رواية امقت اعرافهم لكنها حيتني الفصل الثامن عشر 18 - بقلم نور الشمس

طلعت من الغرفه
وانه احساسي غير ضليت اضحك بدون وعي
خوش والله هاي تاليتي منهي عليه بس احلى نهوه
انه لو ادري بخطوبتي هيچ تأثر عليها وتغار عليه چان من زمان گلت الأمي ضلت ملامحها گبالي مافارگت خيالي شلون تحچي وهيه مرتبكه ومن غمضت عينها كوه لزمت روحي عنها
بس والله حلوه خوش طلعه منها انه اكره النهوه ع النسوان تاليتي منهي عليه ضحكت
ردت اتسله بيها عرفتها السوته بدون وعي بس طالع من گلبها
وديتلها رساله

..بالله عليچ ماخفتي الله  شفتيني وحيد ويتيم وتنهين عليه ماتخافين ربج ماعندج اخوان تخافين الله بيهم

وصلتها الرساله وماكو رد اتصلت عليها لگيتها غالقه الجهاز
ضحكت سهله هاي وين ترحين اطيرين هم تحطين وترجعيلي

بذاك اليوم سعادتي ماالها وصف وحته النوم طار من عيني عفيه عيون تتحجج ع النوم حجه بضوجتي مايغمضن وبفرحتي مايغمضن

تمددت وانه افكر شراح اگللهم مايرادلها تفكير ابلغ امي تنطي خبر البيت ابو منذر مالهم نصيب عدنه وتلغي موضوع خطوبتي من باچر ابلغها
وعمامي احچيلهم كلشي
اكيد راح يگلولي مطلگه ومن هالسوالف عادي واذا مطلگه يعني بت عمي على گولتها هيه اولى بيه كل شويه اتذكر نهوتها واضحك

علياء ..

طلعت من غرفته يلله وعيت على نفسي
عزه بعيني شسويت اني وين فكري الأدويه خربت مخي
طبگت باب غرفتي وضليت اضرب على وجهي عزه عزه شنو هاي شسويت اني ابتسمت من تذكرت ابتسامته اي بس هوه گال اخذيني مگبع شنو يعني يضحك عليه لو وافق
كلشي مافهمت منه اني احس روحي رايحه وهوه بارد ياربي شنو هالبرود العنده
شويه واجاني منه مسج
من قريته ضحكت من گلبي بس بقيت خجلانه بعد ولا اشوفه وجهي
اجت افياء گالت شبيچ

..مابيه شي ليش
..مااعرف وجهج احمر وتصفنين شكوو
..لچ سويتلي مصيبه بس مااريد غيرج يعرف
..عزه شكو لج شسويتي
..رحت العلي ونهيت عليه
..هاا شنوو شگلتي
..اي والله شبيج
..لچ انتي تشاقين لو شنو
..لا والله
..ياا خبله انتي وشنو گالج
..گال اخذيني مگبع
..هههههه ههههه عليج النبي صدك تحجين
..اي شجلبتي
..لج شلون تجرأتي
..مااعرف بس اني مااريد منذر ومن هوه راد يخطب ضجت هوه غير رايدني ليش يروح الغيري
هوه من رحنه للكليه نجيب النقل ر يسمع ردي واني رفضت بس بعدين تندمت صح هوه مااهتم ويجوز مارايدني من صدگ بس مااتحمل يروح الغيري

..وانتي يالعوبه ليش رفضتي من اول مره واوافق مو گتلج متلگين احسن منه

..ضجت لأن گال منهيه شنو ينهي عليه
..عزه بعينچ ضجتي من نهوته ترحين انتي تنهين
..اوو لتلوميني اني اضطريت
..لج يالعوبه الرجال مينهي عليه ماكو هيج قانون
..الله عليج ليش عود همه وحد
..هنيالي اي والله بس لامصدگه نفسج نهوتج ماشيه
..يعني هسه يگدر يتزوج اني مالي حق
..انتي خبله شبيج علياء ماكو رجال ينهي علي وخاصتا علي الا اذا هوه رايدج صدك راح يترك الخطوبه
..شنو هالقوانين الظالمه بس علينه يعني يعني هاي الفشله كلها والسويته بدون تفكير مابي نتيجه دولي عني
..هههههه مسكينه اختي ثاريج واگعه بالحب ومسويه نفسج بريئه
..اني هم مااعرف بنفسي هيج حبيته بس والله شكله هوه مبيين فرحان بس چان يضحك بس لايضحك عليه
..هههههه والله الصراحه شغلتج تضحك خل اروح اني الحب جاي يتصل عليه
..روحي وسلميلي عليه
..يوصل

