليانور حجت ..

" لو مَخــلية باقــر الشــوفير هو

اليسوق اليوم جان مصَار كل هذأ "

و وتين أنتحبت.. كانُ العالم أنتهى.

" حتى الحراس أنِطــتهم عطله أوف

لو باقين ببريطانيا ولا هاللـغوه هاي

كل شــوي هنا متعطـلنا شيء "

المطر الخفيف على زجاج نافذتي أخذ

أنتباهي.. فتحتها و مديت أيدي  ..

و اليانور توافقها..

" اي وربي البارحه حتى الكهرباء

طفت تخيلي ؟! الكهرباء طفت! "

نترت بيها وتين متذكرة الموقف..

" يمعوده لا تذكريني حتى تليفوني

جان ممكمل شحن وگف على 99 "

وهنه يثرثرن و أني بغير عالم.. من لمعت

عَيوني حب الـكل شيء.. و دندنت مثل

عادتي بخفوت بـ أغنية عمي فرونسي

أراقب الشوارع و المطر من نافذة سيارتي

"وانه ووعودك صفيت بلاية وعدك وأنه

دمعات الحزن شاتلها ضليت على خدك

وأنه سچة درب سوأني زماني يا حريمة

يا حريمة "

مسحت على عيوني و يـَضوي وجهي

المرفه بالدلال عـَن حقيقة حياة من العز

والثِراء أغرق بيها  ..

فمنو مثلي ؟ هالانسانه اللي أنولدت

عند رجال غني أب عن أجد ، لو ردت

نجوم السماء كان يبشرني أدللي و صار

رغم محاليه حدوث هالشيء..

لان أدريني عزيزة والدي .. وروحه من

الدنيا هاي..

ولان أدريني ما مر التعب بحياتي..

ولا عتاب الحزن طرق بابي  ..

لمن نطقت بهدوء .. مسايرني

الغرور بكل جوانبي ..

" خِلصنا بنات راح أشوفلي حل

بس لا تسوون دراما أمانة الله "

خرجت من السيارة أتــفقد حالها بينما

زخات المَطر الخفيفه تنـزل فوقي وحَولي

بشكل لطيف ..

العَجلات مثقوبه ؟ زفرت أدلك جبيني

بِينما ألتفت هنا وهناك أبحث عن مَحل ميكانيكي او مصلح أي شيء المــهم

يصلح الوضع..

وجهت كلامي للبنات..

" مادري شلون التايرات مَثقوبه عاد

الطريق مَكان بي شيء ! المهم أنتن

أبقــن هنا بيــن ماخِـذلي فـــره أدور

على لمَصلح هنا "

هرعت اليانور  ..

" ستوب ستوب وين هيج رايحه؟

أخــذي المــظله عــاد بعد عمـــري "

اصوات ألالعاب الناريه بدت ترتفـع  ..

بكل مكان  .. و السماء تنير بيها  ..

" ترى داتنــَقط خفيف يعني عادي

مراح أغــرك "

هزت أيديها اختي  ..

" خرب مو صَوجج صوجي أهتم بيج

يلا وتين أرفعي الصوت رفعي "

دحرجت وتين ناحيتي نظرها..  و

ضجت صفگاتهن  ..

" بحضني أتخيلك مرات حاضني

و تحاجيني أقرب شفتي يم شفتك و

أحلى بوسه تنطيني بحضنك متبقالي

اعصاب أسلم وأرفع أديني و بكيفك

أنا أخليك تاخذني و توديني و بالحظه

الخيال يروح وافز الوحدي الگيني "

صحت بتحذير بيهن  ..

" نصن الصوت لا أرجع أطفي "

و اول مردت اكمل طريقي أستلمني

تنمر.... 

" لو مو دا نسمعها بصوتج جان

گُــلنا ميخالف حــنونــه"

" أوف المـسكينه غنتها علموده

بربج بعدج معرفتي شنو أسمه ؟ "

" العاشقه المجهوله شوكت تندلين

مكانه !! مو رجعنا البغداد علموده "

ما سكتن  ..

" عافت شباب العالم كلهم و راحت

حبتلها واحد صادفته بالطريق مره

لا ومن بعيد شافــته "

" شحسَيتي من شــفتي ؟ هم الدنيا

نــورت و العــالم اللوان ؟ تخيــلي

لزمتـــها رجـفــه من بــعيد ! "

" أبن المحضوظه أختنا هاويته بجنون

و هو مو داري عنها شيء ! "

تضحك و تسالني  ..

" أكُـلــج حنين ليش منذيع مواصفاته

بالجوامج و عــود الـلي يلكالجيـاه

تنــطينه ســياره فلوس حي الله

شيريد "

" سكتي اليانور قابل مضيعتلها طفل

و أنذيـــعه بالجوامع أني أگــول لو

أنـدك بيــوت بغــداد واحد واحــد و

نطــلب نـــشوف زلمهم علما يبيــن

وجــهه ! "

و هنا مليت من حجيهن..  رمقتهن بكل

برود و عدم أهتمام   ..

" آخر مره أحجيها نصن الصوت لا

أجي أنصيجن وياه على الواهس "

نبت وتين  ..

"  مُتسلطة لئـيمـه . "

رميت عليها حجاياتي  ..

" ما أحب الضجيج و ألاصوات العاليه

و زحمة بنص الشوارع أغاني و الصوت

عالي "

و ما ضيعت وقت أطول.. رحت مبتعده

عن سيارتي  ، أمشي و أقـرأ بالافتات.

الحركه كثيفه..  و أصوات الناس عاليه

دخلنا عام جديد  ..

ماتمنيت شيء..  كل شيء عندي  ..

و حياتي سعيدة بل اكثر من هالشيء..

لكن رسلت لـ نبراس سنه سعيدة يابه

و بقيت أمشي و أرمق الوضع..  الوقت

متاخر لكن هنا الحركه أعتياديه وكل

المَحلات والاماكن مَفتوحه والاضواء

تملأ شِوارع بغداد  ..

لمن أهتز تلفوني  ..تفحصته  .. صوتيه

وصلت من الرجال الغالي على گلبي..

فتحت أسمعها  ..

" حگـه الـگلب يهواج ما ألوم الگلب

من عالم الذري أســمج منكتب من حبج

الدلال صرت أهــوى واحب مخلوقه

مو من طين يمكن من ذهب "

ضحكت أرجع شعري الطويل واللي

بشكل ما صار يزعجني الورة ..

كتبت له  ..

" هالقصيده نغمة تليفون أبو الحسن

أمانــة الله ذكرتــني بي . "

و دقائق نسيت وضعي كله وبقيت

أتراسل وياه .. وسط هالشارع ~

حتى باغتني رنين تليفوني و الي جاوبت

عليه بسرعه

" هلا بنبــراس العِشك شلونك يابه ؟

أعذرني ماأتصلت عليك العصر "

بحنيه مسحت على روحي جاوب..

" بخير يروح أبوج أنتِ طمنيني

رحتي للمــقابلــة ؟ "

"بالطريق الها بس صارت شوية عرقله

بس مو مهم بالساعه و أكون هناك لا

تشغل بالـك "

" تمام ست الحسن أول متخلصين

خابريني "

" أي مو تــدلل يالغــالي "

غلقت المكالمه و راحه كبيره توسطت

صدري ، أكمل بعدها طريقي .

و بقيت ادور و بدأ شويه شويه المطر

تــقوه زخاته حتى توقفـت بلا قصد

گـــدام مقهى متعاليه أصواتـــه !

واحد من الشباب اللي واگف مقابيلي

بالمقهى لفتت أنتباهه ؟ تـقرب مكلمني.

" ها عِيني تفضلي أمر خدمه بس

أمري ؟ "

كان شاب عَيونه سود وطوله

فارع، شِعره كُحلي .. بالمختصر عين

الله عليه ..

سرعان ما حاورته..

"عَفوأ . . من مدة وأني دأبَحث عن

ميكانيكي! سيارتي تِعــطلت بنـص

الشارع فأذأ تندل واحد قريب أكون

مَمنونه منك "

تبَسم الشاب على كلامي بجَانبيه ياخذ

نظره لوين أشرت ورجع بَكحل عيونه

عليَّ مبشرني ..

" ولو من عيوني يابه ، أعرف وآحد هنا

قريب هو أصَلا صَاحبي أمَشي ويايَّ

أدليـــج عليه اذأ تــــرديــن . "

ما لمس گلبي الخِوف منه و بالاصل

مُستعجله علمود ألگي حل السيارتي.

" يا ريت والله أذا ميتعبك الموضوع "

أنطاني نظره هادئه بين مخلى تليفونه

و سويج سيارته بجيبه  ..

" تـعـبــج راحـــــه "

مـشيت خلفه و السماء ما وگف خفيف

مَطرها مخليه الشوارع تحمل ريحة رطبه

ويا الهواء اللي يسَتفز رأحة الروح بهذأ

الليل المجهول اللي كان كثــير الغيوم

و نعاد مرارأ وتكرارأ ببالي ذاك الشخص مُتساءله أذا كانت ألايام حــ تحـن عليَّ

و أشــوفه ولــو لمــره على ألاقـــل !

"من هاي الجهه أبقي تمَشين وراي"

حــجى الشاب مرجع وعيَي.. وأنتباهي

لمن التفتت أحط عيوني على ظهره  ..

" تماما دأمشي وراك وأحَسني فعلا

سَويت زحمَه عليك بهذأ الجو المُمطر

وورطــتك ويايَّ "

نبره صَوتها ~ وكيف تنطق الكلمات كانها

تبــدو من عالم أخر مدري شحس الشاب

و هو يسَمعها، كان صوتها مثل لحن دافي.

مدري هو مركز وياها أكثر من الازم!

التفت عليها  .. يجاوب  بأستنكار  ..

" شِسالفه هو أني كاضي وگتي دايح يا

زحمه هاي !، بعدين جاي أحَــسج مُودبه

زيــاده عن الازوم وبـصراحه أني نفـر

مَــمتعـود على البـنات المُحــترمات "

ضِحكت بدون أراده منها.. مو أول

شِخص يخبرها بهل شيَء و تدري هي

بالفعل أنُ أخلاقــها زايده عن اللزوم  ! .

فسكن وجهها بعدها و تعابيرها

أخذت منحنى ثاني.

" الاخلاق و الإنسانية أهم شيء بالحياة

أللي ماعنـــده هذني الاثنيـن بـرأيي ما

  يَستحق يكون الــه مكان بيــن البشر "

كلامها خلاه يوگف و يصفن بيها

لان ما متاگد اذأ بقت عنده وحده

منهم حتى !

" أحيانا نـضِطر نتــخلى عنها، الضروف

تجبر و يمكن توصلنا المرحله نگوم

نضحك على اللي يحـجيها "

التمسَت شي من طيف الوجع بصوته

بس محبت رده ابد  ..

" بس أنتَ عندك أنسانيه دامك جاي

ويايَّ بالمطر حــتى تِساعدني "

سخر بداخله على كلامها بس هز

رأسه و رجعوا يمَشون سوا

لمن عيونها لمحت فراشة طايره خلتها

تبتسم .. و تتلمس گـلادة الفرأشة اللي

برگبتها .. هدية نبراس  ..

و يمكن ماكو شيء بهل كـون تحبه

مثل الفراشات .. بحيث هي الطاغيه

عليها بأكسسواراتها و حتى غرفتها

و باعز أشيائها ..

جايها صوت الشاب بلا ما يدور بوجهه عليها

" من بغــداد أنتِ ؟. "

وين تحب واحد يدخل ؟ ردته بجفاء..

" ليش السوأل ؟. "

وكف ملتفتلها ..

" تردين الصدك ؟ ما جنـج عراقية

وأرثــــة أوربـــا بــتفاصيلج . "

و بشنو ردتــه !

" تمام كمل طريـقك . "

بداخله چنة تبسم دار يمشي مثل الاول..

و هيَ مسحت على صدرها.. و كملت

طريقها بهدوء وياه ..

و بعد عشرة دقائق توقف معاذ گدام

ورشة للتِصليح يخلي حنين تتنهد بأريَحية

فما كانت بعيده وهالشيء يفرح  ..

بأمتنان كلمته ..

" جديات مَدأ أعرف شلون أتشكرك ،

مُمتنه ألك هوأيَّ "

تبسم الها بهدوء بس بالحظة هو شاف

أنُ بنت السرأي مودبة الكلام وألاسِلوب

بطريقة خلت أبتسَامته تنمحي لانه بالاصل

هو اللي ثــقب أطاراة سيارتها بخطة

من العقيد ..

بشرها  ..

" تـــدللي ، وهَســـه عذِرينــي لازم

أرجــع جَــماعـــتي ينتــظرونـــي"

خـتم كلامه ينـطيها ظهَـره يرسل

رسالة بتليفونه للاخر بوصولها قربه

حتى رفع الهودي يغطي راسه  ..

" أنشوف تاليتها وياك عقيد "

و راح يوگف على كتر تحسبا لاي

ظرف يَصير  ..

من صَرت أمشي داخل الورشة ! واني

مُمتنا بِصدق أنُ هناك بهل حياة بعد أكو

ناس تسووي خير لغيرها و تساعد بدون

مقابل مثل ذاك الشاب  ..

من كعبي صار يصدح على الگاعيه مثل

أسوار ساقي بس بخفوت..

الورشة كانت هادئه نوعــا ما، ما أضطريت للِتعمق كثير بالمشي بيـها   ..

لمَحت عَدة أشخاص وأكفـين عند سيارة

سوده والبَعض يحَمل بايده أدوات تصليح

ركزوا ناحيتي فورا   ..

أسترسلت بثبات  ..

" مرحبا ، سيارتي تِعطلت بنص الشارع

تقــريبا على بـعد مــسافة ربع ساعه

وتحَتاج تــبَديل أطاراة يعني اذأ أمكن

واحد من العاملين يَجي وياي و يصَلحها"

جاوبني واحد مَنهم بيَنما يتقرب الي

عادم المسافه اللي بينا  ..

" تأمرين أخيتي ، ضرغام جيب شِاحنة

الاطرات وتعـال وياي و أنتِ تعاي ويانا

دليني عليها  حتى أصلحها "

وما كدت أمشي رفــقته حتى حد سَمعي

صَوت غليــض ..

{ يـول وين رايحه و الدنيا مطر ؟.}

خلاني أستدار ناحيته مستغربه محادثته

الي من كمل..

{ ظلي هينَ  مو حلو بهل مُطر تعبين

نفسَج، هَساع ولدنا يرحون ويَصلحوها

الج }

أستفسرت بجفاء، يا برودي اليجيب الرأس

( بـنفسهم يرحون يصلحوها ؟.)

جاوبني و لمضت عيونه تبسگ الليل ..

{ الـقوارير تـدلل علينا أبـويه أنــتِ .}

رفعت حاجبي .. و عيوني رمـقته..

بَدى رجال بالاربعة والثلاثين ربما و ممكن

أقل ! طوله يجي 190 او أكــثر ! عيونه

سود على بُــني ! مو واضح لونــها و بـيها

من الحده ما يميل لصلابة السيف

مَسحوبه بخفـة  ..

حَـنطي اللـون بخفة..  ! شــعره غــرابي

يشبه الليل ..كثيف و يَملك وشــم مبتدي

عـنده من عَـنقه من اليسار و ما أدري وين نهايته ! لاني توقـفت عن التدقيق

بشكله الظاهري .  ..

و ما حبيت أرد .. تحركت ناويا أروح..

لكن صوتــه صاح ..

{ يـول أني شـگــلت ؟.}

بطرف عيني رمـــقتـه .. بشيء من الادب

كلمته  ..

( مُمــتنه الرجــولتك ) 

و وجهتله السوأل   ...

( بس أذا بقيت هنا شلون يَندلوها ؟)

و ما أدري شلون حاجيته و تغاضت عن

نبرة ألامر اللي كانت تَحتل صَوته بيَنما هوَ

ردني برفعة حاجب و كأن الدنيا مو عاجبته؟

{ مُشكــلتهم هاي مو مشكــلتج }

بيده أشر للزلم ينصرفون مخلـيني أعقد حَواجبي فِمن صدك همه شلون حـ يدرون

وين مكان سيارتي واكفه وحتى أي نوع

وأيا لون !

من تسأءلت بشك..

( خو ما مجبـورة أبـقى هــنا ؟.)

أخذله صـفنه عليَّ ..

{ رايد مصلحتج أني دنيا شتا و ليل

وين تروحين وياهــم ؟.}

بادلته صفنته.. أيا أحساسي الما يخيب..

( أنــتَ مــو واحــد منــهم ؟.)

تبسم بغموض .. بس الحقد عامي..

{ يـول أنــي غيـــر .}

و هــوَ عـيونه عليها مركزه.. شعـــرها

عـابــر خصرها واصـل حـدر الــسيقان !

مغروره النظرات .. متعاليه حيل  ..

كتفت أيديها الصدرها تتحرك و الكعب ويا الاسوار يغازل صوت المطر خـلتـه يبتسم بعجرفه.. و بداخله يطمر النيران ..

نطق بشيء من الدهاء !! من لاحظ تبلل

فستانها ..

{ تعاي وياي جـوه يمكن عندي ملابس

تـفـيدج .}

حرام أذا شـغلت نفسي بفكره .. رديته

بلا أهتمام ..

( تـسلم على أقـتراحك بس عاجبني

وضعي ما غرگــاني حيل المطر .)

رتب شعره باصابيعه.. حيل يدقق بيه..

{ الجو بـارد لا تـتـمرضين .}

گدام عيونه رفعت أيديه أنفخ عليهن

بنزاكه و أحاجي ..

( دكتورة أني أعـرف أعالج نفسي لو

تــأذيت .)

ما أكترث الي .. أستند على وحده من

السيارات مورثلة جـگاره .. بهداوه يزف

دخانها كلما صارت سواد عيونه ناحيتي .

و على غفله بدى الوضع منرفز ، شيء

مو مثل ما لازم يُثقل الجو هنا بطريقه

غريبه ..

أسمعه يدندن  ..

{ ظـلمة و درب عاثور ليلة شتا و غيت

روحي أشتهت ملگاك عتتني الك عت }

صرفت عنه ذاتي..  شهل صوت  !

حنية بيوت و گعدات أهل  ..

سالني  .. و أصابيعه تطرق بدي السيارة.

{ عجل ما غيرتي رايج  ؟ جوه و

تـبدلين ملابسج  ؟}

عكس سفالته  .. رميت الحجايات..

( أني أگول لو تتصل بجماعتك و

تشوفلي أذا أندلوا مكان سيارتي أفضل)

صكت ملامحه  .. متهجم بكلامه  ..

{ تأمـريني لو أتــخيل  ؟ } 

أمتنعت عن رده  ..

و ما أدري شنو لازم أسوي لهذأ بقيت

واكفه أفكر بالامر. .! بينما ألاخر بـ لحظه

أختفى من گدامي للداخل  ..

عدم الراحة صابتني  ..

" أستغفر الله . . شگد أكره ضيقت

الصدر من تجيني "

حجيتها بملل لان مو من الكاذب

أحَساسي.. أدرك مَن الازل أنُ أحَساسي

ما يَخيب ولا يخطئ ولو بعد حين

لكن لوهله هزيت رأسي و تفقدت الوقت

عبرت الـ 12 بدقائق كثيرة .  ..

التفتت بـ عيوني للخارج، مازال المَطر

يتساقط مازال الجو ليل ومازالت الروح بجسدي..

من نزلت جَفوني البرهه مو كل ألاشياء

تجي مثل ما نريد مثل هذأ القدر تماما

اول مرفعت السِتار عن عَيوني أبَصرت

هذأ الرجال الغريب وأگف كدامي بوجه

حاد  ..

{ راح تبـقيـن وأكفه هِــيج ؟ عجل

أستريــحي شـواي ما راح ناكلج }

نبرة صَوته ~ ونظرأت عيونه !

هذأ الشخص مو عادي ! هذأ الي بشرني

بي أحَساسي و صوتي الداخلي.

حاورته بهدوء  .. رغم كل شيء  ..

( ياريت تِــنتبه على أسَـلوبك بالكلام

وأنــتَ دا تحجي لان طِريقتك جدأ

مُستفزه و ما بيها أحترام و كــزبونه

عِنــدك أني مَمضـطرا أسمــعها . )

بس هو غير .. هذأ اللي أشتدت

عيونه عليَّ بغرابه..

{ مُستفز وكلامي مَا عجب حــضرت

جنابـــج ؟ أذا هـــيج تعـــاي عَلــميني

حــسن السلوك دام عِدنه وقـــت يحضي}

و دخيل الله من هو و هيج يحاجيني ؟

لمن طحنته بكل برود .. و تعالي..

بس ما رددت أقلل أدب.. لان مو

شخصيتي  .. أختصرتها اله..

(يا أفنـدي مو من مـقامي أعلم مثلك

أنـتَ عمر كامل حرام أذا يكـفيك .)

مال براسه .. دمار مو نظره عنده ..

{ ويـــاج ؟.}

ضغطت على أصابعي .. من وين هذأ طلع

لي؟ من صححت له..

( لو ردت أعلمـك .)

رفع شفــته يسخر مني! نافث دخانه عليَّ

و بي من الحقد يرهب الروح !

{ سهلة أعـتبريها صارت، عمري

حلالج يبنيه }

شهل السخريه بكلامه !ما يَملك من

الاخلاق شيء هالرجال !.. ما عنده حسن

المعامله ويا النساء ؟ ..

( بــطــران .)

و مو بس أكتفيت منه أنما عقلي الباطني حَذرني من شيء، و بدى فعلا عقــلي

يوشوش ويرســل  أمور صَعب أتجاهلها..

من درت جسدي كل غايتها أطلع منا..

لاني أملك هيج طاقه !  شخص يحس

بالأشياء قبل حدوثها و أحيانا أشوفها

بأحلامي .!

بس وين أفلت و أطير منا !!

{ وين تردين خاتون؟ ترى الحسَاب

بعــدج مَا دفعــتي الي }

أسَــتوقــفــتني جــملته !

ألعن تحَت أنفاسي .. مَلتفتا ناحيته

وهو مازال على ذات الوگــفه والنظره

الحَقيرة بعيونه !

( أسفه مو قِصدي فكرت أنُ الحساب

يكون يم الولد الديصَلحون سيارتي )

هسه يلا أنتبهت على اللي يرتدي ! هذأ

الرجال ما كان يرتدي مثل العاملين

الاخرين هو بكامل أناقــته ..! يمكن هو

المَسؤول عن الورشة هاي و مو

عامل هنا !

على أي حال مو لازم أفكر بمثل هذي

ألاشياء فشنو دخلي بي و بلبسه !

أصلا شعليه !

أريد بس أطلع منا  .. گلبي حذرني من

أولها منه  ..

من صاح..

{ و دريتي هساع يلا شرفي و أدفعي

الدين }

شهل أسلوب ! هو حرفيا نرفزني

من نهرته بنبرة كلها كبرياء الاغنياء!.

( لا تخاف مو فقيرة حال ولا نصابه

حتى أكــل حــقك )

رفع حاجبه .. و يا الله على نظرات

عيونه من حجى..

{ مـــتگدرين أصلا حتى لو ردتي }

و متحملت أكثر لمن أبتسمت بسخريه

و شي من التعالي غطا وجهي  ..

( على أسلوبك هذأ ورشتك مراح ينكتب

الها عمر طويل بهل مجال شكلك ناوي

تقــطع باب رزقك بايديك )

ضيق عيونه و توهج الحقد الخفي

بنظراته الي... و مدري شبي أستفزيته

بشكل كارثي..

{ أقـتـــرح عليج ما تشيلين همي و

حيري بنفسَج من الجايج أحسنلج }

أحير؟ هالكلمه خلتني أرمقه بجفاء

فـ بعمري ما حرت بشيء بنت الدلال

من بشرته  ..

( مو بــنت نبراس الي تحــير  لهذأ

اعتبر نصيحتك الي مرجعتها الك )

و بسرعه خفضت عيونها الحــقيبتها

و بينما تحاول أطلع الفلوس كانت على

وشك أنُ تسأله عن كم ثمن التصَليح

لمثل هذي الحـالات على رغم أنزعاجها

منه..

لكن بـ لحظه أنقــلبت كل الموازين..

بـ لحظه ..مو أكثر..

فـ قبل ما تسأل بنت نبراس

حست بضـربة قويه أجتها على عنقها

و رگبتها و بعدها مباشرة بمخدر انلصق

على كامل وجهها و انضب عليها

بقساوه ..!

و رغم أنُ الضربه كانت كافيه لتفـَقدها

وعيها بسَبب قوة أيده الا أنه والضرورة

قــام بتخديرها بالكامل و عينه عليها..

لمن أنخـفض بظهره و لمن حملها بيـن

أيديه أثنيــنهن يشيــلها مايــل شعرها

الطويل على صدره ويا رأســها ..

{ عجل يول و وگعتي بيدي يابنت

نبــراس .}

همسها يبتسـم بـكل عجــرفه فــاذأ

بنت نبراس كانت تتــميز بأستفزازها

لاي كائن هو كان مــتعجرف بشكل

يــكرهك بدنــيتك ~

لمن ضب أيديه على جسمها حيل و

مشى يطلع بيها ناحية سيارته المُصفوفه

گدام الورشــه  ..

يلاگي مــعاذ اللي ســرع يَفتح الباب أله محاچي..

" والله و طلعنا عن القانون عـقيد . "

خزره رائف  ..

"  لغوة زايده ما أريــد و غدي عن

طريقي . "

غير يسكت الملازم  !

" هسة شبيك  ! فوك ما مخاطر برتبتي

و أساعدك  . "

هي نظرة منه أقسى من صوته  ..

" ول معاذ ؟ "

زاح عن الطريق  .. متحمم  ..

"ماشي بعد ما أحجي "

و دفع بجسم حَنين بالخِلف بينما

على مهله راح يــتولى الجلوس بالمَقاعد

ألاماميه يَـنـطلق بعــدها البيـت المــدائن المـهجَور فــهناك اعتاد يلاقي كل مُذنب

عقابه ولو بعد حين  !

.   .   .   .   .

.  الوقت الحاضر  .

رويدأ رويدأ أختفت عَقدة حواجبي..

يَحتل التفاجئ ملامَحي من ذكرت

منو هالانسان هذأ !

هو يسألني  .. مدري يذكرني!

{ ضوه المصباح الي أنكسر  }

هبط بيه الكثير  !  .. نفس اليوم!!

( أنتَ . . أنتَ الميكانيكي! ذاك نفسه!)

كان سوأل أكثر من كونه تأكد فلويش

عَسا رجال مِثله يَختطفـني ..!

ما أملك عدأء وياه بل ما شايفتــه سابقا

فشنو الضِغينه اللي تجَعله يَختطفني

بهذأ الشكــل اللا مــعقول ؟

و هنا كلامي ما عجبه أبد لهل شخص

الي أهــتزء بتـَعابيره الكــاره نحوي و

منحني نظره حــقيره و مــتعاليه !

{ ميكانيكي؟  شخص مَثلي برأيج

ميكانيكي  !}

فما بالي ما أبصر اللي يرتدي هسه ! لان

هذأ الرجال يغطي جسمه الزي العسكري

للجيش العراقي بالكامل ! ورتبتـه فوگ

كتــفه ظـــاهرأ ومتـتضيع للعــيون .

أشر على أكتافه و گال ..

{ و هاي الرتبة شنو محلها من الاعراب؟.}

زاورته بتـقرف  ..

( ما تـفرق كلها خلگ رتبه ما تضيف

شيء لـ أخلاقـــك المعدومه   .)

أنجن بتجهم شكله  .. 

{ ما تــفرق رتبتي و الميكانيكي عندج؟}

و شنو هناك بعد..!

أي أشياء ثانيه لازم أنُ تكون ورأئه!

وبحق الرب أي وضِع هذأ..!

من العَدم أنـخطف ! حتى و أني ما

خطئأنه بحق أحد..!

و أصلا ما مضى على قدومي للعراق سِوى

مده قصيره معقوله هيج أترحب

من قبل رجاله ؟

صاح بيه  ..

{  مو أحــجي ويــاج  ؟؟}

رمقته بكل برود... من وين طلع هذأ

بوجهي  ؟..

من ما مسكت الساني  عنه .. رغم الخواه

و التعب الي بيه..

( لتكون مُحور ألكون وأني ما أدري؟)

فبأي زمن هم..!

منو ما زال ينظر للفروقات حتى !

ماهو العالم دا يتقدم لو يرجع ورى؟

خصوصا وحده مثلها ! متعترف بهيج

شيء

رغم وامانة الله حنين انسانه تلوح

السماء و صعب تلوحــها .. بيهـا من

الــنرجسيه يشل الحال و يــبهذله..

و اللي نطـقـته كان عادي يمر هيج..

گدام هالمتــعجرف اللي ســمعه ؟

لا بالتاكيد مو لرجال مثل اللي گدامها

هذأ اللي ســـخن دمـــه ما يَــغــفر للي

يَتطاول عليه ولو كان ملك زمانه عاد

مو أمراة مدلـلـه مثلها ..

