رواية انا شاعرك العام والقصيد عيونك. الفصل العشرون 20 - بقلم rw2ixxx

امال : ما اخاف بس بـ صفتك من؟
عبدالرحمن ابتسم : مين ودك انتي؟
امال : غريب بالنسبه لي انت غريب ،
عبدالرحمن : حلو اجل خلاص قولي من شخص غريب ،
امال سكتت وهمست : واضح انك فاضي ،
عبدالرحمن : لا والله قاعد اسوق ،
'
عمر دخل البقاله وهو يشوف غلا كانت في البقالة تشتري و دايم تجي تشتري خرابيط للسهر وقف وهو يطالع فيها كانت لابسه عبايه لونه بينك و طرحه ابيض و شعرها طالع صبغتها اشقر لونها وكانت حاطه مكياج خفيف وشعرها ويفي ،
" مُلاحظه انها ما تتغطى فقط تلبس الحجاب ع راسها "
عمر كان مبتسم ويتاملها بينما غلا ما كانت منتبهه وتشتري ،
عمر التفت لمارلين الي مشت تشتري الاغراض ،
وتوجه يحاسب عن غلا ، غلا كانت واقفه تشتري بعد دقايق خلصت و توجهت تحاسب عمر عطاها ظهره عشان ما تعرفه،
الكاشير همس : حسابك مدفوع ،
غلا انصدمت وهي تلتفت يمين يسار تدور محسن او ابوها لكن ما هُم فيه وهمست : مين دفع؟
عمر التفت لها وهو يضحك والكاشير اشر عليه ،
غلا انصدمت وهي تشوف عمر واقف ،
عمر : انا دفعت عيوني لك ،
غلا بتوتر : عمر وش هالحركات !
عمر : مو شغلي من بعد اليوم تاخذين على حسابي ،
غلا التفتت وهي تناظر للي يدخلون البقالة : اروح البيت اكلمك واخذت اغراضها ومشت ، عمر كان مبتسم ويناظر لها،
'
سلطان طلع للمزرعه وهو ماسك عساف ومشى وهو يحطه على الارض عساف قام يبي و يرفع يدينه يبيه يشيله ،
سلطان انحنى وهو يشيله وتوجه وهو يحطه فوق سيارته،
واخذ جواله وناظر لاتصالات مصعب و رد : هلا مصعب ،
مصعب : شالاخبار متعب قايل لي انك متضايق؟
سلطان مد يده وهو يمسح على شعر عساف وهمس : ماني عارف ي مصعب احس اني ضعت بين هالام وولدها ولا قادر اهرب منهم و اتركهم ماني عارف شي يخي ولا قادر افكر بالقضيه عقلي مقفل مصدع ماني عارف شي ،
سُلاف كانت بالغرفه مشت وقفت عند الشباك وهي تناظر ،
كانوا بعيد لكن قدرت تلمحهم وتشوفهم ،
ناظرت لسلطان الي كان واقف يكلم بالجوال وعساف على سيارته يناظر فيه ، توجهت اخذت لها ملابس تدخل تاخذ شاور وتكمل تنظيف البيت وتحاول تنسى كل شي وتترك الموضوع ينحل بنفسه او ينكشف كل شيء تحاول تهرب من كل شي وترتاح هي مو اقل من سلطان حتى هي ضايعه ضيعت نفسها كانت تحس بشعور ثقيل ماعندها القوه تكمل اكثر وتسكت لكن بنفس الوقت ماعندها القوه تتحمل فقد عساف ،
'
صقر وقف وهو يطالع بـ ملاذ الي كانت واقفه كانوا واقفين بنص شارع المانيا والدنيا برد و زحمة الناس ،
ملاذ رفعت راسها وهي تشوف نظرات صقر ابتسمت وهي تحب هالنظرات تحب اهتمامه وحُبه وخوفه تحب كل شي فيه
تحب انه..
صقر وقف وهو يطالع بـ ملاذ الي كانت واقفه كانوا واقفين بنص شارع المانيا والدنيا برد و زحمة الناس ،
ملاذ رفعت راسها وهي تشوف نظرات صقر ابتسمت وهي تحب هالنظرات تحب اهتمامه وحُبه وخوفه تحب كل شي فيه
تحب انه كيف يتاملها وكيف يحبها وكيف يهتم فيها ،
صقر ابتسم وهو يشوفها تطالع فيه كان يحس قلبه بيطلع من مكانه من قوة الحُب وده لو هي تقدر تتكلم وتعبر له عن حُبها له وبنفس الوقت يشوف الحُب بعيونها ويعرف انها تحبه وكيف تحضنه وكيف تبتسم وتضحك من كل كلمه يقوله ،
مد يده شبك يدينه بيدها وهم يتمشون بشوارع المانيا و يمرون بين الاسواق ،
'
مشعل كان نايم بغرفته نجلاء دخلت بعد ما راحوا الضيوف دخلت وهي تشوفه نايم مشت وهي تناظر فيه كان نايم وهو ينتظرها تجي كان مشتاق لها بس اخذه النوم ولا قدر ينتظر ،
نجلاء مشت وهي تمسح مكياجها وتفكر ليه ام مشعل سوت كذا ما عطت فرصه لنفسها تسالها ما ودها بوجع الراس انسحبت و دخلت غرفتها قاطع تفكيرها صوت جوالها وهي تشوف رسايل امال ضحكت وعضت شفتها : ياويلي منها ،
وتركت جوالها ومشت تغير وترتاح من هالفستان ،
'
امال استغربت انها ما ترد تركت الجوال بهاللحظه دخلوا فهد و لطيفه وهم مبتسمين ، امال وقفت مشت وهي تحضن ابوها والتفتت يمين يسار : وينها نجوله نسيتوها ؟
ام نجلاء باستغراب : في البيت هي وين بتكون ؟
امال بصدمه : لا صحيت مالقيتها والشغاله كلمتني انكم رحتوا توقعتها جت معاكم !
ام نجلاء : لا قالت لي بتجلس في البيت يمكن راحت لبيتها ،
امال ناظرت لابوها : يبه شف الحيوانه كذبت علي تجلس اسبوع!
فهد بضحكه : حتى انتي بكره تصيرين زيها ،
امال : لا طبعًا مستحيل اصير زيها ،
'
ام صقر ناظرت للجد الي كان جالس يتقهوى : كيف المزرعه؟
الجد سُليمان ابتسم : ماكان خاطري فيه كل ذكريات عبدالعزيز في المزرعه كل مكان في المزرعه يذكرني فيه ،
ام صقر : الله يرحمه من حبه ومعزتك بقلبه ترك لك المزرعه،
الجد سُليمان : اذكر زمان كان يقول لي نسوي مزرعه لاحفادنا وما شاء الله عليه شد حيله و سواه وانا سويت المزرعه في اخر الدنيا ولا لنا حيل نروح له ،
ام صقر : اذت بخاطرك ف اكلم فهد ونروح ونتطمن ونغير جو ونجلس فيه شوي ،
الجد سُليمان : افكر لو يجي فهد وقته نروح و اخذه يشوفه ،
ام صقر : حلو اجل ونروح قبله بيوم ننظف اكيد يكون مغبر،
الجد سُليمان : ان شاء الله على خير.
'
سلطان التفت وهو يشوف شباك الغرفه مفتوح والتفت لعساف كان يركض في المزرعه ويطيح ابتسم وناظر فيه : يلا عويس روح لماما بمشي انا ،
وتوجه وهو يشيله ومشى فتح الباب ودخل البيت وهو يدور ..

