رواية _..( آلُِيتيمه و آلُِضآبَطُ).._ الفصل الثامن والعشرون 28 - بقلم الكاتبه زهره

اليتيمه والضابط
للكاتبه زهره ..
..
«زينب»

نصدمتت حيلل حيل من عرفت بغسق راحت وي اخوهه زيد غسق متسوي هيج ومن دون ما تودعنه لازم صاير شي  تعبت من تفكيرر  ممعقوله غسق تروح فجاه ومن دون ما تودعنه اني ونسمه..

اخذت محمد  وكمت..

..  تصبحون على خير..
وانتي من اهله..

زينب..  صعدت والحزن والقهر على وجوه جميع  واكثر شي على بيبي وعمتي نوال..

صعدت بدلت لمحمد وتمددت يمه رفع راسه..
..  دينب وين دعسوقه ما ثفتهه ليوم..

زينب..  حضنته وبسته.. حبيبي  غسوقه راحت يم اخوهه حتعيش هناك..
محمد..  يعني ما راح تجي هنا..

زينب..  لا حبيبي تجي هز راسه وحضني شويه ونتضمت انفاسه  صفنت يعني ها هيه غسق ما اشوفج بعدد..

نفتح الباب وطب صكر عيونه حمر..

صكر..  كومي حضريلي الحمام وملابسي بسرعه..
زينب..  بلعت ريك وطفرت غطيت محمد وركضت للحمام حضرته ورحت حضرتله ملابسه بلحمام..

رحت رجعت طبيت للغرفه ذبيت شالي وبدلت لبست تراك عريض وتمددت شوي وغفيت.
ميته تعبب من تفكيرر والشغل..

كعدت صبح نزلت لكيتهم مخبوصين خبص حتى ملحكت اتريك   ساعه 11 ضبطط خلصنه تنضيف رحنه سوينه الغده شوي والاقارب كلهه اجتمعت  نسوان وزلم صارت ساعه 1..

نداريت راسي طخ بشي رفعت راسي جان اشوف ولد شاب..

اسفه منتهتلك..
..  ااا لا لعفو اني الغلطان..

زينب..  شكد مؤدبب وخلوق محط عينه بعيني ابتسمت وفرحت لتربيتهم ..
صعدت لكيت محمد بعده نايم واصلن غاط بنوم..

عفته  ورحت بدلت ملابسي وغسلت الملابس الوصخه وشريتهه رحت توضيت وصليت تمددت شوي وندك الباب..

منوو
عشق..  يلمسعدهه مو بسس نايمه ومرتاحه تعايي ساعدينه بنقل الاكلل عاد..

زينب. اففف كمت سحبت شالي لفيته عدل  حطيت مكياج ونزلت  رحت انقل بلاكل وارجع لوره كعد محمد  غسل  كعدت اوكله وصعدت بدلتله ومشطت شعره ونزل راح بديوان يم صكر..

اما اني رحت اغسل بلمواعين اني  ونسمه  سوينه حاي وزعته على نسوان وصعدت بدلت لان تنكعت مي تمددت من تعبببب على فرد وكفه من صبح..

نفتح الباب وطب صكر على ملامحه تعب  شعره مخربطط نزع قميصه  وذبه بلكاع راح لبس بس بشورت واجه تمدد يمي صرنا وجه بوجه..

توترت حيلل نطيته ضهري  شوي ونمت..

بعد مرور شهرر  من رحيل غسق  البيت صار كله حزن عمتي مقهوره حيلل شي راحت وما عاد سألت  جدي متخبلل ومتحلف لغسق وشاهين..

شاهين مشفناه من راحت غسق  هو اختفه على حسب علمي  ملتحق بدوامه اما علاقتي بصكر قوت حيلل احسه سندي لهدنيه  من بعد اخويه ايمن  قررت انو تصير علاقتنه مثل اي زوجين..

..  كعدت احس جسمي متكسرر  واحس جسمي ووجهي حارر بلكوه مفتحه عيوني  كمت توضيت ورجعت كعدت صكر  هم يصلي ومنهه اسويله ريوك ويلتحق بدوامه..

كمنه صلينه  سحبت شالي ونزلت رحت سويتله ريوك  كعدنه نتريك بس اني ما اشتهي احس نفسي  مخنوكه  ولعبانه نفسي..

كام غسل  وصعد شوي ونزل وبيده جنطته  وكف وفتح اديه دموعي طاحت ركضت لحضنه  باسني بجبيني وبعدهه بخدودي وبطرف شفتي  التهم شفايفي وبتعد..

رجعت حضنته وتجرات وبسته بطرف شفته شوي نصدم ومتبسمر بتسم ورجع باسني بجبيني..

صكر..  سلميلي عل كل وبوسيلي محمد..
زينب..  / ببجي وحزن وقهر/ انشاءلله..

