رواية اماً لهن الفصل الثالث والعشرون 23 - بقلم مريم السعدي

الهام- طلعنا بغداد جان ينكت ويسولف ويضحك بكل راحته واني لازمه روحي عود مثكله وجهي
وكفنا بمكان اهذنا ريوك لان معزلين. المطاعم
وبالسياره. اسوي لفات جبن وانطي

ياكل مبتسم ويعاين عليه. ويدير وجهه
اي شبيك قرقوز كدامك
لاهههههه لاحشاج والله
لعد شبيك بس تباوعلي ىتضحك

تردين ابوم مثلج
لا اني احجي عالشباب واتغزل وانت. اضحك ويابه
غالت ضحكته ومكام يعاين بعد سويتله لفه لخ نتر
ماريد شبعت
كيفك اكلها اني
سممم
ببطنك

هاا
اي لعد بس انت تغرد
جر نفس ودار وجهه ورجع باوعلي سال بهدوء وتخربط وضعي

الهام تغارين؟
وكفت مسح الجبن باللفه وبقيت منصيه مرديت
للومه
رفعت واسي ببطيء ابتسم عين عالطريق وعين عليه
رجعت نسيت
للومت
نترت بهدوء
اي هااا
جاوبي
لاء
كذابه
خزرته
هز راسه يضحك همس احلفي متغارين
كالها ورفع راسه. ارتبك فززني باوعت سياره تريله. كبالنا
راسا كسر عليه ووكف صفح. اله شوي ننضرب وابو التريله دك هورن وابتعد

وكف على صفحه طبك وتنفس بخوف باوعلي اني. تحجرت من الخوف
همس
الع شوي نروح بيها والله.
بقه واكف شوي شرب مي دخن. جيك السياره ورد صعد اني. كلبي اله سوي يوكف لخد ماصعد واني اعصابي راخيه

شغل
باوعتله
عليك الله على كيفك لتدعمنا
هز راسه ابتسم
ولتسال اششش
اوك هههههه لاعمي. الشاهر تطاوي احنا
محاوبته

دك تلفونه رد

ها بابا
ليش
اني طالع للنجف. لاكلت لحسن. شبيك شتريد
ها
زين شوف اكو بطل فارغ. بالطرمه. شوف واحد من ولد بالشارع وياك
الله رياك

سده وباوعلي جر نفس وارتجى كملنا الطريق. اني غفيت لان منايمه وره فتره حسيت. بلمسه على حنكي فزيت
شفته يكعدني بطرف الكلينكس

استغربت
دتسوي اكو واحد هيج يكعد
ميصير المسج. حرام مو رايخين زياره. خرام علينا. والله يشور بينا يخلينا. نرجع يلك( بدون يد ورجل. اي يقصد حادث)
استغفر الله
يله وصلنا تندلين مقبره اهلج
اي

زرنا اهلنا. ثنينا وتمشينا للاماام من طلعت من التفتيش بالعبايه حان عامد الحاحب من شافني رخت ملامحه شوي شوي ابتسم

نصيت راسي

كانت اول مره رجل ينضرلي هالنضره. حتى ميثم من رادني لان شاف بيه الام الراووم على بنات اخوها شاف الهام القويه منعحب بشكلي بشهصي
نصيت ملبي حسيت حيوكف وصلت يمه رفعت راسي

شبيك جنك شايف هيفا وهبي

طالعه. من اهلنا للوم. تخبل عليح العباه

شكر شكرا كلتها وانهزمت من عيونه مشه ويايه طبينا دنزور ازدحام كتل. مشه ورايه. ومن تصير هوسه. يحاوط كتفي الايمن والايسر بايده اليمنه وايسره. حتى ماانطخ باحد ولاهو بطخنه يحاوطها بدون ميطخني شكد احترمته

كملنا زياره وطلعنا

واخيراعزمني عالغده

كعد وجر نفس ضحك كال

ذيج المره اني انصاديت هالمره انتي المن حنشوف

عمج ابن عمج لو بنات اخوج
اسكت هاطر الله خل ناكل
و نزل الطلب كملنا اكل وطلعنا. دنرجع.

