رواية اماً لهن الفصل الثلاثون 30 - بقلم مريم السعدي

بارت ٢٧

#أماً_لهُن

#مريم_السعدي

راكان...
ممكن اشوفج اليوم
ازل : اي عادي
- وين اكدر اجي عدكم عمتج موجوده
- اي موجوده
- اي فدوه عدي حجي وياج وماكو غيرج يحلها
- تدلل

ازل...
افترت بينه الدنيا خوش فره
فرقتنا بغيبة شخص لمنا بغير ميعاد بالي يم عمو ووصيه اسو براسي

- ابويه ازل خايفه عليه

جانت حاسه بحبي اله من نظراتها احس بيها صعبه عليه كلمه الله يرحمج
عشر ايام مرت وكل يوم بليل. عيوني تموع من البجي. نسيت النوم اسو بكل مكان الج بي ذكرى حتى فراشي

اخر تلفون
اخر رساله
اخر حبايه بلعتيها
واخر مره تكحلتي وتحمرتي ضميت غراضج الاستعملتيها اخر مره

طلعت من الغرفه للومه تلكط تمن
- ها عيني شونج
- الحمد لله
- بعد لتبلعين حبوب عوفيهن
- اوك هزيت راسي وكعدت يمها ساكته
- تطلعين شوي تجين ويايه اروح اتسوك
- جج

هزيت راسي بهدوء اباوع بالكع
- متاكلين شي ماما وجهج اصفر
- ماريد اكلت عسل سوتلي لفه
- حيل من الصبح
- ماريد فدوه
- كيفج

- للومه راكان حيجي يريد يحجي ويايه
- وين يجي هنا لا شون يصير. وهاي متكعد
- مادري مبيه. حيل بعد لو الله ماخذني بمكانها ولا هالعذاب
رجعت ابجي اتحجج باي شي حتى ابجي للومه خطيه حارت ويايه. كالت

- بسيطه ميهم هسه ادز على عمي يجي هله بي خل يجي
دك تلفوني راكان

ازل-الو
راكان- ها ازل اجي
اي تعال عادي همست كوه احجي
مو وحدي تره بيبي ويايه
ها اي احسن عمتي كالت ادز على عمها

لا يابه اعرف ديله مسافه الطريق
ازل- كال بيبي الحجيه تجي.ويا

الهام- شعجب شكو
مادري كمت كوه ولبست انتضرهم

جوي اندك الجرس وطلعت للومه طببتهم بيبي سوده عليه بس شافتني حضنتني وتبجي وتردد
راحت عضيدتج ي بيبي. راحت رفيجتج

متت بجي يابه. عبالك راحتي بالبجي صارت
راكان بحركه مفاجأه باس راسي ويبجي مصابنا واحد ادري. يشوفوها بيه كثر مامتعلقين وحده باللخ
كعدنا وراكان بقه واكف كال بس سيدار ابن عمي بالباب عادي يفوت

للومه صفنت. واني هم. باوعت لبيبي كالت وتنهد
بيبي اجو يحجون وياج ليضل بالج ماكو شي. شكو بعد العزيزه وراحت

طلع. راكان عبالك مو هو عيونه جواهن اسود وممشكه داير مدايرها صايره خشنه خشمه. اطرافه احمر ومحتقن كثر البجي لحيته بدت تطول الجانت تضوج منها اسو تكوله زينها وكانما بحداده عليها مخليها

المن بعد يزين
طب سيدار

بهيبته سلم وكعد
كعدت كدامه هو البده الحديث

سيدار : مادري عرفتيني لا جنتي مو بوعيج
ازل : لاعرفتك كلتها بتعب مصارت فرصه اشكرك بيها عالوكفه الوكفتها ويانا

سيدار : على شنو احنا اهل
ازل: هزيت راسي وبده يحجي وراكان ويا

احنا اليوم جيناج ماعدنا غيرج. عمي رائد ديروح من ادينا رافض كلشي لااكل ياكل ولاعلاج. من البارحه حتى مي مديشرب وميحجي بس نايم. ودموعه تجري

