آلَبّـآرتُ آلَخٌ ـآمِسًسًـ وِ آلَعَ ـشّـروِن
ِ تُعَ ـوِيّضًـ عَ ـنِ آلَتُأخٌ ـيّر
صباح يوم جديد
نازله على الدرج و تغني بفرح
تحس براحه كبيره
دخلت غرفه الطعام و شافت الكل جالس بحزن و الجو كئيب
ابتسمت و قالت بصوت عالي : صباااااحكم أناا
الكل التفت لها و ناظرها بذهول
نوال جلست بأستغراب : وش فيكم تناظروني كذا
(و بغرور ) أدري اني حلوة بس لا تناظروني كثير (غطت وجهها بيديها )لأني استحي
نوال بملل لما شافتهم للحين مفهيين: و بعدين يعني
رغد بأستغراب : نوال انتي بخير ؟
نوال بسعاده : يب يب بأحسن حال
الجده بحنان : ان شاء الله دايم
نوال لاحظت ابوها و امها رح يبكو وقفت و جلست بينهم : وش فيهم الحلوين زعلانين
أبو ماجد مسح دموعه اللي نزلت : مو زعلانين بالعكس
نوال حضنتهم : الله يخليكم لي
أم ماجد بحنان : و يخليكي لنا
نوال بنفسها : ما أتوقع
ماجد بزعل مصطنع : و أنا أبن البطه السودا محد بحبني
ابو ماجد : نوال غير
نوال بدلع : احم انا غيير
ماجد : مالت
نوال : يا حرام غيران (و بخبث و هي تناظر رغد) لا تخاف في ناس تموت فيك
ماجد ابتسم : الله يخليهم لي
أبو فارس : منو هم
نوال : سر
الجد تذكر : صح اليوم وصلني اتصال مهم
أبو فارس : من مين ؟
الجد : من نائب رئيس شركات روز
أبو ماجد بأستغراب : وش يبي ؟؟
الجد : قال أن رئيسه يبي يعقد معنا صفقه كبيرة و لازم نتقابل
أبو فارس بأهتمام : وش قلت له ؟
الجد : عزمته عندنا بعد يومين على الغدا تجهزو
أبو ماجد : أن شاء الله بيه
...........
مر يومين
و حال ابطالنا ما تغير ..
كان الكل مشغول
الحريم بالمطبخ و البنات يساعدوهم ما عدا نوال النايمه
الشباب و الرجال بالمجلس
الجد : مو كأن الضيوف تأخروا
ابو ماجد : أي والله غريب
فارس : تبون اتصل بنائب الرئيس
أبو فارس : أتصل بسرعه
اتصل فارس و عرف انهم على وصول
الحريم سوو الغدا و البنات رتبوه
و طلعو للغرف يرتاحو
اما الرجال فحضرو نفسهم للاستقبال
و كلهم شوق ليعرفو رئيس سلسلة شركات روز المجهول
........
بغرفه نوال
كانت نايمه بعمق سمعت صوت منبه جوالها
صحت و ناظرت الساعه و شهقت بفزع
نوال بتوتر : يا ويلي تأخرت بالنوم
وقفت و توجهت للحمام تاخذ لها شور سريع
طلعت ولبست العبايه و تلثمت و نزلت
.........
عند الرجال
وصلو الضيوف اللي كانو 3 أشخاص و دخلوهم المجلس
الجد بأبتسامه : حي الله من جانا
الشباب الثلاثه : الله يحييك يا عم
أبو فارس : عرفونا على نفسكم
الأول : أنا جهاد نائب الرئيس
الثاني : انا ماهر أشتغل بالشركه بقسم المحاسبه
الثالث : انا أمجد أشتغل بالشركه مساعد لجهاد
أبو ماجد بأستغراب : و منو الرئيس ؟؟
جهاد بأستغراب : ليه ما وصل ؟؟
ماهر : قال لنا انه رح يكون موجود هنا غريب
ماجد : يمكن صار معه شي و رح يتأخر
أمجد : رح أرسل له رساله
و أرسل " سيدي نحن موجودين انت وينك "
رد عليه الرئيس " أنا قريب رح أوصل "
أمجد : قال أنه قريب
فارس بفضول : انتو تعرفوه كيف شكله و كم عمره ؟
ماهر بأحراج : صراحه ما نعرفه
الجد بصدمه : أييش
جهاد : محد يعرفه دايم يرسل أتباعه أذا يبي مننا شي و أحيانا يرسل رسائل
أمجد : بس عمرنا ما شفناه
أحمد : صراحه زاد فضولي أعرف منو
سالم و محمد و كاتمين ضحكتهم : حتى نحن
..........
