رواية أنااااا سجين قلبـــك الفصل الثاني 2 - بقلم الكاتبة روجمان

صحيح فكرت انتقم من زوجت والدي بتها لينا بس صراحه انتقدت نفسي على هذا تفكيري لان اني موهالشكل ولاعمري فكرت اجرح انسان او اذي مامعقوله اجي على طفله صغيرة واجرحها وصراحه شكلها كلش بريئه ولغيت الفكرة من الاصل ولكن الي صار وخلاني اريد انتقم من سجى انو بعد فترة اجاني والدي للشركه وطلب مني مبلغ مالي وكان المبلغ جبير ولمن سئلت والدي شنو السبب ولويش محتاج الفلوس بشنو كال بشغل ومنا لفترة ارجعلكياها كتله والدي اني مو على الفلوس بس استغربت شسوي بالفلوس وانت مدتشتغل وكاعد بالبيت كلي قابل كلشي اكلك كتله اوكي ولايهمك منا لليل الفلوس يمك كلي اي زين انتظرك ومن طلع خفت انو والدي بمشكله ومديقبل يكلي وكام عقلي يودي ويجيب وكلت لازم اعرف شنو الموضوع المهم بالليل رحتله ولمن رحت جان والدي وزوجته وبتها بالحديقه دخلت سلمت على والدي طبعا اني ابد مااحجي ويازوجت والدي ولاحتى اسلم عليها كتله هاي الفلوس كلي اكعد كتله لامستعجل وجان اسمع الصوت الملائكي كلتلي تريد كهوة باوعت عليها هي وظفيرتها والنفنوف الي لابسته لونه اسود وعيونها الي تجذب مكدرت اكللها لا كتلها اوكي اشرب واني كعدت وسجى جانت تحاول تلطف الجو ويايه وتحجي وتسئل عني بس اني مكنت اجاوبها ابد بس جنت اباوعة والحلو بالموضوع انو سجى برغم انوهي ذكيه وتحاول تظهر انو هي صاحبت شخصيه قويه بس هي تخاف مني ومجرد نظراتي الها تربكه وتخليها تتراجع حتى عن الكلام وبعد شويه اجتي الكهوة وقدمتلياها وكعدت

وظلت طول مااني كاعد هي تبتسم والحلو بيها عيونه تضحك وكلامها كلش قليل يمكن محجت احجايتين من كعدت لحد مسلمت عليهم وكمت طلعت وكلت لنفسي
عجيب معقوله هاي بت سجى هاي الرقه والجمال والرقي بالتصرف وحتى حركتها وطريقه مشيها مختلفه مداصدك انو وحدة قرج مثل سجى وحدة انانيه ومصلحجيه عدها هيج بنيه وكلت الله كريم هم نعرف شنو الفلم مال سجى وبتها المهم الي مثل ماكلت خلاني فعلا اريد انتقم موضوع الفلوس لان بعد كم يوم عرفت انو اخو سجى الصغير مشتري بيت ومشتري سيارة واكيد بفلوسي
وبلعب على والدي صراحه فار دمي مو علمود الفلوس عمري مهتميت للفلوس لان اكثر شي عندي بحياتي هي الفلوس ولكن اني مااحب احد يلعبني وبذات سجى
ولكن انقهرت على والدي هذا الشخص القوي الانسان المحترم الي كان ينضرب بي المثل بانضباط عائلته بااحترام زوجته اله الي هي والدتي الله يرحمها تجي وحدة على تالي عمرة اسوي خشخيشه بيدها وتلعب عليه وصعد اهلها على جتافه وكل تعبه وسنين عمرة تاخذها هايه صدك ضجت وحاول افكر بطريقه اوكع سجى بشرورها وابين لوالدي انو هاي حيه تريد تقشمرة لان صراحه اني مخايف على الفلوس خايف على والدي اخاف هاي فديوم تقشمرة وتاخذ الاول والتالي والدي يروح بيها ميتحمل لان هو موصغير ويتحمل هيج صدمات فاالي راح اسوي رح اخلي لينا تحبني بااي طريقه كانت واصلن هي مطول بيدي ساعه وتسلملي ورح اخلي سجى تبوس الايدي اني اكدر امحية من على وجه الارض بس مااريد ابويه يضوج مني ويفكر انو اني ضد سعادته اريد اجيبها للطريق برجلية اني اعلمج سجى ولج اني طارق بيك تجيني تلعبيني وتلعبين على ابويه والله لو خوش ادميه جان مومشكله بس اني اعلمج ورح تكون بتج لينا الضحيه وتقريبا مشيت يومين وجبت رقم لينا واكيد مو صعب عليه اجيبه وبيوم الي جبته دزيتلها رساله وكتبتلها

(اني احبج ورح اظل احبج ورح اظل اراقبج من بعيد ورح اظل عيونج الدنيا الي اشوف كلشي حلو بيه اني يوميه اشوفج وكلما اشوفج كلبي يدك لحد مااحسه راح يوكف اني مرح اكلج اني منو راح اخلي كلبج يدلج )

وراعشر دقايق خابرت وشكد ظلت ادك مجاوبتها وضحكت كتلها بعدج مشايفه طارق من يريد وحدة
شيسوي وبعدها بساعه دزتلي رساله
(كالتلي منو حضرتك وشنو هذا الكلام موعيب واني متاكدة انت متعرفني بس دضوجني وهالمرة من دزلي رساله اخلي اخويه يطيح حظك صراحه)
صفنت من كالت اخويه هي ماعدها اخ معقوله قصدها واحد تحبه ودكول اخويه او خاف تقصدني اني وضحكت كلت بس والله سباعيه هاي البنيه تهدد
كمت دزيتلها رساله ثانيه
( كتلها اني اعرف اسمج واسمج يخبل كل حرف لحن مختلف اسمج لينا واعرف عمرج وكل سنه من عمرج وهي احلى سنه تعتبر من حياتي عمرج ١٧سنه واعرف وين ساكنه ولتكذبين لان انتي ماعندج اخ واني احبج ليش دجرحيني بالكلام لان كلبي يهواج ولان كلبي يدك الج ولان انتي النفس مالتي ليش جرحين مشاعري )
ودزيت الرساله وطكيت ضحك احلى شي من اكتب الرساله وعايش اللحظه ومتااثر وملامحي تتغير وكلت لنفسي والله بعدك طارق بيك رومانسي
يتبع