الفصل 5

:هو ده سبب رفضك :لا من ضمنهم وباقي اسبابك ايه :احب احتفظ بيها لنفسي : مش هضغط عليك بس اللحظه دي انا مش بك -ذب وعمري ما ك -ذبت على اي بنت بعرفها عمري ما قلت لها بحبك او هتجوزك احنا بنقضي وقت لطيف مع بعض : ما ده اللي بيخلي رجاله كتير تفكر ان البنات كلها بلا استثناء بتحب الوقت اللطيف اظن حدود علاقتنا وضحت محتاجه امشي :ممكن اوصلك :شكرا السواق بره *رفض يض -غط عليا حس ان حياتي مش سهله رغم الرفاهيه اللي عايشه فيها

*جومانا كلمتني اكثر من مره عشان تقابل معاذ وانا كنت بتهرب منها *اخر مكالمه بينا اضطريت اقول لها ان واحد زميلنا بلغه انها رجعت لخطيبها : بابا هو اللي اجبرني اعمل ايه فضل يزن عليا : اللي اعرفه ان باباك عمره ما غصب عليك في الخطوبه لا اول مره ولا ثاني مره : انت بتك -ذبيني يا دارين :لا بس انت اللي كنت بتحكي لي ولما رجعتي لخطيبك عايزه معاذ في ايه ثاني :لو رجعت لمعاذ اقدر اقنع بابا بيه :حاولي تنسيه لانه مش ناوي يرتبط

دلوقتي غير لما يثبت نفسه :وده كلامك انت :لا ده كلامه هو و بيقول لك ربنا يوفقك :انت اللي عملت كده بتفرقي اثنين بيحبوا بعض :جومانا انت مصدقه نفسك انتم سايبين بعض بقالكم اكثر من سنتين ومعقول اللي بتقوليه انت اعز صديقه ليا ويوم ما ارتبطت بيه كنت انا الواسطه بينكم لو مش حابه وجودكم مع بعض كنت رفضت اتدخل من الاول واكيد هو ممكن يكون ارتبط او عمل علاقات ثانيه: اه بس الظاهر ان ما لكيش مزاج نرجع لبعض ثاني

:احلف لك بايه ان ده رايه هو كمان هو اللي قال انه لما ارتبط بيكي كان بيحبك واتشجع لما عرف انك بتحبيه مش عشان تدخلي مش عارفه ليه صعبه اصدقك :اعمل ايه يعني اثبت لك ازاي :اتحايلي عليه اعملي اي حاجه :اسفه هو رفض اني افتح معاه الموضوع ده مره ثانيه وما بقاش بيرد عليا زي الاول لانه بقى نجم ومشغول وبعدين يا جومانا الحب ما بيبقاش بالمحايله : يا سلام يعني لما بعت لك دعوه الحفله ده اسمه ايه

: ده اسمه رد جميل عشان انا اللي عرفته على المنتج مش اكثر من كده *ما اقتنعتش وانا حاولت اوصل لها ان علاقتي بمعاذ ضعفت رغم انها مش كده اول ما ببعت له بيرد عليا لكن براعي انه بقى مشغول عن الاول ولازم يركز في مستقبله *بعد كام يوم مروان كلمني طالب يقابلني لانه لقى شغل في بنك كويس وعايز يعرض عليا تفاصيل التدريب *اتفقت اني اقابله ثاني يوم *في الموعد استنى كثير بس انا ما وصلتش

*اتصل اكتر من مره ما ردتش وبعد اكتر من مره رديت وصوتي كان مش واضح افتكر اني نايمه واتكلم بغضب شديد :اه الهانم نايمه و لطعاني بقى انا استنى البرنسيسه ولا على بالها *ما قدرتش ارد :طبعا مش قادره تتكلمي هتقولي ايه فعلا كنتي صادقة لما قلتي انك شخصيه فاش -له *كحيت بطريقه صعب -ه جدا حس فعلا اني تعبانه ومش عارفه اتكلم ورغم كده رديت عليه ونفسي مكتوم من دور البرد