بيبي الحجيه. عجزت وراكان. هم. ميفيد

رفعت راسي ابتسم وضم ابتسامته احتراما لحزني كال

- ازل اعرف بيج متاذايه يمكن اكثر منه. بس هذا اب مقتنع بعد مااله لازم للحياه لانو بنته راحت الجان عايش لخاطرها راحت بعد خلص واجبه

نصيت راسي وفركت وجهي بيبي حجت تتوسل
فدوه يمه وليدي حيروح من اديه. تعاي ويانا حاجي هو ياخذ منج ويشوف بيج اسو حاولي مضل واحد بالعشيره مااجاه وميقبل يفتح الباب

من البارحه الصبح لليوم. كلاص مي مشارب حمام مطاب لو ما ونينه اكول مات مابي حيل بعد اخاف اموت وهو متعذب فدوه. حاولي ويانا

بيبي اني عدي تسجيل صوت لاساور توصيني بعمو قبل لتفوت عمليتها سجلته. اكدر انطيكميا. بس اني اذا رحت ازيد الطين بله

حاولي ويانا يابيبي
عذريني مااكدر اطب بالبيت ماااكدر كلتها وشهكت ابجي بجيتهم ويايه. كلهم فجاه دك تلفوني باوعت بالشاشه وكلشي بيه فز

اساوري. تتصل بك

شهكت امسح بدموعي مثل المخبله
بلعت ريك نترت
تلفونها عدمن

راكان : منو اسو يم عمي رائد

ديديخابر. رديت الو
بس صوت نفس يخرخش.

- الو عمو

- ازوله. كالها وبجه. بقوه
وبجيت وياه.
رائد : تكولي بابا خاببرها كالها يبجي بقهر وسده

كمت من مكاني انكطع الخط واني ميته بجي باوعت لراكان كوم وديني
كام ويايه وسيدار ىبيبي هم
للومه همست
وين اززل

للومه فدوه خل اروح. خليني .. احجي وابجي و طلعت ركض كانما حلكاها هناك
وصوته يدك براسي
تكولي بابا خابرها
يعمري حسيتي بابوج.

صعدت بسياره راكان وسيدار ورانا طلع
راكان : يعني هو خابرج شكال
ازل : مادري مواضح بس كلي تكولي خابر ازل احجي واجهش بجي. يمكن اول موه بحياتي ابجي هلكد

بيبي كالت
- اني شون اعوفه خاف بي شي ولك سرع
- اي بيبي اي حننكلب.

وصلنا ونزلت راسا وكفت رجلي جسمي محملني بعد عبالك الصبح تريكنا هنا بالحديقه. وحبيبتي كطعت من الياس سوت مزهريه. عالميز خلتها. راكان همس

- يله ازل فدوه. قوي روحج ولو لخاطرها هي
هزيت راسي ومشيت للغرفه مالته فارغه باوعت لبيبي وروحها. احسها تدفعني لغرفتها. حسيت بي هناك. ريحتها احس. تارسه البيت. حجيت وخنكتني العبره

- بيبي وينه بغرفتها مو
- اي بيبي فدوه حاجي بلكن يطلع
رحت للغرفه مالتها دكيت الباب مرد فتحتها مقفوله

وحجيت ويا
- عمو عمو اني ازل جيت مو كتلي كلتلك خابرها

طلع صوت بجيه واني ويا ابجي
- عمو افتح الباب فدوه وجعي وجعك وحاسه بيك

ميرد بس يبجي
- زين افتح الباب شوف شكاتبتلي قبل يومين من وفاتها
مرد عليه

- تهون عليك اسو مودتاذيها هيج انت
سكت صارت سنطه خليت اذني عالباب وكملت كلام

عمو نروحلها باجر اني وياك وراكان وبيبي نرتاح والله. فدوه اسمع مني

جاوب
- المن اعيش بعد ازلللل
صيح بعلو حسه وبجه بقوه بيبي يمي تبجي وتندب وتتوسل بالرسول

وراكان يشهك
بيبي : اول مره يبجي هيج

كملت كلامي
- عمو عيش لخاطرها عملها الصالح توقف. بس بيك يستمر لتاذيها بيك تره تحس بالديصير

