رواية امبراطورية نور الفصل الرابع 4 - بقلم الخاتونة

استيقظت وتد في الصباح وهي تشعر بوجع في جميع اجزاء جسمها ..  بدءت تبكي .. لم تستطيع ان تتحمل اكثر ..نفس الوجع ونفس التعذيب .. متى سينتهي ذالك الكابوس وتعيش حياتها مثل باقي الناس ... استحمت وغيرت ملابسها ووذهبت الى جامعتها

هادي  دخل الجامعة وهو يبحث عن  جوان ووجدها تجلس بجانب الشجرة وتبعث بهاتفها
هادي: صباح الخير
جوان : صباحو 
هادي: شنو رائيج  نطلع نفطر
جوان رفعت يدها ونضرت  لساعتها ونقرت عليها : ماضل وقت وورانا محاضرة
هادي: حبيبتي
جوان وهي تبتسم : تعال اكعد سويتلنا فطور من البيت هادي : فديتها لمرتي
جوان : بعد كل يوم اني اسويلك فطور
هادي : حياتي مااريد اتعبج
جوان :  حبيبي هذا واجب اتجاه زوجي وابو جهالي
هادي : وينهم جهالج هههه
جوان وهي تضع يدها على بطنها : راح يجيني واحد
هادي ضحك بهستريا : اي مو هسة الاطفال يصيرون من الواحد يقرا لزوجته قصة
جوان : شبيك خليني عايشة اللحظة
هادي : اخاف اعوفج تعيشين اللحظة وانوب حتى تسميهم وتختاريلهم تخصصهم الجامعي وتخرجيهم وتزوجيهم وتشوفين اطفالهم
جوان : اتصدك اني مفكرة بكل هذا
هادي : حياتي ان شاءالله نعيش كل هاي الاشياء ونحقق كل هاي الامال
جوان : ان شاءالله .

كانت وتد تنزل  بسرعة لانها تأخرت على محاضرتها وعند الباب  اصطدمت بنور
نور: انتي عميه متشوفين
وتد وهي تحاول ابعاد نور من امامها: شويه شويه
نور: شبيج مو داحجي وياج
وتد : ولك وخر اتأخرت
نور ابتعد عن الباب ووقف جانبآ لتمر  وتد  لتقف عند الشارع بأنتضار سيارة .. كانت تنضر الى الشارع وبعدها تتفقد ساعاتها  .. انتفض جسمها عندما شعرت بيد تقع على كتفها 
نور: تعالي اوصلج
وتد نضرت له  ورفعت  احدى حاجبيها ..اما نور فسحبها خلف لتصعد في السيارة
وتد: ماعرفتك
نور: السانج
وتد تجاهلته وكانت تنضر من خلال النافذة للطرقات  وعندما وصل الى جامعتها  ونزلت اوقفها صوت نور
. نضرت له من خلف الزجاج
نور: وتد
وتد: نعم
نور: ماكو شي بدون مقابل
وتد: نور يعني مرة وحدة صير شريف
نور: السانج
وتد: ماكتلك وصلني
نور: وصلتج بعد
وتد : اوف نور شكو شتريد
نور: الحفلة
وتد: ياحفلة
نور: الي لازم اروحها ويا امي
وتد: اي شبيها
نور: تعالي ويايه
وتد: وليش يعني
نور: انتضرج الساعة 9 ماشي وقبل ان تجيبه انطلق في سيارته .. زفرت وتد بأنزعاج وذهبت لمحاضرتها ..