طلعت افياء واني حرت بأمري والهسه مااعرف شلون سويتها بس يلله مو هوه كل شويه وگلي صيري قويه صرت وحجيت خل نشوف تاليها والله اذا خطب غيري هالمره احچيها گدام الكل
اي حته لو گالوو مجنونه هوه شباقي بيه الصرع اكو ناس يعتبروه جنون خل يگلون مجنونه اهم شي مااشوف وحده تصير اله

بيومها من التفكير مااعرف شلون نمت

ثاني يوم الصبح خليته يطلع يلله طلعت
اشوف الوجوه متتفسر وهذي افياء العوبه نايمه بيومها عطله واكيد بقت تحجي وي رافع للصبح لو اعرف شيحچون جان ارتاحيت

الفضول ذبحني عمتي شبيها وبيبي تحجي وي نفسها وتگول هذا ولاينعرف ولايتفسر عليمن هيج طلع غميج گلت بگلبي بير شنوو
غميج يمكن تقصد غامض بس منو هذا
خل احير بنفسي احس كلهم يعرفون بالسويته
عمتي انتظرتني اكمل ريوگ
گالت عمه انتي منذر رايدته مقتنعه بي خاف اشيل خطيتچ اذا رديتلهم بعدني مامجاوبتها گالت هذا علي صبح الصبح مدري شجراله مدري حلمان مدري شسامع وهوه يعدل چماغه صاحني اردلهم خبر مالهم نصيب يمنه والمصيبه البارحه اني فرحت وطشيت الخبر ماخليته بيني وبينه لمن جبتله العين اليوم يكلي شيلي خطوبتي من بالج مااريدج ادورين شبي  ماادري لاهوه متحرك وشايف روحه البعمره جهالهم بالمدارس ذاك احمد ابن عمه خير من الله ربي يحفظهم خلاني بحيرتي علي فوك قهري قهره وكل هذا فوكاها انتي هم وگف بنصيبج
جانت واكفه ع الطباخ وتحجي ومبيين مقهوره
اني فرحت من عرفت معناها اكو امل وهوه هم رايدني بس تلاحگت نفسي كتلها لاعمه اني فكرت زين وطلبته يساعدني حته ارفض منذر لأن عمامي جنه عاجبهم واستحيت منهم
..صدگ عمه لو تشاقين
..لاعمه والله اني مارايده منذر
..يابعد عمري فكيتيني علي ماتنكسرله حچايه وانتي كسرتي خاطري ضليت بحيره
..فدوه الگلبج عمه لاتحتارين
..جاليش ماگلتيلي
..ادري بيج تتمنين استقر وافرح بس مارايدته عمه گلت بس اكلج راح تقنعيني انتي والبنات
..لاعمه هيه قسمه ونصيبج احسن ان شاءالله
..ان شاءالله ..گلت بگلبي يارب نصيبي احسن وماكو احسن بس علي
عاد اني من حچيت وي عمتي مااعرف منين اجتني هالاعذار صايره اخلق مواضيع واسترسل بيها والله ياربي عندي قدرات ممكتشفتها ضحكت بوجه عمتي مثل الهبله
..ها عمه شو تضحكين شتذكرتي
..انتبهت النفسي لاعمه بس فرحت لأن انتو عذرتوني وماضغطتو عليه
..حياتج هاي عمه محد يعيش بمكانج ربي يعوضج خير

بهذا اليوم بيبي بس تحجي وحته بعد ماكلتلها عمتي علياء هيه رافضه ضلت تحجي علينه اثنينه مانعرف مصلحتنه واكثر حجيها على علي
صار الضهر وهوه اجه اني بهدوء انسحبت من مكاني ورحت الغرفتي بس المشكله اليوم جاي من وكت وعلى الغده ولازم الكل يحضر على نفس السفره يبوو ع هيج احراج اني اسوي نفسي تعبانه