سلطان التفت وهو يشوف شباك الغرفه مفتوح والتفت لعساف كان يركض في المزرعه ويطيح ابتسم وناظر فيه : يلا عويس روح لماما بمشي انا ،
وتوجه وهو يشيله ومشى فتح الباب ودخل البيت وهو يدور سُلاف بعيونه استغرب من الهدوء دخل الغرفه وهو يشوف مالها حس والتفت للشباك وانصدم اول ما خطر على باله انها احتمال هربت ومشى طلع وهو يدورها لكن وقف من سمع صوت المويا من الحمام وتنفس براحه وتوجه دخل الغرفه وهو يشوف عساف الي مشى ارتمى على الارض ينام ابتسم بخفه وشاله وحطه فوق السرير وجلس جنبه ،
عساف كان منسدح ويطالع فيه بهدوء ،
سلطان كان ساكت و سرحان بتفكيره مايدري وش يسوي يحس انه ضايع وهو فعلًا ضايع ماهو فقط احساس ضيع نفسه لاجل هالقضيه سكت من سمع صوت الباب و رفع نظره وهو ينتظرها تدخل ...
'
عبدالرحمن كان جالس مع اخوياهه في البر يسولفون والنار وسطهم عقد حواجبه من وصله رساله دخل وهو يشوف كان رساله من امال كاتبه " شكرًا على الهديه نسيت اشكرك '
ابتسم وترك جواله و رجع رن اخذه وهو متوقع امال لكن ابوه الي كان يتصل وقام وبعد عن جلسة العيال و رد : هلا يبه؟
يوسف : اخوك صقر وشفيه ما يرد علي؟
عبدالرحمن : ماعندي علم والله ما اكلمه هالايام ،
يوسف : خايف عليه يكون بحاجة شي فلوس او اي شي ،
عبدالرحمن ابتسم : لا تخاف يا يبه ماهو بحاجة شي ولا كان كلمني تطمن انت ،
يوسف : والله فقدته ماله حس ولا حتى يرد على اتصالاتي ،
عبدالرحمن : لا تحاتي يبه اكيد مشغول ان شاء الله بيرجع ،
'
نجلاء انسدحت وهي تحاول تنام وتحس نفسيتها متغير من رجعت من عند اهلها وهي تحس نفسها مو بخير ولا قدرت تاكل شي طول الوقت ما اكلت غير كيكة ميلاد امال قامت جلست وهي حاطه يدها على قلبها تحس انها تستفرغ ،
مشعل فتح عيونه يسحب اللحاف لكن استغرب وهو يشوف نجلاء جالسه وقام ناظر فيها : وش فيكِ؟
نجلاء هزت راسها بالنفي : مافيني شي نام انت ،
مشعل بخوف : تكلمي وشفيكِ؟ يوجعك شي؟
نجلاء التفتت له وهزت راسها بالنفي : لا مافيني شي يخي ،
مشعل سكت وهو يقوم يجلس ويناظر فيها ،
نجلاء فزت و ركضت متوجه للحمام ، مشعل انصدم و لحقها،
نجلاء قعدت تستفرغ بعد دقايق طلعت وناظرت لمشعل كان واقف بخوف : شصاير لك؟؟
نجلاء تجمعت الدموع بعيونها وهمست : ماني عارفه بموت من الم بطني ،
مشعل : وش اكلتي؟
نجلاء هزت راسها بالنفي : ماني ماكله شي ،
مشعل مسكها من يدها : تعالي اجلسي ارتاحي ،
نجلاء مشت جلست و دموعها تنزل بخوف ،
مشعل مد اصبعه وهو يمسح دموعها : بلاها ي نجلاء تحملي شوي خليني البس ثوبي اخذك المستشفى ، ومشى وهو يسحب ثوبه
مشعل سحب ثوبه و لبسه والتفت لنجلاء الي قامت بتلبس عبايتها وتوجه لعندها يساعدها لبست وطلعت معه مشعل قفل الباب ومسك يدها بيطلعون ، ام مشعل و ريما كانوا جالسين يسولفون بعد ما خلصوا من تنظيف البيت ،
ام مشعل باستغراب : وين رايحين؟
مشعل التفت : اذا جيت اعلمك وطلع وهو ماسك يد نجلاء ،
ومشى ركب السياره نجلاء ركبت معه و دموعها بعيونها ،
مشعل حزك سيارته ومد يده يمسك يدها : لا تخافين ،
نجلاء مسحت دموعها وهي تناظر للطريق ،
مشعل التفت لها بشك : تاخرت عندك الدوره؟
نجلاء انصدمت وناظرت فيه وما تكلمت بشيء ،
مشعل : اكلمك انا! جتك ولا لا؟
نجلاء هزت راسها بالنفي و رجعت تناظر للطريق من الشباك،
مشعل ابتسم وكمل يسوق وهو متاكد الي بباله صح ،
'
لطيفه دخلت وناظرت لفهد الي كان سرحان بتفكيره ومنسدح ومشت له : ايش فيك ما نمت؟
فهد ابتسم بخفه : اشتقت لابوي بخاطري اروح ازور قبره ،
لطيفه : طب روح ليه ما تروح ؟
فهد : الدوام ي لطيفه كيف اترك شغلي؟
لطيفه : خذ اجازه و ريح راسك و ارتاح وخلنا نطلع للقصيم نغير جو وغير كذا ام صقر كان بخاطرها نروح معها البحر ،
فهد عقد حواجبه : جده؟
لطيفه : هي كان بخاطرها كذا بس لا نروح لمكان ثاني ،
فهد : تمام اشوف اخلص شغلي ونطلع للقصيم على خير ،
'
عبدالرحمن لبس الدس وهو يناظر لـ شيهان على الوكر فوقه و البرقع على وجهه ابتسم وهو يخليه بين يده بهاللحظه نزل عمر وهو يشوفه وابتسم : شتسوي ؟
عبدالرحمن مد له الجوال : صورني بالله صوره حلوه ،
عمر بتفكير : كم تدفع لي؟ عاد تصويري حلو لازم مقابل ،
عبدالرحمن : اقول اخلص بس من زين التصوير عاد ،
عمر : تنتقد وتبغاني اصورك!
عبدالرحمن : اخلص علي ي رجال بسرعه ،
عمر ضحك واخذ الجوال وهو يصوره.
'
" عند صقر وملاذ في المانيا بالفندق تحديدًا "
ملاذ كانت عند المرايه تناظر بنفسها و لبست بلوفر لونه ابيض
صقر كان لابس بلوفر لونه اسود ومشى عندها : تعالي يلا ،
ملاذ ابتسمت ومشت معه و دخلوا المطبخ ،
صقر : وش ودك كيك ولا دونات تراي فنان ،
ملاذ ابتسمت ومشت وهي تشيل القلم والدفتر وتكتب ،
" مُلاحظه تعرف تكتب وتقرا الحادث صارت معها وعمرها ١٤ كانت تدرس وتشوف لكن ما تتكلم خلقه "
كتبت له كيك صقر قرب و قراء وابتسم ومشى وهو يطلع الاغراض ملاذ مشت عنده وهي تساعده ،
صقر طلع الفراوله وناظر فيه واخذ حبه ومده لها.
ملاذ ابتسمت واكلت شوي واخذته ومدته له صقر ابتسم وفتح فمه و اكل من يدها ، وقرب اخذ البيض وهو يكسره وملاذ تساعده يسون كيك '
'
مشعل وقف وهو ينتظر الدكتوره الي طلعت ومبتسمه وناظرت فيه ...

مشعل وقف وهو ينتظر الدكتوره الي طلعت ومبتسمه وناظرت فيه : انت زوجها؟
مشعل ابتسم من كلمة " انت زوجها" وهز راسه بـ اي ،
الدكتوره : مبروك هي حامل ،
مشعل كان حاس بهالشيء وعرف لكن ما يدري ليه انصدم لما سمع من الدكتوره هالكلمه تجمد بمكانه وهو يحس رجوله مو شايله والدنيا مو سايعته ومشى دخل عند نجلاء ناظر فيها كانت منسدحه نجلاء رفعت نظره له وهي تشوفه مبسوط،
مشعل مشى وهو يجلس جنبها ويمسك يدها ويبوسها ،
نجلاء ناظرت فيه : مشعل احس اني خايفه ،
مشعل : لا تخافين راح اتفاهم مع ولدي ما يعذبك ،
نجلاء ضحكت من كلامه وهي تشوف فرحته ،
مشعل : ما ودك تقومين نمشي للبيت عشان اقدر اضمك؟
نجلاء : لا تعلم احد لا اهلي ولا اهلك ،
مشعل باستغراب : ليه؟
نجلاء : بس لا تعلم احد مابي احد يعرف ،
مشعل : ترا راح يفرحون ! و اول حفيد كيف تبين ما اعل..قاطعته نجلاء : ادري ي مشعل ادري بس لا تعلم تكفى،
مشعل تنهد وهو ما وده يتناقش معها اكثر وهي بذي الحاله وهمس بهدوء : تمام ابشري قومي ،
'
امال كانت جالسه بغرفتها وتناظر بالاسواره ابتسمت وهي ترجع تحطه بالدرج و انسدحت وهي مستغربه ليه نجلاء ما ترد على اتصالاتها و رسايلها سحبت اللحاف وانسدحت واخذت جوالها تطقطق فيه و دخلت الواتس تشوف نجلاء اذا شافت الرسايل ولا لا لكن وقفت وهي تشوف صورة العرض حقت عبدالرحمن كان لابس ثوب و كُم الثوب مشمر رافعه ،
ولابس بيده الدس و شيهانه على يده ، كبرت الصوره وهي تشوف وابتسمت : اوف شيهانه اشتقت لك والله ،
فجاه دخلت ام نجلاء وناظرت فيها : ما نمتي للحين؟
امال تركت جوالها والتفتت : لا والله طفشانه ودي نروح لمكان نغير جو حتى نجوله حيوانه سحبت علي ،
ام نجلاء ابتسمت : خليها اكيد مشغوله مع زوجها و ابوكِ وده يروح القصيم يزور قبر جدك ودك نمشي لـ ام صقر ؟
امال ابتسمت : يوه اشتقت لها اتصلت تعايدني ع ميلادي ،
ام نجلاء : خلاص ان شاء الله ابوكِ كلمني بيقوم الصباح يروح يخلص اجتماعه ويرجع ونتجهز وبنمشي ،
امال : ماراح ناخذ نجوله الحيوانه خلي شعلولي ينفعه ،

مشعل كان يسوق وماسك يدها وكل شوي يبوس يدها ويحس انه مو مصدق واخيرًا بيصير اب وناظر فيها : ي ام نايف شالاخبار ايش عندك ساكته؟
نجلاء التفتت له وضحكت : ام نايف؟
مشعل : اي ومن بعد اليوم مافي الا ام نايف راح اصير اقولك ارحبي ام نايف سوي العشاء ي ام نايف ،
نجلاء كانت تضحك وهي تسمع سوالفه وتشوف فرحته ،
'
سلطان رفع نظره وهو ينتظرها تدخل سُلاف ماكانت متوقعه انه سلطان بالغرفه كانت حاطه المنشفه على راسها و لابسه جينز وتيشيرت ابيض لونه قصير