:اسفه ما قدرتش اتصل حتى مش قادره امسك التليفون دلوقت ومتشكره على تعبك معايا *حس بدموعي وانا بقول له :اظن كنت واضحه من البدايه لما بلغتك اني فاش -له ما كانش في داعي تفكرني لاني مش بنسى *وكملت كحه بطريقه اصعب وقفلت الخط *ما قدرش يقاوم احساسه انه عايز يطمن عليا وصل عند الفيلا وكان متردد يدخل او لا لكن اتشجع لما لقى الداده بتوصل الدكتور وبيديها روشته العلاج :لو سمحت انسه دارين موجوده

:اه بس تعبانه قوي انا اضطريت اطلب لها الدكتور السخونيه عاليه ومش بتنطق مع الكحه :طب ممكن اقابل والدتها :هي مسافره مع البيه الكبير :يعني مفيش حد جنبها :ومن امتى في حد جنبها يا حبيبتي بتفضل بالايام ما حدش بيقول لها انت فين انا اصلا اكتشفت بالصدفه طلعت اسألها هتاكل لانها لا فطرت ولا اتغدت قلقت لقيتها سخنه زي الن -ار عملت لها كمادات على ما الدكتور وصل:ينفع اشوفها : ازاي يا ابني ما حدش في البيت ومش معقول هتدخل غرفه نومها

ما هي مش هتقدر تنزل لك :مش قصدي كنت عايز اطمن عليها :طب سجل رقمي وهبقى اطمنك *بعد كام ساعه اتصل على دادا عشان يطمن عليا بلغته ان الحراره كانت عاليه لسه ما قدرتش تقول له ان النوبه جاتلي لان بابا منبه عليها محدش يعرف وعرف انها كلمت الدكتور و نقلني المستشفى وعلق لي محاليل وجهاز تنفس لان الدور كان جامد ومش قادره اتنفس طبيعي *طبعا وصل المستشفى عشان يزورني لقى داده مشيت حسب طلب الدكتور لاني مش هفوق غير الصبح

*مسك ايدي وباسها حلمت بيه بس بعدين هو اعترف انه عمل كده وتأكد وقتها اني إحتليت جزء من قلبه بدا يكبر مع الايام *طبعا مشي ما قدرش يقعد حسب تعليمات الدكتور انه شخص غريب ممنوع يكون مرافق *رفض يستغل سلطته ويقعد لان فعلا ده غلط *ثاني يوم زارني كنت فوقت شويه ورديت عليه على قد السؤال *شعر قد ايه انا زعلانه من طريقته ومشي لانه مش وقت كلام او عتاب *اليوم اللي بعده وصل المستشفى عشان يزورني بعد شغله اكتشف اني خرجت

*حاول يتصل بيا كنت عملت له بلوك *جرب يكلمني من رقم ثاني معاه انا مش مسجلاه عندي لقاني قافله التليفون خالص *فهم اني متوقعه كل شيء ممكن يعمله وبحاول اقطع اي وسيله اتصال بينا *ما كانش قدامه غير جومانا يستخدمها للوصول إلى طبعا دفعها انها تزورني لاني تعبانه وهو بيحاول يوصل لي عشان المحضر لسه مفتوح ولازم يتقفل *جومانا استبعدت انه يكون معجب بيا لانه مش بيعجبه العجب وانا مش من النوع اللي ممكن تشده فاستجابت

*اتفاجات بيها عندي في الفيلا رغم اني توقعت انها هتقاطعني بسبب معاذ :شكرا انك افتكرتيني :على ايه احنا اصحاب ولا انت زعلانه مني :انا فاكره انك انت يا جومانا اللي زعلانه مني: لا ما انا هديته وفكرت وقلت ان ما فيش في ايدك اي حاجه *مش عارفه ليه ما اقتنعتش بكلامها : هو انت عرفتي منين ان انا تعبانه :مروان اصله كان عايز يقفل المح -ضر هو لسه مفتوح فاول لما تفوقي روحي اقفليه بلاش نئ -ذيه في شغله

