رواية ان كان غيري جاز لك في غيابي .... غيرك تعنى لي وانا صدّيته الفصل الخامس والعشرون 25 - بقلم ساس الحلا

الكلمة الطيبة تأسر القلوب، وتمحو الضغينة وهي لك صدقة عند الكريم الرحمن.

.......

ليتك تجي صوبي مثل ما اتمناك
وتعرف مكانك يالغلا عند مغليك
-
لا تحسبني لا عشقتك أبا انساك
والله لحطك في عيوني واداريك

......

عند ريم ودانه

دخلت دانه جناح ريم وحصلت المكان حيل بارد ومظلم: وجعع ذي وين عايشه
راحت لها تصحيها : ريم ريمووه اصحي حشى يا حبك للنوم
ريم وهي تصحى وعيونها منتفخه من النوم والبكي : دانه انتي هنا
دانه : لا هناك يالله اصحي وبلا كسل
راحت دانه وطفت المكيف وفتحت النوافذ عشان يدخل النوور ... انصدمت من شكل ريم وراحت بسرعه جنبها : ريم يا قلبي انتي كنتي تبكين
ريم وهي ما تريدها تعرف انها بكت على موضوع اخوها : هااا الله يهديك يا دانه ليش ابكي ان شاء الله ... هذا من النوم تصدقين ما حسيت
دانه وهي تناظرها بنص عين : ادري هوايتك النوم
ريم وهي مالها خلق تضحك : ههههه وش فيه النوم لزووم لصحة الانسان
دانه : اتركينا من فلسفتك ... ليش ما تردين على اتصالاتي
ريم وهي توها تذكر انها مطفيه جوالها عشان غازي وبكذب : طفى من الشحن
دانه وهي توقف : صدقتك
ريم : وين
دانه : بروح البيت ... طلعت بدون لا اقول لامي عشان ط( وسكتت كانت تريد تقول طلال )
ريم : شنو
دانه : عشانك يا غبيه .... خفت عليك لا يكون فيك شي
ريم بحب : لا حبي ما فيني شي تدرين كنت نايمه
دانه : ايه صح وش صار على موضوعك
ريم بغباء : اي موضوع
دانه وهي تضربها ف راسها : انتي وغازي اخوي
ريم وهي تكره هالموضوع : لسى يا قلبي ما فكرت زين
دانه : يارب يكون فيه نصيب والله يوم المنى اللي نكون سوا نفس المكان
ريم بتردد : دانه واذا ما وافقت بتكونين جنبي وما تفارقيني وما تزعلي
دانه وهي ودها ريم توافق : افاا ريم ما حبيته هالكلام ... انتي بتظلين توام روحي واختي ومستحيل يفرقنا اقسى الاشياء
ريم حظنتها : الله يخليك لي ولا يحرمني منك
دانه : لا تخليني ابكي ترى والله ما بسكت
ريم وهي تمسح دموعها : لا تكفين خلاص قفلناه هالموضوع
دانه : انا برووح ... ديري بالك على عمرك خيتوو
ريم : وانتي بعد يا قلبي
دانه : مع السلامه
ريم : بايووو حبي
( وراحت دانه )
ريم جاست تفكر : ياربي وش بيصير اليوم

