رواية امقت اعرافهم لكنها حيتني الفصل الثالث عشر 13 - بقلم نور الشمس

..هايمه شلونها هسه ارتاحت افوت اشوفها
..اي يمه اختها يمه تمشط شعرها خل تخلص وفوت

رحت يم ابوي الحجي وضلينه نسولف وسألني عن حالتها وشرحتله تمر بحاله عصبيه بسبب الصار بعد الي صار البارحه كلها عرفت ضل ابوي يوصي بيه

..بويه ادري بيها صعبه عليك بس الخاطري انسه عمك ومرته وانسه الصار بنات عمك مالهن والي ولاعدهن اخوو انت الخاطري طلع حگهن وصيرلهن سند
ابن عمك رافع البارحه حاچاني ورايد نستعجل بخطوبته وانه كتله الشور يم علي هوه وعمامك اذا البنيه رايدتك بعد احسن ماتلگه احسن منك ابن عمها وسندها

..حجي الله يشهد مابالي شي وخايف عليهن مثلك واكثر وهذا الي كاسر علياء هيچ كسره احصله لو يطير وانه اعرف شلون اطلع حگها
انت ارتاح لايضل بالك
بس سالفة خطوبة رافع مو وكتها خلي يصبر اختها تصير زينه ونحل قضيتها والف عافيه خل يخطب احنه شنريد ياريت نفرح خل يسوون عرسهم سوه هوه وعباس

..وانت شوكت ناوي اريد  اشوفك عريس گبل لا اموت 

..الك طولة العمر بويه تعرف شايل الفكره من حساباتي

..وشوكت تحسبها بويه العمر يمشي

..الله كريم الكاتبه الله يصير ..

شويه ورحت للغرفه اشوفها

..شلونچ اليوم

..جاوبته بصوت تعبان الحمدلله

..يستاهل الحمد انه اشوفچ كلش زينه بيچ حيل نسولف
..اشرتله براسي بمعنى اي
..عندي اخبار حلوه تفرحچ
..جاوبته بلهفه مايطلگني موو اجه حته ياخذني

..من گالت هيچ ضجت بعدهي تحبه وره سواياته كلها كتلها
ياهوو تقصدين بعدچ تحبي وبالچ يمه ماعرفتي شنهي طينته گاعد اندور علي وعلى اهله ونتحاسب على كلشي ..تنهدت حسيت مو وكته خاف ترجع تريد الحبوب وتحس بحاجتهن
انه اجيتچ حته اگلج الخطوه الأولى  والأهم من علاجج عدت والطبيب انطاني الچ حبوب يهدن اعصابج ويريحنچ بس مو اكثر من حبايه باليوم
وشيشة الدوه تضل عندي انه انطيچ يوميه بالليل وحده ومنا ورايح انتي اطلعين وتگعدين وي البنات بعد ماكو حجز شگلتي

..صدگ يعني انه هسه اگدر انام بدون وجع راس اكدر انام واعصابي مرتاحه

..ابتسمتلها .ان شاءالله

..اگدر اطلع

..وين تردين

..ألأي مكان

..ترحين زياره

..وين يعني زياره

..بكيفچ تردين نروح كربلاء نجف

..دمعت عيني انه مازايره ابد بس بأربعين بابا رحت النجف وكربلاء ابد ماواصلتها

..هااا ليش

..بابا جان يروح وحده واحنه مرايحين

..شوكت ماترتاحين وتحسين روحچ زينه وتتحملين سفر نروح زياره جماعيه حته تزورين ابوچ هم
ارتاحي هسه انه طالع اخذي راحتچ وعلاجج بالليل انطي الج

..شفته گام وصل الباب صحته ..علي

..درت عليها بدون مااحچي

..الله عليك احچي الصدگ اني مااعرف ليش امنت بيك لاتخدعني بيك وتقشمرني احچيلي الصدگ علاء صدگ ميريدني بعد معقوله مااجاكم اخاف انتو طردتوو وحبيتو تنتقمون مني

..ليش ننتقم منچ انتي شمسويه النه تره انتي بتنه

..مااعرف بيناتكم كره لأن بابا تزوج ماما ومقبل يتزوج بنت عمه ومااعرف شنو بينها وبينك بالذات

