رواية انا وحبيبي بقلم احمد محمود | كاملة

د الفصل الاول اناوحبيبي أول مرة اتخطبت كانت خطوبة بعد قصة حب لمدة ٣ سنين، كنت في سنة تالتة كلية حقوق، أنا وياسر زميلي كنا بنحب بعض من سنة أولى، مكنش عندي أصحاب كتير كان هو كل أصحابي، أنا فاكرة كويس يوم ما قال لي إنه عايز يجيب أهله ويتقدم لي كنت مبسوطة وطايرة من الفرحة، واتقدم لي واتخطبنا. دائمًا علاقة الارتباط الرسمية مش بتكون زي علاقة الارتباط المخفية عن الأهل والناس عمومًا، فيها حاجات كتير مختلفة، الرسمية بيكون كل طرف واضح فيها أكتر ومفيش تلاعب ولا كذب كتير، على الأقل يعني بين الأهل، لكن الارتباط المخفي بيكون كله كلام معسول ووعود جايز تحصل وجايز لأ وكل واحد وحظه! أول صدام حصل بيني وبين ياسر لما اتصل بيَّ مرة وأنا برّا البيت يومها اتخانق معايا وقال لي ازاي تخرجي من غير ما تستأذني مني! وقتها اتعصبت منه وقولت له إنه خطيبي مش زوجي عشان استأذن منه وإني استأذنت من بابا...