رواية أنا أسف على غلطتي ﴿روايه سعوديه مكتمله﴾ الفصل الثالث 3 - بقلم Hanadi2000

«««««««««««««««^_^»»»»»»»»»»»»»»»»

بــيت اهل فيصل

ابو بدر: الا فيصل وين ريماس بشوفها
فيصل يبي يصرف اخوه: قوم راشد ناديها
راشد وقف: نشالله
فيصل بعد ما طلع اخوه: عمي اليوم بمركم البيت
ابو بدر حس من صوته في شي: اهلا وسهلا بس ليش في شي
فيصل: نشالله خير بس خلها بعد المغرب
ابو بدر: خلص اليوم عشاك عندنا
فيصل: لا عمي ماله لزوم
ابو بدر: والله راح تتعشا عندنا اليوم..خلص حلفت
فيصل: خلص نشالله
...
عند راشد طلع وراح يناديها دق باب غرفه اخته: نجلاء
ريماس حطت عـ شعرها طرحه.. نجلاء: ادخل سيد راشد
راشد دخل: اسلام
نجلاء: هلا
راشد ناضر ريماس: انتي قومي ابوك يبيك بسرعه
ريماس توسعن عيونها: ابوي هنا
راشد: إيه اول ما جأ سأل عنك بسرعه
ريماس: نشالله
طلع راشد وريماس بسرعه لبست عبايتها ونزلت بسرعه بس وقفها صوت طالع من المطبخ: وشفيك طايره
ريماس ناضرته بحتقار: حره وش يخصك
راشد ماسك صينيه الشاي..رفع حاجبه: انتي حره..بس كنت خايف طيحين
ريماس اشرت عليه: اتوقع انت اخر واحد يخاف علي
راشد شك ان في شي من اسلوبها الي تغير من اصبح: ليش تتكلمي معي كذا
ريماس قربت له وبأسف: شلون تبيني اتكلم مع واحد شك بي وباخلاقي..مفكرني ما سمعت كلامك الي قلته امس..ولا لما ابوي جأ كنت تبي تفتح الباب بسرعه لحتا يذبحني دون ما تفهم السالفه..لولا اخوك فيصل الي كنت اكرهه واحسه اناني..بس عرفت من هو الاناني..كنت الحين ميته..تعرف نشالله ما يجي يوم واحتاجك
راشد: بس انا مـ
ريماس قاطعته: اكرهك صدق اكرهك يا راشد 'وراحت وخلته واقف متضايق من الي سمعه وندمه علي سواه مبارحه ومصدمته بكلمتها الي تركت جررح كببر بقلبه'
«كل كلامك صح انا شكيت بخلاقه..وحتى لما كانت بحاجتي وقفت ضدها وانا ما فهمت السالفه..اكيد راح يتغير اسلوبها معي»
.............
ابو ريماس: ها يبه نشالله احسن اليوم
ريماس: إي احسن
دخل راشد: يا هلا بعمي
ابو بدر: هههه يا هلا بيك
فيصل: لااا كان ما جبت القهوه
راشد ناضره وفيصل حس من نضرته انه متضاييه وتعبان بس ما عرف وش سبب تغير حاله فجأه
ابو بدر حط يده على كتف بنته وباين الندم من صوته ونضرت عيونه: ريماس يبه سامحيني علي سويته
ريماس حطت راسها على كتف ابوها: انا ما زعلت منك لحتى اسامحك..ولعاد تفكر بالموضوع انا لو مكانك لكان فكرت نفس تفكيرك..يبه بروح البيت
ابو بدر: يله نادي اختك وخلينا نروح
ريماس: نشالله يبه
راشد استاذن منهم ولحق ريماس وقفها عند الدرج: ريماس
ريماس لفت له: خير وش تبي
راشد: ريماس انا اسف عن ليله مبارح
ريماس: اعتذارك مرفوض
لفت تبي تروح بس رجع وقفها بكلامه: طب ابوكي سامحتيه وانا ليش لا
ريماس: ابوي غير 'وراحت نادت اختها وراحو البيت'