من صاح .. والدنيا أحترگت بعقله..

{ عيدي شـگـلتي ماسمعت زين !}

رصَت أيدها جازعه روحها من المكان و

رائحة الدم و من كل شيء واللي يخليها

تجنن هي ليش مخطوفه !!!

نبت بوجهه ما تسكت بنت نبراس ..

( خيرك ما تســمع زيــن ؟.)

بالحظة محسيت الا و عت شعري بطوله شوفني لوبة الروح بأصولها و أنفاسه

تچوي قرب خدي ..

{ يول عيديها لا وداعة هالجمال البيج

هين أحفر گبــرج .}

غصت غصتي بحنجرتي. عيني بعينه..

( لتكون محور الكون واني ما ادري

أن شاء الله هالمره سَمعتها زين ؟)

و ترك الغضب يحتله على نظـرتي ! و

بــلا سَابق أنذأر لحضتها.. ولاول مره

بحياتي أندار وجـهي وطــن صفير حاد

أذني أثـر صَفعة حمـلت كل قوة مـنه ..

حاولت أصيح..

( أيـا حــقير.. .)

لكن خرسني بصفعة ثانيه..  شلت خدي..

لمن تسبب بنزيف شفـتي بسَبب خاتم

أصَبعه اللي شق طرفها بقساوه حتى قبض

على شعري بين أيده يعته عت الي بكل

حقاره جابرني أرمقة بكل سعير الكرهه!!..

و هسهس بجنون من لزم فكي ..

{ أشـتعلو الربــوج على هالنظرات .}

يا دوبي همست سن بسن طحنت ويا دمي.

( مــنو أنـــتَ ؟.)

حط عينه بعيني، مسامر جحيم عيون

الزراك العندي بسواده .. من لاف أيده

على رأسي من الخلف و سحبني ملامس

خده على خدي ينطق بـ نبـرة حاقده..

{ ويــاج العــقيد رأئــف جهاد الضاحَي

مــحور كــونج يست الــحِسن }

. . ⇜↜𓆩H𓆪↝⇜ . .

ٰ

ٰ

ـــــــــــــــــــــــــ الروح ويا النفس الكم  🦋

للملتقى باذن الله 🤎

. . . . .

. 🦋  .

ــــــــــــــــــــــــــــــــ ﷽ على ذكرى نبدأ

.

التوهان قربان هواك  🕊

بـقلمي  - سينارلاين علي 🦋

.  🦋  .

عِساك بِحال يَشبه حالي نِص الليل

.  🦋.

. . ⇜↜𓆩H𓆪↝⇜ .  .

من شوكت فكرت أنُ الحياة ممكن تميل

بيه و أعيش هيج شعور  ؟

أنفـاسي تضرب بقوة  ، كامش شعري

بأذيـه و فـكي طاحــنه بـ أيــده  ..لكن

حــرام أذا ســـكــتت  ..

( گُــلت عقيد  ؟ يعني حاسب نفسك

على الـزلــم  ؟  .)

ما كدت أخلص و كــفه هشم خَدي

بصفعة ثــالــثه نستني حليب أمي  .

رجع يقبض على خصلاتي من الجذور..

{ عــيديها و أتجاوزي راسج تــحت

بسطـــالي أسحــگو  }

كانت لحظة أقــسى من صوت يصرخ  .

حسيت خدي أحمر  .. و طنين حاد دمغ

رأسي  .. مو  وأعَيه تماما لأي أمر هسه

تِـعرضت لـه مــن رجــال هَــمجــي !

مثل الغـراب المـكروه يحذر  ..

{ خــليها ببالج مــو رائف الي ينغلط

ويــاه على أقــل كــلمة الف أثـر معيوب

مني أطــبع بيــج }

دفعني بحركه و خـطواتـه نحدرت لبعيد  ..

و صوت الباب ينصفع بقوة أثر خروجه

مخليني أنظر بـالفراغ بأحِشاء مُـتقطعه

بالوهن .

فـشنو الي صار  ؟..

أصابيعي تـتـراقص بأرتعاش  ..

معقوله هذأ النِذل المَحسوب على

ألرجال هسه تجرأ و صَفعني .!

من صرت أتــحسس شق شفتي.. حرورة

الدم ويا الوجع أنمـزجت تلذعني ..

هذأ مو شيء بـسيط على أنسانه

مثلي  - مو هيــن ابد ولا أرضــاه  ..

عِشت طوال سنين عمري بِأعتزاز عِند

السراي ولا أحد أتجرأ منهم بيوم على

أنُ يمَس شِعـره مني مو عاد  يضربني

بالذات نبراس  .. شيء مقدس عنده

أني مو بــنته و أول فرحــته  .

و هسه أنضرب !  هالشيء حَز بدأخلـي

مثل  بيت و على ساكني طــاح ..

فولا شيئ راح يـَهون عليَّ و الف

سوأل مر ينـِخر أدمـِاغي عن منو يكون

هذأ الرجال  ؟..

عقيد رأئــف ! لاول مــره يـــمَر عــلى

سِمعي أسـمه ! لاول مرة يـرن صدى

حروفــه بأذنـــي  ~

رائــف  ؟

ما أعـرفه  ! لا ما أعـرفــه  ..

من صرت بأيدي أبحث عن الحايط أريد

أستــند عليه  .. ما أشوف شيء ظلمة

بشكل كسر قــوتي  ..

جلست أعيش شعور المرارة لاول مرة

بحياتي  ..

بظاهر كف أيدي حطيت أيدي على شفايفي

أكتم الدم و قضـيت ألليل كله ويا حلة

صبحي بنفس گعدتــي ..

بلا تعابير تختطفني ألافكار المَريرأت عن

ألجاي وعن أي سبب هو اللي وصَلني لان

أكون مُحتجزه لدى رجل القانون هذأ؟

دحرجت محاجري ناحية الشُباك كان

مغلق زجاجة من الخارج بالحديد سوى

من فتحة صغيرة بـ ألاعلى مكسور زجاجها

و حديد ماكو عليها  .. هيَ الوحيدة الي

المح منها بصيص الضوه.

رغم أنــه ما يضيء شيء غير حافة

الشباك .. لكن يكفي أعرف منها أذا حل

النهار أو الليل ..

تسلل الي صــوتـه  .. قرب الباب  !

"  معــاذ أني طالع أكــفر بيك أذا

توصل الــها . "

و بعدها بسطاله يقرع بالارضيه الى أن

أخـتفى  .  .

لميت خوائي و نهضت  .. عتمة ولا

شيء واضح لـ عيوني لكن صرت أتلمس

بايديه أبحث عن شيء أدات تنفعني..

كثير بقــيت أبحث ولا شيء غــير

الحياطين هــنا  .. وصلت للشُباك..

و سمعت زقزقت العصافير بهوان  ..

أريد أطلع  ..  غصت بيه و أنمحى

صوتي  .  .

بدى المدمار بداخلي يضيق  .. شمسويه

و أنسجن هيج  !

صرت أطرق الشباك   .. لفحة طير

يريد يهج لبعيد  ..

ولا صوت أجى  .. ولا أحد فتح  ..

تعبت أيدي و أنشلت گد ما حاولت.

تاليها أرجعت على نفس جلستي..و

خلص اليوم و أجى غيره و أحل الليل..

مقود الباب تحرك للجِهتين، أنتشر الضوه

هنا  . . دخــل هو و بايده مِصباح لمن

التفت يــعلقــه بوحده من زوايه الحيطان

فما أسـمعت لحِظتها سوى قرع حذأءه

اللي طبطب على رهف سمَعي منه .

أصتادمت عيــنه بـ عيـــني  ..

لمن لعب هالعقيد السانه فوگ صف

أسنانه  ..  محاجيني بعجرفه صوت..

{جوعانه وألا عطشانه ؟  من ثلاث أيام

وأنتِ حتى الـمي ماوأصَل الريجـج }

و سَحب كرسي مركزه قريب مني، جلس

عليه رأفع رجل فِـوگ الثــانيه  ، مـورث

جــكـارة يَرتــشــفها بــهدوء و أستــفزاز

حقــير منه الي  .

{ و بَصراحه اليوم هم ماراح يوصَلج

شــيء فـلا تـنــتـظريـن }

شـحت عنه النـظر  ..  لكن ما سكت..

حـقارته بتشفي تــترأشــق  ..

{ منا الاسبوع أذا طــخت بـرأسي ولا

شــيء أخــلــي يفـــوت الـــج وأحتمال

لو عجبني حتى الحـمام ما توصليـلو }

بس ولا شيء غير السنطه هنا، و هو طردها

{ عـليش أنتظر  ؟ يول طلبت هساع

وياي الغسل ممنوع عليج من اليوم }

أي أنتباه مني اله ماكو  .. ضاربني بيا

حق أنظر لـ شخص مثله  ! أني حتى

  أهلي ما طاخيني .. كارثه أنصــفع منه  .

تحرك هو  ..  ثواني و باب الصحيات

الي هــنا قــفـله بالمــفتاح  !  ..

رصيت أيدي ويا حجايته  ..

{ فــرجيــني مــثاني جسمج شلون

تــتحمل الــجاي يـحلوه }

أستحرمت على روحي ترادد شخص

مثله  ..

و هالشيء أزعجَه مني لمن صك أسنانه

على الجكارة أللي بين شفايفه يرمـقني

بـِحده  !

بدى بفكره منو أني حتى أتـجاهل عقيد

مثله !

من صاح بصوت عالي.. يرهب الروح

{ أشــو باوعَــيلـي }

ما حرك كلامَــه ساكن بـــيه . .

لكن يمر هذأ  !..

ضميت سيقاني لـ صدري و رأسي عليهن

سندته  ..

و أستهزاء من جديد  .. رادف بنبرة كلها

حقارة مثله..

{ مــنـو گــالج أحــنا بحصار حتى

مانعــتني من شـوفــتـج يولي  ؟.}

عاد صار شيء و تغير الجو..؟! لا أبد.

لحظتها ساد الصَمت لبرهه كل بقعة

بــهل المستودع .. حتى رمى العقيد

   جكارته يدَعسها بـقوه و عـينه عليَّ  .

{ يـعني مراح تــدحكيني ؟.}

همهم بتـفهم لمن ما حصل على جواب.

داير وجهه بعدها يطلع منا و ماهيَ

الا دقيقه حتى رجع حَامل سطل كبير

من المي  !

رفعت نظرأتي اله  ..  شيريد يسوي!!

من تقرب يـوگف گدامي و على ملامحه

صرامه تـهز جبال..

{ ياهوَ أنتِ و ما تــعبرين شخص مثلي؟}

أستند بايد على الحايط و نصى نفسه

لــگعدتي  .. و بعيــونه نظـرة تعالي  !

{ أني رائــف الضاحـي  . }

ما أنتظر ولا فكر مرتين أبتعد خطوة  ،

رفع المي رماه عليَّ مخليني أشهق گايمه

من مكاني  بگـلب تسارعت دقــاتــه  ..

تمتمت روحي مو بس ألساني  ..

( ألله يــلعــنك  .)

صرت أفرك بعيوني  ! يا سوء فـعلته

مي بارد من الِثلاجة والجو شتا و البرد

من أيام يدك بأعضامي  ..

ثــبت محاجري عليه  ..

مركز بيه  .. مال برأسه بغرابه ! مثل

المر على سمعَـِه تهــويده بيــضه  !

{ دعوة مُـــثقفين هَــنيال أمج عليج

ســت الحِـــسن }

بِاستـهزأء شديد لفِضها وتبسَم

قذر زين شفايفه  ..  من هالحظة و

صار أحقر شخص شــفته بحياتي  ..

من همست..

( يا عديم الرجــولــه  .)

ضب على قبضته!! أني شگـلت  !!

بالحظه من رگبتي خنگني  .. مجنونه

حجايته  ..

{ لا تـوأزيني حلـگج أفركــو بطريقـتي

أدليج على الرجــوله ويــن تــصيــر .}

لزمت أيده النــفس راح .. 

(  ســافل  !.)

نار و چــواني بأنـفاسه على جلدي   .

{ يواش بعدج مــا شــفتي شيء مني }

وخر مبتعد عنـي مسافه..

لمن صار يطگطگ برگبته للجَانبين

و عيونه تسامر شكلي  .  .

حس على غــفله ما تروق اله عيوني!!

الحاقده ولا جرأت نِظرأتي  عليه وأني

أركزها عليه بـغضب عارم  ..

من تـلفظ ..

{ يول رصاص مو نـظرات عـندج .}

مغافل روحه من صار يقـترب مني أكثر 

و كان على وشك أنُ يلِمس وحــده من

خصَلات شِـعري برغبــه زأورت روحه !

بس وين يگدر ؟  من ضربت أيده قبل

ما يحصل مــراده بكل قـوتي  .. بالحظه

الي حسيت بالايعاء بكل جَسمي منه و

من قربه..

هامسه..  بأكثر سوال مرمر فكري و عذباني

( أنتَ شتريد مني؟ خاطفني على شنو!

ما أعـتـقد بينا ثــار لأن وجَهــك الــزفر

مَشايفــته قبـل )

عكس صوتي  .. خاويه و ما عندي حيل!

ما متعوده أتاذى  .. بنت دلال أني ويني

و ين الخطف  !

سأل  .. شيء بتعابيره تغير  !!

{ عـــليش خــاطــفج  ؟  }

هذأ اللي هاج بغضبه و زاد الطين بلة

عليَّ لمن ضرب المسافة بينا عرض

الحايط و أحكم جسمي بشكل مجنون..

{ يول رايده موتج يمي ولا شنو ؟.}

وين أسكت واني بنت نبراس !! جننته

بردي

( أبن أمك سوويــها  .)

لوى أيديه خلف ظهري بكل قوة.. كاني

رجال مو بنيه يمـه  ! شلني شلول  ..

من عاط منتر بكل غضبه  بوجهي  .

{ ألسانج بنَت الخره ألسَانج  قبل لا

أگـصَــو ألـج بِـلعي و أسِــكــتي.!!}

و بـدى كانه مراح يهدأ   ! أسنانه

تتصاكك ببعض مثل لو أنُ موجة برد

صابته  ..

حاولت أنـطق  .. ( يالنذل عوفني  .)

و أنجن  ..  بدى ما يحب أحد يلاسنه  !

ما يحب أحد يتطاول عليه  ..

{ أشش أشتعلو أهلج أشش لا ترادديني!}

من ما أكتفى و هسهس عاصرني عصر

بين أيديه..

{ عرامة والسان تنسي  ، يمي حتى

صوتج بالاذن مني يـله يطلع أفتهمتي

لو لا!! .}

بهل كلمات أنخرس المكان و أنترس

أحَساس بغِيض...

ملاذ يــشبه مُر الزمان مني صدح  ..

(  لاء.)

تــقوست بي القساوة  ..  يناشدني بلا

أحساس و ضمير  . 

{ يــعني تــعاندين  !! يعني كلامي

ما يمشي علــيج ؟! }

شرد أحجي  ! أنخرس بـيه شيء .. أنقمع

الساني  . أني حتى الوعي غادر كياني ..

من تلوى هالرجال بتمادي  ، من صَعق

جسـِدي أكثر بالحايط  .. من لامس جزء

مو مناسب مني بجسمه ..!!

صحت بصوت عالي .. روحي أنجنت هنا

( وخر مِنا وخــر مني لا تلــمَسني

يا حــيـوان لا تــلــمَسني !!)

سـواد عـيونه أنغرس بيه  .. صاخب

شعوري  ..  أتحرك بكثرة  ، بأفراط  ..

أيديه مثبتتني  بقوة ما تنوصف  .

نبس  .. ما حاس على سوأيته  ؟..

{ مــا تــريديــني الـمسج  ؟ }

كبحت لحظه  ..  ممكن دمعة تنزل مني..

صوتي سلاحي الوحيد گدامه  ..

( لا تكون قذر و حيوان هيج خلص

عوفني !!! عوفني الله ياخــذك .)

هنا ضرب الوعَي بعــقله من نزلت عينه

على أي جـــزء مـــنه لامسني  !

رفع وجـهه الي  .  . كره  .. كره فضيح

حل عليه  ..

{ مــا يــستهويني أخـذ شيء غصب }

حررني من أيديه   ..دأفعني  بقوة للارض

و يا قساوة ضربتي .. كليتي نمردت بعنف

شامر عليَّ أخر حقارة بكلماته بكل جساره..

{ وحــق ربـج أذأ ضليـتي هــيج مَـحد

بـينا ياكـــلها غيـــرج و گـولي العـقيد

الگـــواد هـــــذأ مـا گـــال !!}

و خلص أخذ خِطاه الجانب المَصباح

يـقلعه من مَكــانه، و يطلع بعـدها تارك

حَنيـن وسَط غرفة الظــلام من جديد

تلــوب بروحَــها بعــقل حـيفقد صـوابه

هاي أللي ما مـس بيوم ألاذى أبواب

ديارها صـَارت أليوم تـُـعنف و يَـعتده

عليها بلا أي جرم أقـِـترفتــه ويــاه  !

حتى أفـترش رأسها سوال بغـِيض..

شنو ذنب ألابرياء عِند وحوش

القانون يعاقبون بلا رادع وحَسيب !

و الاهم  .. يا خطأ صار منها  ! يا ذنب

راجع يهدم بــيتها  !  ..

ٰ

ــــــــــ

. بــيت الــجــراح  .

غبار من الحزن يتــوسد المكان  .

مراسيم الاحياء لذكرى أشخاص عزيزين

أنتــهت من وهلات  .

الـ ذكرى الخامسة  .. على أرواح غادرت

و خسرها بلمح البصر  ..

أغلبهم أتوشح اليوم بـ السواد  ..

بدى عليهم الجو كئيب و مثقل  ..

مو الكل ينسى  - مو الكل يتخطى  .

بدوا ناس تكن المحبه بصدق  ..

أشخاص يوفون بأخلاص للدم  .

للرابطة الي تجمعهم  .

كانت نــغمة تليفونه تضج بأسى  .

حزينه و كئيبه ~

" كم ذأ القعود و دينكم هدمت قواعدة

الرفيعة . "

ثواني معدوده أنسط الها  .. بدت

مرتبطه بروحه   .

لكن أختفت لمن فتح الخط  .

أيد خلف ظهره  .  . نظرأته الخالية

من الموده أنعطفت للا شيء  .

حتى نبرة صوته  .. متلبسها الجفاء  .

" تــريثوا لحد ما أني أنطيكم أيعاز

أي تصرف خــطأ منكم أخلي موهان

يسلم عليكم   . "

نهى المكالمة  ..  أشخاص برتب أجوي

بتجاهه  .

" مساك الله بالــخير يالجراح  . "

أستل مـعطفه من الحمايه  .. صار

يرتدي و يجاوب  .

" مساكم بالعــافية  ، تفضلوا   . "

أشر ناحية المقاعد بـ حديقة بيتهم  ..

بينما جــلسوا تقدمت الضيافة الهم  .

من تكلم أحد الضباط  .

" ما عنــدك شك باحـــد ؟ صح أخوك

فراس طلع منها سالم بس واضح الفعله

مقصوده . "

صف ساق فوق الثانيه الجراح  ..

بدى فذ  ، رجال ساحر الاوصاف  .

" حــتى لو عــندي شك أني أنـسان ما

أحب المشاكل و أهــم شيء ما أحــب

أتــعــدى عــلى القــانــون   . "

ضحكات صادقه طربت حولهم  .

" مشهودتلك هاي ما يحتاج تحجيها . "

لكن هو ما ضحك  ..  ثابـته عيونه  ..

حتى تـعابيره  .

تكلم - و كل شيء حوله صمت بأمتنان  .

" أهـــتموا بالتحقيق حــسب القانون

غيرها ما أريــد خـــبر يوصلني أنــكم

ظــلمتوا شـــخص بـــريء "

شهل كلام ! بدى لو أكــو مثله بـعد

أشخاص كانت الدنيا  و العراق بخير  .

بــعزم جاوب الضابط الاول  .

" أكيد و ما يصير خاطرك الا طيب . "

نهضوا بعد أحاديـث قصيرة .  .

عندها خلى المكان للجراح وحده  .

سد الاجفان  -  لاطفته زوابع من بترات

الماضي  - شيء لسع دفاتر عفى عنها

الزمن  .

دقائق أغتبنها الرحيل  .  .

أســتقام  .. خارج أسوار البيت صار.

لحظتها وقعت محاجره على مصباح

حايط بيته المسكور  .

أخذ خــطواته الرزينه الـه  .  . تـمعن

لثواني النـظر بي  .. بـعدها دحـرجـت

عدستة صوب الكاميرات  .  . ما مر

بي شفق الرقة  .. صُلبه حيل نظرته .

يا ترى شافهــا  !

بنت نبراس اللي عادت الكره

و عتمة منها بـ أثــر بــيته خطفت

عنه الضوء  !  .

ٰ

ــــــــ

. ذات المساء  .

بوسط بغداد و بهذاك البيت المُتهالك

الي كان ما يصلح للبشر يسكن بي  .

دخل أشگر اللي و بلا تفاهم حضن والدته

اللي فتحت له الباب  .. يتمتم  ..

" أوف أحــد گـــالج يا يمــه أنــج

ساحلة جمــال وطنا كله بيــج  ! "

طبطبت على ظهره و فضت الحضن

تسامره بحلوه محاجيها..

" شفايدة هالجمال أذا مغزر بي لا هو

ولا حبي اله يا حبيب أمك أنتَ "

ما عاون يسمعها  ..  هتف بضحكه  ..

" الف لعنه عليه ليوم لممات ها أدعي

عليه بــعد تــزواده لو كــافي !. " 

بادلته الضحكه  - مستنكره و ما راضيه.

" لا تــدعي يا حبيب أمك مايـ.. . " 

قاطعتها بنتها أيار  .. أيديها للسماء أنرفعت

" يا رب ينــشل حاله و يتبهذل و

حتى محــد يــحـــبه يا رب  . "

طافت بحنيه أيماني عليهم  ..

" ثـلثين الدعوة على الداعي يوم

لا تدعون على أحــد حتى ما نخسر..  "

للمره الثانيه قاطعتها هالشابه  ..

"  شنخسر ماما  ؟ هو أحــنه فلوس

ما عنــده و گاعــدين بخرابــه . "

و على حال الفقر ضحكوا بطيبه..

على كلمة أشگــر  ..

" يلا يجي يوم و نصــير زناگيل  . "

باب الشارع بالگوه غلقوا  .. خربان و

يادوبه ينسد  ..

بعدها أتجهوا داخل الغرفه  ..

صوبه حولها تكتروا يدفون  ..فتحت أيار

السوالف  .

" أبو الخط رفض اليوم يوصلني يگول

أخذ فلوسي بالاول يـله غير هالشيء

شوفولكم واحد غــيري "

قبل لا تضيف أكثر أشگر مد أيده

المحفظته.. طلع مبلغ و مده الها  ..

" ماكو داعي تهتمين و تلگين ثاني

باجغ تسددين الدين و فضت أياغ "

عصرت أيدها  .. 

ملت و جزعت من فقرهم  ..

"  بس والايجار مال بيت ؟ . "

فرك أيديه  .. يا محلة ضحكته و عيونه.

" الله كريم تـدبر أنتِ لا تهتمين . " 

عين ايماني لحظتها أهتزت  .. شگد

مضى و هم متبهذلين  ! تركها ذاك

الي فلوسه و نفوذه بكل مكان..  تخلى

و ما حن و لا جاسه الحنين الها .. سنين

مرت يا مطولها  ..

لا أعترف بيهم منه- ولا صدك أشگر

و ايار من دمه و صُلبه  ..

و مرت ساعة زمان  ..

ثلاثتهم گاعدين يتعشون  لمن ركز أشگر

بعيون أمه أجت بـباله ذكرى  ..

" يمــه من مـده يمكن قبل أسبوعين

هيج شفت ثلاث بنات يمكن سياغتهن

متعطله و بيومها جانت تـمطغ وحده

منهم عـيونها مـثلنا زغـك طوخ و بيـها

شبه منج لو مو بس أحنــه الاثنــين

عنــدج گــلت هاي أخــتنــه "

غصت أيماني بلگمتها و رمقـته

بروح ضايعه...  و مدري ليش گلبها

حن هيج  !

نبت  ..

" هيج حلوه  ؟ ربي يحفضها الشبابها "

عجزت تكمل أكل  - سألته تمسد بجفنها

" كون ساعدتها  ؟ . "

و قبل لا يرد أشگر رن تليفونه  ..

" بس  أجاوب يمة . "

و راح طالع من الغرفه   ..

" هــا لـــؤي  ؟ "

حجاها و هو يباوع على بيته

واللي هو عباره عن حيطان مهترى

و على ساعه يسقط فوك روسهم  !

اجاه الصوت بضوضاء  !  و رمي!

" المهمه بعد الوحده تبدي جيب

ذمار و تعال.."

وراح صوته مدري ويا منو يصيح..

" هي أرمي هناك   .. لا تگتلهم

كلهم خلي واحد عايش نريده  . "

رجع لؤي يكلمه  و صوت الرمي مرتفع

" هـا ويــن ﺟــنه يحلو  ؟ . "

دك عنقه أشگر بنفاذ صبر  .. شهل وضع!

" أجــيب ذمار وأجــي . "

كمل الثاني  ..

" أي ويــكون بعلمك أي خــطأ يصير

حسابك يتـحول يم فُراق فانـــتبه و

أحـذر زين رجــال المــكافحه شادينها

هالايام علينا خصوصا العقـيد رائـف

و جــماعــته الملعــونين من كون الله

يطـيح حظـهم "

دعك أشگر گصته  .. وين رمى نفسه!

" تــمام غــاح أجي "

و بين عينه على أمه لمن دخل للبيت

و عينه على الساعه راح الغــرفـته

يبدل ملابسه للسواد و ياخذ مسدسه

و يدري هالطريق بعد ما منه رجعه  .

ٰ

ـــــــــ

. المدائن  .

ما غفت لي عين غير ساعة  ! ساعتين

ما أعــرف الوقت  ..فستاني مبلل ما

جف المي عليه ..  و شيء من السخونه

جاس جلدي   .

  حل النهار  .. زقزقه العصافير مرتفعه.

الجو بارد  ، من صرت أنفخ على أيديه

حتى العظم متصلب  .

رصيص الباب شد أنتباهي  .. شخص

يدخل  !

" صــباح ألخير ! "

و منو هذأ اللي دا يصبح عليَّ بهذي

الكلمات وسَط حَبسي  !

تجعدت ملامحي لوهلات أدقق بي!

الى أن ضحكت على غبائي  و بمنو

ثـقيت  !

كان نفسه..  ذاك الشاب الساعدني قبل

لا أنخطف  !  ..

" الله ياخـذكم نِفــس الطينـه أنتَ ويـاه"

رمـقــته بـغضب  .. أحشائي أستشاضت

من شوفته و هوَ علق المصباح و تلفظ  .

" حَــقج علينا والله "

وضع صينيه طعام و زجاجة مي گدامي!

" ما تـوقعت توصل وياه هيج  .. يمد

أيده و يــضربج  . "

حس بالخجل منها ! لاحظ جرح شفايفها النازف..! هسه و حالها لاول مره  !

و هو يَدري عن رأئف الكثير وعن

مدى سوءأ بس أنُ يَضرب أمراة ؟ كان

هذأ شي جديد يَـعرفه عنه اليوم وبهاي

اللحظه  .

من طالبها رغم أستحيائه منها  ..

" حَاولي تاكلين الجبته الج لأن عقيد

رائف نـاوي يــخليج بـــلا أكــل ومـي

لاسـبَوع كامـل "

لضمت وطاة الموقف تحت الخيبه  .

" بيا عين دأ تحچي ويايَّ  ؟  . "

جابهني بثبات  ..

" أعـتذر ما تــكفي مو  ؟ . "

أمتعنت عن محادثته  ..  بدى وحل

و غبار  .. كل شيء مزيف عشته  ..

دار يبحلق ناحية الحمام  .. من شافة

مقفول خيم عليه الصمت ..

بعدها خطوات طرقت  .. أختفى منا

و رجع بعد مدة  ..

حامل سطلين من المي خلاني

أفرق شفايفي بمغص  !معقوله هذأ

هم ناوي يشمر المي عليَّ مثل ذاك

الحقير السافل !  !

لكن كل فكري صار بح..  من حجى  .

" دبري نفسَج بهذأ المي ، أني راح

أطلـع وأرجعلج بَعد عـشر دقائق "

طحنته بأسَتغراب كـبير !! دا يسَاعدني

هسة بدون علم ألثاني ! لو هاي بس

كذبه جديد منه !

برر من شهد حاجبي الي أرتـفع بشك  .

" وحـق مدَينتي بغداد مَا أضحك

عليـج أني هالمـره بـس أساعدج "

ما جاوبته ..  رجع يضيف  ..

" شوفي جوز أني قشمرتج من الاول

لكن ربنا شاهد ما عندي نيه سيئه

وياج"

سامرته بجحود  .. عندي نظرات

تسطر بني أدم .

