أنا الشموخ ومارضيت البهاذيل كسرت خشم الوقت من قو ذاتي الفصل الرابع وثلاثون 34 - بقلم متميز وموهبه فذه

((35))

كنا مسوين اجتماع....خالي جامع الكل...بيبلغهم قراره.....أنا وانوار كنا نناظر من الدرج....فقدت طلال اللي مو
موجود...قلت بنبرة عدم اهتمام:غريبه....طلال مو معاكم....
ناظرتني أنوار بنص عين:وليه تسألين؟....
قلت ببرود:ولد خالي....مافيها شيء....
قالت بنغزه:أهااااااااا......
ناظرتها بنص عين....وأنا متأكده انها شوي....وبتقولي كل شيء....ولفيت اناظرهم وهم يسولفون....والكل يترقب كلام
خالي....وخالي أحسه يأجل ليه مدري؟.....
ثواني وقالت بخبال:يمه منك....صخر وربي....ماعندك فضول انتي؟....وبهبال....ياويل حالي عليك ياخوي....حبيت لك
جلمود.....وبخبث....وانت تارك البيت ومزعل أمك صارلك شهور عشانها......وهي حتى أخبارك ماتتشفق عليها....
انصدمت....وقلت بدهشه:تارك البيت....ومزعل أمك.....ليه؟....
ثواني....وأسردت لي أنوار بغباء كل شيء.....وأنا تجمدت كل ملامحي....كل هذا عاناه وأنا مدري.....ياشقى قلبك معاي
ياطلال....لفيت أناظر أمه.....وهي جالسه بغرور.....شلون جاك قلب؟.....تقسين عليه.....أجل تبغينه يآخذ بنت
اختك...وربي لأوريك....والله.....كنت أحشمك كثير عشانه....والحجه وجتني برجلينها....والله لأقلب عليك
الدنيا.....وأطلع حرتي من بين عيونك....أجل بتصغرين بعينه.....بسيطه يامرة خالي.....بسيطه......
تجاهلت كل شيء....مو وقته الحين....سمعت صوت خالي الهادئ:أنا مجمعكم اليوم....علشان أبلغكم...اني نقلت شغلي
للرياض....
الكل انصدم....قالت أمي بصدمه:أنت انهبلت....ليه؟....
قال خالي فهد بضيق:أنت صاحي.....ليه طيب؟...الدمام وش فيها؟.....
قال بضيق:مافيها شيء.....بس جتني فرصة عمل.....وحبيت أستغلها....
وقفت أمي بضيق:أجل رح أنت.....وحنا بنظل هنا....وأنت تجينا بالعطل....
مسكت قلبي....مستحيل....أصلا أنا اللي خليته ينقل...وأمي ماتبغانا نسافر....قال خالي فيصل بضيق:ماحد
بيجلس....بتروحون معاي....ببيع هالبيت....ونشتري بالرياض.....وبحده....وهذا آخر كلامي....ولحد يناقشني فيه
رجاء....وبكره بسافر للرياض أنا وبآخذ الجازي وسلطان......نجهز البيت.....وبعد أسبوع بنرجع ناخذكم.....
وصعد فوق وأنا وأنوار المصدومه....ركضنا لغرفتي.....ناظرتني بصدمه.....وبحزن:لا جازي....مستحيل تنقلون....أنا
الجامعه كرهتها...انك مو فيها....المره ذي حتى من الدمام بتروحين....
حضنتها بقوة...وربي مدري شلون طلعتوا من الشوكه هذيك؟......يمكن هذا الخير الوحيد اللي سوته بهالدنيا...انها جابتك
انتي وحبيبي على هالدنيا....بعدت عنها....وهي صاحت....وقعدت أضحك عليها....وأوعدها....وعود يمكن ماراح أقدر
أنفذها.....

