رواية ان كان غيري جاز لك في غيابي .... غيرك تعنى لي وانا صدّيته الفصل الحادي عشر 11 - بقلم ساس الحلا

ﻻ تطري الفرقا ولو كنت مزّاح
-
فيني من فراق المحبين ضيقه

.......

(وأذكرّ ربُك إذِ نسيّت﴾
-
-سبحان الله
-الحمد لله
-لا إله إلا الله
-الله أكبر
-لا حول ولا قوه إلا بالله

......

نروح لبيت ابو محمد

رنا(تتكلم بالجوال): هلا بالقاطعه
نور: افا انا قاطعه
رنا: وانا الصادقه زمان عنك وعن سواليفك
نور : طيب وش رايكم تجون عندي
رنا: تصدقين فكره مش بطاله
نور بغرور: عشان تعرفين من هي نور
رنا: اووف يالليل اقول بلا حكي وجهزي الشيبسات والعصاير والفواكه
نور بصدمه: وجعع استحي انتي الحين ضيفه
رنا: ضيفه فعينك انا ما رايحه بيت غريب رايحه لبيت عمي ابو سعود الله يحفظه
نور: هه اصلا لك الشرف تجي بيتنا ... الا وين ربى
رنا : مع محمد ف الصاله اناديها لك؟
نور: لا بس كنت اسأل ... اوك حياتووو انتظركم بكرا
رنا: ان شاء الله يلا نور بااي
نور: باي حبي

.......

نروح لطلال

انصدم من الملاك اللي يغني
يووه وش ذا الحلا .... يالبى العيون بس ... ياربي انا ليش اناظرها البنت ما عليها حجاب ....

عند دانه
دانه تفكرها ريم اللي دخلت: ريم بالله وين شاحنك ابي اشحن جوالي
طلال مفهي: هااه
دانه وهي تشوف الشخص: ريم ليـ... ( فتحت عيونها بصدمه من اللي يناظرها )
دانه وهي تشهق بصدمه : هئ هئ هئ منو انت ( انتبهت انه ما عليها حجاب او عبايه وراحت تركض لغرفة التبديل) بدون شعور نزلن دموعها
طلال انصدم من نفسه : استغفر الله والله ما كان قصدي اناظرها
( طلع وسكر الباب وراه )
دانه سمعت الباب تسكر راحت لبست عباتها وغطت وجها وطلعت من الغرفه
ريم وهي شايله العصر : افاا دانه وين بتروحين
طلال كان يسمعها من غرفته
دانه وهي تحاول تعدل صوتها : غازي اتصل وقال اروح البيت امسك ذياب
ريم ( يا شينك يا غازي )
ريم: وش فيه صوتك ... دانه فيك شي
دانه ما قدرت تستحمل وبكت
طلال انصدم من بكاها ولام نفسه على الموقف
ريم بصدمه : حبيبتي دانه وش فيك احد فيه شي
دانه : هااه لا بس يوجعني اسناني
طلال ابتسم على عذرها
ريم : طيب امشي اوديك المستشفى
دانه بسرعه : لا لا لا ما يحتاج بخلي غازي او السواق يوديني انتي لا تخافي الحين بيخف الالم
ريم بخوف : متأكده دانه
دانه وهي تحضنها تريد تطلع من هالبيت: ايوه يا قلبي ... يلا باي السواق ينتظرني
ريم باحباط : والله ما شبعت منك
دانه بحب : معليه خيرها فغيرها واوعدك اذا جيت مره ثانيه بطول معك ( هذا اذا جيت)
ريم : طيب جبيبتي سلمي لي على خالتي
دانه وهي تروح : يوصل الله يسلمك من الشر
طلال من سمعها راحت طلع من غرفته
ريم : طلال انت مو رايح الشركه
طلال بتفكير: ايوه رحت بس رجعت اخذ اوراق
ريم بشك : طلال انت دخلت غرفتي
طلال بسرعه : لا وين دخلت انا اصلا اجيت مستعجل عشان اخذ الاوراق ما امداني اروح غرفتك
ريم براحه : اشوا فكرت انت مزعل دانه
( راحت غرفتها )
طلال ابتسم بحب : فديتها دلوعه اااه يا حبي لها ( انتبه على نفسه وضرب راسه واخذ الاوراق وراح للشركه والابتسامه ما فارقته )

........
عند غازي
جالس على كرسي المكتب ويفكر بريم : والله لاندمك على كل حرف قلتيه لي او للمرحومه ولاخليك تبكين بدل الدموع دم ( ابتسم بخبث اليوم بيبدي ينفذ خطته )
قاطع تفكيره رنة جواله .... رفع جواله وابسم لما شاف الرقم
غازي بثقل : الوو
.....: هلا براعي هالصوت
غازي ابتسم بشتياق لهالشخص : اخبارك واخبار دراستك واخبار الشباب
....: اخباري الحمدلله ودراستي كويسه وما بقى غير شهر وبخلص والشباب يسلمون عليك
غازي بفرح : هااه عسى رفعت روسنا
.... : افا عليك اعجبك
غازي بفخر لاخووه : كفوو والله مشاري
مشاري باشتياق : والله مشتاقلكم ومشتاق لامي ودانه
غازي ابتسم : واحنا بعد بس شد حيلك واخلص ومكتبك ينتظرك
مشاري : فديتك والله يا خوي ... الا اخبار خطيبتي
غازي : ههههه وما لقيت غير تسألني انا ... انت ووجهك شايفني ناقع عندها ( بحزم ) هااه مشاري خربوك الاجانب
مشاري بخوف من اخوه: هااه ... لا بس قلت يمكن توصل لكم اخبار ... شفيك ما تتحمل مزح ... افا عليك بس غازي
غازي : والله اشك
مشاري : ههههه الله عليك يا غازي ما تتغير ... يالله يا اخوي الشباب ينادوني نريد نطلع سلم على الاهل وعلى خط..( كان يريد يقول خطيبتي بس تدارك على نفسه ) ههه الله يهديه هاللسان يبيله قص
غازي كتم ضحكته : الحمدلله زين انك عرفت يالله الله يحفظك انت واللي معك وسلم لي على الشباب والله لهم وحشه( تذكر) اقول مشاري ناقصك فلوس او شي ترى انا حاضر
مشاري بحب لاخوه اللي ما يقصر : تسلم والله عندي ويكفون بعد الله يخليك لنا يارب
غازي ابتسم : ويخليكم لي يلا مع السلامه
مشاري : مع السلامه
( وسكروا )