"ليش كنت ناوي توديني للجنة و

غلطت بالــعنوان  ؟."

غمرني بضحكته  !..

"  لا جــبتج يم رائـــفنــا . "

خزرته بأنـفعال  ..الملازم  .. ثبت نفسه

" صار للي صار  ، راح أطلع أجيبلج

باقي الاشياء حتى تغسلين براحتج ."

ما گدر اثق بي  ! راح و رجع جايب

غسولات  !

و صوت قفل الباب يعلن خروجه  .

متردده  .. ما فهمت نواياه  ..

من سقطت نظراتي على المي  .. أحتاج

أغـتسل  - أحـتاج ملابس ثانـيه  !

تنفست بأضطراب  .. أزاور الباب كل

وهله  ، ما عندي أخـتيارات و دبرت

نـفسي غــصبا عني بالمــوجـود  ..

مرت الدقائق مثل سباق الخيل..

صرت أنشف شعري و كل جسدي يرجف

لان الفستان غسلته و أرتــديته  ..

و بطني لقمتني وجع.. لكن ما عـندي

شهيه  .. منظر الاكل قــرفني  ..

كل السويته زجاجة المي شربت نصفها.

حتى أجاني حسه..  من بعيد.. و الباب

أنفتح  .

" عـود ردت أسَــوي خير وأتاخر

أكــثـر بس لازم أطــلع "

كل حـقد و لذوعة وجت بيه ناحيته ،

أبتسم بــتوتر يتمتم  .  .

" طـالع وألله طـالع ، لا تخزريني هيج"

عقلي أسترجع كل الصار  .. ودي أشرب

من دمه هالنذل  .

من ههسهت "يا ريت متشوفني شكلك "

أخذ نصف الاشياء لبرى و رجع  .. منتبه

على الطعام الما تذوقته  .. تنهد و اخذه.

" لو ماكله شوية على الاقل العقيد

وين يخــليج تاكــلين . "

و كمل طريقه بس أول ماوصَل للباب

رجع  ، أكتست وجهه تِعابير ثانيه

صارمه .. و كلها حده..

فتح حديث بالافق  - لكنته جافه  .

" لو ما جانـَت الشـِغلة تهدر ارواح ناس

أكثـر من اللـي راحـوا جــان مَاساعدت

العقيد رأئف بأختطِافج، أتمنى تتداركين

الوضِع اللي أنـتِ بي وتشيلين أيـدج

منهم وهاي نصَيحه مني . "

تـِشكلت نوبات هلع بيه-مو فاهمة شيء !

" شدا تـحـچــي  ؟. "

عينه عليَّ  !!  ما يثق ولا يصدگ  .

" فاهمــتني أنتِ كلش زين لا تحاولين

تســتغبين . "

و بـ لحظه  الملازم غير من ملِامحه..

متبسم ياشر بينه و بيني  .

" هو صَح أنتِ مَخطوفة يمنا ومو

لازم أدك ويـاج مـيانه بـس عاد هذأ

طــبعي و فِـــوك كــل هـذأ تـــعبان و

مــحضرلـــج الريـــوك عــيــب مــنـج

مَــتقـــدرين تِـــعــبي و تاكــلــين  . "

أشمئزيت و نفسي لاعت منه  ..

" بـيا عين مني تـشتكي  ؟."

بلع ريگه ..  يدافع عن نفسه رغم كل شيء

"يعني حـت لو جـنت مَشارك بخطفج

لازم متكسرين بــمشاعري  "

أني صرت نار و هو يزيد حطبي  .

" وأصــلا ويـن لاگيتلج خاطف كله

أنسانيـه و گــــلبه طيَب وحتى أكــل

يقدملج ! هاي بَس للــعزاز أسَويها

وانتِ مَمـــحلفـتني "

جاهد بكل طاقــته يتمسك بوجهه

المَبتسم كاتم صَوت ضحكاته من عيوني

اللي فسخته وبالف صـَفعة ضربته رغم

برودي اللي يهـَزم برود شتانا هذأ

أشرت على الباب .. البرد نخر دمي..

"  أطــلـع برى . "

تلون بطوله ما مصدك كلامي  !..

" أنتِ فاهمة الموضوع غلط ترى

أحــنا الخاطفينج مو أنتِ الخاطفتنه"

مسحت أكتاره بجنوني  .. تحامل على

نفسه يسأل من جديد  ..

" هسة شنو ؟  تاكـلين ! لا ! أي ؟ هاي

النـظره تـِــعني لا ! تــمام ولا يَـهمج

ما أضــغط عــليج قابــل كم وحــده

خاطِفـــين  ؟ هو بــس أنـــتِ "

أخذ ذاته و طلع و الباب سداه ..و

ما نسى ياخذ الضوه وياه  ..

و يدري الملازم لا مي ولا أكــل عقيده

حينطيها، و بــيا طريــقة حـ تــصمد هـنا !

أذا من أولها شفايفها مجروحه والكدمات

و البــرد قاسي عليها  .

ــــــــــ

ٰ

.  بمكان أخــر  .

وجهن كلامهن لـلسائق أول ما نزلن من

السيارة .

"  بــاقر لا تروح لاي مكان أبقى يمك"

أستند على السيارة و نظراته غريبه  !

" زين ما أفوت وياجن أخاف تحتاجني؟ "

نبت اليانور   .. ماسكه صور حنين بايدها.

" لا و أذا أتصل أبويه لا تجـاوبه

او جاوبه و گــوله ألبنات بالبيت "

و أخذن طريقهن ناحية المركز  ..

متذمرات  .

" من أيام و أحنـا نراجع هالمركز وكل

شيء ماكو بس اليوم ماراح أعوفهم

بحالهم إلا يلــگون حنين "

مر أسبوعين على غياب حنين و

القلق سمم بدنهن  .. وين أختفت !

صادفهن الملازم أغــار  ..  اول نظرة

منه صارت على وتين داخلات للمركز  .

دقائق مرت  .

طرق الباب الملازم بيار  ..

" نقــيب موسى أدري وقــت رأحتك

بس البــنات عِدهن شِكـوى والعقيد

غياث مَشغول عادي أدخلهن الك ؟ "

النقيب موسى تنـهد و أشر له بالقبــول.

دخلن بنات نبراس  .. على المقاعد جلسن

و بدى الخوف يتضح عليهن..  شلون لو

وصل الخبر لـ نبراس  ! حنين ماكو و هنه

بالمراكز داخلات  !

فـشرع لحضتها جو من الغـِيوم و دفع

النِقيب كرسيه الوراء .

" يلا غـــردن "

حجاها بلا مبالاءة مخلي من اليانور

ألبنت الوسَطى للسراي تـفرق شفايفها

بِعدم رضا لـ طريقــة كلامه  !

حتى تولت وتين الحجي بنفسها..

" أحنــا هـنا حتى نَقدم شكوى..  . "

قاطعها النقيب  بتملل  ..

" دام داخلات للمركز اكيد تقدمن

شكوى قابل شتقدمن ؟ أختصري بابا"

زمت شفايفها وتين  ..  تدعك فكها..

" أختي من أكثر من أسَبوعين مــختفيه

و بَصراحه أحــنا أجَينا للعراق زيــارة

يعني أهلــي كلهم بالـــخارج وداتـــصل

برقمها بالبـــداية جــان يدك و مَـــترد

اخرها أنغلـق "

همهم موسى بلا مُوبالاة فِعشرات

القضايه عدهم من هذأ النوع شنو الجديد؟

بس سأل من باب الفضول و عينه على

سواد عيونها  ..

" و من أسبــوعين مختــفيه هسة يلا

تقدمن تبــليغ ؟ شمـنتظرات يرجعوها

الچــن و يــعتذرون ؟. "

بلعت الكلام..  ماكو رد..

و بهل أثناء دخل المقدم أيمن  .

كوب الچاي بايده  من سحب كرسي و

جلس يتفرج  .

ختم النقيب كلامه  ماد ملف الها .

" خلي رقمجَ هنا و عنوانكم وصوره

الها أذا مَوجوده  وتوگلن عود نخبركم

إذا عرفنا شيء "

و بحركه خطف من أيمن كوب الجاي

مخلي يصيح  ..

"  شني ما شايف چـاي؟؟ كلما اجيب

و أخذته!   . "

أرتشف منه موسى و رفع حاجبه..

" أنـچـب هو چاي قابل ماأخذ أمك؟ . "

اليانور طگت مرارتها و حاجته..

" بس ؟  هايــهيه  ! "

أمتعضت، من الجنون عِدم مبالاءة هذأ

الرجال بِقضيّة مثل هاي ! هو حتى جنه

ما مركز وياهن !!

رمَقها موسى بِجانبيه  ..  و حار ولد

بنت هاي  ؟؟

رمى كلامه  .. ولا مهتم  ..

" اي بس  ، ويلا جاوبي على المَوجود

هنا يعني دقـــقي بِمعلوماتها زين "

الحنطاويه شح ريَگـها و هربت ضِحكه

ساخره من شفتها .  أيا برود هذأ النقيب

الدمرها !

تمتمت بغيض..

"والله كلفت نفسك هواي يعني الناس

تنخطف و تموت و أنتَ حاير بالچـاي؟!"

على كلمتها..  رفع الكوب و ارتشف منه

بكل هدوء و نظراته تعمقت بيها  ..

" أحــچــي عدل بــابا الگدامج رجل

قانون  . "

و بقوا يَـباوعون ببِعضهم وعَلامات

ألافـِكار تصِحر بثنينهم

* مثل لو أنو حرب عالميه حـتنقام ~

زاحت گذلتها وتين  .. و قررت تفضها،

سحبت القلم و صارت ادون بتركيز

معلومات أختها  ..

أنطرق الباب من جديد من بيار  .

" نقيب موسى عقيد رأئف يَطلب

حِضورك هسة و فورا "

صفع موسى مكتبه و التفت للباب رايد

يشتمه و يغلط بس وين!!  بيار طار حتى

لا يتـرزل  ..

تكلمت وتين  ..

" تفضل و هاي صوره الها "

أستلها منها النقيب و تبادلوا بعض الكلمَات

حتى طلعن بِعدها من المكتب  .

و هنا أنهالت عليَهم اليانور بالشتايم

باللغة الانجليزيه، بالحظة الي دخل بيها

معاذ للمركز  .

أخرها ختمتها اليانور  .. محروق قلبها..

" واحد مكروه اختي ضايعه وهو ملتهي

بالچـاي! . "

هز ايده الملازم و دخل لغرفة النقيب..

" شِمسوين ويا الحِلوات حتى

أَستلمتكم وحده مـِنهن تــفاشير ؟ "

قلص موسى عيونه و هو يفرك بجانب فكه

لكن صابه الفضول  ..

" ياهي منِهن غلطت أم شعر لاجتافها

لو الگصير ؟ "

و الملازم الي تابع خطواته ناحيته بشره

بسخريه  .

" أم شعر ولادي أذا ما چانـت ولد "

 من سحب منه ملف الشكوى  .. يقرى

المكتوب  !

حنين نبراس ساري السراي؟ قلص

محاجره معاذ هنا  .. و سأل فورا  ..

"شنو هاي الشكوى جديده؟. "

همهم اله النقيب  .

" مخـتــفيه الـ أبنيه من اكثر من

أسبوعين ماكــو خــبر عنها  "

تـِيبس بغرابه أبقعته الملازم  .. طارح

سواله  .

" منو راح يتولى قـضيتها  ؟ . "

نب موسى بشك مقيت  ..

" يأ أني يا غــياث  . "

و عِصفت بي الترهات بقوة لـ معاذ

يرمي السموم  ..

" تــلگاها هربت ويا حبيبها مو أول

قضـية تـمر علينا هيج  ، أقــترح لا

نضـيع وقــتــَنا بيها "

ما أهتم موسى و أستقام مبشره  .

" أني رايح لمكتب رائف تجي ويايَّ؟ "

أنتشل معاذ نفسَه من بقيعات الضياع

و شابك سواد عيِونه بعِيون النقيب

" أسَـبقني لرأئف بَينما أشوف مـلازم

أغار وألحگك "

رأفع موسى حاجبه..  بعدم رضى..

" والمـلف ليش ماخـذه ويــاك ؟ ترى

يخص ذني البنات الي شفتهن و هيج

هيج راح نــحـــقق بالقـــضية

أحـــنا . "

بلغة الثاني  ..

" أريد أدقق بي و احتمال أساعدكم

اذا ما عندي شيء   . "

و خلى وطلع و كل فكره يوصل الملف

لـلعقيد رائف حتى يحل هاي المشكله

قبل لا توصل للسراي و ينكشف شيء

عنه

ٖ

ٰ

ـــــــــــ

. بريطانيا . لندن . بيت نبراس السراي .

بالخارج بدى الجو ضبابي  .. و البرد

صاعق الشـوارع بلا رحمة .

لكن بالداخل الدفوه منتشر بلذه  .

زاحت سواد شعرها للخلف  ..يلمع باناقة

عقد الالماس بـ رقبتـدها   .

لمن بدت لوسيل التذمر بعنفوان..

" شوضع البنات ! عاد مَصارت زيارة

لبغداد شِكـلهن ناويات على الأقامه "

صادف تـِجمعم اليوم بـصاله بينما

يَتسامرون بأحاديث عشوائيه هنا وهناك .

شاركتها لحظتها ثاني أصغر فرد ببيت

نبراس  .. يُسر  .  . بـ لكنتها البريطانيه!

" كُــله بسبب حنين مائة مرة حجيت

حتى ذوقهن حيهبط تاركات لندن و

راجعات للعراق ؟ بس منو يسمع مني!"

سامر ملامحها السيد نبراس اللي گاعد

كدامها..  بعدم رضى..

" ماكو داعي للقــلق أتِــصلت وتين

و گالت نِهاية الشــهر يكونــن هنا "

و أرتشف من فنِجان گـِهوته أبرود بينما

يتفحص الوقت بـ ساعة أيده  ..

زمت يُسر شفتها  .. حاولت ترمي الحطب

على النار  .

" بس بابا هالـشيء مو صح أنـتَ ليش

هيـج متساهـل ويا حنـيـن و ولا مرة

تمــنعها أو تحـــاجيـــها ؟؟  هـــيَ .. "

بس أدخل أبو الحسن فورا هنا  ..

" رأحن بموافقــة الوالـد كلام زايد وماله

داعي شكو؟ "

حست بمرارة تطخ ألسانها  ..

" ما اعرف ليش أنتَ هيج أبو الحسن

مقدسها كلمة ما ترضى تسمع عنها "

أنـصفعت الطاوله  .. صوت نبراس خرج

بتحذير  !.

" أشــبيـج بـابــا  ؟ . "

قبضت على أيدها و حاولت تلطف كلامها .

" أني بس خايفة عليها مو أكــثر  . "

بدى و كانها نطقت شيء خطأ  .. كل

تعابير نبراس أتجهمت  ..

" تــخافين عليها أكــثر مـني  ؟ . " 

ما يرضى احد يخاف عليها مثله..  هو

كافي مو محتاجه حنين لاحد غيره  .

عيون لوسيل أهتزت لبرهه  .. هذأ

الجنون أتجاه حنين ما يعجبها  .

توسد بعدها صمت حاد. لدقــائق معدوده.

لكن أنكسر باحوارات بين الشباب  .

"  نصيحة بعد أخوج أذا تبقين تحجين

كله أجنبي بعد العراقي يضيع عليج

وما تعرفين تحــجين بي   "

لولوت يسر خصلاتها باصبعها  ..

"  عــادي اني ما أحب العراق، أصلا

بريطانيا بــلدي دام نولدت هنا  "

ضحكت نهاية كلامها و

السيد نبراس تنِهد من وجع الراس

هذأ  ..

و هنا دخل سـِرب من الخدم الشقر

باتجاهم بادين بوضِع انواع المأكولات

و التحلايه مثل كل يوم  .

من دفع أسفار الكرسـي و گعد بصف

أخوه أيوان متنهد بضجر . . بس

سرعان ما تبسم أبن نبراس بغـرابه .

" شكو حب ؟ أنِشك حلگك لا تـِكتمها

أكيد حــب جــديد يالــياباني  ؟ "

كل العيون أنــهالت عليه  .. و برر أيوان

" يا حب أسفار  ؟ لا تـِشوه سُمعتي

كل القصه حاب أفتح مـَعارض للسيارات

ومن ضــَمنها بالعــراق و هاي الايام. "

على سيرة العراق ! قطبت أيات

حواجبها و واضح معجبها كلام أخوها

" بالعراق ؟ شِموازيك ومنو بقى هناك

من أقــربائـنه  ؟ "

حجتها و هي تخلي قطعة الكاكو..

بحلگها من صارت تعـِبث باسوار الاماس

بـمِعصمها  ومو  عاجبها ~

من همست"هذأ يا غبي اللي صَممه!. "

جاوب الولد بدى أكبر من عمره  ..

" واذا كلنا أنتقِلنا لـبريطانيا و ما ضل

أحد هناك ؟ أني حاب أسوي شغل يرَبطني بالعراق بعدين خالي شاهين رجع للعراق

من أشهر و أحتمال الباقين يرجعون "

أسـفار  أدخل و خضر عيونه متلاعبه  ..

" لك ياباني عمرك 17 سنه يا معارض

سيارات  ؟ دگــعد راحـه زعطوط  . "

بلا تفاهم أيوان سحب گلاص المي

كل غايتة أسفار  لكن المعني تجنبه

فأنسكب على أبو الحسن اللي رفع

حاحبه  .. مخلي يهمس

" أحـضرنا يا داحي الباب  . "

من أستقام يتبادل النظرات بينه و بين

والده اللي رفع رجل فوك اللاخ يتفرج

عليهم  ..

حجى.. مغير رأيه  أبو الحسن..

" الخاطر الوالد مراح أحاجيك موگعلك

شمرة المي . "

دار وجهه و راح يغير ملابسه و الياباني

يصيح  وراى ..

" معدل ابو الوگــفــات  . "

دقائق و رجعوا يتناقشون بمشروعه..

حاجي أسفار  ..

" هسة متاكد تريد تـفتحلك معارض

وأنتَ بهل عمر والا بالعــراق  ؟ ترى

مالنه نـيه نرجع له  . "

هز رأسه..

" أي رايدها بالعراق  . "

بكلامه عم المكان جَو من المشاحنات الخفيفة . . دائما أمر العِودة للعراق

شيء صَعب  - و ممرغوب  ..

اغلبهم مولود هنا مُعـتادين على هاي

الحياة و التحرر اللي بيها ..  مو مال

تــقيد  .. مو مال هذهِ الافكار و هـذأ

المجتمع المنغلق أو الهمجي حسب قناعاتهم !  ..

ولكسر هاي المُشكلات رمى بزر الگعدة

ال السراي كلامه بوجهم  .....

" تــدرون شباب البارحة شصار  ! "

أنسكبت نظراتهم عليه بمحبه  ..

" شصار  ؟ . "

دحرج أيده على فخذه روحه جيه  .

" أحتجزوا سيارتي بالتوقيـف  "

لحظتها أنـفرجت العـِيون بامتعاض ..

و أبو الحسن أولهم صاح  ..

   " أيوان دأ تحِـجي صِدك لو تشـاقه ؟

البارحه مَطلعينك من ورطه شـوكت

لحـِگت تـــفوت بـغيرها ؟ "

على تكه و يفقد عِـقله من ضـِرب الطاوله

بـَخفه و صفع أخوه على رأسه..

حتى فطن على اهم شيء  ..

" بــيا رخصة سـقـت أنـــتَ  ؟؟  . "

گدام تبسم علي الدر الي دخل للبيت

ويا الامير.. مـقـبل راس نبراس .. بدى

شيء متعود عليه   ..

مستنكر أيوان و أيده تمسد وجع الضربه.

" دعــوف رأسي رحمه الربك كل شوي

وضاربَني بي بالله فـِقــدت الذاكــرة !

منو يــعوضكم عنــي ؟ "

مال أسفار جسـمه عليه و رمـِقه

بـــنِظرات شاحبه .

" لا تـخاف زلـم أبوك هـواي ويَسدون

الشِمس "

لحظتها باعد أبو العيون السود بين

شفايفه يسألهم بهدوء حل عليه  !.

" يــعني أكو أحد يعوض مكاني عندكم؟"

رجع كلمته أسفار   .. ما يدري بالزمن

شمخبي الهم ..

"  زلم ابوك يسدون عين الشمس. " 

هز أيده الـياباني  ..

" هو وين أكـــو شمِس بــبريطانيا

حتى نِسدها ! ليش تـجـــذب أنتَ؟ "

كل ملامح المعني أمتعضت  ..

يعني گاله كذاب و گدام الـقبيله ؟؟

من فتح ثغره كل غايته يشتم..

" ياهو الچذاب أبن أل..."

عيون نبراس الصارت عليه خلته يبلع

العافيه  .

"..... أبن نبراس العلِـم تـاج وبـاج

أبوك والنعـم منه هيـبة الزلم أي وعلي

شعندنه غيره  !! "

من مال برأسه و نطق..  نبراس..

" أهـا يـَعني هيبة الزلم مو أبن ال..

هاي الما كمـَلتها ؟ "

مخلي أبنه يحك عِــنقه بأرتباك  ..

" ياهي يــابه ؟ أصَلا غير المدح بيَك

شـعرف أني ! ودأعــتك يالصاك دائماً

أمجـَد بيك الي يگول بس أني أحبك

من ولـدك "

أشر عليهم نهاية كلامه و تبسِم بعذوبه

حتى صَاحت أيات

" يَصبغ بيك لا تـصدكه "

أكتفى نبراس بالنظر الهم ، ما كأنه

والدهم هالرجال كأنه صديقهم !..

تـصرفاته وياهم كلها ودوده ، حيل

قريب عليهم .. يمكن لان  عمره ما كان

كبير ! او ما مبينه على ملامحه

 ســنين العمر  ! .

و هنا من العدم ثـگــل وجــه لوسـيل

و بدى علـِيها كـَم من ألانــزعاج الغيـِر

طبَيعي..

" حنين ألا تـروح للعــراق و تـمارس

الطـب هـــناك ؟ هــــسة من حــور

مستشفــيات الـــعراق  ؟ "

عبثت بخاتمها  .. متعمقه بكل ملامح

نـبراس  .

" يعني لو قـابله بأقـــتراحك أنك تــبني

مستشفى خـِاص بأسمـها أو بأســمنا

أو باقـــية بـــنفس دوامها هــنا و بلا

هالتـِـعب  !. "

محد جاوبها  .. كملت بانزعاج..

" يــعني وتين و اليانور مو مُضطرات

يـَعيشن على مزاجـها  . "

كان واضح أكو شيء  ومهما صار گلبها

ما يـتقبل حنين  !! .. مثل لو أنها ما

حبتها بيوم  !  ..

ثـگل نبراس وجَهه و تبادل الرجال ويا

زوجـــته نظرات مُبــهما ! و بيها من

التحذير ! يرعب العـين ..

و تلفظ باسترخاء .

" حنين تسوي الي يــعجبها غيري

محـد الــه دخل بـــيها  " 

بلعت ريكها لوسيل  ..  و سامرته بنبره

مولعه  !  .

" أنتَ أبوها وأني أمها الي الحق

أدخل بـيها  " 

ضحك بخفوت نبراس و على الزمن

رمى كلامه  .

" نامت على صدري من صغرها مو

على صدرج هالبـنيه   . "

و شيئ ما بدى غريب ! أنبثاق الصَمت

و كـِتم الانفاس هنا ! أستشعرها علي

الدر و الباقين  ..

حتى رطب أبو الحسن شفايفه و طرق

بأصابعه على الطاوله الزجاجيه يـَنقل

عيونه على والدته و يصَعقها بِـشيء

من الفـِتور !

" حــَنين هم بــنتج يوم يعني البنات

من راحن ويـَاها مو فـِد كارثـه ، خوات

وسفره لوطِنــهن بعد تعــيشهن على

مزاجــها شنو ؟ "

و من جديد الگعده هاي تاخذ

منِعطف أخر . . مثل العتاب ~ أو سِوال

و الف أستفسار لازم أنُ ينطرح .

هز نبراس سبحته بعد ما أجاه

أتصال و أنتهى منه يرمق ولده بهدوء  .

" عمكم فرونسي يسلم عليكم "

أبو الحسن سبق الكل  ..

" الله يسلمه الغالي مشتاق له والله "

مرر علي الدر أصابيعه على حافة الطاولة

" شنو مــناوي يـجينا زيارة ؟ "

و سحب تليفونه من ايوان اللي سرقة

خفيه  يقرأ الرسائل !

رامي أقواله والدهم  .  .

" لا  ، يگول مشغول و بنهاية السنه

او على السنه الجاية يسوي رحله

الموظفينة و هذأ يعني مراح تشوفونه

أبد خلال هالسنه الا أذا الله راد  "

من علق أيوان  ..

" يا أخـــي أذا عمامنا أثنين بفرنسا و

الثالث بـ أيطاليا و أحـنه ببريطانيا

الــعراق بقى المن و ياهـو الضل بي ؟ "

رد عليه أسفار بصوت مرتفع  !

" لايــه "

عقدت لوسيل حواجبها هيه و بناتها!

" أيــه ؟  منو هاي أنــوب  ! "

ذاع الخبر أسفار و هو يسحب كليجة

أم الحلقوم بينما يرميها بين شفايفه و

مستعد يركض  ..

" زوجــة علي الــدر المستقبليه "

ساعتها الكل أنصدم من حجيه مخلين

علي الدر بلا تــفاهم ينــط من مكــانه

راكض وراء  ..

سندت أيات خدها بيدها..

" واني أگول ليش علي الدر يوميه

يگول مشتاق للعراق طلع عراقه بنيه !"

من بقــت تبــاوع عليهم

..  علي الدر شــبع أسفار دفرات و

المقصود بس يــضحك  ..

مطبل الامير على الطاولة  .. و تليفونه

فتح تـسجيل لابو تـراب .

"  عالوا بينا يالحمزة ألـحك  "

الى أن أستنجد باصغرهم أسفار من

حس خلص راح ينگتل من صدك..

" لك أيوان بعد أخوك أفزع  ! . "

بس الياباني سحب الهتفون    .. عينه

على والده  ..

"  أحبك أبن ساري . "

ضحكه يا حلاها من نبراس طارت اله  .

من سحب له كرسي ايوان و خلاه گدام

الحرب القايمه  ..

" أعذرني زعطوط و عمري 17  شبيدي

أسويلــك  ؟. "

تخلى عنه  !!  أبو عيون الخضر هسهس

" أيـا نــذل على هالدگــه هاي  . "

عاد لوسيل هتفت بينما ترتب بفخامة

ملابسها  .. هالمرة همَ ماكانها كبير ابد..

" علي الدر خلص عوفه و تعال افتحلنا

الدفاتر منين أيه هاي  ؟. "

  و أشتعل الجو هنا بالحجي

فشوكت أبنهم حب  ! خصوصا شخص

مثله ماله بهل سوالف !

من تكلم نبراس الي أكتفى من گعدته

وياهم  .

" كافي علي شيل أيدك عنــه  . "

نبرة صوته  ! شنو الي زعجة نبراس  !

التفت صوب أبو الحسن يأمره  ..

" من يرجعون  باقي أخوانك خليهم

يجون لــمَكـتــبي . "

سحب روحه عنهم   .. خيط من الحزن

أنـبثق بصدره  ..

ليش حنين ما ترد عليه  ! أيام مرت

مو من عادتهــا ما تجــاوب  ..

وتين، اليانور  ، خبرنه أنها مشغوله

بالوضيفة .. كل ما يتصل نفس الكلام!

عض شفته أبن ساري  ..  كتب رساله

الها  .

" يا وضيفة هاي الي تخليج ما تردين

على أبـــوج  ؟  . "

و لاول مره زار گــلب هذأ الرجال

الــقلق الكبير . .

هنا بأيسر صـَدره شعور بألانـِقباض مثل لو واحدهم غرز بي سكين من بعيد وقريب!

ٰ

ــــــــ

. بغــداد المــدائن .

من جديد هذأ الظلام مَـقتحم عيوني.

أرض بـــارده

و شِــتاء مــا يرحم

و ربما لأول مــرة

أشعر بكل هـذأ الخِواء  .

شابكت أيديه أدعدكهن ســويـه متكوره

على جَسدي  ، مُحتلتني رجفة ورعَشات

تجعل من أسناني تِصتك ببَعضها  .

بدى أحساسي و كاني معرضه للاغماه  .

لمن نهضت..  أريد مكان دافي ماكو..

وصلت يم الشُباك، تلمست بايدي الفتحه

المكسوره.. محتاجة لمحة ضوه ..

محتاجة أي شيء بي الضياء  ..

ولو من بعيد   ..

مر بفكري والدي  .. اهلي  ! يا ترى

ممكن وصلهم خبر عني  !

في أمل أطلع منا  ! في أمل يعرفون

مكاني  ! 

وأني محتجزه لدى رجل قانون  !

من مررت عيوني على صَوت خطواته..

مــلتـفته ناحية الباب  ..

أخيرأ أجى الضوه  !..