:أنت صاحي....وش تقول؟....
ناظرت وجه مبارك اللي يناظرني باستغراب.....سكرت بوجه سعود....واتصلت على فيصل....ومارد علي....ثلاث
مرات....
قمت بأطلع....بس مسكني مبارك بقوة:علامك...وش قلب أحوالك؟....
قلت بغصه:بتبعد عني....بتروح الرياض....وتتركني....كله منهم.....لاراحت مني والله ذنبي برقبتهم......
نفضت يد مبارك.....وطرت لبيت فيصل.....وأنا أحس قلبي بيطلع....طيب يافيصل....بس خلني أشوف وجهك....ضربت
الباب....وفتحت لي الخدامه.....قلت بعصبيه:مستر فيصل وين؟....
قالت باستغراب:فوق.....
قلت بضيق:روحي ناديه.....قولي مستر طلال يبغى أنت ظروري......
ووصلني صوتها:خير ياولد خالي.....تآمر بشيء......جاينا بهالليول.....
من سمعت صوتها تبخر كل الغضب.....رفعت راسي وشفتها قدامي.....بجلالها الطويل....وعيونها الهلاك....وسلطان
بجنبها......قلت بهمس ضعيف:صحيح بتروحون الرياض؟.....
قالت بثقه وغرور....بعد ما اشرت للخدامه تطلع:عندك مانع.....
قلت بضعف:ايه....
قالت بحده وقسوة:بصفتك وشو؟....
قلت بصدمه:بصفة السنين اللي أتحراك فيها.....بصفة عمري اللي راح وأنا برجا اليوم اللي يجمعني فيك...الحين بصفتي
وشو؟....
قالت بحده اصدمتني:مايجوز هالكلام ياولد خالي.....وباستهزاء....لاتسمعك بنت خالتك وتزعل.....
قلت بصدمه:وشدخل بنت خالتي فيني؟....
قالت باستهزاء وقهر باين بصوتها:مو هي خطيبتك المستقبليه؟......
ابتسمت بفرح.....يابعد قلبي.....أثرها تغار وانا مدري.....الحين بس تأكدت انها تحبني....قلت بهمس ذآآآآيب:مالي الا
خطيبه وحده....مالكه قلبي وعمري.....من طلعت على هالدنيا.....
ناظرتني بعصبيه:طلآآآآآل اطلع برا....ولاعاد أبغى أشوفك.....
قلت بصدمه:ايه ليه؟....
قالت بقهر وهي تضحك:ايه صح....مبررررررروووووك الخطوبه.....ومنها العيال ومنك العيال ان شاء
الله....وبغرور....وان شاء الله دوري مو مطول.....
قلت بعصبيه منها....اليوم ماسكه علي بنت خالتك وبنت خالتك......والحين خطوبه....ودورها مو مطول....ايه علي
أكيد....أما غيري لو تموت:ومن قالك اني خطبت؟....
قالت باستهزاء:أمك ماقصرت....من الفرحه ماتركت أحد ماقالتله.....
قلت بصدمه:أمي....وبسرعه...لا تأخذين على كلامها....والله ماأخذ غيرك....
قالت بحده وهي تتركني وراها:أحلم.....من اليوم ورايح أحلم فيني.....وأنت أكثر واحد تعرفني....وباستهزاء....تتهنى ان
شاء الله....
وطلعت وخلتني مصدوم.....كل شيء بهالسهوله انتهى.....ناظرت مكانها الفارغ.....طلعت من البيت....وأنا بس اتمنى
أن أمي مو امي....علشان اقدر أبرد حرة قلبي......بسرعه توجهت لبيتنا....ودخلت وأنا
أصارخ:يمــــــــــــه......يمــــــــــه.....
الكل نزل من فوق ووهو مرتاعين.....صرخ أبوي:يالخبل علامك؟....ماتشوف الساعه كم؟.....
