رواية أنا أسف على غلطتي ﴿روايه سعوديه مكتمله﴾ — الفصل 9 — بقلم Hanadi2000
ريماس اخذت الصينيه وطلعت وبعد دقيقه ما ينسمع بالبيت الا صوت تكسير الكاسات
ام فيصل راحت بسرعه وراها ام خالد وشافت ريماس طايحه عـ الارض: ريييماس
وام جوهره طلعت للحديقه تناديم: تعاالوو الحقوو عـ ريمااس بسررعه
نجلاء راحت ركض وراهم..وراشد قبليها
......
بصاله ام فيصل جالسه وحاطه راس ريماس عـ رجولها وتحاول تصحيها: ريماس ريماس
نجلاء وصلت وقفت بصدمه: يمه وشفيها ريماس
وراشد دخل وبسرعه راح لها وشاف منضرها طايحه وحولها القزاز الي متكسر..وبدون اي تردد حملها وحطها عـ الكنبه اطويله: بسرعه حد يجيب بصل او عطر
راحت ام جوهره بسرعه..
وراشد شممها البصل وبلشت تصحه
نجلاء ودموعها سيل عوجها وجلست ع ركبها عـ الارض عند راس ريماس: ريماس قلبي وشفيك
ريماس لفت لها كانت تفتح عيونها ومره تسكر
ام فيصل جابت مويه ورشت شوي عـ وجها وشربتها
راشد: نجلاء روحي جيبي عباتك خلينا نوديها المستشفى
ريماس بتعب: لا مابي
نجلاء: مو عـ كيفك
وراحت نجلاء جابت عباتها
طلع راشد يشغل اسياره.. ومسكتها ام فيصل وام جوهره يساعدوها تركب اسياره: انتضر راشد بروح معك
راشد: لا يمه ماله داعي هي نجلاء معي
ام فيصل: بس يمك البنت تعبانه
راشد: يمه ما نبي نتاخر..وتبي تخلي خالتي لحاله
ام فيصل: الي يريحك بس رد لي خبر سريع
وطلع راشد للمستشفى
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँ
باريس
بلش غروب الشمس وانفال جالسه وضامه رجولها واطالع الغروب ببتسامه
فيصل: تحبين غروب الشمس
انفال: إيه مره احبك..تحس فيه امل وشعور غريب..ولما اشوفه اتحسف اني ما اشوفه واجد
فيصل جلس عندها: حتى انا لما اكون متضايق من شي احب اجلس لحالي وطالعه احسه يعطيني امل
انفال: تعرف احلا شي لما اطالع الغروب عند البحر شي روعه ولما يعكس عـ البحر ويعطي لون البرتقالي تحس نفسك بعالم ثاني كله هدوء
فيصل: صح كلامك
بعد غروب الشمس بلش الجو يعتم وهم لسه جالس
انفال بهدوء: ليش جبتني لهنا وش خطر عـ بالك
فيصل: حسيتك ماله لحالك من الجلسه بشقه فحبيت تغيري جو وتشوفي المكان هذا دايم لما كنت اجي فرنسا مستحيل ما اجي هنا المكان هذا غالي عـ قلبي
انفال: تجي لحالك ولا معك ناس
فيصل التفت لها ببتسامه: لا لحالي بس انتي اول شخص اجيبه هنا
انفال وقفت: طب نروح البيت
فيصل: يله
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بيت اهل فيصل
بعد ما راحو للمستشفى وسو لها فحص دم لقو ان نقص بالدم..وقالو هذا سبب الدوخه وقلت الاكل..وعطوها مغذي والحين وضعها احسن ورجعو للبيت
ام فيصل اول ما نزلو من سياره راحت لها وضمتها: الحمدلله عـ سلامتك يا عمري والله خفت عليك
ريماس ببتسامه تعب: الله يسلمك
ام جوهره وبنتها: الحمد لله عـ سلامتك
ريماس: الله يسلمكم
راشد: البنت تعبانه ودوها داخل ترتاح
نجلاء حطت يدها على كتوفها: انا بوصلها بعيوني
ريماس: يا بعد عمري والله
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
فرنسا
اول ما وصلو الشقه شلحت انفال شالها وفردت شعرها: انا بروح غرفتي
فيصل لف مقابلها وبسرعه مسك يديها: انفال
انفال هنا صنمت ما قدرت تتحرك كانت اطالع بعيونه بدهشه واول مره تكون له بهالقرب ووجه لوجه ..كان قلبها يدق بسرررعه..ما حست الا انه منزل راسه لها وباسها وانفال بعدت عنه ومدت يدها بتعطيه كف بس بسرعه مسكها: وشفيك انا مو زوجك
ا
نفال طالعه بصدمه مو مستوعبه شي وراحت تركض للحمام وصارت تغسل بوجها
