أنا الشموخ ومارضيت البهاذيل كسرت خشم الوقت من قو ذاتي الفصل الخامس والعشرون 25 - بقلم متميز وموهبه فذه

كنت بغرفتي ببيت ناصر....بعد ماسكرت من خالي وأمي....صار لي أسبوع وأنا بهالبيت....وخالي وامي أذبحوني حنه
يبوني أرجع البيت....وأنا أماطل....مايدرون اني ماني عارفه...اذا برد والا لا....والجامعه وهمها....وخاصه اني بفترة
اختبارات......وخالي ماقصر طلع لي أعذار طبيه كثر مايقدر...والاختبارات على الأبواب...وأنا مافتحت الكتاب....لازم
أرجع للدمام....بس ما أظن ناصر بيوافق....تذكرت تعامله معاي طول هالأسبوع....كان يدور رضاي دواره...وأنا ما
أرد عليه....تذكرت بنات عمي وابتسمت....أحس كل وحده عندها سر...شهد والحزن الساكن عيونها....شذى والانكسار
الواضح...ابتسمت بخبث....ودانه وحبها اللي انذبح بالمهد من عزيز...خلود اللي أحس وراها شيء كبير....ومغطيته
بالهبال والخبال ذا كله....ونجد والعبط الدائم....تذكرت جدي وابتسمت....ياحبني له....اللي يشوفنا مع بعض...يقول
عمرنا كله عايشينه مع بعض....اندمجت معاه كثير....وليد وحنيته...رغم اني اتمنى انه يقوى شوي....نايف بسم لله
عليه...عسى ربي يحميه...رجال أحطه على يمناي....ولا أهاب احد....بس عيبه الوحيد ضعفه الواضح قدام
ناصر...حسبي الله على العدو....كاسره ياويل قلب أخته عليه.....نوف ونعومتها اللي قريبه كثير من ريم....أحسهم خوات
أكثر مني...أفكارهم وحده...وبرودهم واحد...وأنا ولا كأني أختهم....بدر يالبى وبس.....براءة...وربي انه عنوان
البراءة...كنت أراقب سلطان...واندماجه الكبير مع وليد....تعود عليه كثير....بشكل صدمني....طول عمره سلطان
شكاك...وحذر...الا مع وليد....وحتى نايف بس مو لدرجه وليد....سبحان الله صدق من قال ان اللحم يحن عن
اللحم...تذكرت وليد اللي من يجي من المدرسه...ينام ساعتين...وبعدين ياخذ سلطان ويفرفر فيه...عرفه على
ربعه....شفت سلطان اللي فرحان فيهم...ويسولف لي سوالفهم...طول الليل مايهجد...وماينام الا وهو مصدع
راسي....وهو يسولف عن اللي سووه طول اليوم....بس حسيت بفرحته الكبيرة.....صحيح خالي كان دايما
يأخذه معاه....وصحيح كان يجي فرحان وهو يقولي سوالف الرجال...بس مع ربع وليد فرحته أكبر...يمكن انهم
شباب...وعمرهم تقريبا مثل عمره...وأكيد متهورين...وسلطان أبو التهور....عكس ربع خالي...خالي يحب يرافق كبار
السن والشياب...وحتى لو كانوا من عمر خالي...مايرافق الا الرجال الثقال....مثل متعب.....ابتسمت من هالجيه...اللي
حققت فيها كثير....كسبت الكل بصفي....واجتزت أشواط كبيرة....بس بقى تحسينات خفيفه....حضنت مخدتي بقوة...وأنا
أدور حل أرجع لبيت خالي....مشتاقه للكل....وحتى لجدران البيت اشتقت....بس مابقى اذل نفسي....مابقى أطلب من
ناصر يردني....وأنا اللي قلت له أنتظرك.....نامي ياجازي....بكرا وراك يوم طويل....

قعدت على الساعه ثنتين....وأنا قرفان نفسي.....ناظرت ناديه اللي نايمه بعمق بجنبي ياشمئزاز...قمت بسرعه...وأنا أخذ
فوطتي...دخلت الحمام....وشغلت الماي الحار...وأنا ابي أطير اللي صار من بالي...كرهت نفسي...وكرهت ناديه...
وكرهت الزفت هذيك....كله منها...تذكرت وناديه بين احضاني...وأنا مو حاسس فيها....صوت الزفت يرن
باذني...وعيونها تناظرني بنظرتها الغريبه.....طلعت من الحمام...وأنا مقرر قرارات كثير....لبست دشداشتي
النوم...ووصلني صوتها الكسول وهي تبتسم..:صبااااااااااح الخير قلبي....
ناظرتها بنص عين....وطلعت وانا ماني قادر أتحملها اكثر.....خلاص هاليوم بأنهي كل شيء....نزلت لغرفة
جدي....شفت النور طافي....طلعت لبيت الشعر....ولقيت مشعل نايم بدون لحاف....متلثم بشماغه ونايم....وصوت
التلفزيون واصل لبرا....رحت جبت له لحاف....غطيته...ووطيت الصوت...وخدرت لي القهوه....وقعدت أفكر برواق...
وأنا مصمم على اللي ببالي....لازم يتنفذ....لازم....
ومر الوقت وأنا مو حاس فيه....لما أذن الفجر...صحيت مشعل....ورحت توضيت...ورحت لغرفة جدي....اللي لقيته
متوضي وخالص....مسكته وطلعنا من البيت....ورحنا للمسجد القريب....لقينا عماني كلهم....وناصر اللي
نعسان...ومشعل الغاضب....صلينا ورحنا لبيت الشعر نتريق....لقينا كالعاده الريوق جاهز...والقهوة على النار....قعدنا
نتريق أنا وجدي وعماني وخالد وتركي...أما الباقي زين ماناموا بالمسجد....بعدها تقهووا...وكلن راح يريح
شوي....ضليت أنا وجدي نتقهوى.....قال جدي بهدوءه المعتاد:عزيز....
قلت بهدوء:آمر ياجدي...
قال وهو يتنهد:ما يآمر عليك ظالم...أبغاك تعقل الخبل ولد عمك....
قلت وأنا أعقد حواجبي بضيق:أي واحد فيهم؟....
قال بزفرة:أسود الوجه مشيعل....
حسيت بالضيق....دايما أتحسس اذا أحد قال شيء شين عن مشعل....قلت بضيق:وش مسوي؟...
قال بملل:قلناله بنخطب لك ريم....وانهبل...وخبص بالكلام ....ويحالف انه بيسوي اللي مايتسوى.....
قلت بضيق:جدياذا مايبغى....خلاص مو غصب...
قال بحده:الا غصب عن خشمه...مو انا اللي تنرد كلمتي...أنا خطبتها له من أبوها....وبيأخذها غصب طيب...وبحزن....
البنات مايمسكهن الا رجالهن.....وبنفرح قلب عمك المسكين....
سكتنا...وثواني شفت سيارة مشعل المسرعه.....زفرت بضيق....أكيد تهاوش مع عمي....قال جدي بخوف:عذه...سيارة
من ذي؟...
قلت بضيق وانا اتصل عليه من جوالي:مشعل ياجدي...
سكر بوجهي...رديت اتصلت...والا الجهاز مغلق....شوي وجا عمي أبو مشعل...ووجهه أسود....قال جدي بضيق:علامه
ولد المهبول يسوق بهالسرعه؟....
قال بضيق:الله يأخذ عدوه...عصبت عليه...وطردته من البيت....
قلت بضيق:ليه ياعم؟....الأمور ماتنحل بالطريقه ذي.....
قال بضيق:نرفزني وطلعني من طوري.....
قمت منهم وأنا أحس بضيق....ثواني ووصلني مسج من ناصر يترجاني انه مابيداوم.....زفرت بضيق...لو لي مزاج كنت
مسحت فيه الأرض...بس ماني فاضي...رحت لبست ثووبي وغترتي...وأخذت أغراضي....وعيون ناديه تراقبني
باستغراب.....رحت الشركه...سويت الشغل الضروري....وأتصل على مشعل المغلق جواله....بعدها انشغلت
بالشغل...وأجلت موضوع مشعل لما يهدى.....

