الفصل 8

:خلاص اخر مره وبعدين ازاي تسوقي العربيه ببطنك دي *بصيت له و قلدت مامته وهي بتقول:يعني انا سوقتها وانا بزق -ها ده انا حطيت المفتاح ودارت لوحدها *وضحكنا سوا :بس لسه زعلانه :تعالي اصالحك والشغل :هو انت شايفه اني نمت النهار طلع و مقضيين طول الليل في القسم ... تعالي بقى *عملت تقيله شويه بس استسلمت في الاخر عشان اعوض تعبه لاني حسيته مك -سور من حركه اخته وهو بينسى الدنيا معايا خصوصا وانا متجاوبه معاه *صحينا على

الظهر لقيته واقف بيطبخ :ايه ده بتعمل ايه هدوقك احلى اكل في حياتك :بتعمل ايه بجد الريحه حلوه :دي بطاطس بالفراخ بطريقه مختلفه هتقولي يا عادل اعمل لي كل يوم :وتعبت نفسك ليه ما انا كنت هعمل : انت تعبتي قوي امبارح وانا اجازه ادلعك :ماشي وبرده تتعود عشان لما اولد تقف و تشمر و تخدمني :انت مش هتروحي عند ماما فريده :مش لما ترجع من السفر وحشتني

قوي هي مطوله المره دي ليه:هي بتحب القاعده في البلد مع اخواتها واولاد عمها عندهم عيال كثير و بينادوا لها ماما : هي ليه ما اتجوزتش بعد جوزها وهي ارمله وكان سنها صغير :كانت بتحبه قوي ونفسها تدخل الجنه ويبقى جوزها هناك :معقوله في حد يحب حد للدرجه دي :شفتي انت تتمني اكون جوزك في الجنه :يعني تبقى دنيا واخره هههههه هاتي يا عم الاكل هم -وت من الجوع انا في شهور الفاج -عه على راي ماما فريده *اتكلم بجدية

عايز يعرف شعوري من ناحيته:بته -ربي ليه من السؤال في ايه يا عادل احنا بنهزر:يعني لو جرى لي حاجه هتتمني اكون جوزك في الاخره :بعد الش عنك يا حبيبي :جاوبي لو سمحتي *سؤاله كان يحمل رجاء اقول له اه وفعلا ريحته :اكيد طبعا بشرط *قلق وانا بقول له كده :شرط ايه :تفضل تحبني و تدلعني بالشكل ده غير كده هغيرك *حضني وهو بيقول :انا بحبك قوي وعمري ما هزعلك ارجوك ما تزعليش مني مهما عرفت عني : لا هزعل انك سايبني جعانه يلا بقى

*اكلنا وكان طعمه لذيذ قوي *بعد يومين الباب خبط وكان عادل في الشغل فتحت واتفاجئت من الزائر مين الزائر اللي اتفاجئت بيه الحقيقه خلاص بتظهر يا ترى هتتصرف دارين ازاي *كنت مخض -وده وانا بساله :خير يا علي جاي ليه *ظهر مروان كمان واقف وراه فات -نرفزت لما شفته :ممكن افهم انتم هنا ليه *مروان رد عليا :دارين لو سمحت ادينا فرصه نفهمك *رديت عليه بكل ح -ده لاني ما نسيتش اللي عمله معايا :جوزي مش موجود ما اقدرش ادخلكم *رد

عليا : خمس دقائق عشان تعرفي انت متجوزه مين: مش عايزه اعرف حاجه خصوصا منك انت *مش عارفه قلت له كده ليه بس قلبي حس ان في حاجه وح -شة هتتقال ما كنتش حابه اعرفها :بقول لك اسمعي خمس دقائق بس :الخمس دقائق دول اللي سمحت لي بيهم عشان افهمك ايدك اتم -دت عليا و اساءت الظن بيا وانت ضابط شاطر قوي و بتقدر تعرف مين كذ -اب ومين صادق و ايقنت ان جومانا صادقه وانا اللي ك -ذابه .... اسفه اي حاجه هتقولها هك -ذبها حتى لو حقيقيه

:مش عايزه تعرفي انك متجوزه انسان غشا -ش وكذ -اب و باعك بالفلوس *بكل عند :لا مش عايزه اعرف امشي الا اذا جاي في شغل يعني عايز تقبض عليا مثلا وتحبسني زي ما عملت قبل كده *بص لعلي هو متغ -اظ مني :اتكلم انت يا علي هي مش هتسمع مني حاجه بتردها لي على حساب نفسها *رديت عليه بكل ح -ده وغ -ضب :ما يخصكش ما بقاش في بينا شيء عشان تشيل همي وشكرا ليك لحد كده *علي اتكلم و الحزن في عينيه :اسمعي بس يا دارين فاكره لما طلبت منك تسامحيني

:اه طبعا فاكره وقلت يومها يمكن بعدين تعرفي ليه :انا بتاسف لك مره ثانيه انا آسف فعلا .... لما لقيت مروان منهار لانه فاهم انك خاي -نه و لقيتك عشتي حياتك عادي ورجعتي الشغل وهو اخذ اجازه مش عارف يرجع لحياته الطبيعيه *سكت وما قدرش يكمل حسيت بغ -صة في قلبي :كمل يا علي سكت ليه : أجرت عادل عشان يوهمك بحبه و يتجوزك من ورا اهلك ويسبب لك فضي -حه ....