وفيصل حط يده عفمه وراح لها: وشفيك
انفال بعد ما غسلت وجها..فيصل واقف عند الباب بس هشي ما يمنعها تتعد..بس فيصل بسرعها مسكها ولزها عـ الجدار ورفع يديها بيده وبيده الثانيه ماسكها من ذقنها بهدوء..وحط عينه بعينها الي دمعت: اسمعي انا زوجك وماله داعي حركاتك
انفال دمعن عيونها
: ابعد عنني ياا فيصل موو متحملله شووفك..ابعد
فيصل شاف دمعه نزلت من عينها وترك ذقنها ومسح دمعتها: انا اقول لك ما احب اشوف دمعتك
انفال نزلت راسها: فيصل ابعد عني..انت ليش هيك تحب تضايقني وما تخليني لحالي
فيصل تركها: خلص انسي
انفال دون ولا كلمه راحت غرفتها
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بيت اهل فيصل
بعد ما طلعت ريماس غرفتها ونامت بسرعه حتى ما تعشت لانها تحس ما لها نفس لشي
وراشد من وصلهم طلع مشوار وقال بيتعشا بره
وام جوهره وبنتها نامو عندهم
...
بغرفت ريماس ونجلاء..صحت ريماس وشافت الساعه كانت ١٢:٣٠ بالليل ..وما شافت نجلاء نايمه عندها توقعت انهم لسه سهرانين بعد ما لبست ولفت طرحتها لانها تتوقع تشوف راشد معهم اول ما فتحت باب غرفتها هنا اصدمه شافت منضر ولا توقعته شافت راشد واقف بالممر وكانت الجوهره كاشفه شعرها وماسكه يدينه..راشد لف لها وبسرعه سحب يدينه..اما ريماس من بعد ما شافت المنضر بسرعه دخلت وسكرت الباب
راشد: عجبك الموقف الي حطيتينا بيه
جوهره بدلع: عاتي ما تهمني
راشد رفع حاجبه: بس تهمني
جوهره حطت عينها بعينه وكانها تبي الجواب منه: تحبها
راشد: وش خطر ع بالك تسالي هيك سؤال
جزهره: مبين من عيونك
راشد: غلطانه انا ما احبها..وخلي عنك تفكير الوسخ ذا وروح انزلي تحت
جوهره نزلت وقلبها يغلي من راشد
وراشد راح غرفه ريماس وبسرعه فتح الباب: ريماس
ريماس واقفه مقابل المرايه وخترعت من دخول راشد وبسرعه حطت الطرحه عـ راسها..وبعصبيه: خير مافي باب يندق
راشد: ما يهم..انا جاي اقول لك اني الي شفتيه مو مثل ما تفكري
ريماس: وليش تبرر لي..هشي ما يخصني
راشد: لا يخصك..جوهره هذي وحده ما تستحي عـ وجها استنتني عند باب غرفتي لحتى اطلع
ريماس: راشد اطلع برا مكانك غلط..وثاني شي مو تسوي اغلاطك وترميها عـ غيرك
راشد: مالي شغل بيها والله ولا قد كلمتا
ريماس بخوف: راشد لا حد يجي وتورطني..اطلع بسرعه واذا علي انا ما راح اقول لحد بس اطلع
راشد بصرار: مو بطالع الا لما تفهمي اسالفه
ريماس مشت: لعاد انا بطلع وسولف مع نفسك
تعدت من عنده وراشد لف لها: ريماس
ريماس لفت له: طب ليش تبي تبرر لي انا مالي بيك
راشد: لانك تهميني ومابي تاخذي عني فكره
ريماس وترها كلامه وراحت نزلت وخلته
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
فرنسا
فيصل رجع لشقه وكانت الساعه١٢:٠٠ ودخل داخل وراح الغرفه لانه يبي ينام بس دخل غرفه انفال..الي كانت نايمه وما حست الا بشي يرتمي عـ تخت وبسرعه فزت وشافت فيصل نايم حدها وقفت بسرعه: وش جابك
فيصل طالعها وكلامه ما ينفهم: ابـ،..‚ـي انـ نام
ورمه راسه عـ المخده وغمض عيونه وانفال كانت جايه له بتشيل الجزمه عن رجوله بس ترددت واخر شي شلحاتها...فيصل ولا حاس وكان غرقان بنومه..وبعدها راحت لغرفته وقفلت الباب ونامت
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بيت ام فيصل
كانت السهره لسه عامره بيت اهل فيصل
وبعد ما جت ريماس وشاركتهم بسوالف.. وجوهره ولا كان شي صار تسولف وتضحك وراشد جا لهم وكان كل شوي يطالع ريماس ما يدري ليه انه يبها تصدقه ما تاخذ عنه فكره غلط يبي يفهما بس مو قادر..
