رواية امقت اعرافهم لكنها حيتني الفصل الثالث 3 - بقلم نور الشمس

ثاني يوم من الصبح بدت الحركه  بالبيت حاولو ميصحونه بس اني وأفياء وامي گعدنه واصلا الليل كله منايمين لأن مكانه متغيير واصلا الأجواء دلها غريبه علينه
تريگنه وجهزو كلشي مااعرف ليش شگد ممستغربه الأجواء واحس نفسي بدوامه بس چنت اكل براحه يمهم يعني مااحس نفسي غريبه عنهم چنت اكل بدون مااتقيد واكلهم عجبني رغم كله دسم
ريوگنه چان كاهي وگيمر وشاوين مشويات وياه هم اني عجبني الكاهي والگيمر اكلت منه وطعمه چان يختلف بالنسبه الي الگيمر اليمنه عبالك مابي طعم اشو هذا يختلف
كملنه ريوگ وبديت وياهن احظر وافياء هم حاولت تساعدهم هالمره الولد مل شويه يطبون ويطلعون يجيبون اغراض للمطبخ ويبدلون القناني چان شغل وهوسه عبالك عدهم عرس او فد مناسبه اكل هواي ولحم جايبين ومجهزين كلشي
اشوف الولد حبو ياخذون وينطون ويانه بالكلام بس بحدود واكثر شي وي افياء يسألونها ع الدراسه وهيج شي واني هم چنت اشارك وياهم
الضحى ودخلن عماتي وولدهن ووياهم بنات
ورياجيل وصارت هوسه
بس من اجن عماتي اجه وليد بلغ ريم گلها علي يگول لحد توصل من البنات هنا
الي عرفته يمكن يقصدنه لأن هنه يعرفن شوكت يدخلن او لا يمكن لأن رياجيل عماتي واولادهن يعابرون غربه بالنسبه الهم
رغم مچنت اريد ادخل اصلا بس تصرفاتهم ضوجتني يعني همه متخلفين مثل متوقعتهم بس الفرق يقبلون على نفسهم وميقبلوه على غيرهم
ضجت كلش احنه جاييهم خطار على شنو هالتعقيد
شويه وعماتي
فاتن
من گمنه نسلم وحده منهم باوعت الأمي وگالتلها
..عفيه صلافه رجلج عتبت بابنه بعد كل ذاك الصار صدگ لو گالو الي استحوو ماتو هيه الي تفر عقل رجال تستحي من عمايلها
احنه انصدمنه وعمتس مريم گالتها
ياا شمالچ داده شجاج ماتعرفين تسكتين الخاطر ياسر وبنياته
جاوبتها وهيه عيونها نار ياسر الماخله خاطر لتراب اخوو ودمه كل خاطر ما اله يمي كمتوو ادورون خواطر وياهم لا وچماله ابيت ابنه الي جاب عمره يتحسر ع الصار شلون تضغطون علي وتخلونه يستقبلهم وهوه كارهم اني لو ادري بيهم هنا وروح الغالي فلا اوصل لو ابوي جنازته ممدوده مو بس مريض
اني وافياء عيونه گامت تطفر دموع شنو الي يصير وليش هالأهانه وامي هم گامت ترعش وحسيت اعصابها تلفت گالت العماتي
..سكتت الجن مو خوف منچن حشيمه الأخوجن الماحاشماته امشي علياء صيحي ابوچ خل نطلع ماالنه ضله هنا بعد
اني هم من قهري رحت واني اشهگ بالبچي ودخلت عليهم بظون مقدمات ونسيت تحذير علي ولازم ناادخل واصلا ميهمني
دخلت اشهگ كتله بابا تعال نروح
..خير بابا شصاير شبيچ ليش تبچين
..بچيت وطلعت العبره الي بصدري ممتخيله نصير بهيچ موقف گتله بسرعه بابا ماما تگول هسه نروح
وضليت اباوعلهم بحقد علي گال شكوو شصار
ابويه اجه وياي يفتهم مني وعلي هم لحگنه وكلهم الولد اجو بعده واصلا الأصوات علت وعمتي انهدت تحچي حچي مفهمناه ولا استوعبناه
ابويه من شاف امي وحالتها وافياء وشاف عمتي شلون تحچي رأسا گال يلله بابا نروح ابويه وامي شفناهم بعد ميحتاج نطول
بيبي صاحت على بتها رادتها تسكت بس ابد ماسكتت الحد ماصاحها علي
..عمه كافي شنهي السالفه طراطير احنه ابينچن شنهي الحچي السمعته توچ طبيتي گعدي ارتاحي اني مخلي خاطر الأبةي وامي تجين انتي تخربين كلشي منو انطاح الحق تحچين بدالي تمنين الحچي طالع من غيرج چا عرفت شلون اتصرف سدو الموضوع وبعد مااريد احد يفتحه