صعدنا للسياره ورجعنا. وبده يسولف
باع ريحه العمبرللوم
اي تخبل
طبعا هاي مزارع مال تمن
اي صح

اتفرج وهويسولف
كال
هاي عدنا وره. بيتنا. بيت اهلي اقصد بساتين. تخبل ولوساكمينابالارضه بس شمد هواها طيب تدرين بالصيف اطلع للسطح انام فد هواعليل
شون حلو زين عدك اخد هناك
اوو عمامي. وخوالي هناك بيت بصف بيت. فرع كامل ناس بصف ناس
شون خلو
اي والله حلو عيشه بسيطه. وناس طيبه من اهلالله
اي صح
لا وتدرين. اني هنا اصرف. بالقليل فد٤٥٠ مصرف بيت هواك بقيت شهر اني وحسنكه و حياوي ١٥٠ صرفت لا واكد مرتب احلى اخلى شي. يوميه. من الصبح تجيج ام الكيمر حبوبه. حسنه هي والزماله مالتها

تدك الباب تردون جبييين ترون كيمارر حليبات ماتردون

ههههههههاي
اي والله واذا كتيلها لا تتوزطين موهيج. راسا كالت

مطككين بزركم مايع وتعوفنا وتروح

الحليب تاهذي دافي كبل تفوري وتزقي المصيبه اني من رحت. كثر ماامل صحي. انشي واصيح زوجوني لاافضحكم وعمامي خربانين ضحك

سكتت درت وجهي

اهو وو باعي اني اروح زايد دكي. هورن. طوطي. كوليلي هوب
خوش اكولك شون كدرت. تعيش هنا تره غربه وهناك اهلك

غير هذالابن الزمال تعلم هنا وميقبل يروح هناك
لو مني ومنك. ابقى هالعيشه البسيطه مريحه وبيتك جبير وملكك
اي والله وشنو بنص عمامي جعت خابرت واحد منهم مسوي غده دزلي اخابر اللخ شمسوين انتودزولي بيت بصف بيت. والله. راحه والله. بس هذا. الك--
الله يساعدك
فد يًوم اهذج . هنا ك
صفنت التفتت عليه
شكو ماخذني
اعرفج على نسوان عمومتي
وشنو المناسبه. يعني ميكلون شكو جايبها
اكولهم صديقتي كالها والتفت ضحك بس. يطلعونه بالمساحي ههههه
( المسحاه او الكرك. اداه لحفر الارض)
نصيت مضحكت
اهوو زعلت
لاعادي هاي شبيك
متغيره للومه
باوعت بعينه. ابتسمت. بعتب.
احسن انور كلمن يعرف. مكانته عند اللخ احسن هيج
عابت ضحكته وبقه يتامل وجهي عامد حاجبه. يحاول يفهم قصدي

سكت شوي ورجع. سال

زين اني شنو بالنسبه الج
صديق كلتها بلا تردد
يعني لاي حد
امم لحد الاحجي اسراري. بلا تكلف احجيله مشاكلي الاحتماعيه والاقتصاديه. وحتى باوعت بعينه باوعلي وباوع للطريق
حتى العاطفيه. يمكن فد يوم احجيلك
بلع ريك شفت تفاحه ادم صعدت ونزلت رجع التفت عليه بقلق
صاير شي بالدوام اني مادري بي

لا
خاف احد متقدملج
لا ماكو بس يعني
شنو يعني عدج علاقههههه جدبده. غير افتتتهم لتضلين تنطين الغاار

اني بشر ومن حقي احب واعيش يمكن اتزوج. بس من يصير هيج. شي واح تعرف وبله زعل علاقتي بيكً تنتهي.

صفن عاكد الحاجب

ورجع سال
ليش
شنو ليش حرام اصلا اني هسه كلامي وياك حرام
بقه. معبس وعاكد الحاجب. حدما وصلنا.
همس
حمد الله عالسلامه وزياره مقبوله

تشكرت منه ونزلت طبيت للبيت وطلع

عسل كانت نايمه رسل توها طبت

خابرت ازل اللي ملكيتها ردت. صوتها. مخنطل
ازل وين انتي ساعه ٤ ونص صدك تحجين

للومه اني بالمستشفى فدوه اليوم حبات يم اسو
شكو ليش

مادري هم تخربطت
شون تخربطت احجيلي
مادري كالتها وبجت مادري والله مادري حروح هسه

ازل
ازل الو
سدته ذبيت الفون لزمت راسي ياربي عافبها لهااللبنيه. هطيه

طبيت سبحت وطلعت دااصعد صرت بصف. غرفه رسل

جانت دتحجي

شفتي شصار بي من شافني ههههه خطيه. كطع النسل ههههه عباله رسل. توكع ميدري خطيه

معلبج انتي خليها عليه
ميحجي بابا يخاف من اخوًجبان هذا

مالج دخل اليسالج. عثوليها بمادري وخلص بس اذا مهديت بيتهم اذا مخليت نار بين الاخوه مو بت عمران خلي يصبرلي