ام جوهره: والله مشالله عليك يا ريماس ادب وخلاق وجمال والله لو عندي ولد كبرك لاخذتك
الكل يتلفت لثاني بصدمه الموضوع جا فجاه ريماس مو عارف تتكلم
بس راشد قطع الهدوء: لا خالتي ريماس محجوزه
جوهره بسرعه: لك
ريماس وراشد طالعوها مع بعض
ريماس بصرامه: احترمي نفسك
جوهره برود مستفز: شو قلنا
راشد: محجوزه لولد خالها
نجلاء بصدمه: مييين
راشد: اسمه سالم
نجلاء فهمت اسالفه طالعت ريماس ويضحكن مع بعض
نجلاء: ههههههه حتى راشد هههههه عنده خبر
ريماس: وصدق ههههه
راشد طالع فيهم: وشفيكم
نجلاء: يا غبي هو اصغر منها بسنتين ولما كان بزر كان دايم يقول ل امه..انا بتزوج ريماس لانها ما تضربني وتعطيني ككاو هههههههههه ومن ذيك الايام لليوم ما نسو اسالفه ههههههه
الكل صار يضحك عـ سالفه
وراشد ما يدري ليه انبسط..وطالع ريماس: يعني تكذبي علي
ريماس تضحك وتهز راسها: إي إي هههههههه
ام فيصل: ههههههه شو مكذبه عـ ولدي
ريماس: انا قلت له اني محجوزه لولد خالي ههههههههه
ام فيصل: ههههههه
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़़ँः़ँः़ँः़ँः़ँः़ँः़ँः़ँः
ثاني يوم صباح السـ٩:٤٣ـاعه
فرنسا
بالشقه انفال بغرفه فيصل وفيصل بغرفتها
فيصل صحي من نومه وشاف الغرفه واستغرب هو وش جابه هنا وانفال وين نامت هنا ولا رجعت للحمام وبسرعه راح وفتح باب الحمام: انفال
وراح لصاله وللمطبخ والبلكونه وما لقيها واخر مكان توقعه انا تكون بغرفته لانها ولا مره دخلتها وهو موجود ونسي ان في غرفه وبسرعه راح لها وكان بيفتح الباب بس مقفل «اكيد نامت هنا لما رحت غرفتها» راح رما نفسه على الكنبه «اذكر كنت تعبان وراسي يالمني مررره وحيت بطلبها بنادول بس شكلي ما قدرت اكلمها..الله يستر وش راح تسوي لما تصحه اكيد بتسب وتعصب وتسمعني كلامها الي يجرحني..الله يعين»
بعدها حس بفتح باب غرفته وطلعت انفال وهو وقف: صباح الخير
انفال طالعه بعتاب: انت مبارح ستنيتني لما نمت وطلعت وخليتني لحالي..يعني لو عندي شويت ثقه بيك الحين راحت
فيصل يتقدم لها وبنبرت عتاب: لو عندك.....ليش انتي ما عندك ثقه فيني
انفال: توقعت تعرف اني ما عندي ذره ثقه فيك
فيصل رجع جلس عـ الكنب وحاط رجل فوق رجل وبرود..عكس النار الي حارقه قلبه: ليش تتوقعي يهمني كلامك او يفرق معي..او راح تجرحيني مثل قبل..انا عرفت ان الحترام وطيب ما يجي معك..من هان وطالع انا بطلع كل يوم وانتي دبري حالك
انفال وبنفس برود فيصل..وكانت واقفه وراه ولا شايفه تعابير وجهه: ع فكره صارت عندي قوت قلب ما اخاف لو كنت لحالي.. اكيد بدبر حالي وبرجع للسعوديه
فيصل: توقعتك تقولي كذا..بس ما تقدري تخافي وذا رجعتي وش بتقولي ل ابوك
انفال: اقول انك مت ورتحت منك
فيصل لف لها وهو لسه جالس..بعصبيه: نعم وش قلتي
انفال متوجهه للمطبخ: الي سمعت..ولا تستخف بي لاني اسوي ابوها