°•°•°•°•°•°•°••°•°•°•°•°•°•°•°•°•°•°•°•°•°•°•°•°
بــيت ابو بدر
كانت ام بدر تجهز العشا مع الخدامه وريماس جالسه بغرفتها مع انفال
انفال متوتره: ليكون جاي يخطبني من ابوي
ريماس: اكيد لانه كان من زمان يبي يخطبك
انفال تهز راسها بخوف: لا لا مابي والله اخاف منه
ريماس: وشفيك..انتي عارفه انك مجبوره..تصديقين عاد فيصل مو مثل ما تخيلنا
انفال بفضول: شلون يعني
ريماس: تصدقين لولا فيصل كان اليوم اول ايام عزاي
انفال: بعيد شر بس لسه ما فهمت
ريماس بضيق: تصدقين ان راشد شك بيه وكان ممكن يضربني لولا فيصل ما جاء بالوقت المناسب وحتى لما ابوي جأ الحقير راشد كان يبي يفتح الباب مع انه يسمع ابوي يقول افتحو الباب ابي اذبحها بس فيصل فوتني بغرفه نجلاء وهدا ابوي
انفال: معقوله فيصل كذا
ريماس: إيه فيصل كويس وطيب
انفال: بس انا لما شفته حسيت بخوف حتى لما نمت عندهم طول الليل وانا احلم وان صحيت ما اعرف ارجع انام شلون تبيني اعيش معه لحالي
ريماس: مو خلص اهو اكيد طلبك من ابوي وانتهت السالفه
انفال حست ان الوقت خلص انتها ولازم تتصرف: انا بقول لابوي كل شي
ريماس: هه ماقلتي له اول سالفه بتقولين له الحين
انفال وقفت وبجديه: إيه بقوله والحين
ريماس حطت رجل فوق رجل وتكلمها بلا مبالاه: يله روحي قولي له وهي فيصل عنده واجهيه
...
انفال لبست..وراحت بسرعه عند ابوها وفتحت الباب عليهم بقوه
وقف ابو بدر وفيصل مفزوع
ابو بدر بخوف: وشفيك يبه
انفال دموعها نازله عخدها وصوتها بيه غصه: يبـ،ـه انـ انا اإآبي
فيصل حس انها راح تقول لابوها وحب انه ينقذ نفسه..وقالها بسرعه: عمي انا بطلب بنت انفال
ابو بدر مو بفاهم شي لف عـ فيصل وبعدين عـ انفال وحس في شي: وش فيه تكلموووو
انفال شافت الخوف بعيون ابوها شلون لو قالت له: يبه صاحبتي بالمستشفى
ابو بدر صار يضحك: هههههه كل هاذا مشان صاحبتك بالمستشفى
انفال تناضر فيصل وبعدها ابوها: إي يبه
ابو بدر ببتسامه: روحي لها بس لا طولي
انفال: نشالله يبه 'طلعت من عندهم «وين بروح احسن شي بروح غرفتي ولا اطلع»
ابوبدر: هههههه والله انها طايشه هالبنت..وانت هيك تطلب البنت هههههه
فيصل «وش بقول لعمي» بتوتر واضح: والله عمي انا فكرت انها جايه تقول انها رافضتني
ابو بدر بجديه: إهي داريه
فيصل بسرعه: لا لا بس اختي داريه وفكرتها قالت لها وانا لسا ما قلت لك
ابوبدر: هههههه والله اغرب طلبه بالتاريخ
فيصل بجديه وبصوته ارجولي: عمي يشرفني اطلب يد بنتك انفال على سنة الله ورسوله
ابو بدر ابتسم: والله وهذي الساعه المباركه..بس انت عارف الشور الاول والاخير للبنت
فيصل: اكيد عمي
ابو بدر: يا هلا ومسهلا بالغالي
فيصل انحرج: بالمهلي
ابو بدر: بروح اشوف العشا وجي
فيصل: خذ راحتك

طلع ابو بدر وفيصل تنهد براحه: ااااه «اكيد انفال كانت بتقول لعمي بس الحمد لله انها ما قالت لاكان رحنه بيها.. بس والله عرفت تتصرف بالوقت المناسب..بس ليش ما قالت له..المهم عدا الموقف عـ خير»