صكر..  زينب اذا صارلي شي لتسوين شي بنفسج وافتخري بزوجج شهيد..
زينب..  ضربته بصدري صصكر شدتحجي  اككيدد راح ترجعع بخير وسلامه بتسم وباسني بجبيني اجاه اتصال..

صكر..  ديربالج على نفسج زينب..
زينب..  هزيت راسي  راح فتح الباب الرءيسي ولتفت بتسم واشرلي باي اشرتله باي وراح..

احس اخذ روحي وياه   نفجرت بلبجي ما اعرف شلون اسكت نفسي احس جزء مني راح ما اريد  افقده مثل ما فقدت اهلي واحد وره واحد مضلي احد بس محمد وكل عمره 5 سنين
وبشهر جاي حيكون عمره 6 سنين..

صعدت فوك لبست الجادر  وكضيتهه  صلاه واقره قران وادعي انو يوصل ويرجع بسلامه مالي غيره يا ربيي..

سمعت بجي محمد   كمت توجهت لغرفته لكيته  طايح بلكاع  رحت شلته واخذته ويايه للغرفه   كعدته عل قنفه وشربته مي  نطيته تفاحه اكلها  مسحت حلكه وتمددت يمه..

محمد..  دينب حلمت حلم..
زينب..   شحلمت حبيبي..

محمد..  شفت مامه ويمهه بابه اجه.اخويه ايمن يمي  باسني بخدي ومحجه شي اخذ عمو صكر وياه بس  عمو صكر مقبل يروح وبعدهه راح وياه وكعدت..

زينب..  ضليت صافنه ودموعي تتطافر  غمضت عيوني وادعي ربي ميموته يربيي انته على كل شئ قدير ربي خليه بامانتك وبحمايه حيدر الكرار ربي احميه الي هو سندي يا رببب..
..

"غسق"

مر شهر واني عايشه بلافراح يم زيد ومرته  ملاك صارت بشهر ثامن وباجر تدخل بتاسع.
بس خطيه بلكوه تتحرك   وتتوجع مرات افز بليل الكاهه بصاله تبجي..

.غسق..  ملاك شبيج تبجين..
ملاك..  غسق متووجعه  متوجعه حييلل..

غسق.  ملاك تدرين بعمليتج حتكون بعد اسبوع ساعه 8..

ملاك..  غسق ميته من الوجع بعددد ماا اتحملل غسسقق..

غسق..  ضليت بتوترر ما اعرف شسوي بهلحاله ما عايشه بهيج حاله شنو حتجيبب طاحت دموعي وي كل صرخه وي كل دمعه تصرخهه رخت ركض عتلفون طلعت رقم زيد واني ارجفف..

زيد..  الو ها ملاك..

غسق..  ززيدد الحك ملااك متوجعه وجاي يطيح مي ماا اعرف شسويي زيدد تعالل فدوهه متسمع صريخهه الله عليك استعجلل..

زيد..  غسق اهدي ووروحي جهزيهه  واني ثواني يم الباب...

غسق..  ركضت سويت الي سواه وخلصت  كامت تتوجع اكثر قلقت رحت ركض جبت فلوس وكومتهه وكفت تكسي واخذتهه لاقرب مستشفى سويت الاجراءات ودخلوهه صاله الولاده..

دموعي ما وكفت  واررجف وابلع بريكي  صار الاصوات باذني وكلبي كام يدك سريع..

لاا دخيلجج لا لتجين هسهه لتجينن هسهه...
زدت بلبجي    كمت اشوف هذا الاعور كمت اشوف رياح وهذا شلون يضربهه واشوف امي امي شلون حركوهه بدم باردد..

احس تنفسي ضاقق دخت وطحت صارت اصوات حوليه  فقدت  مدريت شصار..

..
"زينب "

صارت ساعه 8  كمت طبيت غسلت خليت مكياج علمود ميبين باجيه لان عيوني طاكات حمرر..

بدلت ملابسي لبست دشداشه مخصره وحلوه مرتبه وبسيطه لفيت شالي ونزليت صبحت عليهم ورحت اسوي ريوك وي نسمه..

..  صباح النور..
نسمه.. صباح الورد زنوب شلونج اليوم..

زينب..  احسن 
نسمه..  لج تعالي فدوه ساعديني يردون يطلعون ومستعجلين..

زينب..  اوك رحت ساعدتهه كعدو يتريكون واني مالي نفس شوي ونزل محمد ودموع على خده..

ركضتله..  حبيبي شبيك ليش تبجي..
محمد..  دينب عمو صكر  شفته جان  بيده سلاح ويقتل بلناس ووراه اجه واحد وضربه وطاح دينب كوليلي  عمو صكر مبي شي موو..

زينب..  دمعه صارت بطرف عيني..  اي حبيبي مبي شي روح غسل علمود تتريك..

محمد بس اني ما ريد..

زينب..  تره  اكول لعمو صكر  ومن يسمع بيك ما ماكل يزعل منك..