..ضحكت بأستهزاء هذا منو گلچ بهذا الفلم ..انتي تعبانه مااريد اتعبچ ازيد وانه گلبي خلصان ومابيه احمله اكثر ..انتي الظاهر تحبي بس حضج مو حلوو واختيارج غلط انه بنفسي خابرته وگال بتكم يمكم وانه اطلگها وهم ماسكتت خليتهم يدورون علي ونوصله هالكلب ماعدنه مره تطلگ وهيه عروس تلث ايام تعرفين شنهي تلثيام ماكو رجال يطلگله مره هيج بدون سبب خلي هالموضوع نسولف بي بعدين انه هواي حچي عندي وياچ واسئله ادور ابالي بس مو وكتها رايدج تصيرين زينه وكلشي ينحل..

طلعت منها صاير نار من لزمت الباب شفت ايدي ترجف اعصابي تلفت هاي البنيه غبيه لو تتغابه لو حبه هيچ عاميها اشافت منه هالسگط وحبته
لاخلقه لا اخلاق
يمكنها حبت گذلته والله الا ازينها اله بس خل الزمه
انه ادري رافع منين جابلي حساب الفيس وخلاني اشوف خلقته
وديته يشوفلياه وين ودالي صفحته من احترگت اصفاح اهله
طلعت من البيت وشغلت السياره خابرت
رافع

..هلا شيخ
..هلا بيك شنهي الأخبار شو طولتها ولك بس لا مگضيها صياعه ابغداد
..مو بالحيف ابن عمك ذيب اندليته وين
..كفو والنعم منك ذيب امعط بس گلي وين حته اغطك اريد الزمه بيدي واجيبه ضيف عدنه شتگول
..انت تگول شيخ انه انفذ
..حياك الله باچر جايبينه وراجعين نبيته يمنه
..هذا هوو السهره عليك
..هههههه لا انه مااطول خلگ مو مال سهرات باچر نشوف شلون تصفه

احس اعصابي ارتخت من وصلناله وعرفنه مكانه
رجعت للبيت وگعدت يم امي والبنات
..فاطمه شلونچ وي الدوام
..الحمدلله زينه
..مرتاحه يعني تردين شي محتاجه شي انه هالفتره التهيت
..سلامتك خويه كلشي مامحتاجين انت مامقصر ويانه
..شمااسويلچن قليل چا اخوو ابلاش
..ربي يديمك النه ويهنيك

..يمه راح اخابر وليد يجيب ريمه وجهالها ويجون عشاكم اليوم من بره انه اجيبه
رفعت عيني شفت علياء واكفه يم الباب اشرت الأمي تصيحها افياء تعودت ويانه بس هيه ماصار فرصه ننجمع
صاحتها امي وگعدت منعزله قريب ع الباب مبيين خايفه من شي ومامرتاحه
..يمه باچر انه رايح البغداد
..ها الله يسهلك ان شاءالله عندك شغل لو طلابه

..طلابه اشوفها شلون تنحل مااطول بيومي ارجع
عيني صارت بعين افياء اعرفها تدري بكلشي اكيد رافع حاجيلها

علياء
مااعرف ليش من سمعت صوته اجه حبيت اطلع من غرفتي واگعد يمهم الوحيد الي احس بامان وياه رغم اكو خوف بس قليل كلش من گال باچر رايح البغداد خفت اني منوو الي يجوز اتخربط يجوز حالتي ترجع صارت وياي وساوس احس راح اتخبل او يصير بيه شي احس نفسي مو طبيعيه والكل تنظرلي بشفقه قلت ثقتي بنفسي اشوف الادوار انعكست قبل اني اجامل وجريئه واحب اختلط عكس افياء بس هسه لا افياء عبالك بنتهم واني چني غريبه بنصهم غريبه منبوذه من الكل مدمنه مطلگه وهيه عروس باول ايامها احس باقيلي امل واحد وهوه علاء هذا املي الوحيد اذا رجعلي ورجعني وياه راح الكل ينساني وينسه موضوع ادماني وحالتي العصبيه وانهياري
يعني معقوله يتركني وحبه ولهفته واشتياقه الي مستحيل اصدگ اكيد اكو شي
گطع افكاري صوت علي

