رواية انا بنت فيني رقه وجمال ونعومه بس لايغرك اني ضعيفه وما اعرف انتقم الفصل السابع عشر 17 - بقلم Khalek Poetess

روايتي الاولى:أنا بنت فيني رقه وجمال ونعومة بس لايغرك اني ضعيفة وما أعرف أنتقم/كاملة - صفحة 7
عنود وبطنها يالمها من الجوع/ياربيي...بطني يالمني..جيعااااانه متى بيقربون ذولها
ولفت للميس الي كانت جالسه على جوالها وقالت برجاء/لمييس قوليلهم يجيبون الاكل ترا ما اتحمل
لميس وقامت/حتى انا والله ... شكلي بروح اشوفهم متى بيجيبون
طلال وقام/لاا خلاص خليك هنا... انا بروح اشوفهم
لميس/اها..طيب
قعدت محلها وطلال راح يشوووفهم
جود بجراءه/الا يا عيال ...طلال مين يحب ؟؟
بسام/مممممم ما اتوقع يحب احد
نواف بخبث /الا تراه يحب وحده
جود/ومين هي
نواف/ماراح اقولكم اسم البنت بس بقولكك حرف اسمها الاول
ساره/لحظه ..الي يحبها طلال ..موجوده هنا؟؟
نواف/ايوه وهي وحده منكم
جود بحمااس/طيب وش حرف اسمها الاول
نواف/حرف اللام
ساره وتفكر/لام...لام ...يعني هو يحب ...لميسسسس!!!!
لميس بصدمه/اناا !! لاا ماتوقع
ساره ونست لمى /الا.. شكلها انتي.. لانك انتي الوحيد الي اسمها يبدا بحرف اللام
جود/هي هي لحظه ...نسيتون لمى ... ترا اسمها يبدا بحرف اللام كمان
لمى بخجلللل وبشويه فرح ووجها سار طماطم/لا جود مستحيل ييحبني...اكيد هو يحب لميس
لميس(لاا يارب/لاااا ويننن انا ..اكيد انها انتي ..لانكم مناسبين لبعض
لمى بخجل/لاا ما اعتقد
عنود/خلاص طيب ليش ماتسالوه الكيه جاي
لميس/عنود مايحتاج ترا ..اكيد انه يحب لمى ..متاكده انا 100 %
عنود(ي بقره يحبك انتي/طيب يمكن تكون انتي وش دراك
لميس بنفي /لاا مو انا ... انا متاكدهه
عنود /وش الي يثبت
لميس بهمس مايسمعه العيال/ لاني اتوقع ان لمى تحبه ..شوفي وجهها كيف محمر ..بعكسي انا..ولاحظي كيف هي فرحانه لمن دريت انه يحبها ...وترا بيكون افضل لو يحبها هي عشاان يكون حب من طرفين وكذا
عنود/يعني انتي ماتحبيه!؟
لميس/لا ..انا احبه ..بس كيف اقولك ..يعني عادي كولد عمي لا اكثر
عنود بغموض /انتي تحبين وليد مو صح
لميس نزلت راسها وتوه يحمر وجهها/ايوه احبه
عنود بارتباك/بس لجين ...
لميس/ ايوه..حتى هي تحبه ..بس اتفقنا انا وهي ان اذا وليد اختارها ماارح ازعل والعكس
عنود/اهااا..ووليد يحب مين ...انتي ولا هي
لميس/بصراحه ما ادري ..بس بساله
حست لميس باهتزاز في جيبها وكان من جوالها وفتحته لقت رساله من وليد
وليد
"لمووس كيفك؟؟...،انا تمااام الحمد لله بس فيني طفش مو طبيعي....ابيي اسالك.... اليوم انتي فاضيه ؟؟..اذا فاضيه ممكن اقابلك اليوم ...لاني بصراحه طفشان لوحدي... وقلت للجين اذا تبي بس لجين انشغلت وفهد نفس الطريقه وقلت بسالك واشوف ..بس اذا انتي مشغوله خلاص عادي...بس كنت ابي اسولف شوي معاك و..وفي كلام ابي اقوله له ...ردي لي اذا تقدرين ولا لا اوك؟؟؟
وليد"

