رواية ان كان غيري جاز لك في غيابي .... غيرك تعنى لي وانا صدّيته الفصل الثامن 8 - بقلم ساس الحلا

مسامحك ياللي بلا عذر فارقت
ماضيك يجبرني أسامح خطاياك
-
هذا مكاني مرني كل ما أشتقت
أما أنا لا أشتقت بـ أمر ذكراك

.....

شعور دانه بعد ما سمعت هذا الكلام
ياربي والله مو قصدي كذ كيف انا اقول هذا الكلام .... نزلت عند رجل غازي وهي تقول
دانه : اسفه غازي والله ما قصدي اجرحك
غازي : ليش تعتذرين انتي ما قلتي غير الصدق ... روحي وين ما تبين اعتبريني اخوك ماله راي ( وراح )
جلست دانه تبكي
مسكت التلفون واتصلت بريم
ريم بمرح : هااي دانه وينك تاخرتي ( اختفت ابتسامة ريم بعد ما سمعت صوت رفيقة عمرها تبكي)
ريم : افاا دانه ما عاش من ينزل دموعك ... وش فيك تبكين
دانه وهي تبكي : ريم انا محتاجتك جنبي خبريني وش اسوي
ريم : هدي دانه وانا دقايق وبكون جنبك ... يلا باي ( وسكرت التلفون)
نزلت ريم تحت عشان تاخذ اذن من امها
ريم بصوت عالي : يمه يمه
ام طلال : تعالي يمه ريم انا ف الصاله
ريم راحت لها : يمه الله يخليك ابي اروح عند دانه
ام طلال : شتسوين عند دانه
ريم : تعبانه وتبيني اروح عندها
ام طلال : ويي سلامتها ما تشوف شر ... ررحي يمه وطمنيني عليها
ريم باست امها فوق راسها : ان شاء الله يمه

راحت ريم ولبست تنوره حمرا عليها حزام ابيض لتحت الركبه بشوي وقميص ابيض هادي وحلو ... قلوس احمر وكحله بيضا ... شوز ابيض ... رفعت شعرها والست عباتها وشيلتها وراحت عند السواق
اول ما وصلت دقت الجرس ... فتحت الشغاله الباب
ريم بابتسامه حلوه : هااي سوزي
سوزي : هاي مس ريم
ريم : هنا دانه؟؟!
سوزي : يس داخل
ريم ؛ ثانكس سوزي ... فيه احد هنا
سوزي : لا ما فيه كلوو رووح شغل
ريم : اوك
اول ما دخلت الصالة فسخت عباتها واعطتها سوزي
ورقت فوق عند دانه
كانت تريد تدق الباب لكن سمعت صوت وراها
: وين وين
ريم التفتت وراها وشافت اكره مخلوق فقلبها
ريم : يعني ما تشوف اني بروح مع دانه
غازي : بس انا ما بيك تحتكين فدانه
ريم نست انه ما عليها شيله
ريم وهي تناظر غازي: والله هذا الشي ما يخصك .... قال ما ابيك تحتكين فدانه قال
غازي عصب والشياطين قامت تتراقص فوق راسه ... بدون شعور مسك ايد ريم واخذها لغرفته

ريم بخوف : هي انت شتسوي اترك ايدي لا والله اصرخ واخليكم كلهم يجونك
عازي بعصبيه : ولا كلمه
ريم تبكي : الله يخليك اتركني .... اعتبرني اختك واتركني ... جات بتصرخ بس يد غازي سكرت فمها
دخلها جناحه وقفل بالمفتاح
هنا ريم قام قلبها يتراقص من الخوف
ريم : ليش قفلت الباب ... اتركني اروح واوعدك ما بروح عند دانه
غازي بسخريه : ما شاء الله صدقتك
ريم وهي تبكي : انت ما تخاف على اختك يدور فيها هالموقف
غازي : اكيد اخاف ... بس انتي غير واختي غير انتي حتى ما تسوين ظفرها ( وقرب منها )
ريم شافته يقرب
ريم وهي ترجع لورا: غازي تعوذ من ابليس وخلني اطلع
غازي وهو يقرب: وين ما شبعت منك لازم نضيفك
ريم ما حست غير بالجدار طالعت ورا وحصلت عمرها عند الجدار ومافي مجال تهرب سكرت عيونها ... غازي استغل الموقف وصورها بالكاميرا بدون ما تدري
غازي : شفتي كيف الدنيا جمعتنا مره ثانيه بعد الموقف اللي ف الكورنيش
ريم فتحت عيونها يااه كيف انا نسيت هذا سالفته ... اليوم انا ميته ميته
ما حست غير بالكف يحرق وجهها
غازي بابتسامة : هذي هديه صغيره مني تقديرا للاهانه اللي اهنتيني
... وانتظري كمان هديه كبيره لا تخافي بتوصلك اليوم .... تصدقي اخوك ما شاء الله عليه رجال طيب وعلى نياته
ريم وهي تبكي انصدمت لما سمعت اسم اخوها: انت شدراك باخوي
غازي ضحك : ههههه ههههه نسيت لا اقولك انا تعرفت على اخوك وصارنا best frieds
ريم بصدمه وهي تبكي: غازي ابوس يدك خلني فحالي ... وانا اسفه على الكلام اللي قلته
غازي : وين اخليك هذي البدايه بس ... صدقيني بتشوفين الويل مني ( مسك شعرها من ورا وقرب شفايفه عند اذنها وهوو يرص على اسنانه ) صدقيني بتندمي على كل حرف قلتيه عني وعن زوجتي ( وبعد عنها ) وبصراخ : اطلعي برا
ريم من الصدمه ما قدرت تتحرك ( شقصده اندم وليش قال انتظر الهديه الكبيره ... ورفعت عيونها على عيونه وبدون شعور عطته كف
ريم بجراه : انت قليل ادب وقليل حيا ... انا ما ادري كيف دانه المحترمه اختك ... انت شيطان على هيأة انسان ... واحد حقير وتافه ... وحطت يدها على صدره ودفته على ورا وطلعت من الجناح
نروح عند غازي
كان مصدوم من الموقف ... اثار العصبيه مليانه وجهه ... حط ايده على خده هذا من جدها ضربتني كف ... تذكر الكلام اللي قالته (انت قليل ادب وقليل حيا ... انا ما ادري كيف دانه المحترمه اختك ... انت شيطان على هيأة انسان ... واحد حقير وتافه ) .... والله يا ريم رح اخليك تتمنين الموت وما تلاقيه رح اخليك تعضين اصابع يدك من الندم ... رح اخليك تهلوسين على امك واخوك

اما ريم عدلت شكلها وضبطت شعرها وراحت عند دانه ما هان عليها تخليها وحدها
دقت الباب
فتحت دانه الباب اول ما شافت ريم ارتمت فحظنها وجلست تبكي
ريم وهي تهديها : دانه قلبي اهدي اهدي ... تعالي معي داخل ( ودخلوا ف الغرفه )