..علياء تعالي اخذي دواچ
..رحت منصاعه عبالك امشي بدون تفكير اخذت منه الحبايه ورجعت الغرفتي
الكل يضحكون ومندمجين البنات وعمتي وريم من اجت سلمت ع الكل وباوستهم الا اني من بعيد سلمت ومبيين عليها الخوف والقلق مااعرف ليش شكلي يخوف الهالدرجه شبيه اني شسويت بهذي الأيام
بعد مااخذت علاجي رحت الغرفتي بدون ماانطق كلمه
بس هوه ليش انطاني العلاج يمهم ليش يحسسني انو هوه مسؤول عني الكل تفاجأوو من انطاني العلاج ونظروله نظره غريبه بس هوه مامهتم
حسيت العلاج اخذ مفعوله وارتخت اعصابي ونمت

علي..
بعد ماانطيتها علاجها وراحت طلعت يم الولد وحچيتلهم انه وين رايح وبخصوص شنوو
وطلبت منهم يحضرولي بيت احمد
اريده باجر فارغ اريدكم بس انتو الشباب بي وعائلته يوديها البيت عمي خالد

بالاربعه الصبح طلعنه انه وعباس  وضليت على تواصل وي رافع
بالسبعه الصبح طبينه بغداد وعرفت منه هوه يداوم وقبل يومين راجع للكليه بس ماگاعد وي اهله گاعد يم اصدقائه باقسام داخليه متصور احنه نراقب بيت اهله وبس
وگفنه قريب للجامعه شويه وطبگت سيارته ونزلو وياه شباب  اثنين

توجهنه عليهم

..السلام عليكم ردو السلام بس هوه من شاف رافع ارتبك وضل يتلفت
..الله بالخير سيد علاء عدنه وياك سالفه ورايدلها حل
..اني اتفقت وياكم وجاي امشي بالأجرائات
..انه ماتهمني اجرائات الدوله غير نفهم ليش وعليش
..انتو مو اخذتوها وگلتو منهيه ورايديها بعد بتكم وعدكم شتردون مني
..درت ع الولد الي وياه شباب من رخصتكم موضوع عائلي بيناتنه
راحوو الولد وبقه بس هوه گتله
..اي كمل منهيه ورايديها گتلي وبتنه عدنه مو صح لهنا وصلنه
..اي انتو اخذتوها
..اذا انت تدري بيها منهيه ومو گدها ليش تورط روحك ويانه
..امها گالت مايسوون شي
..حچيك وي النسوان انت
..هسه انتو شرايدين مني عندي محاضرات 
..اليوم محاضراتك يمنه اضرب الدوام خل يولي
..گتلكم اطلگها بعد شتردون
..اصعد ويانه نتفاهم
..مااروح الأي مكان
..اصعد ويانه بدون كلام تعرف نندل مكانك بيتك اهلك وعمامك واجداد وحته خوالك تاركهن كلهن وگاعد بأقسام داخليه شرايك نحرگهن ع البيهن تصعد لو نوج بيوت اهلك وجه جماعيه نخليها تنور الصباح الله تعرف ماعدنه شي اغلى من العرض بتنه عروس تكسرها وطلگها الياسبب خابرتك بنفسي وگتلك تعال جيب اهلك يمشون واخذها مرتك تروح وياك بعد شنهي عذرك

..اهلي شعليهم شنو ماكو قانون انتو تحكمون مناطقكم هنا مالكم سلطه
..اصعد ويانه وخل قانونك يفيدك
دفعته على رافع وعباس وصعدناه وطلعنه بغداد كلها
..وين ماخذيني

رافع ..ضيافه يخوي لاتخاف ماخذينك نضيفك غير انت النسيب

..اهلي اذا عرفوو مراح يرحمونكم

عباس..اوي فدوه رحتلك اني اخاف لتهددنه بأهلك ليروح يصعد السكر
درت وجهي على رافع ولك طاحظك اذا هذا عديلك
ولك صوته انعم من صوت صاحبتي

علي..كافي انت وياه خلو يرتاح وراه مشوار طويل

الطريق كله كل شةيه ويسأل اني وين ماخذيني بس خلوني اتصل على اهلي
جاوبته گتله اتصل كلهم انه رايح النسابتي عزموني
اتصل وبلغهم هوه بالطريق رايح للناصريه
وصلنه الظهر وطلعنه بوجهنه البيت احمد