كنت جالسه واتصل على مشعل ....والخوف والتوتر ذابحني....وأمي تصيح عند راسي....قسم بالله غبي...أول مرة
بحياتي أشوف أبوي معصب كذا....وحتى مشعل الهادي...أول مره أشوفه معارض كذا....وانصدمت....معقوله يحب؟..
ضربت راسي بضيق....الحين مدري وين اخوي؟....وأنا أفكر بهالموضوع....صدق اني خبله....عساه يحب
مليون....أهم شيء انه بخير....تخيلت اشكالهم هو وريم...وابتسمت....لايقين على بعض كثير....أصلا شخصياتهم
وحده.....واااااااااااااااااو....وناسه لو صدق ريم تجي لبيتنا....تذكرت تحذيرات أبوي لي...أني اذا قلت لريم شيء...وأن
مشعل مايبغاها....بيذبحني.....هههههههههه......قلنا خبله بس مو لذي الدرجه.......تذكرت بنات عمي اللي جد تعلقت
فيهن....وكأنني عايشه عمري كله معاهن...طيبة ريم وعفويتها.....قوة جازي وذكائها....وسوالفها اللي ماتنمل...ؤغم ان
سوالفها قليله...بس اذا سولفت ماودك تسكت....وألعن شكلها...ياعليها جماااااال يذبح....تذكرت صدمة أمي وعمتي أم
تركي...وعمتي أم خالد...وهن يقولن ياسبحانه نسخة أمها....أجل بعذر عمي ماطلقها الا بطلايب....لا ويبغى يردها
بعد....ووعاني من أفكاري التافهه....صراخ امي:حسبي الله عليك من بنت....يالخبله أخوك مانعرف أرضه من
سماه...وأنتي جالسه تتبوسمين بروحك....تقل مجنونه.....وبصراخ...اتصلي على أخوك....
اتصلت وأنا أرجف من أمي والنتيجه وحده...الجهاز مغلق......

وعيت من نومي....على بكي بندوري...فتحت عيوني...وانصدمت من ناصر اللي نايم ولازق فيني...تذكرت اللي
صار...وحطيت يدي على فمي....أمنع شهقتي تطلع....ووعاني من أفكاري...صوت ولدي وهو يصيح بقوة...بعدت
بسرعه...وأنا أتغطى باللحاف...وأركض لغرفة بندر...أخذته بحضني وأنا أسمي عليه...وهو يشاهق....سويتله
حليب...وجلست وجلسته بحضني....وانا اسمي عليه وأشربه....ثواني وحسيت بأحد يناظرني....رفعت عيوني وطاحت
بعيونه النعسانه....وتنحت وأنا أشوف نظراته الخبيثه....وابتسامته العذبه...قرب لي...ولصق فيني.....وباس خدي
بقوة....ووهمس:تدرين....شكلي برمي كل ملابسك....وناظرني بخبث....شكلك كذا دمار.....
وباس خدي الثاني بقوة....وصاح بندر اللي بحضاني....أخذاه مني وهو يلاعبه....ويقوله:ليه يابابا؟....خلاص يابابا...
ووعيت من أثر همسه اللي خدرني...وبوساته اللي ذوبتني....وركض على غرفتي...أخذت روبي ودخلت الحمام....وأنا
أحس قلبي بيطير....ناصر اليوم غير...غير كثير....وأنا أبغاه كذا على طول....وبتصميم....من اليوم
ياناصر...بحاسبك...يكفي اللي ضاع من عمرنا...وأنا أحسب نفسي أنتقم منك...وأنا أنتقم من نفسي حقيقة....أنت زوجي
وولد عمي...وأبو ولدي....وطلاق لو أموت ماراح أتطلق....ومنك مافي مفر...الا لادخلت قبري....فالحمدلله
يارب...بافتح معاك صفحه جديده....لأن مستحيل رجال راح يدخل حياتي غيرك.....ومن اليوم ياناصر...أنا والا
أنت...خلصت شور....وطلعت لبست فستان بحري قصير حيل...نشفت شعري المبلول....وخليته طايح على
أكتافي....حطيت كحل داخل عيوني...كثرت ماسكرا...بلاشر وردي...وختمتها بقلوس وردي....وغرقت نفسي بالعطر
اللي يموت فيه ناصر...وطلعت متوجهه لغرفة بندر...وانا اسمع ناصر وهو يلاعبه....وبندر يضحك....وقفت عند
الباب...وقلت بنعومه متعمده:صبااااااح الخير....لأحلى حبيب...واحلى ولد....
شفت ناصر وهو مبلم....ابتسمت بداخلي....والله لأخليك تموت على تراب رجليني....مثل ما أنا أموت عليك....قربت
منهم وأنا آخذ بندر اللي يرفع يدينه لي....وبسته برقه....وعيون ناصر تأكلني.....قال بنبرة عميقه:وأحلى حبيب ماله
بوسه....
ناظرته وانا أحس قلبي يرجف....قلت بغنج ودلال:ولو...كلي فدا لأحلى حبيب....
فتح فمه بصدمه....كنت بأضحك على شكله....وقربت منه بجراة...وبسته برقه....بس هو جرني....وقعد يبوس
فيني...وأنا اضحك عليه واصرخ:ناصر...بندر هنا...خلاص....