دار على ابوي واحسه گوه ينطقها گله
..عمي انت جاي الخاطر ابوي مالك علاقه بغيره راضي زعلان ريح ابوك وارتاح

ابويه ماعجبه رد علي يمكن توقع منه اكثر
..گله اجيت اشوفه وشفته هذا هوو اني مااجيت حته بناتي وامهن ينهانن ابيتك ماقصرت ويانه عساك سالم شيخنه گال اخر حچايه بس حسيت بيها غير قصد
حاچانه ابويه بصيغة امر بسرعه يلله خل نطلع
حضرنه اغراضنه وبدلنه وطلعنه واحنه شابعين بچي والبيت انخبص الولد يحچون يهدون بأبوي بس ماقبل وعمتي گعدت ولا كأنو صايره مصيبه من وراها معقوله عمتي مريم اختها
اشو يختلفن بطبعهن
طلعنه وعمامي صاحو على ابوي ماقبل راد يأجر سياره علي صاح
..رافع وصل عمك وعايلته
ابويه رفض يوصله بس الولد اصر يروح يزتنه بنفسه
واخر شي ابويه قبل طول الطريق يهدي بينه واكنه نبچي وامي شبعت بچي
واحنه نزيد من نشوفها
كل شويه اباوع اشوف رافع مشال عينه منه مااعرف نظراته شنو بس يمكن عطف او اعجاب مااعرف شو بالبيت مدنگين روسهم شجاه بالسياره

وصلنه البيتنه رغم الضوجه البينه بس حسينه براحه عبالك چنه بدنيا ثانيه
بس وصلنه نمنه عبالك صار عمر منايمين
رافع رجع بساعته
اكو هواي امور وكلام نريد نستفهم من اهلي عنه بس اجلناه من التعب
گعدنه بيومها المغرب حبينه نسأل ماما ماانطت جواب وابوي گال كل الشفتوه والي اسمعتو تنسوه خلص مااريد اي موضوع ينفتح بهالخصوص
گلت الأفياء نأجل الموضوع لمن يهدئون
رجعت حياتنه طبيعيه وثاني يوم رحنه للدوام
بعد اسبوع اجه عمي خالد وعمو ابو ابو احمد وولدهم يعتذرون من بابا وفهموه انو جدي رايد يشوفه حته لو بس هوه بءي وقت يسمحله
طلعنه سلمنه ورجعنه الغرفنه مو ذاك الحماس كرهناهم واحنه مو عارفيهم صار هواي بس حسينه بأهانه واحنه ابيتهم وبالجذب محد ادخل منهم ورضانه جنه متوقعين منهم يوگفون وي بابا بس الي صار ابد محبيناه

ضليت اداوم ورجعت النفس الأجواء
مرت اشهر على الي صار واتعرفت على ولد من نفس الگروب بس هوه حب يصارحني انو هوه معجب ماانطيته مجال اخاف اخطي هيج خطوه خاصتا اكثر الشباب الي بالكليه يخبون يتونسون وبس وهواي من البنات هم مثلهم يگلك نجرب صارت صارت مصارت مو خسرانين شي
بس اني لا چنت احب اجرب الحب واخاف بنفس الوقت اخاف انصدم او بابا يرفض او الشخص يكون مو مناسب
بقه علاء يلح يوسط البنات ويبيين انو هوه نيته شريفه ورايدني صدگ
واني الصراحه حبيت هذا الشعور حبيت نظراته الي
والمحاولات الي يحاولها وياي
بس بقيت مصره على قراري انو مااستسلم المشاعري بهالسهوله البنات حاولن يغيرن رأيي بس چنت اني مصره وثابته على قراري