تجاهلت كل شيء....وناظرت أمي....وبقهر والدمع مالي عيوني:أنتي وش قايله؟.....
قالت باستغراب:وش قايله؟.....
قال سعود:طلال بسم لله عليك....انت حلمان....ترا الساعه الحين أربع الفجر......
قلت بصرآآآآخ:ليه تدمريني ليه؟.....والله حرام عليك....والله....
وارتمت وأنا أصيح....اركضت لي أنوار وهي تصيح.....وتحضني....وتسمي علي....وسعود راح يجيب لي
ماي.....وأمي وابوي مصدومين......قالت امي بخوف وهي تمسح على شعرري:علامك ياقلب أمك؟....
قلت بقهر:ليه تسولفين عند الكل اني بآخذ بنت اختك.....مليون مرة قلت لك....الزفت مابغاها.....وبصراخ... مابغاها......
ابتعدت امي عني....والحنيه تحولت لعصبيه....وهي تناظرني بقهر.....قالت بعصبيه:بنت أختي تشرفك....
قلت باعتراض:بس انا مابغاها....وركضت لأبوي.....يبه أرجآآآك بكرة تخطب لي الجازي.....والا والله أموت.....
شفت نظرات أبوي العصبيه لأمي.....قال بقهر:مو الحين يابوك.....انتظر شوي......فيصل بكرة بيسافر الرياض.....خلهم
يستقرون....وبعدها بنخطبها لك....
قلت باعتراض:وانا شيصبرني لما يستقرون؟.....بكرة نسافر معاهم ونخطبها.....
قال أبوي بعصبيه:هو لعب بزران.....اللي صبرك كل هالوقت بيصبرك هالأيام هذي.....
قلت بصراخ وبلا شعور:الصبر ملني يايبه....والله ملني.....وبجنون....والله اذا ماخطبتها لي بكره....لأخطفها....وأهج
من هالديار كلها....وأنتم اللي جنيتوا علينا.....
ماحسيت الا بالكف اللي لف وجهي....وسعود اللي صرخ...وحاضني من ظهري....علشان ما أطيح من السلم....وأنوار
وصوت شهقاتها العاليه.....مسكت خدي وأنا أناظر أبوي بصدمه.....قال أبوي بعصبيه:عزلله اني ماربيت.....ياحسافة
هالشوارب اللي بوجهك....أجل بتخطفها....ياقليل المروة.....اطلع من بيتي وقرب للبنت بخير والا شر....والله لأكسر
رقبتك.....يالخسيس.....وبقهر....لاتجبرني أحلف انك ماتأخذها عمرك كله.....وبصراخ...طس عن وجهي الله
يأخذك....ويآخذ الساعه اللي شفتك فيها....بيتي يتعذرك....
ابتعدت عن سعود بعنف....وتوجهت للباب....تعلقت أنوار فيني بقوة.....وهي تصيح.....ناظرت أمي وهي واقفه
بغرور...وتناظرني بحده.....صرخ أبوي:أنوار اتركيه...خل يطلع أحسن لك.....
بست راس أنوار....وهمست لها:بأتصل عليك....وبلغيها أني لها لو موتي يصير......
شهقت بخوف....وبعدتها وطلعت من البيت....سعود بيلحقني بس وقفه ابوي....ركبت سيارتي....وشفت جوالي اللي
حارقه مبارك بمكالماته...وثواني ورن بيدي.....رديت بسرعه:مبارك بموت....
قال بفجعه:بسم لله عليك....علامك؟.....أنت وين؟....وقف وأنا اجيك الحين.....
قلت بضيق:لا الحين انا جايك....
وسكرت منه وتوجهت لبيته....لزوم ألقى حل لزوم......مسحت دموعي بيدي....وكملت طريقي.....والراحه بعيده عن
عيوني.....