شـفته يدخل بينما المصباح بايده

لهل عقيد يَعلگه مثل كل مره سابقه..

و يا الله على ردة فعلِي لـمن لمحَت ذاك

السطل المتروس بالمي بايــده الثانيه

ماسكه !

عـضت شـِفتي.. بلا أرادتي أهتزت صلابة

نِظرأتي  ، أقبض على أصَابعي مثل لو

أني دا أحَارب علمود أخر أنـفاس الحياة

سمعت حسة من گــال  ..

{ مساج الله بالخير يست الحِسن . }

أنــطيته نظرة تدوهن الاحوال  ..

( لا شـــافــك الله ولا مــساك  .)

- هز أيده العــقيد  .  .

{ أكـضبي عــني السانج يــول  .}

من گعد على الكرسي مِثل المره المَاضيه.

وترك السطل بِجانبه بس هالمره بي ثلج!

لمحته و هرعت للخلف  ..

مو مال يرميني بي..  أني أصلا بردانه

و يا دوب متحمله هالمستودع الما بي

فراش  .

سأل بعجرفة صوته و بحته  ..

{ عليش واكفه هنا ؟ مـشتاگه للضوه ؟}

حالتي حاله..  رديته بهدوء  .. عجيب

على صبري هنا  ..

( لشوكت نـاوي تـبقــيني يمــك  ؟.)

لوى شــفـته بمكر هالعــقيد  ..

{ عجل يابــه بس لا ملـيتي مني  ؟.}

أستقرفت النظر اله  .. مسدت على جفني

بتعب  .

( طــلعني منــا .)

سكن كل شيء هنا  .. عيونه  ، ضوه

المصباح  ..  و نبض گلبي  ..  أثر كلمته

{ عـــيونج مــا بيــها خـوف  !}

و هوَ بدى يستنشق سموم جكارته لمن

ما بــعد عيونه عن رمقي أبرود  .

بدأ يتـفِحص شكلها ولاول مـره يركز

الهذا الحد بيـها لـمن أبتدأ من شِعرها

ألاسود الطويل.. عفية بنيه لحد سيقانها

مايل شعرها ! شـلون بلوة أبتلى بي  !

سحب نـفس أقـوى من جكارتـه  .

نـظراته راحت تزاور لون بشرتها- بين

البياض و بيـن عروق الخضار على نِحول

أيـَديها الرفيعه اللي تأسرك وأنتَ راضي

و مُـمتن بدون شـعور كـِحال العـقيد اللي

فكــر للحِـظات بـانُ شِــمس الـعراق ولا

مره لاحتــها لهل مخلوقــه  !

عاد أكتفى  ! لا وين  .. خلصت الجكارة

و وجر غيرها  .

من أرتفع بَحبر عيونه لوجهها..و هنا

وگــف عند مَحجرين كانهــا البحر بصفاء

زراقهـا.. ، مرسومه بسَحبة مَعاكسه من

مَدمع العــين وأخرى نهـايتــها  ..بـدت

عيونها لوحــة من الزمن القــديم  ..

أنطبقت شفايفه لبرهه .. يرأقب التفاصيل.

على خدها اللـيل نقش نفسه بشامة على

بـياض جـِلد خدها ألايسر و الثانيه بعنقها

مثل عزف موسيقار مخصص للحبيب.

تحركت ساقه بعدم رأحه  ..  صعب

يشيل عيونه  .. أستهوه المتابعة  ..

حتى وصل بمركب مَراقبته حِد شفتها

وهـنا أسّـتغفر ألله و كـِبر فبَدون شعور

منه العقيد تخـدر   ..

ثالث شامة أسفل شفتها كارثه منظرها

صفن صفنه بيها و تهاوت جكـارته من بين

أصابَيعه توكع على فِخذه  تاركه عـلامه

لــ حرق زي جــيشه العسكري ..

و شحس  ! كم شيء من مفاتنها شل

حاله شلون لو كمل  !   .

من ضبيت أضتهادي  .. شبي  ! فجاة

خزرني بجنون  .  . بأنفعال  .. كانه أرتكب

ذنب ما ينـغفر  !   .

و سَرعان ما أنتفض.. شال السطل و بكل

قوته هـفه عليَّ بميه.. سلب روحي  ..

حسيته سلب النـفس بشهگتي  ..

لبت بجزع متسارع الخِفقان بگلبي على

الثلج الضربني بي  .. على برودته و

جبيني الي أنجرح بي  .  .

ويا صوته اللي كرهته أكثر من شوفته..

حاجي بأستهزاء مثل عادته..

{ مناويه تــعترفين ؟ لو عَجبتج گعدتج

يمي !}

بالحظه سكت بتفكير  .. تاليها سأل..

{ يول أخاف حَبيتيني  وأني مادري !}

هو شگال  ! خلاني أعت بانفاسي عتوت

و أضحك بجنون.. مسامرته من رأســه

الرجليه بنِــظرأت مُتــعاليه ..

من جاوبته بنرجسيه ، مستنقصه مكانته..

(هو أني شايفتك من گاعك حتى أحَبك ؟)

وكل اللي منحه الي هالرجال اليلي رفِعة

حاجبَ ووجه جامَد من صار يثقبي بثبات

كانن مراح يَرمش حتى!

بس بـ لحظه مال براسه..  و بـ لحظه

زمجر لاعن الساني  .

{ تـندمين  ..  و على رأسج أسحگ

صـــگدينــي .}

بوسط جنونــي و جنونه بشرته بأعذب أبتسامه ..

( هـــوَ الخاطـف مراة و ســاجــنها بلا

سبب يمه هم يُعتــبر رجــال ولازم

نخــافــه ؟.)

مستفزه..؟ كانت هاي أول فكره أحتلت

عقله عني .. 

و مثل السم تمَاما حلكه قبَيح الحديث

لمن رمى بهل حجايات بدون أكتراث الي

{ أذا تــــضلين هيــج فما أضمنلج

يبقى عَظم سالم بِجسمج فأعــترفي لي

دام بَعدني بالعيني وغاتي ويــاج }

وجهي صابه الجنون لكلامه.. مو فاهمه

شــيء  !

من هسهست بنفاذ صبر منه ومن

شوفة خـلقــته..

( هو غِـير أعرف شنو ذنبــي وياك

وشسويت حــتى أعــترف لك !!)

 هذأ اللي جنني شنو ذنبي ! أني حبيسَته

من أكثر من نصف شهر بدون ما أدري

جريمتــي ويــاه شنـو  !!

دا يعِـاملني مثل المجـرمين القِتله داخل

غرفه لا ضـوه ولا شمس يوصل ويمر

عليها  ..  لويش  !

هذأ الي ضحك على غفله.. أبن اللذين

بنبرة واطــيه يسمعني  ..

{ شدعوه هــلگد حاميه و دافعــيله!

خـــيالج هذأ أصَــلا ما ســأل عنج }

عن ياهو يحجي  !! تخربط وضعي و

تخاويت فوك تبعــي  .

همست ( شدأ تــحچي أنــتَ !)

عصرت فستاني بوهن  .. أضيف  ..

( أنـــي مو فــاهمــه عليك فهمني .)

لحظتها  .. بدى واضح و بلا شك أنُ

هناك شيء مو صح و هناك خطأ بين

السِطور ، هناك لعبة وشخص كاذب هنا !

بس مو يم العقيد  ..  الي نهرني بكره

واضح..

{ مُصرة على التمثيل! بس مع الأسف

يا خاتون أني مو مخرج و أصـفكلـج}

لانه واثق تماما أني أتحايل عليه وهالشيء

خلاه يجي و يوكف بقربي حتى أنِحنى

لطــولي مُستشعر سخونه أنفاسي بوَجهه

{حبَـيــبج  لو گـــوادج لا تِــستحين

مني أعــترفي لـي مــا أگـــول لاحــد

وعـــد زلــم }

شرارة و هبت ببحر عِيوني كان كلامه

شيء عَسير   ..

أني الي ما كنت أنمس بالامَس بحرف

من قريب غديت اليـــوم أنهان كذب

و أفتراء من غِريــب !

نب عينه على شفايفي و أرتفعت لعيني

{ شــماخذ منــج و ما تنــطين بي  ؟}

من عضيت شفتي..  ومن سامرت وجهه

بكل عصبيه حجيت بهدوء شديد  .

( تـــدري ودي أتـــفـــل بوجَــهك بس

أخـــلاقــي وأكــــفــه بـَعــــينــي )

ما خلصت جُملتي الا و نرفعت نظراتي

على ايده الي أرتـفعت و نزلت على خدي

ضاربني بكل حيله.. 

و ما لحگت أون من وجعت ضربــته

مدري شصار  .. شيء بيه أنهار  .. شيء

صعد غــريب للساني من حنــجرتــي  ..

مسكت بطني بألم و أنحنيت  ، لحظتها

نزفــت لاول مرة دم من ثـغـــري   ..

و ما يرحم  اليوم العقيد  شخص يطاول

عليه وكل شخـص كانت هيَ..

من صاح مدنيي عليها..

{ أني شگــلت يول شگــلت  ؟!!.}

ما أكتفى أخذ خصلات شِعري من الخلف ساحبني بـــقوة حتى لامس كِتفــي صَدره

ولاح عطره بيه .

صحت بأسى ( الله ياخــذك  .)

من ما أنطاني الوقت  حتى أفيق من

خدر الَصفعه و حسَيت بوجع أكبر لحظتها

من أقـتلع هذأ الرجال بعض من شعري

من جذوره على أصابيعه..

محذرني بوعيد..

{ كــل تـجاوز و غــلـطه منــج عليَّ

أردلج أياها بأضعاف يواش أحرك الرباج

لو عدتيــها و شـتــمتينـي   .}

كان هائج بَشكل جنوني ، كارثي ماگدر

يَسيطر على نِفسه  .. عصر فكي و عيونه

صدت على دم شفــتي ..

لكن بأتعس أحوالي ما سكتت له  ..

{ يا وسفة أنتَ رجال مثل أخــوتي  .}

و مدري شصارله  ! غـافلني.. غافل روحه

و بطــرف ســباته مسح دمي من فـوك

شفايفــي   .

و بسبات المضيعات شيء بي تلفظ  .

{ قـــوصــتي العقيد بهل عيون يولي }

من لميت وحشة أحروفي و طالبته  .

( عــوفــــني   .)

سكب بينا نهر من الجفاء  ..

{  تــدلــلي }

صار و دفعها  .. ضارب جسدها على

الحايط يتفقد أيديه الي أنترست شيء

من شعرها القلــعه من جذوره  ..

هاي أللي دخلت بــنوع من أللاوعـــي

تـتِحسس طرف شِفايفها  ، تنــظر

لاصابعها اللي تلونت بـ اللون ألاحمر  ..

و يا الله معقــوله هذأ الدم مِنها !!

و هي الي دا تنــزف هسه ! . .

لان هذأ أكبر مَخاوفها فهاي هي گعدت

مُنحنيا تــتــقيء الدم بَروح هاويا  .

مو بخير هي مو بخير أبد  ..

تمسك بِمعدتها بقوة، مُحمره عِيونها

وخدها ، شاحب وجَهها  ..  كانت بنت

نبراس تعيش الموت بحذافيره ..

لمن أتنفض رأسي بعد مدة رفعت عيوني

ناحيته  أرمقه .. بكل بــهوت و تعب

حتى ملت قليل متفحصه رتبـــته   ..

من نطــقت..  بكل برود  ..

( أنــتَ منو ضــاحك عليك و صَرت

عـقـيد ! صَدگـــــني لو عـــليَّ حــتى

حَارس على كــلبنا الميت ما أخليك )

زارني بـلهيب محاجره  .. أشر على

جزء منه بسفاله مقصد  ..

{ لا أتوازيـــني أخــرسج بــي }

سكت كل شيء بيه غصب عني  ..

و هو كبت على نفسه باحَتقان حتى ما

يفسد وجَهي و يقطع الساني الطويل

هذأ  !

شاح وجهه عنها  .. يطلع جكارته يرتشفها

بَشكل غاضب محاول بكل قوته أنُ ما

   ينَجر خِلف اللي تراوده بي نفسه هسه !

لان ما يريد من صدك أنه يفـقد عقله

و ياخــذ شرفها منها و بنــفس الوقت

هو ما رفــض  !!

وهاج العقيد هنا مــتناقض بــفكره

يطقطق رقبـته للجانبين مَسود سواد

الليل بعيــونه بقسوة    .

و مرت خمَس دقائق من السكوت..

رجع هو الــقربي مُنحني بجسمه العلوي

ليــوازي جلوسي  ..و ما أدري ليش! بايده

راد يــلمس خــدي!!

حرام خليته.. تراجَعت خطوه بظهري

الورة ما أنـطي المَجال لرغبته أبد .

هذأ اللي سخر

يبـَتسم على رمَقــي عليه بكل هذأ

الحقد ! مُتساءل عن سبب هذأ فهـو ما

مسووي شيء سيئء الي حتى الآن

حَسب رأيــه ..!

{ بالطلاك ما ســويت لج شيء  }

ومضت جداحته و التبغ تجمر بأحتراق.

{  لــهساع و هين ماشي بدرب عدل

مو أعوج وياج  . }

أشتدت كحَل عيونه، مرر السانه تحت

خده وهو يتفحص ملامحي بهدوء.

{ لا تـجبريني أخــذ أغلى شيء عندج

بـــنت نبراس }

تلفضها و أضطرب داخــلي بحرب

على  أيده الماسكه الجكاره و مسكت

أسوار ساقي يضغط عليه و يهدد

{ لهذأ  صيــري حــبابه و ركزي وياي

زين لأن أي چـذبه ماراح يدَفع ثمنها

أحـد غــيرج  .}

شح السلام عني  ..  نقر  جرج جبيني

بسباته مأذيني .

{هو مَجـرد ســوأل تجَاوبين عليه يتحدد

مِصيرج و حسب علمي ما أعتــقد وحده

مثلج تــقبل تروح بيـــن الرجــلين ! }

مـسحته بحقدي  .. كل جزء بيه منتفض

على تحذيراته، على أيده المردت ساقي

و حقارة نــظراته  .

من دنى وجهه مقابل وجهي  .. جــر

سموم الجكاره  ..  يــوزع عيـونه  ، بين

عنقــي  !  بين شفــايفي تاليتـه طـش

  دخــانه بعــدم أهتــمام على وجهـي  ..

ما لحگت أسعل  . أخر خطوة خطاها  ..

سحب زندي  .. صدري طـخ كتفه و

ثــغره لامس سمعي   .  .

{ بس أذا يــهوجسني شــيء أحـتــل

گـاعج الليل بطولو بمعـارك ما يستر

ولا يمنع بيها جسمي عن جسمج شـيء}

العين صابها أرتجاج  ..كارثه مفتاح الحجي

أستنجدت بصوتي .. أستنجدت بصمودي..

( مو خــوف مِنك بس أنــي و الكذب

طريقين مِتباعدين ، أنطــق الجوهره

العندك وفضني يالـــنذل   )

ضرب الحايط ثلاث صفعات ويا جسمي ..

و جاس خاطري بــلوعة المنسيات  .

{ الراوي شنـو الـــعلِاقـــة الي تربطه

بيـــج ؟ هالانـــسَـان شيـــــقـرب لــج

يا بنــت نبـــراس !}

. ⇜↜𓆩H𓆪↝⇜ .

ٰ

ٰ

ــــــــــــــــــــــــــــ الروح ويا النفس الكم🦋

للمتقى باذن الله🤎

.  .  .  .  .

. 🦋  .

ــــــــــــــــــــــــــــــــ ﷽ على ذكرى نبدأ

.

التوهان قربان هواك  🕊

بـقلمي  - سينارلاين علي 🦋

. 🦋 .

تالي وحدنه صفِينه ،

هآ يگلبي آلچَنه بي نتباها وينه؟

. 🦋 .

. ⇜↜𓆩H𓆪↝⇜ .

ٰ

ٰ

مـو كل الأمور تنفهم ، و مو كل الطرق

اللي نسلكها ممكن تِوصلنا للي نـريده  .

بــعض الطرق تــضيعنا و تمحي كل

خــبر عنا  .

  ثـغري متفرق على سوأل هذأ الرجال

الخاطف عن أسم لأول مرة يَمر على سّمعي

بين الماضي والحَاضر ، بين الأمَس

واليوم ! وين لهذأ الإسم أنُ ينـذكر !

عينها بعين رائف ..

( الــراوي ؟)

هَمست بخفوت ويا نِفسي

منو يكون حتى أنـخطف بَـسببه !

و عضيت شفـتي من عصر ساقي حتى

تيقنت ترك أثر بيها يلا أبتــعد  ..

داعب فكه  .. قاسيه ملامحه و ما بيها

أنسانيه  .

{ تــعرفي صح !}

ما منع العقيد نفسه من السِخريه

حتى و هو يوصف خصوصيتها..

{ و عــندج علاقـة وطيده بي }

لمن نبضت عروق عنقه بالغضب و كانه

حامل حقد دفين تسمر بوجهه و أستوطنه

لذكر هالاسم !

و منو يلومه ليش يحقد  !

فمو من السهل ألوصَول لدليل لهذأ

الراوي   .

تعباه  ، أخذ جِهده  ،  أخذ سنين عمره،

خطير و ماكر للغالية ما يـَوكع بين أيديه

ولو شگد ماحاول ينصب له الفخاخ  .

كل مره توصل للحلگ و ينهدم كل شيء.

حتى على غفلة برق صوتها بملامح جاهلة

( مــنو هــذأ ؟)

تشابكن حـواجبه كانها سمعته نـكته  .

{ يول مـنو هــذأ ؟.}

ضحك مبتعد . . فرفر يمشي هنا و

    هنا وگف .. رامي بسواد عيونه عليها ..

{ الــمَفروض هذأ سوالي وأني اللي

يَسأل هـين ، منو هالرواي و شتـعرفين

عــنــو من معــلومات ! }

و هو مُصر بأنها تعرفه و متأكد من هذأ

يــكفي عدد المعلومات اللي وصلت ألــه

لذلك ماكو مَجال لـغير هذأ بِعـقله أبد..

من أهتز تليفونه  .. فتح خط متعصب برده.

"  ادحك زين اذا وصلتوا للمكان لا

تزرعد على شيء أنتــظر لثلاثه الفجر

و وكتها خابرني تا اجي "

قبل لا ينطق شيء غياث رائف سده

بوجهه  .. و رجع بعصبيته لبنت نبراس..

صاح بــتجبر ..

{ لا تسكتين السكته مو من مصلحتج

غرديلي شتـعرفــين عـنو !.}

بدى مُستعد يتبع كل الطرق حتى يخليها

تِعترف مهما كانـت وما يهمه أذا كانـت

أمراه أو رجــال .. شــتفرق  !

راح يقسو  - يتــفنن بتعذيبها علمود

يحصل على مُبتغاه واللي رايده من زمان

و يدري بروحه يسويها  .

طگطك أصابيعه  .. أفتر قربي روحه

جــيه .. عتني من گعدتي وكفاني غصب

{ أعــصابي بـدت تــفلت تــلغين لو

أســتخدم القـــوة وياج  ؟  }

  شنو يمَكن أگول ! أختفت عقدة

حواجبي أبحلق بـــي بثِبات ولا شيء

غير الحـقيقه على السانــي  .

( ولا شيء ، أول مره أسَمع بي أصلا )

هز العقيد رأسه ، مزعوج و روحه

طاكه و مكتفي من مُمــاطلــتي  !  .

{ چذب لا تــچذبين أفتهمتي!! روحي

طاكه و ما عــندي مانــع هين أجنــزج }

حرثت أسناني بوجع و دفعته عني بهداوه

( مـا أعــرفه مدا أكذب عليك أني  ! .)

كبس فكه ، ياخذ خطوه للخلف و بعدها

رجع من جديد و وگــف گدامي    ..

و أنتشر شيء مو مريح حولي  بسوأله.

{ دفــعتيني ؟؟ }

ما هزني شيء حتى حدة عيونه  .

( خلي عندك شوية أخلاق  .. لاتقترب .)

سند أيده على الحايط بجانب رأسي

و أستحله الهدوء  !..

{ من يا عالم جايــة أنــتِ  ؟}

حركه  ! تعبير  ! أني ولا شيء بداخلي

غير البرود  ! كاني قطعة جليد.. حتى

عيوني حسيت ما بيها مشاعر وأني أنظر له!

و هو وصف الشافه  !  ..

{ ماخذه الشتا بأوصافج  }

شحت بفكي حتى لا يلمسه و على فعلتي

هز راسه مستهزأء  .

و تزاحمت بقسوة  ، بضغينه كلماته  .

{ النكران مَيفيدج بشيء ،گلتلج مَصيرج

يحدده أعترافج ، برأيج  هو يستاهل

تـتِعذبين عـلموده ؟}

و يا الله من هذأ الرجال ! شنو يريد !

شلون أگدر  أجاوب عن معلومات الراوي

واني ما اعرفه  !

أي جنون هذأ اللي أنوضِعت بي !

أنرفع صوتي بوجهه.. ما بيه حيله..

( دأگولك ماأعرفه بحياتي مو سَامعه

بي فـأشلون أعترفــلك عـنه !)

بسط الحايط بضرباته  ليگول ركبه شيء؟

{ ما تــعرفينو يا عثره ؟ حلوه هاي }

نزل محاجرة للارض  .. و رجع مثبتها بيه.

{ أي والله .}

رطب شفايفه كانه قرر يستخدم أسَلوب

أخر ويايَّ؟ رغم أنُ عيونه تكاد تطلع من

مَحلها  .

{ يعني مَتعرفنو أبد ؟ ولا ســامعه

بأسَمو ولا مــلتقيه بي ولا جامَــعكم

فد مكان ولو من بعــيد بــفد يوم ؟}

تنــهدت بأرهاق..  بس البرود رجع مسيطر

عليَّ  ..

( لاء )

مسام جلده و جلدي عـصفة صدى الظلام.

{ و تـــاليها وياج  ؟}

بعدت خصلات تمردت على عيني  ..

و هو تبع مسارها بأنتباه !.

( ما عندي علم ولا مر أسمه على سمعي

بيوم  .)

مسافة بينا صارت و أبتعد، شعل جكاره

و كل تركيزه ضاع بيه  .. مثل لو قرب

شارعه مرت الذكريات  ..

وأني باوعت الحالي و أشبيه   .

شفتي تنــَزف .. كل جـسمي يرجف

ملابسي بالمَــي مبلله وفــوك هذأ برد

المكان وحَش يفتــرسَني مثل هذأ اللي

ما يَتوقف عن رمقي بالشك ولو للحظه

{ مستحيل أصدگـج .}

تعسفت ملامحي بهوان ..

( مدا أكذب .. ما أعـرفـه .)

أكتفيت بِهمسها  .. أسَتند على الحايط

ورايَّ بجزع منه  .

فشلون راح أنــجوا ! مليت و زهقت

روحي من خنگة هالمكان و قذارة الدم

اللي تارسته ..

سأل العقيد و عيونه بدت بئر مظلم  .

{ تـعبانه يست الحِسن ؟}

زاورته بذات البرود .. عن يا تعب يسأل !

و دم شفايفي شاهد على سوايته !.

( عليمن متعب نفسك و تسأل جسمي

يشهدلك على أفعالك .)

على غــفله صارحني.. مهيمن عليه السكون

{ ما ضارب حرمة قبلج أنتِ أول

وحــده تـلوحها حــرورتي }

يمكن الحايط توجع من أصابيعي العنفته

كد ما ضغطت عليه  !..

ما ضارب مراة  ! طيب الية شجابك  !

سديت جفوني  .. ردته حلم ليل و

ينتهي هذأ الاختطاف  .  .

لكن لا  .. فتحتها و هو گدامي موجود  .

ضوه المصباح  ، عتمة المكان و زجاج

الشُباك المكسور  .

شحت دايره لغير مكان ..

حتى أنساب الجو هدير السكوت الدقـائق

كان عَـقل الخاطف و المخطوف بيها

يفكر بالشِخص ذأته !

و هربت كلمتها بالفارسية  .. بخفوت ويا

ذاتها ..

" او کیست که به خاطر او به

دردسر افتادى ؟"

جاذبه تــقلِيصه من العقيد اللي وحتى

وسط همسها الروحها سمعها  !

و شگد مدقق  ! حتى انفاسها يدري

شوكت شهگتها  ..

بدى من أولها و محطات گلبه دگها

الزمان برجفة   ..

لكن شگالت  !.. هو ما منتبه على سجل المعلومات الخاصه بيها بكل تركيز .

بنت نبراس مو بس دكتورة هيَ

خريجة للغات   ؟!.

و ظن أنها سبته أو شتمَته بشيء قذر..

من سِخر و من دلـــك صَدغه محاول

  تشِتيت نفسه عن تحِطيم وجهها هسه  ..

و هو فكر  .. ضاملها گومه عقوبات

بس شويه شويه يقسم أنه حيجرعها

السم والموت على أيديه  ..

و أطاول الصمت الجزوع . . وفقط

النفس مَسموع  .

من بادرت لاول مره تحاجي.. بنفسها

( منو هوَ !)

كل تركيز بي و عنده منحه لـ بنت نبراس

{ حــاجــيتـيـني  ؟}

شتاء أخر أني.. بيه كل الاوصاف  .

( أي  .. هذأ الخاطفني بسببه منو

هوَ  ؟  .)

جلس على الكرسي بشكل عكسي و

هالرجل الغرابي رماني بنظره تفِحصيه

و دقق بكل شيء بــيه  ..

{ ما تــعرفينو  ؟ عجل أعرفج بي؟ }

أنتزع المكان عمق غريب  .. بديت

منتبهه بتركيز رغم ملامحي البارد تخفي.

كررت السوال  ..

( الراوي منو يكون  ؟  .)

اخذ نفس عميق من جكارته و زوبعه من

الدخان حاوطته  من جاوب  .

{ رجال عِصابجي موكف بغداد

و العراق على تــَك رجل }

ما يدري ليش جاوبني  ! حتى جفونه

عاتبته هنا  !  ..

مثل لو أنه ذم نفسه  ..

من أستنكرته بوطيد الصوت  .

( عـفواً ؟ .)

قلص عيونه عليَّ العقيد موخر الجكاره

من بين شفايفه ..

{ شنو عــفواً يـول ؟ . }

عباره عن جمود أني.. سامرته بمنتهى

الاتزان .

( رجال أيش گُـلـت؟ . )

عبث هو باطراف شعره .. متعجرف حيل

{أهاا .. الراوي قصدج ؟ رجل عصابات.}

شگال  !! رجل عصابات لو خلل بسمعي

صار ؟

شحب وجهي أذأ كان الراوي رجل عصابات

شنو عَلاقتي بي!  بل ليش رجال من

الجيش يَشك بأني أعرفه !

صفيت بلا راي   .. بلا فهم  ، غمرت

الحايط بجسدي أكثر  .. أنظر للا مكان.

حسيت أنــقطعت عن العالم- الراوي؟

شنو اللي دايَجري هنا ! متاكده

بعمري مسمعت بالراوي هذأ ...!

مر وقت طويل جدا  ..

الى أن صار ضجيج  .. ضوضاء سرقتني

من ضياعي  .

رفعت راسي و تصادمت بي  .. يجري

اتصال   ..  و عاري الصدر صار  ! بس

بنطاله العسكري ساتر الباقي  ..

"  يول ذكريني بنت الغجر  ؟ أنتِ

الحرمة الي وديتها للانبار بـ ألامس

لو غلطان ؟ "

بايده زجاجة خمر  ؟  .. سكب منها

بثغره و عيونه مسلطه ناحيتي  .

"  ساهور عجل أسمج  !  "

رمى براسه للخلف و نظراته شقت السقف

و أني عيوني للباب ركضت  ! اگدر اهرب

منه ؟

{ لا تــفكرين بيها أجيـبج لو طرتي

لاخر الكون  }

أنتفضت راجعه انظر صوبه  ! كان

على حاله  .  . أي أنتباه منه الي معدوم

ما كان يقصدني  ! أسمع ينطق بأسترخاء

"  أمرلج عليش لا  ! . "

بقى يتكلم و مو يمي باله أصلا  !  ..

واني أريد اطلع  !  .. رجعت للباب أقيس

المسافة بينا بنظراتي  !..  مديت ساقي

خطوه و توقفت من سمعته يگول  .

{ ترى  دوخــتيني .. الباب مقفول و

المفتاح بجــيبي  ! }

تاجج بيه الغضب ، سرعت ناحيته أصوب

تركيزي  ! شدأ يصير  ! كان بنفس وضعه

و مستمر يحجي  !

" نظيفة؟ يواش اذا غيري لامسج أسوي

بيج محضر أنتِ و شكو واحد يگربلج

أعفنكم بالسجون  "

لميت أصابيعي  ، مسدت صدري و ببقعتي

بقيت اتاكد من وضعه ! حتى نظرة ما

منحني مندمج باتصاله  !

و حرت بي  .. صامل و مو منتبه لي.

مشيت خطوه و توقفت ملتفته اله  ..

