أنا الشموخ ومارضيت البهاذيل كسرت خشم الوقت من قو ذاتي الفصل الحادي وأربعون 41 - بقلم متميز وموهبه فذه

أمي وجدتي وسعاد وخالي راحوا الدمام....وأنا قاعده أجمع أغراضي....ووليد ونايف وسلطان تحت....بأروح لبيت
ناصر....على مايرجعون.....بلعت دموعي....يا ويل حالي....ياني مشتاقه للدمام شوق....بس صعبه أروح والله....خالي
بيودي سعاد علشان بتولد عند أهلها...وأمي وجدتي راحوا يباركون لطلال....مايدرون بقلب دلوعتهم اللي والعه النيران
فيه.....كنت أناظرهم وهم زعلانين انهم ماحظروا الملكه....عتبهم لطلال وهم يباركون له بالجوال.....ليه تجرحوني كذا
ليه؟...ترا زواجه موجع قلبي كثير....ياترا فرحآآآن...نسآني من شافها....راح يصير متلهف لها مثل ماكآن متلهف لي
دايم...راح يجي اليوم اللي يناظرها فيه....مثل ماكان يناظرني....ويولع جواتي نيران ماتنطفي...ويصحي فيني مشاعر ما
أعرف أحددها للحين....ويرقص قلبي من الفرحه..... هزيت راسي بانكار...مستحيل... مستحيل يصير
هالشيء.....هزيت راسي بحسره....ياليتك ماتزوجتها وخنتني....ياليتك استنيتني وماتزوجتها.....ياليتك مستنيني لما
أتزوج من الزفت وبعدها أتطلق....وأخذك وأتحدى أحد يكلمني بكلمه....بس صعبت علي كل شيء....ولويت
ذراعي....وطعنتني بظهري....وخيبت ظني كثير....ماهقيتها منك أبد...ما توقعتك ضعيف لذي الدرجه....كنت أحسب
حبي بقلبك مقويك....وبيخليك تسوي المستحيل....بس لا حبي مضعفك كثير....ومخليك متشتت....ياحسافة الحب
فيك....واللي قهرني اني للحين أحبك...وماني قادره أكرهك....رغم ان مكانتك بعيوني تزعزت كثير.....بس بتبقى
طلآل....طلآل وبس.....سمعت أصوات أخواني اللي قربت لغرفتي....مسحت دموعي بسرعه....ورسمت ابتسامه
خفيفه....وسكرت الجنطه ولفيت لهم....دخلوا وهم يضحكون....ويسولفون عن غرفة سلطان ويعيبون....وسلطان
زعلآن....وبس شافني جاني مبرطم:جوجو شوفيهم الوصخين؟....يعيبون على غرفتي....
بلعت ضحكتي وأنا أمسح على خده الغليظ بحنيه....وعيوني بعيونه البريئه اللي أموت فيها "لعيونك بس الغالي
يرخص....لعيونك أنت وبس....ماحد يهمني بالدنيا غيرك....وبعيش علشانك وبس...وبحسره ...هذا اللي كنت أحلف انه
مابيسبب لي جرح طول عمري.....طعني وبالحيل أوجع قلب أختك يا سلطآن....لمجرد رفضي له....أرخصني....وأختك
غاليه ياسلطآن....وماترجع لشخص خانها....وأرخصها....كان من يكون...أبوي وهو أبوي....وريته الويل...وماسامحته
الا عشانك...انت....ياحسآفه ياطلال....وبقهر...على كثر ماكنت حآسه بالندم....والذنب....بس الحين أحس ان مالي أحد
بهالدنيا جد....الا أخوي....أخوي وبس....ومستعده أسوي اللي سويته مليون مره....وحتى لو انعاد الزمن ماسويت
الاكذا.....ذا سلطآن...."
قلت ببحه:خبلين حبيبي ماعندهم ذوق....وبثقه...وأنت عاجبتك عدل...هز لي راسه بدلع....وكملت
بابتسامه....أجل بالطقاق لهم....صح....
ضحك سلطان بسعاده ولا كأنه اللي قبل شوي زعلان....وهو يحضني بقوة....وأنا أضحك:صحين....
