رواية ان كان غيري جاز لك في غيابي .... غيرك تعنى لي وانا صدّيته الفصل الثامن والعشرون 28 - بقلم ساس الحلا

وعزتي وجلالي، "لأغفرَّن لهم ما داموا يستغفروني". ماذا بعد أن أقسم الله بنفسه؟ أكثروا من الاستغفار فإن لله نفحات لا يرد فيها سائلا.

........

الصبح ما هو طلعت الشمس للكون
واليوم ما هو يوم لو ، مر دونك
-
تدري لو ان الامر بيدي وش يكون ؟
اعلن صباح الناس ، طلة عيونك

......

ريم كره العالم كله فيها بسبب هالشخص اللي قدامها : اتركني
غازي عجبه قوتها : بس انا لسـ...
( قاطعه المويه اللي اجت في وجهه ... شهق من برودة المويه وصار شكله احلى الشعر على جبينه وهو يناظرها بنظرات ما فهمتها
ريم اصلا ما تدري ليش كذا عملت بس ما تدري ليش بعد حست بالنصر فنفس الوقت
غازي ضحك وزاد من قبضه ايده اللي كانت ماسكه ايدها : قدها هالحركه
ريم بقوه بس من داخلها ترجف : ايه قدها والحين اترك ايدي
غازي زاد ف القبضه وهو يناظر عيونها : بس انا ما خلصت كلامي
ريم المتها الفبضه : وانا خلصت اتركني لا اصرخ الحين
غازي وهو يسحبها لورا : اصرخي
ريم كانت تناظر عيونه وخايفه ليش يرجعها ورا وكانت تناظر ورا تاره وتناظر عيونه تاره ثانيه : ليش ترجعني لورا اتركني هذا مو من صالحك
غازي وهو لسى يرجعها لورا ولما وصل للبراداخذ موه وزاد فيها ثلج وهو يخالطهم ويناظر عيونها
ريم خافت كان الجو فيه برودة وبيزيدها بروده ثانيه : شتبي تسوي
غازي زاد ثلج عشان يكون برودة المويه اكثر وهو يناظرها بنظرات خبث : الحين بتشوفين لا تستعجلي ( شال شيلتها وطاح شعرها الطوريل .... غازي بلع ريقه كانت قبل تجنن بس مع شعرها الطويل زاد حلاها اكثر واكثر )
ريم وهي تحاول تفك ايدها عشان تغطي شعرها : اتركني يا حقير
غازي انتبه على عمره وانقهر ليش سرح ف جمالها : تجهزي بكرا احنا فبيتكم ( ورفع الكاس لفوق
ريم شيبي هذا يجي بيتنا : شنو تبـ.... ( وشهقت لما حست ببرودة المويه فشعرها وحست بالاهانه )
غازي لما خلص رفع راسها باصابعه وكانت المويه اللي فشعرها تنزل على ايده وصار شكلها روووعه : عشان الخطبه ولا نسيتي ... والملكه بتكون بعد اسبوع والعرس بعد شهر ... كذا حلوو ( وراح بعد ما اعطاها نظرة تحدي )
ريم كانت شفايفها وجسمها يرجفون قوة البروده ... وكانت بعد متفاجاه شقصده بكرا الخطبه وبعد اسبوع الملكه وبعد شهر العرس ...  والله يا غازي لو تترجاني ما بخليك تقرر بكيفك ( وراحت بعد ما غطت شعرها المبلول )
دانه بصراخ : رييييييييييييييييييم
ريم نقزت من الصراخ : هاااه وش صار
دانه وهي تهدي : اهدي مو صار شي بس وش فيك كنتي سرحانه
ريم بضياع : مدري مدري
دانه باستغراب : كيف ما تدرين يا ريم ... وش صارلك
ريم وهي تلبس عبايتها : انا بروح دانه .... السموحه منك يالغلا
دانه باستغراب اكثر : وين بتروحين مو انتي تقولي تبين تجلسين اكثر
ريم وهي شوي وتبكي : راسي يوجعني
دانه خافت عليها : اتتظري بعطيك بنادول
دانه دورت ف غرفتها وما حصلت ... تذكرت مع غازي : انتظري هنا
ريم : يا دانه ما و... ( لكن دانه ما اعطتها مجال وراحت عند غازي )