سناء اتصلت على نور واخبرها انه سيصل بعد قليل ..
صفد: تتوقعين يروح
سناء: اي
صفد: متأكدة
سناء: اكو احد يعترض على كلام امه
صفد: لا وياريت امي عايشة والله لعيشها بنعيم
ناديه: خلي تحمد ربها هاي الكافرة انها ماتت
صفد: انتي شبيج مضغوطة من امي هااا! تغارين لان امي شمس وانتي ضلمه .. فديتها جنها قمر وانتي زركة
سناء  حاولت ان تكتم ضحكتها :  احم احم
ناديه: اني مسلمة وامك كافرة
صفد: عادي انتي مسلمة بالاسم ومايوم شفتج حتى تصلين
سدن: صفو حبيبي
صفد: عيونه وكلبه
سدن: جوعانه خلي نطلع ناكل شي
صفد: يلا امشي ..التفت الى ناديه وقال: عمتي اتريدين انجيبلج شي ويانه! توقف عن الكلام وبعد ثانيتين قال ' بس نسيت انتي تكرهيني لان اني ابن الكافرة وابتسم وغمز لها ليغيضها وامسك يد سدن وخرج
ناديه: شفتي شلون يحجي ويايه وانتي ادافعيلة
سناء : انتي الي تتحرشين بيه وكم مرة فهمتج ماعليج منه
دخل نور ليجلس بجانب ناديه
سناء : شكو كاعد ويلا ترا اتأخرنا
نور: اني حاضري بس  شوفي هاي وينها
سناء : مني !
نور: وتد
سناء : شعليك بوتد
نور: تريد تجي ويانة
سناء  نادت على وتد لتجيبها من فوق السلم : ها عمة
سناء : يلا اتأخرنا
وتد: روحوا لان اني مالحكت ابدل وتعبانه
نور: ماما لحقينا للسيارة
سناء : اوك
خرجت سناء  وبعد دقائق اتبعها نور ووتد وركبوا في السيارة
سناء : همزين جيتي هم تغيرين جو
وتد وهي تنضر لنور بغضب
اما نور فتجاهلها وبعدها وقاد السيارة بكل هدوء بينما وتد تتمنى ان  تقتله على تلك الافعال . وصلوا الى الحفلة وعندما دخلوا كانت وتد تنضر لهم وهي منزعجة .. سناء رئت احدى صديقاتها وذهبت لها لتلقي عليها التحيه اما وتد فمازالت متصنمة في مكانها
نور: كتلج تحضري ليش تعاندين
وتد : الحمامات وين
نور: مادري
وتد وهي تكز على اسنانها: نور الحمامات وين !
نور كان يسير وهي تتبعه الى ان وجدوها .. دخلت وتد وهي تنضر لنفسها في المرايا
نور: شبيج كالبه خلقتج  يلا انتضرج برا اني ..
وتد نضرت لملابسها وخلعت  قبوطها الطويل الي كان يصل لتحت ركبتها ...  وكانت ترتدي تنورة قصيرة  فوق الركبه وقميص بدون اكمام   وشفاف عند الصدر ..  .. رتبت شعرها وربطته بأهمال لتنزل بعض الخصل منه .. وضعت احمر شفاه    وتعطرت وخرجت لتبحث عن نور .. وجدته يجلس مع سناء  لذالك ذهبت لتنضم اليهم
سناء : انتي ونور تونسوا ولتضلون معبسين
وتد : ماشي 
سناء : لتكلبون خلقتكم وتفشلوني كدام الناس
نور: كافي ياامي شبيج علينا
سناء : اوك سكتنا
وتد : عمة هاي مو ايناس
سناء : اي هي بس معرفتها كلش متغيرة
وتد : لساعها حلوة
سناء : اي معتنيه بجسمها وعلى الرغم عدها 6 اطفال
وتد : ماشاءالله
وبين ماكانت وتد تتكلم مع سناء  شعرت بيد نور  على ساقها ليقرصها
وتد : ااااه
نضرت لها اسمااء: شبيج حبيبتي
وتد : اا اا
نور : شبيج  فضحتينا
وتد وهي تكتم غضبها  : ماكو شي بس نسيت شغلة مهمة
سناء :   شنو نسيتي
وتد  :  لا هيج لتخلين ابالج
سناء : اروح اسلم على صديقاتي واشربلي شي وانتو هم تحركو وتعرفوا على الناس وانت نور دورلك بينه علمود نخطبها
نور: ماشي
بعد ان قامت سناء  ..نضرت وتد الى نور : هاي شسويت
نور: ليش مطلعة رجليج
وتد : وشدخل امك بالموضوع
نور:   لمي روحج احسنلج
وتد : نور انت ليش جبتني هنا
نور وهو يمسكها من ذراعها ويقربها   اكثر له : غير احبج واعشقج
وتد نضرت له ورفعت احدا حاجبيها : خلي يولن
نور ابتعد عنها : كيفج لتصدكين
وتد : امك كالت دور بنيه ويلا روح دورلك وحدة ولتحمض على قلبي
نور: دوريلي وحدة على ذوقج
وتد : اوك بس شنو النوع الي تحبه
نور : اممممم اريدها مثل جوان
وتد وهي تبعثر نضرها بين الحضور : شوف هاي الي لابسه فستان احمر  كلش حلوة
نور: لا عاديه كلش
وتد : زين هاي ام الجوزي
نور: ياهي
وتد : الي ثوبها قصير
نور: لا شكلها  مامحترمة ولبسها فضاعة
وتد : اول مرة ادري بيك متخلف
نور: من ارجع للبيت اشوفج المتخلف شراح يسوي بيج وبهذا لبسج
وتد : عوفك مني وشوف هاي ام الاسود والله تخبل
نور: وينها
وتد : دشوف هذا الولد الحلو ابو القميص السمائي
نور: وينه
وتد : شبيك هذا الي واكف بجانب الطاولة
نور: هذا حلو
وتد : حلو وبيرفكت هم
نور: شعجبج بيه بالله
وتد : مادري بس روحي حبته
نور: اها روحج حبته
وتد : المهم ركز على البنيه الي بصفه
نور: لا سمينه
وتد نضرت له : ليش منروح نفصلك وحدة على مزاجك
نور: وخري ماعندج ذوق
وتد : شوفنا ذوقك بالله
