رواية _..( آلُِيتيمه و آلُِضآبَطُ).._ الفصل الحادي والعشرون 21 - بقلم الكاتبه زهره

اليتيمه والضابط
للكاتبه زهره ..

..
" صكر "

ولن اشوف زينب طالع دم من شفايفهه وتكح قوي ودم يزيد رحت شلتهه من دون تفكير سحبت العبايه ولفلفتهه بيه وركضت بيهه للمستشفى غسق رادت تجي مقبلت احتار بيهه بزينب؟؟..

اخذوهه للطوارئ كعدت كضيت راسي اوف ربي اااوووففف يعني اله هيه ربيي لاا تموتهه للا تموتهه هيه اول حب الي هيه البنيه الوحيده الدخلت بكلبي ربي خليهه عايشه علمود اخوهه اخوهه صغير فقد كل عاءلته وبقتله اخته صارتله ام واب واخت واخو..

ميحمل فراكهه مو نوب موتت..

طلعت دكتوره وبعدهه الممرضات كمتلهه ركض..
صكر.. دكتورهه شبيهه شنو حالتهه..

دكتوره.. لتخاف مبيهه شي بس هيه حاليا بحاله مرض وجاي تهلوس كانما عايشه بصدمه او صدمات اما بخصوص دم هاي بلاعيمهه ملتهبه حيلللل خلهه تكح كون اكثر علمود
تطلع جراحه واصير احسن..مشافايه نشاءلله..

صكر.. شكرا دكتوره اكدر ادخل لغرفتهه..

دكتوره.. هسه راح يطلعوهه بغرفه عاديه وتكدر تدخلهه

صكر.. هزيت راسي

دكتوره.. تكدر تجي ويايه علمود توقع الاجراءات الازمه..
صكر.. يي دكتوره رحت وياهه وقعت على اوراق طلعت لكيت ناقلينهه لغرفه عاديه طبيت وباوعتلهه بحزن وقهر شعرهه نازل على جتافهه ومخليلهه الاوكسجين..

كعدت يمهه اتامل ملامحهه نزلت دمعتهه حجت..

زينب.. اا اايمنن ووينك..
صكر.. ضليت صافن ما اعرف اوصف شعوري بلحضتهه احس نارر ونبت بداخلي منوو ايمن شنو علاقتهه بيه تعصبتت حيل كمت طلعت. بره المستشفى وكعدت ادخن
وحده وره ثانيه لحد مخلصت باكيت جكاير كامل.. ستوني اريد اروح اشتري بعد
وستوقفني صوت ممرضه..

ممرضه.. انته الضابط صكر..
صكر.. اي نعم اني..

ممرضه.. سيدي مريضتك منهارره وما جاي نكدر نصيطر عليهه يا ريت تجي تهديهه لان اكو مرضى..

صكر عفتهه ومشيت رحت لغرفتهه بعدني بلممر واسمع صوتهه العالي..
زينب.. ووخرروو لااا تتتقرببوونن ااققتلل نفسيي واببللييكمم..

طبيت بسرعه ولن الكاها واكفه بزوايه الغرفه ودموع تتطافر من عيونهه..
.. زينب اهدي اهديي لتتهورين وتسوين شي بعدين تتندمين وكع من ايدهه المقص وكالت اسمي وركضتلي حضنتني وكامت تبجي بهستيريه سويتلهم اشاره بمعنى يطلعون..

بادلتهه الحضن متردد ومتخربط بمشاعري بافكاري مشووشش اوف ربي دلني على طريق صح ولا تخليني اسوي شي واتهور عليه..

..
" غسق"

نزلت صنطه  كل واحد بغرفته يجتمعون ساعه 2 ضهر يخلون الغده وهيه هسه يله 12 بعد شويه وصير صلاه رحت ركضت توضيت وطلعت سجادتي والجادر وكعدت اصلي ركعتين وادعي ربي ينجي زينب وما تموت لان حالتهه بين الحياة والموت..

صارت صلاه الضهر كمت صليت ونزلت  اريد الهي نفسي باي شيي  لهيت نفسي اصب بتمن  علما كملت لكيت ساعه 1..

حميت المركه وحضرت الزلاطه والطرشي  بهل اثناء اجت خالتي..

نوال..  يا اليوم شو وحدج وين نسمه جمانا..
غسق..  خاله اني نزلت من وكت واريد الهي نفسي باي شي..

نوال..  والله طلعتي نادره ومره ام بيت..
غسق..   بتسمت..

نوال..  شلون صارت زينب..
غسق..  بلعت ريك وغمضت عيوني لازم تعرف هيه ام البيت ما يصير اجذب عليهه لازم تعرف..  خاله زينب بلمستشفى..  فتحت عيونهه على وسعهم وكامت تضربه بخدودهه..

نوال..  صخام الصخمني  ولجج شبيهه زينب ومنوو وداهه للمستشفى..
غسق..  خاله على كيفج مو هيج  بس تازمت حالتهه واقرب غرفه جانت قريبه غرفه صكر
رحتله وهو اجه اخذها للمستشفى..

نوال..   وهسه شللون صارت..
غسق..  ما ادري ما مخابره..

نوال..  روحي ركضيي جيبي مبايلي خل ادك واشزف هلبنيه المسكينه..  طبت نسمه..
نسمه..  خير يمه شكو شبيج..

نوال..  ما بيه شي بس منقهره على زينب هلبنيه المسكينه..
غسق باوعت عليه ورجعت تباوع على امهه عفتهم ورحت جبت تلفون ونطيته الخالتي..