- اريد امووت واخلللللص مداااكدر. ماريد حتى اشوف. شمس خليني بالضللللمه. لج دفنتها. بيدي. خليتها بالتراب والضلمه بيدي

- عمو فدوه الله ارحم الراحمين. اسو كلبها طيب. مماذيه احد وهذا المرض اذاها. شهيده. عمو. هاي وانت اعرف بمنزله الشهداء تتوقع الله يعوفها. وهو ذاكر بالقران فانكم باعيننا. اسو وصلاتها وصيامها وطيبه كلبها ومساعدتها للناس ويتمها متاكده. مكانها احلى من هالدنيا. بس يبقى الاشتياق. ياذي

- لج اززززل هدومها. متروسه عطرها. داحسها ويايه ادور وجهها ماالكاه وين اروح من اذوب اشتياق طككككك كلبي ازززل

- عمو فدوه لعينج. حرام عليك دتاذيها

- اني اريدها اريد اشوف وجهه وعينها وضحكتها مشتاقلها. وين الكاها وين اشوفها كليلي. انتي صديقتها. وين اشوفها

غمضت عيني وبجيت
- تشوفها بيه عمو هيانها. بوجهي وتفاصيلي

سكت واني اشهك مرجيه راسي عالباب بتعب كلب وجسد انفتح القفل بهدوء والباب انفتحت
من شفته كل ايامنا تسطرت كدامي بس بدونها هي وجهه تعبان. هذا الي بس يضحك ودومه انيق وكاشخ والوجه يلمع اول مره. اشوف شيب بلحيته الخفيفه

عيونه. حمر كلش وشعره مخربط وبنفس هدوم الدفنه

تقربت منه حضنني وبجه بكل قوته. واني.مواقل منه

لحضه حسيت. حتى حيطان البيت تبجي راكان ضام وجهه بساعده ومرتجي عالميز. يبجي من التفت بيبي ماكو

بيبي بيبي وينج عافني عمو وتلفت وافز بوجودها متخربطه ركضنا عليها نسينا همنا حتى عمو ويانا شالها

قسنا الضغط هابط ٥ ركض سيدار البقه بالهول مفات جوه خله ملح شوي بحلكها غسلنا وجهه وحست
كعد عمو ايده ترتعش
باوعلها

ونصه
ازل : بيبي ليش هيج وكعتي مماكله مو
راكان : من البارحه كلشي مماكله. وي عمو رائد اول بارحه تريكو سوه كوه اكل وهي وياه وراها كلشي مااكلو تصبلي واكل واكلها تعاي اكلي متقبل
رائد : يمه معليج مني اكلي عرفوني بقهري لحد يلح عليه

بيبي- يمه اني بعد مابيه شده وحيل تموت روحك اموت وياك ولااضل بحيدي

ازل : بيبي انتي مره مؤمنه حرام هذا الحجي اعتراض على حكم الله احجي ودموعي تنزل بكل ركن بهالبيت الف ذكرى گلبي. راح يوكف من الالم

مداكدر بس كوه. مقاومه الله يساعد عمو
شوي وطب سيدار بيده. اكل صينيه. فرشه عالميز عمو باوعله ونصه كال
يله عمي يله. بيبي راكان تعال اكعد
يله ازل نسويله واهس لعمو

رائد : اكلو انتو عمي اني فايت انام
بيبي : اني اذا مااكلت مااكل
ازل : اني مااشتهي والله
راكان : عمي لخاطر الللله. لخاااطر الله. قاوم موكلنا حنموت والله العطيم حرام الدتسوي

رائد : والله يابه موبيدي استغفر الله ربي
ازل : جريت كرسي من الميز واشرتله
يله عمو تعال اكعد لخاطر اساور عاين هاي البرياني واللحم تحبه هي

رائد : عافتني وحدي لاولد ولاتلد صفيت وحدي
راكان : هاي شنو عمي لعد اني وين رحت
سيدار : كلنا ولدك عمي كوم لخاطر بيبي وخاطرها هي تتاذه. هيج

ازل : والله كتله
كام بالكوه وكعد صبله سيدار رأساً واكل وبيبي تباوع وتاكل. اكلنا بهدرء يجرح الزردوم بكل بلعه