لمييس حمر وجهها بزياده
عنود ولاحظت وجه لميس وجاتها اللقافه تشوف مين المرسل واشش مكتوب في الرساله
عنود/كيف كيف عطيني ...ابي اشوف
لميس ترددت للحظه بعدين عطتها الجوال
عنود قرات الرساله وفتحت فمها ولمن استوعبت..ناظرت لميس وقالت
عنود وغمزت/اووووووخسسسسس ياااهوووو طلع وراك معجبين
طلال وجا على كلام عنود وبلقافه/ايش تقصدين؟؟
عنود وطيرت جبهته/مو شغلك ..
ساره وتغمز/ياااهووووو ياطلال طلعت تحب من ورانا
طلال ومو فاهم/اييش!؟
ساره بخبث/نواف قالنا مين تحب ...واسمها يبدا بحرف اللام هااا...عرفناها ترا وحتى هي تدري
طلال ناظر لميس ولقى وجهها محمر وحسب انه وجهها كذا عشان لمن دريت انه يحبها .. وقال ببتسامه تاخذ العقل وهو في داخله بيموت فرح/ايوه احبها عندكم مانع
لمى نزلت راسها بخجلل اكثر
والكل يحسب الحين ان الي يحبها طلال لمى مو لميس
ريما/خلاص ترا البنت استحت
بسام وكاتم ضحكته/طلال يا الخاين تحب من ورانا ولا تقولي ...طيب طيب ..وهذا جزاتي لمن جيتك اول وقلت لك اني احب الجوري
الجوري هنا نزلت راسها باحراج
طلال /كنت ابي اقولكم بس مالقيت وقت
بسام بنص عين/ايوه رقع انت ووجهك...الا الفطور متى بيجيبوه
طلال/بيجيبونه الحين دقايق
وجابو الفطور بعد دقيقتين وجلسو يفطرون ولمن خلصو
طلعو من المطعم
عنود وبهمس/ها لميس بتوافقين..
لميس ونست السالفه/اوافق في وشو
عنود/في المقابله مع وليد
لميس/طبعا لا...راح اوافق اذا جا حد معي...اما اذا بروح لوحدي مستحيل
عنود ببتسامه عريضه/طيب وش رايك اجي معك
لميس/وبسام والجوري بتسبيهم لوحدهم في تمشيتهم..
عنود/خلاص بعطيهم فرصه انهم يكونون لوحدهم ...هم مخطوبين في النهايه يعني وش حاشرني
لميس/طيب اوك
عنود/بسوووم
بسام/هلا
عنود/ابي اقولك شي.... قرب
بسام قرب
عنود بهمس/على سالفه اني بطلع معكم انت والجوري..بخليكم هالمره تتمشون لوحدكم..في الليل بس مو الحين
بسام بفرح/والله!!
عنود/ايوه ...بس بشرط
بسام/امرري
عنود/انا الحين بطلع اتمشى مع لميس.. وماراح اكون هنا ...المهم انتبه لعبير لاتقرب من نواف طيببب ...والله يابسام لو غفيت عن مهمتك ودريت انه عبير جلست مع نواف ولا سولفت معاه ولا صار شي وقسما بالله لاجي معكم في التمشيه وترا بيوصل لي من البنات عن عبير واش سوت مع نواف ..لو دريت انك ماسويت شي وسبتهم لراحتهم باجي معاكم وما اخليكم تتهنون ..تفهم!؟
بسام/طيب من عيوني
عنود/لا خليها لك وش ابغا بها

عند لميس
ارسلت رساله لوليد كتبت فيها
"انا الحمد لله بخير ...وانا فاضيه الحين واقدر اقابلك في اي مكان .....بس مقدر اقابلك لوحدي ..لانه اهلي ماراح يسمحون لي اننا نكون لوحدنا ...بجيب معي عنود ..عادي؟؟

وارسلت لها
ورد لها وليد

"ايوه عادي..بيكون حماس .. وش رايك نتقابل في الملاهي ؟؟

لميس ردت له
"اوكك الحين بروح له ..اقابلك هناك :-D "

وليد وارسل
"اوك :-D"

لميس وابتسمت للرساله وكان شكلها حلو ولابسه جنز ازرق وبلوزه بيضا وفيها كتابات بالازرق وكانت واو/عنود يلا
عنود ومتكشخه مثلها ولابسه جنز كحلي وبلوزه مخططه بكحلي واحمر وكانت تجنن/لحظه
وصفرت بصوت عالي وقالت/بنات عماتي ..اجتماااااع سرييع
ووماكملت كلامها الا لقت البنات متجمعين ومسوين داريه
عنود/اهبييي عليكمم سريعين
شجون/اخلصي...وش تبين
عنود بهمس يسمعونه البنات فقط/اسمعو بنات انا ولميس بنروح الحين نقابل وليييد
البنات /وللييييد!!!!
عنود/ايوهه وبجي انا مع لميس عشان مايكونون لوحدهم ....اسمعو مهمتكم الحين انكم تراقبو عبير لاتقرب من نوااف طيب..ياويلكم لو صار بينهم شييي ..وانا يالجوري اتفقت مع بسام اني راح اسمحلكم تتمشون الليله وحدكم اذا نفذ مهمته
الجوري استحت ونزلت راسها
ريما /طيب ومتى بتجون
عنود/ما ادري بس علبال مانجي انتبهو لنواف ولاتفارقوه دقيقه طيب .... ولا نص دقيقه حتى
البنات/طيب