سلطان رفع نظره وهو ينتظرها تدخل سُلاف ماكانت متوقعه انه سلطان بالغرفه كانت حاطه المنشفه على راسها و لابسه جينز وتيشيرت ابيض لونه قصير الكُم تصنمت بمكانها وهي تشوف سلطان منسدح على السرير و عساف جنبه ،
سلطان ما بعد نظره وعيونه عنها وهو يشوفها بهذي المنظر وقدامها وكيف واقفه و طولها كانت طويله لكن مو اطول من سلطان، ما قدرت تتحكم من الصدمه وهي تشوفه استوعبت على نفسها وصدت طلعت بسرعه وهي تقفل الباب حطت يدها على قلبها بخوف وهي تحس بيطلع من مكانها ،
سلطان حس انه بيتهور سحب مفاتيحه وترك عساف ومشى فتح الباب وقف وهو يشوفها عند الباب وناظر فيها لثواني وتعوذ من الشيطان وصد طلع بسرعه ،
'
امال مشت وهي تفتح الدولاب تدور لها فستان ابتسمت وهي تلمح فستانها لونه لحمي على وردي خفيف طلعته وهي تناظر فيه ومشت حطته على السرير ومشت تدور اساور وحلق تليق على الفستان ابتسمت من تذكرت اسوارة عبدالرحمن مشت اخذته وهي تشوف لونه فضي وتليق مع الفستان لبسته ومشت وهي تلبس الخواتم وتشوف يدها بالمرايه و عروقها البارزه بيدينها مشت وهي تاخذ الشنطه لونه اخضر صغير نوعًا ما وشالته وهي تشوف بالمرايا و ابتسمت برضى ومشت لبست الفستان وتشوف شكلها : والله طالعه حلوهه ،
ومشت وهي ترجع كل شي لمكانها وتستشور شعرها ناظرت للساعه كان ٣ الفجر واكيد فهد بيصحى ٤ ويروح لدوامه يخلص ساعه ٦ و بيروحون القصيم بالسياره هالمره ،
ومشت وهي تشيل مكياجها وتحطهم في الشنطه وتجهز ،
'
عبدالرحمن دخل غرفته وهو يفسخ ساعته ويحطه على الطاوله رفع يده بيفسخ ثوبه لكن وقف وهو يشوف امه تدخل ابتسم وهمس : هلا بالغاليه تعالي حياكِ ،
دخلت ام صقر وناظرت فيه : بتنام؟
عبدالرحمن هز راسه بالنفي : لا والله ما انام الحين ليه؟
ام صقر : ابوك كلمني احتمال بيجي فهد مع الاهل ،
عبدالرحمن عقد حواجبه وهمس : حياهم الله ،
ام صقر : قال لي احد يستقبلهم لانه راح يكون في الدوام ومافي غير سلطان بس ما يرد علي انا بنام واذا جاء كلمه اخاف انسى بكره و انشغل بالقهوة والترتيب ،
عبدالرحمن بضحكه : انا استقبلهم اروح لهم ماعليكِ ،
'
عمر مشى فتح شباك غرفته وهو يرسل لـ غلا يكلمها تفتح شباكها رغم انه بيتهم بعيد لكن يقدر يلمح شباك غرفتها ويعرف متى تنام اذا شاف النور طافي غلا كانت تدرس ابتسمت وهي تشوف رسالته مشت فتحت الشباك وهي تدور شباكه ما تدري اي واحد غرفته و رسلت له : انت وين؟
عمر : مو باين؟
غلا طالعت يمين يسار وكتبت : لا ما اشوفك ،
عمر ابتسم : ودك تشوفيني؟
غلا سكتت وهي ماعندها اجابه لهالسوال ،
عمر قفل شباكه وهو ينزل لتحت.

صقر مشى وهو يناظر للكيك الي تجهز وطلعه وحطه على الطاوله والتفت لملاذ : شرايك؟
ملاذ ابتسمت وقربت وهي تحط الفراوله فوق الكيك ،
صقر ناظر للشوكلاته واخذ شوي ب اصبعه وقرب من خشمها وهو : اسويه!
ملاذ هزت راسها بالنفي وضحكت وهي تهرب منه ،
صقر لحقه وطلعوا من المطبخ ملاذ ركضت لفوق السرير ،
صقر : وش تحسبين مقدر اجيكِ؟
ملاذ ابتسمت وهي تشيل اللحاف وترميه عليه ،
صقر عقد حواجبه : عاد من بعد هالحركه ما اتركك لحقها ومشى وهو يمسكها من يدها : وين راح تهربين يعني؟
ومد اصبعه الي فيه الشوكلاته لخدها وهو يضحك ويشوف خدها الي كله صارت شوكلاتة ،
ملاذ ناظرت فيه بقهر ومسحت وقربت تحط على وجهه ،
صقر ضحك وقرب وهو يبوس خدها : خلاص اسفه يلا نمشي،
ملاذ ابتسمت وقامت معه ،
'
مشعل دخل ونجلاء معها وماسك يدها و توجهوا لغرفتهم ،
نجلاء مشت حطت عباتها وجلست على السرير بتعب ،
مشعل ابتسم وتوجه لعندها : متوقعه اني اتركك تنامين؟
نجلاء عقدت حواجبها باستغراب وبهاللحظه فجاه اندق الباب مشعل استغرب وتوجه فتح الباب وهو يشوف امه ،
ام مشعل : انا و ريما نظفنا الصاله كلم زوجتك تنظف المطبخ،
مشعل تنهد : يمه هي تعبانه كلمي ريما تنظف وبعدين وينهت ريم ابي منها شغله وطلع وهو يصارخ : ريمااا ،
ريما ركضت له : هلا ناديتني؟
مشعل : اي ناديتك سوي اكل لـ نجلاء ما اكلت شي طول اليوم،
ريما : في رز اسخنه لها؟
مشعل : اي ر..قاطعته ام مشعل بصدمه وهي تناظر فيه وطلعت وهمست بحدها : وليه هي ما تسوي لنفسها لا يكون حاطه حناء برجلها ولا ما تقدر تمشي!
مشعل بهدوء : يمه قلتلك هي تعبانه شفيكِ؟
ام مشعل : ما تستحي وانت تخلي اختك تخدم زوجتك!
مشعل بصدمه : على ايش استحي وبالنهايه نجلاء بنت خالها وهم من زمان يسون لبعض وعادي !
'
فهد قام من نومه وهو يشوف الساعه ٤ الفجر تنهد وهو يقوم و التفت لـ لطيفه و ابتسم : ما نمتي؟
لطيفه : لا مافيني نوم وبنتك من سمعت بنمشي ماعاد نامت،
فهد ابتسم وتوجه للحمام " يكرم القارىء " بعد دقايق طلع ومشى وهو يعدل شعره و لبس ثوبه وطلع وهو يشوف امال بالصاله و ابتسم : وش تسوين هنا؟
امال قامت ومشت حضنته : صح النوم كنت انتظرك تصحى عشان اقنعك نروح جده اشتقت للبحر ،
فهد ابتسم وهمس : على خشمي ابشري ،
ام نجلاء بصدمه : بس انا كلمت ام صقر اننا بنجيهم؟
امال : يمه مو هي كانت تبي نروح البحر؟ قولي لها تجي هناك،
ام نجلاء تنهدت : تمام اكلمها واشوف ،
فهد : جهزو اغراضكم اخلص الاجتماع واجي وبنمشي ،
امال : ماراح نعلم نجوله ولا بناخذها معانا الحيوانه ،
'
ريما كا..