افياء صلر فتره احسها ضامه عنه شي ودائما جهازها بيدها وتراسل قبل فونها مفتوح هسه مخليتله رمز
ضليت اراقبها
لو اعرف وي منو تحچي
بيوم حسيتها جاي تراس اجيت افتهم منها

..افياء حبيبتي چنج ضامه عني شي ويامن انتي تحچين ليش هيج معزوله وفونج بيدج

..ها لا مااحجي وي احد صديقاتي

..لچ اني اختچ اعرفچ كلش زين الله عليج اكو شخص ابالج تحچين وياه

..لا ليش هيچ تفكرين

..تصرفاتچ هيچ تگول

..اگلج ومتحچين الأحد

..گولي اكيد بيني وبينج

..جاي احچي وي رافع ابن عموو خالد صار فتره واحنه نتواصل ومرات حته وي البنات احچي

..عزه عزه ضربت وجهي لچ شوداچ الهم يمعزايه خلي يولون مو كافي الي صار بسببهم وشلون امي انهانت ليش تتواصلين وياهم قبل عبالي اوادم بس همه همج وبيتهم واثاثهم وسياراتهم متغطي على عقولهم وتفكيرهم الي صار كله مو شويه خلينه مبتعدين عنهم

..لج صداقه مو اكثر اعتبره اخ الي

..ماكو صداقه حاولي تبتعدين ليروح بابا يعرف وتعرفين شيصير بعدها
واذا ماما عرفت اعتبري فلمچ احترگ

..اذا انتي مگلتيلهم منين يعرفون

..من تصرفاتچ اني شلون عرفت مبينه متوتره وعندج شي مضموم

والله ماكو بينه شي مجرد صداقه وتعارف مو اكثر

..اني حذرتج انتي كيفچ بعد

بداخلي اعرف افياء مو صغيره وراكزه بتفكيرها بس مااعرف ليش محبيت قربهم النه احس وراهم وجع راس حذرتها وبعد هيه تتصرف

بابا بقه على تواصل وياهم ويوميه يتصل على عمو يحاجي بيبي زيسمع اخبار جدوو

أمي بعد الي صار ضلت كل شويه تذكر بابا بأهله وشسوو هواي لحت بالموضوع وچن صدره بده ينفذ
وچان كل متگله ع الموضوع يگلها مهما يسوون حقهم
كل هذا واحنه مو من حقنه نسأل چانو يتصرفون ويانه ع اساس احنه اطفال مو بنات كبار  وواجب عليهم يفهمونه كلشي
كل مازادت المشاكل بين ماما وبابا يزداد الحقد الي بگلبي عليهم

دوامي مرتاحه بي ويت اتقبل علاء شويه شويه صداقه بعدها اطورت تليفونات حياتي صارت اسعد من قبل بهواي حلوو لما تشوف شخص يشوفك مهم بالنسبه اله مركز بأدق تفاصيلك
هچي چان علاء يعاملني

فد يوم اتصل بيه بعد مستمرت علاقتنه خمس اشهر چانت عطله واني رحت مرحله ثانيه طبعا هوه مرحله ثالثه وراح للرابعه يعني مو بنفس الدفعه بس بنفس القسم

..ألوو
..هلا يروحي شلون الكبد
..ابتسمت واتي طايره من الفرح ..اكيد بخير بعد مسمعت صوتك
..أويلي أويلي اني مو بخير وبعد مگدر اتحمل
..شنوو قصدك
..حبيبي القصد واضح رايد اخطبچ رسمي من اهلچ حته نطلع نحچي براحتنه اني اكمل رابع واتخرج ونتزوج واكيد اخليط تكملين تعرفين حالتي الماديه زينه ماكو شي يعيقنه
..الفرحه الي حاسه بيها ماانطيها الأحد ياربي اني بحلم لو علم
جاوبته حبيبي صدگ تحچي
..اكيد ياروح حبيبچ شوفيلي اهلچ شوكت يناسبهم نجيهم اني واهلي
..اجس نبض ماما واشوف