نور: دشوفين ذيج الي واكفة بصف  الي روحج حبته
وتد : اي ام الاسود الي كتلك عليها
نور: لا الي وراها
وتد : هاي عجبتك !
نور: كلش
وتد : متصنعة وكلها نفخ وشد
نور: ماعندج ذوق وخلي اكوم اتعرف عليها
وتد : روح بابا روح
وتد كانت تنضر  له وهو يتكلم معها ويضحك  عادت سناء  لتجلس معها وسألتها: ها لكيتوا وحدة
وتد : اي واخيرا عجبته هاي الي واكف وياها
سناء نضرت لها: كلش حلوة ومتوالمين
وتد : بس متصنعة ومصطنعة
سناء : عساها صنم بس خلي يتزوج واخلص منه
وتد : اي اي لازم يتزوج ونخلص منه
سناء : اي عفيه عليج وانتي  هم نريد نخلص منج
وتد : هههههعهههع
سناء : انتي هم عجبج احد بالحفلة
وتد : اي
سناءسناء : ياهو
وتد  اشارت الى الشاب
سناء : اممممم
عاد نور ليجلس معهم
سناء : عجبتك مو
نور: تقريبا
سناء : اوك ابقى يم وتد انت  واني اروح اكمل سوالفي ويا صديقاتي
نور: اخذي راحتج
وتد : شوكت نرجع
نور: بعدها مابدت الحفلة
وتد : بس ضجت اني
نور:  شسويلج
عادت سناء ومعها كمال لتعرفهم على وتد ونور  وتفاجئت عندما اخبرها انها  قريب هالة
وتد : وي كمال ماادري انت ابن عم هالة
كمال: شسوي بنت عمي متذكرني
وتد : لعد همزين سألتني على اختصاصي وجامعتي
كمال: اي همزين
وتد شعرت بيد نور على ساقها ليقرصها مرة ثاني ولكن هذا المرة   لم تصرخ وكتمت وجعها ولكن وجهها اصبح احمر  وعيونها امتلئت بالدموع
كمال : وتد بيج شي
وتد : لا ماكو شي
كمال : تعالي نرقص
وتد : اوك
قامت لترقص مع كمال وتكلموا في بعض المواضيع وبعدها عادت لتجلس امام نور لكي لا يزعجها بحركاته .
نور: عجبج مو
وتد : لا واحد سطحي طلع
نور: قبل شويه تكولين روحي حبته
وتد : اي عادي مرات تنجذب لاشخاص ومن تتعرف عليهم تعرفهم اكثر
نور: اها
وتد: خلي نرجع ترا مليت
نور:يلا سبقيني للسيارة  على  مااشوف امي
وتد  خرجت لتقف عند السيارة لانها كانت مقفلة ..
نور: ماما اني ووتد راح نطلع
سناء  : بعد وقت
نور: انتي كملي حفلتج واتصلي على السايق يرجعج
سناء: لا عادي ارجع وياكم
نور: لا ابقى واستمتعي والسايق يرجعج
سناء : اوك ..
خرج نور ليجد وتد تقف عند السيارة وبجانبها كمال ..  سار نحوهم  وهو غاضب من وجودهم معآ
كمال : شلون تعوف هاي الوردة وحدها هنا
نور نضر له وابتسم بتكلف
كمال: اوك وتد رقمي عندج عود اتصلي عليه وغمز لها
نور فتح قفل السيارة ودخلت وتد وركب هو من الجانب الاخر  . كانت وتد تلتزم الصمت وتجلس بهدوء
نور: اخذتي رقمة
وتد بتلعثم  : اي
نور  : اها
وتد  بخوف :  يلا نرجع  ورن  هاتفها معلن عن وصول رسالة جديدة  فتحتها وتد لتقرئها وتصنمت مكانها
نور  كان ينضر لها : خير
وتد : شنو
نور سحب الهاتف من يدها وقرا الرسالة "  نسيت اكلج انتي احلى وحدة عيوني شافتها بالحفلة وجنتي مميزة بكلشي وحتى بلبسج"
وتد سحبت هاتفها: شبيك
نور: هذا كمال مو
وتد : ميخصك
نور : ميخصني مو
وتد: اي ويلا رجعنا
نور تقرب من كرسيها : مااسمع شكلتي
وتد وهي خائفة وتنضر لنور وعيونه الغاضبه التي تريد ان تفترسها: ااا والله استحيت منة وهو لح ع الرقم مالتي
نور سحبها ليقبلها  وبعدها ابتعد عنها وابتسم لها   وقال: طيرته
وتد تنضر له بعدم فهم
نور: كمال واكف وراج وشافنا
وتد فتحت عينها : شنوو
نور: ليش مصدومة عادي شافنا
وتد : لا نور
نور: اي وتد
وتد كانت تشعر بالخجل ولم تستطيع حتى ان تحرك رئسها ..تقرب نور اكثر لها وطبع قبلة على رقبتها ليصنع لها علامة وبعدها همس لها: لتفكرين اتعيشين حياتج لحد ماامل منج واشمرج 
وتد امتلأت عينها بالدموع اما نور فشغل سيارته وعاد الى المنزل
دخلت وتد لغرفتها وهي تشعر بالحزن وكان نور خلفها .. مزق الملابس الذي كانت ترتديهن اما وتد فكانت لا تفعل شي وفقط تنضر له
نور: خلي اشوف  شلون تلبسيهن مرة ثانيه وابتسم لها وخرج ..
في الجامعة كانت جوان تجلس  بتملل ليفاجئها هادي وهو يقف امامها  ويقدم لها الورد
جوان وهي تبتسم بفرح: هاي الي !
هادي: هاي لحبيبتي ولاحلى بنوتة بالكون
جوان اخذت الورد منه وهي سعيدة جدآ
هادي : والله لو اعرف الورد يسعدج جان جبتلج كومة
جوان : كل شي منك يسعدني
هادي:  اني عايش علمود اسعدج
جوان : حبيبي الله يخليك الي
هادي سحبها من يدها وواخذها الى مكان ثاني
جوان : وين رايحين!
هادي: مفاجئة
جوان : يالله ياهادي مداعرفك  لو ادري هيج الزواج يغيرك جان من زمااان لحيت عليك وتزوجنا
هادي:  جنت قبل احبج بس مو ملكي واخاف . بس هسة انتي ملكي ومرتي وواجبي اسويلج كل الي تتمنيه