بس طلبت منه يسيبك بعدها من غير ما يلمسك بس واضح انه اتعلق بيكي او حب يستفاد منك *بقيت مص -دومه من الكلام اللي بيقوله ومش مصدقه فزع -قت :يعني ايه *بدات دموعي تنزل ومش قادره اتحكم فيها عشان ضعفي ما يبان قدام مروان بس كميه الظ -لم اللي اتعرضت له بسبب الخطه الدنيئه احساس صعب :يعني افهم من كده ان جوزي اتجوزني عشان يتسبب فى فض -يحه ليا وقبض الثمن وكان بيض -ربني و مامته بت -هني و بت -ذلني كل ده بتخطيط منك ليه يا علي ....

وبعدين كنت بتكفر عن ذنبك وتقول لي اعتبريني اخ ليكي اخ ايه ده انا ما يشرفنيش اعرف واحد زيك :اعذريني صديق عمري كان ضايع بسببك حبيت انت -قم له عشان يرتاح ويقدر يرجع يعيش حياته :وما وصلش لجنابك انه ض -ربني لما فقدت الوعي و جات لي النوبه بتاعه المرض كانت هتقضي عليا .... ولا ان انا فضلت في المستشفى فتره عندي انهيار عصبي و فض -يحه انه سابني يوم الخطوبه ما كانش انت -قام كفايه في نظرك كان لازم تقضي عليا خالص

انا اسف ارجوك سامحيني :والاستاذ مروان استريح لما انتق -مت له .... وايه اللي جد عشان تقول لي الحقيقه دلوقتي وانا داخله على سنه جواز :اخر مره في القسم كنت بعتب على عادل انه تمم جوازكم وده كان عكس الاتفاق *رديت بسخرية وق -هر :لا عادل غلطان ما لوش حق : فمروان حس ان في حاجه بينا بعد ما مشيتوا سألني حاولت اته -رب لكن ما ارتاحش الا لما عرف و اصر اننا لازم نقول لك الحقيقه *بصيت لمروان بسخرية اكبر وقلت له

:اصله ظابط شاطر قوي فهم أن في حاجه مش طبيعيه لكن يوم الخطوبه كأنه متبدل ما عرفش يفهم خطة جومانا .... واظن جنابك جايبه يقول لي الحقيقه علشان اتطلق ونرجع لبعض *رد عليا بكل ثقه ما انا تقريبا كنت فهماه :ايوه يا دارين :وابني اللي في بطني :هيبقى ابني انا كمان احنا بنحب بعض ولازم نرجع احنا الايام ظلم -تنا وفرقتنا : انت بتحلم او موهوم الايام ما ظلم -تناش انت اللي ظل

-متنا وما قدرتش تديني دقيقه اتكلم فيها انت شخص لا يؤتمن على بيت وزوجه من اول اختبار سق -طت فيه بجداره و حرمتني من حق الدفاع عن نفسي بعد كده هتعمل فيا ايه .... انا بشكر جومانا انها حطيتك في الامتحان ده ولو مفكرني ممكن اسيب جوزي ابو ابني عشان ارجع لواحد زيك فانسى ان في واحده اسمها دارين انت قابلتها في يوم من الايام .... اتفضلوا مع السلامه مش عايزه اشوف او اعرف حد فيكم ...

قال ظباط قال بتجيب حقوق للناس يا ويل اللي يقع تحت ايديكم ... ومش عايزه افكركم ان اي حد هيتعرض لجوزي هخليها قضيه رأي عام و هفض -حكم على النت ما انتم عايشين على الفض -ايح و بتحبوها شكلكم *رد مروان بكل رجاء طب :لو مش هترجعي ليا اطلقي من واحد زي ده *صوتي بقى عالي عليه :مش انت اللي هتخطط حياتي ولو مفكر أن ممكن أطلق الاول وبعدين هتتقربلي فأنت غلطان غير ان انا بحبه وإلا ما كنتش هتجوزه و اتسبب في فض -يحه لاهلي واحقق الانت

-قام العبقري اللي صاحبك رسمه .... اتمنى يكون ضميركم مستريح : دارين فكري كويس وانا واقف في ظهرك :استاذ مروان ما تحاولش توهم نفسك انك سند وظهر لحد لان اللي بيتسند عليك زي اللي مسنود على حيطه مايله اوعي تخليني اشوفك ولو صدفه وسلم لي على جومانا اللي اثبتت انكم من نفس العيله ونفس الاخلاق *قفلت الباب و رزعته جامد بعد دقيقتين بالظبط لقيته بيخبط تاني *مسحت دموعي وفتحت لقيتها حماتي و معاها مديحه اهلا يا طنط