سيدار كسر الهدوء بالوكت المناسب
سيدار : عمي خابروني الموظفين خطيه والعمال اللي عده اجار واللي عده. مريض واللي عده جهال تنتطر تجهيز مدارس خطيه باقين بله راتب وشغل

نصه راسه همس
طيهم رواتبهم بابا
اي نطيتهم بس الشركه معزله

المن اشتغل بعد اني اخذوها انتو ديروها
سيدار : والله اني بدونك كلشي ماسوي اعوف الشغل وارجع لوظيفتي غير انت جبيرنا

رائد : جنت اشتغل علمودها المن اشتغل هسه
ازل : عمي الانسان يشتغل مو علمود فلوس علمود يحس بقيمه. نفسه بالمجتمع انت بهاي شركتك من واكف بيها معيش ١٤٧ موضف قيمه نفسك لمن تشوفهم مرتاحين وجهالهم مكيفين. بحيات مرتاحه

جر نفس وباوعلي
كوليلي شون اعيش و٣ ارباعي ميت منتهي

نعيش بربع. واني وياك عمو وراكان وبيبي نكمل واحد يسند الله انتو تعرفون اني يمكم ربيت اكثر من يم عمتي ارتاح هنا اكثر

هز راسه وجر نفس
خلوني ارتاح. وراها الله كريم سيدار بابا مفاتيح الشركه يمك ويم واكان رجعهم للشغل ونطيهم هالشهر راتب مضاعف على روح بنتي

باوعلي
- انتي هم عمو ارجعي وي الولد
- اني ماكدر وحدي غطيت وجهي ماكدر وحدي

رائد : عمي لتخليني اكره روحي واشيل. خطيتج من ورايه دخلتي قسم اعمال والاانتي مستواج علوم اقلشي. رجعي لشغلج بابا

- مااكدر عمو والله نصيت راسي
سيدار همس
- احنا وياج ازل اني وراكان

- لالا ماكدر
راكان : واذا عمي داوم
سكتت باوعتله

- اذا رجعت انت ارجع
هز راسه وسكت همس
موهسه خلوني اتونس برثائي وحدادي ارتاح من ابجي عليها

تركنا وطب وكمت اني كملت وي بيبي نضفنا عدلتلها البيت هواي مواضع حسيت روحي تطلع بيها واوكف خاطرهم وخاطرها ويايه احسها ويايه

كملت وي بيبي وطلعت خابرت السايق كال سيارته بالتصليح تبديل دهن سديته وعدلت شالي اطلع اخذ تكسي واوكف يم بيتنا انزل اخذ فلرس من للومه وانطيهيا

مشيت داااطلع وصاح سيدار
دقيفه ازل
التفتت ها
وين رايحه
كملت وبيبي نامت خطيه ترتاح
اوصلج لبيتكم متبقين
لامااكدر ابات هنا اختنك

الله يساعدج امشي اوديج
لاتسلم
لا والله ماعدي شي عطاله بطاله استاذي ونايم جوه طلع راكان كال وهو يلبس حذاءه

دقيقه شباب
خطيه يمشي بالكوه رجله تعرج ماعرف شبي. من سالته يكولي من يوم وفاتها شكلت عدي ما دري ليش

اجه ويانا كعد ليكدام ساكتين قريب مدنوصل التفت عليه كال

- ازل وسناء منو

فكيت عيني كلها
- شنو كلت
كال
- بنيه اسمها وسناء منو هاي
بلعت ريكي سيدار يباوعلي بالمرايه ينتظر جوابي

- اانت منين تعرفها
- شفتها مراسله هبه اللي بالحسابات كايلتلها تدزين راتب وسناء وي رواتب الموظفين وانتي موقعه وعمي هم منو وسناء

- صديقتنا
- شبيها هاي
- ليش تسال

- مو صار مرتين ندز الراتب و يرجع هبه اتصلت البارحه كالت الموصيتني عليها المرحومه عنوانها غلطوالرااتب يمي عن الحلال والحرام

- وسناء بيتهم ب—
- اي هو ابو شاكر دزه عالعنوان الموجود بالورقه.  منطقه ال— محله — زقاق— دار رقم — مو