عند نوال
كانت تنزل الدرج بهدوء حست بالعطش و راحت للمطبخ و شربت مويه و جلست تسولف مع الخدمات
..........
عند الرجال طفشو من الانتظار
معاذ بملل: ما كأن رئيسكم طول كثير
أمجد بأحراج : أسفين والله ما نعرف وش اللي أخره
فجأه انفتح الباب و دخلت منه نوال متلثمه
نوال : صبااحو
الجد بأحراج : نوال اطلعي في رجال
نوال : عادي جدو تراني لابسه
و جلست
ماجد : نوال وش تبين جايه
نوال : صراحه صراحه
أبو ماجد كاتم غضبه : أيش
نوال : طفشت فوق وحدي الكل نايم قلت أنزل اتسلى معكم و يمكن أساعدكم بالصفقه ذي
الجد و عارف ذكاء نوال بذا المجال : خلص خليكي لتساعدينا
أبو فارس : بس
الجد بصرامه : أنا ما أحب أعيد كلامي
الكل سكت و انصاع للجد
ابتسمت نوال من تحت اللثمه و تجاهلت نظرات أبوها و عمها و ماجد و فارس الغاضبه
نوال : يلا نبدا الأجتماع
أمجد مستحي لأنه يكلم بنت :ما نقدر لأن الرئيس ما وصل
و بذي اللحظه وصلت رساله لجوال ماهر من الرئيس
" أبدو الاجتماع من دوني أنا أثق فيكم رح أتأخر ساعه"
خبرهم ماهر عن الرساله و بدو الأجتماع ....
..........
بعد ساعه
عند الحريم و البنات
صحو و جلسو بالصاله الداخليه (قريبه من المجلس)و انصدمو لما قالت الخادمه لهم أن نوال جالسه مع الرجال
البنات بصدمه : و شوووو
أم ماجد : وش يدخلها ذي المجنونه للرجال
أم فارس : اكيد الحين معصبين عليها
الجده : أنا أوريها بس تطلع
..........
عند الرجال
خلصو الأجتماع و اتفقو
و بقي توقيع الرئيس
وصلت رساله لجهاد من الرئيس و قرأها بصوت مسموع " أنا وصلت"
و رساله ثانيه " أنا بالمجلس "
الكل استغرب و صارو يلتفتو
و رساله ثالثه " هفف للحين ما شفتوني"
الجد بعصبيه : وش ذا يستهزء فينا
فجأة أنطلقت ضحكه قويه من
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
من نوال
و تبعتها ضحكة سالم و محمد
ابو ماجد بغضب : وش فيك تضحكي انتي و ياهم
نوال و مو قادرة توقف ضحك : هههههههههههههههههههههههههههههههههههههههههههههههههه هههههههههههههههههههههه آآآه بطني بيه هههههه
ابو فارس صرخ بغضب : نوال
نوال وقفت ضحك و ناظرتهم : وش فيكم عصبتو
الجد : وش فيكي تضحكي
نوال رجعت لها الضحكه بس مسكت نفسها : لأني شفت الرئيس
فارس بلهفه : وينه
نوال مشت و وقفت أمام المرايه الطويله الموضوعه بالمجلس و أشارت عليها : ذا هو
الجد بأستغراب : وينه
نوال ماسكه الضحكه بالغصب : ناظرو كويس بالمرايه
ماجد ببلاهه : انتي ؟
نوال بأبتسامه واسعه : يب يب
الجد بصدمه كبييييرة صرخ : أييييش
نوال نقزت على الكنبه : جدووو وش فيك أي أنا هو