تركتها غصب...بعد ماقطعت خدودها تبويس...ورحت أغير ملابسي....بطلعها نتغدى برا....اليوم فرحان...والدنيا أحسها
ماتسعني....من الفرحه....شكلي أحلم للحين...أنا منصدم... ومنصدم كثير....ولا كأنها شهد زوجتي البارده....اللي ذبحت
فيني كل احساس....وطلعت لاذبحت شيء....ولاهم يحزنون...من شفتها أمس...وكل احاسيسي ومشاعري الخامده
ثارت...وياحلات صحوتها عقب البروده ذيك....حسيت لاول مرة بمشاعر غير...مشاعرها وهي بحضني....همسها وهي
تقول أحبك....طيرني فوق السما....عمري ماتوقعت ان شهد تحبني....بس اللي صار أمس أثبت لي وبقوة....بس اللي أبي
أعرفه....ليه كانت بارده معاي بهالشكل...اذا كانت تحبني كذا؟.....تذكرت كلمتها احلى حبيب وابتسمت...قبل شوي لما
دخلت بغيت انهبل....تـأكدت ان اللي صار أمس ماراح تشوهه كالعاده....بس شنو اللي غيرها؟.....وعيت من
سرحاني...عليها وهي واقفه جنبي...وبهمس:ماخلصت...
مسكت يدها بحب...وأنا آخذ بندر منها....:الا خلصت...يالله امشي حبيبتي....نودي بندر لأمي ونروح مشوارنا...
راقبتها وهي تمشي جنبي....باصبر ياشهد...مصيري أعرف كل شيء....أهم شيء ما اخرب هاللحظاااااااات الحلوة....

كنا جالسين ببيت عمي ناصر....وأنا حاس بضيقه...ودي أروح أدور مشعل....بس أبغاه يرتاح....كان الكل موجود....الا الجازي ونايف..... قال جدي:ريم اختك وينها؟...
قالت بننعومه:نايمه جدي...
قال بهدوء:روحي صحيها....أبغى اشوفها قبل لا اروح....متى نامت هي؟....
قالت ام وليد بحننيه:لا حرام جدي....وربي مانامت هي ونايف الا بعد أذان الظهر....
قال عمي ناصر بعصبيه:والزفت ولدك اليوم ماراح المدرسه....
قالت بخوف وضيق:لا ماعليه شيء....
زفر بضيق....وثواني ونزل نايف من السلم....بدشداشة النوم....ووجهه وارم.....ناظرنا باستغراب....وسلم وجلس..
.قال عمي بعصبيه:أنت ليه غايب اليوم ان شاء الله؟....
قال بهدوء:ماعلي شيء....وصفنا اغلبه غايب....والمناهج ختمنا أغلبها....ماله داعي روحتي....
قال بصراخ:وبأمر منو أستاذ نايف؟....أقول احشم روحك وخلك رجال.....وداوم بالطيب....لا اخليك تداوم غصب....
سكت الكل...وثواني...ورفع جواله...واتصل:هلا فيك....تغطي ترا جدي والعيال موجودين....طيب...لا ماوصل...باي...
دقايق....وجابت الخدامه....طلبهم من السايق.....قال وليد:وااااااااو ماكدونالز غرامي....طلبتوا لي....
قال نايف بنص عين:لا...بس طلبنا لسلطان...
قال بقهر:وليه يالنذالا ماطلبتوا لي؟....والله لأكل معكم غصب....
وقام يجر الكيس من نايف....ووصل صوتها الحاااد:ولييييييييييييييييييييييييد.....
الكل التفت لها....قالت بعصبيه:اتركه أحسن لك....واذا تبغى روح وجيب لك....
ونزلت السلم وهي تسلم.....سلمت على جدي الفرحان فيها.....قال وليد بزعل:ياخاينه ليه ماطلبتي لي؟...
ضحكت وهي تآخذ الكيس:ههههه...أوب أوب...خاينه مرة وحده....والله قعدت منتهيه جوع....ورحت قعدت
الحبيب...وهي تاشر على نايف المبتسم.....واتصل على السايق وقاله يجيب لنا....وأنا أحسبك مو بالبيت...وحتى
سلطان...وبدلع...والحساب....أبو يوسف حلف مايخليني أدفعه.....وماحبيت اخسره وجبتك.....
قال وليد بصراخ:ول ول ول....انتي بالعه راديو...وبطنازه...وبعدين منو ابو يوسف ان شاء الله؟....
قالت بفخر وهي تضرب فخذ نايف:شبخهم نايف....منو بعد.؟....
قال باستهزاء:ومن متى؟...
قالت بدلع:منذ زمن طويل....
قال سلطان بدلع:جوجو...بطن سلطان جوعانه....
