تحميل رواية انكسار لا يشفي بقلم سحر السحرتي pdf

*فكرت كثير هو انا هفضل امنع نفسي عنه لغايه امتى فعلا وهو هيستحمل لامتى مفيش قدامي طبعا غير اني اوافق

: حاضر يا عادل بس اعمل حسابك هنقفل الاوضه بالمفتاح

:ليه هما اهلي هياخذوا حاجه منك

:لا ابدا كام مره اجيب برفاناتي و الشامبو من عند اختك

: ايه يعني ما هي زي اختك

:انا ما عنديش اخوات بنات وما بشاركش حاجاتي مع حد وكفايه الشاور جل اللي خلصته زي ما يكون عصير بتشربه

:اجيب لك غيره زعلانه قوي كده ليه

: ما انا قلت لك هاتلي غيره ويكون زيه قلت غالي قوي وانك مش ملاحق مع مصاريف البيت وجهازها

:مش جبت لك بداله

:اه جبت نوع رخيص عمل لي حساسيه وخلاني اهرش في كل جسمي .... اخر كلام عندي عايزنا نروح عند عمتك تقفل الغرفه

*كنت بحاول اعج-زه وقلت يمكن ما يقدرش قدام مامته لكن قدر هو شخصيته ما كانتش ضعيفة قدامها بس لانها أمه ما كان بيرفض يزعلها خصوصا انها بقت أرملة في سن صغير ورفضت تتجوز بعد والده

*وصلنا شقه عمته كانت حلوه ونظيفه ومريحه قوي

*استسلمت لعادل بس حس اني مش متجاوبه معاه بررت له انه من التوتر والخ-وف لانها اول مره بس الحقيقه اني كنت رفضاه او مش حاسه معاه باي مشاعر

*مر الاسبوع عادل كان بيروح الشغل ما يقدرش ياخذ اجازه ويرجع يلاقيني محضره الاكل ياكل بسرعه عشان يلحق يشبع مني زي ما بيقول قبل الاسبوع ما يخلص

*خلص الاسبوع بسرعه بالنسبة لعادل لكن بالنسبه لي كان ماشي زي السلحفاه يمكن لاني كنت كارهه وجودي معاه لوحدنا لاني ما قدرتش انسى اللي حصل لي بسببه .... بعدي عن اهلي وشغلي اللي حبيته لان بابا أمرهم يمشوني وفعلا ما قدروش يستغنوا عن عميل زيه وما قدرتش أشتغل في اي بنك تاني بمجرد ما بيعرف اني بقدم ورقي بيامرهم انهم يطردوني غير ان عادل رفض الشغل لانه بيغير عليا

*بعد ما فات كام شهر من جوازي عرفت اني حامل فيك فرحت وزعلت وخ-فت

*فرحت اني هبقى ام وهشيلك واحضنك

*زعلت اني مش عايزه حاجه تربطني بعادل

*خف-ت عليك تعيش العيشه الصعبه دي

*يا ترى هنقدر نصرف عليك

*عادل فرح قوي يمكن اكتر مني وقال لي بالحرف

:كان نفسي في طفل منك يبقى شبهك لان مهما اقول لك مش هتقدري انا بحبك قد ايه

*من فرحته طلع يبلغ مامته كان صوتها واضح او يمكن هي قصدها تسمعني

:ليه كده يا عادل هتربط نفسك بيها انت ما طلعتش من وراها بمصلحه خليها تنزله وانا هطف-شها واخليها ترجع لاهلها وتتنازل عن المؤخر

:انا بحبها وهخلف منها ولو حصل للي في بطنها حاجه انسي ان ليك ابن اسمه عادل انا ما صدقت حاجه تربطنا ببعض

*من بعدها بدات تعمل معايا مشاكل كثير وتشتكي له وتحسسه انه مش راجل وهو عشان يثبت رجولته كان بيض-ربني

*لغايه اليوم اللي قررت اعمل مح-ضر لاني زهقت اطلب منه يتعامل معايا باحترام وعمته كمان لما عرفت عنف-ته ولامت عليه بس مفيش فايده .... يمكن كان بيعمل كدة لاني كنت ببقى بارده معاه وحاسس اني مش بحبه ... وكانت دي فعلا الحقيقه ... عادل كان حاله تمرد على اهلي بعترف