:هو يعني لو مضى مكاني هشتكي انه زو امضتي :انا بلغتك كده ممكن يبطل يتدخل في اي حاجه ثانيه نحتاجه فيها: حاضر عشان خاطرك هروح له :اخبار معاذ ايه :ما اعرفش قلت لك ان علاقتنا قلت عن الاول كثير بسبب شغله واكيد قريب هينساني وانت كمان انسيه :ما انا نسيته بس بدردش معاكي شويه:انت عامله ايه مع خطيبك :قريب هنتجوز :مبروك فرحت لك قوي :انت ذوقك في تنسيق اللبس دائما بيعجبني ينفع تنزلي معايا وانا بشتري جهازي :حاضر

يومين بس لاني لسه تعبانه :وكمان عايزاك تعملي كام بروفه مكياج الفرح انت شاطره وبتعملي ميك اب حلو قوي :بس كده حاضر انا عندي كام جومانا *بعد يومين فعلا اتقابلنا وكنت عايزه اروح معاها لمروان عشان اقفل عليه اي مجال لكلام خارجي وابطل حجته بالمح -ضر :اتصلي على ابن عمك نعدي عليه بالمره ونقفل المح -ضر ده *اتصلت عليه وبلغته اني هعدي عليه بس نسيت تقول له انها معايا وتفاجئ بيها *فهم انا

عملت ده ليه واتكلمت بهزار:ممكن بقى نقفل المح -ضر النهارده ده لو جر -يمه ق -تل كان زمانها اتقفلت من زمان جومانا :صحيح انا ما اعرفش ان المح -اضر بتطول قوي كده مروان :ده عشان في تعويض عن حاد -ثه العربيه خليكي هنا يا جومانا اتفضلي يا انسه دارين عشان ننهي المح -ضر في غرفه التحقيق *اضطريت اقوم معاه دخلني غرفه تحقيق فعلا ومسكني من ايدي وكنا قريبين من بعض :شيلي البلوك لو سمحتي *سحبت ايدي بالراحه لاني خف من نظره عينه

: لو سمحت ما تمسكش ايدي بالشكل ده ثاني ومش هشيل البلوك اخر معرفتي بيك النهارده انا جيت لان جومانا قالت ان عليك مسؤوليه لو المح -ضر فضل مفتوح لكن اشك في صحه الكلام ده *اتكلم بن -دم وصدق :انا اسف غ -لطت كان المفروض اسالك الاول واعرف اسبابك :ما يلزمنيش اسفك واديك جربتني قبل ما اشتغل اثبت فش -لي انا فاش -له وانت شكرا ليك لحد كده :دارين انت مش قادره تحسي انا اتعلقت بيكي قد ايه :وانا بقول لك ابعد كل اللي

بيقرب مني بعد كده بيندم :ممكن فرصه :لو انا كمان اتعلقت بيك هديلك فرصه لكن ما فيش مشاعر من ناحيتي :انت بتك -ذبي :هك -ذب ليه فعلا مش حاسه ناحيتك بحاجه واخاف تتعلق بيا اكثر من كده غير اني بصراحه مش واثقه فيك :بسبب علاقاتي الكثير مع البنات :بيعجبني ذكائك :ولو قلت لك ان من يوم ما شفتك قط -عت مع كله وانت بس اللي شاغله تفكيري: وانت فاكر لما تقول كده هصدقك

:انا مش مستعجل اشوفك بعد بكره في البنك عشان تستلمي الشغل وواحده واحده هتثقي فيا *ما كانش قدامي غير اني اوافق حسيت اني محتاجه فرصه الشغل دي قوي وأنها لازم تجيلي من بارة لان بابا عمره ما هيشغلني بنفسه : اتفقنا *في نفسي وافقت على الشغل بس و هحاول بعدين اتصرف مع مروان هتقدر دارين تقاوم مشاعرها اللي بتشدها ناحية مروان

*بعد ما روحت قعدت افكر مع نفسي هو انا اديته فرصه ثانيه يمكن عشان مشاعري اتحركت ناحيته وكنت واثقه انه لو حبني قوي هيقبلني زي ما انا *اتقابلنا واستلمت الشغل حبيت اثبت له واثبت لبابا وكل الناس اني مش فاشل -ه واجتهدت وحاولت اهدي نفسي عشان التوتر بيخليني اغلط والنوبه تجيلي *اشتركت عند دكتوره تعمل لي تدريب اقدر اهدي نفسي بيه *الفتره الاولى كان مروان بيكلمني في التليفون يوميا يطمن عليا وانا كنت برفض نتقابل بدون سبب