قالت بنبرة تذبح:يخسى الجوع....وأنا أختك.....تبشر بطنك بالأكل....يالله قوموا.....برد الأكل....ولفت على وليد...وليد
تعال كل معنا...ترا نضحك عليك....طلبنا لك.....ولفت على جدي...يبه لا تروح....الحين أجي طيب....
وراحوا وصوت ضحكهم واصلنا....وعمي ناصر يبتسم....بعد نص ساعه جاووا كلهم...الا هي.....قال جدي:جازي
ماخلصت...
قال نايف:لا تكلم خالها....
كشر عمي ناصر....والكل سكت....وصوتها وصلنا:ياحيااااتي خالي...منو؟.....ههههههههه....كثير غاليين على
قلبي....ههههههه....حرام عليك....وربي ظالمني....طيب ياشيخ ....قليل الغالين على قلبي...بس قلي
منو؟....هههههههه...وبفرح...هلا وغلاااااااااااااا بشيخ الرجال كلهم.....يابعد قلبي والله....مشتاقتلك موت
يالغالي....بشرني عن احوالك......ههههههههههههه....ياحيالله أبو فارس....يابعدي والله....قول وفعل يالغالي...ما
تقصر...أبد بخير ومانشكي باس........ابغى سلامتك يالغالي....ان شاء الله قريب....بس جدي وش صار على الموضوع
اللي كلمتك فيه؟.....ايه...جد...وبفرح...عسى ربي يخليك لي ان شاء الله.....ههههههههههه...لا وربي بس الموضوع يهم
ناس يهمووني....وأنا عطيتهم كلمه....ولازم أوفي فيها.....ماعليك زود ياجد...عزلله انه معرفك ذا....ماراح أنساه طول
عمري......ابشر بعزك....أنت ماتطلب....تآمر.....ههههههههههههه....قصيد وخلا...شكل الجد هويان
اليوم.....هههههه...أفا عليك...شباب للحينك...والشباب شباب القلب وانا بنتك.....ابش بعزك وأنا بنتك....لك علي بس
أخلص اختباراتي....لك طلعه بالخلا....تبغاها بالبر تبشر....بالمزرعه تبشر....والقصيد كنك عليه.....هههههه...وطلعت
من الغرفه والجوال باذنها....هههههه يابعد قلبي....عطها الجوال جدي....هلا وغلا بحبيبة بنتها....أخبارك قلبي....أنا
بخير دامك بخير....ههههههه ايه شفت مكالماتك.....بس كنت نايمه.....أوكي ان شاء الله....بوسي لي راس جدتي
وجدي....وسلمي على الكل....مع السلامه....
غمضت عيونها بهدوء..قالت ريم:جدي أبو فارس عندنا...
هزت راسها بهدوء.....قالت ريم بنعومه:جوجو شرايك نروح لأمي هالأسبوع؟....اشتقت لها كثبر....
فز عمي وبحده:جااازي لا....روحي انتي وارجعي....جازي مالها روحه للدمام بعد....
قالت الجازي ببرود...وهي تفتح عيونها وتضيقها:وليه ان شاء الله ما اروح؟.....ناظرها عمي بضيق....وهي كملت بحده:
لاتظن اني رضيت أجلس هنا....ولايغرك اني ساكته عليك.....لا ياماما لاتنخدع بالمظاهر...أنا بشوف نهاية هاللعبه معاك
شنو؟.....ويكون بعلمك.....
قال جدي بضيق:جااااااااااااااااااااااازي خلاص.....
قالت بضيق:وليه خلاص؟...انت ماتشوفه وش يقول؟....
قال جدي برجا:اذا لي شان عندك....أسكتي....
قالت بضيق وهي تقوم وتبوس راسه:شانك كبير يايبه....بس انا اسبوع واحد...مايزيد يوم واحد....اللي راح أبقاه بهالبيت....وبعدها لي تصرف ثاني....
قال عمي بعصبيه:احلمي الاحلام ببلاش....
ناظرته بحده واحتقار....وباحتقار:مو انا اللي أحلم.....الأحلام تاركتها لأهلها ياولد الناصر.....وبغرور...أنا الحلم أحوله
واقع بقوتي....وباستهزاء...مو أحلم...وأعيش بالحلم...وبعناد....وهالأسبوع بقعده لخاطر جدي وبس.....
وطلعت فوق...وسلطان معاها....وبعدها اخوانها شوي شوي....ينجرون معاها.....
وانا منصدم....والكل يناظر بعض....واختفى خيالها من قدام عيونها....ولسان حالي يقول....ياقوة باسك ياشيخه.....