وراحت للمطبخ وفيصل منجن منها جها بطيب ولين ما نفع وجاها بالخاوه والقوه ما نفع مو عارف وش يسوي قال في اقتراح ويبي يسوي
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بيت اهل فيصل
كانت ريماس جالسه بالحديقه تحس في وقع براسها وملانه تحس تبي احد يكون معها يسالها عن حالها يهتم لها ياخذ ويعطي معها بس مافي صح نجلاء مقربه لها واي شي يضايقها ترجع لها..بس تبي ناس يكون معها بالبيت بوحدتها من بعد اختها..يجيها يسالها تغديتي تعشيتي تعبانه محتاجه لشي
دمعت عينها لما تذكرت وحدتها
«معقوله وش يقصد راشد ما قال لانك تهميني ممعقوله يحبني..لاا وش تقولي يا غبيه مستحيل» وتنهدت بضيق: اووووووف
..حطت يديها عـ طاوله وركت راسه عليهم..وما حست بنفسها الا ومغمضه عيونها وغاطه بنومها
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بفرنسا
انفال طلعت من المطبخ ومعها قهوه وشافته لسه عـ محله: متى بنرجع السعوديه
فيصل ولا كانه سمع
انفال قربت له: بسالك متى بنرجع لسعوديه لاني مليت منك ومن المكان الي انا فيه
فيصل ولا طالعها حتى
انفال تنرفزت: ليش ما ترد..عـ كل حاله ما يهم
وراحت للبلكونه تاخذ نفس وفيصل كان يطالع تلفزيون ولا همه كلامها..لانه اتخذ قرار انه ما يكلمها يبي يشوف القرار الي اتخذه ينفع معها
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بيت اهل فيصل
ريماس كانت لسه نايمه ومو حاسه على نفسها.. طلعت نجلاء للحديقه دورت عليها لانها صحت ما لقتها..وشافتها حاطه راسه عـ طاول وراحت لها: وشفيك جالسه لحالك
بس ريماس ما ردت ونجلاء طالعتها وشافتها نايمه وستغربت نومتها وبهالمكان راحت وجلست مقابلتها وسرحانه بيها «الله يعينك عـ العيشه الي كلها تعب وشقا ابوك ولا داري عنك ودايم يحط الحق عليكي ويضربك بسبب العقربه الي مو مخليتك تعيشين لحالك..معقوله لمتى وانت هيك..حتا اختك راحت وما في احد يواسيك بالبيت الله يعينك»
راشد كان واقف ورا نجلاء: اسلام
نجلاء بسرعه لفت له وحطت اصبعها عـ فمها: اشش
راشد شاف ان ريماس نايمه..وراح ل اخته وبصوت واطي: وش فيها
نجلاء مسكت يده وبعدت عن ريماس: مدري جيتها وكانت نايمه
راشد: لا يكون تعبانه وصاير لها شي
نجلاء طالعتها ورجعت طالع اخوها: والله ممكن كلامك صح..لانها مبارح بالليل رجعت لها دوخه
راشد: اكيد بترجع لها دام مافي احد وراها ينبها ويقول لها وش تاكل..لان لازم تاكل شي صحي يقوي دمها..بس مافي ناس يسالها اذا اكلت اصلا
نجلاء: الله يعينها حتى انا بيني وبين نفسي اقول مثلك..البنت وحيده وما احد يسال عن حالها فيتهم
راشد: انا بقول لعمي ينتبه لها
نجلاء: مو غلط..بس اخاف يبهدل ريماس
راشد: ليش هي وش دخلها
نجلاء: اكيد بيقول لها انها بتشكي لنا عن معاملته معها
راشد يطالع ريماس الي بلشت تتحرك: صحت ريماس..انا بقول له بطريقتي
