رواية انا بنت شفت العذاب وحبيت انتقم الفصل التاسع 9 - بقلم lxvcr3

البارت التاسع

لبست عبايتها و خرجت قررت تروح تفطر بعدها تروح المول

دخلت المطعم و جلست على الطاوله تنتظر طلبها و بعد ما وصل بدأت تاكل و هي تراقب الناس لفت نظرها شخص شبهت عليه ركزت فيه و عرفته

أمل بنفسها : احمممد بس مين ذول البنات إلي معه غريب

فجأة وقفت وحده من البنات و باست أحمد على خده و جلست تدلع عليه واحمد يضحك معها و أمل تغلي من القهر و الغيرة

أمل : اااخ نفسي اقتلها بس ما توقعت أن احمد الانسان الطيب إلي يساعدني يكون حق بنات الحمدلله عرفته على حقيقته قبل ما أتعلق فيه أكثر اكيد يبي يلعب فيني كمان بس انا أوريك يا احمد
و قامت من طاولتها بعد ما دفعت الحساب و خرجت من المطعم و توجهت للمول

امل بنفسها : ما رح تخرب علي يومي انا لازم ألاقي شقه ثانيه و ابتعد عنه

.................................................. ...........

كانت نايمه بحضن امها و حاسه انها رح تختنق تشوف دم بكل مكان و صراخ و بكاء صارت تهذي و تتحرك و تتعرق كثير

أم ماجد بخوف بعد ما حست بحركتها و هذيانها : نوااال يمممه

التف الكل حولها

فارس بخوف على حبيبته : وش فيها يا عمه

نوال تهذي و هي نايمه : لاا... لا ... تقتلوها ..... اتركه .... سالمممم .... و صرخت بهستيريا لااااااااااااا

ام ماجد بدموع : ما أدري تهذي و تتحرك ،يمه نوال وش فيكي بسم الله
و تحاول تصحيها بس نوال ما صحت و ظلت تصارخ بكلمه لاااا

الجد بقلق : قومو ناخذها للمشفى

معاذ بسرعه : دقيقه رح أجيب مويه يمكن تصحى
و جاب مويه و رش على وجها و بدأت نوال تستعيد وعيها

نوال بتعب و خوف: أنا فين ؟

ام فارس بحنان : أنتي بين أهلك و ناسك حبيبتي اهدي

الجدة : أبعدوا عنها خلوها تاخذ نفس

ابتعد الكل عنها و بعد 10 دقائق قدرت نوال تستعيد وعيها

الجد : وش صار لك يا بنتي خوفتينا عليك

نوال : أسفه يا جدي بس ذا كابوس ملاحقني دايم

هز الجد راسه و سكت و هو يدري ان حفيدته مخبيه شي بس مو راضي يغصبها تتكلم

أبو ماجد قطع الصمت و بحده : منهو سالم ذا ؟؟

التفتت نوال لأبوها بصدمه : هااا

ابو ماجد بعصبيه : جااوبي بالأول محمد (نزل محمد راسه) و الحين سالم و الله العالم مين بعد

فجأه تبدلت ملامح نوال من صدمه و إرتباك إلى برود : ذا شي خاص فيني و اتمنى محد يتدخل و وقفت لتخرج

ابو ماجد بعصبيه توجه لها و ضربها كف : نواااااال باين إني دلعتك كثير

بس نوال ما ردت حطت يدها على خدها و ناظرت له ببرود و كملت طريقها لفوق دخلت غرفتها و سكرت الباب بقوة

ابو فارس يهدي أخوه : اهدى يا خوي ما يحتاج كل ذا العصبيه

ابو ماجد جلس : كيف أهدى يا خوي قول لي بنتي مخبيه مصيبه تعرف شباب قلللي كيييف

ابو فارس : لا تحكم على البنت وش عرفك فيها أذا قالته و هي نايمه مو يعني أنها تعرف شباب

ابو ماجد وقف : انا رح أروح لها و اذا ما قالت لي الحقيقه رح أوريها شغلها

: وققققققف مكانك

ابو ماجد التفت لأبوه : بس بيه ...

الجد : إن رحت لها و تكلمت معاها الحين او بعدين لا أنت ولدي و لا أعرفك
و التفت للباقي : أن تكلم حد بذا للموضوع مع نوال رح أوريه شغله مفهوووم أنا واثق فيها أكثر من نفسي و اللي يأذيها يأذيني

: و انا مستحيل أخذلك يا جدي وعد

الجد بفخر : ذي بنتي الله يرضى عليكي

التفت الكل لها كانت واقفه بجانب الباب بنظراتها الواثقه البارده تناظر الكل تعلقت نظراتها بفارس ظلت تناظر له و بعدها استدارت و رقت لغرفتها

الكل كان بوضع صدمه ..خوف ...ما حد مصدق إلي يصير ... ما حد توقع أن ابو ماجد إلي يعشق بنته يمكن يضربها بيوم ..اما فارس فظل يتابع ظلها حتى اختفى عن عينه ...........