أبو ماجد بهدوء : تمزحين صح
نوال ميلت راسها : لا ما أمزح و أذا تبون أسئلو محمد و سالم
الكل التفت لمحمد و سالم اللي كانو متابعين الموقف و فيهم الضحكه
الجد : كلامها صحيح؟
محمد بهدوء : صحيح يا عم
أبو ماجد التفت لنوال بصدمه : كييييف
نوال نزلت من الكنبه و تربعت على الطاوله : كذا
و مسكت ورقه العقد المختصه بالصفقه و وقعت
نوال بأبتسامه : و بكذا انتهت الجلسه أقصد الاجتماع
ماهر اقترب بهدوء و مسك الورقه و شاف توقيعها : ذا نفسه توقيع الرئيس
أمجد و جهاد : يعني انتي رئيستنا
نوال : يب يب و اخترتكم تجو هنا لأني واثقه انكم رح تقدرو تحتفظو بالسر أني بنت
جهاد بهدوء : و ليه واثقه فينا ؟
نوال : لأني مراقبه الشركه بالكامل
بكل غرفه في كاميرا مخفيه تصور لي كل شي
و بعد بحث و تدقيق اخترتكم
و كمان بشهادة سالم و محمد كنتو انتو المناسبين
امجد : طيب ليه ما تبين حد يعرف
نوال : لأني أبي أعيش حياة طبيعيه
أنا أسست ذي الشركه لأسباب خاصه
و الحين انتهيت منها
لذا سويت شراكه مع شركة عيلتي
علشان الشباب يديروها بدل عني و يريحوني
و طبعا انتو الثلاثه رح تساعدوهم
اممم و بس
الجد بصدمه : الصفقه كانت شراكه ؟؟؟
نوال بضحكه : يب يب للأسف محد انتبه للجمل المكتوبه بنهاية الورقه بخط صغير
علشان كذا دخلت المجلس و حضرت الصفقه
كنت أبي أتطمن ان محد رح ينتبه
أبو فارس : و ليه ما قلتي لنا من الأول ما اعتقد اننا رح نرفض
نوال ضحكت : كنت أبي أسوي أكشن
معاذ بنص عين : أكشن هااا؟
نوال ببرائه : يب يب
وقفت : و الحين عن أذنكم انا رح اتطلع علشان تتغدو
صراحه مالي نفس
و لا كنت تغديت معكم
فارس بغيرة : كمان تبين تتغدين
نوال بضحكه : يب مو أنا الرئيسه
جهاد وقفها : طيب منو اللي كان يرسل الرسائل
نوال ضحكت : لموو اطلعي
طلعت لمى اللي كانت متخبيه خلف الستارة و مراقبه الوضع من البدايه
لمى بأبتسامه واسعه : كيييفكم شخباركم
نوال : أعرفكم على مساعدتي بالأفكار الجهنميه لمى
عطيتها جوالي قيل ما أدخل
و هي أرسلت
و الحين سلام
(و مسكت يد لمى و طلعو)
أبو ماجد جلس و يده على راسه : وش مخبيه ذي البنت كمان
نوال طلت براسها من المدخل : لا تخاف بيه ترا ذا أخر سر مخبيته
سلام
و راحت
الجد التفت لسالم و محمد : و انتو الأثنين ليه ما تكلمتو من البدايه
سالم و محمد رفعو ايديهم بأستسلام : ما دخلنا نحن تراها مهددتنا و محلفتنا على القران
الجد تنهد و وقف : يلا تفضلو على الغدا
الكل توجه لسفرة الطعام و انبسطو و تعرفو على امجد و ماهر و جهاد اكثر ..
........