*لما كنت بوحشه كان بيجي البنك يشوفني على انه عميل ويراقبني وانا بشتغل بس المدير كان بيشكر له في شغلي ولو استمرت شهور التدريب على كده هتثبت ويمضوا معايا العقد :اظن دي مناسبه نحتفل بيها ينفع نتقابل : المناسبه اللي هنحتفل بيها لما اوقع العقد يعني هستنى ثلاث شهور : لا ده التدريب ممكن توقيع العقد بعدها بكام شهر : كمان لا يا دارين بجد محتاج اشوفك واقعد معاكي :ما انت بتيجي البنك تعمل كبسه عليا :بشوفك من

بعيد مش بقدر ابص في عينيك: طب خلاص ايه رايك بعد اسبوع هنسهر سوا :بتتكلمي بجد : اه في فندق شيك و هقعد معاك كام ساعه مبسوط :ياه اخيرا .... استني انت من امتى بتوافقي بسرعه كده و هتسهري كمان ده فخ اكيد : هههههه دماغ ظابط بجد بس اليوم ده فعلا هسهر معاك :في اي فندق واي يوم :يوم الخميس وفندق السعاده :ده فندق شيك ده حتى اخويا عامل فرحه .... استني انت هتقابليني في فرح اخويا و جومانا :اخيرا استوعبت :انا كنت شاكك فيكي بجد

دي تعتبر في نظرك مقابله :مقابله مسببه طبعا :طب ممكن اقابلك مره واحده وهخلي كل مقابلاتنا بعد كده مسببه :مش فاهمه ازاي هتخليها مسببه :لما اقابلك هفهمك :لا اعرف الاول الفضول يق -تلني :بايدك تعرفي النهارده لو قابلتيني : هو هيقت -لني بس مش للدرجه دي :لو سمحتي وحشتيني قوي :حاضر بس مش كثير بس من غير بس في ايه :هستأذن ماما واقول لها ايه :قولي لها اني عايزك في موضوع مهم و لما ترجعي هتحكي لها:وهو انا هقدر احكي لها

اه المره دي لازم تحكي لها:خلاص كمان ساعتين اكون خلصت :هستناك قدام البنك *اتقابلنا و اخذني قعدنا في مركب على النيل ثابته وكان جزء كأنه مخصوص لينا بس :مالك بتبصي كده ليه :حاسه انه جو رومانسي من اللي بيتضحك بيه على البنات :شوفي اعملي اي حاجه النهارده غير انك تشغلي مخك و سبيلي نفسك بس شويه :اعرف الاول انت عايز مني ايه

:انا معجب بيكي قوي لدرجه اني بحبك وبفكر فيكي ونفسي اتعرف عليك اكثر بس انت مطلعه عيني فدورت على طريقه نتعرف فيها على بعض بطريقه عمرك ما ترفضي تقابليني : ايه تتهمني بج -ريمه ق -تل وافضل في ال -سجن عندك على طول :مش قلت لك ما تشغليش مخك اسمعيني للاخر :اصل بجيبها يمين شمال مفيش طريقه تحقق المعادله الصعبه دي :لا فيه :دلني صدعت من التفكير :تتجوزيني :نعم عيد ثاني اللي قلته ده :تتجوزيني :هنتعرف على بعض واحنا

متجوزين افرض ما اتفقناش :لا ما انا هتقدم و نتخطب اظن نقدر نتقابل من غير ما ترفضي ايه رايك في الحجه دي للمقابله المسببه:هي حجه صعب تترفض بس بابا مش بيوافق على اي عريس لاني بنوته الوحيده و اخر العنقود فصعب يسيبني لاي حد :انت وافقي وانا ليا طريقه اقناع ما حصلتش ومش هسيبه غير وهو موافق :اكيد هتتقدم بعد فرح اخوك :طبعا عشان اهلي يكونوا فاضيين :لعلمك لو رفض مش هقدر اشوفك ولا اكلمك :يعني لو رفض هتسيبيني