سناء : اليوم طايرات
سدن: كلش كلش
جوان : هههههه
صفد: شكلها تحب
سناء: يمكن
ناديه: منو هاي الي تحب
صفد: نتشاقة عمتي
سدن: اي ترا دنشاقة وياها
ناديه: انتي منو سمحلج تحجين ها
صفد: تحجي شوكت ميعجبها ومتنتضر من احد يسمحلها وهي فرد من العائلة فاهمة
ناديه: اول شي خلي اعترف بيك وبعدين اعترف بيها
صفد: مامنتضر اعترافج وبعدين غصب عنج اني فرد  من العائلة
سناء: كافي وخلونا كاعدين  ونور شوكت نخطبلك
نور:  بعد
سناء: اوك بعد اسبوع
نور: اتعرف على الابنيه ووقتها اكلج
سناء: اوك ...

كانت سدن تنام على صدر صفد . وضعت يدها على جسمه وسألته : حبيبي هذا اثر شنو !
صفد : رصاصه
شهقت سدن : هااا
صفد: تعرضت لأطلاق ناري
سدن : بس مكانها كلش خطر
صفد: الحمدالله نجيت منها
سدن وهي تحتضنه : الحمدالله حياتي . بس شلون يعني
صفد : كنا بالجامعه وماعرف شلون جتي الطلقه وشكلها تايهة ومالها صاحب وتوجهت عليه وجتي تاخذني صاحب
سدن : مجرد ما ااحجي بالموضوع اخاف
صفد : لتخافين حياتي
سدن : احبك
صفد : اموت عليج