انتهى البارت...
قراءة ممتعه...

اسيره الدمع likes this.

التوقيع

10-02-12, 03:04 PM #83

دلع الكويت

نجم روايتي

♣ العضوٌﯦﮬﮧ » 205877♣ التسِجيلٌ » Oct 2011♣ مشَارَڪاتْي » 845♣ نُقآطِيْ »

((24))

كنت قاعده أتنافض من الغضب....وعيووني على أخواني....المتوترين وهو يسولفون يبغون يزيلون الغضب مني....بس
شيطفي ناري اللي شابه بجوفي؟....أبغى طريقه أتصرف فيها مع الانسان البليد الحس....جيته بالشده ومانفع....سفهته
وطنشته وسكت عنه....تمادى يحسبه ضعف مني....بس بعيده عنك....والله هالأسبوع باذن الله بكون بحضن
امي...خاصه عقب فعايله اللي تسود الوجه.....ناظرت نايف وعيونه الفضوليه....أدري بيسألني عن موضوعه....زفرت
بضيق...وأشرت له بعيوني... يلحقني...مابغى سلطان ونايف يسمعوني....الحمدلله جدي أبوفارس وعدني يحل
مشكلته...عسى ضميره يرتاح....ناظرت وليد وسلطان وسوالفهم التافهه.....طلعنا انا ونايف....قلت بضيق:نايف خل نطلع
نتمشى حوالين البيت شوي.... أحس نفسي مكتومه....وأقولك الموضوع....
قال بلهفه:يالله.....
نزلت أنا ونايف....ناظرت الكل بنظره...وهم يناظروني بترقب....فتحت الباب....وصرخ ناصر:أنتي هيه وين
رايحه؟....
ناظرته ببرود:لجهنم....عندك اعتراض....وباستهزاء وانا أهز يدي....والا تبغى تخاويني....حياك معنا....
صرخ وهو يناظرني بعصبيه:جهنم تسعر فيك....ياقليلة الأدب....والله لأقص لسانك....وروحه على عنادك....والله الدمام
تنسينها من بالك...... والله ماتطبينها لو تموتين....وارجعي انثبري بغرفتك......
قلت بعصبيه:أقول لاتحلف...ترى ينكسر حلفانك بعدين....وباحتقار..أجل أبدأ صوم من الحين...لأني رايحه
رايحه....وبيت خالي اللي ضفني طول عمري...وبصراخ...ضفني يوم رميتني....والله لأردله.....
قال نايف بضيق:جااااااازي خلاص....يبه هد الله يخليك....حنا بنروح نتمشى حوالين البيت شوي.....
قلت بقهر:ليه تقوله؟....وليه خلاص يانايف؟....شافني سكت له شوي...وقال خلاص بتمادى...كسرتها...لاوالله بعيده
عنه....والله بعيده عنك.......وبصراخ...تسمعني....
قام ناصر وهو يجيني بعصبيه....وسلطان ووليد اللي انزلوا....تصنموا...ونايف وريم وقفوا بوجهه....ريم برجا:يبه تكفى
خلاص....يبه تكفى....هد نفسك....
زفر ناصر بضيق....وأنا صرخت:ريم بعدي....لاتتدخلين....أقولك بعدي....
بعدتها بعنف عني....ووقفت قباله....وبصراخ:يكون بعلمك....ترا فاض فيني الكيل منك....وأقولها مرة ثانيه....
وبتهديد...ولأخير مرة.....تجنب غضبي...والا برب هالبيت....ضربت الطوف اللي بجنبي بقوة....وعيوني بعيونه
بقوة بتحدي....ليصير اللي مايصير....وبصراخ....وأمي ابغاك تمسحها من بالك....تسمعني....
صرخ بقوة:جب....وغصب عن خشمك بردها....بالأول كنت ابغى أضفكم....بس هالحين عناد لك....والله لأكسر
راسك....وماخذها ماخذها....وبتحدي....وقريب بتكون ببتي....وفيك خير تكلمي....
هنا ناظرته وأنا أحس جسمي ولع نار....قلت بصراخ:تحلم...وربي تحلم....وبحده...لا تحدني أملك لها بكره...والله
أسويها....اذا انت مجنون مرة....فانا مجنونه ملاييين......
هنا صرخ بعصبيه:سويها....وشوفي شيصير؟.....
قلت ببرود وأنا أشوفه يرجف من العصبيه:ورب الكعبه....واللي خلقني وخلقك....فكر بهالموضوع مرة ثانيه....او تجرأ
واخطب أمي....وبحده....برب هالبيت....لأزوجها من صباح ربي....وأنا وسلطان تحلم تشوف وجيهنا....ولو تموت
ماتلقانا....وناظرته بحده...واظن أنك عرفتني عدل....وبهدوء...وأنا أشوف عيونه المولعه نار.....صدقني مو مسكتني
عنك...الا أخواني اللي يجمعوني ويجمعونك....هم اللي بينا....وبحده.... هذا الشيء الوحيد اللي مانعني عنك....بس
لاتستغل هالشيء كثير....ولاتقرب لأمي أبد...لأني عندها بخرب السالفه كلها....وأقلب الدنيا فوق راسك....فلا تخلينا
سالفه للناس....وشماته لهم....وبكره يعايرون أخوي فيك.....يقولون أخته أذبحت اللي ينقاله ابوهم......
ناظرته وهو متجمد.....ناظرني باحتقار....وطلع بعصبيه من البيت...زفرت بضيق.....قالت ريم بضيق:أنتي حرام
عليك...ليه سويتي فيه كذا؟....
ناظرتها ببرود:مالك شغل....
حسيت بنظرات الكل علي....ناظرت عيون نايف اللي تلومني....وصديت....قال جدي بضيق:جازي تعالي عندي....
مشيت وسلطان...ماسك يدي بخوف...وجلست....قال جدي بضيق:ليه يايبه كذا؟....ترا ربي بيحاسبك بعدين...وبالم...مو
حرام أبوك طلع منكسر كذا......وباستغراب...ولارجع أمك...وشفيها؟....والله اني فرحت لما قالي....وهو يبغى
يجمعكم....يابنتي اذكري ربك...وخلي أبوك يرجع امك....وتجمعوا.....وتعوذي من ابليس.....بكرة أنتي نصيبك بيجي...
وريم ان شاء الله....وأمك بتظل بروحها....لاونيس ولا أحد يرد عليها الصوت.....وأبوك ندمان ومتحسف... وما طلقها
الا وهو مغصوب....بعد ماراحت امك وخالك للمحاكم.....
كنت أناظره ببرود طول ماهو يتكلم.....قلت ببرود:قلتها بنفسك يايبه...محاكم....وعقب هالمحاكم والسوالف اللي
صارت....والسنين الطويله...وكلام الناس....بسهوله عقب ماشيبوا بيرجعون....لا واللي خلقني...الا على جثتي