نومت سلطان....وتوجهت لغرفتي....وأنا كل مافيني جامد وميت....سكرت الباب بالمفتاح....وانهرت على الأرض....كل
الجمود اللي كان ساكني زال.....دموعي طاحت بقوة.....وقعدت أندب حظي....وحظه.....وجروحي له....جروحي اللي
جرحت فيها نفسي قبله......ياويل ويلك ياقلبي.....للحين نظراته المصدومه تجرح قلبي.....للحظه جاني خاطر أبيع
الدنيا....وأرضي نفسي وحبيبي.....بس مستحيل ذا الشيء مستحيل.....قعدت أصيح بألم....وأنا كل مافيني متألم....تذكرت
صدمته لما قلت له امك.....ضحكت باستهزاء.....كذبت....وقلت انها هي.....لأني مستحيل أتقبل أني أصغر
بعيونك....خليت نفسي المجروحه....عشان ما أصغر بعينك....الا أنت مستحيل أشوه صورتي قدامك....لو الثمن
موتي....مو كذبه بيضاء....مسحت دموعي اللي مو راضيه توقف بقهر.....وشلون توقف وهي أخسرت أجمل حلم....حلم
طفولتي ومراهقتي.....ذا طلال ياناس....لو أصيحه عمري كله....ماوفيته حقه.....أكثر شخص بهالدنيا يحبني.....يمكن
حتى أكثر من أمي....ماضحيت فيك يالغالي....وما أرخصتك الا بغالي....والله بغالي....اعذرني...تذكرت بنت
خالته....وصحت بقهر...."ملاك".....كنت أحبها لأنها تذكرني فيه,.....الطيبه الحنيه....الجنون....الشفافيه...الملامح
الهاديه....الأفكار المجنونه....كل شيء مثله....كانت عكسي بكل شيء.....يمكن تصلح له أكثر مني......وبانكار....بس لا
طلال لي أنا.....مهما بعدت برد له.....أرجاك لا توافق عليها....أرجاك.....أنت لي....الوحيد اللي حلمت فيه....وبنيت
أحلامي عليه....وبضعف....بس ماراح يتركوني....وربي ماراح يتركوني.....تذكرت أفكار واحلامي....وكلام جدي اللي
بخر كل أفكاري....اللي كنت مخططتها....وجبرني أغير كل أفكار....كنت مخططه أظمن حياة سلطان.....وأتزوج طلال
وأخذ أمي ونقعد ببيت واحد.....أغلى الناس على قلبي معاي....كنت ناويه أقنع طلال يشتري البيت اللي جنب بيت خالي
فيصل....علشان ما فارق خالي أبد.....بس كل شيء تغير....كل شيء تهدم...كل أحلامي الحلوة تهدمت.....وصحيت على
الواقع المؤلم....اللي أنهى كل شيء بيني وبينه.....النوم حارب عيوني من كلمني جدي....والضيق مافارقني
لحظه....تذكرت لما جدي ناداني لغرفته....وبصوته القوي ووجهه والجديه مرسومه عل وجهه"اسمعي كلامي يابنت
ناصر....ترا طلبك مني رجال ماينرد....وانا عطيتك له....وماحد بيعزك ويصونك مثله..."...
قلت بصدمه:بس يبه انا ماني مفكره بهالموضوع الحين....
قال بحده:أنا ماجيت اشاورك....أنا جيت ابلغك....ولد عمك طلبك مني حليله له....وانا عطيته...
قلت بصدمه وخوف:ولد عمي....
قال بثقه:ايه....عزيز...وماظنتي عندك اعتراض عليه....
انتفضت من مكاني....وفزيت....والدنيا أظلمت بوجهي...كل أحلامي تهدمت وتكسرت....وتهاوت قدام عيوني....قلت
بارتجاف وخوف:مستحيل.....
قال جدي بعصبيه:وشو المستحيل؟.....ماظنتي بولد عمك عيب.....علشان ينرد....وكلام يوصلك ويتعداك...لغيره عمرك
ماتكونين.....وبحنيه....يابوك تعوذي من ابليس.....ولد عمك رجال ينحسب له ألف حساب....وهو خاطره فيك.....ومن
زمان كلمني عنك.....
ناظرت جدي بضياع....تحقق الجاثوم اللي كان ملازمني....كنت متوقعه.....بس منكرة كل ذا.....طلعت من
الغرفه....وأحس بالضياع والنكران....مستحيل اللي يصيرلي.....
من ذاك اليوم....وأنا أحاسب روحي مليون مرة.....مستحيل اللي يصير.....وشو الغلط اللي ارتكبته؟......كرهت
عزيز....وتمنت أي واحد من عيال عمي هو اللي خاطبني الا هو.....كنت أقدر أوقفه عند حده.....بس عزيز
لا....ومستحيل....واكبر مستحيل......
وعاني من افكار صوت الأذان.....قمت أخذ شور....يبرد النيران اللي والعه بجوفي....وانا العن وأشتم نفسي....أنا حقيرة
والله حقيرة.....طلعت بروبي من الحمام....ناظرت جناطي اللي جهزتهم للسفره......وكرهت نفسي اكثر....ناظرت وجهي
اللي بالمرايه.....وجهي أحمر....وورام من البكا....وعيوني بلون الدم.....ضحكت بأسى....يامالك من البكي
ياجازي.....صيحيه دم....ذا الغالي....ذا طلال.....وردت تدفقت دموعي....وصورته قبل شوي مافارقتني....صدمته
...همسه....وجهه الأحمر....ابتسامته لما حس اني غرت عليه....وارتميت على الأرض....حرام عليك....والله أنا ضعيفه
قدامك....سامحني.....سامحني يالغالي....قويت نفسي....لبست بجامه خفيفه...النار اللي بجوفي....مو محسستني بالبرد
اللي يذبح....دام طلال وراح...موتي أشرف لي....بس والله لتشوفون اللي ماصار.....لبست
جلالي....وصليت....ودموعي مو راضيه توقف.....دعيت ربي تصير معجزة....تقلب الأمور....ودعيت على الزفت
عزيز لما قلت بس.....خلصت ورميت جلالي.....ورحت لغرفة سلطان....ناظرت سريري.....وناظرت سريره
الواسع....وهو نايم كنه طفل....ارتميت بحضنه....عسآآآآني ألقى الراحه بأحضانه....بست وجهه اللي أموت
فيه....علشانك اضحي بعمري مو بس طلال.....بأعذب نفسي....وبأعذب قلبي....علشآآآآنك بس.....علشآآآنك
انت.....ياخوي.....