صاحوني كتلهم مااريد اريد انام

بقيت بغرفتي شويه واندگت الباب ماجاوبت فتحها بهدوء
رفعت الغطه شفته علي نهضت من مكاني وجريت شالي
ابتسملي
..شني اليوم صايمه
..اي
..يتقبل الله بس گالت عمتي متريكه متأخر
..يبوو ع الاحراج كتله هاا لا اقصد مو صايمه بس مااشتهي
..بس انه اشتهي
..گالها وعيونه مبتسمه ولاجنه نفسه ابو النظرات الحاده گتله اي روح اكل الف عافيه
..اي هوه انه رايح تعالي انتي هم اكلي
..انه مااريد
..بس انه اريد غمزت الها ..هم ناهيه عليه وهم تتختلين
..احس وجهي صار نار
..ضحكت كومي حبيبه اريد اكل وانه نفسي مفتوحه وشوفتج تفتحلي نفسي
..احس گلبي يريد يطلع الدگه صارت ابلعومي
..تبقين هيج اگلهم ينقلون السفره هنا
..هاا لا گايمه گايمه خفت يسويها صدگ وانفضح
..اروح انه مو تتأخرين
..لا اجيت ..من طلع ضليت اهفي الوجهي يمه احسه صار نار شبيه اني
طلعت غسلت وجهي بمي بارد وشويه ورحت واني اتعثر شلون احراج توني اگول مااريد بس هيج احسن من مايروح يسويلي شغله
الكل تاكل واني صافنه فززني صوته
..علياء مدي ايدج خطار انتي
..لا لا بس مااشتهي
..اكلي خفايف
..احس وراه موضوع ويريد يحچي گل العمتي يمه
خابرتي بيت ابو منذر
گالتله اي يمه والمره هواي لحت ليش وليش بس اني كتلها البنيه ماتريد هسه ومامقتنعه وعدها دراسه وحاولت تقنعها من جديد كوه خلصت الموضوع
كلها هذا هوو المهم خلصنه
رجعت بيبي على كرسيها كاعده على جهه بيبي تتغده قبل الكل علمود علاجها
گالتله وانت يمه شنهي سالفتك تفرحنه بالليل تكدر خواطرنه الصبح ماطلعت هاي خاف عبالك بعدك شاب انت لايمه صرت شايب وبعد محد ترضه بيك الا وحده بايره شنهي جا تضل دوم هيج تهوفج للوادم وناسي روحك ماتكول حبوبتي تريد تشوف بزري ليش يمه ليش اليوم ريجي مر من الصبح كد الفرحه الفرحتها البارحه اليوم ماكصرت وعلكمتني
باوعلي وضحك
كلها هااا يمه هيج صارت هسه صرت انه شايب ومحد ترضه بيه بس البايره ليش يمه بعدني بحيلي شاب اصلا هسه انه بقمة شبابي عمري ٣٣ سنه اذا انتي امي هيج تگولين بعد ياهي الترضه بيه

..يمه شاب وعين الله عليك ربي يحرسك بعد حبوبتك وبناتها بس يايمه من حركتي عليك تضل دوم هيج
..بعديش يمه صرت انه شايب خل اروح اصبغ على هذا حجيج حالي يفشل

..انت ضل نكت واخذني بسوالفك وانه احچي صدك

..ابشري يمه چنتج يمج مو بعيده

جنت اشرب مي من گلها هيچ شرگت

باوعلي بنظرة قلق كلي اسم الله

اني احس وجهي صار دم مو من الشرگه لا من الحچي السمعته
بس التهو بشرگتي ومحد كمل الموضوع وياه وتخيلوه مثل كل مره يسايرهم
گوه خلصت اكل ورحت للمطبخ اريد اشغل نفسي

وخلصت الوكت لليل گوه
باليل اجه عمي ابو احمد وگال صيحولي علياء
رحت ورجليه تتعثر بس لاعرف بموضوع علي والشغله الصارت
من دخلت تفاجأت علي موجود بالعاده هيج وقت طالع
سلم عمي وضلو يحچون بسوالف عاديه وشغلات بينهم وره فتره گلي اي عمي ليش رافضه منذر اكدر اعرف
ضليت امتمت گال اني مو اجبرج وهذا قرار يخصج
بس اكدر اعرف السبب
دنگت وماجاوبت
علي كله عمي اول وتالي تعرف
ماكو سبب
منذر خوش ولد الله يرزقه بنات الحلال هواي
بس علياء انه رايدها وجنت متاني اجمعكم وابلغكم اطلبها منكم عاد انتو بكيفكم
بوكتها تمنيت الگاع تنشگ وتبلعني احس روحي غصت
عمي گله شنوو يعني رايدها انت

كله اي انه رايدها على سنة الله ورسوله
..بعد احسن بس انت متأكد
..اكيد تعرفني انت مااخطي خطوه بدون مااتأكد
..اذا هيج عمي وهيه ابيتك لازم تعقدون لاتضلون هيج مايجوز انه لو مااعرفك اخذها وياي بس اعرفك شني انت
..ان شاءالله عمي أعقد ليش لا نعقد بسكته والعرس وره ماتدور السنه

همه يحجون والكل مصدوم وعينه عليه
اريد اعرف منو راضي منو معارض مامبيين بنظراتهم شي

يتبع ..
البارت بدون مراجعه حبايب اذا كدرت انزل منا لليل انزل الكم بارت واذا لا عذروني 😙