يمكن....وبألم...وعلى شنو ترجع له؟....شنو تذكر منه يا يبه؟... تذكر الدلال والا الاحترام منه....ماتذكر اللي الضرب
اللي معلم بجسمها للحين....ماتذكر الا أيام الوجع والشماته من الكل...وأولهم عيال عمها....اللي أبوها عافهم...وبدى
ناصر عليهم....قال انا أشري الرياجيل....وعطاها يحسبه بيصون الأمانه...ويعزها ويقدرها....وباحتقار....بس اللي صار
العكس...ذلها ووصلها للموت يايبه....وبقوة...وأنا مرضى الذل لأمي...لو من منو ماكان؟......وبحسرة وانا أضرب
صدري....وربي يايبه....أني كل ما اشوف حسرات أمي ووجعها...تمنيت أنه مو أبوي....علشان أثور فيه.....ياكود
حسرتي على امي وأخوي تخف شوي....وبألم...بس وش أسوي؟....يدي تربطت....مابغى الناس تعاير سلطان
بكره...وتقول اخته ذابحة أبوها........
الكل سكت منصدم....وأنا جالسه وأحس النار بجوفي والعه.....قال سلطان وهو يحط راسه على رجليني:جوجو
لاتعصبين.....تبغيني أضربه....
حضنته وأنا أرفع راسه بقوة...وأنا أحس جوفي ولع سعير....قلت بألم:لاحبيبي....مانيب معصبه....
قال بضيق:خلاص...بس نروح لبيتنا...نقول لخالي ويضربه شرايك؟.....وبفرح...خالي قوي مايخاف....
قلت بحب:ياليت الناس كلها نفس خالك.....أو حتى ربعه....وبألم....ياليته أبو لنا بس.....ماكان ذا حالك....وحال أختك....
قال جدي بألم:لاتقولين كذا يايبه....ولاتظلمين ابوك....
قلت باستنكار:أظلمه ياايبه....أنا أظلمه....وبحسرة....انت اللي تقول كذا....وأنت أكثر واحد تعرف
بالموضوع.....وبحده...يبه أحلفك بالله ترضاها لبنتك....يسوي فيها رجلها....مثل ماسوى ناصر
بأمي....وبعصبيه...ترضاها لي....ترضاها لأدنى بنت من الناصر...يجرى عليها مثل اللي جرى لأمي....حطيت يدي
على لثمتي ويدي ترجف.....يبه لاتقول كلام انت مو مقتنع فيه أبد...لاتوقف مع ولدك بالغلط....
سكت جدي ووجهه شحب....وأنا طنشت....قال سلطان بغباء:جوجو...
قلت بهدوء:هلا...
قال بغباء:ناصروه يعرف أمي....
الكل ثبت نظره علينا....قلت بملل:لا....بس هو يبغى يخطب أمي....ويتزوجها....لكذا أنا عصبت عليه....
قال باستنكار:لا والله على كيفه....والله أمي ماتزوج....غير أبوي الله يرحمه....وبفرح....صح جوجو؟...
الكل شهق باستنكار...وأنا ضحكت...لأن ذا كلامي سلطان يكرره.....قلت بضحكه:صح ياقلب جوجو....شطور
سلطوني...وبسته بخده....
قال جدي باستنكار:لا غلط....أنتي ماتستحين.....مستانسه على أقوال أخوك.....لعن أبو دارك موتي أبوك وهو
حي....ولف على سلطان...أبوك مو ميت أبوك عايش ياسلطان....وناصر هو ابوك....
سندت ظهري على الكنب...وأنا ابغى أشوف رد فعل سلطان....اللي متأكده منه....وفعلا ثواني وصرخ:يخسى....مو
أبوي....أنا أبوي طيب....ويحبنا....ذا مايحبنا....ذا شرير وصخ...أنا ماحبه....وبثقه...أنا أبوي ميت....من زمان...
وبألم...الله يرحمه....وبفرح....جوجو تقول يشبهني....وكان طيب...ويحبني كثير...أكثر واحد بالدنيا.....وبفخر...أكثر من
جوجو وريم كان يحبني....وياخذني المسجد والألعاب..... وبألم...بس الدنيا والفلوس الوصخات....غيروه واخذوه
مننا...وموتوه....وبرجا...جوجو قوليلي قصة أبوي وأنا....وبثقه....وقولي قصته لما دافع عني....ومات علشان أنا ما
أموت...
ابتسمت بحسره له...وناظرت جدي المنصدم بألم....وناظرت ساعتي السودا الكبيرة....قلت بمرح:حبيبي رح
فوق...والحين اجي أقولها لك....وعلشان تنام...تأخر الوقت....
صعد سلطان فوق....قال جدي بعصبيه:ليه كذا ياجازي؟؟؟......للأسف بس.....
ووصلني صوته المقزز بالنسبه لي...وكله احتقار....وعيونه تقدح شرار...:لاتتأسف على شيء يبه....ولاتتعب
روحك....تراها فاصخة الحيا....بس ولايهمك....وراسك الغالي...لأربيها من أول وجديد......
قال جدي بخوف:ناصر ياولدي...
قال بضيق:يبه واللي يعافيك ويخليك....من اليوم ما ابغاك تتدخل بينا....من اليوم بربيها من أول وجديد.....
ضحكت باستهزاء....وجا وجلس قبالي.....وبتحدي:عزيز بكره بيوصلني فاكس...من أبو منصور اللي بالدمام....نطت
عيوني...وحسيت مصيبه بتصير....والأوراق أبغاك تحرقها....أوكي...."كان يناظرني بخبث...ويضغط على كل
حرف.."
ناظرني عزيز ببرود:تآمر ياعم....
كنت أبي أسأله اوراق شنو؟....خاصه ونظرته الخبيثه اللي يناظرني فيها....حسستني بمصيبه بتصير....فجأة شهقت
بصدمه....وطرأ على بالي شيء.....قلت بتهديد وأنا افز:قسم بالله اذا اللي ببالي...والله....
قطع كلامي صوت ضحكته العاليه وهو يصفق بقوة...:هههههههههه.....ممتاز....توقعت انك بتعرفين...بس مو بالسرعه
ذي....ناظرني نظرة غريبه....أهنيك بصراحه.....على ذكائك الحاد....وباستهزاء...صدمتيني مثل كل مره....
مسكني جدي بخوف:هدي يابوك...ناصر وش مسوي؟....
قلت بصراخ:مسوي مصيبه....مو كافي دمر حياة أمي واخواني....بيدمر حياتي......وبيهدم مستقبلي.....
قال بنذاله وهو يحط رجل على رجل:كيفي...حلالي...زوجتي وعيالي....وعساني أحرقكم.....ماحد له حق يتدخل...
صرخت بقهر:لا ياماما مالك حق...حقك خسرته من زمان....مالك حق عندنا....ولا لك عندنا زوجه....وتكتفت....الا حنا
اللي لنا حق عندك....وتنازلنا عنه....حتى حقوقنا اللي عندك.....انقرفنا منها.....ولو بيدنا....كان حتى دمك اللي يسري