*يمكن في أول معرفتنا اعجبت بيه اتشدت له بس ما كانش حب

*لما كنت في القسم بعد اللي حصل وكنت قاعده في مكتب علي صاحب مروان سالته

:علي هو انا ممكن امشي ولا هدخل الحجز ثاني

:ازاي يا دارين هتمشي طبعا بس ارجوك سامحي مروان هو عمل كده غص-ب عنه عشان ضعتي من ايده

:مش فاهمه يعني ايه ضعت من ايده مش هو اللي فسخ الخطوبه و ض-ربني واتهمني بالخي-انه

:انا هحكي لك بس خليه سر ما بينا انا حابب ابرر لك وبفهمك هو عمل كده ليه

: ما انا عارفه يا علي بس انا مش خاي-نه وعمري ما خن-ته ودي كانت لعبه من بنت عمه وصاحبه عمري اللي الى الان مش قادره اصدق هي عملت كده ليه

↚

:اسمعي هو عرف الحقيقه

:عرف ازاي

:في مره كان في حفله وطنيه ومطلوب مننا نامن الحفله وكان معاذ بيغني فيها بعد ما خلص معاذ فقرته مروان ما قدرش يستحمل دخل غرفته وض-ربه بوكس ومسكوا من ياقه قميصه وقال له

:بعد ما ضحكت عليها سبتها وعايز غيرك يشيل الفض-يحه مكانك

:انا ما ضحكتش عليها انا اتقدمت لها وباباها رفض وبعدت ... جومانا هي اللي حبت ترجع لي وهي مخطوبه لاخوك وبرضو رفضت حتى ما قابلتهاش أسأل دارين هتقول لك ان عمري ما لمست واحده

... جومانا بالذات علاقتي انتهت معاها من سنين من اخر سنه في الجامعه واحترمت الكلمه اللي قلتها لباباها

*مروان ما استوعبش كلام معاذ

: جومانا ايه علاقتها بيك

:امال انت بتتكلم عن مين

: دارين انت مش كنت على علاقه بيها وهي كانت خاي-فه تواجهني

*معاذ اتصدم من اللي سمعه ودافع عني بكل ق-وة وغ-ضب

:دارين صديقه واخت وعمري ما اتعديت حدودي معاها او لمستها

:امال ايه الصور دي ومعنى الرسائل اللي بينكم ليله الخطوبه

*معاذ بص على الصور واتفاجئ

:الصور دي غير صحيحه احنا عمرنا ما اتصورنا مع بعض غير في جروب الجامعه وعمرها ما وقفت جنبي ولو وقفت تفتكر هتسمح لي احط ايدي على كتفها زي الصور الوق-حة دي .... دارين عمري ما شفت بنت في اخلاقها واكيد انت عرفت من تعاملها معاك فترة الخطوبة.... لو مش مصدقني شوف تليفوني اهو افتح ملف جروب الدفعه هتلاقي صورنا مع بعض

*مروان فتح الصور فعلا لقاها زي ما معاذ شرح اتجرا وفتح الرسائل اللي بينكم لقى في رسائل ممسوحه عشان تبان ان في علاقه بينكم فسالوا

: امال هي كانت مخبيه عليا ايه

:دارين مريضه صرع ووالدها دايما محسسها انها فضي-حه ولو الناس عرفت هتبقى مشكله ... دارين تعبت طول حياتها كان حابسها ومعامله قاس-ية ... انا الوحيد في الجامعه بحكم صداقتنا اللي حكيت لي

:وخبت عليا ليه

:كانت ناويه تقول لك بس كانت خاي-فه لان باباها حذرها تعرفك قبل الجواز بس هي رفضت تغ-شك وعشان كده كان بيرفض يجوزها

:مش ممكن رجل اعمال ناجح زيه تبقى دي عقليته

:هو ده اللي حصل ومن اخر مره كلمتها ما اعرفش عنها حاجه بحكم سفري ومشاغلي

:يعني ما عرفتش اننا فسخنا الخطوبه ولا انها اتجوزت ميكانيكي

:ايه انت بتقول ايه لا ما اعرفش هي من اخر مره ما نزلتش حاجه على صفحتها وانا ما قدرتش اتصل بيها احتراما لرغبتها ورغبتك ان احنا نقطع علاقتنا مع بعض