عنود وماسكه لميس/هيا مع السلامه بنات
البنات/مع السلامه

طلال/لحظه لحظه ..وين رايحين
عنود/بنتمشى شوي وبنجي ..معايه سالفه لهااا
طلال/طيب خلي بسام او اي حد من العيال يجي معكمم
عنود/لا ما عليك (ومسكت يد لميس وببتسامه عريضه)عندي وحده تكسر العظام من حركه وحده
طلال ابتسم على كلامها

نواف ببتسامه لعنود/طيب لاتتاخرون
عنود وردت الابتسامه/ان شاء الله...بسام قل لابوي اني رحت مع لميس طيب... يلا باي
وراحو

لمن وصلوو الملاهي لقو وليد بانتظارهم
لميس/وليييد
وليد/لميس عنود ..كيفكم
لميس/بخير
عنود/انا تمام وانت كيفك ي ولد
وليد/انا بخير الحمد لله
لميس بفرحه/دام اننا في الملاهي وش رايكم نلعب بالالعاب
وليد وعنود/يلا
وراحو اخذو لهم تذاكر وراحو يلعبون

اما عند البنات والعياال

ريما وماكانت تدري ان لميس وعنود بيقابلون وليد في الملاهي/ياعيال وش رايكم نروح الملاهي نبسط هناك شويه
شجون /ايوه بيكون حماس
نواف/يلا اجل
الكل/اوكي يلا
بسام ودق على الاهل ووافقو

وراحو يمشون للملاهي
وهم في الطريق
عبير(دام ان عنود راحت فهي فرصتي اني اتقرب من نواف..ماراح افوتها)
عبير وقربت شوي من نواف بس مو مره/مم نواف
نواف/هلاا
عبير/الحين انت في اي صف؟
نواف/في ثالث ثانوي
عبير/اهاا ..صعب ثالث ثانوي ولالا
نواف/مو مره ..بس يبيلك اجتهاد
عبير/اهاا..بس ياحليك هذي اخر سنه لك وبتخلص
نواف/ايوه ذا الحلو فيه ..بس المو حلو فيه ان نسبته هي الي بتاهلك للجامعه ولالا
عبير/اها ..اجل لازم تجتهد عشان تحقق الي تبيه
نواف/ان شاء الله بحاول
ساره تحاول تنهي حوارهم/نواف الا كم باقي على الترم الثاني
نواف وشاف التقويم من جواله/باقي 6 ايام ويبدا
ساره شهقت/واااه قرببب الدوام ..ياربي ودي اوقف الزمن ما ابيي اداوم
نواف/الله عاد باقي 6 ايام
ساره/ياولد ترا الايام تمر بسرعه..احس انه بكره ولا بعده

المهم وصلو الملاهي

في نفس الوقت عند وليد ولميس وعنود
راحو الكوفي بعد مالعبو الالعاب
لميس قامت/بقوم اشتري ايس كريم ..تبون
عنود/ايوه انا ابي اشريلي زيك
وليد/مي تو
لميس/اوك
وراحت
عنود ناظرت وليد بتفحص
وليد ارتبك من نظراتها/ف في شي
عنود/وليد اسفه على سؤالي بس اللقافه في عروقي..وليد
وليد/هلا
عنود/مين تحب ؟
وليد/وش قصدك؟
عنود/اقصد مين تحب ...لميس ولا لجين؟
وليد/كلهم سوا
عنود/وليد قولي الصراحه ..مو عشاني اقرب للميس يعني بقولها ...ابي اعرف بس قولي
وليد تنهد/والله كلهم احبهم ..بس كل وحده لها نوع حب مختلف
عنود/طيب ولميس؟؟
وليد/ما ادري والله ...بس اتوقع اني احبها ...ك كاخت عزيزه علي واكثر ... او شي زي كذا
عنود/اهااااا ..طيب خلاص
وليد/في شي حايرك صح
عنود/لا بس فضول ...يعني انت الحين تحب لجين صح
وليد/ايوه
عنود/واعترفت ؟
وليد/لا مو الحين
عنود/لمن يجي الوقت المناسب؟؟
وليد/تقدرين تقولين كذا
عنود/اهااا...طيب قولي انت من متى تعرف لميس
وليد/من واحنا صغار اعرفها وكنت اجيها وتجيني والعب معها وتلعب معي ونبسط سوا حتى كنا ندرس في نفس المدرسه وكان الكل يقول لنا اننا بنسير لبعض وحتى انا كنت اتوقع كذا ..بس بعدين انا سمعت شي... خلاني احب لميس كاخت لي مو مثل اول ..بس مع ذلك ماتغيرت تصرفاتي معاها يعني عادني احبها وكذا بس كاخو لها ..ومدري اذا هي تكن لي نفس الشعور

