رواية ان كان غيري جاز لك في غيابي .... غيرك تعنى لي وانا صدّيته الفصل الثالث عشر 13 - بقلم ساس الحلا

أنت الوحيد اللي يغير مزاجي بثواني
-
وأنت الوحيد لاغبت دقايق أشتاق له

........

اللهم صل وسلم على سيدنا ونبينا محمد صلى الله عليه وسلم

......

صحت ريم وشافت الساعه وفزت من النوم
ريم : ياربي تاخرت انا اوريها دانووه ما صحتني
اخذت شاور ع السريع ولبست تنوره طويله بيضا وقميص احمر وعليه كتابات بيضا ... وعملت مكياج وردي وقلوس وردي
ولبست عباتها وطلعت من الغرفه
ريم : صبااحو
ام ريم : صباح النور لو كملتي نومك انسه ريم
ريم : والله يا ريت يمه بس تدرين دوام
ام طلال عصبت : انا اتكلم جد وانتي تمزحين
ريم: اسفه يمه بس دايخه ابي انام
ام طلال: دانه من متى تتصل فيك وانتي ما تردين عليها
ريم : جد ( شافت جوالها وحصلت ١٠ مكالمات ٣ رسايل ) يا قلبي يا دانه اكيد الحين معصبه
ام طلال : يالله اخلصي وبلا هذره وروحي ع الجامعه
ريم : طيب طيب يلا باي
ام طلال : مع السلامه الله يحفظك يا يمه انتي واخوك
ريم راحت ويا السواق واخذت تهزيئه محترمه من دانه

.....

نروح لشخصيات جديده

...بصراخ: يممممه
.....: وحطبه شتبين
....: ابي فلوس
....: مسرع صرفتيهن اللي قبل
....: ايه يمه صرفتهم
....: نعنبو دارك شايفتني بنك عندك
....: طيب متى بنزور بيت عمي ابو طلال الله يرحمه
.....: خلاص اليوم بنروح
.... بفرح : يسسس طيب ابي فلوس
.... بصراخ : ليانوووه اذلفي من قدامي
ليان : طيب ذالفه ذالفه المهم ام عزوز ما تعصب
قاطعهم صوت من وراهم : اصغر عيالك تناديني عزووز
ليان بخوف : لا يا خووي لك الحشيمه كنت امزح مع امي
عبد العزيز وهو يبوس راس امه : اخبارك يمه
ام عبد العزيز : هلا بنظر عيني
ليان وهي تتكلم بصوت خفيف : اييه الله لنا ... نعنبو احنا عيال البطه السودا كل يوم تهزيئه اما عزووز هلا بنظر عيني او هلا بحبيبي هلا بنور دنيتي
سمعها عبد العزيز كتم ضحكته : قلتي شي ليان
ليان انتبهت له وقالت بقهر : لا ما قلت شي كنت اهذر بروحي.... انا طالعه فوق ...خلي نظر عينك ينفعك
عبد العزيز : ليانووه وقسم بالله اسمع هاللهجه مره ثانيه بتشوفين شي ما يرضيك
ليان بخوف من صراخ اخوها : افاا يا اخووي يعني ما تعرف مزاحي خلاص وهذي بوسه السماح ( باسته فوق راسه ) اقدر اروح الحين
عبدالعزيز : ايه رووحي
راحت ليان تركض لا تاخذ تهزيئه ثانيه
ام عبدالعزيز: خف على خواتك يمه
عبد العزيز : يمه ما شفتيها كيف تكلمك كانك واحد من عيالها
ام عبد العزيز : المهم يمه اليوم بنروح بيت عمك ابو طلال زمان عنهم
عبد العزيز : ايه والله خلاص تم اليوم اليوم ... يلا يمه انا بروح اريح شوي
ام عبد العزيز : ما تبي غدا يمه
عبد العزيز : لا يمه مابي تغديت ف الدوام
ام عبدالعزيز : طيب يمه روح ارتاح

.....
ابو عبدالعزيز : عمره ٥٠ يسافر كثير وما يجي الا مره ف السنه ... بس حنون على عياله ويعطيهم فلوس حتى لو كان بدار ثانيه
ام عبدالعزيز : عمرها ٤٨ حنونه وطيبه
عبدالعزيز: عمره ٢٦ ما تزوج للحين ... طيب على خواته وامه وما يقصر معاهم شي ... لكن شوي شديد ... وسييييم شعره طويل شوي عيونه وساع سودا .. طويل معضل شوي مجنن البنات
ليان : عمرها ٢٢ مرجوجه شوي .. جمييييله .. تشابه اخوها عبدالعزيز .. شعرها لنص ظهرها كستنائي .. اخر سنه
حور: عمرها ٢٥ متزوجه من ولد عمها.. عندها ولد اسمه ابراهيم عمره سنتين

عند ليان
دخلت غرفتها وهي فرحانه بتروح بيت عمها ابو طلال ... راحت واتصلت ببنت عمها رغد
ليان : هلا رغوده ... الله يسلمك ... ايوه صح ذكرتيني اليوم بنروح بيت عمي ابو طلال الله يرحمه تعالوا معنا بليييز ... ايه والله زمان عنها ريمووه .. اوكي شوفي امك ورديلي خبر ... يلا باي

...
رغد.: يمه
ام احمد: تعالي يمه انا ف الصاله
رغد: يمه وش رايك نروح بيت عمي ابو طلال الله يسكنه الجنه
ام احمد: الله يرحمه .. ليش لا خلاص اليوم العصر بنروح
رغد بفرح : يسس يمه حتى بيت عمي ابو عبدالعزيز بيروحوا
ام احمد : حلوو عيل اجهزوا العصر
وراحت تتصل بام عبدالعزيز وتشاوروا واخذوا الاذن من ام طلال وطبعا رحبت بهالفكره

....

ابو احمد : عمره ٤٩ طيب وحنون وما يرفض لعياله شي
ام احمد : عمرها ٤٣ طيبه وعلى نياتها تنحط على الجرح يبرى
احمد : عمره ٢٦ متزوج من حوور يحبها كثيير .. جميل طويل وعيونه صغار
رغد : عمره ٢٢ تدرس اخر سنه ف الجامعه ... جمييله الكل ينشد بجمالها ... طولها متوسط وجسمها حلو ... شعرها لاخر ظهرها لونه بني ... عيونها رمادي وساع وكبار ... فمها منفوخ شوي توتي.. ليان الروح بالروح يتبادلون الاسرار ويا ويل احد يخبي على الثاني
....

بيت ابو طلال

ام طلال وهي تنادي : رييم يا ريم
ريم طلعت من غرفتها وراحت لامها : هلا يمه امري
ام طلال : يمه ناديتك عشان بيت عمك ابو احمد وبيت عمك ابوعبدالعزيز بيزورنا على العشا ان شاء الله
ريم بفرح : احلفي
ام طلال : ريم ووجع شايفتني كذابه
ريم : اسفه يمه بس من الفرحه
ام طلال : خلاص عيل اجهزي بالليل
ريم : اكيد ما يبيلها كلام
ام طلال : وين طلال
ريم : مدري يمكن نايم ... عيل اليوم دانه بتزورني
ام طلال : عادي وش فيها عرفيها على بنات عمك
ريم : اوك يلا باي بروح اعطيها خبر