:وهي جومانا عملت كده ليه

:هحكي لك

*وبعد ما معاذ حكى له و وضح له جالي مروان وقتها وهو منهار

:ضيعتها من ايدي يا علي ظلم-تها وما بقاش في فرصه تسامحني او ترجع لي

:اقعد في ايه

:وبعد ما حكى لي وندمه كبير على اللي عمله فبطلب منك تسامحيه

*ابتسمت بسخريه اسامحه على ايه على اللي فات ولا على النهارده ... علي ارجوك ابعدوا عني كفايه اللي حصل بسببه وخصوصا النهارده لما وقع-ت كان ممكن اخسر ابني

*بص لي بحزن ما فهمتش معناه وقال لي

:طب ممكن تسامحيني انا

:على ايه يا على

:مش هقدر اقول لك يمكن تعرفي بعدين

: لما اعرف ابقى افكر في السماح انا تعبت في حياتي قوي .. قوي يا علي

*عارف يا ابني حاجه جوايا استريحت لما براءتي ظهرت بس بعد ايه

*المهم انا دلوقتي بقيت مبسوطه ان عادل بقى حنين معايا اكثر من عن اول ما اتجوزنا غير اني سعيده جدا اننا بقينا عايشين لوحدنا .... وانا

بشتغل دلوقتي ميك اب ارتست عشان اجمع مبلغ للولاده و لطلبات جنابك .... هجيب لك حاجات كثير وهدلعك ومش هحرمك من حاجه بس انت تشرف واحضنك

*وهقعد ابوس فيك لما اكل خدودك .... انت كل يوم بتكبر جوه بطني بحبك اكتر وهبقى ام ناجحه وهبذل مجهود واطلعك احسن انسان

*تفتكر لما تيجي ممكن نروح نصالح بابا وماما تفتكر هيسامحوني ماما فريده بتشجعني وبتقول اول ما يشوفوا حفيدهم هينسوا كل حاجه .... بتمنى فعلا يفرحوا بيك انا مش عايزه منهم حاجه غير انهم يرضوا عني فعلا الضانا غالي

*انا مش زعلانه دلوقتي من عادل بعد ما عاشرته حسيت ان ظروفه هي اللي بهدلته و شجعته يكمل تعليمه و هيقدم بعد ما اولد عشان مفيش حاجه تشغله عني ....مع انه رغم بساطته الا انه شيك و نظيف واول ما بيدخل بيستحمى ... غير انه في الشغل بيلبس هدوم خاصه عشان ريحته ما تبقاش وح-شة وبعدين هو طيب قوي وبيحبني وبيخاف عليا

*هو اعترف اني اول حب في حياته قبلي ما قدرش يحب لان ظروفه صعبة لكن معايا مقدرش يقاوم ووقع في حبي من اول نظره

*اقول لك على سر بدأت احبه فعلا حب العشره ده حاجه مختلفه خصوصا وانت بتشوف فيه الحاجات الجميله وتقعد تعدها وتفرزها

*عادل كان وحش معايا بسبب مامته وبحمد ربنا انه اتغير واننا بعدنا عنها

*اه عايز تعرف ايه اللي حصل مع جومانا بعد ما مروان عرف الحقيقه

*علي حكى لي انه راح واجهها وهي بكل بجا-حه ما انكرتش وكان عذرها اننا استغ-فلناها واتقابلنا وحبينا بعض من وراها غير ان مروان رفض حبها بعد ما سابت معاذ وقبل ما تتخطب لاخوه اول مره

*مش عارفه يا ابني بتلحق تحبهم امتى ولا مش حب لشخصهم قد ما هو حب لمكانتهم الاجتماعيه

↚

*مروان ما قدرش يعمل لها حاجه عشان خاطر اخوه ولا قدر يقول له وهي كانت متاكده من كده

*جومانا كانت نشرت في عيله مروان انه سابني عشان خاي-نه وهو كان لازم يرد لي كرامتي قدامهم اقل حاجه يعملها وعرفهم ان حد بعت صور متفبركه وانه اكتشف الحقيقه