عنود(واككثررر /اهاا انت كنت موجود لمن جا لكم عمي والجوري وطلال؟
وليد/ايوه ..افكر انهم جو يزورون عمي عمر..افكر انهم جلسو شهر عند لميس ...بس اول يومين انا مازرت لميس لان جدي جا لنا من المانيا وابوي ماخلاني اروح عند لميس عشان جدي وعياله جو بس بعد يومين سمح لي اروح ازورها وماكنت اعرف ان عمها جا ...بعدين جيت عند لميس وتفاجات لمن شفتها تعلب في الحديقه مع ولد وباين انهم فرحانين ومستمتعين
عنود ببتسامه/كان طلال!؟؟
وليد هز راسه ووبتسامه/ايوه هو ..لمن شفتهم حسيت بالغيره الشديييده وبعدين ...

نرجع لمن شاف وليد لميس وطلاال

وليد كان يناظرهم وبعدين راح للميس وقال /لمييس
لميس بفرح/ولييييد
وقامت حظنته
لميس وبعدت عنه وجلست تعاتبه/وينك امس وقبل امس ماجيت
وليد/اسف بس ابوي ماخلاني اطلع عشان جدي جااا
لميس/اهااا
طلال قام وبنظرات غيره/لميس..مين ذا
لميس/ذا وليد .. (وناظرت وليد)وليد ذا طلال ولد عمي ...عمي جانا امس وجاب معه طلال والجوري
وليد/اهااا
جات الجوري/لميسس (وناظرت وليد)مين هذا
لميس/هذا وليد ..
الجوري/يقربلك؟
لميس/لا بس احنا سوا من كنا في الروضه
الجوري/اهاااا
لميس/طيب وش رايكم كلنا نلعب
طلال بغرور/اذا وليد بيلعب ماراح العب
لميس بشويه قهر/ولييش؟
طلال/كذا ما ابي العب معاه
لميس/ليش عادي كلنا سوا
طلال/لااااا ما ابي
لميس/طلال ترا اذا مابتجي بنلعب وبنسيبك ...العب معنا احسن لك
طلال/ما ابي قلت ..وعادي العبو بروحكممم انا مابلعب معكم
وراح
لميس/خلاص بكيفه ..يلا نلعب
الجوري ووليد/يلا

نرجع للواقع

وليد/وبسس جلسنا نلعب لمن تعبنا وبعدها جت لجين
عنود باهتمام/اهااا ...يعني طلال كان يغار على لميس
وليد/ايوه..اليوم الثاني غير رايه وجلس يلعب معنا بس كان يجلس بجنب لميس ويلعب معها اكثر شيي...ولمن انا مثلا احاول اكلم لميس ولا بجي اوصل لعبتها بسيارتي يجي يتهاوش معي ويقول لا انا بوصلها وكذا ..بس ما اتوقع انه يحبها
عنود /وليش
وليد/لانه مره اعترف للميس وقال في وجهها "اكرهك" فما اتوقع انه يحبها
عنود/وليش قال كذا
وليد/ما ادري ... كنا انا ولميس والجوري نلعب بالالعاب في الصاله بعدين هو جا فجاه وكان معصب ووقف قدام لميس ولميس وقفت وهي مستغربه منه بعدين وقالت وش فيك طلال بس هو صارخ في وجهها باكرهك وبعدين راح