ثاني يوم السـ٩:٠٠ـاعه
كانت العيله مجتمعه على الفطور
ابو بدر: ها وش قلتي يا انفال من مبارح وانا قايل لك وابيك تعطيني الخبر لاني بشوف فيصل بالشركه واكيد يستنى الخبر مني مثل ما قلت لك هاذا ولد عمك وشاريك لا ترفضيه وانا ابوك ولا تنسي انه طلبك مني قبل سنه ودليل انه صدق يبيك
انفال«الله لا يسامحك يا فيصل لا يسامحك خلص انا من اليوم اعتبر نفسي ميته: خلص الي تشوفه يبه 'وراحت هروله لغرفتها الكل فكرها خجلانه الا ريماس الي عارفه حالت اختها'
ابو بدر فرحان: شكلها خجلانه ههههه
ام بدر: يمكن
ريماس ناضرتها: اكيد خجلانه مو مثل بعض الناس لما يجي واحد يطلبها بكل جرائه تقول 'بمصخره: موافقه موافقه..وفي بعضهن يدبرن رجال يتزوجهن
ابو بدر: وش ذا الكلام الي تقولينه
ريماس: مافي شي انا بروح اشوف اختي

.......
بغرفة انفال
انفال راميه نفسها على سرير وتصيح: إهيييئ إهئ
ريماس شافتها وراحت لها ركض: انفال
انفال رفعت راسها ودموعها ماليه وجهها وشعرها الي على وجهها: انااااا انتتتهييت خلللص انتهااا كللل شيي 'صارت تضرب سريرها: لييش للييش وش سويت لحتى انتهي كذا
ريماس تضايقت على اختها وراحت وضمتها: اششش اهدي لابوي يسمعك
انفال تحضن اختها: ابي اموت اهييئ اهيئ كيف بعيش معه
ريماس نزلن دموعها: وش الكلام الي قلتيه حرام عليك تسوي كذا
انفال بين شهقاتها: إهيئ احس مو قادره اتنفس
ريماس ابعدت اختها عنها ومسحت دموع اختها وشالت الشعر الي ع وجها: يله قومي توضي وصلي ركعتين وادعي ربكي يهونها عليك
انفال وقفت وهي لسه تصيح: نشالله

‌ζζζζζζζζζζζζζζζζζζζζζζζζζζζζζζζζζζζζ

الشرکه
فیصل طار من الفرحه من سمع الكلام: الله يبارك فيك يا عمي
ابو بدر: ها فرحان
فيصل يحك شعره باحراج: إي عمي
ابو بدر ضرب كتف فيصل بمزح: ههههههه
فيصل: عمي اليوم نجيب الشيخ ونكتب الكتاب
ابو بدر: خلص ماشي اليوم معزومين عندنا على العشاء ومنها نكتب الكتاب
فيصل: نشالله عمي

ๅาๅาๅาๅาๅาๅาๅาๅาๅาๅาๅาๅาๅาๅาๅาๅาๅาๅาๅา

بيت اهل فيصل
فيصل نزل من سيارته وراح ركض وقف بنص الصاله: ييييييمه ييييمه
نجلاء كانت بصاله تكبس بجوالها: انت هي وشفيك
فيصل راح لها وباس خدها: فرححااان وابي اطير من الفرحه..وين امي؟؟
نجلاء وعلامات الستفهام على راسها!!: مين انت
فيصل ضربها عـ جبهتها بخفه: اقول طيري بس
نزلت ام فيصل من درج: وشفيك تصرخ وش فيه!؟؟
فيصل راح لها ويبوس يديها وراسها: ييمه وافقت وافقت باركي لي
ام فيصل: كللللللييييشش مبروك يمه مبروك
نجلاء تناضر لهم ومو فاهمه شي!!: يمممه وش فييه!؟؟
ام فيصل: اخوك خطب انفال وافقت
نجلاء وقفت على الكنب: هيييييه
ام فيصل: انزلي يا بزر لا تكسري الكنب
نجلاء راحت لهم وتخصرت: ليش انا اخر من يعلم
فيصل ببتسامه: ما تبي تباركي لي
نجلاء سلمت على اخوها وباركت له
فيصل: جهزو حالكم لان عمي عازمنا عندهم واليوم كتب الكتاب
ام فيصل ونجلاء: كللللللييييييشش
فيصل راح غرفته واخذ له شور وبعدها تكلم مع شيخ وحدد الموعد وتمدد على سرير «اخيرا راح تكوني لي يا انفال..معقوله كيف بتكون حياتنه معقوله تسامحني وتحبني كيف راح احط عيني بعينها وكيف بخليها تسامحني آآآآخ لو تدري كم احبك يا انفال..واعشقك واموت فيك بس انتي حسي بي»

ใๆใๆใๆใๆใๆใๆใๆใๆใใๆใๆใๆใๆใๆใๆใๆใๆใๆใๆ

بيت ابو بدر
انفال لبست فستان اسود وحطت مكياج خفيف وخلت شعرها مفرود على كتافها «والله وانتهيت كيف بسوي انا لازم اسوي اي شي بس بس ماقدر انا غصب عني راح اتزوجه لان مافي حل ثاني»