يا خوي تدري من الضيقه وشْ أسوّي؟؟
أشق ثوبي وأدوّر للنفس مجرى .....

يضيق كوني ويظلم يالغلا جوّي
وأتبع طريق الهوى وأضيّع المسرى ....

مبْطي ما شبيت ياخي للفرح ضوي
مبْطي ما عيّنت حلم الليل والقمرا ....

مبطي ولا شفت بارق رعدي ونوّي
مبطي وأنا تايهه في البحر والصحرا ...

مبْطي وأنا اشوف خيط الحلم متلوّي
مابين لحظة وداع وعيشتن قشرا ....

الله من خافقن بالبعد متكوّي
قضت عليه الليالي زيفن وغدرا ....

من حر مابه عروقه قامت تهوّي
فراغ جوفه وهمه فوقه وحدرا ....

يا خوي قلي من الضيقه وش أسوّي
لا صار عمري يروح وينفني صبرا ...

بالرياض....
نزلت وانا لابسه جلالي وفرحانه.....الكل مجتمع اليوم الغدا عندنا....ناظرت خالد اللي من شافني ابتسم....نزلت راسي
بخجل...ونسيت أبو السالفه.....وجلست...قال وليد بفرح:متى تبغين نحجز للدمام؟....
قلت بخجل بعد ماحنيت على خالد...لما وافق اني أروح:لا خلاص كنسلت....
الكل انصدم....قال وليد بقهر:وليه ان شاء الله؟....
رفعت راسي....وشفت الكل يناظرني......قلت بخجل:جازي وسلطان وخالي بيجون بكرا الرياض......
قال نايف ووليد بفرح:أحلفي....
قلت بضحكه:اي والله....توني كلمتها....وقالت لي....وبحماس...لا وتقول فيه مفاجأة.....
قال نايف باستغراب:غريبه...ماقالتلي.....
قال جدي بفرح:زين اللي طاح براسها....ومتى بتوصل؟.....
قلت بخجل:بكرا جدي....بس تقول راح اجي أسلم...وبتروح لفندق....مابتقعد هنا....
قال أبوي بعصبيه:على كيفها السالفه.....بيت ابوها مفتوح....وتروح للفنادق.....
قال جدي بحده:ناصر اتركها على راحتها.....مالك صالح فيها....تبغى تجلس هنا....حياها الله...ماتبغى براحتها....
الكل سكت وأبوي عصب....ناظرت خالد بخوف....وهو ابتسم لي يطمني......
قال وليد بهبال بيغير الجو:أجل مفاجأه.....وبخبال....الحين تلقونها فاجعه من جوجو.....
الكل ضحك...قال نايف بحب:حرام عليك....كل شيء ولا جوجو.....
قلت بضحكه:اتركه نايف....شكل جوجو مذوقته من فاجعاتها....هههههههه.....
قال بخوف مصطنع:بلاك ماشفتي وش سوت؟......قسم بالله وقفت قلبي بالدمام.....وبغمزة....تذكر نايف وش سوت؟....
انفجر نايف بالضحك.....بطريقه غريبه على شخصيته الهادئه....وضرب وليد بكتفه....الكل ذبحه الفضول.....
قلت برجا:تكفى وليد....تراك حمستني....قول وش سوت؟.....أختي وأعرفها مصيبه.....
قال بضحكه:هههههههههههه.....مصيبه وبس....وناظر ابوي اللي يضحك على ضحك نايف المضحك......قسم بالله يبه
أحمد ربك انها مو ولد....وبثقه...والله لو انها ولد كنت كل يوم مشرف المراكز....وبنغزة وغرور....احمد ربك يعني
علينا.....
الكل ضحك....قربت منه برجا....وبحماس:يالله قول.....وباغراء....وأقولك سالفه خطيرة سوتها الجازي.....تقدر تعايرها
عليها طول عمرها....
قال بضحكه:لما حلقت شعرها....قديمه....قالي فيصل عنها....وعايرتها وزعلت.....لا وورانا الصورة....ضحك نايف
بقوة....والكل انصدم.....
قال جدي:حلقت شعرها.... ليه انهبلت؟....
قلت بضحكه:هههههه....لا جدي كانت صغيره....وأمي ملت من سلطان...وجازي مو تاركتنا نحلق راسه....ومايسمح
لأحد يمشطه....أمي تحاول فيه....وهو يعصب....الا جازي تسويه....ومره جازي بالمدرسه....أمي ترجت خالي يوديه
ويخفف شعره....وفعلا حلقه....وشعره كان طويل....جاء سلطان....وفضحنا بالبيت...لأن الجازي قالتله....لاتقص شعرك
نفسي....ههههههههه....وقعد ينتظر الجازي....وهو يصيح....جت الجازي وقلبت البيت علينا....وأمي قالت بتعصب
شوي ....وبتسكت....بعد نص ساعه.....دخلت علينا بثقه....وشعرها مثل شعر سلطان...هههههههههه.....
الكل شهق بصدمه....قال أبوي:وماسويتوا لها شيء؟....
ضحكت:أمي انهبلت....وقامت تصيح....صارت ولد....ولبستها تراجي علشان الناس مايحسبونها صبي.....
قال جدي وهو يضحك بقوة:ماضربتوها....
قلت بثقه:ههههه.....مستحيل....خالي فيصل....يضرب روحه ولا يضربها...ولا يترك أحد يمد يده
عليها.....وبضحكه....ومنها أمي حلفت ماتقرب لسلطان....ولا لشعره.....هههههههه...
قال أبوي بحماس:وليد عندك صورتها؟....
ضحك وليد:لا ترجيت ابو جود....بس قال لاتزعل.....وبضحكه....تخيلوا يقول والله اذا قعدت من النوم وصاكه فيني
الدنيا....أشوف صورتها واموت من الضحك...واروق...هههههههه......وبقهر....ورفض يعطينياها....يقول تبقى تمصخر
بنتي فيها؟.....
ضحكت:صج....شلون ورآآآك؟....وجازي مازعلت عليه......