لگينه الولد موجودين وحته عمامي وصوونه مانتهور ونفتهم منه وبس
بقينه وياه بس الكبار ورافع ويانه انه واحمد ووليد
گتلهم غدوو وبعدين نحچي
هوه من اتغده وشرب چاي امن
..گتله هسه نسولف
..گال اي تفضل
..شوف من البدايه خاف ابالك جبتك ترجعها لو مستعزين بيك شيل ذني من بالك انه وياك عندي حساب وكل حساب لازم يصفه
..شنو بيني وبينك اني اصلا مااعرفك
..انه اعرفك انه ابن عم علياء
..وشنو تريد مني
..اسأل وانت تجاوب
..گول
..اي رجال من تتسمه مره بأسمه وتصير مرته كدام الله وخلگه بدون شعور تنزرع غيره بداخله غيره تخلي يعمه وحته خوفه يتلاشه من يگربلها شخص لو چان اخوها ورايد اذيتها المره تكون بحماية رجلها
انت وين غيرتك من انجرت من ايدك

..انتو ماخليتوني اتصرف هددتوني وچانو مجموعات مسلحه موجوده شتريد اسوي

..مو گتلك لو عندك الغيره العد الرجال مو الذكر لا الرجال طان نسيت خوفك وماشفت السلاح
ع الأقل چان گتلهم انه وهيه نروح سوه وخليت اهلك يلحگونك ويمشون على عمامها وترجع مرتك وياك
..اني مااعرف شنو عاداتكم حته احكم

..زين ذيج خلها تولي بيومها خابرتك انه وگتلك السووه مو صح وانه شيخهم وماراضي علي وجيب اهلك وعمامك خل يمشون ونتعرف عليكم ومرتكم الكم ليش تريد اطلگ شايف عليها شي وردت تخلص منها
..مو هيج بس احنه منتراهم اني من بييه وهيه من بيئه
..وين جان فكرك من ورطتها وياك واخذتها ليش مادورت من بيئتك
..انت ليش معظمها الزواج والطلاگ شي طبيعي دخلنه بالمعروف ونطلع بالمعروف

..شكد ماجنت هادئ بروده طير دماغي
ماحسيت الا وانه خانكه من ياخته
..ولك يامعروف عروس تلث ايام من اطلكها العالم شتگول لاتشوفني بارد وياك واحترمتك هواي تره السوالف الثكيله بعدني ماواصلها

..اخنگت ضليت اگح وحسيت نفسي تورطت وياهم كتله اني مارايدها بس بالبدايه حبيت اتعرف عليها

..درت على الولد ولكم هذا يريد يخبلني شنعي مارايدها جاالمن خطبتها

..احجي وتنطيني الأمان

..هيچ والا هيچ انت حاجي ماتطاع منا اذا مو اعرف كلشي وتطلع انت والموضوع منتهي

..بس انطيني الأمان

..انطيك الأمان روحك ماتطلع وبس مااريد اوصخ ايدي بيك بس كلشي غير الكوت اسوي

..ارتبكت اكثر بس امنت اهم شي اطلع منهم اذا ماعرفو كلشي ماراح يعوفوني وبعد الي صار حته مااكدر اخذها وياي واخلص نفسي بيها احسهم كشفوني
گتله اني بالبدايه من جانت مرحله اولى اني مرحله ثانيه
وهيه عجبتنه المجموعه كلها ردناها اكثر من واحد وماانطت الواحد مجال تراهنه عليها ياهو المنه ياخذ گلبها ويلين راسها الباقين يشتروله سياره

..من سمعته حسيت روحي فارت ضربته على وجهه بكل قوتي
..لك سافل وين انتوو گاعدين ولك يابيوت الربتكم ولد الحرام تتراهنون على اعراض الناس

.. مسحت الدم من وجهي اني خفت عليها اكثر واحد لو واحد منهم غيري يأذيها بس حاولت احميها منهم وهيه منطت مجال لا الي ولا الغيري بقت بعيده عنه وعن اكثر الشباب عجبني الرهان وقررت انظم لگروباتهم وره فتره طويله گدرت اوصل الگلبها حاولت وياها ماانطتني مجال