عنود وبدون شعور/اهاااا بس هو الحين يحبها
وليد/يحبها؟؟...وكيف يحبها وهو اعترف لها بانه يكرهها!؟
عنود/شكله بعد مارجع السعوديه غير رايه وافتقدها وحبها..بالله مايناسبون بعض؟؟
وليد ببتسامه/الا يناسبون بعض
عنود ضحكت/شكلي بسال طلال عن السبب لمن قال للميس اكرهك
وليد ضحك/شكل لقافتك مابتنتهي
عنود/هي اصلا كل جسمي ...مستحيل تنتهي
جت لميس /سووري ..تاخرت لان المكان كان زحمه
عنود/لا عادي
لميس وعطتهم حقهم الايس كريم
عنود /لمي...(بس ماكملت كلامها الا وشافت البنات والعيال جاين للكوفي وانصدمت
لميس/عنود وش بك
عنود بخوف/لميس..نواف وطلال وبسام والبنات هنا
لميس انصدمت وجسلت تتلفت /اييييششش وينهم
عنود/شوفيهم جاين الكوفي وش نسوي ..لو شافونا مع وليد بيفهمونا غلط
لمييس وقامت/قومي خلينا نمشي من هنا ..وليد مع السلامه
وليد/اوك مع السلامه
قامت عنود/لميس لحظه معايه فكره
لميس/ووش هي
عنود/تعالي نمشي وبقولك ...وليد سي يو
وليد/سي يو
راحو البنات ووليد روح كمان
البنات وهم يمشون
عنود/ياربي وش نسوي لو شافونا هنا بيشكون
لميس/خلينا نهدا الحين و..
ماكملت كلمتها الا وطلال يناديهم/عنود لميس
البنتين صنمو من الخوف
التفتو البنتين
عنود ومسويه متفاجاه/اووو طلال انت هنا
طلال/لا هناك
نواف/وش تسون هنا
عنود/كنا نتمشى هنا وانتو
ريما/جاين نلعب
عنود قربت من ريما وهمست/صار شي بينهم
ريما وفهمت وش تقصد/بعدين اقولك
عنود بصوت عالي/اوك دام اننا هنا يلا نلعب
الكل/اوك
راهو ولعبو بالالعاب لمن طفشو بعدين روحو البيت وكانت الساعه 7 ليل

في صاله بيت ابو الجوري
كانت جالسه الجوري وتتفرج التلفزون
طلعت لميس من الغرفه وهي تقول /اخيييرا خلصت
الجوري/خلصتي من وشو؟؟
لميس/جهزت شنطتي حق بكره
الجوري/ايوه صححح انتي بكره رحلتك!! ومتى بترجعين
لميس/مدري بس يمكن ارجع في نفس اليوم او اليوم الثاني اقصى حد
الجوري/اها..
طلعت ام فيصل/سلاام بنات
البنتين/وعليكم السلام
وبعدها جلسو يسولفون مع ام فيصل

نروح لعند العيال

كانو العيال كلهم في كوفي ويسولفون
نواف/ياااربي طفششششش
طلال وبسام/واحنا مثلك
حمد وهو يناظر في البنات/لا والله لاطفش ولا شي ..دام ان المزيونات في كل مكان
نواف/والله انك فاااضي
فيصل/الا ي عيال ماقلت لكم البشاره
العيال/وششوووو
فيصل/بكررره بسااافر
حمد/افاا عليك وتسيبنا
فيصل/هي كلها يوم او نص يوم ونرجع
نواف/وين بتروح
فيصل/بروح بريطانيه مع لموس
الكل بصدمه/احللللف
فصول/والله
حمد بلقاافه /ولليييش
فيصل/مدري بس شكل لمووس نست شي هناك وبتروح تجيبه وانا بجي معااها عشان ماتروح لوحدها
الكل/اهاااا
بسام/اجل توصل بالسلامه
فيصل/الله يسلمك
طلال ساكت ويناظر الرايح والجاي وهو مقهووووووور لمن تذكر انه بيسافر مع لميس لندن

عند البنات
وصل لهم الخبر ان لميس بتسافر وجو عندها
عنود/لموووس لاتنسين جيبيلي هديه
لميس /اوك
ريما/وانا احجزي لي مزيون من هناك وعطيني رقمه وقوليله بنت عمي تبغاك
ساره/وانا كمان دوريلي واحد مززز
الجوري/اقول ماكاني عطيتكم وجهه....من الحين بقولكم ماحد ببتخذكم من هناك يعني لاتتاملون بيلاقون احسن منكم ..
ام فيصل جت وبحنان فقدته لميس/يابنتي جهزتين شنطتك
لميس وماسكه عمرها بالغصبه لاتبكي/ايوه عمتي جهزتها
ام فيصل/اها ..هيا انتبهي لنفسسك حبيبتي طيب
لميس/ان شاء الله
ام فيصل/هيا بنات نطلع خلوها تنام عشان تصحى بكره بدري للرحله ..ايوه صح يقول عمك ان الرحله الساعه 5 فجر فقومي بدري طيب
لمييس/اوك
عنود/لااا كذا مابقدر اودعها ،.بكون نايمه
ام فيصل/عشان كذا ودعيها الحين
عنود حظنت لميس /انتبهي لعمرك طيب ،.بتوحشيني

المهم البنات حظنوها ويوصونها انها تنتبه لعمرها وكذا بعدين طلعوو ولميس انسدحت على السرير وجلست تفكر في ابوها
لميس بحزن(بابا ...بكره راح اجي لك ..راح اجي للمدينه الي مت فيها . للمدينه الي سبتني وتركتني فيها...ولوحدي ...ليش تركتني ..انا احتااجك.)
وبكت ذيك الليله... وبعدين نامت