قال بضحكه:ههههههه....مازعلت....الا قولي ولعت حريقه....وكانت بتحرقنا....وبغرور وهو يقلد صوتها....جد أنتم
تافهين....كل هالضحك على شيء تافه.....ترا السالفه ماتستاهل كل هالضحك....جد ناس تافهه......وفاضيه...
ضحكت بقوة....لأنه يقلدها عدل....قلت بضحكه:والله أنك ضبطتها....دوم هالكلام كلامها....وماتعترف بفشلتها.....
قال بعناد وهو بيلعب بحواجبه:أجل لو تدرين باللي سوته بالدمام؟....
انفجر نايف من جديد بنوبه ضحك.....ووليد يشاركه....قلت برجا:والله أقولك سالفه تموتك من الضحك.....تكفى قول....
قال بخبث:أنتي أول....
قلت بشك:لا أنت أول....وربي لأقولك...أنا ما كذب....بس أنت تكذب....اخاف لا قلت لك...ماتقوول لي.....
قال بضحكه:ههههه....أفا....بعديها لك....مو عشانك....علشان أعرف السالفه......
قال خالد:احمممممممممممممم......
الكل ضحك....وانا نزلت راسي بخجل.....قال وليد بخوف مصطنع وهو يضحك:يووووووه....نسينا أن ريم صار لها
محامي دفاع.....ومو أي أحد...الدكتور خالد بجلالة قدره.....وبضحكه.....خلوني أهزأ الجازي.....قبل لا يجي محامي
الدفاع حقها....وبخوف وهو يناظر نوف....والا أقول....ذي ماتحتاج محامي.....مليون محامي....بشخصيه وحده.....أبقى
عليك يانوف أحسن.....
الكل ضحك.....قلت برجا:يالله وليد قل.....
تربع بقعدته.....وبطريقة تمثيليه:اسمعي ياطويلة العمر.....هذا لما كنا بالدمام....اعزمتنا أختنا الموقرة على
المطعم....رحنا هذاك المطعم اللي يفتح النفس....وكلنا لما قلنا بس....فجأة أخونا الموقر سلطان....دلوع اختنا
الموقرة....قال ابغى الحمام بسرعه.....والمطعم توه جديد....وحنا ماندل شيء....ونفتر بالطابق....وسلطان صج
روسنا...وشوي ويصيح....وشفنا دورة المياه....وقالت لسلطان اصبر....وثواني...وماشفنا الا النسوان يتسابقن على
الطلعه والهجه...واللي برقعها مايل....واللي ماسكه الروج بيدها....وطلعت أختنا وهي تضحك....وفطس هو ونايف من
الضحك.....وحنا نضحك معاهم....وطلعت أختنا في الله.....وابتسامتها الخبيثه بوجهها....جرت أخونا....وهي تقوله
بسرعه أخلص....وانا ونايف من الضحك مو قادرين نسكت.....بس الضحكه وقف لما شفنا الأمن جاينا....بس الحمدلله
سلطان خلص..وحنا نهج....والحمدلله مامسكونا....والنسوان شوي ويذبحون الجازي....وشوي وجونا الأمن
وطردونا....وحنا نضحك....واخذوا بطايقنا....وشافوا اننا أخوان....طلعونا.....يحسبونا ربع
متواعدين........ههههههههههههه....وقالولنا....لاعاد نشوف وجيهكم....هنا......لأن هالسلوك مو مسموح فيه.....
الكل منصدم.....قلت بصدمه:قسم بالله هالبنت مجنونه.....والله لو يدري خالي فيها يذبحها.....
ضحكوا بقوة وهم يناظرون بعض.....قال وليد بضحكه:شدعوه مادرى؟....كنا نهدد فيه....اننا بنقوله....وهي ناظرتنا
بنص عين....قالت يعني بتذلوني الحمدلله والشكر....وقالت السالفه كامله....حنا انصدمنا....وبحماس....بس والله خالك
عصب....وقالها لو ماخذينكم انتم خبول....وشوي ويذبحها....بس هي ناظرته ببرود....وقالت....وقلد صوتها
المبحوح...أجل تبغاني أترك أخوي يموت.....وخالك عصب....وهو يضرب كف بكف....انتي فاصله خلاص....مابك
طب أبد....وبحماس....يالله قولي أنتي سالفتك؟.....
ضحكت وانا ناسيه كل شيء.....قلت بضحكه:كنا صغار....ومرة دخلنا غرفة سعود ولد خالي....وسعود يحب أشرطة
الجهاد والحركات ذي....المهم قعدنا نشوف الأشرطه....وأنا وأنوار بنت خاالي نصيح....وجازي وسلطان يطالعون
باعجاب.....وبس خلصنا الشريط....قالت الجازي بثقه:لازم نروح نجاهد....
أنا وانوار خفنا....وهي قعدت تقنعنا....وحنا تحمسنا....وهي تسولف لنا بنغير التاريخ....وخططنا لكل شيء.....وحنا
مصدقات أنفسنا اننا بنصير مجاهدات ومشهورات....وبنغير العالم...لما نبغى نرد لبيتنا...عندت أنوار الا بترد