بالليل
كل العائله مجتمعه
حتى سالم و محمد و امل و روان و أبو لمى
اما نوال و لمى فكانو بالغرفه فوق
الجده : وش صار على اجتماعكم اليوم وينها ذي المجنونه نوال ليه دخلت لكم
الجد تنهد و حكى لهم اللي صار
الجده بصدمه : جد ؟
أبو ماجد :أي
أبو فارس : بس أبي أفهم ليه اسستها
سالم بهدوء : كانت تبي دخل (مال) علشان تشتري الأسلحه و المعدات للمنظمه علشان كذا اسستها
الكل سكت و بعد شوي دخلو نوال و لمى سلمو و جلسو
و ماحسو إلا بضربه على راسهم من الجده
الجده بنص عين : وش سويتو اليوم انتو
نوال ببرائه : ما سوينا شي (و التفتت للمى)لمو تذكرين اننا سوينا شي اليوم
لمى ببرائه : لا ما سوينا شي
أبو ماجد : اااخ منكم
نوال ضحكت : معليه بيه استحملني كم يوم
الكل سكت بعد ما تذكروا ان عمليتها الاسبوع الجاي
نوال فهمت سكوتهم و حبت تغير الجو : ااه صح جدو بيه و عمو أبي أطلب منكم طلب
الجد بحنان : اطلبي اللي تبين
نوال بضحكه : أبي اخطب للشباب تسمحون لي
ابو فارس ضحك : انا موافق
الجد و ابو ماجد : موافقين
نوال التفتت للحريم و الشباب : و انتو موافقين ؟
أم ماجد بضحكه : شورك و هداية الله
الشباب : موافقين
نوال وقفت : احم احم نبدأ بأخوي العزيز ماجد أبي أخطب له أمممم (و ناظرت رغد بخبث) رغوده الحلوة
و بعدين عمو الحلو معاذ اممم أبي أخطب له روان
و محمد اخطب له ريم
و احمد لأمل من زمان
بقي سالم و فارس و لمى
سالم بهدوء : أنا أبي اخطب لمى من بعد أذن عمي حاامد
حامد : طبعا موافق
نوال ضحكت : والله كنت عارفه انك تحبها
سالم حك رقبته بأحراج و سب نوال مليون مرة
نوال : هااه بنات موافقين ؟؟
البنات اشكالهم : كل وحده منزله راسها لدرجه انه رح يلصق بالأرض و وجوههم تعطي الوان احمر اصفر اللي تبون و أهم شي شعورهم بالخجل و انهم يبون يذبحون نوال ههه
الجده ضحكت : اعطيهم مهله يفكرو
نوال بلامبالاه : اوك مع اني أدري انهم موافقين
ام فارس بمزح :و ليه ما خطبتي لأبني
نوال اخفت ألمها بقلبها : معليه نسيت
و التفتت لفارس : هاه فارس في وحده ببالك تبي اخطبها لك
فارس بحب : في بس مو الحين بس يصير الوقت المناسب اقولك حتى تخطبيها اوك
نوال فهمت انه يقصدها بس كييف و هي رح تمووت : اوك
و بمزح تخفي فيه دموعها اللي رح تنزل : و الحين بعد ما انهيت المهمه اللي وكلوني فيها البنات (كل البنات شهقو)سلااام
و شردت
الكل ضحك عليها و على البنات اللي طلعو وراها من الأحراج
و الكل نام بعد هاليوم المتعب ....
..........
مرت الأيام وانتهت الأختبارات و طلعت النتائج و الكل نجح
طبعا مستغربين و تبون تعرفون وش صار على أبطالنا
نوال حلفت ما تسوي العمليه حتى تنتهي السنه الدراسيه و هددت اهلها أذا أجبروها رح تهرب من البيت و طبعا الكل عصب بس سكتو لأنهم ما يقدرو يسوو شي بعد ما حلفت
البنات كل وحده وافقت على خطيبها و سوو الملكه بيوم واحد
و الباقي نفس الحال ...
بيوم جديد
الكل صحي ما عدا نوال
و اجتمعو بالصاله
الجد : وينها نوال
ريم : يمكن نايمه للحين
أم ماجد : صحيها لأن الفطور رح يجهز
ريم وقفت : أوك
و طلعت
دقت غرفة نوال بس ما سمعت رد
رجعت دقت بس ما في رد
خافت يكون صار لها شي و نزلت لتحت بسرعه
ريم بخوف و تلهث : نوااال ما مترد أخاف صار لها شي
الكل ارتعب خصوصي ان نوال ضعفانه مرررة ذي الأيام
طلع الكل ركض لغرفتها و دقو الباب و ما كان في استجابه
فارس بخوف على حبيبته : خلونا نكسر الباب
و كسرو الباب و انصدمو ......
انتهى البارت
وش رأيكم بالمفاجأه حلوة و لا ؟؟؟
توقعاتكم و اقتراحاتكم
و انتقاداتكم كمان
بعد ما عرفنا كل أسرار نوال
هل من الممكن انها تكون ماتت ؟؟
ودي لكم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!