واعترضوا نايف ووليد...وصرنا نتعاند...نايف ووليد يعيبون...وأنا وسلطآآآن ندافع بقوة....وطبعا الربح كآن لنا....شال
وليد جنطتي....وسلطان جنطته....ونايف الجنطه الصغيره.....ونزلوا...ناظرت غرفتي الفخمه....طفيت النور...وتوجهت
لغرفة سلطآن اللي أغلب الأيام أشاركه فيها.....ناظرتها وانا اضحك....ألوانها... أثاثها...اللي معدوم الذوق...والله
ماينلامون....تذكرت حماس سلطان لما شاف الألوان...وترجاني اني أصبغ الغرفه له....وأنا مستحيل أرد
سلطآن...واستنكار خالي للون الأزرق الفاقع مع البرتقالي الباهت.....ههههههه...مدري وش عجب سلطان
بهاللونين؟....والا الأثاث البني المحروق.....غرفته كانت تعمي....بس لما تذكرت البيت اللي ملاصق لنا....والجناح اللي
راح أأثثه بعنايه....وبكل ذوق....قلت خل يختار الحين...علشان بعدين ما أتركه يختار شيء...طفيت النور
وطلعت....درت على الدور اللي فوق أتأكد من كل شيء....وأخواني فضحوني تحت...وأنا أصارخ عليهم....يستنون
شوي.....تفحصت الطابق اللي تحت...وطلعت....قفلت الباب عدل....ناظرت للبيت الشامخ الملاصق لفيلة خالي....ومايقل
عن فيلة خالي أبد....ورقيه الملحوظ....ابتسمت بأمل وأنا اشوف سلطآن اللي قاعد يتعبث بالأشرطه اللي بسيارة وليد
السبورت...وجآلس قدآآآم....ابتسمت بفررح...وأنا أصعد ورا سلطان...وجنب نايف.....وغمضت عيوني والمسجل صوته
طالع برا.....قريب قريب بيصير اللي أبغاه....وبشوف عيالك ياسلطان....ماحد بينفعك غيرهم.....بربيهم على أنهم
يحبونك مثلي....ومثل ماربي زرع حبك بقلبي....وزرعته بقلب شذى....بأزرعه بقلوبهم....هم اللي بيكونون لك
سند....هم اللي بيصيرون عز وظهر لك.....هم اللي لاطلعوا للدنيا ماراح اخاف عليك من غدر الزمان بعد مايغيب
راسي....ناظرت شوارع الرياض المزدحمه.....وناظرت السما برجا....يارب انصرني....وريح قلبي على
أخوي....وبلغني فيه وبعياله....وأصلح حالهم...لأن بصلاحهم بيصلح حال أبووهم....يآرب ياكريم.....يارب عز
أخوي....وزيد عزه بعيال من صلبه....يارب ترا أخوي مكسور....كاسره حاله وزمانه....وحاله كاسر ظهري.....يارب
ياكريم...أجبر كسرنا ...وأرأف بحالنا....واجعل شذى من نصيبه....يارب ياكريم......
ناظرت الشوارع وبهدوء:وليد...لاتروح للبيت مباشره....خلنا نتمشى شوي.....
وفعلا رحنا السوق وتمشينا شوي.....وناصر كل دقيقه يتصل علينا.....وحنا نماطل....وبعدها طلعنا وحنا ماشين
للبيت....وحنا نضحك ونسولف....كل واحد مننا براحته....وطبيعته بدون تصنع....وليد بدون هباله اللي يزود عن حده
...وغبائه اللامعقول اللي اكتشفت انه يعاند فيه ناصر.....نايف وبروده اللي يستفز ناصر كثير....أنا وطوالة
ألساني....وعقلي اللي يظل صاحي أربع وعشرين ساعه...وكلامي اللي أحاسب عليه....وهدوئي اللي أتلبسه قناع...أغطي
فيه ضعفي....وحبي الكبير لناصر اللي يكرهني بنفسي...ليه احبه؟....وهو مسبب الأذى لأغلى الناس على قلبي.....أكون
غير بمجرد وجودي ببيتهم.....ونظرآت عزيز وناصر اللي تضايقني كثير....تذكرت شذى وغمضت عيوني....أكيد
الحقير مانعها تكلمني....طيب يالزفت....بيجيك خيرك....مارفضت أروح للدمام....الا أني اهرب من طلال....ووجع
قلبي....والأهم اني أوريك قدرك....وأقرصك قرصه عمرك....ياجعلك ماتتهنى فيه....يالنذل......يابو النسوآن....حق
تطنزك ونفسيتك على سلطآن...وربي بأطلعه من عيونك يالسافل.....طيب ياعزيزوه.....ورحنا الكوفي بعد اصرار من
وليد....وهناك صار اللامعقول....