..انتم متراهنين عليها حته تسلم كلبها وسلمته الك بعد يامجال تريد

..تراهنه منو منه ياخذها وتكون اله

..ياخذها شلون يعني ولك ناقص تتراهنون مجموعه على مريه منو منكم يتزوجهه انت عندك غيره انت

..هواي بنات يسلمن نفسهن بارادتهن احنه مابنيتنه زواج

..ضربته بكل قوتي وخلصوو مني رافع وعباس كالوو خل نفهم
اني بوكتها كل فكرتي صارت هيه غلطانه وياه وهوه مواعدها بزواج مؤقت يستر عليها وبس وهذا الي صار احس روحي طلعت والدنيا ضاگت بيه
طگه رافع على وجهه
گتله عوفه خل افتهم
رجعت حاجيته يعني هيه مسلمتك نفسها وانت حبيت تستر عليها بزواجك لو شني احچي وفضني
نفسي ثگل وليد گلي اهدأ واخذلك بخاخ ماطاير هوه يمنه وهيه يمنه
جاوب هوه بعد ماحان متوجع من طگة رافع
..مو هيج الله يشهد ماانطت نفسها ابد وانه هذا الحبيته بيها وحاولت وياها بالخطوبه وحته من احنه عاقدين بس ماسلمت روحها هذا الحلاها بعيني بس من تزوجتها اصلا ماجنت ناوي اطول وياها گلت اتزوجها سنه سنتين بدون اطفال واحتمال اطلگها افكارنه تختلف ماانكر بيها شيجذبني وخلاني احاول احافظ عليها وعجبتني فكرة اني فزت بالرهن كدام جماعتي وحبيت اتونس فتره بسبالحلال ماضحكت عليها ولا قشمرتها ردتها زوجه فتره واطلگ والي عرفته عنها ساعدني اسوي الي ابالي وحته واني رايد اطلگ گلت اخليلها بيت باسمها وسياره مراح اتركها هيچ

..والله وبيك الخير كلك غيره وشهامه شمعنه هيه من دون البنات هواي اكو شريفات

..صارت بعد

..جنت فاقد اعصابي وحسيت شما اطگه ماتبرد ناري نسيت انه شحاجي يم الولد وشنو شارحلهم عن مرضها
سألته يمهم وسالفة ادمانها ليش تعلمها على حبوب مخدره

..مو هيج اني كتلها كطعي ايام وبس اذا مدمنه علي معناها هيه مستمره فتره طويله عليه

..صحت بصوت عالي وليش انت تنطيها من الاساس

..هيه جانت تخاف من المشاكل ومتوتره على طول كلت اثنين تلاثه يريحنها وبالعرس هم كتلها اخذي حته تهدأ بس حذرتها متاخذ منه كل وقت

..ولك انت حرامات تتسمه رجال وحرامات تنحسب ع الزلم بس گلي عندك خوات ماخفت يوم يسون الي تسوونه ابنات العالم
گلي هسه شلون اتعامل وياك

..انت انطيتني الأمان

..ولك لو اكتلك مره ومرتين وترجع تعيش وارجع اكتلك ماتبرد ناري تدري شني الي يمنعني من كتلك مو وعد الوعد وياك ماله قيمه الي يمنعني من كتلك خاف يحسبونك زلمه عليه وهضيمه اتحاسب على دم نجس مثل دمك
هسه مااريد شي بس شاربك هذا بيدي ازينه وراسك ادگه صفر
واهلك ماترجعلهم لمن يجون ونتفاهم على كلشي

اشرت الرافع يجيبلي مكينه وبيدي ازين شاربه
سويت الاريده وطلعت

الحمدلاه هوه كال ماسلمت نفسها
يعني اخذها وهيه حلاله
والغبيه الهسه بالها يمه
وين چانتلي هاي السالفه وشنو من غيره الي تخلي رجال يتراهن على بنيه وشرفها

خابر اهله وطلب منهم يلحگونه

يتبع ..

طبعا صار ساعه احاول انزل ومينزل البارت بدون مراجعه وطوله اكثر من الفين وميتين كلمه

باجر ان شاءالله انزل الكم هسه النت مينطي واهس