ولا شيء  !  رجعت تحركت بخفوت و

من أول خطوتين  ..

{ وين يحلوة الحلوات  ؟}

قبضت على اجفاني بقسوة و تعب  ..

أستدرت اله  .. واقف على بعد أنشات

عني  !..

و اخافه  ؟ لا أني ما أخاف احد  ..

طرف شفتي أنرفع .. خاطبته بقمة هدوئي.

(  گُـلت الراوي رجل مافيا  !  .)

همهم و ايده ضبت سلاح خاصرته!

خلعه من مكانه و رماه لبعيد  !

و كد ما اكدر ثبتت نفسي من حاولت

اوصل وياه النتيجة ..

( وأني شكو بالنص حاطني ؟ رجل

عصابات أنتَ وياه ! تخطفني لويش ؟.)

كانت لحظة  ! لحظة و استحوذ عليَّ،

ظهري أنردم بالحايط   .. كسرني تكسير.

{ عليش خاطــفـج يا خاتون ؟ الظاهر

الراوي مدربج زين }

من بين الالم و من بين انفاسي الي

اختفت  .. نبيت  ..

( ما أعرفه ولا عندي بي علاقة يا

أخي أفهـم!! .)

مدري شصار و بينا الوقت تعطل! و بنبرة

غاويه ردد كلمتي   ..

{ يا أخي  ؟ }

ضحك و الدنيا مسابگ طير  ..

دنى وجهه لـ وجهي و قتام اشد من السواد

تملك عيونه  .  . بأخف نبرة همس لي.

{ عجل أني بلا دين يحلالي الزنا لونج

أختي }

مالحگت أنهره  ..

أنتفضت روحي من حط أيده على خصري

و مشى بيها لحد صدري يتلمسه ..

ساعتها أنجنيت  .. ضربت أيده و صحت

( أيدك لا تـلمسني يالـنذل ! .)

صار أعصاب.. كان الكون ضربه مو بس

ايدي ..

و  راد يسووي شيء بيه لو ما صَدح

صَوت نغمة تـليفونه و أنجبر يجاوب

و عيونه تخوزرني بنار  السعير  ..

" هــا غياث ؟ هساع ؟ يلعن شرفك

جاي . "

رفع سباته بوجهي بتحذير  ..

{ أشكري ربج عندي مداهمة الليله والا

شــوفتج الاخوه علــى أصولها و

بكل التفاصيل  }

سحب سلاحه و فانيلته و سترته  ..

من اشرلي فوق الباب  ..

{ رابط هالكامــيرة بتليفوني يعني

يمج مو يــمج أني أشــوفج و عيوني

ما تضيعج }

و رمقني بنظرأت متوعده ! و خلى وطلع

ماخذ المصباح وياه ..

مخليني أزفر أنفاسي بجنون.. من حرت

على اي جزء مني أنصب عزاء  !

من دون أرادتي جلست  .. لوين وصلت!

هالرجال شيخلصني منه  !!

و تسأءلت أذا والدي عرف لو لا!!

لكن بيا طريقة يوصلني  !

أني ما أعرف وين  !.. و شنو الجاي..

حسيت زار الخوف گلِبي جاهله عن

مَصيري ويا هالعقيد..

لمن ضميت راسي بين أركبي  .. ظلمة

من جديد و كل مكان بجسمي بي أثر

ندبه توجعني  .

ـــــــــ

بعد ساعات طويلة أنتهى بيها النهار

و حلت بدايات الليل  .

يم العقيد بعد مطلع و رجع البيت المدائن.

يهتز تليفونه بكثره  .. ولان يدري منو

يتصل بعث رساله و  تجاهل يفتح خط  ..

من ضغط قابس التدفئه المركزي.. منصي

و الدفو بكل بقعة منه  .

من الشباك  القى نظرة  .. ريح عاتيه..

بدى الجو يحمل غيوم و يمكن غبار  ..

صوت تليفونه ميسكت  .. بانزعاج قرر

يجاوب  .

" خير جهاد عليش تــتصل  ؟ مات

واحد من أخوانك الشريفين  !  . "

أجاه الرد بعصبيه  .. بقوة  ..

"  احترم نفسك و أنتبه شلون تحجي

ويا ابوك رائف  !!. "

قلب عيونه العقيد  .. مو طايق والده..

"  فــضني شتريد سيادة العميد ؟. "

يمكن حاول والده يضبط أعصابه  ..

و رد بشكل هادئ!!!

" مرة الــثانية من أتصل بيك تجاوب

مو تردني برساله أنــي ابوك مو وحده

من نسوانك السافلات خلي هالــشيء

ببـالك و تــجاوبني بـــأدب  ! "

مو جديده عليه  .. رمى سمه رائف..

" هذأ الموجود محد جابرك تتصل

اني ما فارغ الك "

أشتشاظ بغضب عارم جهاد  ..

"  عار ما أصير لك چاره من يوم يومك "

من كـز على أسنانه رائف  ..

"  يول تربيتك هاي صوجك ما عرفـت

تربي . "

و مضت حسبة صمت صاح والده..

" عجل اربيك من جديد بسيطة  . "

منها و اختصرها العقيد.. يدري سبب

الاتصال من الاول  .

" گـلتلك باجر أني هناك أحدر الانبار

عجل كافـي تــتِصل و تمجدنا  مو

فاضي لك . "

و أنهى المُكالمه.. يشمر تليفونه على رخام

مكتبه و بعيونه نار  .. نار تلهب منه..

عمره ما كان زين وياه ! أو بالاصل ثنينهم

غلطانين ويا بعــض  ..لكن محد يعترف

بهل شيء  ..

من بدى بخــلع ملابسه حتى دخل

للحَمام بعدها  .. يخلص نفسه من تعب

يومه  .

طلع بعد أسِتحمامه لابس ملابس

مَنزليه من أخذ طريقه نِاحية المطبخ

يسويله قــهوة ..

لحظتـها صَــادف دخول معاذ للبيت

هذأ الي كــان يَجر بخطواته بتـــعب

بسب يومه الطويل بالشغل و المهمات..

سرعان ما فتح حوار  ..

" الشباب گالو ماخذ أجازه لاسبوع!

شَعجب ؟ مو من عـوايدك عقيد "

سحب الكرسي و جلس قرب الطاوله  ..

لكن ولا كلمه من رائف طلعت  .

الملازم ما سكت...

" صدك ابوك اليوم أشتغـلني دك

مخابــرات عود خــابره  . "

بلا مبالاءة جاوبه رائف  .

" ماكو داعي ، باجر رايح للانبار "

غمغم ابن القيسي باستغراب  .

" ولهــذأ اخذت اجازة ؟ يعـني هاي

الايام بغداد داخله اســتعداد علمود

الزيارة وكل القوات هنا ما توقعت

ينطوك موافــقة بهل ســرعة "

سمع رد الثاني  .. ما مهتم  ..

"  صارت بعــد . "

عاد مجبور!  ما عنده رغبه يشوف اهله

هالرجال  !

من سكب القـهوة بلا قطرة من الشكر

بينما گعد گدام الثاني الي حرام اذا

يسكت  .

"  يلا أهلك هم خطية صارلك هواي

ما رايح الهم  . "

تلبس العقيد لحظتها وجهه السكون..

هيَ حجايات و ما ردعها  ..

" چلاب ذول ما بيهم مــحنه . "

نخرس معاذ .. وقت طويل صدى

السكوت قيد الافواه  .

حتى بغفله .. گال شيء غير الجو عليهم..

" و حنين ؟ شحالها ؟ "

على سواله عيون الثاني سنطت عليه  ..

بدى ذنب اقترفه من نتر بي  ..

" حـنين ؟ !! شهـل مَيانه معاذ

أحتـرم نـَفـسك !! و أحجي عدل "

و ليش أمَتعض رائف  ! حتى أصابيعه

عصرت كوبه  .. شجاه  !

مازحه معاذ مو مستوعب  ..

" هـدي خوي هدي ، لو ما حَابسها

ومَخليها بلا أكـل و مي عِندك جـان

گـلت يَحـبها و هايم بيها عقيدنا "

طارت بسمته و خرسته نِظرات العقيد

و بهذلت أحواله  .

و بدم بارد نهره  ..

" أگول ولي منا أحَسن ما أجرم بيك "

الملازن هتف برضى تام ..

" أولي ليش ما أولي بَس قبل لا أولي

فكرت شراح تسَوي ويا خوأتها ؟ البنات

رفعن شكوى يم النقيب موسى "

كلامه خلى ابن الضاحي يتنهد بملل

من كل شيء ..

" تـولى أنتَ الشغله أني مو فِاضي

الهـن وأذا وصلت ويـــاك لفـقــلهن

تهمـَه وزيـَحــهن من طــريــقنــا "

عكف الملازم حواجبه ..

"مو مال نأذيهن عقيد على كيفك بهاي."

بلا أهتمام بشره رائف ..

" تصرف بلي تريده المهم زيحهن . "

ضل يشرب بقهوته .. بلا ما يفكر باللي

ممكن يصير لو نفضحت فعلته للدولة !

أو البيت نبراس !

و هالشيء يفهمه معاذ كلَش زين

و لذلك هو نطق اللي بگلبه و حجاه

" داتِجازف بكل شيء رأئف ومدري أذا

بالنهاية راح يَطلع الـحق ويــانا لو

علينـا "

بين الحَق والبَاطل لابد ما يكون

هناك رأبح و خاسر فأي مِنهم هو

العقيد هسه ؟

هذأ اللي أقتِتم وجهه كصَل البرودي

ما يمَس الحق دياره من عشرات

السَنين الراحلات  ..

من هسهس .. ومن لفض حروفه

بذكريات الماضي..

" الشخص اللي فقدنا يسَتاهل ارواحنا

معاذ فحق لو باطـل هالشيء دهستو

جوه بسطالي من زمان خــلي هذأ

بالــك "

جادله معاذ  .. بدى ما راضي هالشاب.

"و منـو گـال راح تعترف عليه؟

شو كلمة لحد الان ما حجــت  ! "

داعب حاجبه مره وياما عبث العقيد

بشعره  ..

" شگد تتحمل  ؟ أجرم بيها والعن ابو

الجابها بدربي اذا ما أعترفت . "

بطرف الملازم كلمه خاف يحجيها  ..

تسامروا بكذأ مهمه  .. أخرها حل الهدوء.

نهض معاذ ناوي يصعد الغرفته.. بس

صدت محاجره ناحية المستودع..

كل البيت مضوي و  دافي الا المستودع

رحمة الله قطعوها عنه  ..

هي ما ماكلـه من أيام و فوق كل هذأ

الجَو بارد حيل بهذي الأيام و ماكو فراش

يمها ولا غطا غير گاع بارده حيل..

صوت رائف طرأ  ..

" لا تِفكر تسويها ترى نتخارب فرد مره "

رجع بعيونه اله معاذ  ..

" على الاقل أفتح الها الحمام ترى

بنيه و تحتاجه يومين مقفول راحت

مثانيها  "

سخر  ! شيء بي جدح بقسوى  ..

"  هيَ ماكله شاربه تا تتأذى مثانيها؟ "

مالحك الملازم يجاوب و ضاف العقيد.

" و فوتك الها من ورى ظهري أحاسبك

عليها  "

شدراه  ! معاذ سنط قابض على أيده..

ما عنده علم بالكاميرات هناك  !..

اشرله أنصرف  .. و بقى كذا ساعة ابن

الضاحي بمكانه الى أن نهض رايح الغرفته.

لحظات على السرير وسد راسه.. و

تليفونه رفــعه داخل على تسجيلات

الكاميره الرابطها بالمســتودع  ..

صح ظلمة لكن ضوء الكاميره تنقل

بشكل مضيء تماما اله صورتها ..

{ عجل مثل كل ليلة وجهج ما ادحكو؟ }

سخر و ما بطل مراقبتها .. كانت ساكنه

وأي حركه ما الها  ..

"  غير الظلمة و البرد شنو يمها  ؟! "

و ما يدري لحد يا ساعة باقي يشوفها..

لحد ما تسدل عيونه و يغافله النوم

مثل كل ليلة الها هنا ببيته  .

ــــــــ

ٰ

في مكان ثاني..

حيث الحياة و بشرها مستمرين

بعيش قصصهم .

تليفونها يرن عقاب اخوها يتصل  ..

بس كل أنتباهه يم لـؤي بنت قائد.

"يعني ماكو أمل ولا واحد بالمئة

أنك تــقبل بيه لؤي ؟."

دار المقصود عينه عليها.. مو بيده شيء

غير يردها بدون مايلف ويدور وياها..

"ما أريد أچذب عليج ولا أوعدج بشيء

و اني أدري بالنهاية صعب أسووي ."

لمح عيونها غورقت بدموعها.. بس

ما رف گلبه عليها، بالنهاية رجل عصابات

هوَّ.. هالسوالف ماتهمه .

طارحته بسوال  .. البنيه رايدته و

بروحها مشتريته  ..

"  خاف تحب غيري  ؟ ما معقوله

ترفضني لؤي وأني راضيه بيك بكل

شيء . "

حتى صوته خلى من التعاطف وياها.

" همسات خلي الله بين عيونج

زلمه متلوث بالوحل لو تقدمت لج

ناس بمكانة أهلج الي ينـطونج؟ "

لمت حروفها ببعثره  ..

" أني أقــنعهم  . "

تفقد ساعة ايده و رمى الحقيقه..

"  أني مو مال زواج  .. هسة عايش

بعد ساعة ما أظمن نفسي بهل دنيا

ما أريد أورطج ويايَّ "

كتمت خيبتها  .. على جمالها الف

شاب يتمنى  ..

" لا تتحجج بالضروف  گول ما أريدج

و فضها. "

ثبت عيونه على عيونها  .. زلمه ما

تهزه مراة !

"  لا أحبج ولا راح أحب غيرج  !. "

لو صوبها بسلاحه ولا هالكلام منه..

قضمت شفتها  .. ذبلت و عودها أنطفى

منه  ..

و أخت لوسيل لهنا و اكتفت أخذت

خطواتها طالعه منا .. تحس بروحها

مردتها بوجعها..

تحبه من وقت طويل بس ولا مره گدرت

تعترف ومن أعترفت هسه تمنت لو أنها

ما أعترفت أبد..و بقت حبها بگلبها لا

من درى ولا من عرف..

و القدر مو صدفة بهل دقائق و ليث

أعترض طريقها..

"خير يحلوه معقوله أجيتي علمودي؟."

كل حرگتها بسبب لؤي طلعتها بـ ليث

من نترت بعصبيه

" مو ناقصتك ليث وخر من گدامي

خليني أروح . "

تروح  ! شبه تحلم  .. صف جسدها ويا

الحايط..

"أعترفتيلو مو ؟؟ ما رادج و رفضج؟

ولهذأ شايطه للستار بنت قائد ؟!"

رأفست بجزع تريد تخلص روحها

من بين قبضه أديه بدون فايده..

فوين تگدرله!!..

" أتركني ليث!! مالك شغل بيه هدني

ولا تتدخل بحياتي مالك شغل ..!!. "

و مدري شصار هنا!! من رفع أيده

و نزلت رأسها بخوف تسمع صياحه

وهوَ يضرب بالحايط البصفها..

"يخصني!! كل شيء بيج يخصني

همسات كل شيء!! و غصبا ماعليج!!."

هلعت.. صابها الخوف تريد تفلت من

يمه ماكو  ..

خاطبته و الحسرة بـ قلبها  ..

" ما عندك أحساس  ؟ الف مره رفضتك

كرامه ماكو  !   "

تلون بي البغض  .. تجرح بي  ! هيَ الما

تحس  ..

"  خليها بعقلج الغيري ما تصيرين

يجي يوم و بيها أذكرج "

حررها و أبتعد  .. و هيَ ما كذبت خبر

هرولت عنه بعجله  ..

ولمن شافها تبتعد بخطوات سريعه..

رقت عينه.. يدري مستحيل يحب

غيرها لو شما كثرت علاقاته بالنسوان

و هالشيء صار أمام لؤي الي تنهد ساند

نفسه على الباب  .. كسرها الخاطره..

يدري بصاحبه يحبها لذلك ما أنطى

فرصه الروحه وياها  ..

ٰ

ـــــــــ

.  المدائن  .

ما أعرف كيف وصلنه لهنا  ! أيدي أصد

بيها ضوه النهار عن عيوني  .. أول مرة

يطلعني لـ برى  !

مو مصدگه شيء غير الظلمة شفته  .

لكن أشعر بالغرابه !وكان الضوه هذأ

حيعميني، أحاول جاهده المح لون السَماء

بـدون ما أغلق جفوني لكن أفشل  .

و ما أدري ليش هذأ الرجال طـلعني هيج !

فجاة بدون ما يَخبرني بكلمه !

وأصلا بيا وقت أحنا هسه  ! ما أدري

شيء كل الي أدري تعبانه و بالف يا علي

واقفه بطولي  .

يا ترى حيَحررني ! لو هناك شِيء

مو بألحسبان بـطريقه ألي !

عقلي حاليا مَشوش من كل الافكار اللي

داتطرق صَخبي و ألاهم هسه من كل

هذأ هو خواه جَسمي الفِضيع ..

صوته حاجاني..

{ تـنعمين هيج نزلي عيونج للگاع .}

صديت عليه.. مجان يباوعلي .. سألته

( حــ تخلي سبيلي ؟.)

يمكن ضحك مدري أنجن ..

{ مسودن حتى أعوفنـج ؟.}

حط محاجره عليَّ و أني ما سكتت  ..

رغم حجايتي يا دوبها تنسمع  ..

( بــقائي يمك ما ينفعك بشيء  .)

قلص حواجبه كانه أنتبه على شيء..

{ أبــقي هيج }

رفعت حاجبي مو فاهمته  .. و مستكثره

النظرة اله  .

{ أحـچــي ويايَّ }

كان ودي أبصق بوجهه  ..

بالوقت الي رمَقها لوهله يتفقد حِزامه

و جيوبه..! هو ما جاب سلاحه وياه !

ناسي بالبيت ماكو غيرها !

و تنهد بضجر يغلق باب السيارة

بيَنما ياخذ جَوله للمكان من مَكانه

ولا أحد هنا سوى البساتين !

بعدها نظر لـ حنين حافيه اقدامها و

ما مرتديه شيء  ؟  عاد يهتم لا  ..

لذلك ما يبالي ببنت السراي اللي بدت

تـعبانه و بالف يا علي گادره أنها تِوگف

على رجليها، مرتعش جسمها بالكامل..

دار وجهه، تـركها يم سيارته بـعد ما

أنطاها نظرأت تِحذيريه يَدخل بعـدها

للبيت مره ثانيه..

ما طول العقيد سرعان ما رجع جايب

سلاحه وياه بس من وصل سيارته جفل

كل أثر ماكو لبنت نبراس !!..

تبسم بجنون.. داك چف بچف ....

{ طارت الحمامة من السجان  !}

من

لمح سوار رجلها على الارض شيء منها

بقى هنا  ..

تقرب العقيد  .. أنحنى و شـاله  .. من

صار يتمعن بي تاليته فره بين اصـابيعه

يصيح

{ يول هلا بالطير الطار مني و حن لدياره}

و صوت ضِحكاته يهز الاجواء عوض عن أبتسَامته

فوين تـظن نِفسها هاربه وهي بالگوه

يله تمشي مو عاد تركض ؟

وأثق أنها ما تگدر تـهرب منه  .. لذلك

تـقدم بَخطوات ثابته يَمشي بكل رخاوه

و هدوء صوب البساتـين هــنا  ..

فعلى أي حال مراح تنِـجوا منه ولو

هربت الــف مره فِمـا بالك من أول

مره !   ..

.  حنين  .

واقفه بلا حراك  .. و حجايته سمعتها

يول هلا بالطير الطار مني وحن لديارة !

من كتمت حتى أنفاسي لا تنسمع.. شفته

يتحرك بذاك الاتجاه  .. عكس طريقي..

ثواني و من خلف البيت تحركت و هو

بطريق وأني بطريق  .  .

صرت أركض  ..  و جسدي  ، نبضي،

كل كتر يرجف بيه  ..

وين أروح  ! ما أندل أصلا أني وين..

بقيت أركض و أقدامي سحقتها الجروح

شيء حجر شيء حديد مرمي هنا وهناك.

مو مهم لا توكفي  . صحت بنفسي  .

يا طريق عبرته ويا بساتين تجاوزتها!!

لان مدا تخلص .. كأن الطريق ما اله نهاية

ياخذني التعب و أتوقف.. بالذات من

دخلت گزازه بكاحل قدمي اليمنى  ..

بصعوبه خرجتها  .. و شيء من طيوف

العصر حــلت  ..

جبرتني أنهض و حاول أركض من جديد..

حتى لمحت شيء بيوت كانها مجهوره !!

و أسواق هنا! داخل البساتين  ..كانهم من الريف !! مو متاكده  !

و ما حسيت على حالي دخلت..كنت

عطشانه و أريد مي   ..

عزت عليَّ نفسي أطلب.. أيام بلا مي

ولا أكل دايخه  حرام اذا بقى حيل بيه..

لذلك ردت مي من أبو الاسواق  ..

كان رجال كبير  .. طالعني بغرابه!!

شبي خايف  ! حتى أنه سألني اذا عندي

فلوس أدفع ثمن المي  !

"  ما عندي  .. بس . "

قاطعني  ..

" طلعي منا ما مفتح أوزع ثوابات

للمجاديه أنا "

شصدمني  !! حتى الساني علق بسقف

حلگي  ..

هذأ شلون شايفني  ! ما ردت غير مي

بيا وصف وصفني  !

شفت واحد من الشباب سحب بطل المي

كان حيجي بتجاهي لكن سرعت طالعه

منا و حالتي حاله  ..

من وين اعيش هيج مواقف  ! أني

بنت نبراس أنطرد لان ما عندي ثمن

مي  !!  ..

مالحگت أحزن من الموقف و لمحت ذاك

العقيد  ! أنجنيت و لفت وين ما أدري  !

و شكد وقت مر  !..

كنت ألهث تعب و أركض بشكل جنوني

ولا أدري شلون گدرت أنُ أوصل للشارع

العام!!

فاللحظة حسيت العالم ضوه بوجهي.

وين صرت  !

  هالشارع مَملوء بالناس السائرين واللي

مُرتدين السواد  !

بدى الجو غروب و هسه بدأ الاذان..

ما أدري شكد صارلي أركض بس هواي!!

أتـنقل بِعيوني هنا وهناك كانت العداد

بـتــزايد من النسوان والزلم وحتى

الاطفال والكبار و هناك خِيم على طول

الطريق وناس توزع الماكولات بكثره !

يا مناسبه هاي  !

حتى وعيت على ألامر بعد وهلات لمن

أنتهى الاذأن وصَدح صوت قصائد حزينه!

و ناس ترحب  ..

" هلا بزوار أسد بغداد

هلا بزوار أبو الرضا "

ألتفتت حَولي أشوف زلم كانوا يَحملون

صَواني و ينطون للناس منها طعام  ..

حتى شاءت القدار.. هنا.. يصير

شيء..

واقف باحد المواكب  ..

عينه حطت عليَّ من أولها و هو يحجي.

『هذأ درب الزيارة و العشگ . 』

أشر على الوياه  ..

『 ما مش خير من الزيارة أذا ما يأدون

الصلاة خلهم يصلون بالاول  . 』

نظراتي صارت على تفاصيله ،

دشداشه سوده و غتره و بايده ســبحة.

خلاني أبلع ريگي بجفاء لمن شفته

يتقدم صَوبي وهناك عـقدة تـتوسط

حواحبه ..

خير  ؟..

.من صَار گدامي يَرمقني بـ عيونه

السود الوساع ..

『 شني مَضيعا الدرب ؟ ترى الوراج

مِضيف للزلم مو النسوان بعد أخوج 』

من وضعي و أرهاقي ما فهمت شيء من

كلامه ولا ركزت .

( عــفوا  ؟ .)

بايده الماسك السبحة أشر خلفي..

『 تــلفتي و شوفي شمكتوب 』

أستدرت أتنوع مقصده.. لگيت نفسي

وأكفه مقابيل مُضيف للرجال الـلي يـــادون

الصلاة والاخر يَستريح هنا من تعب

الَمسير  !..

همست الروحي مو اله  ..

( مـضيف للرجال  !  .)

طخ سمعي كلامه  ..

『 دامه للـ أزلام ما يصح توكفين

يمه 』

رجعت اباوعله .. وجهه نوراني كأن رحمة

الله كلها بي ..

فلت الساني ..

( مو قصدي .)

مسد طرف فكه .. عينه بعيني ..

『 يلا يــابـه مو مـشكله . 』

بس لا أكو مشكله.. لانه دا يدقق بيها!!

سافره ما ترتدي الحجاب حتى !

و بالتأكيد ماجايه للزيارة مثل الزوار !

بعض التراب على ملابسها و هناك جرح

بشفتها اليابسه كانها ما ذايقه المي !

ودم يابس باطرافها !

هي تبدو مثل لو أنها هَاربه من حرب!

شبيها و شنو الوصلها و جابها هنا !

و يمكن لاحظ بيه الهواي..  غافلني بمدة

المي المغلف الي  ..

『عطشانة على شربة ماي!  أرتوي

و أذكري عطش غريب كربلاء  』

غريب  ! أخذته منه و أرتشفت قطرات

و أحس حنجرتي مجرحه يأذيها المي  .

من بداخلي ذكرت الله بعدها أهل البيت

صاح صوت لحظتها ..

" يمه أبو ثـار "

ما كمل تِفحصه وأسَتنتاجاته بهاي الغريبه

حتى التفت صَوب والدته اللي تِقدمت

نَحوه مرتديه الزي الزينبي بعباءة الرأس.

" ها يمه خـير ! "

باس رأسها ما يدري شنو الاخبار هنا..

هسه وصل بعد ما أخذله أجازة لمِدة

يومين علمود يخدم بموكب عائلتهم

مثل حال كل عام بهيج أيام مباركه و

حزينه .

نبت اله الوالده  ..

" يَمه خلصنا هنا هم يالله نطلع لمضيف الجِوادين ونزور الكاظميه حتى أخوتك يگولون النهروان قـَفلت كلهم رأحو هناك"

هي كانت تخبره بهل كلام و عيونها

تباوع للواگـفه بلا حَجاب أو عباءة

گدامهم و گدام خلق الله و الزلم!!!

ما كضت نفسها عن السوأل ..

" خير يمه لا تگولي مَضيعه ملابسج

وأنتِ تغسلين بالمَصحات ؟  . "

شدأ تحجي هاي  ! أني لابسه ملابس مو

عاريه گدامها  !  من تقربت عليَّ تكمل..

" عاد كل شوي وحدة مضيعة شيء

عفية نسوان ناسيات نــفِسهن مـــثل

هالجيل ماشفت بس حتى لو مضيعه

حجابج ما يصير أطلعين مفرعه هيج

حرام يمه  "

كنت حـ أگول لا مو هيج لكن سبقني هو

بشك  !..

『 حجي الوالده صح  ؟ 』

لميت دماغي لموم  .. هذأ أفضل شيء..

( أي  ، يمكن ضيعتهن  .)

حتى أبو ثـار كمل عن والدته..

『اذا هيج شرفينا يم العلويه خلي أمي

أداريج . 』

حنين رصت أيدها .. حست من أولها

بالراحة اله ..

من أردفت رايده الامان ..

( أكون ممنونه منكم .)

حط أيده على صدره  ..

『 السادة بالخدمة يـابه 』

أشر أبن السادة لامه تاخذها منا ..

حرام اذا زاح عيونه عنها ..

العلويه سحبتني و تحجي بموده..

" تعاي ويايه لمُضيف النسوان وهَسه

من بـناتنا العلويات ندبرلج حِجاب و

غيره عيَب تبقين هيَج والزلم تِشـوفج

مَكشفه حيـل زحمه  "

زادت بسحبي و ما سكتت..

"يا صِدك يمه ويامن جايه تزورين

اهلج زوجج هنا ؟ ومن وين بغداد

مُحافضات ؟"

مو عادتي أكذب و أخدع الناس.. لكن

ردت أنفذ..  ردت أخلص من العقيد

باي شكل كان  .

و جاوبتها  ..

" ويا أهلي بس ضيعتهم وأحنا مِتفــقين

اذا أحد مِننا ضاع يكمل الطريق و بيوم

الزيارة ننِجمع ، و أي أني من بغداد

علوية "

ما أدقق العلويه بِـكلامها تجرها

وياها المضيف النسوان بداخل بيت بينما

تاشر لابو ثــار   ..

" يامن فدوة الطولك رحت جهزوا

السيارات . "

يـجهيز السيارات رغم أنُ المعني

بعدها عيونه على بنت نبراس ما دخل

كلامها عَقله ابد  .

و رغم أنه رجال يستحرم  .. لكن دقق

بيها بدون أرادته  .. حافيه و متاذيه

حيل  .  .

مظِهرها يجيب الشُبهات فاذا كانت

ملابسها انسرقت مثل متگول !! ليش

كلها كدمات ؟ أثر جروحها ماكو شيء

يخفيها  .