لبست وكشخت....اليوم جازي وسلطان بيجون بيت أبوي.....وأنا مشتاقه لهم كثير....رحت لخآلد اللي نايم....بكل
راحه...من جاء من الدوام نام....ناظرت ساعة جوالي تسع.....من زمان خلصت....بس ماودي أصحيه....قربت له...وأنا
أحرك شعره بحنيه....لمحت ابتسامته وضحكت....وبدلع:حبيبي يالله اصحى تأخرت....
فتح عيونه وطالعني بنظره....خلتني أبلع ريقي....اختفت ابتسامته وهو يناظر فستاني الأخضر القصير....قال
بجديه:وبتروحين بهاللبس!!.....
ناظرت نفسي باستنكار....وناظرت لبسي...بأشوف اللي غير مزاجه بهالسرعه...كنت لابسه فستان قصير اخضر....تحت
الركبه بشوي....وأكمامه ثلاث ارباع....وصدري مو طالع....قلت باستغراب :وش فيك حبيبي؟....لبسي ساتر....
قال بصراخ...وهو ينفض اللحاف عنه....وأنا فزيت برعب من مكاني...والدموع ترقرت بعيوني:ساتر...وينك ووين
الستر؟....غمض عيونه بعصبيه....وأنا قمت اتراجف....وتوجه للكبت....طلع بنطلون طويل...وقميص عادي أكمامه
طويله....رماها علي....وبحده:البسي ذا اللبس...اذا تبغين تروحين....والبسي هالملابس الزفت اللي عليك..برا الجناح
وشوفي شيصير فيك؟.....دخل الحمام وثواني وطلع....وخففي الميك اب...أحسن.....
وزرع الباب...وأنا انتفضت....كنت بأصيح بس بلعت دموعي....ليه هو كذا؟....ليه حالته دائما متقلبه...أخذت الملابس
بضعف وانكسار....غيرت ملابسي...ورميت الفستان وأنا اتحسر....ناظرت شكلي العادي....بعد ماكنت كاشخه...أخذت
المنديل...وقعدت أخفف الماكياج...وأنا بالعه مليون غصه....والله حرآآآم ياخالد....والله احبك....ليه كل ما اقول حالي زآن
معه....تنقلب أكثر من أول....ناظرت الفستان المرمي بالأرض بحسره....ورديت اناظر وجهي المتغير من
الحمال...وسرحت بحآلي....كثير ما اتمنى أني ماوافقت على خآلد....على كثر ما احبه....على كثر ما الوم نفسي...على
ضعفي قدامه....أبعدني عن الكل...أمي جازي سلطان خالي....الكل....حسيت بأنفاس حارة تلفح رقبتي....غمضت عيوني
بألم وارتجفت وأنا أحس بيدينه تحاوط خصري برقه....ووراسه اللي أدفنه بشعري...قال برقه :حبيبتي أنا آسف....أدري
بطبعي صعب....وطريقتي غلط....وبصدق....بس وربي مو مني....ريومتي أنتي تدرين شقد أنا أغار عليك.....لفني
له....ومسح دموعي برقه....وبحب...يابعد عمري ياريومه....لاتصيحين....أنا أحس بالموت بس أشوف
دموعك....وبضيق....بس وربي غصب عني....ماحب احد يشوف حلاتك غيري......
قلت وانا أشاهق:بس مو كذا خآآآلد....والله حسيت اني بمووت....
حضني بقوة....وهو يقول بقوه:سلامتك ياقلب خآلد انتي.....جعل الموت لي ولا لك....