نسمه..  غسق خيرر شبيهه زينب البارحه كلشي ما بيهه..
غسق..  لا هيه من ايام هيج بس تكابر.وتتضاهر انو مبيهه شي لحد ما ساءت حالتهه  وهسه هيه بلمستشفى..

نسمه..  اوف ربي هلبنيه مسكينه حيلل..
غسق..  الله يشافيهه  ويفرجهه عليهه

نسمه..  انشاءلله..

نوال..  ماا. يردد ماا يردد..
غسق..  خاله على كيفج  يجوز مخلي صامت او ما سمعه...

نوال..  اوف يا ربي اوفف ساعدهه هلمسكينه..
غسق..  خالتي كعدت عل كرسي وكاضه راسهه وكدامهه التلفون..

غسق..  احس نفسي اختنكت حسيت راح اخسر زينب مثل اهلي وكل احبابي.. 
كمت طلعت بلحديقه. كعدت جوه الشجره وحضنت نفسي وابجي بحركه احس اريد اطلع كلشي بداخلي بلبجي اريد اصرخ باعلى صوتي  ومحد يسمعني اريد مكان ما بيه ولا مخلوق..

احس نفسي اختنكت وبلكوه اجر نفسس  كمت واحس رجليه خيوط وميحملني طبيت للمطبخ واحس راسي حينفجرر صارو كدامي حيدرا شايل محمد..

حيدرا..  باستغراب..  تقربت من غسق بيج شي غسقق شبيج شو ما عاجبتني..
غسق هزيت راسي بلاء ورحت توجهت صعدت فوك لغرفتي لكيت سبلت مفتوح ناسيته من البارحه رحت تمددتت وتغطيت اوف ربي..

راستا غفيت..

..
" صكر"

سويتلهه خروج طلعتهه للبيت نزلت مجان اكو احد كل واحد بغرفته صعدتهه لغرفته وبلكوه لازم نفسي ما استجوبهه واحقق وياها بخصوص "ايمن"..

تمددت كبل نامت خليت علاجهه علميز وطفيت الاضويه ورحت لغرفتي  طبيت سبحت ولبست لبس عادي وتوضيت وصليت صلاه الضهر قضاء..

رحت تمددت وايدي على عيوني والافكار بدت تجيني  اجه بالي منضرها من اعتده عليه ذا الگ...   من التفكير وتعب نمت وما حسيت على شي..

كعدت بليل  ساعه 9 كمت افرك بعيوني  ومستغرب من حلمي من هذول ليش يوصوني عليهه  ليش هيه بذات صفنت يمكن الله قاسمهه اليه..

تشكرت ربي وكمت رحت غسلت وتوضيت وصليت صلاه الغروب ونزلت.سلمت وسلمت على شاهين هذا مو بس اخويه صديقي   كعدت وكانما ما صاير  شي...

نزلت نسمه  بتسمت اجت سلمت وكعدت شوي ونزل حيدر.شايل محمد ووراه حيدرا..
بده تصنف والتحشيش مال حيدرا..

حبوبه..  حويددرر انته ما تسكت تره صرعتني صرعع..

حيدرا..  ياا حنونه راسج كام يوجعج سوده بوجهي اي والله..
ضحكنه وبده العرك بين حبوبه وحيدرا واحد يرفع وواحد يكبس.. 

ترخصت وكمت صعدت فوك توجهت لغرفتها ما لكيتها كعدت عل كرسي  منتضرهه...

لحد ما فاتت لابسه  دشداشه طويله ما نتبهت الوجودي نزعتهه  فتحت عيوني على وسعهم  لابسه كيمونه وشورت  شنو من جسم عليهه شنو من شعرر طالع رجليهه وافخاذهه بيضض  زنود شنو الوجه شنو شفه بويايي   نوب بلكوه تتحرك..

بودي هسه اخذهه   والتهم شفايفهه طردت الافكار الشيطانيه...
صكر..  احم احم ندارتلي ضلت صافنه ما تعرف شسوي  سحبت الجرجف وغطت نفسهه وما تباوعلي  منزله راسهه..

زينب..  اا اانته شش ششلون تت تدخلل غرفتيي من دون اذنيي هاا..
صكر..  باوعتلهه بعدم اهتما او مبالاة..
..  ديله قابل راح يطير نصج رفعت وجههه وخزرتني نوب وجهه مصبوغ احمر..
بتسمت المهم..
جاي اسءلج سؤال واحد واطلع وياريت تجاووبيني سكتت ونزلت راسهه..
باوعت بارجاء الغرفه وحجيت..   منو ايمن؟؟  وخليت عيوني بعيونهه الي مصدومه من كلامي..

زينب..  بلكوه حبست دموعي باوعتله..  وانته من وين تعرفه..
صكر..   رفعت حاجب..  مو مهم المهم تجاوبيني منوو ايمنن..

زينب..   ووانتهه شعلليكك ششعليك..

صكر كمت وكفت على حيلي..  لاا موو شعليه غصببا عليجج تجاوبيني..
زينب...  صصكرر  اانتهه شدخلكك ششدخلكك بيهه..

صكر لااا ااادخلل ونصص..
زينب..   ووببصصفتكك منوو حتى تدخلل بيه هااا؟؟.

صكر..  صفنت وبتسمت بخبث نزلت راسي وصار وجه بوجه..  باجر تعرفين يحلوه..
وطلعت...

....

يتبع.

مع تحياتي للكاتبه زهره ..