ريما كانت تسخن الرز وما انتبهت ليدها الي انحرقت فزت وهي تشوف يدها احمر وتحس بوجع ومدت يدها لوراء ظهرها وحطت الرز بالصحن واخذت الصينيه وتوجهت لغرفة مشعل،
مشعل كان جالس جنب نجلاء وماسك يدها ومد يده وهو يرجع شعرها ورا اذنها : يوجعك شيء؟
نجلاء هزت راسها بالنفي ، بهاللحظه دخلت ريما وبيدها الصينيه ومشت حطتها وهي تحاول تخبي يدها من مشعل،
مشعل ابتسم : شكرًا يعطيكِ العافيه ،
نجلاء ابتسمت : شكرا ريموه ، ريما ضحكت ومشت ،
مشعل ناظر لنجلاء : من بعد اليوم لازم تهتمين بـ اكلك عشان بيجي نايف وهو صحته زين ،
نجلاء ناظرت فيه : وانت شعرفك انه ولد؟
مشعل بضحكه : احساس و احساس الاب ما يخيب ،
نجلاء ضحكت وقربت تاكل من يده ،
'
امال دخلت غرفتها ومشت وهي تجهز شنطتها وملابسها وناظرت للفستان : ما بلبسه دامنا ما بنروح لخالتي ام صقر. ومشت وهي تطلع بنطلون ابيض وتيشيرت كحلي بدون كُم،
واخذت جاكيت لونها اسود لبسته فوقها وهي تتصور ومشت جلست وهي تنتظر أبوها يجي ،
'
عبدالرحمن كان صاحي بغرفته يتابع التلفزيون ،
ام صقر توقعت انه نايم و دخلت تطمن عليه ابتسمت وهي تشوفه صاحي : ما نمت؟
عبدالرحمن : اخاف تروح علي نومه مين يستقبل ضيوفك ،
ام صقر ناظرت فيه : ما بيجون غريب انا قلت لمارلين تعلمك؟
عبدالرحمن عقد حواجبه : لا ما علمتني وليه ما بيجون؟
ام صقر : بيروحون لجده وكلمونا نروح حنا بعد نتجمع هناك ،
عبدالرحمن : اووه وش هالقرار فجاه ؟
ام صقر : كنا مخططين من قبل نروح البحر كلنا ونغير جو وما قدرنا ف ان شاء الله هُم يوصلون وبنروح حنا ،
عبدالرحمن ابتسم : انزين حلو بنمشي الظهر بعد ما يوصلون ،
'
فهد دخل البيت وناظر فيهم كانوا جاهزين ابتسم والتفت للسواق الي اخذ الاغراض والشنط يدخلهم السياره ،
امال : كم يوم نقعد يبه؟
فهد : والله مدري يا بنتي انا كلمت يوسف تني اوصل و نستاجر فندق و اححز لهم بعد ويجون ،
ام نجلاء : بنفس الفندق نتجمع؟
فهد : اي نشوف فندق زين الجناح يكونو جنب بعض افضل جناح لكن و جناح لنا ،
امال ابتسمت : بس تكفى يبه قريب البحر عشان اخر الليل اذا طفشت اروح البحر و استمتع لوحدي ،
فهد : ان شاء الله ابشري ،
'
= صباح يوم جديد على الابطال =
'
فهد كان يسوق وعيونه على الطريق و ام نجلاء تصب له القهوة والتفتت لامال وراء : عطيني المعمول الي بالكيس ،
امال مدت لها وهي ماسكه جوالها وتسمع اغنيتها المفضله ،
فهد : اتركي هالجوال و سولفي معنا ،
ام نجلاء : طول وقتها على الجوال مدري شتسوي ،
امال ضحكت وهي تترك جوالها : طب شسوي طفشانه مافي احد نجوله
امال ضحكت وهي تترك جوالها : طب شسوي طفشانه مافي احد نجوله وملاذ كلهم راحوا ،
ام نجلاء ابتسمت على طاري ملاذ : ياحلوها ملاذ اشتقت لها ،
فهد تنهد : ان شاء الله بيرجعون على خير ،
'
ملاذ كانت نايمه بحضنه صقر التفت وناظر فيها وهو يلعب بشعرها غمض عيونه وكلام الدكتور يتكرر باذنه الكلام الي عجز يصدقه و انصدم صدمة عمره ولا وده احد يعرف رغم انه اخوانه يعرفون بوضعه لكن ما علم احد لا ابوه ولا امه ، غير عبدالرحمن وسلطان سكت وهمس : سامحيني ي ملاذ ،
غمض عيونه بقهر و رجع اخذ جواله وهو يتصل على عبدالرحمن وترك ملاذ و توجه دخل البلكونه ينتظر رده ،
عبدالرحمن كان نايم وتحرك بانزعاج من صوت جواله جلس و رد باستغراب : هلا ي صقر شصاير ؟
صقر : مو صاير شي بس فاضي ؟
عبدالرحمن : اي فاضي تكلم شفيك ؟
صقر تنهد : مدري يا عبدالرحمن احس قاعد ارتكب جريمه في حق نفسي وفي حق زوجتي اخاف تعرف حقيقتي تكرهني ،
عبدالرحمن عقد حواجبه : حقيقتك؟
صقر : اي حقيقتي ولا نسيت كلام الدكتور؟
عبدالرحمن سكت وتذكر وانصدم : علمتها؟؟
صقر : لا يخي ما علمتها مابي اخسرها و افقدها ،
عبدالرحمن : لا تعلمها خلها و ربك يحل الامور ،
صقر بقهر : ايش الي ينحل ي عبدالرحمن!! بسبب كلامك انت وسلطان من تزوجت وانا اقولها بنجيب عيال ودك بعيال! بس الحقيقه قدامي مهما هربت مستحيل اصير اب ي عبدالرحمن وهي تحرم من شعور الام بسببي! تعرف وش يعني بسببي! احرمها من شعور الام والحمل والمشكله فينيي!
عبدالرحمن قام جلس وسحب اللحاف عنه وتوجه وهو يفتح الشباك وهمس بهدوء : ليه ما نمت؟ خابرك هالوقت نايم! ولا شعور الذنب ما تركك تذوق النوم؟
صقر بضيق : تجاهلت كثير ي عبدالرحمن وقلت اركز في حياتها بس وعمليتها والحين هي تشافت وتنتظر نرجع السعوديه بس خايف ي عبدالرحمن بكره امي تحط السبب فيها ولا تدري المشكله في ولدها! خايف عليها من السوال الي كل بنت اذا تزوجت يسالونها للحين ما حملتي! وش تجاوبهم يا عبدالرحمن ! كيف اصارحها!
عبدالرحمن تنهد : صقر اطرد هالافكار من راسك وكل شي بوقته حلو لا تفكر كثير ما بيتغير شيء صدقني ،
صقر سكت وهمس : داري مافي شي يتغير اتصلت عليك اقولك همي الي اثقل كتفي ،
عبدالرحمن : خير وانا اخوك باذن الله خير كل شي بوقته حلو لا تفكر كثير ولا تصارحها ولا تصارح احد خله بيننا ،
'
سلطان كان صاحي وجالس بغرفته تعب من كثر التفكير اخذ اللابتوب وهو يجلس ويحاول يتذكر قضية ايلان وكل شي يخصه و يربط الامور بقضية سُلاف لعله يوصل لشيء بس للاسف تنهد وهو يترك كل شيء من يده ولا قادر يوصل بشي ولا...

تنهد وهو يترك كل شيء من يده ولا قادر يوصل بشي ولا وده يظلم سُلاف ويشك فيها ويترك قضيتها اخذ جواله وهو يتصل على مصعب بعد ساعات رد : هلا سلطان ،
سلطان بهدوء : تمسك قضية سُلاف عني؟
مصعب عقد حواجبه : ليه تعبت انت؟
سلطان : عقلي بينفجر ب مصعب ماني عارف شي تعبت قسم بالله ولا قادر اتصرف و اندم ،
مصعب : والله انت تعرف زوجتي توها ولدت مقدر ،
سلطان تنهد وهمس : نسيت خلاص احله بنفسي ، قفل منه وتوجه وهو ياخذ الشنطه ويدخل فيه كل ملابسه ،
'
ريما كانت بغرفتها وبيدها الثلج وتحطه على مكان الحرق ودموعها بعيونها مو قادره تتحمل فزت من انفتح الباب وحطت يدها ورا ظهرها : ءءهلا يمه ،
ام مشعل بحدها : شفيكِ! وليه حطيتي يدك ورا ظهرك!
ريما هزت راسها بخوف : مافيني شي بس كذا ،
ام مشعل مشت وهي تسحب يدها وانصدمت وهي تشوف الحرق وناظرت فيها : بسببببهااا حرقتي نفسك صح!!!
ريما هزت راسها بالنفي وسحبت يدها : مو بسبب احد ،
ام مشعل سحبتها معها وطلعت وهي تصارخ : حسبي الله عليكم حسبي الله شسويتووو ببنتي حسبي الله ،
نجلاء كانت منسدحه على السرير ومشعل جالس جنبها وماسك يدها وهمس : مبسوطه؟
نجلاء هزت راسها بالنفي : ماكان ودي الحين ،
مشعل عقد حواجبه : وليه م..فز من دق الباب وقام وقف وتوجه فتح الباب ما تكلم وهو يسمع صراخ امه ،
ام مشعل : حسبييي الله عليك ساحرتكك ساحرتك زوجتك ما تشوف شصار باختك بسببهااا!
مشعل سكت وناظر لريما الي كانت تهز راسها بالنفي ،
ام مشعل سحبت يدها وناظرت لمشعل : شفف!!
مشعل انصدم وهو يشوفها يدها احمر قرب وهو يمسك يدها،
نجلاء قامت من مكانها ومشت لهم : شصاير؟
مشعل : مو صاير شي ارتاحي انتي ، وسحب ريما : تعالي ،
ريما دخلت معه للغرفه مشعل توجه وهو ياخذ الكريم من عند التسريحه وناظر فيها : ليه ما علمتيني!
ريما بدموع : مافيني شي امي معصبه على فاضي ،
مشعل تنهد وهو يحط لها الكريم ،
ام مشعل ناظرت لنجلاء بقرف وصدت مشت ،
نجلاء مشت وهي تسحب المعجون : احطه بالثلاجه تبرد تفيدك، ومشت طلعت متوجه للمطبخ ، ام مشعل ناظرتها ولحقتها ووقفت : نظفي البيت ريما مايمديها انحرقت بسببك طول وقتك جالسه ما تسوين شي ، ومشت بقهر ،
نجلاء وهي ماودها تتناقش ويعصب مشعل مشت بهدوء وهي تاخذ الصحون وتغسلهم ،
'
ام صقر طلعت وهي تناظر لمارلين : مارلينااا ،
مارلين ركضت لها : هلا ماما ،
ام صقر : جهزي الاغراض بنمشي لجده اليوم ان شاء الله ،
طلع يوسف وناظر : جهزتوا الفطور ولا باقي ،
ام صقر : اي اي جاهز ابوك قاعد يفطر روح افطر معه ،
يوسف توجه وهو يشوف الكل
يوسف توجه وهو يشوف الكل جالسين على طاولة الطعام ،
الجد سُليمان : تعال افطر ،
يوسف مشى جلس وهو يسمي بالله وبدا ياكل ،
سلطان استغرب من الهدوء وهمس : بتروحون جده كلكم؟
الجد سُليمان : اي لا يكون مانت جاي معانا؟
سلطان هز راسه بالنفي : لا والله مشغول هالايام ما يمديني ،
عبدالرحمن ناظر فيه وسكت وكمل ياكل ،
عمر : ترا قريب اتخرج ،
عبدالرحمن : لا تنتظر مافي هدايا ،
عمر : لا والله مو على كيفكم تسون لي حفلة التخرج بعد ،
يوسف ضحك وهو ما وده خُطة عبدالرحمن والي فكرو فيه ،
الجد سُليمان : حرام ي يبه وش حفلة وخرابيط ،
عبدالرحمن : صادق جدي ما يصير الاحتفال صدقني ي عمر ،
يوسف التفت لابوه : كلمك فهد وصلوا؟
الجد سُليمان : والله ما كلمني يمكن ما وصلوا باقي ،
'
مشعل ناظر لريما : تحرقك؟
ريما بكذب : لا ما تحرقني واصلًا امي زودت السالفه من عندها مافيني شيء ،
مشعل ابتسم : انتبهي لنفسك و اسف اذا بسببي ،
ريما : مشعللل قلتلك مافيني شي خلاص ووينها نجوله م جت؟
مشعل : خليني اروح اشوفه وطلع وهو يدورها ومشى للمطبخ انصدم وهو يشوفها تغسل : شقاعده تسوين انتي!
نجلاء التفتت له : قاعده اغسل ،
مشعل مشى وهو يسحب من يدها المواعين : اطلعي برا ،
نجلاء : مشعل خلني اكمل مافيني شيء ،
مشعل بحده : ابعدي اقولك و روحي ارتاحي انا بغسلهم ،
نجلاء هزت راسها بالنفي : ابعد انا الي بغسلهم ،
مشعل : تعاندين يعني! نجلاء سكتت وصدت وهي تكمل تغسل مشعل وقف قدامها وناظر فيها : اساعدك طيب ،
نجلاء سكتت وكملت تغسل مشعل وقف وراها ومد يدينه من عند خصرها وقرب من عند اذنها وهمس : تحبيني؟
نجلاء تقشعرت من همسه وانفاسه : مشعل ابعد خلني اكمل،
مشعل مسك يدها الي كله فيري وشبك يده بيدها : جاوبي!
نجلاء توترت وهي تترك الصحون وتغسل يدينها ، والتفتت له مشعل عرف انها راح تهرب ووقف قدامها ومد يدينها بحكم انها ما تقدر تمشي وهمس : جاوبي وبعده روحي عشان اذا جاء نايف اقوله امك اعترفت لي وقت خبر حملك ،
نجلاء سكتت وهي تناظر فيه : مو على كيفك نايف! يمكن تطلع جوهره ،
مشعل بضحكه : جوهره؟ ، نجلاء هزت راسها بـ اي ،
مشعل هز راسه بالنفي : واذا قلت ابيها نجلاء الصغيره؟
نجلاء ابتسمت وهي تحط يدها على صدره : صدق؟
مشعل ابتسم من شافها تقرب منه وهز راسه بـ اي : صدق،
نجلاء قربت وهي تشوفه طويل اطول منها ووقفت على اصابع رجولها ومدت يدها عند دقنه : واذا طلع مشعل الصغير؟
مشعل كان منصدم من حركاتها ويناظر بعيونها : ودك؟
نجلاء ناظرت فيه وهي تشوفها : وش ودي؟
مشعل ابتسم وهو يبعد يدينها..

