شكرا على التفاعل يابنات❤️ البارت الأخير
ساره بتوتر : ك كنت عايزه أقولك حاجه
غزل باستغراب : قولى
ساره : مالك سافر النهارده الصبح ومش هيرجع مصر تانى
غزل بصدمه : سافر !!!!
ساره : أيوه المفروض بقا تركزى فى حياتك زى ماقولتلك تراجعى حساباتك تشوفى أهلك ال ضيعتى ثقتهم قربى من ربنا قربى من الصح
غزل بشرود : هو ده ال لازم يحصل
العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بعد مرور سنه على ال حصل
غزل لبست الخمار قربت من ربنا أكتر وأكتر بقت تقرأ كتير عن السيره النبويه وكمان حكت لوالدتها موضوع مالك كله هي عاتبتها بس بعد كده شافتها اتغيرت خلاص
(طبعا كلنا عارفين أن ربنا بيقبلنا فى كل الأوقات وبكل حالتنا مفيش أحلى من أنك تكونى دايما قريبه من ربنا وبعيد عن الناس)
ساره : بت يازوزو
غزل : ايييه
ساره : مالك مندمجه فى أيه
غزل : كتاب جديد اسمه لأنك الله جميل جدا بيشرح اسماء الله الحسنى وكمان فى قصص جميله جدا ومعبره انا فرحانه جدا أن اشتريته
ساره بغمزه : طبعا مش هتنسى صاحبتك وهتسلفيه ليا بعد ماتخلصيه انتي عارفه الحاله ناشفه زى المستشفى
غزل بضحك : عارفه ياختى بس لما أخلصه
(ساره كمان مختمره أصلا من الأول)
ساره : صحيح شوفتى الأدناء الجديد ال انا جبته
غزل : واطيه من غيرى
ساره : عجبنى مرضتش أضيعه بس بصي كده
وفضلوا يتفرجوا ويتكلموا فى مواضيع كتير دينيه
(الصاحب ساحب ويابخت ال صاحبه ساحبه لطريق الجنه😇)
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
غزل بزهق : مااااشى ياساره تسبينى لوحدى ده كله فى الشارع لما أشوفك
: القمر واقف لوحده ليه
غزل بقر"ف : وأنت مالك وابعد عن وشى عشان مناديش الأمن
ماجد بسخريه : انتى هتعملى فيها شيخه يابت ده انتى كنتى بتمشى مع الشباب فاكره ولا أفكرك
غزل حبست دموعها لما سمعت كلامه ورفعت الشنطه وخبطته بيها على دماغه : ده عشان تحرم تتعرض لبنات الناس تانى ياوا"طى
ماجد بعصبيه : انتى اتجننتى يابت ولا أيه
ولسه هيمد أيده عليها كانت فى أيد ضر"بته ضر"به وقعته على الأرض
غزل بصدمه : مالك
مالك بغضب وهو بيضر"به : حذرتك قبل كده وانت برضوا مسمعتش بس دلوقتي حظك انك وقعت فى أيدى
فضل يضر"ب فيه بشد"ه لحد الناس لما اتلمت وحاولوا يبعدوهم عن بعض وكان ماجد شبهه فاقد الوعى
مالك بعصبيه : أقسم بربى لو قربتلها هى أوغيرها تانى ماهرحمك
ساره جت فى الوقت ده واتصدمت لما شافت مالك وشافت غزل واقفه مصدومه
مالك مبصش عليهم خالص ومشي
ساره بخوف : هو ايه ال حصل
غزل بشرود : يلا بس وانا هحكيلك
ساره بتحذير : غزل مفيش أى تفكير فيه نهائى مفهوم
غزل بثقه : متخافيش انا دلوقتى كل تفكيرى ان أرضي ربنا ربنا وبس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بعد مرور يومين
غزل عرفت أن جايلها عريس وافقت تقابله وتاخد فرصه وجه وقت الرؤيه الشرعيه
ساره بتشجيع : عايزاكى يابت ألف كده متجيش يمين ولا شمال عرفيه أن احنا جامدين أووى ماشى
غزل بضحك : ساره أسكتى خالص
والدتها دخلت ندهت عليها وخرجت معاها ودخلت عند العريس بس كانت عيونها فى الأرض ومشافتش العريس حتى
بعد وقت أهلهم خرجوا عشان يسبوهم يتعرفوا بس طبعا الباب مفتوح وشايفنهم
العريس : حلو لون السجاده مش كده
غزل اتصدمت لما سمعت الصوت ورفعت وشها واتصدمت أكتر : مالك !!!
مالك بابتسامه : شوفتى بقا ان انا أحلى من السجاده
غزل بغضب ودموع مكتومه : ايه ال جابك مش انت
قاطعها مالك : أولا ايه ال جابنى نبطل غباء شويه دى رؤيه شرعيه وانا جيت سهله عريس ولو على اي حاجه زمان عايزك تنسى كل ال حصل
غزل بدموع : وانت تقبل تتجوز واحده مشيت معاها
مالك بضيق : غزززل مفيش فايده من الكلام ده سبينى أشرحلك لما قولتلك كده كان غصب عنى انا وقتها سمعت شيخ بيتكلم عن العلا"قات المحرمه وان اي حاجه غير الخطوبه والجواز فهى حرام شرعا ومفيش حاجه اسمها ارتباط انا سمعت كده وخوفت عليكى وعليا لأن انا حبيتك بجد قولت لما أجرحك تفوقى لنفسك وفعلا ده ال حصل يمكن كان كلامي قاسى عليكى بس برضوا أثر عليكى جامد وماشاء الله شايف قدامى حوريه من الجنه وبالنسبه أن سافرت كان لازم أعمل كده كل واحد كان عايز فرصه يراجع نفسه انا كونت نفسى ورجعت أطلبك فى الحلال لأنك أغلى بنت شوفتها فى حياتى وتستاهل الغالى
غزل بدموع : يعنى
مالك بابتسامه : يعنى بطلى نكد ووافقى بقا انا مستنى اللحظه دي من زمان
غزل ابتسمت وسط دموعها : ضوابط الخطوبه
مالك بابتسامه : دى أهم حاجه طبعا بس انا بقول كتب كتاب علطول وخير البر عاجله
غزل : بالسرعه دى
مالك : مفيش أحسن من السرعه فى الحلال
غزل بضحك : يبقا جيب المأذون
مالك بضحك وغمزه : نجيبه ياعمممى
مفيش أجمل من الحلال وحلاوته بتحس بأعظم انتصار انتى غاليه صونى نفسك لل يستاهلك ياجميله انتى بحبك ياست البنات❤️يارب تكون عجبتكم
الرواية