:للاسف هترضى اعرفك من وراهم واخرتها ايه وهما رافضين جوازنا نتجوز من وراهم :عمري ما اعملها ترضاها على اختك: اكيد لا انا بشوف وجهه نظرك :طب يلا بينا بقى :مش قبل ما اعرف اذا كنت موافقه :موافقه يا سيدي بس خلي بالك بابا صعب قوي سلام اشوفك في الفرح :اسمعي البسي فستان مقفول عشان بغير : انت هتتحكم فيا من دلوقت وبعدين من غير ما تقول ما انت شفت فستاني يوم الح -ادثة :رغم انه كان مقفول بس كان يجنن عليك :بجد كان حلو

:اه وما تلبسيهوش تاني : مروان خف تحكمات لاني مش بحب كده او باجي بالطريقه دي من اولها:دارين افهمي انا ظابط وشغلي طابع على تصرفاتي غير اني فعلا بحبك وبغير عليك فاهمه :بس تحكماتك دي ممكن تعمل مشاكل بينا حاول تفصل ينفع:ينفع اتفضلي اوصلك *يوم فرح جومانا عملت لها ميك اب تحفه هي نفسها ما كانتش مصدقه وكانت حوريه وانا كنت لابسه فستان يجنن مع الميك اب

*مروان كان نفسه يخطفني وهو واقف معايا في الفرح بيقول لي كلمتين حلوين و بيديني التعليمات اهمها ما فيش رقص علي صاحبه قرب مننا : لا بجد قمر عرفت تختار *بصيت لمروان يفسرلي معناه ايه الكلام ده بس كان ض -رب علي بكوعه في بطنه فعلي فهم :القاعه قمر وتحفه ما حدش هيختار قاعه فرحي غيرك:طب يا علي روح اطمن على البوفيه وشوفوا هيعجبك قوي *انا ما عرفتش افوت الموضوع :هو انت حاكي له ايه بالضبط

:بصي لما نتخطب هحكي لك عن حياتي و اهمهم علي صاحب عمري وطبعا بحكي له كل حاجه بس مش الامور الشخصيه ..... هو عارف اني بحبك و هتقدم لك لكن حواراتنا طبعا لا :تمام هروح اشوف العروسه :انت زعلتي :لا بس نظرته ليا ما حبتهاش زي ما يكون كان بيقيمني :هو ظابط صحيح بس ساعات اه -بل في تصرفاته واكيد كنت بخرج انا وهو وبنات فنظرته انك اجمل واحده عرفتها

*ابتسمت و روحت وقفت مع العروسه ومشيت على التعليمات رغم ان جومانا شدتني كثير عشان ارقص معاها بس كنت بقف واسقف او اهز كتف مره وخلاص وهو بيبعث لي نظره بتقول شاطره *كنت ببتسم على نظراته ليا وطبعا اتعرفت على مامته وأخواته *استأذنت من جومانا امشي قبل الفرح ما ينتهي عشان بابا محدد ميعاد رجوعي ووافقت بالعافيه *هو اول ما شافني بلم حاجاتي جه بسرعه ناحيتي بشكل ملفت:رايحه فين :مروحه خلاص :هوصلك

:لا ده فرح اخوك وبعدين السواق بره بابا بيخاف عليا وما يعرفش اني بسوق :نسيت الموضوع ده اوصلك للعربيه :ماشي :انا اخذت ميعاد مع والدك بعد بكره في الشركه هتقدم لك و احدد ميعاد ثاني نيجي انا واهلي نقرا الفاتحه و نلبس الدبل:ومستعجل ليه :عشان اقدر اقابلك و هسافر بعد اسبوعين عندي شغل :يعني بعد بكره تحديد المصير يا اشوفك تاني يا تبقى دي اخر مقابله :دارين قولي كلام حلو خليني احس انك متمسكه بيا :انا متمسكه بس

في نفس الوقت حافظه بابا :اوعدك اني هقنعه :يا رب يا مروان :ما تقولي يا رب يا حبيبي عشان تشجعيني :هقولها واكثر منها لما البس دبلتك:وانا مستني على ن -ار *روحت وانا سعيده و كالعاده قلقانه *مرت مقابله مروان مع بابا على خير ووافق مهما حاول مروان كان مصر و متمسك بيا وحدد اخر الاسبوع هيتقابل عندنا في البيت مع اهله ويطلب ايدي رسمي و نلبس الدبل