. نصف ساعة مرت  .

نظرت بالمراية على طلتي، عباءه ، نقاب

و بس عيوني ظاهرة .  . أحساس مهيب.

ما ظـنيت بـيوم  ممكن ارتدي هيج!

فحتى سابقا و بالمرات القلــيله اللي

زرت بيها العـراق وألائمه كنت أرتديه

الحــجاب بسيارة الــعائله على بــعد

مَسافات من ألاضرحـــه مـــو أكــثر  ..

بس يبدو أنُ الدنيا حابه تـعيشني

تجارب و ظروف ما تخطر على بالي.

لمن تنهدت .. أباوع على العلويه..

الي حاجتني  ..

" أگول يمه ما تِجيين تخدمين ويانا؟

أحنا طالعيَن للكاظميه وعدنه مُضيف

للنسوان وبناتي هم ويانا يرحن للخدمه

هناك بين ما تـلگين أهلج ! "

كلامها مِثل الثلج وسَقط على گلبي..

" ياريت والله اذا ما أثقل عليكم "

ابتسمت بوجهي بموده  ..

"  هاي لاخــرتنا يا يمه . "

حتى بـ لحظه.. صاحت وحده من

البنات.. أسمها ترتيل  .

" يمه يگــول أبو ثـار السيارات

جاهزه يــلا خيَـــطلعن النسوان "

النسوان المقربه من السادة بسرعه

أستقامن  ؟ بدى يعرفن مزاج السيد

أبو ثـار بهل موضوع تحــديدا  .. ما

  يحب أحد يتأخر عليه لو راد شيء  .

الكل طلع  .. مسكتني ترتيل  !

" مو ردتي تغسلين؟  فوتي للحمام محد

هنا "

ضبيت أيدي  ..

" كيف أعرقلكم و أنتم حترحون؟  . "

مدت فستان لايدي و حجت  .

"  منا حتى يتجمعن النسوان بالسيارات

أنتِ مخلصه . "

بين أوافق و لا ما رفضت،  هالشيء أشد

حاجتي  ..

خلعت أشيائي  .. و تركتها عندها  ..

و رحت داخله للحمام  ..

و مشاعر كثيرة محاوطتني  .. داتصرف

بشكل ما يشبهني  ! ما يشبه حياتي ..

مو وقت تفكير  .. صرت أستحم بشكل

مستعجل و كل مي يلوح جلدي يسحب

روحي مني من الالم  ..

"  شتسوين ضاله هنا ؟ النسوان

كلها طلعت چــا ما طـــلعيـن  ! "

كان صوت رجال و هيَ جاوبته..

"  شكم دقيقة هزيم فدوة بعد أختك. "

جادلها  ..

" أبو ثـار ضل يحجي  كلها بالسيارات

صارت يا شجم دقيقة بعد أخوج ؟؟؟. "

قبل لا تجاوبه خطوات ضجت  ..

صوته هو صاح  .. كيف عرفته  !

" ياهي بعدها هنا شسالفة ترتيل ؟  . "

عصرت المنشفه   .. و ما سمعت شنو

جاوبته  .. صوتها نصى  ..

ثواني فقط و سمعت حسه  ..

『على راحتكم موش مستعجل أنا

أخذوا وكتكم يـابه . 』

واضح عرف بيه  .. صابني برود من

المشاعر فضيع  ..

الى أن انتهى كل هذأ و صرت داخل

السيارة  ..

غربة مشاعر سرت بيه  ..

يا ترى نجيت  ! ذاك العقيد خلص

محـ يظهر گدامي  !  ..

من بدى الجو شيء خيالي هنا  ..

و رباه من تقلبات الحياة ! الصبح

كنت حَبيسة ذاك المُستودع و هسه

حرة الروح والجسد ورايـحـه المدينة

مقدسه ويا ساده و من أهل الله !

فعلا الدنيا ما تنحزر ولا يمكن تعرف

شمكتوب بحياتك بعد ساعات أو لحظه .

و سرحت بفكري هنا.. ملازم

أختطافي يـمر مرور الكرام و ذاك

العقيد لابد ما يتحاسَب و تنخلع عنه

رتبته !

" حَنين ! حَنين "

أنتفضت بفزع لصَوت ترتيل و هي

تنده بأسِمي  ويا توقف المُنشه بسَبب

أزدحام الطريق  .

استفسرت  .. لكنتي بارده بشكل فضيع..

"  فيَّ شيء  ؟. "

حسيتها تفشلت مني  ! مدت أكياس الي

" تفضلي أكل و نمنمات وكذأ أخوي

ابو ثـار من موكبنا دزاهن الج . "

فرقت ثـغري ! دزاهن الي !!

بس ترتيل سرعان ما أنتبهت .. تلاحگت النفسها..

"أقصد دزهن النا كلنا  ..  للنسوان كلها

مو بس الج.. يلا أخذيـهن . "

بعمري مخذت شيء من أحد.. لمن ملت

براسي أفكر !!!

حسيت بتردد هوايَّ   ، التفتت أنظره

على اللي بالسيارة.. كانت كل النسوان بمَحادثات ويـا بَعـــضهن و تــــاركـات

الـــمِقــاعد الأخـــيرة للشابات فقــط

من خاطبتها  ..

" شكرأ  . "

خلتهن بحجري و جلست بمقعدها  .

ولاني عِطشانه و جوعانه و لان من أيام

مماكله شيء رضخت  ..

من خلعت النقاب بخفه و بديت أتناول

البعـض بالشفعات  .. أحس معدتي  ..

   حنجرتي و حتى الساني يرفض الاكل  ..

بالگمة الثانيه و غِصيت و شحب وجهي ..

" لطفا مي  . "

ترتيل ناشدتني  ..

" أسم الله عليج  ، نسوانا لعدها مي

محتاجينه "

مدلها واحد و ناولته الي..  لكن كان

مفتوح  !!  وأني أنسانه تـتقرف من

كل شيء  ..

رفضت اشربه  .. حتى باتعس وضعي

ما تنازلت عن هذهِ التصرفات..  عن طبعي

لطلما أشمئزيت حتى من الطعام الي

ينطهي بأيدي اشخاص ما ترتدي كفوف..

من مرت ثواني أخِتبصت بيها النسوان

بهاي السيارة الكبيره و الكل بدى يدور

عن المي !!

رغم لو مدوا روسهم من السياره كان

الكل يطيهم بس.. راح عن بالهم  ؟!

من حجت العلويه.. بسرعه  ..

" نِسينا نصعد مي ! الاكبـــر يمه أنزل

جيب النا ، وحده من البنات غصت"

سرعان ما همهم أبنها الثاني لهذي

العلويه يلبي طلبها لمن راحت عيونه

ناحية أخته و حنين و بعدها صار

فورا يعبث بـتليفونه !

يرجع يسمعهم حسه ألاكبر..

" ذولاك نزلوا من سيارة أبو ثــار

منتظر و  رماد الصيني وياه "

التــفتن من خلال زجاجات السياره

المفتوحات  .. شخصين ناحيتهم أجوي.

منتظر شاب ببدايات العشرين  .. بيه

من السمار القليل.. و الشيء البارز بي

حواجبه المرفوعة  ويا عيون عَسليه

وأسعه بِـشكل مُلفت  .. و تجذب للنظر

على جبينه مرتدي

غتره خفيفه سودة خط عليها  ..

( علي ولي الله )

الاكبر ترجل علمودهم ، صارت وگــفتهم

قرب جامات النسوان و تحديدا يم

حَنين و ترتيل  .

المي بين أيدي صار  .. و عجزت أشكره

رطبت جفاف شفايفي أخذ نفس

بهدوء.. و عيوني سافرت لبعيد..

تحديد على َمنتـــظر و رماد  .. وجدتني

بعد تعب طويل أبتسم  ..

بدى رماد  مثل أيــوان مو عَجيب

يلقبوا بالصيني  .. أخويه كل البيت

يندهله بالياباني  .. ما يشبهنا بشيء

أيوان  .

من سمعت حجاياتهم بلا قصد..

" مَشكور بعد روحي فزعتلنه طيارة "

سحبه بغفله حاضنه، النسوان اللي

بالسيارة كلهن يتفرجن  ..

" خنگتني بعد أخوك  زيح أمشي

الكاظم عليك ما صارت حضنه "

العلويه طالبت  ..

"  الاكبر يمه لا يروح بيها هده عليك

أبو الحسنين هده  "

أستجاب لها.. فلته عنه و منتظر يحاجيها

"  علوية الله يسجل لج حسنة جان

كسر ظلع من ضلوعي "

بدت علاقتهم وطيده  ..

"  رحت الكم فدوة يمه عبن يحبك

يلاشيك  "

من أستمر الازدحام و أستمر كلامهم  ..

" أنا أخوك صَدك عود ؟ يعني وصَل

حدها وياه ؟ واني اگول أشبي أخوي

قفل جهازه بوجهي  "

أستند منتظر على السياره بنص جسده.

" أبو ثـار كالها لاحد يتصل بي يعني

حتى لو ضاع طفل ما تعرفونه بشارع  تتصلون بي شنو شسالفتكم!  . "

زاد ضحك الاكبر  ..

" مو مجربينه بس يدعي ناخذ مراد . "

منها أستغلوا الفرصه  .. ينقلون صناديق

المي  ..

لحَظــتها تبادل مـنـتظر ويا ترتـيل

نِـظرأت خـاطفه  من الغـَرام.. مدري

شكم سنه مرت على هالحب هذأ   !

و أذا الحياة حتـعطف عليهم و ينجمعون

فد يوم  !..

كومة عرقلات بطريقهم  ..أولها  أهـله

وثانيا الاكبر صديقه ..

عيني شهدت تصرفاتهم  .. بدى الحب

شيء طاهر  ، نقي بين هالاثنين  ..

حتى النظرة بيها حياء و خجل بينهم.

ترتيل حست على تركيزي و توترت..

صارت توزع أبتسامات  !! و أني شحت

وجهي عنهم حتى لا أحرجهم  ..

بس مطولت  .. شيء تلف روحي من

سمعت هالكلام  ..

" ودأعَـة فُراق الموكف العراق

و بـــغداد على تــك رجــل "

ما دريت شصار ويايَّ  ! وليش قلبي

أهتز على الاسم هذأ  !

" تعال أصَعد وياي أنتَ والصيني هذأ

ترى محتاجين رادود ويانا "

نظراتي تتوزع عليهم أبن السادة معترض

طريقه  و منتظر يجادل  .

" أبو ثار و الشباب هناك متانيني يمَعود"

بدى يلح عليه و ما تركه  ..

" أنتَ صَديقي لو صديقه ! ترى وألله

أزعل و أكضي منك التـــوبه ومـن

هالصيني المــا يشوفـنه وجـــهه "

بدى واضح هالمنتظر ملتزم دينيا ما

يريد يضيع زيارته و خدمته بسوالف

الحب ويا ترتيل بهيج أيام  ..

تحجج

" عمي زحمة السيارة كلها نسوان وين

أصعد وياك  ! "

دك صدره الاكبر  ..

"  على هاي واكف  ؟ چا مو سهله "

بدون تفاهم سَحبه وراه و هو يهز بايده..

" يأاخي لو مَرتك أني هم مالزگت بيه

هيَج هسة اليشوفنا شيگول؟  "

رده انسمع لكل النسوان  ..

"  خلهم يگولون صاحبي و أعز من

المراة الي تصير نصيبي بيوم "

الصيني رماد قلب عيونه عليهم  ..

"  وأني أجي وياكم أرجع لابو ثـار و

هزيم  !. "

زاوره من باب المنشئه  ..

" تـعال خويه تعال شموازيك ترجع

يمهم حتى الضحكة ممنوعه  "

دقيقة زمان  .. الكل بسيارة صار  .

قرب السائق جلسوا  .. من الاكبر نزل

ستاره خفيفه تمنع عليهم شوفة النساء.

أنطِــلقت المنشئه  ، منـتظر صـار يربـط

جهــازه ببلوتوث مـشغللهم قصَائد تخِص

القاصدينه  .

"أمــانة موسى بن جَـعفر

غريب وأنــتَ وطــن للــروح

غِريب أسَمه دوه المَجروح

غريب أرزقـــني عَليك ألنــوح

وقــــتي عـــليَّ لو ضــــأك

أنــــتَ هــوى العِــــشاك "

ريحت راسي على زجاج الشباك أستمع

بهدوء  .. كان كل شيء هادئ بدماغي  .

لكن على غفله منتظر هوَ الي بدى يقرئ

و أصوات النساء تردد بخفه وياه  ..

"يسجان السجن لا لا تسد بابه

أجت مواجَها للكاظم أحَــبابه

يسجان السجن فك بابه وأتأنه

عزيز وغاب لا رد كل خــبر منه

دورنا السِجون بكل كتر عَنه

مادري بيا سجن بالبصرة لو بَغداد

وبگيد الحَديد وقِسوة الدالال

هذأ أبن النبي وللناس باب مراد"

ازدحام و السيارة توقفت..  بعض من

الزوار ردد وياهم الكلمات  ..

من سيارة أبو ثـار بَصفهم صفت  ، عالي

صَوت السماعه منها يدوي بهل قصيدة ..

" هذأ الغريب منين وين أهله راحوا وين

مات بسجن مظلوم وبيا ذنب مسموم"

أجَواء مُختلفه لاول مرة بحياتي

أحِضى بيها  .. و رغم ما أحب الضجيج

العالي ألا هنا بدى كل شيء روحاني و

ما يتثمن  .

خصوصا لمن اغلب الزلم ترجلوا من

السيارات  .. مطول الزدحام هنا!

  منتظر و الاكبر وقفوا يم سيارة أبو

ثـار و باقي  شباب الساده حولها..

و الشيء الي ما يفارق السانه  .

" أنا ما أعوفك جنت مثل الجرف و لماي

لو صرت بــهجيره أقصد الــك يافــي

ولو ليـلي وكت دلهم أشـوفك ضــي "

" علي و هذأ الاسم يسري بشراييني

نــبع يالــماتمل شــوكك ريــاحني

عــتب وياك عــندي يراوح بعــيني

يمـن فــركاك كــدر صفوة سنـيني "

منتظر نوى يختم هنا لكن أبو ثار

نب بمطلبه  ..

"  أنا يالميمون من دونها ما مش

موكب يمشي منا   "

وين يگدر يرفض الرادود  ! زلم السادة

هواي متجمعين و الطم نصيبهم  ..

أخذ نفس و رفع أيده منتظر يبديها من

دك صدره ..

" أنه يالميمون بــيدي جدمتك و أنــخمش

گــلبي من رحت لحسين بـلة وداعتــه

والباري حسبي "

" بــقت روحي تلوب و أنتظر جيتك

و عـيوني تربي "

"جيتني خالي حسين چـا وينه راح من

أيدينـه "

الكل جاسه النبض بهل قصيده.. صوت

منتظر شچن بيها النفوس أطيب  .

حتى جذبني صوت ترتيل بخضم كل هذأ

" شنو رأيج بي ؟ حِلو رادودنا و

معدل مـو ! "

شفت الخجل بعيونها  .. حاولت اطرد

شخصيتي الباردة و أبتسم الها  ..

" تبارك الرحمن صوت و شكل و أخلاق  "

سكتت ما أستسيخ امدح أكثر و هي

نبت تريدني أجحي أكثر ..

"  أي  ؟؟. "

رميتها بصفنه  .. تذكرت خواتي بيها  .

"مو ودي أدخــل بس الحب بعيونكم

واضح  .. الي يركز بيكم يفهم هالشيء "

رجفت شفتها و هيَ تبشرني بخفوت..

" أحبه هوايَّ و هو مثلي أدعيلي تِصير

النه قِسمه لان أهــله نــاس أكابر "

لحظتها أبتسَمت بوجع  ، أخذني الحنين

لذاك الرجال اللي ما أعرف شيء عنه  .

سنين مرت من شفته ولسه أتمنى لو

ينعاد الزمن و أشوفه  .

من همست لها  .

" أمين، الله يكتبلكم البي خير

و يجمعكم سوا . "

ردتني متقربه مني أكثر  ..

"  دعوتج تستجاب يا رب  "

رفعت حاجبي الها  ..

" دعوة الغريب مستجابه  ! . "

ما مجربه هالشيء  .. أني أشكر الله

بس ولا مرة دعيت و طلبت شيء لان

مو محتاجة لـ شيء أبد .

. بعد وقت . مدينة الكاظمية.

خيال أخت ترتيل مدتلي حفنة أدويه..

"  اخوي گال البنيه مجروحه خلي

أدواي روحها "

أخذت الدوء منها  .. واضح حسوا بشيء

لكن محد فتح تحقيق وياي  .. ليش

مجروحه  !

فتحت ثغري  ..

"  مُمتنه الكم أني . "

ضحكت  .. اتمتم  ..

"  فدوة لعيونج  "

انعزلت بمفردي..  أبتديت أخلي المرهم

على الكدمات..  صعبه جروحي تنشفي..

و أصلا مستغربه كيف دا أتحرك طبيعي!

و كيف ضاغطة على روحي حتى لا

أبين شنو اليوجعني  ..

من الليل أنتهى و حل صبح ثاني و

خلص النهار  .. حاولت أسترد عافيتي

و رغبت أزور الامام  .

بعدها صرت ويا البنات  .. الكل يخدم

و مشغول هاي ليلة الاستشهاد  ..

ولان ما متعودة على أي شيء من العمال

المنزليه ولا تستهويني  ..و بيتا مليان

مساعدات تــتولى هذهِ الامور.. أكتفيت

اعالج و اضمد و أقيس سُكر و ضغط

بعـض لزائرات ألتــدخل للمضيف  .

من العدم حجت العلويه.. متقربه مني

" هاج هذأ التليفون و خابري أهلج

طِمنيهم  ،عرفيهم  على مَكانج وين

تلكين أمج رايحه روحها عـليج "

أمي تروح روحها عليَّ!! كتمتها بداخلي..

بشرتها بالحقيقة  ..

" مو حَافظه ، بس إذا أكو نت أگدر

اتواصل ويا واحد منـهم  ! "

كان حَساب ابو الحسن هو الوحيد الي

خطر ببالي  .. مو مدققه بغيره  .

همهمت العلويه  ..

" ماكو نت هنا بس اذا تردين سهله

روحي لمُضيف الرجال تلگين السادة

بي و بس تحاجين ابو ثـار  و داعتج

ما يقصر وياج يجيب أهلج هنا  "

قبَضت على ايدي من عرفت أبنَها أبو ثار

لواء بالجيش ما ردت أختلط وياه ولا

اطلب مساعدته  .

و هي ما سكتت  ..

"  أني اخابرهم محد يرد مشغولين

بالموكب و الزوار اريد بدربج تگليلهم

النسوان محتاجات مي خلي يجبون النا

الصناديگ "

اثر الوعيي وياها ماكو  ..

" ها خير وين صـفنتي يمه احجي

وياج أنا  ؟ "

وليش أرفض  ! أريد أخلص منا و أرجع

الاهلي  .. مو لانه عسكري معناتها نفس

ذاك الحقير  !

ليش متردده  ! روحي..  صحت بنفسي.

أريد اوعى شبيه ضايعه هيج....

و فرشت الساني هنا  ..

" تمام هَسه أكوله ، عن اذنج خاله "

و طلعت بعدها اعبر من الازدحَام

الحاصل بسَبب زخم الزائرين هنا ..

وصلت للمضيف  ..

و شفت السيد أبو ثـار بزي الرجال

العربي.. دشداشه سوده و بغتره تلف و

جبينه و صواني الطعام حاملها و البخار

يهف منها  ..

من أنتبه عليَّ .. عجيب شلون عرفني!

غير عيوني ماكو شيء واضح مني  !

صاح  ..

『 السموحة منج.. ما أطول أنـا 』

و دخل للمضيف ينطي اللي بايده للشباب البداخله و طلع بعدها متقدم صَوبها بينما يتفحص لبسها الزينبي  !

و يا الله على الاختلاف

و هذأ التغير المُحبب للعين ..

من ضل مده يراقب بيها .. يتفحصها

بشكل هو بذاته ما فهمه  !

و من شوكت رجال مثله ينظر لـمراة!!

هالعيون الزرگ اللي طالعه من النقاب

شصار و هزتـه !

حتى حمحم بصوته أبن النهروان

يسالها..

『 عسا ما شر أمريني مِحتاجة شيء ؟ 』

وقبل ما انطق بشيء خرج گلبي من

صَدري بذعر لذاك الصوت  ..

" اللوأء كيان ميرزأ الموسوي "

العقيد ..!

كان هو دون سواه بِزيه العسكري برفقة

معاذ و همه يمشون باتجاهنا  !

شلون .. وصل هنا ؟

للحَظه حتى التنفسَ بالگوه قويت

عليه..  هو الكون صغير هيج   !

معقوله هالعقيد عنده مَعرفه بـ أبو ثار

و الساده ؟

و بعدين ليش ! ليش كل شيء

انهِـدم و تغير فجاه !

من عصرت أيدي  متغير كل

تفكيري و نظرتي على اللواء هذأ..

( أمك العلويه دتطلب مي للنسوان

عــود جيبوا للمضيف أذا متــصير

كلــفة عليك .)

رمت كلامي و التفتت برعبَ أسرع

بمشيتي بين الحشود والناس المشايه.

مراح أرجع لمضيف النسوان ويم الساده

هَيهات اسويها  ..

أمشي و الرجفة دكت أظلوعي  ..

" مشافج .. و معرفج خلص "

ما فاد الكلام وياي  ..

"خلص كافي ترجفين حنين حبا بالله

مو بنت نبراس اللي تخاف و ترتجف"

عنفت شفايفي  .. مستحيل يعرفني واني

بهذأ الشكل  .. مستره شكلي مختفي..

بباب القبلة صرنا..  الجموع ضاقت و

الاصوات تصيح  ..

" على كيفـَجن زايرأت بلأ مدافع

رحمَة الوالديجن ترى زلم ويـاجن

مايَـــصير "

ما متعوده على هالأمور  كان الموقف

صَعب عليَّ.. و حسيت ضاقت بيه الروح والنفسَ..

و على غفلة زمان طحت بين أيديه..

أنسحبت بشكل سريع ومفاجئ من

عِضدي ،من أرتططم ظهري بصَدره مخلي

من الامتعاض يطَرق فوادي  .

و همسه يمي  ..

{ عود ما أعرفج وأنتِ مـلثمه هيج ؟}

و شنو هالجنون ؟..  قبض على ظهري

بصدره  ..

{ لو مو نـگاب و حِجاب ضِامه بــي

روحج أعرفج أعرفج يكفي أني حافظ

رسمة عيونج }

دكيت الوجع بالساني..

(  الله يلعنك.. اتركني  .)

و يمكن ضحك ؟ مدري استهزء يكمل

بهسهسته..

{ العقيد رأئف الضاحي ما يفتح الِقفص

للطير يول ما أضيعج مني }

مخلي الِجنون يطگ حوأَسي..

أرتعدت بجزع من رجل قانون يخترق

القانون  ..

و تحركت بعشوائيه مفرطه ! أصيح.

( عوفني . . عوفني قبل لا أصرخ

وأجمع عليك الزوار وخلي نِهايتك

على أيديهم )

لاف جسدي مقابيله ينطق بحقارة صوت

{ عجل سويها ألا أخلي معاذ و الرتل

الوياي يَخلون دمايتهم مَجازر هين }

الحقد والسَواد بعيونه ؟ هذأ الرجال

ما كان يهدد بكذب  !

( ما تگــدر  .)

تحداني بحقد مسموم  ..

{ جــربيــني  }

طحن أيدي بايده  .. على مفترق الشارع

أستسلمت  !!

بدى الامر يَشبه الموت ولا مكان

يخلصني منه

لكن لا  .. خلعت النقاب و دكيت صدره..

( متگدر ، هأي أروح ناس مو

شغلة تِحت أيدك، أصلا ما تفلت منها)

أني أهتزيت و هو ما أهتز بي شيء!

ماكو بنظراته غير الصلابه  ! السواد..

خصوصا من ضحك يحجي بكل

أعتياديه..

{ أگدر و أعلى ما بَخيلي أركبو هين عبن

دربي مو نِـفــس دربـهـم مايهَمـني شيء}

ما ادري أيا أحاسيس راودتني غير

القرف و عدم التصديق منه  ..

ربطت عيوني بـ عيونه  .

( أنتَ حتى نـار الله مِتبريه منك

أبن طيــنة زفره حقــير وحيوأن

ونذل صدگني هم قــليل بحقك )

و من حجيها بالگوه تحكم بنِفسه رائف

بسبب أحتشاد الزوار حتى ما يلعن

شرفها هنا  .

من ميل برأسه يرمقها

بغضب و بتحذيرات لا نهاية الـها

نطق..

{ تعاي ويايَ مثل الشطوره وبلأ لعب

الجهال هذأ يابنت السراي لان صَبري

اذأ خلص طشاركم يَصير ماله والي.}

بلحظه ادنى أكثر ناحيتي وبـ لحظه

نزل من طوله يوصلني..

{و صدگيني الكل يعرف العقيد رائف

جهاد الضاحي بجهاز مكافحة الارهاب

شنو بمگدورو يسوي لو راد }

بادلته النظر بحِقد و بس الله يدري

شگد صرت أكرهه و أشمئز من شوفته

وحتى من عطره  ..

و ليلعنه الرب و ملائگته ~ و كل

أهل بيته .. أمين ، فما حقدت على

شخص مثل مصرت أحقد عليه .

و لحظتها و حتى بِضرف مثل هسه

وهذأ وجت بدِماغي فكره ~ عن نيل

النجاة منه  .

( تمام بَس بالاول أزوار الإمام وهذأ

شرط مو طلب منك )

هنا أبتسَم بِأستهزأء مني و رفع

حاجبه مضيق عيونه و منتبه لهاي

النقطه هسه  !!  يسالني...

{ يول شيعيـه ؟ }

على سخريته أبتسمت  ،بعيوني صَوب

قبة ألجوادين أنظرت  .

( على ولاية علي وقعنا أروحنا بدم  )

و كلامها سوى أصَتدام قديم و

بسببه أبتسامه خفيفه زارت شفايف

العقيد الي همس..

{ حتى بهاي يا بنت نبراس مُختلفيــن }

  فما كان مَذهب هذأ العــقيد سوى سني

رجال بعــيدأ عنها فِكريا ..  رغم عدم

رغــبته بالــخوض بـحَوار مثل هذأ مُنذ

الازلِ لانه حتى ويا مذهــبه الـسـني و

شرع الله و كتابه مبتـعد دينـيا و بحياته

ما لــزم قران أبــن الضاحي ولا يـوم

دخل جامــع و صلى .

. ⇜↜𓆩H𓆪↝⇜ .

ٰ

ٰ

ــــــــــــــــــــــــــــ الروح ويا النفس الكم🦋

❥

الملتقى باذن الله 🤎

. 🦋 .

ــــــــــــــــــــــــــــــــ ﷽ على ذكرى نبدأ

.

التوهان قربان هواك 🕊

بـقلمي - سينارلاين علي 🦋

. 🦋 .

عليَك من انسَأل تصفِن بروحَي سنِين

. 🦋 .

. . ⇜↜𓆩H𓆪↝⇜ . .

ٰ

مُـتعبا الروح من سـِفك العِتاب

ماكو ملاذ للمرهقون من طَعنات الزمان

ذولي ألي قادتهم مُختــلف الطــرقات

للـقــاء بادين المشي خـِلف عـــتبات

الأحـِقاد . . ما يِتـركون خط للرجوع

حارقين كل الصَفحات بسِوء أفعالهم

مثل هالعقيد تماما .

ايده مشابكه عضدي .. على وجهي مسير.

{ رتبه و هالله هالله كل عقلج تضحك

عليَّ وحده مثــلج ؟}

ما ترك لي فرصة أسووي شيء .. ما

شفت غير أيده تكتم ثغري و ضربه فقدتني

أحساسي .

الطير الطار ما فرج عنه .. رجع

خايب و قيد ينتظره .

رحل الوقت . .

صوت أنفاس يم وجهي قريب ! ولمسة

بارده تمر على تفاصيل عــنقي كانها

حلم عابر !

بل كابوس قــبيح ! .

أهدابي أنـفتحت و صدى نبضي أنطعن..

على شوفته بكل هالقرب مني .

ردت أنتفض عنه ماكو مجال ظهري صدر

مقعد السيارة سانده و جسمه كدامي.

{ شـما تــعالجين جروحج أرد وأفتحها

الج من جديد }

صفعت أيده بكل وعيي ..

( الله ياخذك )

ولا تـغير من جموده ولا كتر عطف بي..

{ ياخـذني أنتِ بس أصـبري }

سكبت عيوني بـ عيونه . .

( مراح تــعدي عليك على خير .)

عكس كلامي و تهديدي نزلق أنتباهه

على طول شــعري .. و مشى أنامله عليه

{ الشعر حدر السيقان يچـوي }

و حرام أسكت لو ما سد ثغري بايده..

و منع عني ألكلمه .