الساعه 4 تماما قامت لميس من منبه جوالها ولفت لقت الجوري نايمه في سريرها
ابتسمت لشكلها بعدين قامت من سريرها وغسلت وجهها واسنانها وتروشت بسرعه ولبست جنز برتقالي وفنينه ابيض وبرتقالي مخطط وشعرها كالعاده فتحته وحطت كحل وقلوس لماع وماسكرا وطلعت تخققق
وناظرت نفسها في المرايه برضا وشافت الساعه لقتها 4:45دقيقه لميس بعجله/بتاخر عن الرحله خليني اطلع
واخذت شنطتها الي بتسافر بها وهي شنطه ظهر صغيرها محطيه فيها لبسين من كل نوع وفرشتها وقلوز وكحل وشاحن جوالها وزي كذا
وناظر الجوري نظره اخيرا وقالت/مع السلامه الجوري
وطلعت قابلت عمها عزيز (ابو الجوري)
لميس/اا عمي
ابو الجوري بعجله /تعالي بوصلك للمطار
لميس/طيب يلا
وراحت مع عنها بالسياره ومشو
وهم في الطريق
لمييس/عمي وين فيصل
ابو الجوري وكاتم صحكته/الي بيجي معاك ....قده وصل المطار وينتظرك هناك
لميس ونزلت راسها/اهاا
ابو الجوري/لميس اسمعي ..انتبهي لنفسك ولمن توصلين هناك لاتكلمين حد ماتعرفيه ودقي عليا اذ وصلتون طيب ولاتتاخرون في الرجعه وخليك حريصه و ....
المهم جلس ينبهها وينصحها وكذا ولمن وصلو هناك
ابو الجوري دق على...
ابو الجوري/الو
....../هلا ابوي
ابو الجوري/وينك الحين
....../انا بجنب كوفي.....،
ابو الجوري/طيب احنا الحين بنجيك يلا باي
......./باي
وسكر الخط
وراحو للمكان
ابوالجوري/الكيه
لميس تتلفت/وين فيصل
بس انصدمت لمن شافت طلال جاي صوبهم وسكتت
ابو الجوري/طلال
طلال/هلا
ابو الجوري/متى الرحله ..
طلاال/بعد دقيقتين
بس ماكمل كلامه الا سمعو اعلان للرحله حقتهم وانه على الركاب ان يتجهو للطياره لانه بعد دقيقه بتقلع
ابو الجوري/هيا انتبهو لنفسكم طيب ..طلال انتبه للميس لايصير لها شي
طلال ببتسامه/لاتوصي حريصص..
ابو الجوري/هيا اول ماتوصلون دقو عليه طيبب
لميس وطلال/طيب مع السلامه
ابو الجوري/مع السلامه
وراحو طلال ولميس لرحلتهم وابو الجوري ناظر لهم وهم يروحون لحددد ما اختفو من ناظره وروح البيت وهو يدعي ربه انه يحفظهم
اما عند لميس وطلال
لميس باستغراب/طلال..وين فيصل ليش ماجا
طلال بكذب/فيصل سخن وتعب امس وما قدر يجي فانا جيت بداله
لميس/اها

اما الحقيقه كانت غير

لمن نام فيصل وكانت الساعه 9 ونام طبعا بعد ماحط المنبه على الساعه 4 .....وطلال كان سادح ومسوي نفسه نايم ولمن تاكد ان فيصل نام بعمق اخذ جواله وبعد المنبه حقه عشان مايصحى وهو يضحك بشر/نياهاهاهاهاي
ورجع الجوال محله .... وحط في جواله المنبه على الساعه 3 ونص عشان يصحى بدري ومايتاخر على لميس بس صوت منبهه خلاه مو عالي مره عشان مايقوم فيصل على صوته وخلا جواله بجنبه بالضبط عشان يسمع المنبه زين ...وقام الساعه 3 ونص ولف لقي فيصل ناييم وماخذ راحته وشكله وهو سادح كانه راقص باليه و عااايش الجو
كتم طلال ضحكه وطلع برا الغرفه وفطس ضحك وهو يتذكر شكله وراح واخذ شاور سريع وغسل وجهه واسنانه ولبس جنز اسود وبلوزه بيضا وفيها كتابات بالاسود والاحمر وتكشخ وصار يخرفن واخذ شنطته الي جهزها امسس وكانت زي لميس شنطه ظهر وفيه لبسين من كل نوع ومستلزماته الشخصيه وكذا لمن طلع للصاله
لقي ابوه جالس في الصاله ويتفرج
ابو الجوري باستغراب/طلال؟
وناظر شكله من فوق لتحت
طلال/ابوي ا اهلين
ابو الجوري/وين فيصل
طلال/اا نايم ومايبغا يقوم ويحس بتعب فقلت خليني اروح بداله عشان ماتكون لميس لوحدها وكذا
ابو الجوري ويدري انه يكذب ومخطط لذا كله عشان بروح مع لميس وقال وهو شوي وبيضحك على ولده/طيب خلاص روح الحين المطار وروح شوف الاوراق وكذا وشوي وبلحقك مع لميس
طلال ببتسامه/اوك
وراح