كانت وتد في المطبخ تتناول فطورها بهدوء  .قاطعها صوت نور وهو يسألها : ليش مارايحة للسكن
وتد : وانت شدخل امك
نور جلس على الطاولة امامها وكان ينضر لها اما هي فأكملت تناول طعامها ولم تهتم له
نور: سم ان شاءالله
وتد : شكرا
نور: انتضرج اليوم
وتد ؛ لا شكرا لتنتضرني
نور: وتد لتلعبين لان تعرفين انتي الي خسرانه بالنهايه
وتد :  نور انت ليش هيج تسوي
نور نضر لها وبعدها قام : كيفي  وخرج من المطبخ ..

دخل صفد للغرفة نومه فوجد سدن تقفز على السرير
صفد: حبيبتي تخبلتي
سدن : لا بس صرت حامل  ومدت يدها لصفد .. صعد ايضا ليقفز معها وبدئو يصرخون وعلى صوت صراخهم فتحت سناء الباب وعندما علمت بالخبر ايضا بديت تقفز معهم .. كان نور ينضر لهم وهم سعداء .. شعر بالحزن لانه لا يستطيع ان يكون مثلهم .. تسأئل لماذا لا يمكن له ان يكون مثل صفد ..  لماذا لا يمكنه ان يتزوج وان يكون اسرة  ويكون له اطفال . شعر بالاختناق ومن تلك السعادة  التي لا يستطيع ان يحظى بها .

هادي كان يمسك بيد جوان وكانت اصابعهم متداخلة مع بعضها وماشابكة ..وجوان تضع رئسها على كتف هادي
جوان : احبك
هادي: اموتن بيج
جوان :  يالله شكد فرحانة واتمنى ابقى وياك وماارجع للبيت
هادي: حبيبتي اذا تردين ابقي اليوم يمي
جوان : ماشي بس خلي ارهملي سالفة مرتبة
هادي:  ههههههه مخمخي لعد
جوان : العقل قيد التشغيل
هادي قبلها من رئسها : فديت العقل هذا