*اما بقى عن عمتك مديحه فهي بعد الجواز مش مستريحه مع حماتها وشايفه الع-ذاب الوان انا عرفت من عمتك الجميله جميله ومن ماما فريده

*زعلت عليها رغم انها تستاهل اللي شفته عمري ما اتمنيت حد يشوفه من قس-وته بس الدنيا دواره

*كفايه كده واكمل لك باقي حكايتي بعدين عشان عندي شغل

*كده يا حماده بتض-ربني انا بقى لي ايام كثير بكتب لك عايزه اروح اشوف شغلي عشان اجيب لك حاجات كثير هتحبها

*انا قررت خلاص هسميك احمد ووعد لما ارجع هكتب لك كل اللي حصل اول باول

*مرت الايام وانا بشتغل كل ما يجي لي شغل رغم ان عادل متضايق بس نوع من انواع التسليه او يطلع لي فلوس اجيب اللي نفسي فيه وبالنسبه لغيرته فانا بتعامل مع الستات فوافق بالعافيه

*مديحه اخته كل شويه خناقات مع جوزها وحماتها

*اما بقى عن حماتي فهي مش بتفوت فرصه تنط عندنا منها بتحاول توقع بينا فما بتقدرش وعادل مش مدي لها فرصه او تزن ثاني نرجع نقعد عندها عشان تقدر تتحكم في فلوس عادل زي زمان

*زي ما يكون عادل حس بغلطته وحاول على قد ما يقدر يثبت انه بيحبني وفعلا بيبعدني عن والدته لانه كمان كده مرتاح جدا من المشاكل وطول ما انا بعيدة عنها بكون سعيده ومتجاوبه معاه ولغه التفاهم زادت بينا

*عادل نقلوه مركز صيانه اكبر بس نفس الشركه لانه شاطر وقدر يثبت في فتره صغيره مهارته فرحت جدا اقترح بما انه مرتبه زاد نشوف شقه بس رفضت

:استنى شويه يا عادل لما اولد ونشوف مصاريفنا هتبقى عامله ازاي خصوصا ان مش هقدر اشتغل مده طويله لان معايا طفل

: كنت عايز اوسعها عليك شويه

:عارفه يا حبيبي ومقدره

*بص لي وهو مستغرب ومبسوط فهمت عشان قلت له يا حبيبي شدني وحضني وكملت

:احنا ممكن نجيب حاجات نقصانا تساعدني في البيت بعد الولاده زي غساله ونفسي قوي في سرير للبيبي

:نفسي اجيب لك كل اللي نفسك فيه ... طب في اقتراح ثاني

:خير مش مستريحه لنظرتك دي

:ايه رايك نرجع عند ماما واهي مديحه اتجوزت ومشيت وسابتها لوحدها

: لا يا حبيبي انا كده كويسه جدا

:كنت متاكد انك هتقولي كده

:ولما انت متاكد بتسال ليه

:عشان تردي وتقولي يا حبيبي ثاني كنت عايز اسمعها كمان بجد انا حبيبك

: انت مش حاسس

:الحقيقه اليومين دول حاسس لكن في الاول لا

: الاول كان في مشاكل كثير بينا وكنت زعلانه من اللي حصل وك-ذبك علي لكن دلوقتي انت بتحاول تعوضني على قد ما تقدر

:عارف اني كنت غلطان وبحاول اكفر عن ذنبي في حقك

:استمر واضح انك بدات تنجح

*قلت اشجعه واحسسه ان علاقتنا بتتغير للاحسن بوسته من خده اتفاجئت بكميه الفرحه اللي خرجت منه بقى زي اللي طاير

:كل ده عشان بوستك في خدك

*مسك ايدي وباسها وقال لي

:لان اول مره تعمليها وحسيت بحب كبير فيها

:طب ولو عملت كده

*بوستوا المره دي بوسه سريعه على شفايفه بص لي بصه غريبه جدا كأنه في حلم ونفسه يفضل على طول شاورت بايدي قدام وشه