نجلاء ناظرت فيه وهي تشوفها : وش ودي؟
مشعل ابتسم وهو يبعد يدينها عنها وقرب يمد يده لورا خصرها نجلاء ضحكت و دفته و ركضت طلعت من المطبخ،
مشعل انصدم انها كانت تلعب عليه وهمس : طييب طيب ،
نجلاء رجعت ناظرت فيه بضحكه : غسل وتعال انا بنام ،
مشعل ضحك من ضحكتها وحركاتها ،
'
فهد وقف سيارته ونزل عند الفندق وناظر : انزلوا يبه ،
امال ابتسمت وهي تلتفت وهي تشوف البحر قريب من الفندق وهمست : اوف يجنن الاجواء ،
ام نجلاء ابتسمت : الحياة غير في جده وين بنلقى زي جده،
امال بضحكه : اي والله مافي زي جده وبحره ،
فهد طلع من الفندق : يلا تعالوا يا يبه ،
و دخلوا لداخل الفندق توجهو للمصعد ،
ام نجلاء : كلمت اهل صقر بيجون؟
يوسف : اي توي رسلت الموقع ليوسف وكلمته ،
امال : بالاول بشوف اي جناح فيه شباك مطل على البحر ،
يوسف بضحكه : الاثنين فيهم لا تخافين ،
امال ابتسمت وطلعوا من الفندق والتفتت وهي تشوف الباب الاثنين قدام بعض و توجهت دخلت لجناحهم حطت عبايتها ومشت وهي تناظر من الشباك : اوف ودي اروح البحر ،
ام نجلاء : كان رحتي ليه فسختي عبايتك ،
امال : ميته تعب من طول الطريق بنام ،
دخل فهد وهو يضحك : كانوا يحسبون بنجي بطياره ولدهم يتصل عبدالرحمن يقول اجي استقبلكم قلتله وصلنا ،
ام نجلاء ابتسمت : يعمري الله يحفظه يازين عيالهم والله ،
'
صقر كان ساكت و سرحان ومنسدح على السرير ويناظر لملاذ الي حاطه راسها بحضنه وبيدها القلم وترسم ،
صقر : ترسمين ايش؟
ملاذ مدت يدها على نفسها وعلى صقر اشرت له وسوت بيدها حركه انهت هي وصقر وطفلهم ، صقر سكت وتغير ملامح وجهه وقرب سحب منها الدفتر والقلم : ماله داعي ،
ملاذ انقهرت انها ما كملت الرسمه وناظرت فيه ،
صقر قام وقف : قومي بنمشي نتمشى الاجواء حلوه ،
ملاذ ابتسمت وقامت من مكانها توجهت وهي تلبس الجاكيت صقر مد يده فتح ازرار تيشيرته يحاول يتنفس من القهر والغبنه الي حس فيه وتوجه طلع قبلها وتركها ،
'
يوسف وقف وهو يناظر لعمر ومارلين يدخلون الاغراض بالبيت وناظر لسلطان : انتبه على نفسك وعلى اخوك ،
عبدالرحمن مشى وهو يحضن سلطان : شد حيلك بالقضيه، والتفت لعمر : وانت شد حيلك بالاختبارات ،
ام صقر نزلت والتفتت لهم : استودعتكم الله ، والجد سُليمان وفهد وعبدالرحمن و ام صقر ركبوا السيارة متوجهين لجده ،
سلطان ناظر لعمر : انا رايح لمصعب انتبه ع نفسك ،
عمر هز راسه بـ اي و دخل البيت وناظر لمارلين كانت تنظف الطاوله و تجاهل ودخل لغرفته يتصل على غلا ،
مارلين استغربت ومشت قربت من الباب وحطت اذنها تسمع،

سلطان حرك سيارته متوجه للمزرعه بعد ساعات وصل ونزل،
سُلاف كانت بالمزرعه برا جالسه تشوف قطرات المطر الي بدت تنزل وناظرت لعساف الي كان واقف يناظر للقطو ويضحك سُلاف ابتسمت وكانت لابسه فستان خفيف لونها ليموني وبدون كُم وحاطه الشال على كتفها وماسكه جاكيت عساف الي مو راضي يلبسه : عساف بابا تعال راح تبرد ،
وفزت من سمعت صوت السياره التفتت وهي تشوف سلطان الي وقف سيارته ونزل ووقف بمكانه وهو يشوفها وتصنم ،
سلاف قامت من مكانها وهي تسحب الشال تغطي نفسها ،
سلطان تجاهل وصد ناظر لعساف الي طاح على الارض كان يبي يركض لسلطان ومشى عنده وهو يشيله ، سلاف ركضت مشت لداخل سلطان ناظر لعساف وقرب يبوسه وتركه على الارض وهو يشوف ملابسه الي توسخ لما طاح ،
عساف قام يبكي و رافع يدينه يبيه يشيله ،
سلطان مد اصبعه : ما بشيلك امسك يدي ،
عساف جلس على الارض وهو يبكي و رافع يدينه ،
سلطان تنهد وناظر لثوبه وخاف يتوسخ ،
وقرب شاله وهو يبعده عنه ومشى فتح الباب ودخل وحطه بالصاله وهمس : روح لماما تغير ملابسك ،
سلاف كانت بالغرفه مقفله الباب وجالسه بخوف ،
'
امال باستغراب : شاي ولا قهوة؟
ام نجلاء : سوي قهوة افضل وهم بالطريق جاين ،
امال ابتسمت وهزت راسها بـ اي و دخلت المطبخ تسوي ،
ام نجلاء اخذت الصحون وهي تحط المعمول والتمر ترتب ،
فهد دخل وناظر : خلاص انتم الحريم هنا وحنا بالجناح الي قدامكم وجهزو القهوة اخذهم معي هُم بالطريق ،
امال طلعت وناظرت : يبه اسوي القهوة بشرط اروح البحر !
فهد ناظر لساعته : توه ٦ المغرب بدا الدنيا يظلم ،
امال : مالي دخل ادري راح تنشغل وتسولف معاهم وما تاخذني بروح لوحدي بس شوي و ارجع ،
فهد تنهد وناظر لزوجته : اخليها ؟
ام نجلاء : تعرفها عنيده ما تسمع خلها تروح بس ترجع بسرعه،
امال ابتسمت بحماس : يمه القهوة على النار ، و ركضت للغرفه وهي تشوف نفسها بالمرايه و رفعت شعرها و لبست عباتها وعدلت نقابها وطلعت : يمه انا رايحه الحين ،
ام نجلاء تنهدت وسكتت : يالله انك تصبرني على هالبنت ،
امال مشت طلعت وتوجهت للمصعد ركبت ونزلت لتحت ومشت طلعت من الفندق وهي تشوف زحمة السيارات ابتسمت وتوجهت تمشي للبحر وهي تشوف الزحمه ،
'
نجلاء كانت نايمه ومشعل جنبها على الجوال يكلم سعود وكتب له : هاه كيف البريطانيه؟
سعود ضحك وكتب : والله مو حلو تعودت عليكم ،
مشعل : عندي لك خبر بس ما اعلمك لين ترجع مره ثانيه ،
سعود : يوه قده الخبر صار مغبر ،
مشعل : عاد عجل علينا لا تتاخر ،
سعود : تدري بطلت مالي نيه اكمل الدراسه خلاص اتزوج و اتوظف و اشوف لي..