متت خوف من سوالفها. وضليت حسبه تجيبني وعشره توديني. للمغرب ازل ماكو عسل صعدت جوعانه واني جنت حايبه. غده سفري من المطعم لان ممركبه. استاذنت مني تتغده بي ونزلت اكلت وياها

دناكل ورسل هم صبت كعدت عالميز هادئه
وصلت رسايل لتلفونها تبسمت

دك تلفونها ردت
الو اي نعم اني وابتهجت. كالت

عنًواني---
ماشي
لالا اي وقت اتي كاعده مطالعه
سدته وكملت اكل والله نفسيتي انسدت خفت عالبيت الراح تهجمه. والله خفت عليهم منها

عسل صفنت عليها من كامت شاورتني راسا

للومه البارحه جتها هديه. ورد وبي انواع النساتل استلمته. و. بلغرفه. طببته. ومن طلعت طتني كومه

وهسه هم يمكن. لان دتدلي ابو التوصيل عالبيت

منو منين
مادزي
شون حنعرف
صفنت عسل التفتح عينها كلها من تصفن وفزت
عرررفت منين نعرف
منين
من الزباله مالتها
هه شونيعني
باعي نشوف الكرت منين. اكيد اكو فد كرت مثل الافلام
ههههه ايصح
لعد اليوم بليل نعرف منين

دنحجي واندك الجرص

وصلت وصلت
طلعت رسل ركض للباب رطبت بعلاكه. جبيره. من محل ملابس ماركه. من العلاكه مبينه. ووياها ورد

وطبت للغرفه من دون متباوعلنا

عسل- مبين هالمره الذبيحه. دسمه
نعل بليسج عسل لج ماما. جوزي من لوزه. الفاط الكهاوي جوزو منها
اصلا الفاظ بس احنا نستعملها
اي موحلوه عبالك ولد

اي بيها شي عيب
لا
لعد خلينا كنفردين هسه انتي وين وديتينا هلي نشوف شنو بالجيس اقصد منو صاحب الجيس

يمه يمه منج. خل اكوم اشوف اختج. انتي. متبطليهن

خابرت ازل مترد. مره لخ اتصلت ماكو رد اتصلت بابواساور دك وفصل ردت اتخبل عصبت. على ازل
بقير انتضر اتصل ماكو رد منها

عسل يمي تدوي بالدراسه. وتلعب بالفون وترد تقره واني اروح واجي بالطرمه. رجليه راحت

والتلفون بيدي ياربي دخيلك

اني دايخه بازل وجتي عسل تكمز

عرفته الاسم عرفته

اشششش صوتج ساعه ١٢. عسسل لج ماما كبرتي

اي شبيج للومه غير داكولج منو الطلي الجديد

تقربت منها. دايخه بين ازل ورسل شفت الاسم
امير ال-
وين قاريه هاللقب اني وين وين

كاتب

اعتذر ان تجاوزت الحدود. فمعك انتي نسيت حدودي.
اشرقي من جديد فمنذ ان غبتي غابت تفاصيلي. الجميله.

هديه اعتذار بسبطه عرفت من صديقتج. انج. من فتره. عاجبج هذاالسيت. حبيت اراضيج بي
اسف جدا رسل الله يخليج رجعي داومي

وتذكرت
نفس لقب بشير ال-
اخو تقصد اخووهاي عزه بعينج رسل عزه بعينج

تخبلت هاي دتنتقم منه

راسي انسطر سطر والله خفت عالولد واهله منها. شناويه عليهم هاي

دك تلفوني انور

عسل بصفي تاكل باضافرها. وتقره بالكرت وترد تعيده

رديت
الو
ها للومه شونج اخ يابه عضامي متكسره

زينه الحمد لله
شبيج شبي صوتج

ازل مدترد
وينها شنو مرجعت من سوكت مترد
لا خابرتها من كالت. بالمستشفى وحبات يم اسولحدالان ماكو مردت بعد

