رواية أنااااا سجين قلبـــك الفصل التاسع 9 - بقلم الكاتبة روجمان

اني اتخبل واحد يزعجني واني نايم وهاي كاعدة فوك راسي خبلتني بس دكركر يله كوم نطلع يله رح يعزلون ودوختني واني مامستغرب الا على نفسي شلون مطول بالي وياها
المهم كتلها دكومي روحي داريد اغسل كالت لا انتظرك كتلها بابا قابل رح انهزم كلتلي لامتنهزم بس اني اريد انتظرك كتلها ابقي لعد وكمت دخلت للحمام وطلعت بس لابس المنشفه وهي تباوعلي وتضحك كتلها شبيج اضحكين كالت لاهيج كتلها ليش اضحكين
جان دكول صدك طروقي مكلتلي شنو رائيك بالنفنوف عليه كامت وكفت جان كلش حلو بس جان كلش مقسم عليها بحيث ترددت انو اطلعها بي لان مبين كل معالم جسمها كتلها بس هذا كصيف عليج صحيح حلو بس مومال اطلعين بي كالت لاحلو كتلها لينا ليش تعاندين هوايه وليش من جنت احجي وياج بالتلفون ومن جنت اعرفج من قبل جان اسلوبج يختلف كوليلي اكو احد ديعلمج جان دكول لا محد ديعلمني كتلها اكيد كالت اكيد كتلها داحسك دتكذبين عليه كالت لاوالله بس اني داشوفك انت متهتملي مثل قبل ومتحبني صاير ومتسمعني كلام حلو ودائما عصبي عليه فكلت لازم اخليك ترجع تحبني وجان تجي وخليت يدها على ركبتي كالت انت تحبني مكدرت اجاوبة كتلها اني شكلتلج موكلتلج اللمس ممنوع كالت لا مكلتلي كتلها لجذبين وجان تضحك واني كمشتني الضحكه بس مردت ابينلها انو اني داضحك كمشت نفسي بكوة
كتلها يله روحي داكمل ملابسي جان دكول تعشيني برة كتلها ميخالف ولمن طلعت ضحكت على سوالفها وحركاتها هاي البنيه مصيبه صار يومي متركز بس عليها افكر بيها
ومكمت افكر انو اني انتقم بسجى عن طريق لينا
ليش كمت اتغير وليش مشاعري كامت تلين معقوله اني من البدايه جنت اريدها لينا ماادري والله شنو احاسيسي كملت ملابسي ونزلت جوة

وشفتها واكفه تنتظرني وطلعنه اني وياها
وافترينه واشترت هوايه ملابس وجنت من اشوف احد يباوعلة اتخبل وكعدتها بمطعم وتعشينه وتونست وياها كلش وحبيت عفويتها ويمكن لينا بعدها ممطبعه باامها يمكن بعدها الدنيا ممغيرة الطيبه الي بيها بعدها بريئه اني اعرف النسوان واعرف البنيه الي عدها برائه بس لينا دائما جنت اغالط نفسي وياها ولمن جانت دتاكل باوعت عليها كلت شنو يعني لوصارت فعلا مرتي شنو يعني هي صغيرة مكان فديوم العمر عائق بين اي اثنين يحبون بعض بس اني من صدك احبها لو مجرد دثيرني وبس وهي اذا كبرت بعد سنه لو سنتين ودخلت كليه رح تبقى تحبني لو راح تسوفني جبير وتحب واحد من عمرها وظلت ميت الف سالف براسي
ولمن خلصنه ورجعنه شفت سيارات اعرفهن وحدة مال ابويه وحدة مال سجى واكفلت بالباب مال بيتي دخلت سيارتي للكراج ونزلت ونزلت لينا ودخلت وجان اشوف ابويه وسجى واختي سماح
يتبع ....