سعود : تدري بطلت مالي نيه اكمل الدراسه خلاص اتزوج و اتوظف و اشوف لي بيت و استقر عندكم ،
مشعل عقد حواجبه : فكره حلوه والله ،
سعود ابتسم وطلع وهو يناظر لصورة امال وصورته وهم صغار ،
'
صقر وملاذ طلعوا وهم يتمشون وقفوا عند الحديقه وهم يشوفون الزحمه والاطفال الي يلعبون و ازعاج ،
ملاذ ابتسمت وهي تناظر والتفتت لصقر الي كان سرحان ويناظر بالاطفال والتفتت وهي تشوف الطفل الي توجه عندهم وقف وهو يناظر فيهم ، ملاذ ابتسمت ومشت عنده ومدت يدها الطفل قرب مسك يدها وابتسم ،
صقر بهاللحظه كان ساكت ويراقب بصمت ،
ملاذ التفتت لصقر تناديه يجي صقر تنهد ومشى عندها ،
ملاذ ضحكت وهي تاشر على الطفل ،
صقر قرب جلس على ركبته وناظر للطفل كان بيده حلاوه اخذه وهو يفكه له ومده له ،
الطفل اخذ منه الحلاوه وهو يناظر فيهم بصمت ،
صقر التفت لملاذ الي كانت مبسوطه وقرب مسك يدها يسحبها معه : تعالي نشرب قهوة ازعاج هنا ما احب الاطفال،
ملاذ عقدت حواجبها وسكتت ،
'
امال وقفت عند البحر وهي تناظر ابتسمت وهي تشوف البحر وصوت الموج والتفتت يمين يسار تشوف الزحمه وناظرت للبنت الي جنبها تصور البحر وابتسمت لها واخذت جوالها تصور لنجلاء وقف جنبهم رجال ثاني وقرب يصور ،
امال ما كانت منتبهه له وتصور والتفتت وهي تشوف الرجال جنبه فزت و جوالها بغت تطيح لكن بحركه سريعه من البنت الي جنبها مسكت لها جوالها : يمه جوالك انتبهي ،
امال حطت يدها على قلبها والتفتت لها : شكراً والله انقذتيني، وناظرت للرجال الي صور ومشى بطريقه ،
البنت : والله اتذكر جوالي طاح هنا وللحين مقهوره ،
امال بضحكه : قدها السمك اكلو جوالك ،
البنت : اي للاسف وجوالك بعد كان بيكون من نصيبهم ،
امال : لا تكفين زين انقذتيني ،
البنت ضحكت وناظرت فيها : ياحلوك حبيتك ،
امال : والله انتي الي ياحلوك ،
البنت مدت يدها تسلم : انا ريمان وانتي؟
امال ابتسمت بفرح وسلمت عليها : وانا امال ،
ريمان : تشرفت وشكلنا بنصير صحبات معرف احد في جده،
امال ابتسمت : يوه انتي زيي معرف احد في جده كل مره نجي بس ما تعرفت على احد ،
ريمان : ليه من وين انتي؟
امال قامت بتتكلم لكن شافت مجموعة العيال الي وقفوا على جنبهم ويسولفون وصوت ضحكاتهم عالي ،
ريمان بقهر : يع يا شينهم تعالي نتمشى ونسولف ،
امال ابتسمت ومشت لها : جيتي لوحدك؟
ريمان هزت راسها بالنفي : لا مع اهلي كلهم جالسين ،
امال : انا جيت لوحدي اهلي مشغولين بالضيوف ،
وقعدو يتمشون ويسولفون ،
'
يوسف وقف سيارته ونزل والكل نزلوا وفهد كان واقف ينتظرهم مشى وهو يستقبلهم ويسلمون على بعض..

يوسف التفت لعبدالرحمن : خذ امك انت بنجي حنا ،
عبدالرحمن هز راسه بـ اي ودخل الفندق ام صقر دخلت معه،
فهد : يالله حيهم زين جيتوا بغيت انام ،
يوسف : والله تعبت من الطريق ،
الجد سُليمان : خلونا ندخل نرتاح ونسولف ونتقهوى ،
و دخلوا لداخل الفندق ركبوا المصعد ،
ام صقر وصلت و دخلت وهي تسلم على ام نجلاء ،
وجلسوا وهم يسولفون و يتقهون ،
'
سلاف قربت تلبس عبايتها فزت من انفتح الباب ودخل سلطان وهو ماسك يد عساف الي يبكي : غيري له اخذه معي ،
سُلاف هزت راسها بـ اي لبست عبايتها وتركت شعرها ومشت شالت عساف وطلعت لبرا تغير له ،
سلطان التفت يمين يسار ومشى وهو يدور جوالها تنهد بقهر ما لقاها وقف وهو يشوف شنطتها مشى فتحه وشاف جوالها اخذه وشافه مقفل شغله وهو ينتظر ينفتح ،
'
فهد اخذ جواله وناظر للساعه صارت ٨ قريب الـ ٩ و رسل للطيفه : جت امال ولا لا؟
لطيفه كانت جالسه تسولف مع ام صقر وكتبت له : لا ما جت روح شوفها وينها لا يكون صار فيها شيء؟
فهد فز من هالطاري وترك الفنجال من يده وهو يقوم ،
يوسف باستغراب : على وين ؟
فهد : بنتي راحت للبحر وللحين ما جت مر ساعتين ،
الجد سُليمان بصدمه : راحت لوحدها!
فهد : اي البحر قريب وقالت تجي بسرعه ما جت ،
يوسف : فهد انجنيت انت كيف تتركها تروح لوحدها انت ما تعرف الاوضاع كيف في هالزمن! قم نمشي ندورها ،
الجد سُليمان قام بعصبيه : كيفف يطاوعكم قلبكم تتركون بنتكم تروحو لوحدها الدنيا مالها امان قم نمشي ندورها ،
وطلعوا عبدالرحمن كان منصدم وطلع وراهم ونزلوا ،
'
ريمان : تعبت وانا امشي تعالي نروح نجلس عند اهلي ،
امال بتوتر : يمه كيف اتعرف عليهم توترت ،
ريمان بضحكه : تعالي بس ماما وخواتي ،
امال مشت معها ريمان وقفت وهي تناظر لاخوها الي كان جالس على جواله يطقطق اسمه طلال عمره ٢٥،
ريمان : اوقفي نسيت انه هالحيوان هنا ومشت لعندهم وناظرت : طلاال قم روح لمكان ثاني بتجي صحبتي تتعرف.
طلال عقد حواجبه : صحباتك ؟ من وين جاو في جده ،
ريمان : مو شغلك قم بسرعه ،
ام طلال كانت جالسه تنقش من حقين الي ينقشون في جده عند البحر وهمست : قم ي يمه روح خلها تجي البنت ،
طلال تنهد وقام وقف وناظر لامال الي كانت واقفه ومشى بطريقه توجه وقف عند النخله يناظر للبحر وبيده الجوال،
امال مشت عندهم وهي تتعرف عليهم ،
'
فهد استوطن قلبه الخوف وهو يدورها وناظر : انتم روحو من هنا وانا من هنا اشوف وينها ،
يوسف وفهد والجد سُليمان انتشرو يدورونها ،
عبدالرحمن تنهد واخذ جواله لكن تراجع : يمكن مو هي! وحط جواله بجيبه وتوجه يدورها وتذكر الاسم انه..

عبدالرحمن تنهد واخذ جواله لكن تراجع : يمكن مو هي! وحط جواله بجيبه وتوجه يدورها وتذكر الاسم انه فهد كان يقول ليوسف راح تعرفونها قولوا امال اذا سمعت تجيكم ،
وانصدم : لا يكون هالمجنونه الي ضاعت! واخذ جواله يرسل لها ، امال كانت جالسه تسولف وتضحك معاهم و مو منتبهه للجوال وهمست : اوف صار بخاطري انقش ،
ريمان : عاد كل مره نجي ماما تنقش من عندهم نقشي ،
امال ابتسمت وهي ترفع كُم عباتها عشان تتنقش و مو منتبهه للساعه ومشغوله تسولف و مبسوطه ،
عبدالرحمن تنهد بقهر انها ما ترد وناظر لفهد الي تعرق وخايف وكيف يركض يدورها ،
وهمس : لا يكون ضاعت صدق ماهي طفله هي ،
وترك جواله وتوجه يدورها ،
'
فهد كان ماسك جواله وهو يتصل عليها كل شوي لعلها ترد لكن للاسف ما ردت ترك جواله والتفت وهو يشوف يوسف متوجه عنده ومشى له : لقيتوها؟؟
يوسف هز راسه بالنفي : لا والله ما لقيتها وينه ابوي؟
فهد التفت يمين يسار : معرف يمكن مع عب..ماكمل كلامه آلا وعبدالرحمن متوجه لهم : ما شفتوها؟
فهد : لا والله بس وين ابوك؟
عبدالرحمن عقد حواجبه : معرف مو معي كان معاكم ،
فهد بصدمه : ضيعتوه هو بعد!!
يوسف فز بخوف : وين بيكون راح ومشى يركض يدور ابوه ،
عبدالرحمن : لا اله الا الله وانت عمي الحق ابوي لا تضيع بعد وصد مشى وهو يدور امال تنهد واخذ جواله وهو يتصل عليها،
الجد سُليمان ناظر للطفل الي كان يلعب بالكوره مشى عنده وهو يضحك ويشوفه واخذ الكوره ويلعب معه ،
الطفل كان يضحك ومبسوط و رمى الكوره للجد سُليمان ،
امال ناظرت للنقاشه : صبر بوريكِ صوره تسوين لي زيه؟
النقاشة ابتسمت : اي اكيد عطيني اشوف ،
امال اخذت الشنطه وهي تطلع جوالها : يووه مافيه شاحن،
ريمان : صبر بجيب الشاحن المتنقل موجود مع طلال ، وقامت توجهت عند طلال اخذت منه الشاحن ،
امال ناظرت لـ ام طلال : خالتي كم الساعه؟
ام طلال ناظرت لساعتها : ما بقى شي ويصير ١٠ ،
امال فزت بخوف ريمان مشت عطتها الشاحن ،
امال شبكت جوالها بالشاحن وهي تنتظره يفتح : يمه تاخرت،
اشتغل جواله واخذته وهي تشوف المكالمات و دخلت تتصل على ابوها لكن فجاه رن جوالها وناظرت للاسم كان عبدالرحمن استغربت و ردت : هل..ما كملت كلامها الا وهي تسمع رده : ويننك وين اندفنتبي ما تردينن!
امال بصدمه : ءشصاير؟
عبدالرحمن : اخلصيي بسرعه وينك ؟؟
امال : مو شغلك وقفلت الخط بوجهه بقهر من صوته العالي ،
واتصلت على ابوها : يب..سكتت وهي تسمع ،
فهد : وينكك كم لي اتصل عليك ما تردين!!!
امال بخوف : يبه شفيكم موجوده هنا محد اكلني ترا،
فهد : ...