اي هاهي يم صديقتها
انور عفت عسل وصعدت

انوًر مومال اعرفها تبات بعد اللي صار
صح. اني توني دكولج. بس تدرين لو اني بمكانها ابد مابين. والزم روخي كلش حتى مابين عالشي التهمتني بي اختي صح
اي فعلا
اي فليضل بالج. بس هم مومال تبات

صديقتها مريضه

يابه هي ربت عدهماووو هاي غير حيره اكولج عوفيها
هو اني بيدي كبروا وكامو كيفهم يتصروفون

صح. اووف اي والله صح كبروا وكبر همهم

سكتت وحجيت
انور هاي رسل---
حجيتله كلشي بقه صافن كال
بس هاي مصيبه. تدرين توكع بين الاخوه حرام.
والله مادري شسوي
استغفر الله باعي تدرين شون
شون
لازم نحذر الولد نكوله دير بالك منها
ومنو يكوله
ندز رساله. لتلفونه وهلص
لابله
اي والله شبيج
وجلبلي. منوانتي
بابا اي سيم كرت جديد وفضيها حتعممها وتلكجها عودذبي
خوش
المهم نطلع من ذمتهم
اي صح
اكولج عدي حجي وياج
نعم
ااااشسمه اليوم شنو قصدج بكلامج
ياكلام كومه حجيت
الهام اذا عدج احد بحياتج كوليلي. اسحب روحي دون نقاش لتصدميني.
صفنت عليه.
بعني عادي عدك
شنو
فلنفرض عدي عادي عدك تتركني
مو سهله ابد تعودت احجيلج همي بس اروض روحي. مواول مره اعرف صحباني بس خليني على بيينه
اوك ووانت هم اذ ا عدك احد بحياتك
ماعدي
يعني اذا صار
ميصير

هاي شبيك
اني مال اخلي روحي بوضع حب مره لخ مستحييل انتكس مره لخ ابببد لو اموت. ارجع انخان انذل وافقد ثقه. على جثتي. احب من حديد على جثتي
اوك على كيفك بروحك ليش شطت
مرد
انورتصبحين على خير
انور انتضر
باي. سده وصوته طبك استغفر الللله. منه وبي. يعصب. وحده. يا الله شكد متاذي لعد
ورجعت انسطر بازل رديت اتصلت. ردت. صوت تعبان
هاازل
ازل- للومه اسفه. مكدرت رد
احجيلي شكو

بجت. بحنكه
انتي وين
بالحمام كالتها وشهكت.

شبيج. على كيفك. ازوله فدوه. شبيها صديقتج

غصت بجي واندكت باب الحمام.

ازل- مداكدر اسيطر على روحي. مداتحمل. بعد امي ابويه. وهسه رفيقه عمري. وطفولتي صبايه ومراهقتي ونضجي
جننا بالدوام ورجعنا بيت بيبي الحجيه لان عازمتنا. على قيمه على روح المرحومه طبعا وجع راسها اسو ولافك. والقطرات والعلاج زين منقص. حمارها

تغدينا وكملنا وغسلت المواعين. اسو فاتت للحمام تسبح. شوي وصيحت.

ركض راكان وابوها وبيبيتها للحمام. ركضت وياهم بيبيتها حاولت تطل ابوها حاول يفهم بس تصيح

دم دم من عيني مداشوف
ابوها مدري شصار بي ارتجى بالحايط وغمض لزم راسه
وبيبي ضربت وجهه وبجت صيحت
دخيلك يربي مابيه خيل بعد والله
اسو فتحي الباب راكان بجه الا شوي يتوسل بيها بس فتحي

فتحتها. كوه ديطب صيحت
ملابسه ملابسه لتطبنون
اسو اسو على كيفج. عمري انتي. اني اني اطب ازل

ازل مدري شبيها عيني طبيت وسديت الباب. انشف بيها. واباوع لمنضر عينها مرعب ماكو بياض. بس دم ينزل بغزاره. عبالك سجينه وفايته بيها. تك وحده

لبستها بسع وهي ترتعش
طلعتها وعمو اخذها راسا لبسها صايه راكان. وجهه كركم وبيبي تخربطت وكفه مكدرت توكف
بيبي فدوه
لتحيرون بيه. روحي وي صاخبتج. بيبي مالها غيرج تره
وركضنا للنستشفى عمو جان وجهه تعبان. كلسا من ميفهت. موعه تنزل ويمسحها وراكان كليا فايت للحمام يبجي
تصوير طبق محوري لراسها والدكتور حجه وي عمو وعمو حاجاه بالانكليزي. كاله

عدكم حالات وراثيه بالعائله
والدتها راحت بهذا المرض
كالها وغمض وكعد علكراسب . بجه ويرتعش

الدمتور كسر عليها انه الطب تطور وخلي ثقتك بربك.