*ما كنتش مصدقه ان فعلا بابا وافق لكن اتاكدت لما دخل عليا و حذرني ان مروان يعرف قبل الجواز بمرضي و الا هيوقف الجواز وتبقى دي اخر مره يوافق على عريس *اكيد سكت لكن من جوايا هقول لمروان و اصارحه عمري ما هتجوزه على غ -ش بس مستنيه الوقت المناسب واللي مطمني انه بيحبني *وجاء اليوم الموعود و لبست دبله مروان وطبعا كان منبهر بجمالي هو واهله وجاب كمان علي صاحبه لانهم قريبين قوي و اتصورنا *نشرت صورتنا واحنا لابسين الدبل على النت

*مروان استاذن اخرج معاه بعد ما لبسنا الدبل نتعشى سوا بره *واحنا هناك اتصل معاذ عليا وبارك لي وكان فرحان قوي ليا *مروان سال مين ده و حكيت له وطلب مني اصعب طلب على قلبي : دارين اي حاجه كنت بتعمليها قبل ما نتخطب مش من حقي احاسبك عليها :اكيد طبعا وانا كمان

: ومش معقول ابقى راجل واقول مراتي بتكلم صاحبها رغم اني متاكد ان عمرك ما عملتي حاجه غلط معاه بس علاقه الصداقه بين راجل وست غير صحيحه في مجتمعنا فارجوك انهي العلاقه بينكم وما اعرفش انكم اتكلمتوا تاني : احنا اصلا بحكم شغله بنتكلم كل فتره غير اننا مش بنشوف بعض : دارين انا بطلب منك دلوقتي عشان نبدا حياتنا من غير مشاكل او ش : وانت هت -شك فيا او في معاذ : الشي

-طان شاطر يصور حاجات للانسان غير صحيحه خصوصا لما تبقى علاقه بين راجل وست مفيش رابط معقول بينهم: طب سيبني افكر *اتكلم بحدة :مفيش فيها تفكير ومش عشان انا ظابط برفض مفيش راجل هيقبل الكلام ده النهارده تنهي العلاقه اللي بينكم وعشان ما اضغطش عليك لان بقى لك سنين هدي لك يومين بس مش هقدر اكلمك خلالهم الا لما تبلغيني انك نفذتي *رديت عليه وانا مض -ايقة من طريقته :تمام فهمتك يلا نمشي *لما حس اني زعلت نبرة

صوته هديت وقلب على حنية :دارين حبيبتي مش عايزك تزعلي : مروان انت مش قادر تفهم علاقتي بمعاذ كانت عامله ازاي كان هو الاخ لان بابا واخواتي بعيد عني مريت بفترات صعبه الوحيد اللي وقف جنبي عايزني ازاي بمنتهى السهوله اقول له خلاص مش عايزه اعرفك تاني :انا فاهم يا حبيبتي انا هعوضك عن كل ده غير انك هتشرحي له الوضع واكيد هيفهم مش هتقولي له مش عايزه اعرفك ثاني لانها كلمه تجرح : انا مقتنعة باللي بتقوله بس التنفيذ هو اللي صعب

:لو بتحبيني قد ما بحبك اكيد هيبقى سهل:عندك شك اني بحبك : ايوه بقى انطقي اهي بدات تندع *ابتسمت بعد ما كنت زعلانه وهو مسك ايدي يطمني انه جنبي دايما *بدات السهره تمر بكلام حلو منه بعد ما قفشنا مع بعض *بعد ما روحت ما قدرتش انام واتصلت على معاذ وانا بكلمه بحكي له كنت بعيط :طب ممكن بس تهدي انت بتحبيه يا دارين :اه مش عارفه رجلي جات ازاي مع اني كنت مقرره اني مش هتجوز

:طب ما اللي بيعمله ده شيء طبيعي انا عن نفسي مش هقبل ده على مراتي وكنت متوقع ان في اي وقت حد فينا يرتبط ينهي صداقتنا لان مراتي هي كمان مش هتقبل ده وحقها:يعني انت مش زعلان : اكيد زعلان اني مش هعرف اكلم احلى اخت مره ثانيه بس فرحان قوي انك لقيتي الحب واتمنى لك السعاده من كل قلبي :معاذ استنى انت هتقفل هي دي اخر مره هنتكلم بجد