نرجع للواقع

راحو وركبو الطياره
وجلسو بجنب بعض لميس بجنب الشباك جالسه وطلال بحنبها والي يشوفهم يقول انهم متزوجين
حطو حزام الامان واقلعت الطايره ولمن استقرت في الجو
جت المضيفه ومعاها عربيها فيها كل المشروبات والاكلات وكذا
المضيفه بالانجليزي وهي جايه لمقعد لميس /مين يبي عصير او اكل خفيف؟؟
لميس حست بالعطش وقالت /طلال تبي تشرب شي؟؟
طلال وهو عطشان مثلها/ايوه شكلي بطلب منها مويه
لميس/اجل خلاص انا بقولها تجيب مويه ليه ولك
ورفت يدها بس مو مره وقالت بالانجليزي /انا اريد
جت المضيفه وكانت تجننن وببتسامهe/ماذا تحتاجين
لميس بالانجليزي/من فضلك اريد 2 مويا
المضيفه ببتسامهe/لك ولزوجك صحيح؟؟
طلال ابتسم وهو فاهم كلام المضيفه ومتونس من كلام الحرمه عنهم
لميس حمر خدها من الاحراج وقالت بارتباك ممزوح بغضب وخجل e/لااا انه ليس كذالك ...
المضيفه بادرت تعتذر e/اووه انا اسفه لم اكن اقصد ا انا..
لميس ولسى تحس بالاحراج والفشله وتحس بغضب وقالت تخفي غضبها e/حسنا لاداعي هل يمكنك الان ان تحضري لي الماء
المضيفهe/ح حسنا
وعطتها وراحت
لميس وعطت طلال مويته /هاك
طلال اخذ المويه وسوا نفسه انه مافهم وش قالت المضيفه وقال /شكرا...الا المضيفه وش قالت قبل شوي ...كانت تتكلم بسرعه ومافهمتها ..تدرين وش قالت
لميس انحرجت وقالت بارتباك/اا لا .. ماقالت شي مهم
طلال/اهااا

ومرت 7 ساعات وكانت لميس تحس بالنوم والتعب وجلست تغمض عيونها بتعب وبعدين تصحى وكذا ....تاففت بعدين رجعت راسها على ورا تبي تتكئ على المقعد وغمضت عيونها واستسلمت للنوم و راسها مال لكتف طلال وتسند عليه وهي مو حاسه بنفسها

اما طلال ابتسم و عجبه الوضع ومستانس وماتحرك ابد عشان مايزعج لميس

جلسو على ذا الحال لمن قامت لميس وكان بعد 5 ساعات
لميس فتحت عيونها ببطئ
وطلال حس بحركتها وقال /صباح الخيررر
لميس واستوعبت انها متكئه على كتف طلال
بسسسرعه بعدتت عنه وهي مستحيييه
لميس بارتباك/اااا اسفهه م م...ا
طلال ببتسامه تسحر الواااحد وخلت المضيفات كلهم يخقون عليه(عدا لميس /لااا عادي ..كنتين غاطه في النوم وما حبيت ازعجكك

لميس نزلت عيونها(واااااااه فششششله ....كييف ماحسسيتت بعمري....غبييه اناا)

نقدم الوقت شويي
بعد ساعات طويله وصلو لندن ونزلو من الطايره
لميس وفرحاانه مرره انها رجعت للندن ..للمدينه الي عاشت وترعرعت فيها
اخذت شهييق وزفير
وقالت ببتسامه/اخييرا وصللت ..حماسس
طلال وناظر المكان وهو يبتسم ويحس بفرح مثل لميس لانه رجع للمدينه الي اشتاق لها من وهو صغير وتمنى انه يشوفها مره ثانيه لان حبه الاول والاخير كان فيها /ايوه والله
لميس بفرح/يلاا نطللع
طلال ابتسم لشكلها /طيب يلاا
وطلعو الاثنين من المطار متجهين لبيت ابو لميس
ولمن وصلو
وقفو قدامم البيت مباشرهه
وكل واحد مسرح بتفكيره
لميس (رجعت لك يا ابويي...رجعت للمكان الي مت فيه ..للمكان الي تركتني لوحدي فيه وتخليت عني (وببتسامه)...ورجعت للبيتنا ..للبيت الي نشاءت فيه ..للبيت الي ترعرت وتربيت فيه ... للمكان الي دايما احس فيه بالامان ...انا رجعت يابيتنا )