عاد نور من العمل وعندما دخل المطبخ وجد سدن تحمل اكواب ماء بيدها وترقص
نور: خبلة انتي
سدن: هلا نور جيت بوقتك
نور: ليش شكو
سدن: عدنا خطار مهمين كلش كلش
نور: منو !
سدن: اصدقاء عمة سناء
نور دفع سدن بخفة: وشدخلني اني
سدن: لازم يكون الك دخل
نور: سدن انتي من جنتي صديقة احمد وانتي مخبلة وانوب صرتي حامل وزاد خبالج ووخري من كدامي لو تتكفخين
صفد: المن تكفخ
نور: اكفخ هاي زوجتك الخبلة
صفد: هههههه سدن معليج منه ترا هذا معقد
سدن: شعليه منه اصلا رايحة اقدم مي
صفد: روحي حبيبتي .. وعندما غادرت سدن
نور: اموت واعرف شنو الي عاجبك بيها وهي السانها طويل وطفوليه
صفد: احلى شي من تزوج هيج نوع لان ماراح تحس بملل  وتتصرف بطبيعيه وبدون تصنع وتكون سهلة كلش ومتعبك
نور:  كام يتفلسف  خلي اروح انام
صفد : تصبح على خير
نور: وانت من اهل الخير
ذهب نور لغرفته ووجد وتد تختبئ خلف الباب
نور:  ماعرفتج
وتد : احنا لازم نتفاهم
نور  حاوط رقبتها بيديه : اي نتفاهم  بس هسة نتفاهم بغير شي
وتد : نور انت مو راح تزوج
نور: اي
وتد : اي عوفني لعد
نور: وعد بس اتزوج حتى بخلقتج بعد مااباوع
وتد وهي سعيدة : صدك
نور: اييييي  وابتعد عنها 
وتد :  يعني اروح ارجع لغرفتي
نور: لا
وتد : نور
نور اخرج بجامته من الدولاب ودخل للحمام وغير ملابسه وخرج وكانت وتد ماتزال واقفة مكانها
نور: حلو هيج من تسمعين كلام
وتد : يعني اروح
نور تقرب منها وشدها اليه .. قبلها ببطئ فأبتعدت عنه
نور : وتد لتحاولين ومو يعني اذا جيتي برضاتج اخليج تروحين
وتد : شوف انت حقير وتبقى حقير  . نور ضحك على كلامها : اي هسة انتي وتد الي اعرفها
وتد : علمود تعرف ليش اكرهك وحتى نفسي تلعب منك واقرف منك وعوفني
نور: يعني مستحيل تصيرين ادميه ودفعها بقوة بأتجاه السرير فضربت يدها بحافة السرير وصرخت بصوت خافت : اااه
نور اصبح فوقها ا .. كانت وتد تحاول ابعاده ولكنه  استطاع ان يسيطر على حركتها  ..
في الصباح استيقضوا على صوت ناديه
نور فتح احدى عينيه وهو ينضر لها
ناديه: هاي الثولة ليش لساعها بغرفتك
نور: وتد وتد
ناديه: هاي تكفخها مو تكعدها بنزاكة .. ناديه سحبت وتد ومن يدها لتوقعها على الارض
وتد: اااه
ناديه: وجعا ويلا ولي لغرفتج
بعد ان خرجت وتد من الغرفة
ناديه كانت تقف امام نور وهي تضع يديها على خصرها
نور: خير عمتي
ناديه: صار شهرين من كتلك اريدها حامل تصير
نور:  فكرت بهذا الموضوع واني مااريدة ايصير
ناديه: بس اني اريدة يصير
نور: عمتي
ناديه : اني راح اسافر  اليوم  ومن ارجع اريد تبشرني فاهم
نور : عمتي
خرجت ناديه من الغرفة وضربت الباب بقوة 

في الجامعة كانت تجلس هالة مع وتد
وتد : مشتهيه بيتزا
هالة : شنو مشتهيه عزا بعينج
ووتد : يعني اريد اكل بيتزا
هالة : عزة بعينج يمكن حامل
وتد ابتسمت ابتسامه جانبيه لهالة :😏
هالة : انتي حامل
وتد  وهي تضرب هالة بالكتاب الذي بيدها : لا مو حامل واصلا  اخذ حبوب
هالة : يمكن نسيتي
وتد : لا ماانسة لتخافين
هالة : وتد صرت اخاف عليج اني
وتد : لتخافين شبيج
هالة : بس انتي مرات تكولين فجاءة يطلع كدامج
وتد : لا اصلا هو يسوي مانع طبيعي
هالة : شنو هذا المانع الطبيعي
وتد : من تزوجين تعرفين 
هالة : عادي انتي مامتزوجة وتعرفيه
وتد : انجبي ويلا عدنة محاضرة
هالة : يلا امشي عيني