- اي يمكن اي اي صح
- لعد ليش ديرجع خرب هسه اني بيا حال
- اني عبالي بس مره دزت الها  مساعده

- لا كل شهر ويرجع اصلا ولا مره. وصل واساور مكلت شهر الوراه تدز مضاعف وهم يرجع من تجي هبه تكولها تجاوبها ميخالف خلي. شنو سر هالوسناء

ماعرف
كلتها ضامه اسرارها اني واساور محبيت نحجي بالاسرار النطتها النا

وسناء موصديقه لا مجرد موقف صار من تاخر قسط الخط ومكدرت تنطي وكام ابو الخط يسمعها واساور دفعته الها بوكتها جننا مسجلين بخط الجامعه مو السايق مال عمو يودينا ويجيبنا

دفعته اساور ومكالت لوسناء بس اني ادري بعدها جتي نطت الها الفلوس تعذرت لان اخرتها
كم مره ومره نحجيها كوه ويانا. كونها منطويه  حدما شوي لانت وكامت تحجيلنا وسناء اختها الجبيره. ارمله وخبازه. امها واكعه على ضهرها ومكسور حوضها لازمها عمليه والبنج جسمه ميتحمله

والدها متوفي من بدايه السقوط  اكثر من مره عرضت علبها اساور مساعده متقبل
ومن دفعت فلوس الخط  وردتها جابت وياها صفطه خبز تخبل اساور بالغت برده فعلها الفرحانه  من شافت الخبز

مره طلبت من اساور عمل واساور كلتلها اشوف الوالد جننا راجعين من لبنان ونسبه السميه مصفره ورجعت تداوم نوعا ما بنشاط

بس وراها التهينا اتذكر مره هبه كلتلها من جتي تزورها بعد ما رجعت انتكست
تره الامانه مدتوصل كلتلها ضلي حاولي

سكتت كاتمه كل الاعرفه لان البنيه سرتنا لحد اخر ايام اسو تتذكرها 

ختمها راكان بحجايه انطيج الراتب انتي ودي
واني بشرودي الذهني همست

نوطفها عدنا

باوعلي سيدار عاكد حاحبه راكان كال
شون
نوظفها عدت الكلمه عليه

باوعلي كال
ماعدنا مجال كله مشغول
خليها يمي على ميز اسو

صرخ
لااااا ميز اساور يبقى ميزهااا محد يكعد عليه
هزيت راسي مغمضه  اني شون حداوم وميزها كبالي فارغ شون وذكرياتها

سكتت راكان توقع زعلت
كال
نخليها وي مهيمن عالتحويل
هزيت راسي بتعب ورجيته عالشباك وصلنا نزلت شلت ايدي مسلمه راحو

الهام....
احاديث تبهج احاسيس قلبي بلهجتك الضحوكه
تضحكني بلا تردد
اسلوب فكاهي فطر حجر ايامي بانباته نبات الامل فيه
انا طفلة بين سطور حكاياته
انت مراهقه بين مواقفه الكثيره
انا ناضجه لكل تجاربه
الهام انا له ان بردت مواهبه الشقيه
ولومه لائم ان اخطا   سكين مفيد وجارح
قد يحسن استعمالي وقد يخطا فاجرحه وقد يحتاجني فانفعه

—
انور انت غلطان لازم تتحمل نتيجه غلطك
ياب شمدريني. حجايه ذبيتها وشدعوه اخذتها على روحها عشتو اسم الله من تلبس اللطش وحد ذاك الفدشي مبين متنحرج من ادعبللها حجايه بالشقه اووو لاا استغفر الله. سبينا رابعه العدويه

انت شعللليك منهااا
لتصيحين لج  عااتبي بس لتصيحين عليه مو زعطوط

ابويه. تلبس تنزع شعلينا من العالم
هي البدت وكعدت تتلوك بنصنا اني والولد وكلهم دعبلولها حجي موبس اني ليش عافت الكل وجلبت بحجايتي هاا