معنا...وفعلا ردينا....وباليل....جهزنا أغراضنا....أخذنا معلبات...ومنظار خالي الصيد....وكل وحده بجامه....وأخذنا
البوصله مالت القبله...وضحكت وانا اناظر الكل مندهش مني.....ههههههههه...طبعا ذي أوامر جازي....كانت تقول
علشان ربي معانا....وبضحكه....أنا وأنوار بالبدايه تحمسنا.....قلنا جازي لانأخذ سلطان.....بس وش سوت فينا....قالت
أنتن لاتروحن....انقلعن.....سلطان لازم يروح معاي......هههههههههههههههه....مسحت دموعي من الضحك....ووافقنا
غصب عننا...طلعنا من البيت والدنيا ظلام....والجازي ماسكة سلطان وتمشي قدامنا بثقه....وأنا وأنوار متمسكت ببعض
وخايفات....وشوي وقمنا نصيح....وجازي عصبت....قالت لنا:ارجعن ياجبانات.....
ناظرنا لبيتنا اللي أبعدنا عنه....وخفنا نرجع بروحنا....وهي عصبت....ورجعتنا وهي تشتم فينا....وحنا نصيح....لما
وصلتنا للبيت....قالت بعصبيه:يالله انقلعن....
وحنا نترجاها ماتروح....وهي وسلطان عصبوا....وبس شفناهم بعدوا....رحنا نجري لغرفة خالي...نصحيه....وهو
عصب.....وشوي...والا يدخل خالي شايل سلطان بيد وجوجو بيد......وجوحو تصارخ وتغلط....وخالي
معصب....وطلال وسعود عيال خالي وراه....طلع خالي متصل عليهم....علشان يدورون معاه....قبل لايبعدون.....رماهم
خالي....وجازي تصارخ....مالك شغل كيفي....وصحت أمي وانهبلت....وأنا وانوار نصيح....طلال وسعود ضربوا أنوار
ضرب....وأنا خالي ضربني...هههههه.....وجازي خالي ضربها كف يبغاها تسكت...وجازي أبد....من ضربها وهي
انهبلت وتصارخ.....أخير شيء خالي مل....قفل الباب وصعد لغرفته....ونام...وجازي طول اليوم وهي
تصارخ....وتشتم.....
قال وليد بصدمه:والله وقحه.....
قلت بضحكه:ههههههه....على كف وقلبت البيت....وأنا وأنوار ذبحونا....وماتكلمنا.....وبضحكه....لا وتخيل خالي أسبوع
ماتكلمه....وخالي يرضي فيها....ويستسمح منها.....هههههههههه......
قال أبوي بصدمه:عز الله هالبنت مهبوله....ومدلعه.....
قلت بضحكه:يووووووووه....مدلعه كثير.....
قال نايف بحب:ايه كثير....تستاهل الدلع جوجو.....
قال وليد بكوميديه وهو يضرب كف بكف:عزلله كان الله بعون رجالها.....
قال نايف بدفاع:الا ياكبر حظه....وزين بخته....كان صار رجال لأختي......
الكل ناظره بصدمه.....واستغراب....من شخصية نايف اللي متغيره كثير....رن جواله....واتسعت ابتسامته:الطيب عن
طاريه.....
رد بترحيب:هلا وغلا....بأغلى أخت....هههههههه.....لا لا....لاتضحكين علي بهالكلمتين أنا عتبان...هههههههه....عليك
نور....أجل تبغي تجين الرياض؟....وأنا آخر من يعلم......هههههههههه.....وبحنان....أدري والله....أمزح معك....خطف
وليد الجوال....وبضحكه وهو يحطه سبيكر....
:هلا وغلاااااااااااااااااا.......حي هالصوت لاعدمناه....
وبصوتها المبحوح القوي.....وضحكتها الهاديه:هلا وارحب بعدد زخات المطر....حي الله شيخهم....لاعدمت صوتك
يابعدي.....
قال بضحكه:هلا بك اكثر ياشيختهم....وبضحكه....حي الله مجاهدة الدمام....أثرك طلعتي مو هينه ياختي أبد......قلبي كان
حاس...
رميت علبة الفاين عليه بخوف....ياويلي الحين تذبحني....وهو ضحك....شوي ووصلنا صوتها المبحوح.....وبكل
دلع:شفت ياخوي.....يازين بختك فيني......وبدلع ....ياعسى هالدنيا فدى لجازي والله......
قال بقهر:بشويش بشويش.....ياغروك يا ختي.....
قالت بغرور:يحقلي....وشوي وسمعنا أصوات عندها....وبجديه....وليد شوي بأكلمك....خوالي جونا....سلم على
الكل....وقول لريموه....حسابها عندي عسير....وبكره بنتواجه....باي.....
وسكرت الجوال....وأنا صرخت عليه:غبي الحين وش يفكني منها؟.....
ضحك بخبث:تستاهلين....ألحين بتذبحك ياويلك.....
وشوي شوي....الكل قعد يسولف.....ونسيت الموضوع....بس أبوي وجدي وعزيز راحوا المكتب.......