دانه وهي تدخل عرفة غازي
غازي من شافها : هلا دانه
دانه : غازي عندك بنادول
غازي : ايه عندي وش صاير
دانه : ريم راسها يوجعها وفيها شوية سخونه
غازي من سمع اسمها كشر : ايه صح تذكرت امس ادور كنت بنادول بس ما حصلت
دانه : ليش عيل تقول شي
غازي بضيقه وبصراخ : اذلفي وقولي لخويتك ما عندنا تجي هنا تعمل مشاكل وتروح
دانه : وش فيكم انتوا الاثنين كل واحد من جهه ريم متضايقه وتبي ترجع البيت وانت الثاني تصرخ عند اذوني ( وبشك ) لا يكون تقابلتوا
غازي بصراخ عشان تسمعه ريم : والله اللي مو مربى عند اهله عادي عندي اربيه مره ثانيه ... وروحي بلغي خويتك مو كل يوم ناشبه لنا ... نبي نرتاح شوي مع بعضنا
دانه وهي تحاول تسكته لكن مافي فايده ... احتارت وش تسوي ...
دانه وهي تترجى : غازي الله يخليك اسكت لا تسمعك البنت
غازي وهو يكمل : لا مو ساكت ... هذا الصدق انتي يا دانه ما تبين ترتاحين ... ما تبين تطلعين تغيرين جو ... لكن هذي مو تاركتك ابد
دانه وهي تنزل دموعها ( اكيد ريم سمعت الكلام ... لانه غرفتها مقابل غرفته ... مو احتمال الا ١٠٠٪؜ ... عصبت من كلام غازي وناظرته نظرت عتاب وراحت لريم )

عند ريم ( لما سمعت هذا الكلام ... بكت من قلبها ... يمكن يكون غازي على حقيقه انا اكثر الايام عند دانه ... انا لازم اجمع بقايا كرامتي واطلع من البيت ... اتصلت بالسواق
السواق : الو مدام
ريم : تعال اخذني
السواق : اوكي مس ريم 5 مينت
( وسكروا )
دخلت دانه وشافت ريم تلبس عبايتها وهي تبكي
دانه : على وين ريم
ريم مسحت دموعها : بروح البيت ... تامريني على شي يا قلبي
دانه حضنتها : سامحيني ريم ولا تاخذين على خاطرك ... هذا غازي دووم يقول كلام ماله معنى هذا مجنون
ريم وهي تمسح دموع دانه : لا تخافين عيوني مو انا اللي ازعل عليك
سمعت رنة التلفون
ريم : هذا السواق ... مع السلامه وديري بالك على عمرك
دانه بحزن : ريم
ريم قاطعتها : انا وش قلت يا دانه انا والله مو زعلانه عليك انتي الغلا كله ( وابتسمت لها وطلعت )
دانه عصبت على اخوها ... وراحت لغرفته
دانه : انت وش فيك خليت البنت ترووح زعلانه ... انت وش سالفتك هالايام
غازي : اشوف طال لسانك مدام دانه
دانه : ايه طال ... وانا ما بسكت من الحين ومو كل شي انت تقوله احنا نفذه ... اخوي الكبير على عيني وراسي بس مو كل شي تتدخل فيه ... انـ...
قاطعها صوت الكف اللي رن فخدها بدون شعور نزلن دموعها
غازي بغضب : والله يا دانه واسمع هذا الكلام لاقص لسانك فهمتي
دانه وهي تبكي : لا ما فهمت ... انت واحد مجنون وتبي كل شي على كيفك ... وش ذنبها ريم تطردها هيي وش عملت لك ... انت واحد اناني وما تفكر غير فنفسك يا غازي
غازي بعتاب : الكلام هذا لي
دانه بكره : ايه لك واللي مثلك ... اكرهك يا غازي اكرهك ( وراحت عنه )
غازي انصدم ( هذي نظرتك لي يا دانه ... لكن والله يا ريم بخليك تندمين على كل شي ... بخليك تقولين يا ريت )

رجعت ريم البيت وهي زعلانه
شافها طلال واستغرب : وين اللي يقول بيجلس نص ساعه اشوفك حتى ١٠ دقايق ما جلستي
ريم : بس ما بغيت
طلال : ريم فيك شي تزاعلتي انتي ودانه
ريم : لا ياخووي ... بس تعبت هناك وراسي وجعني وقلت ارجع البيت
طلال : تبيني اوديك المستشفى ؟!
ريم : لا تسلم يا قلبي .... باخذ بنادول وبرتاح
قاطعهم صوت جوال طلال
ناظر طلال شاشة الجوال وابتسم
طلال : هذا غازي
ريم انصدمت هذا شيبي لا يكون بيخبره على بكرا
ريم بسرعه : لا ياخووي لا ترد
كان طلال يريد يضغط زر الاتصال : وليش ان شاء الله
ريم توهقت : هااه هذي اكيد دانه اخترب جوالها وقالت بتطمن عليك بجوال غازي
طلال : اهاا طيب امسكي كلميها
ريم بصدمه : نعم
طلال وهو يعطيها الجوال : مو انتي تقولين دانه
فجاه رن جوال دانه ريم شافت المتصل وما عرفت شتسوي ... طلال كان جنبها وشاف الاسم ( توأم روحي D)
طلال بشك : خذي عيل دانه اشوفها متصله بجوالها
ريم : مدري يمكن اخوها صلحه
رن مره ثانيه جوال طلال وكان غازي
طلال : بقوم ارد عليه الله يفشل عدوينك ( وراح لمكان ثاني عشان ما تسمعه ريم )
بعد ٢٠ دقيقه رجع طلال والابتسامه ما تفارقه
ريم بخوف : وش صار ليش تبتسم
طلال بفرح : بكرا رح يجون اهل غازي عشان الخطبه
ريم : بس انا مابي اتزوج