الا اني خفت حتى اسال خفت حتى اعرف. شنو البيها واكتفيت اقنع روحي مبيها شي عي هسه تطيب عينها وكلشي ماكو

انهى الفحص
بوجود ورم خلف شبكيه العين. مكان. اذا انشال تفقد وحده. من عيونها. ومنعزف خبيث او حميد

كله. عالخزعه
لليل يله وجعنا نامت. اساور وماعدها خبر غير انه. لازم عمليه لعينها وهلص

سدينا باب الغرفه وطلعت لامطبخ. كوه لازمه نفسي عمو كاعد وراكان ورجل اخته. كلما ردت اروح بيبي تتوسل ابقي يمي رجل. مابيه. اعينها ومدتشوف. تك عين والله كلب ماعدي. اني اخجي وي عمتج وارد اكعد

جانو يحجون يتصلون. ويفكرون شيسوون يردون يسفروها. يردون. يسوفون غير طبيب يعيدون تحاليل

واني ارتعش عمو لازم اعصابه. ويستغيث. بالله. الغوث ربي. المن اعيش بعد

وراكان. نسه المستحه. يبجي. كلما يحجي وي طبيب بالنلفون . ويكوله عيونها نزفت ويجاوبه معناه الحاله متقدمه

ينهار اخر مكالمه. انهار كام يضرب على راسه. وبيبي حضنته. يشهك ويحلف
والله بيبي احبها من هي صغيره والله بيبي كبر حبها ويايه. بيبي شون كوليلي نذر عليه بس تطيب اصلي وماكذعها لعد الله ديعاقبني لان اكطعهز وروح ابويه ماكطعها بعد
عمو منصي راسه ومدري شيحجي. وي روحه. طبيت يمها تمددت واعاينلها بالضلمه لزمت ايدها لزمتها قوي همست

ازل

ها كلبي انتي

بتتي يمي

اي لعد مو يعاونج اني عيونج.

الله ليحرمني منج. تمنيت اني اختج بمكان رسل

هو انتي اختي كلتها واختنكت سكتت
شبيج
مابيه نعست
ازل
هاكلبي
شبيج. شكو
خفت من شفت الدم منعينج
لاهو عرفت جيف ملتهبه. شون الجراحه. من الحرح اللي يلتهب. ماكو شي اصلا من نزفت. راح وجع راسي
انشاء الله. انشاء الله
سكتنا ونامت واني روحي تفرفح. خوف رعب طلعت شفت راكان رايح وبيبي نايمه وعمو هم متمدد وايده على عينه
طبيت لاحمام خابرت للومه. بس سالتني شبيها مسيطرت. مكدرت انهاريت. فحطت بجي
وكاتمه صوتي

اندكت باب الحمام فتحتها همست دقيقه توقعت هاي استور مدريليش نسيت هي متشوف بعينها

اندفعت الباب شفته عمو بس شفته رجعت. غصيت عيونه جانت حمره كلش

جرني للحمام وحضنني وهوًهم بجه. بجه بقسوه واتي مكدرت اصبره. يميح على راسي يهديني وهو منتهي. ويتوسل بالله ميصيرلها شي

نهيت اتصالي وي للومه وباوعتله.

مسحت دموعي وغسلت بمغسله الحمام وهوًهم غسل همس وسد الباب

عايني عمو هالفتره محتاجج ويايه. فدوه. لخاطر صديقتج انتو خوات موصديقات
رجعت بجيت وكوه سكتت روحي ورحع كمل

اريدج وياها تبرديها تهديها ماريد تعرف. الحاله النفسيه شي اساسي احتمال سبوع اليخي نطلع للبنان ماابقيها هنا واخذها وانتي وياها. فدوه اتي احجي وي عمتتا

صفنت هزيت راسي وامسح بوجهي

مسد على شعري ووجهه مليان. دموع روخي نامي عمو روخي حبيبتي مماكو شي انشاء الله. يارب يارب

تركته ورجعت يمها

--
يتبع