في السوبر ماركت
سدن كانت تتجول وتشتري بعض الاشياء
صفد: حبيبتي
سدن: شنو
صفد: احبج
سدن : اموت عليك .. شنو ضجت وتريد تنهزم
صفد : لا بس اريدج تاخذيلي جكاير وياج
سدن: شكد مصلحجي  علمود البسكت
صفد : لعد شلون 😂
سدن: وليش متشتري انته
صفد ؛ لعد شكو متزوجج
سدن: راح يذلني لان تزوجني
صفد: اي قومي بواجباتج
سدن: راح اشتري  الي والك
صفد: واخذي لوتد هم تحبه
سدن: احمد هم يحبه
صفد: اخذي لكلهم وعلبه نوتيلا حجم كبير هم
سدن : الله بسكويت ونوتيلا ونلتم
صفد : اي انتو تلتمون واحنا  نكضيها شغل
سدن: راح تسافر
صفد: اييي
سدن: وطول
صفد: لا بليل نرجع اني ونور
سدن: اوك ..

عاد نور من السفر  فأستقبلته سدن
: وين صفد
نور: صارت مشكلة بالشغل وضل يكملها
سدن:  وليش مابقيت انت
نور: لان شغلته هذي
سناء: حبيبي نور وين صفد
سدن: عندة شغل ويطول
سناء: تعالي سدن ساعديني
سدن : يلا عمة
كانت جوان تسير وتدندن ببعض الكلمات فناداها نور
جوان : يب
نور: شكو  شصاير بالبيت
جوان :  راح يصير عرس عرس
نور: بس اني كلت مااتزوج هسة
جوان : لا العرس مو الك
نور: لعد المن !
جوان : لوتد
نور: هااااا
جوان : لك عيني لو تشوفه غير يخبل يجنن .. يارب ينطيني واحد مثلة
نور تسلق السلم بسرعة
جوان : شبيه هذا
سناء: جوان تعالي ساعدينا
جوان : جيت
دخل نور لغرفة وتد ووجدها تقف امام المرايا وتنضر لنفسها
نور: ليش الحلوة  مبدلة وكاشخة
وتد : لان راح انخطب
نور: تنخطبين
وتد : اي
نور استدار وقفل الباب اما وتد نضرت له بخوف وسألته: نور شدسوي
نور:  قلتلج قبل من اذبج عود شوفي حياتج
وتد : نور اني مو لعبه عندك  خلاص اتركني انت مو راح تزوج
نور : لا ومتكشخة ومكياج وشعر وفستان قصير ومدلع
وتد : نور لتتقربلي 
نور : بيج خير امنعيني
وتد : نور حرام عليك واليوم خطوبتي
نور: الي هي رادت تصير من ورايه
وتد : نور كافي  خليني اتزوج واطلع من هذا البيت واخلص منكم
نور طبع قبلة على رقبتها والمكان الضاهر من صدرها وترك لها علامات عديدة 
وتد كانت تبكي ولكن نور لم يتركها ومزق فستانها وبعثر شعرها وافسد احمر الشفاه الخاص بها ..
نور: شوفيني شلون راح تشوفين العريس وابتسم لها بنصر وتركها منهارة وتبكي .. وبعد قليل دخلت سدن لتجد وتد تبكي
سدن : شصار
وتد : اني عمري ماراح اعيش مثل الناس .. راح ابقى اسيرة وعبدة عندة .. اهم يوم بحياتي خرب من وراه .. مستحيل اتزوج ومستحيل يعوفني
سدن ساعدتها لتقف: كل شي يتعدل لتبجين
وتد: كلشي ميصير وكلشي ماراح يتغير وراح ابقى اني هنا
سدن :   لتبجين وكلشي يتغير
وتد : شيتغير .. شوفي شسوة بيه وشسوة بجسمي والاثار الي تركها
سدن: عاد خافي عيوب وتروح  وهسة اجيبلج فستان طويل  ويلا دخلي غسلي على مااجي ..  خرجت سدن من الغرفة وعندما عادت لم تجد وتد .