:هاي رحت فين انت فقدت الوعي

: بجد يا دارين هو ده مش حلم طب اض-ربيني قلم كده عشان اصدق

*رحت بايساه ثاني

: ايه رايك في دي بدل القلم تنفع هههههه مع انها كانت فرصه ارد شويه من جمايلك

:تنفع ونص ولو عايزه تاخدي حقك اض-ربي انا دلوقتي على استعداد امضي على كليتي حتى

: هههههه يا راجل مش للدرجه دي

:طب تعالي هقول لك كلمتين حلوين احلى من كلامك ده

*فعلا روحنا في عالم الاحلام وكنا سعداء ببعض هو عشان انا اتغيرت وعبرت عن حبي وتقبلي ليه وانا عشان لقيت سعاده في عينه غير طبيعيه وعاهدت نفسي اني هسعده لانه بكده هيعمل المستحيل لسعادتي

*بعد ما فوقنا من احلامنا قعدنا نتعشى وانا بشيل الاكل لقيت خبط جامد على باب السطح

*عادل اتخض وجري يفتح

ترى ايه اللي حصل ومين اللي جالهم و بيخبط بالشكل ده ليه

↚

*كانت حماتي اللي بتخبط بالشكل ده جايه جري و بتنهج

:الحقني يا عادل جوز اختك ض-ربها و جايه زعلانه عندي و حالفه لا تطلق

:لا جميله عاقله وايه اللي يوصل جوزها انه يض-ربها ده عمره ما عملها

:مش جميله دي مديحه هتفض-حنا لو اتطلقت بعد شهرين جواز ويا ريتها كملتهم غير انها شكه انها حامل

:اهدي و احكي لي ض-ربها ليه

: ما قدرتش تستحمل حماتها كانت بتتريق على الاطباق وهي بتحط العشا لهم وقالت لها ده شكل اطباق مش عارفين تجيبوا حاجه عليها القيمه وانت عارف لسان مديحه

: ردت على حماتها طبعا

:دي ردح-ت لحماتها قام جوزها عمل راجل عليها وض-ربها .... شكل اختك صعبانه عليا قوي و متب-هدله سابت البيت و جات لي

*انا سامعه من جوه كان نفسي اخرج اقول لها

:المفروض بنت الاصول ما تردش على حماتها وايه يعني لما جوزها يربيها

*زي ما كانت بتقول لي بس اشتريت خاطر عادل وما خرجتش كمان عشان ما تحسش اني شم-تانه فيها ... وانا فعلا مش كده هي صعبت عليا

*احساس ان حقك بيترد بنفس الطريقه عمره ما شال الوجع اللي جوايا لما كنت بت-ضرب

*احيانا الال-م والوج-ع اللي بتحس بيه بتتمنى ان ما حدش ثاني يدوق منه حتى لو الد اعدائك وده اللي حصل ... بس ربنا له حكمه ثانيه

*دخل عادل عشان يلبس ويروح يشوف اخته وجوزها ويحل الموضوع باس راسي

:خلي بالك من نفسك يمكن اتاخر نامي انت تعبانه طول النهار

*حضنته جامد و اترجيته

:لو بتحبني عشان خاطري بالراحه مع جوز اختك وبلاش ته-ور انا قربت اولد وانا واحمد محتاجين لك

:هو ولد و سميتيه كمان

:حاسه انه ولد وما تكسفنيش انا حبيت الاسم

:حاضر يا ام احمد

:ايه ام احمد دي خلاص هغيره

*ضحك وبعدين قال

:هششش ماما بره مول-عه واحنا هنا بنضحك سلام يا حبيبتي

:سلام يا قلبي خلي بالك من نفسك وابقى طمني

*كان وصل باب الاوضه لما سمع كلمه يا قلبي رجع وباسني بحب

:تصدقي مش عايز امشي عشان الكلمه دي وعايز اكمل كلامنا

*ضحكت بالراحه ولسه هقول له اطلع عشان مامتك لقيناها بتنادي من بره

:يلا يا اخره صبري انت و اختك ولا الغندوره مش عايزاك تروح

*طلع وهو مت-نرفز منها

:هششش في ايه يا ماما بلبس بالراحه دارين نايمه وتعبانه

:وايه بقى اللي تاعبها طول النهار قالبه الشقه كنس ومسح دي كلها حته اوضه تخلص في خمس دقائق