{ اشش نفس ما أسمع منج }

تحول ! شخص أخر بالحظه صار ..

يوزع سمومه و حقده بوجــهي ..

زاد بكتماني .. حسيت بالم أسناني وأنها

ممكن تتكسر .. ولا نفس ينعش رئتي..

باغتنا صوت ..

" رائف جبتلك الدوة و... "

كان معاذ و هو قاطعه بانزعاج بلا ما

يشيل تركيزه مني ، بل ما يتزحزح نتفه

" خليهن بالصدر و توكل . "

هالشاب عيونه علينا .. حاول يساعد!!

" عقيد لو تهدئ الابنيه راح تختنگ

هيج و.. . "

بدم بارد نهره من التفت اله ..

" من شوكت تتدخل أنتَ ؟ غدي من

هين . "

يمكن حاول ! يمكن راد بس تاليته نفذ

مطلبه و غادر . .

من وسدت ايدي على صدره .. جو

بارد و الدنيا ليل .

سواده تبع مسارها .. أخذت تركيزه

أصابيعي و صفن هواي .. بشنو فكر !

ضرب خده بباطن السانه و حررني نازل

من السيارة و صرت أسترد بالنفس

أطلوب ..

منه شيخلصني ؟

دوهني السوأل .

تحرك بالمصفحة بكل سرعته منطلق،

لوين حأرجع ! لوين حيهيم بيه مأدري.

كل الي أعرفه مـبتــعدين عن الكاظمية

وسـَـط عَـتمة هــذأ الليل الــكئيب و

المَوحش عليَّ ..

و ماكو غير فستان أسود تمسكت بي

من سَندت برأسي على الجامه .

أبحلق على الشوارع الي يَعبرها واحد

بعد الثاني . . و هو دا يـطلع عن بغداد ؟

من صابني الخوف.. عن الجاي..

( هاي وين رايـح بـيه ؟

ترأك دا تــعبر بغداد ! )

صَوتي أمَتعض مثل روحَي فوين رايح

بيه هالرجال هذأ !

اللي غلق جـَفونه بِتهكم و فتحها

منزعج مني ...

{ لا تـسَمعيني صَوتج وأذا تگدرين

حتى نِفسج لا تسَمعينياه فرد مره }

لويت أيَدي ما يَشع حولي سوى الظلام

و سوى شخص ما أدري شنو الحَل وياه!

من كزيت على أحروفي اتكلم بنبره ما علت.

( گـُــلتلك مالي علِاقة مو فاهمَه شيء

ولا أعرف شي فـه خلص أفِتهمها عاد )

بهدوء أستوطنه حذرني ..

{خــليني مسيطر على روحي لا دوخيني}

أبتلعت الذعر ، ما أكتفي من التِنفس

بثقل مثو لو أنه عـنقي انصَاب بشرخ

من قبـَض العقيد على مُقود القياده و

التـِفت ناحَيتها ، و خِيط من الصَوأب

بعده بـعقله و هذأ زين يعني ؟

{ تـِعترفين صدگيني نهَايتج تِعترفين ،

ما أكون رائف أذا مَخليتج وحده وحده تزوعيــهــن و تخــَرطيــهن يــمي عن

الراوي ذاك ، أنـــتِ بس أصَــبريلي }

فرقت ثـغري .. و ضربت مقعد سيارته.

( ماعندي شيء أعترف بي ما عندي!! .)

ما تحمل هوَ صف واگف و عتني من

أذراعي يـنتر بيه باعصاب.. وغضب عارم

{ تالية حبج وياه وين ؟ شكد ما نكرتي

أخرها تـعـترفين .}

أنفاسنا تـتضارب ببعضها .. أي جنون

حل بـينا !

رديت و الگلب مـهموم ..

( خلصنا ضالتك مو يمي لا تـضيع

وقـتك ويايَّ .. ما أعرف الراوي "

سكتت لوهله تجر النفس جروح ..

( مـنك حررني .)

صفن بيها العقيد، أيا عيونها و النظرات

من طرف شفته أرتفع مغاويها ..

{ أحررج يـول و ترحـيـن عني ؟!}

مدري شراد يلمس من وجهي ! ما خلتيه

و غيرها ماكو بالساني .

( الله ياخــذك .)

حررني و رجع يسوق المصفحة .. و هو

و لسانه يوعدني ..

{ غصبا ما عليج تـغردين كل شيء

عنو تـسردينو يمي .}

هزيت رأسي.. قضمَت شفتي وأعتصرت

قبضتي ألوب بَجزع منه.. هالرجال ماكو

عقل برأسه حتى يفـَهمني !

( أنتَ مو معقول .. ما اعرف منو

الضاحك عليك و تركت الدنيا و أجيتني)

على ملمس الظنون دوهني ..

{ عــليش تــعبين نفسج و تعبيني؟ }

مسحت على أيدي .. و من دريت ماكو

حل وياه.. اختصرت .

( لا خير ولا شـر والايام بَيناتنا كلمة

وحدَه من حلگي تـفيدك مِتسمع لاني مو

عارفه شيء ولا أدري منو هالراوي هذا)

ملت للهَدوء بالي گُلته و مو كذابه مـا

أعرف شيء عن الراوي هذأ فمراح يتجدد

شيء بهل قصه..

و على طاري الراوي غرق بالي بي! منو

هوَ؟! صار السبب الرئيسي للي دا أعاني!..

و وسط هالتفكير .. أجاني صوته..

{ ما تعرفينو ؟ والله حلوه لو ما

عندي الـج صــور ويــــاه !}

و من صعقه الي بهل كلام بقيت أباوع

عليه بضياع..!!

صور الي وياه؟.. مستحيل ! سنطت

مخروسه و مغيبه عن واقعي ..

( صور أيش تجمعني وياه ؟ .)

ما كلف نفسه يداري عدم فهمي ..

{ هالمسرحيه ما تفيدج بشيء يول

أستـسلمي }

عدت سوالي لكن تعسف و نهرني رافض

يجاوب ! ..

حتى تـِسلل الصَمت الطويل بينا.

تنِـقضي الساعات على هذأ الحال..

و صدري منقبض.. أبصر الفراغ

مِتسأءله عن أي هاويه دا أنرمي ألها ؟

و أخطئت ما كان لازم ارضخ له !

بس هو هِددني بالناس ! كان حـياذيهم!

كان حسويها ! بلى رجال مثله سيئ

ألخِلق و الأخلاق يسويها !

بس هسه ولا أحَد هنا ! على منـو

ممكن أخاِف !

سالته ..

( مراح تــتركني ؟ .)

غصن ماله شجرة غريب ماله بستان

يضمه من حجاها .

{ لو تـنطــبك سماءج بأرضج

ما أســويها }

على ملامحي أنرسم صعيق فاتر .. ما

خفت النفس ينتهي هنا ..

من مديت أيدي بِخفوت ناحية باب

ألمصفحة أمـِضغ ريــگي.. أرمي بنظرات

عَيوني على اللي دا يسوق ،باله مو يـَمي!

صح مو ســهله .. صح مجازفه..

لكن ولا واحد من عندنا يَريد أنُ يمَوت

، ولا واحَــد من عندنا يريــد أنُ ينسجن

ولا وأحــد من عنـدنا يـقبل أنُ ينـــهان

ظـلم و بلية أســباب ..!

و أني بـنت نبراس السراي هذأ الرجال

الــلي بعمره مرفـــع صَوته عليَّ بيوم

هيهات أقـبل بأسري يم عـقيد بلا ذنب

ظلــما و زورأ و فوگـــــاها أنــهان؟..

و كانت لحِظات فقط لمن أسـَدلت

جفوني ورتلت أسـَم ألله بـَگلبي ترتيلأ.

تِمكنت من فِتح الباب و بلا أنــتظار

و بشكل مجــنون رميت بـنفسي من

سيارته غير مــهتمه بشيء ولو حياتي

تنتهي المهم ما أبقى يمه .

أنجرح ، أنخدش أو حتى تلِتوي كاحِل

ساقي ، كان هذأ ولا شيء گدام شِعوري

لـمن وگـف العقيد مصفحـته و تـــرجل

بَجنون منها .

مرتعد صمودي بدوخه.. كل جسمي

تكسر ، صرت أجول ببحلقتي.. محد

هنا !

بس طريق مهَجور ! غاب البشِر عنه

و الليل غطى السَما والارض ، حتى

ضــوه لاي مَصــباح ما كـان يــمرنا .

على بغته توقفت خطواته .. سند

نفسه على سيارته و صوت الجداحه دوى

{ لو بــيج شيء سالم أركضـي

الج 60 ثانية تا تـهربي مني }

شاشوف منه ! لهثت بوجع أغرس

اصابيعي بالتراب ..

لكن شگال ! لميت روحي عنوه.. ردت

أهرب ! ردت أگـوم وأن كان جسَدي

متكسر و موجوع .

و ســويتها استقمت بالف ياعلي .. لكن

صاح ..

{ يول غـيرت رايي 3 ثوانِ عوض

عن الـ 60 }

حيل ماكو .. شحت وجهي مثل خطواتي

أريد أركض و أخلص منه ..

بأول ثلاث خطوات أركضت..

بدى حلم بعيد الطريق ..

بدت روحي تركض و رجليه بمكانها..

شيوصف شعوري هنا ؟ قبل غيري

عافيتي خذلتني .

و يا ترى گدرت أهرب و صار هالشيء !

لا مصار لـمن حسيت بي صار خلفي..

عطره ، صوته و بحته ..

ظهري الي أحتوه صدره ..

{ وين رايحه عن رائف يست الحِسن ؟}

شبيدي گدامه غيرها .. سديت عيوني

بوهن ..

( عــوفـني .)

ما كدت أخلصها و ضـِربه قويه بعكـس

سلاحه على رأسي من وره خلت جسمـي يَـتهاوى على الگاع بوجع ..

أنحنى قربي.. أيده تجاسرت تقبض على

شعري لكن بترافه !! .. وأحس سخونه

الدم عمت دربي..

أخر ما سمعته منه ..

{ للعقيد غيري مالج بهل دنيا مكان .}

و غيبت اشراعي .. لا صدى ولا احساس

غير العتمه وانفاسي الي سكتت .

ٰ

ٰ

ــــــــ

. باحد شوارع بغداد .

ثلث من القمر ساطع .. و سحاب الغيوم

مطرود .

بين السيارات ، و ضوضاءها كانوا

هما الاثنين بسيارتهم صافين ..

و بدى على ملامحه نظرة محتومه..

عيونه الخضر بيها نظره تشبه الغارق بالزمان ..

هالرجال الي من النظر اله ينتابك شعور

- انه مراح يتكرر ..

شخص نولد لاول و أخر مرة !

دنياك مراح تجيب منه .

تكلم الي وياه .. بدى بي من صفاته

نسخه ثانيا ! ..

" رجعت على مودك ! برايك ليش ؟ "

من زجاجة سيارته عينه تنظر.. الشارع

مملوء بالضوه ! .. شيء فقده من زمان

و الثاني كمل ..

" سمعت هالشيء عافت بريطانيا و

سكنت بغداد الخاطرك !. "

بارده لو ميته شبيها عيونه من التفت له!

" تشوفني ساكت و مدأ أحجي هاي

شنو معنــاها ؟. "

أستهزى مدري أمتعض يساله !..

" تخصني لا تجيب طاريها ؟ . "

سخر .. على أعتابه لوعة حزين .. من

ضاف

" و دم أختي تنساه ؟ "

غلق عيونه الراوي .. على صوته نغمة

و لحن شجي .

" لو ناسيها جان ما بديت كل هذأ . "

و ساد الصمت .. مجرى الذكريات ما

أنطفت .. اثر حزين على الملامح أنرسم.

أدحرجت محاجره صوب الحمامه

بقفص حاطها ..

بدت تريد أطير .. من مد ايده الها

الراوي و فتح القفص للطير ..

طارت من شباك سيارته لبعيد و بقى

هو يراقب .. أثر الها ماكو تحررت.

من عبث بسلاحه .. الحده باطباعه

مزروعه ما سكت الثاني .

" مراح تسكت عن حقك ؟ ثــار

أختي و ثـــار مرتــك و أهــلك ! "

فر المسدس كانه يفر سبحه .. متوعد

" هم الي شعلوا النار و أني الراح

أطفيها بعد ما أحركهم بيها . "

بدى الثار و الانتقام عنوانه ..

و درب الهوى و العشگ غلق بيبانه.

من نزل من السيارة منطي توجيهاته..

" أتصل بموهان خــلي يحرك الشباب

طير يفر بجناحاته بدون أذني ما أريد"

هتف له الاخر ..

" محلوله ، المهم أنزل وياك اخاف

تحتاجني "

كل شيء بالشارع رد و الراوي ما رد..

أخذ طريقه بين الشارع بين ضواه و

بين ايديه الي محــشوره بين جيوب

معطفه الاسود ..

الداخل الفندق صار ، ماخذ خطواته

لـوجهته .. امام واحد من الغرف صف.

طرق الباب .. كذا مره يلا أنــفتح ..

بوجه بارد خالي التعابير القى التحيه.

" السلام عليكم . "

صاحبة الغرفه رجال سياسي !! هذأ الي

تحنط وجهه يرد السلام !!

" وعليكم السلام ! منو أنــتـ.. . "

ما كمل جُملته و وقع على الارض مقتول

برصاصه كاتم أنغرست بجبينه .

و شخص اخر غادر الدنيا على أيديه.

من ما كلف نفسه يبعد شيء دار وجهه

مرجع اسلاحه لجيب معطفه .. ياخذ

طريقه من الممر ..

صاحب الفندق من بعيد واقف.. أشر له

الراوي .. تولى الباقي و أخفي .

و راح طالع منا بكل سهوله .. ولا كأن

سوه شيء .

و بين السماء الي أخذت نظره منه و

بين الهوى الي يتمايل بــهواده على

أطـــراف شـعره سمــع شــيء ..

" مي و علج بربع مي و علج "

سلط انتابهه اله .. طفل ماسكهن بين

ايديه و يصيح ! .. يفتر بين التقاطعات

مثل هواي مرو عليه ..

أشر بايده و نده له الراوي ..

" تــعال لهــنا . "

تفهت ملامح الولد .. يسأله !

" تـشتري عمو ؟ . "

رفع حاجبه أبو عيون الخضر ..

" لعد اضحك عليك ؟. "

سرعان ما أجاه الطفل فرحان.. مسرور

و ما سكت .. بدى صاحب السان طويل..

" شتريد مي لو علج ؟ "

انحنى الطوله الي على جماله الليل يتغنى

" الاثنين و كــلهن "

عيد و جابه الله اله .. أبتهج هالولد

و بشره ..

" عــندي بعد وين ذيج السيارات

علج و مي عـــادي تــشتريــهن ؟ "

قلص تعابيره الراوي ..

" تستغلني تريد يولد ؟ "

أستعمر الخوف بداخله .. هز راسه..

" أشتري بس ذني ميخالف. "

صفن عليه و على عيون الراوي روايات تنكتب ..

" شأسمك ؟. "

هالولد أخذه الواهز بالحظه ..

" نهروان . "

أستعدل بوقفته الثاني و بشره ..

" روح جيب الباقيات حتى أشتريهن

منك "

حرام أذا راح .. هتف بشك ..

" خاف أروح و تشرد ما الكاك ؟ "

طرف جمود بنظره رشقه ..

" تروح لو لا ؟. "

الف مره هز رأسه ..

" رايح رايح . "

راح يهرول بكل سرعته.. و خايف يرجع

و ما يلكاه .. يضحك عليه مثلا !

كانت وهلات و رجع مخلي صحبانه

ينقلونــهن وياه .. و من المــح الثاني

نهروان ضـحك فرحان بي ..

تـقرب اله .. و مد ايده ..

" ذني كلهن .. يلا أنطيني فلوس "

خرج من محفظته كم ورقه واله مدهن..

لكن نهروان قلص عيونه عليهن ..ما مقتنع

" تضحك عليَّ؟؟ ذني مو فـلوس

ذني ورقات رجعلي المي و العلج

ما أبيع الك "

السان طويل بس غبي ! هذأ الي فكر

بي الراوي ..

كلمه ..

" روح لاي اسوق هنا و صرفهن شوف

شيكلك "

غير يقتنع ! لا .. جادل ..

" أني شايف الفلوس ربع والف لحد

الخمسة وعشرين ذني مو فلوس "

دفع شعره الراوي ..و بهدوء شديد حاجاه.

" أستر على روحك ولا تضوجني "

نهروان باوعله .. و باوع الصحبانه

و عقدوا أجتـــماع طارئ بوقــفتهم ..

واحد يگله يضحك عليك هاي أوراق

والثاني يصيح ذني فلوس أخرها تقرب

من الراوي و رجع يهتف ..

" راح اروح بس اذا طلعت تضحك

عليَّ أسـ... "

ضاع الحجي بثغره من نظرات المعني

و خاف منه ..جاوبه متلعثم و بكل أدب.

" أنتَ أبقى هنا بس أشوفهن و ارجع . "

و من جديد راح يركض حتى يتاكد ..

مرت كذا دقيقة و رجع مسرور .. عرف

بيهن فلوس و هوايَّ ..

لكن ما وجد الثاني سأل صحبانه ..

" وينه ذاك الزلمه ؟؟ "

جاوبوا بحيره ..

" أخـذ بس بطل مي و راح . "

تنهد و ضب الفلوس بايده .. يباوع

لكل أشيائه هو دفع ثمنهن و ما أخذهن

منه !..

ــــــــــ

ٰ

ٰ

. بواحد من المقاهي .

سد الخط موهان .. ساحب جكاره من

باكيته .. ويا أول نفس صرح ..

" الرواي طلب خصم الكلام وياهم أذأ

ما تـــادبوا و جـرو عدل خلصوا عليهم

وفضوا السالفه من گاعهـا "

نزل كوب قهوته اسمر .. أول مره يريد

صلح !

" و أني شگلت موهان ؟ الجو حاليا

محترگ خلي نطيهم فرصه ثانيه ممكن يرضخون النه و نكِسبهم الصالحنه "

هز الثاني راسه..

" نكسبهم الصالحنه؟؟ جاين لفو لبغداد

والله تعالوا يا جماعة الراوي نتعاون

و نـــتقاسم المالات ؟؟ والله نـــشد

گرون اذا هيج "

تملكت منه العصبيه و أشر ببهامه..

" تالي وكت زعاطيـط تنافس الاكبار

هيَ بغداد من الاول النــا أحنا أهلها

و أولــه بالسيــطره عــليهـــا "

تشنج الجو .. لؤي بحكمه طرح فكره .

" هواي أطراف دخلت على الساحه

و هم من بغداد أصلهم هنا نحتاج

سياسه الــكلام مو عايزين أعــداء

القائمــة متروسه "

بعثر دخانه أخو الراوي ..

" لك بابا اكو ناس ما يفيد وياها

الكلام الطلقة يلا توكفهم عند حدهم"

جديده عليهم !! لا .. أستفسر مهند..

" أخر المهمات شنو ؟ . "

دك الميز موهان .. متعصب طول عمره!

" الراوي بالحرف الوحد گال باجر أريد

خـبر موتهــم يوصلني غير هالشيء

تعرفون شيصير "

سَحب الكوت أسد من حس الجو برد

يلبسه من مهند طكها ضحكه ..

" صاحبنا ناوي يخلص على كل أعداءه

و أحنا النبـــتلي هنا تعال أگــتل هـذأ و

أذبــح ذاك و أخــطـف هــذيــج "

بادله لؤي ضحكته و بعدها تنهد يمسح

على للحيته الخفيفه و يردف بهدوء..

" الراوي ما جبرنا أحنا بنفسنا ردنا

نصير وياه و ندري شنو نهاية هالطريق

من البداية "

و ما ينكر أسمر كلامه..

" أي والله أحنا الي أجينا وياه والمهم

مو نادم ولو رجــع الوگت هم أرجع و

أصير ويـــاه و أمشي بهـــل طـريق "

عصفت بينهم لحظات من السكون ..

الراوي بالنسبة الهم صح و غيره خطا!!

المد ايده الهم وقت العوز .. الي لفح

حاجتهم و فتح باب العون يستاهل يكون

صح ولو وحل الذنوب محاوطته ..

شراي الخواطر ولو مجرم كان عندهم

أفضل من بياع الخواطر الما عنده ذنوب

حتى سحب موهان سلاحه مخلي بجيب

سترته الداخليه گايم من يمهم وهو يحجي

" خلصوا الشغله مثل مطلبها اخوي

حتى ماينـال العقاب دربكم سوواها

مجازر ، شـــوفوهم بغـــداد المــن "

غمز بنهايه كلامه لمن ضحكوله و عافهم

طالع من المكان .

و بين سالفه و بين ذكرى مهند و لؤي

طلعوا للمهمات ..

ملاگيهم أشگر و ذمار وين ما تواعدو ..

أبن ايماني هتف .. من لمح سحاب

الغيوم بدت تنتشر .

" غاح تمطر "

ذمار أبتسم بمحبه اله ..

" عادي أنطيك قمصلتي "

ما لحك يجاوب و لؤي فتح باب السيارة

متحرش بـ أشگر ..

" شخبارك يحلو ؟ حتى لو تمطر

أدفى بسيارتي.. والا أگلك تعال بگلبي"

زفه المعني بلهيب محاجزه..

" غاح أفلش أسنونك . "

هز كتفه المقصود ..

" عوف الغاح و تعال أصعد دوختني "

محد صعد .. ذمار استنكرهم ..

" ليش كله بالليل مهمات؟ ليش مو

الصبح و على ضوه الله ؟ "

نب مهند و السويج يفتر بايده..

" نبوك نقتل بالليل اذا بالنهار جان

من زمان قرأءو فاتحتنا .. ويلا صعدوا

كافي حجي "

دقيقة من السكوت .. بعدها دقيقتين.

" العقيد غياث ؟ "

عاط بيها أشگر أول مصاروا بالسياره

و كمل ذمار

" رحمة من ربك لا تگولولنه نگتله

وين نكدرله ! "

رمقه لؤي بكل برود و هو مكمل سياقته

و حجى

" لا أطمئن كل القصه محتاجين ناخذ

منه كم ملف يخص مطلوبين و هاي هيَ"

أندار عليه مهند و سمعه الي أجى

بعـقله و السانه . . .

" الله يعني يروحوله و يگولوله سلام

عليكم عقيد غياث أذا متصير زحمه أنريد

ملفات بعض المجرمين الموجوده يمك

و من يسألهم ليش يجاوبوا والله لان

الراوي يريد يسويلهم سفره الى الله

و يدللهم بنفسه "

نهره لؤي .. " مهند أنصم "

و طبك سيارته قريب عن المركز ..

و ألتفت على اللي گاعدين وراه..

" يلا شرفوأ و منا لكم ساعة أريد

المُهمه منتهيه "

نزلوا و أشگر تقرب من شباك السيارة

ممتعض ..

" هيج بلا خطه !"

صفن بيه لؤي حيران ..

" هم عــوزها نســـويلكم خــطه ؟

صدك چذب موهـان و ليــث أشافوا

بيــكم و جابوكــم الــنــه ؟! "

أشگر تغاضى عن أستهزاءه و فرش

الحقيقة ..

" تغه الشغله صعبه نـغوح هيج !

غـيغ تـنطينا معلومات لو شيء أكثغ "

و حقه ما يعرفون شيء عن العقيد غياث

غير أسمه و رتبته و بطولاته همه حتى

شكله مشايفي !

بالحظه مد مهند تليفونه .. الهم

" هذأ غياث حفظوا شكله و الباقي

على الله "

حتى تنهد صاحب العيون الناعسه..

يرمي بكلامه و لهنا عنده فضت..

" هذأ الموجود دبروا نفسكم شباب "

و لوح بايده و حرك سيارته عايفهم

يشتمون بي بصوت عالي و مخلوا سبه

مسبوه بيها حتى تعبوا و قرروا يفكرون

بخطه بنفسهم.....

و بعد تفكير و معمعه .. قرروا

مينفذون المهمه .. و اليصير يصير

مو نهاية الدنيا على اي حال ؟!..

ٰ

ٰ

ـــــــ

. لندن .

جابه الشوق لـغرفتها .. على كل شيء

يخصها يحط عيونه ..

معرض زجاج كامل لكل شهادات

مصــفوفه الها .. تــقرب يتلمسها ..

" شـهادة موسيقية ، أفضل عازفه ،

أمتياز بعزف الناي و الكمان ، افضل

راكبه خيول، افــضل مُــغنية بوحــده

من مدارس باريس ، أفضل رسـامه ،

أفضل متدربة طبــيه ، أفضل جـــراحة

و ختــامهـا خريجــة للغات! بجامعة

أكـسفـورد "

مو كل شيء أخذته قانوني .. الجراحه!

ولا كل شيء معتمد دوليا .. و كذا شيء

نبراس أدخل بي بنفوذه.. بامواله ..

لانه من عمر لـ 7 سنوات هالرجال تكفل

يدخلها بكل المجالات.. صنع منها لوحة

فنيه مو فقط أنسانه تمر على الدنــيا

مرور الكرام ..

لهذأ يدخل و يمنحها التقيم .. يعرفها

موهوبه و الشهادات برأيه اقل شيء

بحقها ..

لكن ياما رفضت.. ياما جادلته على الاشياء

الي نالتها بسهوله بينما غيرها أحتاج

سنين من الدراسة والتعب حتى ينولها..

بخضم ذكرياته جر تنهيده ..

ما يدري شنو اللي صاير و گلبه هيج

ما مطمئن رغم من شويه أتصل بوتين

و طمئنته عليها !!

خبرته حنين بخير ، مشغوله ومن ترجع

تعبانه تنام فورا و لهذأ تنسى تخابره و

تحجي وياه !!!

" أتمنى الموضوع هيج مو شيء ثاني

يا روح أبوج أنتِ "

و عن بعد مسافه كانت لوسيل واقفه و

الانزعاج و الحقد ترس گلبها .. ما تحب

تشوف كل هالحب و التعلق منه بـحنين

لان تدري شنو سببه !!!

و هالشي يحرگها حرك و يزيد أخبالها

هالسنين مرت هي ما گدرت تفوز بگلب

نبراس ولا شفعتلها الخلفة بينهم !

كانه طاردها من گلبه.. كانه قاسم ما

يحب غير أنسانه وحده بكل مراحل

عمره..

على غفله حس بيها .. حضنته من

الخلف .. تهمس بنبره مغرمه ..

" مشتاقتلك . "

مسك أيدها و دارها اله .. يحاول يطرد

همومه لاجلها ..

" أعذريني مقصر هالايام وياج "

ريحت أيديها على صدره .. تتنوعله

بعيون مولعه بي ..

" زين عوضني اليوم . "

ضب خصرها اله .. يتفنن بتفاصيلها..

كانها بنت العشرينيات !..

تلفظ و هو يعبث بيها ..

" ليش لا ؟ . "

قضمت شفتها .. و لحظه.. لحظه فقط

و خاضــوا قبله شغوفه .. من كان يريد

ينسى غيرها بيها .. من كــان يخـرس

قلبه و كل مشاعر الغيرها و يجبر روحه

ما يحن للعافها من سنينه .

ــــــــ

ٰ

ٰ

. بواحد من شوارع بغداد .

الزدحام طلعها روحها لـ اليانور منها..

باقر الشوفير حاجاها ..

" أشغلج المدفئه؟ الجو برد حيل . "

ما أهتمت لكلامه طالبته يخلصها من

الازدحام..

" شوفلك حل خوما نبقى هيج مشتولين"

سلكلها باقر " أي هسه تدللي . "

عبثت بشعرها القصير صارت نظراتها

على الجامه تراقب حتى لمحت ذاك

الصافن عليها!

هـمست هازه أيدها ..

" نقـيب أيش ! كاضيها صفنات و

الشارع گاتــله الازدحـام . "

لحظتها النقيب موسى ترك مكانه .. أجى

يم سيارتها طرق على بابها ينطق ..

" خوما أكـو مشكله ؟ . "

زاورته و سرعان ما أشتكت اله ..

" صارلي ساعات هنا ياريت تفضيلي

هالشارع حتى أعبر . "

هالنقيب نصدم صدمة عمره ! من نتر بيها

" ليش ؟ بنت الوزير حاسبه روحج

و أفرغـلج الشــارع ؟ . "

أدخل بعجله باقر نازل اله و محاجي..

" أعذرها ما متعوده على جو العراق

سيادتك. "

مسح على وجهه متنرفز .. أنطاها

خزرات..

" و شبي جو العراق ؟ خوما يكهرب!. "

فصلته تفصيل حنطاوية نبراس ..

" مكروه حيل الجو مكروه هنا

وحرام اذا بي شيء ينحب "

تقصده !! موسى من فهم هذأ نب

بواطي نبره ..

" مسترجله ماعليها عتب . "

مدري شلون سمعته !! جن جنونها ..

مدت راسها من الزجاجة تهمس ..

" مـكروه أبو الچـاي . "

هنا موسى بالگوه كض نفسه منها .. و

ما زفاها بمواويل تجيب التايه ..

أشر لـ باقر ..

