الفصل الرابع

رواية انا والمكتئب الجزء الرابع 4 بقلم آية موسى انا والمكتئبرواية انا والمكتئب الحلقة الرابعة منذر : خلاص بقا .. اسكت .. انا زهقت من كمية المشاكل احمد: لا مش حسكت والي قلتلك عليه حتعمله منذر : طب بس بس يا مجنون .. يا بتاع المهادئات احمد صرخ جامد وهو بيقول –ما هو ما بقيتش كدا غير بسببك وبسبب صاحبك الزفت مؤمن ايه !! .. يعني منذر السبب !! فتحت الباب بقوة وقلت بصوت منخفض وحاد –دلوقتي عاوزة اعرف كل حاجة

وهنا بقا في سكون تام بالبيت لف ليا احمد وقال –عاوزة تعرفي .. تمام لقيت منذر هجم عليه وكتم بقه وقال –مفيش حاجة ومش لازم تعرفي رحت بكل احترام مسكت منذر من شعره وبعدته عن احمد وقعدت قدام احمد الي كان قاعد على الارض –انت كويس ؟ –اه –طب يلا قولوا فيه ايه –الموضوع بيني وبين احمد –اسكت يا منذر .. احمد حتقول ؟ بص لمنذر الي عيونه كانت بتقول لا .. وبقا زي تحدي –لا حقول اخد نفس وبدا يتكلم –مؤمن صاحب منذر بيخ… لقيت منذر صرخ

–كفاية بقا بصيت ليه بعصبية .. ما كان حينطق ! قمت مسكته من التيشيرت بتاعه –اطلع برا يالا فعلا طردته وقفلت الباب –ها ؟ .. كمل سكت وهو بيبص ليا واتنهد بتعب وكمل –بيخطف الاطفال –ايه ؟!

–اه والله … وبيشغلهم عند الاشارة .. مرة شفت الموضوع بعيني .. ومرة اخدني على المقر .. الاطفال مسكوا فيا وفضلوا يعيطوا ويقولوا عاوزين نرجع .. بومها طلعني منذر بالغصب هو وصاحبه .. ومن يومها مش عارف انام ولا افكر ولا حاجة .. لحد ما جاتني الفترة بتاعت علبة بيوم –طب ليه ما بلغتش ؟! –بسبب الاخ منذر .. قال اني لو بلغت حيقول انه السبب –يعني هو مشارك ! –اساليه بقا طلعت الاوضة وانا متعصبة وانا متوقعة يكون خرج من البيت

بس لصدمتي لقيته في البلوكنة بيمشي يمين وشمال ومتوتر –قدامي .. علشان اقسم بالله انا لومسكتك حضربك قلم ابوك نفسه ما ضربوش ليك قام بكل ادب قدامي –الي سمعته ده صح –تقريبا –يعني ايه تقريبا !! .. انت بتاخد الاطفال من اهلهم وتخليهم يشحدوا !!! .. طب ليه .. ناقص عليك فلوس … –يا بنتي اسكتي .. الموضوع مش كدا اخد نفس وكمل –انا مليش علاقة بالموضوع .. انا بس صاحب الي بيعمل الحجات –نعم !

.. طب طالما كدا مصاحبه ليه .. ومبلغتش عنه ليه ؟!! –انا كنت مصاحبه عادي … كنت مفكراه واد اخلاقه حلوة ومتدين وكنت عاوز ابقى زيه .. من كتر ما علاقتنا كانت قوية قرر يعترف بالموضوع ده ب كل فخر .. صرخت في وشه وهو لما حس انه ما كانش لازم يقول هددني سكت قلت انا واحمد مع بعض –هددك ب ايه ؟؟ سكت شوية كمان وغمض عيونه واخد نفس وقال –هددني .. ب امي وانت .. انت يا احمد اخد نفس تاني

–ورني صور بشعة لابن عمه ومراته بعد ماا ابن عمه عرف بالموضوع وكان حيقول لاهله .. عمل كدا ولبسها باوحد غلبان .. وقالي انه لو فكرت ابلغ حيعمل كدا .. معاكم واكدلي كدا لما النذل جه على البيت من دون علمي .. وقعد شرب شاي واكل كعك واتكلم مع امي .. كانها رسالة صامتة اني قادرة اوصلكم بكل سهولة –وبعدين ؟ … وازاي عرف احمد الموضوع ده –من فضوله الزايد .. جه يوم يعمل دور الاخ الكبير و لحقني يشوف بروح فين