:لا بتنزل تشتغل عشان نلاحق على المصاريف انت ناسيه ان الجمعيه لسه شغاله

*ما رضيش يقول لها انه زاد عشان فهمها خلاص

*وصل عند اخته مديحه لقى وشها متب-هدل قوي و افتكر لما كان بيض-ربني لما مامته تقوموا عليا و حس انه ذنبي بس ما اتكلمش لانه عارف مامته هترد تقول ايه

: طب انا نازل رايح لجوزك الن-دل ده يعمل كده في بنات الناس

مديحه : ايوه يا عادل اض-ربه زي ما ض-ربني ده ك-سر عضمي

*قبل ما ينزل كانت هي و مامتها شحنوه كويس اتصلت عليه لقيته في قمه غ-ضبه

: حبيبي ممكن توقف العربية تتكلم معايا خمس دقائق قبل ما توصل

:سيبيني دلوقتي يا دارين انا مش طايق نفسي

*كلمه حبيبي ما جابتش نتيجه

:طب عشان خاطر دودو حبيبتك اهدى يا ابو احمد ... اااااه

:في ايه مالك يا دارين

:شكله حس انك زعلان فض-ربني عايز يطلع يض-رب معاك

: هههههه ده وقته

:طب ايه رايك تيجي تكمل الكلمتين يمكن يطلع المره دي بجد يض-ربه معاك ويبقى عندنا رجاله بتض-رب

:اما ارجع سيبيني دلوقتي

:طب هدي نفسك شويه وسوق بالراحة عشانه مش عشاني يا حبيبي

*قفلت معاه وكان هدي شويه وده كل اللي يهمني هعمل ايه بالست مديحه وامها لو اتخانق مع جوزها وض-ربه وحصلت مشاكل و اتاذى فيها

*للاسف ده اللي حصل لما وصل جوز مديحه اتكلم معاه بطريقه وح-شة

*رجع افتكر شكل مديحه المتروق عليه و الخريطه المرسومه في وشها وكلام مامته

:لازم جوز اختك يحس ان لينا راجل وسند يقفله عشان ما يعملهاش ثاني

↚

*وفعلا مسكوا ض-ربه وكانت خناقه كبيره وجوز مديحه طلب له البوليس وعادل اتمسك و اتحبس

*انا كنت قاعده قلقانه انه ما اتصلش ولما بتصل مش بيرد عليا وثاني مره الاقي حماتي الحبيبه جايه تخبط على الباب جامد كانه باب زريبه مش فاهمه الطريقة دى في الخبط بتسرع فتح الباب

*فتحت وتظاهرت بالبرود

:خير يا طنط هو فين عادل

:انت نايمه ولا على بالك طبعا هتتعبي نفسك ليه بدل ما تيجي تقفي جنبنا في مص-يبتنا

*قلت في سري مص-يبه تشيلك يا بعيده لاننا مش بنشوف غيرها من وراك

:حامل عقبال بناتك يا طنط هو جوزي فين

*ردت بص-ويت

:جوزك مسكوه يا حبيبي يا ابني منهم لله الظ-لمه

*في سري لسه بكلم نفسي هما اللي ظ-لمة اكيد شحنتيه قلت بخ-ضه

: ايه مسكوه ليه عمل ايه ردي عليا بسرعه

:جوز مديحه ض-ربه وكمان اتصل على البوليس اخذوه

*ما قدرتش امسك نفسي

:ادي اللي بناخده منك ومن بنتك اديني هولد وجوزي يبقى مسجون يا رب تكوني استريحتي.... انا داخله البس لما اشوف اخرتها معاكم

*ما قدرتش تنطق وانا بزع-ق لانها كانت شايفه دخان طالع من دماغي بس عندها امل اني ممكن اعرف اتصرف

*اخذت الحبايه لان حسيته يوم طويل وممكن يحصل مفاجات فاحتياط برده

*عشان انا محظوظه لقيت مروان في القسم ولما شافني كانت معايا حماتي شافته وهو بيبص لي وعيونه بتطلع قلوب

*تجاهلته و هو لاحظ نظره حماتي له فدخل بسرعه لعلي لقاه ماسك عادل من الياقه وسمعه وهو بيقول له