صرخت باستنكار وأنا احضنه أكثر....مستحيل أعيش بالدنيآ وخآلد مو فيها....مستحيل....يارب خله لي يآرب....وشوي
وهديت بعد ماضحكني خآلد....ودلعني لما قال بس...ربي لا يحرمني منه....وكالعاده...الزعل والضيق مثل ماجاء
بلحظه....راح بأقل من ثواني....ذا خالد عساني ما أخلى منه....وطلعنا من جناحنا وحنا ماسكين يدين بعض....والفرح
بوجيهنا....سلمنا على عمتي....وطلعنا ثلاثتنا....وعمتي فرحت....من درت أن الجازي بتجي لبيت ابوي.....مدري وشو
سبب هالحب المفاجئ اللي نازل عليهن؟....بعد ذيك العداوة....بس سبحآن الله....ماورا العداوة الا محبه...ركبنا
السيارة....وأنا احس بالفرح...تذكرت ملابسي....وتعليق البنات اني ما اكشخ وكشرت.....ثواني وكل شيء
طار....وابتسمت بفرح....مايهمني رايهم....دامني كشخه وحلوة بعيونه.....وأكشخ عنده...مالي ومال الناس على قولة
الجازي....أهم شيء راحتي معاه....وزوجي وغيور حتى النخاع....وش أسوي؟....غير اني أقول الحمدلله......ناظرته
وهو رآكب السيارة....بكل شموخ مالي كرسيه....وعمتي جنبه....وأنا ورا خالد....سوالفه الهاديه مع عمتي.....ابتسامته
الهاديه....صوته الهادي....نظراته لي كل دقيقه....ابتساماته......وأنا أحس اني طايره....وأنا أناظر لكتله
هالرجوله....ملكي أنا وبس....كل شيء منك عسل....تذكرت مشعل وكشرت....الحمدلله ان الجازي متمشكله
معاه....ومايهمني السبب....دام هالشيء خلاني من نصيب خالد.....خالد الرجال العصبي العصامي....أحس بالأمان
معه...ورغم صعوبه طبعه الناري....الا انه ورا كل ذا...قلب مابه بهالخلايق مثيل له....لا خلا من هالقلب وصاحبه
يآرب....
وعيت من سرحآني على صوته الرآيق:مو ناويه تنزلين؟....ناظرته بصدمه وضحك....وشو هالشيء المهم اللي مآخذ
حبيبة قلبي من هالدنيا وشاغل بالها؟...
نزلت وأنا أضحك...وسكر الباب....قلت بخجل:حبيبتك سرحانه بحبيبها....
ضحك بقوة...وهو يمسك يدي:لا خلا ولا عدم من هالحبيبه....عسآآآني فداها...وقطع كلامه وهو يناظرني
بسرعه....روحي ادخلي دآخل بسرعه...
رحت دخلت البيت....سلمت على حريم عماني والبنات....الكل متجمع ببيتنا....ضحكت على تعليقات خلود ودآنه....وش
عندك متأخره؟....ههههه....ذولا والله خبلآت....رميت عبآتي....شفت نظراتهم المستغربه من لبسي العادي....بس مابه
احد تكلم....تجاهلتهم وانا أقوي نفسي بكلام الجازي...دامني حلوة بعيونه....وش علي بصورتي بعيون الناس.....حسيت
بالضيق انها مو موجوده....على الساعه عشر ونص تنحنح أبوي ودخل هو وجدي.....سلموا علي بحنيه....وقالوا أن
العيال بيدخلون.... لبست عباتي بسرعه...وتغطيت عدل...أدري بخآلد وغيرته المجنونه....شوي ودخلوا....شفت نظرات
خالد وهي تدورني بسرعه...وبس شافني ابتسم برآحه وهو يناظر لبسي.....وجلس الكل...وابوي وجدي معصبين على
أخواني أنهم تأخروا.....قال جدي بضيق:رريم يبه...اتصلي على اختك....وعطيني الجوال؟....
قلت بهدوء:ان شاء الله جدي....
اتصلت عليها....وبس رن...عطيت جدي الجوال...بس صرخ فيني:طلعي صوتها...علامك؟....