–وانت ليه كنت بروح المكان ده سكت شوية –علشان كنت بشوف الضحايا الجديدة .. وكان يقعد يقولي اقعد معاهم وانا شوية وجاي .. كنت اقعد اسجل اسماءهم واشوف لو حافظين رقم اهاليهم او عنوانهم –كم اعمار الي كان بيجبهم –6 سنين وفوق .. لحد 12 سنة اتكلم احمد بفضول –طب ليه ؟

–لانه الاصغر من 6 سنين عيل في كيجي .. ومش حيعرف اصلا يبيع او يشحد وممكن يقول لاي حد .. واكبر من 12 .. لانهم مش حينسوا .. الفكرة من الموضوع انه الطفل بعد فترة ينسى اهله واسماءهم .. يعني انتي مثلا فاكرة حاجة وانتي عمرك 10 سنين .. وعلشان ما يقدرش يقاوم او يفكر في الهرب كتير .. عارفة في فترة المرهقة بتظهر شجاعة ويفكروا نفسهم قدرين .. وممكن تنجح ؟ –صحيح .. انا فاكرة حجات خفيفة .. طب لما يكبروا ؟

–لما يكبروا حيشتغلوا في صالحهم .. سرقة .. خطف .. وحيكون الولاء ليهم هما –طب كل ده بيعملوا صاحبك –ااه .. هو وكم واحد من الدرس بتاعنا ازاي الأفكار الشيطانية دي تيجي لواحد في 2 او 3 ثانوي ؟!!! ده انا كنت بعتبرهم اطفال .. دول طلعوا وحوش بصيت لمنذر –بدا من امتى –7 شهور –عرفت امتى –من 4 شهور –عنده كم عيل ؟ –15 وفي تزايد ـ قوم هات الدفتر وتعال اقراء اسمائهم قام منذر بصيت لاحمد لقيت سرحان وفعلا متضايق طبطبت على ايده

–معلش .. كله حيهون –شكرا انك جمبي ابتسمت وجه الشيطان منذر هو ودفتره –اول واحدة بنت اسمها جومانة راشد العفيفي –بنت راشد العفيفي .. رجل الاعمال !! –اه تخييلي .. البنت بس شافتني ووعدتهم اني حخرجهم قعدت تقولي ان بابا معروف وروح لبابا وهو حيتصرف .. وصاحبه كتير .. وقعدت تعيط جامد احمد بحدة: اسكت وكمل الاسم الي بعده –الي بعدها هيام محمد احمد رمشت اكتر من مرة واناا بحاول افتكر –البنت دي اتخطفت من شهرين ؟ –ايوه

قعدت افتكر .. البنت اتخطفت في المكان شغلي .. ومامتها جت على الصيدليه وطلبت مني اشوف الكاميراات وما كانش واضح .. واديتني رقمها لو حصل أي جديد –معاك رقم والدتها ؟ –لا .. البنت مش حافظة رقم امها .. دي صغيرة اووي .. 6 سنين –انا معايا رقمها –ايوه يا جامد احمد: اعتقد ده مش وقت هزار .. ازاي بجد انت كدا !! –صاحبه سفاح وخاطف اطفال حيكون ايه يعني ؟ –التالتة بنت اسمها ملك ياسين

احمد : مش دي البنت الي انشهرت جامد وبابااها حط 300 دولار للي يلاقيها –ايوه –طب ازاي محدش عرفها في الشارع .. دي ايامها اتشهرت جدا –لا ما هو مؤمن مخبيها .. ومش عارف يعمل ايه اسمه مؤمن وهو يمكن ما يعرفش اركاان الايمان اصلا ! –طب وبعدين حنعمل ايه –مش عارف .. ومش شايف ان ده مكان مناسب نتناقش فيه .. امي برا –لا خالتو نايمة .. بس عموما فعلا كلامه صح .. نروح على لسطوح ؟ –اه يلا قعدنا على السطوح واحنا بنفكر

–رنين .. مش ابن خالتك ظابط نكلمه ؟ –ممكن –طب ما نكلم ابو جومانة .. فعلا معارفه كتير –يمكن –ما نبلغ البوليس كدا –لا .. انا شايفة انه اكلم ابن خالتي .. وما تنذكرش اسمائنا في الموضوع ولا مين ولا عرف –تمام –طب يلا قوم وصلني يا صاحب السفاح .. وانت يا احمد .. ادخل نام .. وما تفكرش بحاجة قررت اروح بيت خالتو علشان الموضوع مش مستحمل لبكرا وصلت وفتحلي ابن خالتي ” محمد ” الباب –اهلا ب رنين .. اهلا يامنذر .. عامل ايه ؟

–عازوينك في موضوع قال منذر بخوف –لا هي عاوزاك .. انا مليش دعوة .. يلاعاوزة حاجة .. سلام ونزل جري على 1 2الصفحة التالية مدونة كامومنذ يومين 0 7 دقائق