محمد..  هاا بس اني ما ريده يزعل مني

زينب..  لعد روح اغسل وفرش سنونك وتعال علمود تاكل..
محمد..  تمام..

زينب. راح صعد للحمام الفوك رحت حضرتله ريوكه شوي ونزل حتى مبدل..
نسمه فدوه ريكي..

نسمه..  يي جيبي تعال حبيبي صار  جبير ويعرف يبدل لوحده..

محمد اي اني ردال جبير وقوي مثل عمو صكر وعمو ساهين وعمو حيدل وعمو حيدلا..

زينب عفتهم وصعدت للغرفه نفجرت بلبجي رحت مسحت مكياجي وتوضيت كعدت اصلي
ركعتين واندعي  ربي ميفجعني بصكر هو صارلي اب واخ وام واخت  وصديق بهلشهر صارلي كلشيي كللشي..

..
"غسق"

كعدت راسي يوجعني حيلل يم راسي الممرضه تضرب بلمغذي عدلت كعدتي..

الممرضه..  الحمدالله على سلامتج عيني

غسق..  اني وينن  ومنو جابني هنا..

الممرضه..  اهدي عيوني  من بعد ما انغمى عليج  رن تلفون الي جان وياج  وخابرنه على زوجج..

غسق..  عفواا بس اني ما مزوجه..

الممرضه..  التلفون الي جان وياج جان مكتوب عليه حبيب كلبي زوجي..

غسق..  هزيت راسي بأي..  وخري..

الممرضه..  اصلن خلص..

غسق..  وخرته ورحت طلعت ركض  لكيت الدكتوره الي اشرفت على ولاده ملاك..

..  دكتوره..

دكتوره..  نعم؟ تفضلي..

غسق..  دكتوره  المره الي ولدتيهه ملاك..

دكتوره..  اي نعم ملاك الي حامل بتوم..

غسق..  اي نعم هيه.

دكتوره..  منو انتي وشتقربين للمريضه..

غسق..  اصير  اخت زوجهه من غير ام فهمتيني..

دكتوره اي نعم فهمتج بس شيضمنلي انو انتي متجذبين..

غسق..  دكتوره الله يخليج اذا اني جذابه اخذيني الهه وشوفي تتعرف عليه لو لا..

دكتوره..  هسه خلي اصيح الامن هم..

غسق..  هزيت راسي شوي واجت وياهه ثنين من الامن الي واكفين بلباب..
تمشينه لغرفه ملاك صعدنه بلمصعد  بس احس نفسي مراقبه غمضت عيوني بتوتر رجعت ارجفف وصلنه لغرفه ملاك كضوني واحد منا وواحد منا كرهت نفسيي..

حسيت نفسي صرت مو نضيفه ولا طاهره اوفف ربي دمعه صارت بطرف عيني دخلنه لكيت ملاك نايمه  ويمهه ثنين اطفال حديثي الولاده دمعت عيني..

فرحانه حييلل  جابت بسلامه  بس عبست وجهي نايمه ومستحيلل يكعدوها وين زيدد اوف ربي طلعني من هلمشكلله..

ما احس الا وندفعت خارج الغرفه..

..   تروحين ترجعين من وين ما اجيتي فاهمه..

غسق..  تعصبت حيل  وكمت ما اشوف كدامي سحبت سجين هاي مالت اعمليات وخليتهه بطنه دم لامس اديه نصدمت تبسمرت بمكاني كمت ارجف رجعت بخطوات..

.دكتوره..  لكك الحكهه لهلمجرمهه هايي لازم تتعاقبب على فعلتهه
بسسرعهه جييببوو سسددييهه..

غسق ركضت باقسى سرعه. عندي وصلت للباب لرءيسي ما تحس الا وانسحب  ضليت صافنه دموعيكامت تتسابق  سوه ايدي بهاي مال الشرطه..

وسحبنيبره المستشفى شفت سياره شرطه كعدوني بنص واحد منا وواحد منا وبصدرواحد وواحد يسوق..

كمت ابجي ومعرف شسوي  كل شوي هذا طاخني اخر شي متحملت..

سيديي فدوه روحلكك غير مكانيي هذاا يتحارش بيه..

..  دكعدي يشريفه انيي وين طاخج..
غسق..  سيدي فدوه روحلك..

..  وكف سياره وانته تعال بدل مكاني..

غسق اشكرك سيدي نزلت راسي..

وبلفعل بدل الاماكن هذا حييل حباب وخلوق بس ملامحه تخوف تخوفف حيلل...

وصلنه للمركز سحبوني لغرفه ضلمه وبيهه ميز وكرسيين فوك الميز ضوه بس اضاءته خفيفه  بلعت ريك..

..  كعديي هنا هسه يجون يحققوت وياج..

غسق..  كعدت ميته خوف ورعبه وارجفف كمت ابجي وزدت بلبجي يا ربي ساعدني من هلشده..

..
يتبع..
..
للكاتبه زهرة ..