قال خالد بسرعه:جدي علامك؟....وش فيك عليها؟....
بلعت دموعي....وانا احس بالاحراج من جدي....والامتنان لخالد....وأدعي على عدو الجازي كله منها....حطيته
عام...ورديت لمكآني....رفعت عيوني وطاحت بعيونه....وبسرعه سالت دموعي....شفت صدمته....ودز لي
بسرعه:"أمسحي دموعك....لا تخليني اررتكب بجدي جريمه الحين".....
ضحكت من بين دموعي....الكل ناظرني باستغراب.....بس الكل طنشني وهم يسمعون صوتها الحاد وهي تضحك:هلا
يابعد قلب جوجو والله.....أدري تاخرت بس وربي غصب عني....شوي وتلقيني قدامك منزرعه....آمري أنتي بس......
قال جدي بحنيه ما المسها الا لما يكلم الجازي:هلابك أكثر....ماينفع هالترحيب لي أنا.....
ضحكت بشقاوه وبدلع:كلن وقدره يالغالي....الكل شهق بصدمه....وكملت هي بضحكه:هلا وغلا بشيخهم....هلا بكبيرنا
والله.....هلا بهالصوت ياعسآني فدوة لراعيه.....هلا بالغالي....هلا بأبوي وحبيبي.....وبضحكه....ذا ترحيبك يالغالي.....
قال بضحكه واسعه...وفرحه بانت على وجهه :لا خلا ولا عدم من هالترحيب وراعيته....وبعتب....وينك يايبه تأخرتوا
كثير؟.....
قالت بضحكه:أبد يالغالي....تمشينا شوي....وسوآلف وضحك واخذنا الوقت.....
قال بحب:استعجلوا يابوك....من الصبح وأنا اتحرآك.....مشتاق لك كثير......
قالت بحنيه:تشتاقلك العافيه.....ان شاء الله قريب....شوي وبنوصل....وبهدوء....جدي ريم قريبه منك ابغاها.....
قال بهدوء:ايه ....ناظرني بحنيه....تعالي يبه كلمي اختك....
قمت من مكآني وأخذت الجوال....وجدي مسك يدي وجلسني بينه وبين أبوي....مسكت الجوال وحولته ...وقلت
بهدوء:هلا جوجو....
سكتت شووي...ووصلني صوتها الغاضب:وش فيك؟....
قلت بضيق وانا اناظر خآلد:مافيني شيء.....
قالت بحده:ريم تكلمي....لا وربي أجي أقلب البيت فوق رآسك....خآلد مضايقك....
قلت بهمس مقهور:لا والله مو هو...وش فيك؟...بس تجين بقولك....
قالت بحده:أحلفي انه مو هو....
قلت بقهر:وربي مو هو.....
سكرت منها بضيق....زفرت بقهر....وشفت خآلد اللي يناظرني بحنيه....قال أبوي بحنيه وهو يمسك كتفه:فيك شيء
يبه؟....
قلت بهدوء:لا يبه مافيني شيء.....
وقعد الكل يسولف....وأنا قمت جلست مع البنات.....شوي وانفتح الباب بدفاشه....وصراخ جازي:كيفي ياوليد....أناا
كذا....عاجبك كان بها....مو عاجبك مو هامني شيء....زين....كيفي......أوووووووف......غلطآن ولك وجه
تتكلم....فارق وجهي هالساعه....لأا وربي تشوف اللي بعمرك ماشفته.....
قال وليد باستنكار:أنتي ليه اسلوبك زفت كذا؟.....ترى ماصار شيء يستدعي ذا كله.....غلطت صح....بس خلآص
اعتذرت....وانتهينا....
قالت بعصبيه:كيفي....مالك شغل....أنا زفت واسلوبي زفت....مالك لا أنت ولا غيرك شغل زين.......واعتذاااااااااارك
مرفوووووووض.....تفهمني ياوليد مرفووووووض......
الكل قام...قال ناصر بعصبيه:أنتم وش فيكم؟...
قال وليد بعصبيه:اسألها المجنونه ذي....
صرخ فيه أبوي بعصبيه:احشم روحك يازفت....