......
بالليل
كانت ريم طول الوقت مع اخوها تنتظر مكالمة غازي ... وطلال مستغرب
طلال باستغرا : الحين انتي وش تبين ... طول الوقت معاي كانك طفله خايفه تضيع
ريم : هااه ... لا يا اخوي بس تدري اشتقتلك وابي اتونس وياك
سمعت ريم اتصال فجوال طلال
ريم بسرعه : منوو
طلال وهو يناظرها بطرف عينه : وانتي شدخلك ... انتي شسالفتك اليوم
( وهو يرد على الجوال )
طلال : ارررحب والله ... الحمدلله تمام ...شخبارك انت ... وينك يا غازي ما نشوفك هالايام
ريم من سمعت اسم غازي انتفض جسمها ( ياربي شكله بيعملها صدق )
طلال وهو يكمل : لا والله ما عندي شي ... ابشر خلاص اليوم ... ( باستغراب ) تعطيني شي وشو؟ ... امحق مفاجأه ... هههه لا تكفى ... شنو هالشي اللي يخصني ؟! .... طيب ... نشوف .... هههه ما بتاخر ... تسلم والله .... مع السلامه ( وسكروا المكالمه )
ريم وهي منصدمه بعد سماعها للمكالمه تيقنت انه يريد يعطيه الصور: وش يبي منك
طلال : مدري يقول تعال بسرعه ( وانتبه ) وانتي وشدخلك فهالموضوع ... ريمووه شسالفتك اليوم مو طبيعيه
ريم وهي شوي وتبكي : لا تروح
طلال ما انتبه لصوتها : ليش ان شاء الله اقول تلايطيالرجال ينتظرني ( وراح يجهز )
وراحت ريم تركض لغرفتها ... مسكت جوالها وشافت رسالته ( طلال اخوك الحين بيجي ... عندك ٥ دقايق اذا ما وافقتي الصور معه )
انصدمت ريم ( حسبي الله عليك يا غازي ... الله ياخذك يارب ... وش اسوي الحين ) سمعت باب طلال يتسكر ( شكله راح مع اللي ما يتسمى )
ارسلت له رساله ... ( حسبي الله عليك ... انا موافقه مو عشانك عشان امي واخوي يا ك*** ... رووح يا غازي مو مسامحتك ليوم الدين )
وجلست تبكي وهي تندم حضها اللي خلاها تروح بيتهم او تتكلم بكلام سم بدنه ... راحت تصلي ركعتين

عند غازي
شاف رسالتها وانصدم من كلامها ( مو مسامحتك ليوم الدين ) جلس كلامها يررن ف اذونه
شاف طلال يتجه صوبه ... تكلموا مع بعض ونسى غازي موضوعها

.....
الصباح نزلت ريم عشان تفطر وتروح الجامعه
ريم بدون نفس : صباح الخير
اخوها وامها : صباح النور
جلست ريم على الطاوله لو احد تكلم معها يمكن تفقع وجهه
طلال بمزح : افاا الحلو معصب
ريم وكانها جات من الله : اسمع طلوول ترا مو رايقه  لك  لا تخلاني اغلط عليك
طلال ناظر امه اللي مستغربه من بنتها : وش فيك يمه
ريم وهي تحبس غضبها : لا تخافين يمه ... بس مو شبعانه نووم واحس راسي يوجعني
امها بخوف : طيب حبيبتي لا تداومين اليوم
ريم : لا يمه بداوم اخذت بنادول وبيخف ان شاء الله
ريم وهي تحس اخوها زعلان
ويم راحت له وباست خده : زعلت طلال
طلال بزعل : ايه لا تكلميني
ريم : والله اسفه مو قصدي ... اليوم منفسه انا ودانووه الحماره ما ترد على جوالها
طلال خاف : ليش
ريم : مدري يمكن نايمه
ام طلال : على طاري دانه هااه يمه فكرتي ف الموضوع
طلال : اصلا هي وين بتلاقي احسن من غازي رجال والنعم فيه
ريم ( حتى انت ياخوي انخدعت ) : ايه يمه فكرت
طلال امها ناظروا باهتمام : شنو
ريم بحزن : موافقه
ام طلال فرحت : هذي الساعه المباركه ... عسى الله يوفقك يمه انتي واخوك
طلال : وكبرتي ريووم وصرتي عرووس
ريم : عقبالك
طلال بتمني : امييييييين
ريم وهي تهمس في اذنه : تفكرني ما ادري بحركاتك انت ودانه
طلال انصدم وجلس يكح
ام طلال اعطته مويه : اشرب يمه ...(وهي تناظر ريم ) حسبي الله على ابليسك يا روويم وش قلتي له
ريم ابتسم : ما قلت شي يمه ... انا برووح مع السلامه
ام طلال : مع السلامه
طلال ( وجعع هذي شدراها بموضوعنا ... لا يكون دانه خبرتها بس دانه حياويه ومستحيل تخبرها بمثل هالمواضيع )
راح طلال باس راس امه : يمه انت برووح
ام طلال : الله يسرك ببنت الحلال اللي تسر خاطرك ... رووح يمه عسى الله يجعل في كل خطوه من خطواتك حسنه
طلال : امييييين ... مع السلامه

.......