امال بخوف : يبه شفيكم موجوده هنا محد اكلني ترا،
فهد : اخلصيي بسرعه وينك جايك انا ،
عبدالرحمن انقهر انها قفلت بوجهه وهمس : في ستين داهيه ،
وصد توجه يدور ابوه وجده وصادف فهد الي مر من جنبه وهمس : لقيتها؟
فهد هز راسه بـ اي : تعال انت خذها للفندق وانا اروح اشوف ابوك وجدك وين راحوا ، عبدالرحمن هز راسه بـ اي ولحقه،
فهد كان معصب عبدالرحمن لاحظ عليه وهمس : تستاهلين،
امال قامت وودعت ريمان وهي خايفه من ابوها وتوجهت وقفت وهي تنتظره فهد مشى لعندها بعصبيه : امشيي قدامي، امال ناظرت لملامحه ونبرة صوته وسكتت بهدوء ،
يوسف مشى عندهم والجد سُليمان معه وشافهم واقفين وتوجه لعندهم وناظر لامال : لقيتوها ،
فهد التفت للجد سُليمان : وانت وين رحت؟
يوسف تنهد : شاف بزر و قعد يلاعبه يحسبه حفيده ،
الجد سُليمان ناظر لامال : ليه ما كنتي تردين ي بنتي!
امال ناظرت لابوها وهمست : جوالي ماكان فيه شاحن ،
فهد بحده : انتييي شايفهه الساعهه كمم ما جيتييي بنفسك!
امال تجمعت الدموع بعيونها من صراخه قدام الكل ونزلت راسها وصدت الجد سُليمان لاحظ وهمس : خلها خلاص ،
فهد : توقعت كبرتي وعقلتي بس عمرك ماراح تعقلين وصد ،
عبدالرحمن ضحك وهو يناظر فيها يبي يستفزها لانها قفلت بوجهه ، امال رفعت نظره وهي تشوفه يضحك وصدت بقهر،
الجد سُليمان : لا تصارخ على بنتي ي فهد خلها خلاص ،
فهد تنهد وسكت ومشى لـ يوسف : تعال بنجيب عشاء ،
يوسف هز راسه بـ اي ومشى معه ،
الجد سُليمان : تعال ي عبدالرحمن خذنا لا نضيع ،
عبدالرحمن ضحك وهمس : ماعليك يبه انا هنا ماراح تضيعون عقلي مو صغير ،
امال سمعت كلامه وناظرت فيه بقهر وتوجهو دخلوا الفندق ،
امال سبقتهم وهي تضغط على زر المصعد بقهر ،
عبدالرحمن وقف جنبها ووقف ينتظر والجد سُليمان وقف معاهم فتح المصعد و دخلوا كلهم ، وكان موجود رجال ثاني،
امال مشت وقفت جنبه ورفعت نظره تشوفه ،
عبدالرحمن عقد حواجبه ومشى وهو يوقف قدامها
وناظر لعباتها وبنطلونها الي باين : سكري عباتك!
امال ناظرته بقهر وصدت و وهي تفتح زر عباتها الي تحت ،
الجد سُليمان كان واقف ينتظر المصعد ينفتح ،
عبدالرحمن انصدم من حركتها وهمس : صدق عقلك صغير ،
امال ناظرت للمصعد انفتح وقامت بتطلع عبدالرحمن مد يده مسكها وهو يرجعها لوراء : غلط شفيكِ انتي!!

امال سكتت ولاحظت للرجال الي طلع ومشى ، و تراجعت،
عبدالرحمن لاحظ انه مسك يدها و صد وناظر لجده الي كان يطالع فيه وهمس : بالغلط ،
الجد سُليمان سكت وهمس بهدوء : استغفرالله استغفرالله وناظر للمصعد الي انفتح ونزل ، امال..

الجد سُليمان سكت وهمس بهدوء : استغفرالله استغفرالله وناظر للمصعد الي انفتح ونزل ، امال نزلت وراه وتوجهت للجناح ، عبدالرحمن طالع فيها ورجع طالع بجده وهمس : يبه انا تبي شي من البقاله؟
الجد سُليمان : لا ياولدي بس تعال افتح لي الباب ،
'
نجلاء كانت نايمه ومو حاسه بالوقت ولا صحت طول الوقت،
مشعل دخل الغرفه وناظر فيها كانت نايمه ومشى وهو يحط الاكل على الطاوله وهمس : نجلاء ،
نجلاء سمعت صوته وفتحت عيونها وناظرت فيه ،
مشعل توجه لعندها بهدوء وناظر فيها : تعبانه يقلبي؟
نجلاء هزت راسها بالنفي : لا بس ما نمت زين طول الوقت،
مشعل : انزين قومي كلي شي ولا تخلين نايف يشتكي لي عنك، نجلاء ابتسمت وهي تقوم تجلس مدت يدها تدور الشباصة لشعرها وما لقته مشعل ناظر فيها : ظفري شعرك،
نجلاء عقدت حواجبها : ما احب ،
مشعل ابتسم : مو بكيفك وما احب ترا الاستشوار والحركات الي تسوينه بشعرك ودي تظفرين شعرك وتلبسين جلابيه بدويه ونروح البر ناكل بخاري ،
نجلاء ضحكت بصوت عالي وهي تطالع فيه،
مشعل باستغراب : وش الي يضحك ضحكيني معك ي ام نايف؟
نجلاء بضحكه : يالله ي مشعل تخيلت شكلي ،
مشعل ضحك من ضحكتها : اقول قومي قومي تبرد الاكل ،
نجلاء حطت يدها على بطنها وهي تضحك ،
مشعل : قومي اقول لا تخلين ولدك يسمع ويطقطق عليكِ،
'
ملاذ كانت واقفه في البلكونه تناظر للشارع ، صقر ابتسم ومشى وقف وراها ومد يدها لخصرها وهو يشدها له ،
ملاذ حست عليه وابتسمت من حست بيده ومسكت يده،
صقر قرب وهو يشم شعرها : شتسوين بدوني؟
ملاذ سكت وهي تلعب بيده وتناظر للشارع وهو وراها ،
صقر بهمس : ودك نرجع السعوديه لامي ولاهلك؟
ملاذ فزت والتفتت له وهي تهز راسها بـ اي بفرح ،
صقر ابتسم من شاف فرحتها : بس قبله لازم المستشفى ،
ملاذ تغيرت ملامح وجهها وصدت وهي تهز راسها بالنفي ،
صقر : ابوي انتي اعرف تعبتي من المستشفى بس اوعدك اخر مره وخلاص بنرجع السعوديه وما نجي هنا الا بعد شهور طويل، ملاذ سكتت وهي تناظر فيه ،
صقر : ما تثقين فيني؟ اوعدك بنمشي ماراح نجلس ،
ملاذ هزت راسها بـ اي وهي تطالع فيه ،
صقر : طب تعالي ننام نصحى بدري ونروح المستشفى وبعده نروح السوق ناخذ هدايا لهم عشان ما يقولون عننا بخيلين جينا ويدنا فاضيه وبعده نجهز اغراضنا ،
ملاذ ضحكت وهزت راسها بـ اي ،
'
غلا ابتسمت : اسوي بسبوسه ودك تذوق؟
عمر : بسبوسه؟ والحين!
مارلين كانت تسمع وفزت من كلمة بسبوسه وتوقعت يقصد بوسه وحطت يدها على فمها وقربت تسمع اكثر ،
غلا : اي وتجهز باقي له شوي وعاد لا يفوتك ،
عمر ابتسم