وجازي تناظر وهي رافعه حاجبها وتطالع الكل بضيق.....ونايف وسلطان جنبها....ويناظرونها.....ووليد يستغفر
بضيق....صرخ أبوي بقهر:وش فيكم؟....تكلموا أحسن لكم.....
الكل انتفض الا هي....رافعه حاجب بضيق....وشوي وتقدمت بهدوء....وببرود وهي تبوسه:ماصار شيء ....كنا نتناقش
بس....
قال باستنكار:تتناقشون واصواتكم واصله للسما.....
قالت ببرود وهي تهز كتوفها:عادي...نقاشنا حامي شوي....مو وليد.....
قال وليد بضيق:ايه....
قربت لجدي الواقف بضيق....سلمت عليه بنفس البرود....وعلى عمامي...وعلى البنات....وحريم عماني.....وصلت
عندي وحضنتني بقوة....وبحده:أحلفك بالله....منهو اللي مضايقك؟....قوليلي أسمه ووالله ليشوف اللي بعمره ماشافه....
صحت بضعف وانا بأحضانها.....وحسيتها صارت ترجف....غصب نطق لساني....وبضيق:جدي بس قالي كلمتين وانا
تدرين حسآسه ومع الحمل الحساسيه طاقه السما....ناظرتني بضيق....قلت بهمس سريع...والله ماقال شيء يسوي.,....بس
أنا متضايقه شوي....
ناظرتني بشك....وكنها تقول أدري بخآالد....جلست بين نايف وسلطان بضيق....والكل يسألها عن حالها....وهي تجآوب
بالمختصر....وسلطان لآزق فيها....قمت وأنا أمسك يده..وأناظره بحب....من زمآن عنه....وهو من الحيا
ماعرفني.....قلت بحنيه:سلطان حبيبي ماسلمت علي.....
بس سمع صوتي....أخذني بحضنه بقوة وهو يضحك....وأنا من الفرحه صحت....اول مرة سلطان يحضني كذا....يمكن
لأني من زمان مارحت لهم....قالت جازي بضيق...وهي تحرك جوالها بملل بيدها:سلطان بشويش....ريم ببطنها ببيبي لا
توجعها....
فكني بسرعه وهو منصدم....ناظر بطني....ومسكها...وبعد يده....قال بصدمه وهو يناظرني ويناظر جازي:جوجو ترآ
اللي يكذب يدخل النار.....
قالت بملل:أنا ما اكذب....شوف بطنها كبيره.....
قلت بخجل وأنا أبوس خدوده:ماتكذب حبيبي....عادي....
قال بصدمه:يعني انتي نفس سعاد وخالي.....
قلت بخجل:ايه....
ضحك سلطآآآن بخبث....شهقت الجازي وهي تسكر فمه بقوة....وتضحك.....الكل ناظرها باستغراب....وسلطان
يضحك.....قالت بتهديد:سلطآن سر خلاص.....لاتتكلم.....عيب الكلآآآم.....
قال بعصبيه:يوووووه....ليه تقولين سر؟....وبرجا....أبغى أقول....وبضحكه...مو عيب الكلآآآآآم....
قالت بلا مبالاة:قول....وأنا أموت....وكيفك.....
وجلست ببرود...قلت باستغراب:جازي...اتركيه يقول علامك؟....وش فيك؟....
مسكت كتفه....وهو دزني....ويناظر الجازي اللي تسولف مع نايف....ومطنشته....عيونه امتلت دموع....قرب
لها....وحط راسه على رجلينها....وبندم:خلاص لاتمووتين....آس....
قطعت كلامه....وهي ترفع رآسه....وتحضنه برقه....وبجديه وهي تناظر عيونه:لاتعتذر لأحد....مهما كان....مليون مرة
اقول لك لا تعتذر لمخلوق....وبمزح....تعال أجلس جنبي....
جلس جنبها....وقعدوا يسولفون عن طلعتهم....هي ونايف....ووليد يناظرها بقهر....وسلطآآن يناظر لبطنها....ويناظر
لبطني....بعدها حط يده على بطن الجازي....ناظرته بصدمه...قال ببراءة:ليه مافي هنا بيبي؟.....