اما طلال
طلال ببتسامه(ماتغيير البيت ..نفسه ..نفس كل شي ...ماتغيير من شفته اخر مرره...واخييرا قدرت اشوفك مره ثانييه ...بفضل ذا المكان عرفت حبي الاول والاخييير)
لميس ببتسامه /يلا ندخل
وفتحت باب بيتهم ودخلت
جلست تناظر المكان بشوق

كلل شي نفس ماتركته اخر مررره
الكتب ..المراجيع الي موجوده في حديقتهم والالعاب الي فيها والصاله والتليفزون والكنب وكل شي نفس ماتركته قبل شهرين

لميس وقالت /نفسس ماهووو ...
بس ماكملت كلامها لانها عطست من الغبااار
لميس بابتسامه/بس يبيله تنظيييف
وناظرت لطلال/طلال
بس طلال مارد عليها لانه كان مسررح في المكان
طلال(نفسس المكان ..ماتغير شيي...صح انه فيه شوي تعديلات بس كل شي نفس ماهوو ..ي الله قد ايش افتقدت ذا المكاان )
بس قطع سرحانه صوت لمييس/طلاال
طلال ناظرها/هلااا
لميس/اشبك مسررح؟؟
طلال/بس كنت افكر
لميس ببتسامه/اها بس...طلال وش رايك تروح ترتاح شوي ..في المطار انت ما غفيييت ولامرره ..روح ارتاح شوي وانا بعدييين بصحييك
طلال لانه من جد تعبان لانه مانام ولامره في الرحله بعكس لميس الي شبعانه نوم
طلال/طيب اوككك
لمييس /بسس لحظه ..استنى هنا شوي...بجهز لك غرفتي عشان تنام فيها ..طيب
طلال ببتسامه/طيب
راحت لميس المطبخ واخذت مستلزمات التنظيف وفزت لفووق

اما طلال جلس على الكنبه وهو يناظر المكان بعدين فتح التلفزون وجلس يتفرجج

عند لميس
دخلت الغرفه
ناظرت سريرها
المكان الي توفى فيه ابوها
نزلت دمعتها على خدها وهي شوي وبتبكي
بس مسحت دموعها بسرعه وقالت /خلااص لاتبكي ..خليني انظف الغرفه بسس
وقامت وجلست تنظف الغرفه

بعد ساااعه كامله

لميس بعد ماخلصت كللل شي ونظفت الغرفه/خلصصتت
ونزلت تحت تنادي طلال ونزلت من الدرج بس طاحت منه
بعد ما وصلت الارض
لميس/ااااااحححح يعني عادك ماتتوب

وقامت وراحت للصاله وهي تنادي/طلوول
طلال وكان يشوف صور لميس المعلقه في الجدار و شافها وهي جايه /هلاا
لميس ببتسامه/تعال جهزت الغرفه لككك ...
طلال/تعبتكك معااي تر...
لميس قاطعته وهي تبتسم/لاتعب ولاشي ...تعبكك راحه طلول
طلال ابتسم وهو يناظرها ووده يحظنها ويصارخ فيها احببكككك
لميس ردت له الابتسامه وهي مستغربه من نظراته وقالت/يللااااا تعااال اودييك للغرفه
طلال/اوك
راحت لميس ووصلته للغرفه
لميس ببتسامه/خلاص بخليك ترتاح الحين ..تصبح على خيير
طلال/وانتي من اهله
طلعت لميس وسكرت وبقي طلال في الغرفه
تامل المكان بشوق
ذا المكان الي كان يلعب ويبسط فيه مع لميس وكان يسولف معها عن بيتهم كيف انه حلو وكان يتكلم احيانا عن نفسه واحيانا يتكلم عن لمييس ويسخر منها ومن شكلها وتجي تعصب منه ويهرب وهو وهي تلحقه بدبدوبها
ضحك طلال وهو يتذكر الاحداث الي صارت في ذي الغرفه
انسدح على السرير
طلال وابتسم(يارب اذا كان كل ذا حلم فانا ما ابي اصحى منه)
وغمض عيونه ونااام علطووول

اما لميس
بعد فتره فتحت الغرفه تشوف طلاال اذا نام او لا
ناظرت له لقته نايم
ابتسمت لشكلله البريئ
وراحت وطلعت من الغرفه
وراحت تكمل تنظيف البيت