" سد الجامه لا تختنك و نبتلي بيها. "

و صنع على شفايفه ابتسامه خبيثه..

رافع صوته ..

" خلي أروح أشرب چـاي . "

كتمتها بداخلها ..

" كون ملح بدال الشگر يخلولك . "

من سحبت تليفونها و كتبت لوتين

خلي نغير المركز و نرفع شكوى

جديده .

ٰ

ٰ

ــــــــــ

. الانبار بيت الضاحي .

بين ألالم و الصـَدأع رفِرفت أرموشي

فاتحه عيَوني بصعوبه ، بــثقل ..

جسدي كله متخدر .. مثل المشلوله

كشخص متعرض للبنج بجرعه زائده

عن حدها ..

أني وين ! سوال هرب مني لوهلات

حسيتني ناسيه كل شيء ..

من لبت بأيعاء رفعت بــَجسدي أتكـى

على عكِسي و هنا محسيت بروحي ألا

و شــهگت مـتوجعه و عضيت شفتـي

بملامح متــكـشرة ..

أسترجع ذاكرتي الي صار ..

رأسي من الضربه مأذيني .. دايخه

و كان الدم لاصق بجبيني ..

رفعت نـظِراتي للمكان و مكان هناك شيء وأضِـح سوى الظلمه .

و هنا الظلام من جديد !

ولا ضوه لـمَصباح قريب !

أرض خاليه من الفراش من جديد .

و لسعة مـَميتا بأطراف أصابعي أحسها

بشكل غريب !

كان من الصَعب أشوف شنو سَبببها

و لـهذأ ألتِجئت أتحـسس أصَابيعي..

عندها أنتفض گلـبي بعسر.. أظـافري

مو موجوده من الأساس !!

كان فقط اللحم والدمِ هو المتواجد

و كل أظافري الطويلة مقلوعه من مكانها.

هَمست " يا رب " متسارعه نبضاتي

بدى تحِمل ألوجع فِضيع ، بدت كل

قوتي خائرأ ، أتـِنفس بأرتياب و كان

المَوت حاوطني ..

و أنتشر على سمعي هو ..

{ أشرقت و أنورت }

وينه ! ظلمه ما ينشاف شيء ..

{ لو تحركتي خطوه بحضني تصيرين }

لميت أيدي أفطن لـ قربه من ضاء تبغ

جكارته مدليني مكانه .. وراي هوَ !

و رجفات الجنون لاحتني ..

( بعدني ما مخليتك بعقلي ! أحرك

روحك لو سويتها ! )

سامرني بشكل ساكن ! بشكل هادى!

كانه مرتاح ..

{ شــتسوين ؟.}

طاحنت صدى العذاب و صحتي البدت

تضيع ..

( أندمك على اليوم الفكرت بي

تــأذيني .)

طول سكوته.. زوبعه دخانه حاوطني بيها

{ عجل لو بيج زود سويها، ندميني

ما مــجــرب أنـــدم علــى شيء }

موجة تصاكك داهمتني .. أرجف حقد

(ما تعرفني .. أعيدهن وحده وحده

بيك و هيهات صدري منك ينشفي.)

عكس جنوني سكب حطب على ناري..

{ أظافيرج من گاعهن شلتهن فرجيني

اليله بيا طريقه تغفين من وجعهن }

على شفايفي مرارة نصبت ..

( أيا نذل!.)

فقير الكلام .. ولا حرف يگدر يوصفه

عندي .. هالشخص لو أجنزه ما يهيد

جرحي ..

ومض المكان بـ لايت تليفونه .. أول

ما تضح وجهه الي نار .. نار ما ترحم

علعلتني ..

شراع عيونه متصلب ، صدره ما يخفي

شيء ! و قريب للحد الي لو مديت

أيدي ألمسه . .

و ما يدري رائف ليش هو هنا يمها مو

يم أهله !

كم ساعة رحلت من خدرها بابر خاصه!

و جلس يقلع بأظافيرها !

من مشى بغرابي عيونه على أصغر

تفاصيلها يدري بـذاته وين دقــق ! من

عيونها سال لعنقها لـحد صدرها المخبي الفستان.. كل شيء ناعم ، كل شيء

صغير بيها ..

بوقت تخلى عن الضوه و طافاه مانع

روحــه تـتمتع بيها ! ..

و بس ظلمه و النفس مسموع ..

من صار يعد أشياء بيها ويا نفسه

كل حواسـه أندرخت عليها ..

هواي بقى هنا .. من سند أيده تحت

رأسه و تمدد براحه ، غلق عيونه و

يـدري مستحيل ينام بــس بي رغبه

يبقى اليله هنا .. يمها !

ليش و شنو الاسباب ما يعرف ولا

وده يعرف .. يكفي لدنيا السلام يراوده

جنبها .

و يا مسرع الساعات .. رفع تليفونه

قربت على لـ 5 الفجر . .

لكن داخل مستودعهم هذأ مايبين شيء

فلا شباك بي ولا اي نوع يدخل من خلاله

الضوه ..

مرضي هذأ جدا بالنسبة اله،يدري و فاهم

هذهِ الافعال حتادي لخلل بيها.. و تمرضها

نفسيا .

أستقام ساحب قميصه مو مهتم لشيء

ماخذ خطواته لبرى .

من أختفى صوته .. صرير الباب عرفني

أنه خرج ..

دكيت على الارضيه .. توشحها السواد

ببشاعه .

خايـفه ! أي خايفه للحد أللي جعِلني

أنكِمش على نـفسي و أباوع هنا وهناك

بين عتمات الظلمه و أنهلع ..

أحس بعد ماأگدر أطيق هذأ ، أشلون

أخلص من هالظلمه هاي !

شـلون أبعدها من عِيوني، بسببها

زأرني الخوف بشِكل قيد أضلوعي..

و على غفله.. أستنجدت باول عزيز

عندي.

" يابه . . "همست برجفه

من بهتت نظراتي للحظه كاني

مو أني ولا شيء بقى يشبهني ..

رجعت أباوع للمكان الموحش و المظلم !

و هوايَ ، كل هذأ اللي دا يـصير يخليني

شِخص ما أريده ! هالضعف ! أمقتــه

ماأتـَقبله، ولا أصبر أكثر فكيف للخـِلاص

باب يـنفــتح !

ماكو فرصه أطلع منا !

من مَسحت على فِكي بعد وهلات من

ألارتجَـاف و قررت أسوي شي واحد

يمحي هالظلمه عني ..

من رجعت بجَسدي للخلف أتـلمَس

الحايط حتى أبتسمت بتعب..

ماكو غير الالم يخدر الالم ..

مسافه نفس و أبتديت أضـرب رأسي

بي بقوة كم مره حتى شاحت تنسلب

روحي.. يكفي العين غمضت هنا ..

ٰ

ٰ

ـــــــ

يوم الجمعه

. ٩:٢٣ صباحاً .

لمتهم داخل الصاله الكبيره ..رائف

ويا أهله گاعد .. يسامرهم باطراف

الحديث ..

بدوا لوهلات عائله متماسكه ..

جلسه مثل الاشخاص المتحضرين .

أشتكت سناء والدته . .

" عازتو هـين رأئف يـمه صَاير گوي

ماچنت تاتجي و تزورنا لو ما أبوك

وأخوانك يتصلون عليك "

مدتله حاوي الچاي تضيف ..

" صار شجم شهر من شفناك؟

ما تحن لامك لا تسال "

و هو رمى بعيونه عليها ..

" عجل أني هينَ بطلي تنوحين "

صفعت صدرها من بروده ..

" و التسع اشهر الحملتهن بيك؟ "

سكب بكوبه الچاي .. حرام اذا يهتم .

" محد گالج تــتزوجين ؟ "

محاجر العميد تسلطت عليه .. على

ملامحه صف الزمن قساوته و صرامه.

" فكرت بترقيتك لمهيب ؟ عجل

حاطك تحت المراقــبه اذا دحكت

مشــيتك تعــدلت تنــولهــا "

رشقه بلذوعه العقيد ..

" غير عقيد لا تفكر بيها مو محتاج

لواسطتك أني "

سخر والده و كل الجالسين سنطوا

الهم .

" ياهو اليطمم بسوالفك لو مو أني

و عمك مناف؟ مو محتاج الواسطتي

گال ! "

عبث بالملعقه بشكل كارثي .. رائف

أنطاه نظرات الدم منها يتبرئ .

" نـتزقنب لو لا سيادة العميد بعد

أذنــك يعنــي ؟ "

علق ساق فوق الثانيه جهاد يفرش

أوامره بلا أهتمام بشنو ردة فعله ..

" كعدتك ببغداد مــالها الزوم قريبا

راح يتم ســحب المنصب من قــائد

قــوات الانبار الحالي و تـصير أنتَ

بمكانه "

على هالكلام نعقدن حواجب رائف

بجنون حتى ضحك بشكل مو صاحي.

" عجل أنتَ ما عندك غير رائف ؟

تعال هين روح هناك يول أصحى

مو أبن الثمنطعش و أسمع كلامك ."

ادخلت والدته فورا قبل لا تتازم الامور

بينهم ..

" أگول يمه رائف شكد ناوي تظل

هين اريد اشبع من شوفتك . "

ولا كانها كلمته باقي يلهب بسواده

على العميد الي شغل جكاره يستفزه!!

لزمت ايده هنا .. تريده تسكته..

" رائف . "

صحى على نفسه و باوعلها ..

" باجر رأجـع "

و هذأ الاي سبب ! يهرب من والده لو

لان بغداد صارت كل أهله ! مهماته!

الراوي- حنين كل شيء هناك مو هنا .

وحده من الجالسات انزعجت .. مو

راضيه..

" بَعدنا ما شبعنا منك رأئف وين

ترجع باجر ! "

كانت مرأه أبدأيه الثلاثين ، طويله ،

بشرتها حنطيه ، عيـونها سودة و

مُضياگه ، شــعرها لكتــافها ، بجسد

ممتلى يناسبها مفاتنــَهـــا ..

و رائف الي حط عيونه عليها جاوبها..

" عَجل شسوي نسرين هاي طِبيعة

شـغلي لازم أحـــدر بغــداد "

ماله نفس للكلام .. تعكر مزاجه ، تفقد

الوقت بساعته .. شيخلص اليوم؟

و الثانيه حاولت تبتِسم لـ رأئف ..

تفتح حوار ..

" من نخلص عود كلت نطلع أني

وياك فد طلعة نغير بيها جو و. . "

قاطعها .. وجهه تجمد تماما !!..

" مشغول ما عندي وكت لهل سوالف

التعبانه "

خواته أريام و مرام بقن يشاهدن بصمت

ماكو حرية حوار لمن الزلم هنا ؟..

نسرين ما سكتت .. بباله سؤال شعوط

دواخلها .

" صحيح رائف منو ذيچ اللي أجـَت

وياك البارحه ! "

بلعت ريگها من أحتدت نظراته

عليها ..

" عليش تسألين ؟."

بقى يرمقها بانزعاج و هو محِـذرها

هوايَ بأن مـتِدخل .. هوَ حر ما يتقيد .

بس وين تگدر؟ لمن شــافته شــايلها

بين أيديه ويدخلها المستودع حست بنـار

الحقد عليها و الغيرة بدون ما تفـهــم

شنو القِصه أو حتى من تـكون ذيج

الشابه الجابها وياه .!

" بس ردت أعرف منو هاي؟"

و رائف هنا مجاوبها بشيء عيونه

على أخوه جلال تحولت يريح جِسمه

على الكرسي .

" مبروك يولو ، ولد لو أبنـيه ؟ "

و مَسد فكه و ريح أيده على الطاوله

اللي گدامه .. بدى شخص اله هيبه،

حضور ، كاريزما .

من سبقت سالي زوجها تبشره ..

" بنــوته "

و ترتب حِجابها ، كانت الوحَيده اللي

ترتدي الحِجاب بعائلة الضاحي من بعد

سناء والدة رأئف .

رد المعني ضحكاها ..

" أن شاء الله تطلع عليكم مو علينا "

امه نبت .. بداخلها مو راضيه ..

" على خوالها السادة علينا ماكو

فرق المهم تطلع تشبهنا اهلها ! "

شاركهم جلال .. تلمع عيونه بمحبه

هالاسمراني..

" هسَاع أحَس بالحياة من عرفت

تأ أصَير أب والفرحه مو وأسعتني "

و ضلوا يفتحون مواضيع عشوايه

خصت الكل وهمه يكملون ريوكهم .

بعِدها دقيقة غريبه من الصمَت

فتحت أم رائف شفايفها و تحجي

مخليه الكل يلـتفـتلها ..

" يگــولون مَخــليها بالمـَستودع !

يمه شـِقصتها وعليش جايبهَا وياك !

أنتَ عنِدك خطـيبه ، نسرين ماظنها

مقصره ، جمال و أخـلاق كلها تحلف

بيها ! "

الِفكره الوحيده اللي جالت بعـَقولهم

هاي الجابها بنت ليل أو وحده من اللي

يگـضي رأئف وقت فراغه وياها..

الكل يدري بي مدمن علاقات جسديه.

العقيد اللي عقد حواجبه يفهم لاي

شيء دا تـلمح والدته ..

" شموازيكم على هالتدخلات ؟

شيء يخصني ما يخــصكم ."

صفع والده الطاوله ..

" ماكو شيء يخصك أنتَ لازم ما

تمجدنا بـكوادتك عــبَنك أبن الضاحي

والـك أسمك بـ الانبار و بـغداد "

عليه انزلقت محاجر المقصود ..

" وأنتـم شوصللكم تـا هيج ! تحـَــچون !"

وكانه أنـفعل ~ و تبينت عِروقه و ذاك

الاصَتكاك الِخفيف بين أسنانه ..

بشره جهاد ..

" رجعها من وين ما جبتها قبل ما

أدخــل . "

نكته مو كلام خلى العقيد يهز أيده ..

" دراما مو بيت يول دراما . "

و تبدل صَوت جهاد للهدوء.. يبقى

رائف أكبـر ولده بعد ذاك المات ..

حاول يرخي العلاقة بينهم ..

" رائف أني أبوك و اريد مصلحتك

و هاي گدامك خطيبتك من البارحه

محروگ گلبها.. "

مسد حاجبه و كمل .. يهدي بنفسه گوه.

" أنتَ وياها على أبواب زواج لا

تخربها بسوالف مكسره و تخليني

أتصرف و أندمك "

ولا يمه.. ولا تاثر.. و أختصرها بثلاث

كلمات أبنه ..

" مالك علاقـة .. لتدخل "

وعك الجو دجى التوتر .. بقى جهاد

صافن على رائف ..

هذأ الرجال الي من أصل بغدادي و

عنـده جـذور أنباريه من سنين عـَـفا عنها

الزمــن .. لگى نفسه حاير بي !!.

حركت نسرين عيونها بتوسل لـ سناء ..

تريد تعرف ياهيَ التنافسها على

العقيد من هسه..

" يمه هساع جاوب و ريح بالنا

هاي ياهي الي ضامها بالمستودع؟. "

من رأئف سحب باكيت جكايره و نِهض

بينما يمنح نظرات فارغه على اهله..

" ماكـو شيء من اللي بالكم هاي

محتجزها عِندي بقضية تِحت قيادتي

و أســئله زايده ما أريـد و هــا لـحد

يفـكر يوصَللها و أعـَتبروا تحذير "

عافهم و طلع .. العميد مسح على وجهه

بنرفزه ..

" اذا ما يطين راسنا ما يهجد

خاطف بنت الناس يمو ! . "

عارضته زوجته ..

" شبيك وياه يا رجال؟؟ زوهرته

حتى ما تهنى بـگعدته هين دومك

محمل عليه "

خزرها .. و اي أحترام ما ترك الها .

" صوتج ما أسمعه .. ما ناقصج"

تنهدت أم رائف بحسره .. من طبع أبنها

الحـاد هذأ الرجال مو سهل المرأس

حتى ويا أهـله و ميعترف باحد !..

هو مختلف . . و گــلبه مو رچـيج

ولا يميل بسهولــه . .

. بالخارج .

جو الانبار ساكن .. شيء من الشمس

منتشر من تحرك العقيد بسيارته.. مبتعد

عن بيت أهله .

مسافه طريق صف گدام واحد من

بيوت الغجر قاصد ساهور .

وقت طويل مر .. غادر الصبح ، رحل

الظهر و العصر .. على مشارف الغروب

خرج رائف من هالبيت .

شعره رطب .. على ملامحه بدت راحه!

مثل أنسان ما عنده هموم ..

مثل صفحة أنمسح عنها المكتوب .

صعد سيارته لحدما وصل بيت أهله..

أخذت عدسته تبحلق ناحيه المستودع!..

تعجرفت نظراته.. مسح على طرف شفته

و نزل قاصد سجينته ..

و على هاللقب أبتسم بداخله بسخريه..

خرج المفتاح .. يا تعيقله و غرور

أفعاله ..

كان الله بس هو بهل دنيا خالقه !..

من فتح الباب .. مثل العادة صوت مالها..

و يقسم أنه ما شاف أنسانه بهدوءها .

شغل لايته يضيء .. زوايه المكان..

وسطه !.. خالي تجهم شكله .. ماكو

أثر لبنت نبراس ! ..

رجع يضوي .. فراغ و برود و حيطان

من الي سكنتها من البارحة خاليه !

وين تطلع والباب مقفول ! مو مال

تهرب محال..

من سرعان ما قبض على أيده بعصبيه..

جنون و صابه ..

سحب سلاحه من راح بذاته متجه

للبيت . .

المسافه الطويله صارت خطوات ..

على مر دماغة هلت عاصفة تحمل

أمطار ..

سحب أقسام بـ لحظة ..

قبل لا يوصل رمى طلقاته على بابهم ..

الكل أنذعر على هالصوت !

ياهو الي تجرأ و يرمي هالبيت و راعيه

صاحب قانون و دوله ..

جلال الشافه أنتبه على سلاحه.. و

سأل بشك مرير ..

" رائف ؟ هذأ أنتَ الرميت لو واحد

ثاني؟ . "

هيَ كلمه وحده رجت بيتهم ..

" وينها ؟ . "

بلعت والدته و البنات العافيه ..

" ياهيَ يمه أستهدي بالرحمن شبيك

تصيح!! . "

ما ينخمد جنونه .. صاح بيها... و سلاحه

بايده

" زلمتج ويــنو ؟ . "

سحب شعره جلال بتعب ..

" خويه ترى رايد مصلحتك هو و.. "

قاطعه العقيد بلذوعه..

" أنتَ تنخرس صوت ما أسمع لك "

شيحجي وياه ! والدته ما سكتت..

" شكو شصاير هين!! رائف شبيك!. "

ما جاوبها عيونه المتوهجه بغضبها

صدت لـ أخواتها ..

" أبوجن الشفيه وينو ؟؟ "

هتفت مرام ..

" والله ما نعرف جان هنا.. "

ما خلاها تكمل ضرب طلقه ثانيه على

شباك البيت مشضي زجاجه ..

" گولوا وينه لا والي خلق محمد أجرم

بيكم و البيت أهدمو فوك روسكم"

مسح على شعره فرات.. و تقرب

يرمى الحقيقه..

" بطريق أخذها ابوي لبيت عمي

مناف .. يتحقق ياهمه أهلها تا

يرجعها الهم . "

أبتسامه مختله نصبت ثغر رائف وما

أنتظر التفت باعصاب أنتهت ..

" ياخذها مني؟؟ "

من فتح باب سيارته و صعد غالقه بقوة

شبه قلعته و طار باقصى سرعة عنده.

. حنين .

لويت أيدي بنفور منه .. هالزلمه افترسني

بحقده بدون ما أعرفه !

يسوق و يرميني بوعيد !..

" لا تحجين شيء هساع توصلني

كل معلوماتج . "

مقفل كل بيبان السياره .. طريق هيمه

يسوق بي ..

وين رايحه ! و شدأ يصير .. فاقده القدره

على الكلام .. كان مبتور الساني ..

تمسكت بأصابيعي الي اللحم يلسعني

بوجعها بتخم المقعد ..

من كلمته بجزع لكل شيء ..

" وين ماخذني ؟؟. "

ما جاوب تليفونه دك .. فتح سبيكر

يحجي ..

" أي مناف خير عرفت ياهي هاي؟ . "

عقلي دايخ منو هذأ ؟ بالتفصيل أنطاه

معلوماتي ..

لميت طوايف الدنيا بوهنها من ختمها..

" مثل مگلتلك بنت رجل أعمال عايش ببريطانيا اذا صدك رائف خاطـفها

ضيــع أثــرها يــول لا ترجعها لاهلها

تروحون بيها تحقيق و الرتب تضيع "

جاوبه و صف سيارته بمنتصف الطريق .

" هذأ هو ، أخابرك بعيدين . "

نزل و أجى باتجاهي .. شرايد يسووي؟؟

" اياك تــقترب بعد عني!! "

أني التعب و الكدمات ماخذتني ..

لو طفل يسحبني هم ما أگدر أصده..

طلعني برى السيارة .. أراضي فارغه..

مثل فراغ دنيتي بهل لحظة ..

التفت هنا و هناك.. مايل الزمن بكل

قذارته ويايَّ ..

ناس ما اعرفها تطلع بطريقي .. واحد

أبشع من الثاني .. كان أرض الله غادرها

الانسان و بقت بس للوحوش .

خاطبته .. لمن رفع سلاحه بوجهي..

" صح ماكو أحد هنا يشوفك من

البشر بس ربك فوك ..مو هينه تاخذ

أنسان "

من سحب أقسامه .. ثابت ، بشرني

بلا أهتمام .. بلا ضمير ولا خوف من

رب العباد .

" مستقبل أبني و رتبتو أهم من حياة

الف انسان ولو جانت حرمه مثلج . "

المثله مضيعه وياه الكلام .. و مو

اني التتوسل ببشر ..

سديت جفوني .. و حتى أنفاسي

سكنت لوحدها .. خوف مدري أستسلام!

و شصار ! .. أثر منه أجاني يسابگ

الريح ..

" أدحك وراك سيادة العميد جهاد "

فتحت العيون .. گدامي هو ..

عيونه لـ عيوني قصة عذاب و سنين

مذبوحه .. و جسد يحمل لمسة منه

و ذكريات ..

حط سلاحه بوجه والده ! و سحب

أقسام ..

" عــقـل برأسي مامش موجود ، يول

حاول تضربـها أخلي الانــبار تصـبح

على خــبر رائــف گاتــل أبــوه . "

. . ⇜↜𓆩H𓆪↝⇜ . .

ٰ

ٰ

ـــــــــــــــــــــــ الروح ويا النفس الكم 🦋

.

❥

للملتقى بأذن الله 🤎

. 🦋  .

ــــــــــــــــــــــــــــــــ ﷽ على ذكرى نبدأ

التوهان قربان هواك  🕊

بـقلمي  - سينارلاين علي 🦋

.  🦋.

علمني انسى الجرح و أرتاح من دونك

علمني أفز الصبح ما مشتهي عيونك

. 🦋 .

ٰ

. . ⇜↜𓆩H𓆪↝⇜ .  .

ٰ

ٰ

ما نزل سلاحه مني بل ضب أيده

و التفت له  ..

" تگتل أبوك الخاطر وحده راح

تخليك ورى الشمس لو گدرت تشرد

منك  ؟ . "

طحن أسنانه و عروقه أنغمست بالغضب

" ما عـندي مانــع  . "

جادله هالرجال.. متعصب لكن بهدوء!!

" من يومك ما تعرف مصلحتك، زيحوا

لهل عناد زيحوا و حط عقل براسك !!"

بين نظره صوبي و أخرى على الثاني

حذره.. هالعقيد  .

"  أحدر سلاحك عنها ما ظل عندي

صبر !! "

ما قبل ولا أبتعد  .. كان حرب بينهم!!

لسعة بحده هالرجال  .

" ما أسمح لك تضيع نفسك و تعبك

ولا سمعة سنين من المناضله بطيشك

و تخلي اعدأءنا تلزم عليك الزله "

والده يبزخ بكلامه و هوَ مال بنظراته

مثل الياشر لي بشيء حاولت أفهمه !

{ يـول مـيلي }

كمشت على كاحل قدمي بالارض  ..

شجاني حتى أسمع منه  !!!  .

طاوعته  ! ملت مبتعده و صوت سلاحه

دوى يرمي  !!

"  الثانيه براسك "

قرب والده صوب .. و ما حسيت بعدها

الا خــطف اذراعــي بلا ما يمنح فرصه

لشيء خــلاني وره ظهره  .  .

يداهره بحقد  .. مثل الغربه  .

"  هالمرة أعديها ألك عبن الدم يحن . "

خيم على أبوه جحود  ، بغض  ! سم

بينهم منتشر  ..

" تا أضــيع روحك ســاعتها مــاكو

العميد تا يــنقذك و تاكل أصابيعك

ندم "

ما ردت أسمع شيء  .. من هول الموقف

خيط الرغبه بالوقوف أنمحى عندي  ..

ردت أستريح لكن وين  ! ماسكني كانه

ماسك غصن  .

همست  .. غواش مغيم على عيوني.

( عــوفني  .)

حسيت بايده أرتدت جلد أيدي گد ما

ضبها اله  .

{ مو وكـتها }

رجع يتجادل ويا ذاك الرجال وأني

الدنيا أدور بيه  ! يا أبره ضربني  !

الساني ثقل  .. الدنيا نامت برأسي..

ضجيج  ، صياح  !! عاصفة هبت  ..

عجزت أعــرف أذا الريح هاجت  ! ولا

أني الي تهاويت و مَـشفـت شيء  ..

ٰ

ٰ

ومضات تتراوح على بشرتي مثل تهويده

قديمه بسلام  !

صوت يشبه زخات المطر - بعيد  .

صحيت  ، منظر السقف صار گدامي..

لكن مسيطر عليَّ الخمول  .. ما گدرت

أتحرك  .

و صوت أنوثــي أجتــاح السكوت  .

"  گــعدتي  ؟ . "

أنزلقت عيوني لمكان الصوت، أبنيه

بريعان الشباب تــقدمت ناحيتي  .

"  أكيد عطــشانه . "

مدت ناحيتي گلاص مي ! لميت تسأءلاتي

عن من تكون  ، أحاول أستعدل بجسمي.

" خــليني اساعدج حتى تگعدين . "

سندت عكسي على الاريكه و رفعت أيدي

بتحذير و على وجهي شحوب الكون

مرسوم  .

"  أيــاج  ! "

أستغربت رفضي لكن ما جادلت بقت

بمكانها و أني جلست و نظراتي تفتر!

ويــن جابـني هالحقير  !!

هوَ ما اله أثر  ؟  .. كل الفكرت بي

أگدر أهرب  !

سألت  ..

" ويــنه  ؟ "

أبتسمت لي  ..

" قـصدج عــقيدي  ؟ "

سرحت أناملي على صدري ارمقها

بلا مشاعر  ..

" وحده من أهــله  ؟ "

استوطنها السكون .. سرعان ما سحبت

كرسي قربته مني و جلست تثرثر بلا

توقف  !

" لا مو من أهله ، أني تعرفت عليه

من أيام ، تگدرين تـكولين أنــقذ

حياتي رائــف "

أنقذ حياتها  ! شخص مثله يساعد!!

غيم وجهي لحظتها  .

و هيَّ أنتبهت على أظافيري المقلوعه

من مكانهن  .. توترت بحزن  ..

" تعرفين عندي أربعة خوات وحده

منهن تصير توائمي نفس شكلي

نسخه عني.. "

مسحت دمعه هاربه من عينها و كملت

" مرة انشال أظفرها كله بقت أسبوع

كامل تعيط خبصتنا بس أنتِ كل

أظافرج ماكو و ساكته  ! مو غريب!

ميوجعنج  ! "

ملت برأسي و أدري أصلب مني ماكو.

" تـعرفين  !. "

رطبت شفايفها  .. مستفسره  .

" شنو  ؟  . "

زفيتها بـ حقيقتها  ..

" يقرفني الشخص اليعرف كل شيء

و يستغبي  "

ضحكت بجماليه  .. و حلوه حيل هيَّ.

" ما ردت أحرجج  .. يعني حتى

لو أني أعرف ليش وضعج هيج  "

ما أكترثت الها  .. رجعت أبصاري

تتنوع للغرفه  ..

" راح أجيب لج ادويه  . "

أختفت هيَّ  .. وهله و رجعت بيدها

أدوية  ! معقمات .. قبل لا تخطي الي

خطف الغرفه كلامه  .

"  اذا رايده موتج تگــربي الها  "

غير مشاعر جامده  ! غير نظرات خاليه

من أي لمحة تنوصف باوعتــله  ! شعره

ساقــط على عيونــه ، صدره عــاري و

المنشفه فــوق رگبته  .  .

كنت ناويه اهرب و هو هنا  !..

جادلته هيَّ  !  ..

" متاذيه حيل.. تحتاج تتعالج خليني

بس أعقم جروحها على الاقل.. . "

أشر الها صوب الباب و عيونه أخذت

دربها الي  .

"  تــكزحي ساهور "