نجلاء لفت لها وكانت ريماس معطيتهم ظهرها: بروح لها وبشوف كيف وضعها..وانت روح للخدامه قول لهم يجهزو لها الفطور
راشد: ليش خدام
نجلاء: افففف خلص انا بقول لهم
راشد: لا خلص بقول لاني كمان ما افطرت
نجلاء راحت ل ريماس الي ولا درت عنهم: صباح الخير
ريماس ببتسامه: صبح الورد
نجلاء: وشفيك نايمه هنا
ريماس بنعس وتتثاوب: مدري ما حسيت بنفسي الا ونايمه دون ما احس ع حالي
نجلاء بزعل مصطنع: ليكون ما ارتحتي بالنومه عندنا
ريماس: لا بالعكس مرتاحه مرره..ما يقولو النوم سلطان
نجلاء: هههههه لا بالله فاضيه
ريماس وقفت: بروح اغسل وبرجع
نجلاء: اوك..مشان نفطر
ريماس: ماشي..الا صح وين جوهره
نجلاء: لسه نايمه مبارح طول الليل سهرانه
ريماس: اهاا
......
بالمطبخ كانت الخدامه تجهز الفطور
وراشد فوق راسها..يبيها تجهز فطور صحي ل ريماس
ودخلت ريماس من باب المطبخ الخارجي: صباح الخير
راشد: صباح النور
ريماس كملت طريقها لاحمام ((وانتم بكرامه)) وغسلت وجهها وطلعت
راشد: كيفكي اليوم نشالله احسن
ريماس تفتح الثلاجه: الحمدلله احسن
راشد: اسمعي اليوم الفطور بتاكليه كامل
ريماس بعد ما شربت المويه: هههههه وش شايفي دبه
راشد: لا والله شايفك عود كبريت
ريماس تخصرت وبزعل: راشد
راشد: ههه خلص خلص
ريماس طلعت وراحت للحديقه
ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः़ँः
بعد مرور خمس ايام
كانت الجواء زادت عن حدها عند فيصل وانفال..فيصل ولا يكلمها زاد قسوته عليها يطلع من البيت ما يرجع الا بنص الليل بس اكيد يدخل غرفتها يشوفها لانه يشتاق لها..ويبوس راسها دون ما تحس ويروح غرفته ويرجع يطلع ولا كان في حد عايش معاه
وانفال ممكن تشوفه بالصدفه داخل او طالع من شقه.. نحفت مرره عن قبل..وانسدت نفسها كانت تضيع وقتها تتطلع للحديقه الي دايم تروح لها وتعرفت ع وحده كويتيه بالحديقه..او تتكلم مع اختها اذا تضايقت وحست نفسها مخنوقه بس مو كل شي تقوله لحتى ما تحاتيهاا وتخاف عليها..وما تدري عن وضع ريماس الي تدهور حالتها
ريماس كانت تغيب عن مدرستها بسبب صحتها الي تدهورت..كانت تحس بدوخه وجها مصفر ونحفانه
نجلاء كانت تشوف حالها كيف تدهور بسرعه وقررت تقول ل امها وراشد لان الوضع صار خطير
.......
فرنسا
رجعت انفال من الحديقه قبل غروب الشمس بشوي لانها بلشت تمطر..وتعودت ع وحدتها وبطلت تفرق معها اذا فيصل تاخر ولا لا..سوت لها كفي وراحت تحضر لها اي فلم تضيع وقتها فيه
وصارت الساعه ١٢:٣٠ وزادت الجواء رعب كانت تمطر بغزاره برا..الا وتنقطع الكهرباء وهنا انفال حست بيغمي عليها من الخوف مكفيها صوت المطر وبسرعه شغلت فلاش جوالها ولبست شالتها وطلعت من الشقه كانت تنزل درج تبي تشوف وش سبب قطعت الكهربه حاسه بخوف وعدم امآن تنزل شوي شوي وما حست الا بشخص يحاوط خصرها من ورا
تعبت
ياريت تفرحوني بتصويت وتعليق حلو مثل عيونكم
🙈🙈💞💞💞💞💞😘😘
👇👇⭐