بعروقنا رميناه......واسمك عن قريب بنغيره ان شاء الله....وبحده...ولولا شماته الناس...كان تبرينا منك....وافتكينا....من
الفشيله....
صرخ بعصبيه:أنا فشيله....أنا...
قلت ببرود وأنا احس ماعاد فيني طاقه اتحمله أكثر:ايه بالنسبه لي أنت فشيله.....وعار..و....
ماحسيت الا بكف قوي....لف وجهي....حسيت بطعم الدم بفمي.... ناظرت جدي بقهر...والكل منصدم....قال جدي بقهر
ويده ترجف:أنتي ماتهابين احد....ماتحشمين ولاتستحين....لعنبو دارك...أنتي من وشو مخلوقه؟...حتى ماحترمتي وجودي
ولا استحيتي..... وهبتيني.....تراه ابوك ذا.... مو عدوك.....
ناظرته بضيق:لا حشى عدو....حتى العدو أرحم منه.....وبألم....تضربني أنا يا ابو حمد....ماهقيتها منك أبد.....
وبحسرة...كبيرة منك كثير....كثير.....
قال بضيق وهو يجلس جنبي....:أنتي اللي حديتيني على كذا.....كلامك ماينقال.....
صديت عنه...وهو انصدم:تصدين عني يابنت ناصر....
قلت بضيق:مانيب بنت ناصر....ولا بعمري بصير.....ولفيت وناظرته بحسره...وعيوني مليانه دموع....وأصد عنك يا
يبه....مابقاك تشوفني وانا مكسورة....وأنت اللي كاسرني.....
حضني بقوة...وانا متجمده....وبضيق:ماعاش من يكسرك ابد....
قلت بحسره:ياليته هو ضاربني....ياليته....والله حتى الوجع ماكنت بحس فيه....ولا حرك مني شعره....
وباستهزاء...ياليتها ماجات منك...ياليتها.....
قال بضيق:اطلبي اللي يرضيك....اطلبي رضاوتك....والله لألبيك...لو ثمنها قهر ولدي...والا حياتي......
قلت بضيق:مالي رضاوة يابوحمد....وأنت ذالني قدام الكل....وأنت اخبر الناس بي....بعدت عنه وقمت.....وتوجهت
لناصر ووقفت قباله بغرور....تراك مو محلل...وربي بينتقم منك ان شاء الله ويبرد نار جوفي.....وبحده...واذا على
الدراسه....طز فيها....وباحتقار...تراه مو اسلوب رجال أبد.....الكل شهق وناصر طلعت عيونه....وباستهزاء...ياحسافه
بس....توقعتك أكبر من كذا...لا توقع اني انجبرت أقعد ببيتك....لا واللي خلقني...باتصال واحد مني...وكلمة
مني....هالبيت كله اهدمه وأطيح عمدانه...وأقلبه فوق تحت....بس لخاطر أخواني بسكت...مابيهم يعتازون
الناس....وباحتقار...تدري شنو اكثر شيء قهرني؟....
ناظرني بصدمه....وكملت باستهزاء:رغم كل أفعالك الشينه.....كنت أشوفك كبير....وياويل ويله اللي يجيب سيرتك
بالشينه....ناظرت عيونه اللي تلمع....وباحتقار....بس الحين مالي لسان ينطق...لأني ماتعودت أكذب....ولأنك صغرت
بعيني كثير.....كثير ياولد الناصر....يا حسافه بس....
صرخ ناصر بانفعال:أنتي ليه تكرهيني؟...
قلت بلا مبالاة :غلطان أنا عمري ماكرهتك.....الكل انصدم...وناصر علامة استغراب ملت وجهه.....قلت
باشمئزاز...أحتقرك يمكن...أشوفك مو شيء يمكن...أشوفك صغير فأكيد....بس أكرهك...يعني لك مكان
بقلبي.....وبضحكه استهزاء...حتى الكره استخسرته فيك للأسف.....لأنك ماتستاهل مني شيء...ولاتعني لي شيء....
جرتني شذى المصدومه:جازي اصعدي فوق خلاص....
بعدتها عني...وقلت بقوة:علمن ياصلك ويتعداك...بأنثبر بالغرفه....بس تعتب من عندها....يصير اللي مايصير...ورب
البيت لأروح للمحاكم....وأخلي سيرة الناصر على كل لسان....وتتعرض خالي من قريب أو بعيد....والله لأقلب الدنيا على
راسك....وأخرب الموضوع كله....للحين أنا حاشمتك من حشيمة أبوك وأخواني وبس....بس تتعدى لخوالي من قريب أو
بعيد....وبتهديد...والله لأقلب هالدنيا فوق راسك.....
شفت الصدمه انرسمت على وجهه ناصر...كملت بخبث:وترا حركتك صدتها....والسحر انقلب على الساحر.....وهذاني
حلفت...لاتحسبني بلا ظهر...غلطان كثير ياولد الناصر....ظهري قوي والحمدلله...ولو أقولهم أرموا أرواحكم بالنار بيرمون ارواحهم وهم يضحكون....وكلمتي ماتصير عندهم ثنتين.......فلا تحدوني أسوي اللي مايتسوى.....
ومشيت بغرور....وصعدت السلم...ولفيت لهم...وبغباء:ايه صح...انتظر نص ساعه وبيوصلك الخبر
الحصري...وباستهزاء....لأن أخبارك بايته......وبخبث....وشوي شوي على أعصابك....مو تنفعل كثير...ترا كلها وصخ
دنيا....
وصعدت وسط تشتيم ناصر...واستفسار جدي....وصدمه الكل....دخلت لقيت سلطان ينتظرني بسريره...وبس شافني قعد
يتحلطم:ليه تاخرتي؟....
ابتسمت بوجهه وأنا أطلع لي بيجامه....قلت بهدوء عكس النيران اللي شابه بجوفي:سوري قلبي....غمض عيونك وعطني
ظهرك......أبغى أغير ملابسي....
لف وأنا بدلت بسرعه...وسلطان كل دقيقه "يالله تعبت...ماخلصتي..."....
قلت بضحكه:يالله افتح عيونك.....اخذت لحافي...وحذفت نفسي على السرير.....قال بفرح:بتنامين جنبي....
قلت بهدوء...وانا دافنه وجهي بالمخده...ودموعي تسيل:ايه....
قال بدلع:يالله قولي قصتي أنا وأبوي......
فركت وجهي بالمخده....أبغى دموعي تروح....ورسمت على وجهي ابتسامه....وناظرت وجهه البشوش....واندسيت
بحضنه...وبديت أقص له القصه....اللي من سنين وأنا أقصها له....قصه تضحيه ناصر لعياله....وحبه الكبير
لسلطان...وأنه مات علشان سلطان يعيش.....ورجولته وأفعاله......وسلطان مستمتع ومفتخر بكل حدث....ومنصت بفرح
كأني أول مرة أقولها له.....أبغاه ينام بسرعه......

