رواية أنااااا سجين قلبـــك الفصل الحادي عشر بقلم الكاتبة روجمان

(يؤلمني قدري واوجاع قلبي تعاتبني وروحي تشتاق لتلك الغائبه لتلك الطفله الصغيرة لتلك المجنونه لتلك الذي تجعل قلبي ينبض بشدة ليس من حقهم ان ياخذوك مني وانتي ملئتي اركان قلبي وجعلتي روحي بقايه حطام اطلب من قلبك العودة لي لكي اتنفس عشقك ولكي ارسم ابتسامتك على ضوء القمر ان كان لي حب في داخل قلبك فعودي وان لم يكن فسوف ابقى انا سجين قلبك الى الابد الى تلك المجنونه اكتب)

اصعب شعور ممكن نحسه هو انو جزء منه بعيد عنه طفله دخلت حياتي غيرت كل قراراتي وكل اختياراتي وكل
الي جنت اعتبرة بحياتي صحيح هسه كمت اشوفه غلط قصه بدت بلعبه بدت باانتقام بدت وانتهت بكسر كلبي اني مكدرت وحدة توصلني لمرحلته الاحساس الي احسه من اني ويا لينا
لينا الدلوعه الصغيرونه الي سوي ظفيرة والي تتااثر بكل حركه وبكل حجايه والي تنجرح بمجرد انو واحد يرفع صوته عليها والي عدها رومانسيه اكثر من اي وحدة عرفتة بحياتي لان حتى رومانسيتة بسيطه وهادئه لينا صاحبت الصوت الملائكي الي خلت طارق بيك داخل جدران الالم
كل الي اكدر اسوي انو انسى او اتنازل او ابقه على امل
واني لااكدر انسه ولااكدر اتنازل يبقه بس الامل بداخلي

المهم انو اليوم اخويه اجه من السفر وظل يمي بالبيت وظل يحاول يعرف شنو الي صار واني جنت امتنع اكله بس جنت اريد احد احجيله لان جنت احس اكو جبل على كلبي ردت احد يهون عليه ومالكيت غير احمد اخويه الصغير وفعلا سولفتله وكلي معقوله طارق بيك الي يعذب الكلوب تجي هاي الصغيرة وتسوي هيجي بي كلي زين روح اخذها هي مرتك وحتى تكدر تشتكي عليهم وليش تشتكي تكدر بتلفون واحد تخليهم يجبوة لحد يمك ويترجوك ويطلبون السماح منك كتله لا اني مااريد لينا بهاي الطريقه لان مااريدها تكرهني ومااريد اتنازل لااي احد كلي انت ليش دتعذب كلبك ياطارق انت تعبان وراحتك بيدها ليش دائما اتكابر ودائما تحمل نفسك فوك طاقتك يااخي انت انسان ليش دسوي هيج كتله خلص احمد سد الموضوع
طبعا مرت فترة وابتعدت عن الكل حتى والدي واصدقائي حسيت جان اكو شي ناقص حسيت كلشي بحياتي ناقص شي منه واكو كسر بكلبي وبداخلي مشاعر تموت وتحتيه بدالها غير مشاعر
اني داحس بغربه واني بيتي غربتي مو غربت وطن غربتي غربت كلب
واليوم بعد مارجعت من الشغل صعدت نمت وحسيت على احد ديلعب بشعري فتحت عيني وجان اكمز من الجربايه وجان اشوف لينا كتلها لينا كالت اي اني طروقي كتلها اجابج كلتلي متريدني كتلها لاشلون مااريدج بس قصدي اجابج كالت اشتاقيتلك واني كلتلك من قبل مااكدر اعيش بدونك كمشت يدها وبستها كتلها متدرين شكد مشتاقلج كالت اني هم مشتاقتلك بكد الدنياضحكت على حجايتها
كتلها وامج كالت امي سافرت وبقتني يم بيت جدي وخالي الصغير كلش كام يااذيني وحتى يضربني كتلها يضربج جان دكول اي كتلها والله لااخذ روحه والله لااموته هالحقير كالت بعد مااريد ارجع يمهم اني رحت على عمو وهو جابني يمك كتلها ابويه كالت اي ضحكت شكد كلبه جبير كتلها لينا كالت ها كتلها اني احبج كلش كالت اني هم كتلها تجين تنامين بحضني ضحكت جان دكول اي اجي وحضنتها والله على هالحضن حسيت الدنيا كلها كمشته وعشت وياها احلى مشاعر صارت هي مرتي وهي بتي وهي صديقتي وهي امي حلو من تحبون انسان وتحسون بعدت مشاعر ولكن منجمعه بشخص واحد

اني عشت ويا لينا احلى حياة وبعدتها عن اي شي يقتل البرائه الي بداخلهاويلوث نظرات الصدق الي بعيونه

خلصت قصتنه وبكل قصه عبرة وبهاي القصه تعلمنه انو احنا منااخذ شخص بذنب شخص ثاني ولا نكدر نحكم على الانسان من مظهرة الخارجي وتعلمنه انو مهما مرو بحياتنه اشخاص قاسين اكيد عدهم نقطته ضعف واكيد لكل قلب مفتاح

تحياتي لكم
#الكاتبه #روجمان