:اديني مسكتك قانوني وجيت تحت ايدي ما نفذتش اللي قلت لك عليه بالحرف ليه

: يا باشا ما تخلطش الورق ببعض دارين بقت مراتي وانا حر معاها

مروان: في ايه يا علي هو ض-ربها ثاني

:لا ده موضوع بيني وبينه

*وعشان مروان ظابط شاطر حس ان بينهم حاجه بس فضل يعرف من علي وهو لوحدهم

:امال جاي ليه ومراته باره بتعمل ايه

*قبل علي ما يرد العسكري خبط

:في واحده اسمها دارين المنشاوي بتسأل على حضرتك وعايزه تقابلك

*علي وافق ادخل اول ما دخلت لقيت عادل حضنته و عيطت

:كده يا عادل مش قلت لك هدي نفسك حرام عليك هتسيبنا لمين احنا ملناش غيرك

*حضني بتملك احنا الاثنين عايزين نثبت لهم اننا في قمه سعادتنا

علي: اهدي يا دارين و اقعدي احنا لسه بنحقق

:ممكن يا علي تساعده انت قلت قبل كده اعتبرك اخ وهو كان بيدافع عن اخته وخلاص قرب يبقى اب وما ليش غيره

:طب اهدي بس وانا هتصرف

:يعني هنروح سوا كمان شويه

:مش للدرجه دي لازم جوز اخته يتنازل الاول

:طب ما هو ض-رب اخته و مكس-ره في البيت

:طب كده تقدر اخته تعمل مح-ضر في جوزها وتنازل قدام تنازل

*فعلا بعت يجيب اخت عادل وفضلت قاعده جنبه و حاطه راسي على كتفه وماسكه ايده في مكتب علي لاني رفضت امشي

*حماتي طبعا قاعده بره مش عارفه تنطق ولا عارفه تدخل

*وصلت مديحه وجوزها دخلوا عند علي اللي طلب مني اخرج اترجيته استنى فوافق بالعافيه

:قبل ما افتح مح-ضر تتنازل ونخلص من الموضوع ده ولا مدام مديحه تعمل مح-ضر ضدك ونقوم بالاجراءات وكشف طبي و هنخدمها

*رد جوز اخته بكل ثقه

:مديحه مش هتعمل مح-ضر لانها لو عملت هتبقى طالق و مح-ضر اخوها هيمشي و هيتس-جن

*بصيت لمديحه اللي خ-افت على نفسها و هتنفذ كلام جوزها وتسيب اخوها يتسجن وهو كان بيدافع عنها

*بصيت لعلي برجاء يحاول يتصرف وهو حس وقال له

:تمام هناخذ اقوال عادل اللي قال انه ض-ربك عشان اخته وبرده هناخذها ونعمل لها كشف طبي وانا هخدمها خدمه كبيره فيه وهو هياخذ حبس مخفف وانت التقيله قلت ايه نتفاهم و نحلها ودي لان كمان ممكن اجيب الشهود ان انك ض-ربت اخته والجيران كثير وانت فاهم

*جوز مديحه حس انه بيهوش

:وماله يا باشا انا كمان عندي شهود انه ض-ربني وعايز اعمل كشف طبي

*علي بكل ثقه

:تمام انت اللي اخترت ما تبقاش ترجع تزعل ... يا عسكري

*دخل العسكري

:حضر عربيه عشان نعرض الثلاثه للكشف الطبي

*رد جوز اخت عادل

:3 مين يا باشا

:عادل و مراتك وانت

:وعادل ليه ما هو سليم

:لا لما هيوصل هيبقى عنده كس-ور تاخد علاج اكتر من 21 يوم هو واخته وبما انك فاهم في القانون مراتك و اخوها هيكونوا مض-روبين وهو هيقضي فتره حبسه في المستشفى وانت هتنورني هنا