كنت أناظرها وأنا منصدم....وأناظر ابوي اللي يستفسر مني....اليوم وصلت حدي منها...هالبنت فيها بلا.....قطعني
صوت ابوي الحاد:ناصر وش مسوي؟......
قلت بصدمه وأنا أجلس واحط راسي بين يديني...شلون عرفت؟....مستحيل ماحد يدري....كيف عرفت....رفعت راسي
بذهول....وطلعت وانا متوعد فيها اذا صدق اللي تقوله....وبس طلعت اتصلت على مساعدي....وربع ساعه ووصلني
اللي خايف منه...ويثبت كلامها.....اللي سويته وكنت بأخسر فيه فيصل...انقلب ضدي....والخسارة انا خسرتها...كنت
أبغى أفلسهم علشان لا خطبت مايتجرأون يردوني....تذكرتها وهي تهدد فيني....دخلت البيت طاير...والكل بحالة
ذهول....
صرخت:ياااااااااااااازفت...
رحت بروح اتوطى ببطنها....مسكني أبوي بقوة:وين رايح؟...
قلت بقهر وانا ارجف:يبه اتركني...بربيها....والله اليوم موتها على يدي....
وقف نايف وريم قدامي بخوف...وريم تصيح....وأبوي ماسك يدي بقوة....قلت بعصبيه وعيوني جمرن:يبه اتركني...
قال بحده:مانيب تاركك...لما تقولي شاللي صاير.....
قلت بصراخ:يبه اتركني واللي يخليك....وبتهديد وقهر...وربي ذابحها ذابحها ربي لايعيق بشر....
ارتمت ريم بحضني...وأنا متجمد وهي تصيح:يبه تكفى هد خلاص....
زفرت بقهر وأنا ابغى طريقه أعذبها قبل لا أذبحها ذبحة الكلب.......بحياتي كلها. ماحد قدر يوصلني لذي الدرجه من
العصبيه ....يارب وش مسوي أنا بليتني بهالبنت؟.....قلت من بين أسناني وبصراخ وانا ابعد ريم بعنف:بعدوا
عني.....والله أذبحها....
ووصلني صوتها الحاد:يوووووووووووووووه....خير مافيه أحد يرتاح بهالبيت...أخوي نايم أزعجتوه......
ناظرتها بقهر...وهي طاحت عيونها بعيوني.....وضحكت بمرح:يوووووووووه ذا أنت اللي تزاعق......وباستهزاء...أجل
معذور.....زاعق ياماما....وقالت بنبرة تهبل....وهي تحط يدها على صدرها.....فرغ اللي بصدرك ياناصر....لا
تكبت....وبغمزة وخباثه....ترا الكبت مو زين.....بعدين تنفجر....
صرخت عليها:يازفت وربي لأوريك...والله لأذبحك....وحاولت افك يد أبوي مني.....والحين بأنفجر عليك.....
صرخ نايف:جازي اصعدي فوق...خلاص كافي....
قالت وهي تتسند على السلم....وحطت يدها على لثمتها....ورافعه حواجبها...وعيونها تلمع بخباثه:أفا يانايف.....تبغاني
أصعد...وأنا بأعظم انتصاراتي......وحطت يدها على قلبها....وأسعد لحظات حياتي........
صرخت بقهر:والله لأقصر حياتك......الله لايخليني اذا خليتك.....
صرخ ابوي:جاااااااااااازي اقصري الهرج...وروحي لغرفتك.....
ماردت...وهي حاطه عيونها الواسعه بعيوني....وبخباثه:الا صدق ناصر...وشو شعورك لما دريت باللي صار؟.....
صرخت وأنا أحاول أفلت من أبوي: والله لأجي أدفنك......
قالت وهي تناظر ببرود:نعم نعم....لا ياماما العب على قدك يابن الناصر...وترا اللي صار ماهوب الا قرصه اذن...كنت
أقدر أسوي اللي أكبر...وأظن أنت تأكدت من ذا الشيء......وبضحكه.....وتعيش وتاكل غيرها.....وبنغزة ترد
حركتي.......بس تصدق صدمتني....توقعتك تعرف بالموضوع أسرع من كذا....هزت راسها بأسف....
للأسف.....انصدمت بذكائك...توقعتك اذكى من كذا....
صرخ أبوي بقوة:بس...
الكل انصدم وناظرته بارتباك....أبوي مايتكلم بهاللهجه ذي....الا اذا عجز يتحمل....ترك يدي بعنف...:أنتم
ماتستحون....بزران انتم....ولا بينكم عداوة.....
قلت بضيق:قولها....ماغير تغلط وتجرح....وبضيق...والله يا يبه انها نكدت حياتي......
قالت وهي تتكتف:أجل ودنا لأمي وفك نفسك.....من نكدي....وارتاح......
قلت بصراخ:بعيده عن خشمك....وربي الدمام تحلمين فيها حلم.....لو اشوفك جثه قدامي...ماتركتك تاطينها.....
صرخ أبوي:وجع....بس...انتم ماتعرفون تسكتون....قدامي للمكتب....
ناظرتها بقهر...وهي تنزل بغرور....ناظرتني بقوة...وعيونها تلمع...غمزت لي بخبث...وأنا رفعت يدي بضربها.... بس
صرخ أبوي:نــــــــــــــــاصر....
ناظرتها بقهر...وأبوي بعصبيه:جااااااااااازي بلاش حركات بزران....والا تبغين تنضربين اليوم...
قالت بضحكه:لاتخااااااف.....وباستهزاء...شكل جلدي تعود على الضرب.....وصار يحكني....
ومشت للمكتب....ناظرتها بقهر....وشفت ابوي اللي يناظر يده بقهر.....ودخلنا وجلسنا....الكل ساكت....قال أبوي:وش
السالفه؟....
بلعت ريقي....ماني متجرأ أتكلم.....شفت ابتسامتها الملتويه....وحسيت الدم تفجر بعروقي.....ناظرني ابوي
بعصبيه...وناظر الجازي....وبحده:تكلمي الجازي وش السالفه؟....
رفعت راسها...وناظرتني بنظرة غريبه....وبعدها ناظرت ابوي بنفس النظرة....وهي ملتزمه الصمت....زفر بقهر:أدري
فيك زعلانه وماتبقين تكلميني....لف علي....وبحده وجديه...ناصر تكلم؟....
قلت بارتباك...وأنا أعرف طبع أبوي:هااه...لا..ما....ناظرتها وشفت ابتسامتها الواسعه وانقهرت.....قلت بعصبيه وأنا
أبغى أضيع السالفه.:أنتي ليه تضحكين؟....مهبول قدامك.....
ناظرتني بنظرة كلها براءة....صرخ أبوي:بعذرها تضحك...وأنت كنك بزر...واول مرة ينطق....
حسيت ان مالي مفر من قول الحقيقه.....قلت لأبوي كل شيء.....الصفقه اللي كنت بأضرب فيها فهد...علشان
يفلس....كنت أناظر وجهها المبتسم وهي تلعب بأصابعها بلا مبالاة.....ونظرات ابوي الجامده.....قال أبوي
بجمود...:خلصت...
هزيت راسي بايه....وصلنا صوتها الهامس المسموع:باقي....
انصدمت من انها تكون عارفه السالفه الثانيه....وربي أبوي بيذبحني....قال أبوي بحده:كمل....
قلت وانا أبلع ريقي...وأدعي ان الله يكذب ضني....لأول مرة أخاف...وربي خفت وأنا أناظرها....وعرفت ان ربي سلط
علي آفه...ومو أي آفه....:خلصت مابقى شيء بعد أقوله....
ناظرها أبوي باستفسار.....قالت بصوتها المبحوح...وهي للحين تلعب بيدينها:لا باقي أحمد سالم....مايعني لك هالأسم
شيء.....