:اه بس وقت ما تحتاجيني هتلاقيني ودايما هكتب على صفحتي اهداء لك واحط الاسم المعروف بينا احنا الاثنين (دي) الدلع بتاعك :فعلا الاسم ده بيني وبينك بس انت لسه فاكر *اتكلم بحزن وم -رارة : اي حاجه تخصك اكيد فاكرها دي احلى سنين دراسه في الجامعه غير انك الوحيده اللي كنت بتشجعيني و مؤمنه بموهبتي وان في يوم من الايام هحقق حلمي هتوحشني يا احسن اخ : وانت كمان يا احن اخت

*قفلت معاه وقعدت اعيط كثير بس حسيت اني عايزه اعاقب مروان من ش -دته عليا *بعثت له رساله :انا كلمت معاذ واتفهم الموقف وانتهى الموضوع انت كنت صح بس كنت مديني يومين مش هتكلمني فيهم هيفضلوا زي ما هما تفكر خلالهم في الطريقه اللي اتعاملت معايا بيها وتراجع نفسك لاني مش هقبل بيها مره ثانيه *قفلت التليفون وكانوا اليومين دول اجازه من البنك فمش هيعرف يجيلي بعد الشغل *لكن ثاني يوم لقيت دادا بتصحيني وبتقول مروان مستني تحت قلت لها

:قولي له نايمه ومش بتصحى :قال لي لو ما صحيتش ونزلت تكلمني هطلع لها وقال لي كمان قولي لها اني مج -نون و اعملها *خف -ت بصراحه لان لو عملها بابا ممكن يفسخ الخطوبه وانا حبيته لدرجه مش قادره ابعد عنه *نزلت وانا راسمه الزعل على وشي نعم مش قلت لك ما تكلمنيش :مش بمزاجك يا حبيبتي وبعدين فاضل اسبوع على مأموريتي هنضيع فيها يومين ما نشوفش بعض : مش انت اللي طلبت ولما انت تطلب كويس لكن انا لا

:انا كنت بشوف معزتي عندك لكن ما كنتش اقدر ابعد عنك ساعه واحده مش يومين لكن ما كنتش هتنازل انك تنفذي طلبي :دلوقتي بقى طلبك مش امر يعني :لا ما كانش امر والتعامل بينا عمره ما هيكون بالطريقه دي وبعدين بتكلميني بطريقه اني كنت غل -طان : لا انت صح بس انا اللي عمري ما حسبتها لاني كنت رافضه الجواز و اتفاجئت بس وعارفه اني غل -طانه بس حسيت اسلوبك ناشف شويه معايا :ما تزعليش انا كنت متض

-ايق بس شويه يلا البسي عشان نخرج نقضي اليوم مع بعض النهارده اجازتنا وبعد كده نتقابل بعد الشغل:هو انت مفكر عشان دبلتك في ايدي هقابلك كل يوم :هو الاسبوع ده بس عشان هتوحشيني مش عارف راجع امتى :حاضر هقول لماما :انا مستاذن من عمي امبارح :بجد :عشان تصدقي اني كنت بقول كلام مش هنفذه :تعرف انك احلى حاجه حصلت لي :وانت احلى حاجه في حياتي يلا عشان نلحق اليوم من اوله وما تقفليش تليفونك ثاني انت تؤمر :ما زعلتي لما

طلبت منك طلب فكرتيني بامر:خلاص يا موري عديها :هعديها بسرعه بقى *طلعت جري وخرجنا وكانوا احلى اسبوع مر علينا *سافر مروان لشغله ورجعت جومانا من السفر بعد شهر العسل وزارتني في الفيلا *اول ما شفتها جريت عليها عشان احضنها زقت -ني وكانت زعلانه جدا سيحدث بينهما وهل سيؤثر على علاقة دارين ومروان *بصيت لجومانا باستغراب :في ايه يا جومانا مالك زعلانه كده:هو احنا مش المفروض اصحاب بتخبي