كنت جالس معاهم بالمكتب....وقلبي يرجف....شخصيه غير....أول مرة أشوفها بحياتي...ماتخاف ولاتهاب...كل موقف
منها....لو أحد غيرها مسويه.....يمكن أقل شيء أثور فيه.....شمعنا هي...يزيد تعلقي فيها وتمسكي.....ضغطت على
راسي وانا احاول أركز مع جدي وعمي....اللي مستميتين علشان يزوجونها لي......ليه هي غير؟......ليه؟....كل يوم
يزيد خوفي منك.....الشخص الوحيد اللي قدر يسبب بحياتي زوبعه لامفر منها.....انتبهت لجدي وعمي اللي فرحانين انها
بتجي.....وبيفاتحها جدي بموضوع زواجها مني للمرة الثانيه.....بالطيب....واذا مارضت...يستخدم الغصب.....انفض
اجتماعنا....والكل متأمل ببكرة....ان بنت العم اللي سببت عواصف بعايلة الناصر.....ولعبت فيها....أنها تنحني
للريح...والا بنكسرها.....والموضوع منتهي.....رحت لجناحي....وأنا فرحان....بكرة بيتقرر كل شيء....وبتكون
لي.....غصب والا طيب....الخلاصه....اللي ببالي يصير.....والطريقه ماني مهتم فيها....ناظرت جوالي....وناظرت اسم
زوجتي منى المسيار.....ضربت راسي بخفه....نسيت اني مواعدها....ضحكت بخبث....بروح أروق
شوي.....تروشت....وطلعت وانا مروق....متوجه لشقتي......