سكتت جريت نفس لان عاجبها
جر نفس وسكت
سكتنا شوي  ثنينا.  همس

للومه راح اجيج
ليش؟
مخنوك واريد اتسوك ضايج
ب٥ نلحك
اي بدلي
اوك

للومه
ها عيني
احب احجي وياج
اني هم والله
للومه من اغلط احب اكولج ماضم عليج بس لتتجاوزين ماحب المره. التعلي صوتها عالرجال
اوك بس لتضل تشاقى وي الموضفات  اضوج انور

لا والله جرت اذن صارت اني ماعرف حياه الدوائر والمضفين بيها  قبل متوقعتها نفاق وموكل الموضفين اوادم

اووو شوفني اني لحد هسه. ممصادقه. موضف لو موضفه. كلهم هالهامش علاقه عمل بس
ذهب انتي
مااتخير عليك يله خل ابدل واسوي قائمه
اوك

عسل...
دارتب البيت رسل نضفت غرفتها عزلتها ونضفت الكليدور و الصاله. من كيفها هي من تضوج تنضف بس متتواصل ويانا

كملت وكملت اني تنضيف جانت ساعه ٥ ونص لومه طلعت وازل اليوم بالشركه بعد مرور شهر عدى وفاه اسو قرروا يرجعون يفتحوها بس ابوها بعده ميقبل يشتغل

راكان وسيدار لزموها وازل رجعت لشغلها فاليوم اول يوم دينضفون بيها

بقيت وحدي
كملت شغل وخليت الدجاجه بالفرن للومه كلتلي نشوي دجاج تبسي للعشا

واتصلت بي
كانت فتره علاقتنا بدت تتوطد

شقانا زاد باليوم اكثر من مره نتخابر ونفتح فديو من اشتغل من ارتب وهو يبيع نتشاقه نتعارك نتداهر يشوفلي الشغلات الجابهن للمكتبه

ياشرلي اش بطريقه مختلفه من يطبله احد يخلي طرف اصبعه على طرف شفته مثل  الديحك  شفته
معناها سكتي والتلفون فاره علي حتى محد يفهم انه فاك فديو

متجرا يتجاوز ابد

طلعت رسل عدها شغلات ذبتهم بعلاكه من دافرغ الزبل شفتها يم السطله فتحتها لكيت حمر واقلام كحله بعد بيهن
تمكيجت خفيف وهو دك كامره
رديت وميلت راسي

هلاو
دقيقه عسل اجه ولد ديشتري
سكتت
كمل مشتره وطلع جر نفس وفر الكرسي عليه باوعلي ابتسم
هاا ولج وين خاتله اليوم ماكو
دنعزل
همم وسكت صافن تغيرت ملامحه عكد حاجبه وذبل وجهه صافن دقيقه  توقعت النت ضعف يمه ووكفت الصوره
يحيى؟

رفع عينه ليفوك تغيرت ملامحه عيونه الصافيه التلمع صارت بيها حمار
الو
ها
شبيك
مباوعلي بعد نضره
يحيى؟
نزل عينه باوعلي ورد رفعها

شبيك باوعلي
ميباوع ساكت
غير يحجي غير ينطق

شخاله بوجهج
كالها داير وجهه عود ديرتب بللغراض
شخاله.   هااا شوي مكياج
منيلج
خواتي عدهن
هممم وليش بله
هيج عجبني
اول مره اشوفج بي
اي ممخليه قبل شنو محلو عليه

مرد
يبوو يحيى
ها عسل
دباوعلي فتيته لكلبي جر نفس بنفاذ صبر شال الفون وباوعلي  بعتب. ذبلانه. عيوونه
كلت بهدوء
ليش ضجت بقه يباوعلي يرمش بهدوء همس
ماعرف والله
امسحه

كيفج وخله ايده جوه خده يتامل ملامحي
اول مره هيج يتامل
اول مره يسرح بتفاصيل وجهي
اول مره كلبي يدك بهالسرعه

خجلت نصيت راسي وفريت الفون من انتبهت عيونه ركزت بشفافي

يحيى الشاب الخلوق شهرين وهذا الثالث وياه مشفت منه الا كل ادب واحترام
اليوم شفت نضرات منه تحجي حجي ميكدر يكوله

من فريت الجهاز همس وره شوي
عسل غسلي وجهج وتعاي ممكن
اوك
غسلت ورجعت
الو
وينج باعيني
لا خلينا هيج
عسل باعيلي
ماريد حباب
ليش