غلا : اي وتجهز باقي له شوي وعاد لا يفوتك ،
عمر ابتسم : تمام طالع انا جايك وانزلي بنفسك عطيني البسبوسه ، مارلين كانت مصدومه وحطت يدها على فمها وهمست : ايش كلام هادا وسخ بوسه من بنت وحطت يدينها على اذنها بخوف لازم علم بابا سولتان ، ومشت للمطبخ ،
عمر فتح الباب وطلع وتوجه طلع لبرا وناظر لعمير كان جالس يدخن وابتسم وتوجه لعنده : سلام ،
عمير فز وناظر فيه وضحك : وعليكم السلام وينك مختفي،
عمر : والله انشغلت مع الجامعه ماعاد عندي وقت ،
غلا مشت وهي تناظر من الشباك تشوفه وناظرت عمير كان جالس معه و رسلت له واتس : صاحبك معك ارسل بعد له ؟
عمر شاف رسالتها وابتسم وكتب : اي ولا تطلعين برا حطيه عند الباب جاي بنفسي اشيلهم ،
غلا ابتسمت ومشت توجهت للمطبخ تجهز تحطهم بالصحن،
عمير : اي شالاخبار متى تتخرج ؟
عمر : قريب قريب ماعليك ،
عمير بتفكير : صح كنت تقول بتصير عسكري؟
عمر تذكر غلا وهز راسه بالنفي : لا كنسلت خلاص ،
عمير بصدمه : ليه؟؟
عمر بهدوء : بس كذا ماعاد ودي ،
عمير عقد حواجبها وناظر لبيت غلا : عشانها؟ عرفت انهم كويتين ،
عمر فز انه عرف وهمس : وانت كيف عرفت عشانها؟
عمير : حركاتك واضح طايح بالحُب واشوفك عند بيتها كثير،
عمر تنهد : يخي لو صرت عسكري مستحيل اقدر اتزوج منها ، وانا كذبت عليها اني كويتي ماني عارف كيف اصارحها ،
عمير بصدمه : وليه كذبت؟
عمر تنهد وهو يقوم : ماني عارف انتظرني جايك ،
'
اشتغل جوال سُلاف سلطان ناظر كان فيه كلمة السر تنهد بقهر وترك الجوال وبهاللحظه دخلت سُلاف انصدمت وهي تشوفه واقف وناظرت فيه : ءءشتسوي؟
سلطان التفت لها واخذ جوالها : وش كلمة السر؟
سُلاف انصدمت وبلعت ريقها بخوف : ءشتبي بجوالي!
سلطان ناظر لعساف كان بحضنها قرب سحبه منها ورماه على السرير والتفت لها : اسالكككك ايش كلمة السرر جاوبييي!!
سُلاف سكتت وهي تناظر فيه وهمست : ءمعرف ،
سلطان بشك : ما تعرفين كلمة سر جوالك!
سُلاف قربت وسحبت جوالها منه : مو شغلك انت حدك محامي تساعدني مو..سكتت ونزلت دموعها ،
سلطان قرب وهو يمسك يدها : جاوبي!
سُلاف ناظرته بخوف والجوال بيدها وناظرت لعساف ،
سلطان : اكلمكك انا جاوبي وش كلمة السر!!!
سُلاف التفتت وهي تشوف الشباك بعيده عنه و دفت سلطان بقوه و ركضت وهي ترمي الجوال من الشباك وتبكي ،
سلطان انصدم من حركتها وناظر : شتسويننن انتييي!!!
سُلاف حطت يدها على قلبها والتفتت تناظر من الشباك وعرفت مستحيل يقدر يدوره المزرعه كبير مره ،
سلطان ناظر فيها وهو يضحك بسخريه : قضية عُنف اجل! انتي باقي ما ذقتي العُنف شكلك وكل هذا لعبه من

سلطان ناظر فيها وهو يضحك بسخريه : قضية عُنف اجل! انتي باقي ما ذقتي العُنف شكلك وكل هذا لعبه منك صح!
سُلاف بدموع :ء لا تساعدني خلاص اتركني بحالي ،
سلطان هز راسه بالنفي وتوجه وهو يقفل باب الغرفه ،
عساف كان جالس على السرير وبيده مفتاح سيارة سلطان ويحطهم بفمه ويناظر لامه بهدوء ،
سُلاف تجمدت بمكانها وهي تشوفه يقفل الباب و ركضت وهي تدفه عن الباب وتبكي : ءابعدددد عنييي اتركنيييي ،
سلطان حط المفتاح بجيبه : ارجعييي مكانك ،
سُلاف قربت وهي تمسكه من ياقة ثوبه وتبكي : ءءاتركنيي الله يخليك اتركنيي ءءمالي دخل بشييي والله مالي ذنب ،
سلطان عرف انه كل شكوكه صح وانصدم وهو يناظر فيها و قرب مسكها من يدها و رماها بقوه على الارض : انتهى لعبتك انتهى تمثيلك قبل تلعبين معي هاللعبه ما طالعتي بهالطفل البريئ !! ما فكرتيي ايش ممكن اسوييي !!!
سُلاف كانت على الارض و هزت راسها بالنفي وهي تبكي،
سلطان بحده : وين راح تهربينن منييي!!!! ومينن ابو هالطفل!!! وتقولين مطلقه اجل!! وين اوراق الطلاق! وليه طليقك طلب بالولد بالمحكه وانتي قايل المحكمه عطت الرضاعه لك!! ايش تبين توصلين له بالضبط!
سُلاف نزلت دموعها وهمست : ءءاتركني تكفى ،
سلطان بعصبيه : بيننا عقد نكاح!! والسبب ايش علمينييي!! ليه تزوجتييي منييي ايش تبين توصلين له بالضبط!!! والتفت لعساف الي بدا يبكي وسكت وهو يفكر وانصدم وناظر فيها بصدمه : ولا انتي وحده زانيه ترمينن نفسكك برقبتييي!!! وولدك الي جايبته بالحراك ترمينه علي!!!
سُلاف تجمدت من هالكلمه وكانه انكب عليها مويا بارده بعز الحار ونزلت دموعها وهي تناظر فيه والتفتت لعساف ،
'
امال دخلت الغرفه بقهر : الله ياخذه الحقير كله منه بسببه ما اخذت رقم البنت تنهدت بقهر ، فجاه دخلت ام نجلاء وناظرت فيها : تعالي سلمي على خالتك ام صقر ،
امال بهدوء : بغير واجي وقامت مشت تغير ،
ام نجلاء مشت للصاله وهي تشوف ام صقر تكلم بجوالها وابتسمت وجلست تنتظرها تخلص ،
ام صقر حطت جوالها وهمست : الله يهدي الحال عبدالرحمن متصل يسالني اذا اخوانه اتصلوا ولا لا ،
ام نجلاء عقدت حواجبها : عبدالرحمن ولدك الاكبر صح؟
ام صقر : اي هو الي تهاوشنا على اسمه ولا احد رضى ،
ام نجلاء بضحكه : ليه تهاوشتوا؟
ام صقر : كان بخاطري اول ولد اسميه صقر وجدته الله يرحمها عاندت قالت لا بيكون اسمه عبدالرحمن وانا زعلت عاندت اسمه بيكون صقر كان بخاطري ينادوني ام صقر ، اخوي الله يرحمه مات وكان اسمه صقر والكل ينادي امي ام صقر ،
وكنت اقلد امي ابي ينادوني ام صقر وجدته عاندت عبدالرحمن ، ضحكت وهمست...

ضحكت وهمست : وانا حلفت ما ينادوني الا ام صقر وهالولد تورط بيننا انا اقوله صقر وجدته عبدالرحمن ،
لين ربي رزقني بولد ثاني وسميته صقر وينادوني ام صقر ،
ام نجلاء بضحكه : يووه وانا اقول ليه الكل يقولك ام صقر ، بس عبدالرحمن ما زعل انا الكبير وينادونك بصقر؟
ام صقر ضحكت : لا وين زعل بالعكس مستانس الكل يحسب صقر اكبر منه وهو اصغر ،
امال قاطعتهم ودخلت وهمست : السلام عليكم ،
ام صقر ابتسمت وهي تترك القهوة من يدها وتقوم تسلم عليها : وعليكم السلام ي هلا ياهلا ،
'
نجلاء وقفت عند التسريحه وشبكت الاستشوار تستشور ،
مشعل كان منسدح على السرير يشرب القهوة والتفت وهو يشوفها و ابتسم وترك القهوة من يدها وتوجه لعندها ووقف وراها وناظر فيها بالمرايه : انا اضبطك ،
نجلاء بضحكه : مشعل تكفى لاا ،
مشعل ضحك وقرب وهو يمسك شعرها : اخليكِ تصيرين ام نايف صدق وترا اعرف اظفر الشعر كنت اضفر لجدتي ،
نجلاء ابتسمت وهي تترك الاستشوار من يدها : ما احب ،
مشعل : تعودي وخلاص ماعاد نشوفك الا بعباية الراس و جلابيات و تضفرين شعرك وتحطيم زيوت ضحك وناظر ،
نجلاء انصدمت والتفتت له : تكفى قل تمزح!
مشعل بضحكه : اعرفك ماراح تسوين ،
نجلاء : والله اموت ولا اسويه ي مشعل ،
مشعل ناظر بالمرايه : شوفي شعري كيف كله من زيت جدتي الله يرحمها كانت تحبني كل ما شافتني تلعب بشعري وتحط لي زيت وتنصحني احط حناء لشعري كانت تهتم فيني ،
نجلاء تغيرت ملامح وجهها : يع ،
مشعل : يع بعينك اقول خلي يجي نايف بس ،
نجلاء حطت يدها على بطنها والتفتت له بخوف : تسوي فيه كذا! زيوت و حناء؟ تكفى لااا ي مشعل اجل لا يجي ،
مشعل ضحك : امزح معك خليني اسوي شعرك ،
نجلاء وقفت وهي تناظر فيه بالمرايه ،
مشعل ابتسم وهو يسوي لها شعرها ،
'
ملاذ قامت من النوم والتفتت وهي تشوف صقر نايم وقامت مشت وفتحت الباب بهدوء وطلعت لبرا ،
صقر ماكان حاس بشيء ونايم ،
ملاذ طلعت ونزلت لتحت وطلعت من الفندق وقفت وهي تناظر وغمضت عيونها وسندت على الجدار تنام ،
صقر تحرك ومد يده يمسك يدينها فز وهو يشوفها مو موجوده انصدم وقام ركض للحمام والبلكونه لكن مالها اثر وقام يصارخ : ملاذذذذ ، لكن مافي اي حس لها ، و ركض فتح الباب وناظر لجزماتها موجودين " يكرم القارىء " انصدم و رجع يدورها ونزل لتحت وطلع من الفندق لكن انصدم وهو يشوفها متكيه على الجدار ونايمه ومشى بصدمه وهو يشوفها : ملاذ! ملاذ فزت من نومها والتفتت يمين يسار وهي تشوف نفسها برا وناظرت لصقر باستغراب وهي تشوفه بهالشكل ،
صقر بصدمه . ..