...........
بغرفه ريماس
لبست فستان زهري فاتح ضيق لتحت الركبه بشويه شفاف من فوق مع اكمام شفافه ولبست كعب ناعم لونه زهري وراحت عـ غرفه اختها تشوفها جهزت ولا لا من شافت اختها شهقت: شلابسه انتي رايحه عزاء
انفال: إي عزاي

ريماس تحاول تقنع اختها: يا انفال لا تخلي عمتي ونجلاء يشكو بشي
انفال بضيقه: وانا وانا وش اسوي بحالي والله مو قادر اصدق احس نفسي جسد بلا روح احس نفسي بحلم
ريماس فتحت خزانت اختها تبي تشوف لها اي فستان: شوفي انا فاهمه عليكي بس انتي لازم ما تبيني لهم ويله بسرعه البسي ذا الفستان
انفال اخذته بستسلام: ماشي بلبسه بس انتي اطلعي
ريماس جلست على السرير وتربعت: انا جالسه هنا وانتي بسرعه جهزي نفسك لانهم ماراح يتاخرو
انفال: خلص ماشي

....................................

.
.
.
.
.
.
.
.
.
.
.

بعد مرور عشر ايام
انخطبت انفال من ثلاث ايام وكانت نفسيتها زفت..يعني تدمرت حياتها ويضيع شرفها من شخص ما كانت توقع انه يدمرها..ولد عمها الي لازم يحميها ويخاف عليها دمرها بلحضه تسليه..وبعدها يتعايش مع الموقف وكان عقله بيده وطلع كل الموقف من عقله وكمل حياته..وبعدها يخطبها باجبار منها لان مافي مفر من الموقف..ويواجه ابوها ولا كانه مسوي شي..هل صدق فيصل كذا معقوله فرحان بالي سواه وحقق امنيته انه يتزوج انفال حتى لو غصب عنها وليش لما تشوفه ما تحس بالندم بعيونه لهدرجه هو عديم احساس ومشاعره خاليه وقلبه حجر ولا انفال ما تشوف الندم بعيونه ولا هو ما يبين مشاعره
.

...........................

بيت اهل فيصل
اليوم الاثنين الساعه7:15
ريماس مع سواقهم تستنى نجلاء تجي لها لحتى يروحو مع بعض مثل العاده للمدرسه
ريماس واقفه عند سياره وماسك جوالها وبعصببه ادق عـ نجلاء الي تاخرت سمعت الوو من نجلاء: اقوول بسررعه تاخرنا لي ساعه انتضرك
نجلاء حاطه سمعات باذانه وحاسيه بين الكتب: ماشي ماشي بس كتابي الحياء مو بلاقيته
ريماس زادت عصبيتها: خمس دقاااييق لوو ماا نزلتي برروح واخليك 'سكرت جوالها بعصبيه'
نزل راشد من درج المدخل واهو كاشخ بشماغه وثوبه الابيض الي معطيه هيبه فوق هيبته: اهللين
ريماس «كملت والله ما ناقصني الا شوفتك» بعصبيه وصوت عالي: شوف عاد مالي خلق لك اذلف عن وجهي لا يجيك بكس ع وجهك
راشد حب يتمسخر عليها شوي لانه يحب يعصبها: اوف اوف وش سوينه كل الي حكيناه اهلين
ريماس كرهانته لسا بعد الموقف الي صار لها: قلت هلا في شي ثاني
راشد ضحك هلى ردها: هههههههه لا مافي شي بس تصدقين احب اشوفك معصبه
ريماس تنهدت بنفاذ صبر: اااه الله يجيبك يا طولت البال..بتنقلع ولا شلون
راشد رفع حاجبه: لا مابي بيتنا وحر
ريماس ماعاد تحملت لفت لسياره: قول لختك اني رحت وخلها دبر نفسها
راشد خاف انها صدق تروح واهو يبلش باخته.. وبسرعه: لا خلص اسف اسف بس لا تبليني مع الشيطانه اختي
نجلاء جت من وراه بعصبيه: اناااا شيطااانه
راشد لف لها: ها لا لا ماقصدكي اقصدها هي
ريماس ونجلاء: مييين هي
راشد حس نفسه راح يموت اذا ظل دقيقه: ما احد ما احد 'وراح عـ سيارته بسرعه وانطلق بيها للجامعه'

..........