عليا انك هتتخطبي لابن عمي:اهدي بس وتعالي اقعدي الموضوع جه بسرعه بعد ما سافرتي شهر العسل :يعني ايه بسرعه ما كنتيش تعرفي انه هيتقدم لك: لا هو قال لي وانا ماشيه من الفرح انه هيكلم بابا وانا عارفه ان بابا مش بيوافق :يعني ايه خطبك فجأه ما كانش في بينكم كلام او مقابلات : لا كان بيتكلم معايا كلام عادي و بيحاول يقابلني وانا برفض لان مفيش صفه رسميه عشان كده اتقدم و خطبني :واظن فاكراني هصدق الكلام ده :هو انا من امتى ك

-ذبت عليك ولة من امتى ليا اني اكلم حد واعمل معاها علاقه حب بره اطار رسمي امال معاذ ده ايه :معاذ ده كان زميل جامعه وصديق وخلاص كل حاجه بيني وبينه انتهت لما مروان طلب مني هو عرف بعلاقتك مع معاذ :اه انا حكيت له *وحكيت لها اللي حصل مش بالتفصيل قوي احتفظت ببعض الخصوصيه :ما كانش المفروض يعرف دلوقتي هيفضل يش فيك يعني ايه :اصل ده طبع الظباط وطبع مروان خصوصا فلو كلمتي معاذ بلاش يعرف

: وانا ايه اللي يخليني اكلمه خلاص كل شيء انتهى بينا *مش عارفه ليه حسيتها زعلت اني اتخطبت لمروان واني عرفته بصداقتي مع معاذ و نهيتها *عدوا ثلاث شهور ما بين مروان يسافر وبابا يسافر ومش عارفين نحدد ميعاد لحفله الخطوبه *طول الفتره دي بتعلق بمروان اكثر وبنحب بعض اكثر والتفاهم بينا بيزيد عكس مكان مروان متوقع : ليه ما ينفعش اكون زوجه مطيعه : لا توقعت من اول لقاء بينا انك متم -رده

وعلى طول مش بتسمعي الكلام:انت بتحكم على الناس من اول لقاء غير اني بحبك واكيد هحاول ارضيك وهبذل مجهود ان حياتنا تبقى كلها تفاهم:انا مقدر طبعا بس اتمنى نفضل كده على طول:هو ايه اللي ممكن يحصل يزعلك مني :مش عارف :ايه مش عارف دي :يعني ممكن يحصل موقف تفكري انه بسيط ونتخ -انق ونزعل رغم انه فعلا بسيط ويحصل موقف ثاني يعدي واسامح فيه:طب في موضوع كنت عايزه اقولك عليه بس نفسيا غير مستعده فينفع تديني مهله لما احس نفسي قادره اتكلم

:الموضوع ده هيزعلني :ما اعرفش رد فعلك لانه زي ما قلت ممكن يعدي او لا:خلاص خدي وقتك : اكيد مش هتيجي لحظه تقول كان المفروض عرفت من بدري او حاجه زي كده :لا يا حبيبتي بس هو الموضوع عن ايه :مش هقدر المحلك *ارتحت لما اديته فكره اني مخب -يه حاجه *بعد شهرين اتحدد ميعاد حفله الخطوبه كنت عايزه اقول له قبلها بس كل ما اجي اتكلم كان بيحصل حاجه توقفني وسافر قبل الخطوبه

*جومانا قربت مني وحبت تقف جنبي وقالت هتحضر معايا اليوم من اوله قبل الخطوبه بيوم بعثت رساله لمعاذ :محتاجه ادردش معاك وعارفه اني وعدت مروان اني مش هكلمك بس هكلمك كتابه عشان اريح ضميري رغم أنه في جميع الأحوال غلط *رد عليا رسائل برده خير يا دارين مالك : متوتره قوي وخاي -فه بكره حفله خطوبتي ولسه ما اعترفتش لمروان : ليه انتم تقريبا بقالكم خمس شهور لابسين الدبل :مش عارفه كل لما اجي اقول له بخ -اف يسيبني لما يعرف

لو بيحبك هيقبل ويسامح :بس مش سهل على اي راجل يوافق على الموضوع ده يتجوز واحده ويعرف انها ممكن تفض -حه