: اه دي كوسه بقى يا باشا

:وبالبشاميل كمان اجيب لك طبق

*جوز مديحه جاب ورا وخ-اف

:خلاص خلاص يا باشا نتصالح وحسبي الله

:يعني يا راجل ض-ارب مراتك و مبهدلها وكمان بتحسبن ما اسمعش انك زعلتها تاني واضح

*سكت وما ردش علي زع-ق فيه قال له

:واضح

:واضح يا باشا

*بصي لي بنظره ايه رايك ابتسمت له و شكرته

:مدام مديحه هتروحي مع جوزك ولو حصل حاجه كلمي دارين تعرفني بس وانا هتصرف

*كان ده ته-ديد لجوزها رديت عشان اعرفها اني مش هتدخل

: لا اكيد مش هتقول لي حاجه ده سوء تفاهم مش هيتكرر ثاني يلا يا عادل شكرا يا علي

*و سحبته من ايده و خرجنا و مامته لسه بتسال

: في ايه

*قال لها بح-ده وغ-ضب

: جايه معايا ولا هتروحي مع بنتك

:هي مديحه اتصالحت مع جوزها

:اه اتهب-بت و باعتني وكانت عايزه تحبسني عشان تفضل معاه بعد كده لو قت-لها مش ض-ربها اوعي تجيلي وتقولي الحقها سامعه ده اخر تعامل معاها انا استحملتها كثير

↚

معاها انا استحملتها كثير

: هي مراتك لحقت قلبتك علينا

*لفيت ووقفت و بصيت لها

:اسمعي يا طنط مراته اللي كل شويه تلقحي عليها بالكلام هي اللي خرجته وكمان الظابط وقف جوزها عند حده رغم اني كنت عايزه احبس-هم هم الاثنين عشان كانوا هيتفقوا على جوزي و يحبس-وه بس قلت هتفضلي رايحه جايه عشان اخرجهم واحنا بقينا مش عايزين نعرفهم خلاص ولا هنتحشر لكم في حاجه بعد كده .... بدل ما تخ-افي على جوزي فضلت تشحنيه عشان يض-رب جوز بنتك وفي الاخر رفضت تقف مع جوزي

: انا بنتي متربيه كويس ما تعملش كده في اخوها

:طب يا ام المتربيه كويس هي هناك عندك روحي اساليها

:استنى يا عادل هنروح ازاي الوقت متاخر ومفيش مواصلات

:انا هتصرف بمراتي خلي بنتك تتصرف لك مع جوزها

:ما العربيه بره خدنا معاك يا ابني ما تشمتش الناس فينا وانا هق-طم لك رقبتها

: العربيه بره ازاي انا سايبها عند بيت مديحه

:ما دارين جابتها من هناك

*بصلي بغض-ب وزع-ق

:وانت سقتي ازاي ببطنك دي مش خ-طر عليك

*ردت هي

:هي يعني زقي-تها ده لفت المفتاح والعربيه مشيت لوحدها

*انا خف-ت عليها من بصته و حسيتها هت-ولع وهي واقفه

:يا ابني عيب وصلنا و هتبقى بجميله قدام جوز مديحه عشان ما يبقالوش عين يرفعها فيها و هجيب لك حقك منها

: اتفضلي بس ما اسمعش ولا كلمه لا منك ولا منها

*ركبوا معانا والصمت كان سيد الموقف ما حدش نطق فعلا

*وصلنا البيت وبينت لعادل قد ايه انا زعلانه منه

*حاول يصالحني بس لا كنت مصرة

:يا دارين غص-ب عني اتخان-قت معاه ووصلت للض-رب

:يعني قعدت ساعه اتكلم معاك واهدي فيك واهزر وياك و افكرك عشان احمد وما لناش غيرك وانت الطبع غلب عليك ... يعني لو ما كانش الظابط معرفه اديك شفت ندا-له اختك وجب-روت جوزها كنت هتلبسها لوحدك

: صحيح نسيت اسالك انت تعرفي الظابط ده منين

:هو ده اللي همك صح يا سيدي معرفه قديمه

:مش فاهم قريبك ولا ابن حد من اصحاب والدك

:لا صاحب خطيبي السابق استريحت

:و بيخدمك ليه بالشكل ده رغم انك ما كملتيش مع خطيبك

: ما اعرفش هو عرض خدمته وانا قبلت

:يمكن خطيبك اللي طلب منه

: ما اعتقدش لانه مش بيط-يقني

:ليه مش هو رفض الجواز لما عرف بمرضك ده اللي انت قلتيه لي

:اه بس قلت له متأخر يوم الخطوبه ومش عايزه اتكلم اكثر من كده في الموضوع ده وانت سايب الموضوع الاساسي وماسك في خطوبتي بت-هرب صح .... مهما تعمل زعلانه منك