بغرفه فيصل السـ9:26ـاعه
كان منسدح على سرير وماسك جوالها ويطالع الاسم المكتوب *روح روحي* الي متردد يدق عليه ولا لا
«اخاف ارن عليها وتسمعني كلام يسم مثل كل مره ادق عليها..بس انا لازم اشوفها واكلمها من يوم الملكه لسه ولا واجهتها» وغير رايه ودق على عمه
عمه: الووو
فيصل ببتسامه: اسلام عليكم كيفك عمي
ابو بدر: هلا والله بولدي فيصل يا هلا بزوج بنتي
فيصل فرح مره من كلمت عمه..زوج بنتي: هلا عمي الا جيتك بطلب
ابو بدر: انت تامر مو تطاب
فيصل: ما يامر عليك ضالم 'وبتردد: عمي انا حاب اعزم انفال عـ الفطور اليوم
ابو بدر: ههههه يعني بتسحب ع دوامك
فيصل متردد: إيه عمي اذا تسمح
ابو بدر: اكيد وانا عمك..انفال بنت عمك وزوجتك بالشرع روح خذها وغير جو
فيصل طار من الفرحه: مشكووور عمي يله سلام
ابو بدر ببتسامه: مع اسلامه
๐๑๐๑๐๑๐๑๐๑๐๑๐๑๐๑๐๐๑๐๑๐๑๐๑๐๑

بيت ابو بدر
رن جرس الباب..ام بدر: ميري ميرري قومي شوفي
الخدامه راحت بسرعه: مين
فيصل: انا افتحي الباب بسرعه حرقتني الشمس
فتحت الخدامه الباب ام بدر: مين
الخدامه: هذا بابه فيصل
ام بدر «اففففف يا كرهي له: وش تبي
فيصل من ورا الباب واهو يسمع صوتها: جيت اخذ انفال
ام بدر«هه عصافير الحب» حطت الطرحه على راسها: ادخل
دخل فيصل ومنزل راسه: اسلام عليكم
ام بدر تناضره «والله وطلع مزيون الاخ: اهلين انفال بغرفتها روح لها تلاقيها نايمه
فيصل متردد: ها بس
ام بدر: لا تستحي انفال زوجتك روح لها
فيصل: عن اذنك

...........
بغرفه انفال
انفال كانت نايمه مثل الفراشه بيجابمتها الوردي اناعمه
دق فيصل الباب بتردد..ما سمع رد ورجع دق ثاني مره بس في سمع رد كان يبي يدخل بس متردد «وشفيك فيصل ذي زوجتك» ودخل وظل واقف عند الباب متردد إنه يدخل بس شجعع نفس وقال لازم تتعود علي مكفي انها ما ترد عـ اتصالاته وتتجنبه بكل وقت...راح وقف عند سريرها وانفال نايمه وعطيته ضهرها..وفيصل جلس عـ طرف سريرها وبصوت هامس متردد: انفال..انفال..

انفال نايمه ولا حاسه عليه
فيصل هزها من كتفها: انفال حبيبتي قومي
انفال تحركت شوي وبعدها فتحت عيونها وفركتهم بنعس ولفت للجهه اثانيه..وهنا كانت الصدمه من شافته فتحت عيونها بقووه ومو بمستوعبه شي لانها توها صاحيه
فيصل ببتسامه تخقق: واخيرا صحيتي لي ساعه اصحيك

انفال هنا صدق استوعبت كل شي..قامت من مكانها بسرررعه صارت تتراجع لورا واهي مو بعارفه وين تمشي..وكانت تتنفس بسرعه وكان الهوا انقطع من حولها وبكلمات متفطعه ويادوبها تطلع الاحرف من فمها: أإآنــ،ـت و وش جابك هنا

فيصل وقف: جيت اخذك مشوار معي وابوك داري
انفال تفجر ادموع بعيونها وبترجي واهي ماسكه بلوزتها من فوق وكانها مختنقه: اطلع مـ مشـان الله
فيصل مستغرب من ردت فعلها وصوتها المرتجف الخايف: وشفيك
انفال كل لحضه تذكرها بذاك اليوم الاسود الي دمر حياتها..تهز راسها وهي ترتجف: لا يا فيصل لا

................

اسلام عليكم

اتمنى لا تنسو اتصويت😘😘
ورايكم يهمني😊😊