سكتت
جر نفس كال بهدوء براحتج
بقه ساكت واني سكتت نوبات اتصرف تصرفات احس روحي  زعطوطه.
شنو معناها من تمكيجت وشوفتله وجهي يعني باوع شفافي شون حلوه تعال اخذلك بوسه بدربك هم من طاح حضي

متت متت كرهت نفسي  صح اني سفور بس ابد ممتمكيجه يعني مو بس شغله عيب لا بس مو مودي ولا واهسي

بين تفكيري وصفنتي كال بصوت هاديء
عسوله
ها نعم
بيش صافنه
لا بس موقصدي
شون يعني
يعني موقصدي شسمه اقصد يعني جريت نفس وسكتت مترفت اصوغ الكلام

جر حسره وتنهد همس
-بس اني قصدي عسل  قصدي ومعرفت الزم روحي وعيوني عنج
-غمضت كل ذره خجل بيه. اشتعلت غضب من نفسي حسيت روحي غريته الصديق صارت نضراته نضرات رجل لاي امراه

احجي عسل فدوه اروحلج
ماريد
شنو متردين متردين تحجين لو متردين اباوعلج
سكتت
تردين اروح
كيفك
عسل لتتعبيني
اني موقصدي يعني اخليك تباوعلي

اوك
يعني هيج مكيجت عجبني ومكيجت موعلمودك

امم
يعني جوز باجر  عكبه بالجامعه امكيج هم يعني موضروري عمود الولد
جر حسره وهمس
كافي عسل فهمتج
اوك

شو وينج
فريت الفون ابتسم كمت فليت شعري ورجعت لفيته شلته
كال يضحك
كبه كبه
هههه اي هه
واتذكرت الفرن عزه احترك التبسي هسه
عزه يحيى الفرن
شبي
اوكف

طلعت ركض فتحت باب الغرفه  واشوف الدخاخين وصوت التطكطك  من النطبخ ركضت واشوف كيبل الفرن يطكطك والنقطه مجمره. وطكت نار عطت. اريد اطلع افتح باب المطبخ وتطك شرار من النقطه تطفر حمرات صغار وارد اعيط

وكبت نار كلش قويه. رجعت طبيت صغر عقلي خلاني اتوقع جوه انحني من النار سديت باب الغرفه ويحيى يصيح

عسسسل شبيييج
توني احط عالفون انكطع نقطه الواي فاي بصف الفرن
ذبيت الفون ماعدي رصيد صعدت فوك كبت نار بالمطبخ بس اصيح. واركض منا ومنا
ياربي ماما شوون وين اروح. لحكووولي لحكولي. وين اولي ماما

صعدت فوك  كل املي ببالي اشمر روخي من السطح للحديقه لاماخاف. والطبن ماياذيني
صعدت ركض للبلكون اروح منا واجي منا اخاف اعبر عالي اخاف. كمت اصيح لحكولي
مغربيه

عالم ببيوتها
الفرع فااارغ الطرمه كبت ميزانبه الكهرباء طكت

وطبكت سياره عمو انور  بالباب  دينزلون الغراض ويضحكون اصيح عموو عمو يتلفت
ودك تلفونه

كال الو هابابا
اسمعه وميسمعني
منو   وين بالا شبيك اهدا فهمننني
عسل وين
عمووو هنا هنا فدوه لحكولي فتحت عمتي الباب من جوه وصيحت

لللومه هيانني فدوه لتعوفيني.

صيحت
اعسل يمه عسسل ناررر احترك البيت عمو انور ركض للصندوك وطلعه طفايه الحريق الطرمه نص السقيفه الخشب خلصت يوكع الخشب جمرات
العالم التمت وحسن اجه وكف بالباب بشحطه بسيارته واني اكمز بالبلكون

لتطب انوررر تحترك يمعوود
صيح حسن
للومه دتطب دفعها عمو ليبره وطب صيح
عسللل
عمو مناا عمو فدوه

لتخافين بابا لتخافين
عفيه اريد اطلع اختنكت
هسه اصعدلح هسه

—-
يتبع