نزلت حچيت الماما اكو ولد رايد يتقدملي خوش ولد واهله معروفين وحچيتلها التفاصيل بس مگتلها علاقه عندي وياه گتلها عن طريق صديقتي
گالت اليوم ابوچ انطاني خبر باچر رايح الأهله يشوفهم گالتها بأستهزاء عود من يجي اگله والله كريم
گلت بگلبي امي على ابويه مقابله لو تدري بأفياء شتسوي
ثاني يوم راح بابا للناصريه يشوف اهله
العصر امي اتصلت بي گلها ابات وطلب يحاچينه
ثاني يوم گعدنه مثل كل يوم نفس الروتين اليومي
صارت ساعه اثنعش ونص الضهر امي گالت ابوچن على جيه خفن ايدجن من يجي تعبان خو ماتنضفن بدخلته
طبيعة امي تحچي وتوجه حته لو احنه جلي نشتغل ونسوي الشغله الي توصي عليها قبل لتحچيها بس هيه الا تنطي توجيهات تحسسنه احنه بدون توجيهاتها منفهم اضوج من هذي الطريقه من اتي ايدي بشي ويجي واحد يوصيني سوي هيچ
خلصنه ومرت ساعه ساعتين تلاثه الحد ساعه ثنتين ونص الضهر اتصلنه لما ملينه ماكو رد
شويه واصوات علت بشارعنه وسيارات هوسه
بعد جاي نسمع واندگت الباب حسينه برعب بس امي طلعت
شافت عمامي وولدهم وسيارات كلش هواي
امي من خوفها صاجت شكو شجابكم عليه
هوسه بهوسه مافهمنه شي واحس روحي بديلاب هوه
الي عرفناه والدي مات بطريق الرجعه
السياره الجاي بيها مسويه حادث وهمه قريب البيت جدوو يعني بعد ممبتعدين بسرعه عارفين
أمي گلبت المنطقه صياح وسألتهم وينه هوه گلولها وياه خالد وعلي يكملون اجرائات ويجيبوه تشوفوه وياريت لو تحضرون ارواحكم ترحون ويانه بلحضتها امي رفضت واحنه هم واصلا ممستوعبين الصار ولا مصدگين
اختصر كمية الألم لأن كل العراقيين شايفين شنوو يعني فقد الأحباب وفقدان الخيمه وعامود البيت الي تحس حياتك واستقرارها مرتكز عليه بضياعه يضيع كلشي
صح مرحنه وياهم بس متركونه الي اعرفناه همه هم مسوين هناك
بقه ويانه شكم واحد من الولد يديرون العزه يمنه
سوده عليه ابويه حته بعزاه غير شكل اهله بجهه واحنه بجهه

خلصت ايام الفاتحه واجوو عماني حاچو امي ننتقل يمهم وبيت وحدنه ومحد يتعرض النه بس امي رفضت واحنه هم منگدر نروح حسيناهم همه السبب وامي كل شويه تفهمنه بسببهم مات وتگول لو يرجع بيه الزمن مااخلي يروح ويرجع علاقته بأهله

بقينه وحدنه عايشين وره فتره طويله يلله حسينه واستوعبنه الأحنه بي بدينه نقلل مصرف لأن الراتب يتحول تقاعد وميكفي واحنه ماعدنه وارد غيره

علاء بقت علاقتي وياه وزاد اهتمامه اكثر وطلب يجي يخطبني من امي

امي گالت تطلع السنه ويصير خير
افياء بقت تتواصل وي رافع
وهمه هم عمامي مقصروو مصرفنه يوصلنه للبيت يجي خالد او احمد او وليد ومرات رافع لو عباس
يجون مخصوص حته يوصلون مصرف ويشوفون احتياجتنه بس عماتي ابد ماكو تواصل بينه وحز بخاطري هالشي وصل اخوهن يموت وهنه ماعبرنه

مرت السنه وصار علاء الي كلشي صار هوه الأمان ومصدر الحنان بالنسبه الي چنت اعوض بي فقدان والدي وحنيته وكلامه الحلو يجبرني احبه واشوفه هوه كلشي بالنسبه الي
چنت اگله هم يجي يوم تتركني يگلي مستحيل لچ احنه نخلقنه البعض احنه حته اسمائنه بيها شبه وعبالك مختاريها النه علاء وعلياء ويضل يتغزل بيه ويسمعني احلى الكلام
خلصت السنه وگال بعد مابيها مجال وهالمره شوفو اعمامج اخطب منهم هيچ الأصول

يتبع ...