.................................................. ...........

في اليوم الثاني :
الكل صحي و بعد الفطور جلسو بالحديقه ماعدا الشباب تركوهم علشان البنات ياخذون راحتهم

الجد : إن شاء الله بكرا الصبح نرجع

رغد : لييييه مو عأساس اسبووعين

الجد ناظر ابو ماجد : لازم نرجع علشان الشركه و الشغل

ابو ماجد كان سرحان يناظر بنته إلي جالسه تلعب مع وليد و ما كلمت حد من الصبح و بنفسه : أعذريني يا بنتي بس لازم أشد عليك لأني دلعتك كثير

نوال بهمس : وليد تعال نروح للحصان و أركبك معي

وليد بحماس : أوك

وقفت نوال و هي حامله وليد و مشت بدون ما تقول شي

ابو ماجد وقفها : وين رايحه ؟

وقفت نوال لثواني و همست بإذن وليد

رد وليد : رايحين عند الحصان

فهم ابو ماجد ان نوال ما تبي تكلمه و سكت اما نوال فكملت طريقها

ريم للبنات : تصدقون نوال كاسرة خاطري

رغد : أي والله صعبه يتغير عليها أبوها بيوم و ليله الله يعينها

روان : انا ما ادري عن سالم بس محمد كان مع نوال علشان مشروع خيري و انا الشاهده اخوي و اعرفه نوال مثل اخته

ريم و رغد : لا تخافي مصدقينك

عند الشباب جالسين يتمشو بالمزرعه شافو نوال مع وليد رايحين للأحصنه و لحقوهم

ركبت نوال على حصانها و حطت وليد بحضنها و صارت تمشي ببطئ

معاذ و الشباب : السلام عليكم

هزت نوال راسها و ما تكلمت

ماجد : نوال مو حاله ذي ابوي صح غلط بس انتي كمان غلطتي كان لازم من الأول تبينين الموضوع لنا علشان ما نشك فيك و بعدين لحد الان ما اعترفتي منو سالم و نحن ساكتين بطلب من جدي بس

ناظرته نوال بنظرة برود تحمل وراها كثير من الألم و سرعت بالحصان و تجاوزتهم

فارس ضرب ماجد على راسه : غبيي هيك زعلتها الله يعينك من جدي

ماجد يمسح مكان الضربه : ما قدرت اسكت اختي و اخاف عليها و هي مو رضيانه تفسر الموضوع (و التفت لمحمد إلي كان منزل راسه) اعذرني يا محمد بس انا رجال و اخاف على اختي و اغار عليها انت ماشاء الله رجال عن الف رجال و عرفناك اما سالم الله يعين منو بكون

محمد : عاذرك يا ماجد بس ... اخ لو اقدر اتكلم

ماجد : وش إلي يمنعك

محمد بحزن : لاني حلفت يا خوي ما اقدر اتكلم وعدتها اسكت بس تأكد انكم رح تعرفون كل شي بيوم و اظن ان ذا اليوم مو بعيد

هز ماجد راسه و الكل سكت و كملو مشي

.................................................. ...........

عند نوال ظلت تمشي بالحصان و ملامحها جامده بس من داخلها ..تبكي ...تتألم ...تصرخ .... تتمنى تمووت ولا تسمع ان ابوها و اخوها .... اهلها يشكون فيها

رفعت راسها للسماء : باين أن يوم كشف الحقيقه قرب الله يعيني

ناظرت بحضنها شافت وليد نايم ابتسمت رغم ألمها على منظرة البريئ تمنت تكون مثله ما عندها هموم نفضت الافكار عن راسها و اتجهت لترجع علشان اخوها ......

.................................................. ...........

بعد ما فطرت و خلصت ترتيب البيت سمعت رن الجرس و عرفت منو

امل بنفسها : لازم اكون قويه و ما اضعف امامه
و بعد ما جهزت نفسها وقفت خلف الباب و اخذت شهيق و زفير و فتحت

احمد بإبتسامه : السلام عليكم

امل ببرود : و عليكم السلام

احمد استغرب برودها بس طنش : كيفك

امل : الحمدلله تمام (و تشجعت تقوله )اخي احمد انا بترك البيت بكرا اعذرني عذبتك معي بتشكرك على معروفك

احمد بصدمه : ليييييه حد زعلك

امل بإرتباك : لا محد

احمد : طيب ليه تبين تطلعين عندك بيت ثاني ؟ لقيتي إخوانك ؟ تبين تطلعين تنامين بالشوارع و اولاد الحرام كثيير

امل انفجرت : و انت شو ؟

احمد بصدمه : وش قصدك ؟

امل بقهر : لا تحسب إني موب عارفتك با سيد شفتك اليوم جالس مع بنات (و بغيرة احمد لاحظها و فهم الموضوع ) لا و البنت قاعده تبوسه و تدلع و هو مبسوط

احمد ابتسم بداخله بس قال : ........

.................................................. ...........

انتهى البارت
أرائكم و انتقاداتكم
ودي لكم