: هما مش دول الظباط اللي كانوا في القسم بيعملوا ايه هنا :خير يا طنط عادل مش هنا اكيد مش جايين تزوروني:لا ما انا كلمت عادل وهيكون هنا خلال 10 دقائق ايه مش فاضيه ننزل نستناه تحت في الشارع:لا ازاي تنوري اصل مستغربه بس الزياره مديحه اول مره تنورنا في بيتنا المتواضع :بيت اخوها تيجي وقت ما تحب هو انت هتمنعيها وبعدين كانت عروسة والمفروض اهلها اللي تزورها ... وهتعرفي الكلام ده من اين ما هو مفيش حد زارك

*ما كنتش قادرة للمناهدة معاها لان ممكن اطلع غ -لي فيها مسكت نفسي بالعافيه :اه طبعا بيت اخوها اجيب لكم حاجه تشربوها اكيد عطشانين من طلوع السلم ثواني عشان تبلعوا ريقكم *وقلت في سري يمكن تبلعوا لسانكم اصله مس -موم *قدمت عصير وبعد ما شربوه كان عادل وصل فكر ان شكلي متغير من زياره مامته:هتتغدي يا طنط انت ومديحه مع عادل دقائق واحضر الغداء عادل: وانت مش هتاكلي معانا *بصيت له بحزن جامد ما ليش نفس

مامته :سيبها تلاقيها اكلت قبل ما انت تيجي ودايما تسيبك تاكل لوحدك يا حبة عيني عليك *حب يدافع عني : يا ماما من يوم ما سكنا هنا وهي مش بتاكل غير معايا هدخل اغير هدومي *دخل ورايا الاوضه عشان يراضيني حس انها قالت حاجه زعلتني *حاول يحضني بعدته : لو سمحت لما يمشوا هنبقى نقعد ونتكلم :هي زعلتك قوي كده :لا هتفهم بعد ما يمشوا دي مضايقة مامتك طلعت حاجة صغيره قوي قصاد اللي عرفته *حس بقلق وده كان قصدي

*حضرت الاكل و حطيته اكلت بشهيه مفتوحه قوي و بتعزم بقلب جامد على بنتها مديحه:كلي يا بنتي ما تتكسفيش ده خير اخوك وبيت اخوك .... بصراحه يا عادل مديحه جايه تعتذر لك اعذرها هي خافت يطلقها وهي لسه عروسه شهرين وقالت اخويا هيفهم ويقدر ولو ما قدرش مين اللي هيقدر .... قومي قومي بوسي راس اخوك ... هي كانت عايزة تيجي اول يوم قلت لها استني عادل يهدى

:خلاص يا ماما بعد كده تلم نفسها معاه هو وحماتها اديها شافت الدنيا وصلت بينا لفين لولا الظابط معرفه دارين كنت زماني محبوس :الا صحيح هما كانوا هنا بيعملوا ايه وانت في الشغل عيب يا دارين ما يصحش تدخلي رجاله اغراب وجوزك مش هنا *حابه تقوم بالواجب و توقع ما بينا كالعاده يعني *عادل بص لي وكان قلقان يكون اللي في باله وسأل بهدوء عكس اللي جواه : هما جم وانا مش هنا يا دارين

:اه سألوا عليك من على الباب محدش دخل ولما قلت لهم مش هنا قالوا هيعدوا عليك وقت ثاني حماتي : وكانوا عايزين ايه مش المح -ضر اتقفل *رديت عليها و انا ببصلها بنرف -زة : اظن يا طنط ده شيء يخصنا مش كل حاجه هننشرها و نقولها للناس : قصدك ايه اسكت انا ... شايف مراتك يا عادل :في ايه هي ما قالتش حاجه وفعلا هما كانوا عايزيني اشوف عربيه واحد فيهم و اديتهم ميعاد ونسيت وجيت متاخر *حماتي ما اقتنعتش بكلامه :وما حدش فيهم كلمك ليه

:تليفوني كان مقفول و شحنته قبل ما تتصلي كنت لسه فاتحه :كل سؤال ردك جاهز يا عادل غيرتك كثير *حاولت توقع بينا بكل الطرق بس عادل عاهد نفسه ان عمره ما هيدي لها فرصه تعمل كده وزي ما يكون حاسس اني عرفت *شلت الاكل وعملت لهم الشاي :بعد اذنك يا طنط هدخل افرد ظهري عشان الفتره دي مش بقدر اقعد كثير البيت بيتك طبعا: طبعا بيت ابني يبقى بيتي *نفخت عشان ما اتعص -بش

:اللهم طولك يا روح اسمعي يا طنط انا عارفه كويس انه بيت ابنك وبيتك وبيت بنتك ارحميني بقى شويه انا حامل ومش قادره :ما كلنا حملنا وما كناش بنلاقي حد يدلعنا زيك كده ... اوعدنا يا رب :عادل انا داخله قبل ما نرجع للقسم مره ثانيه لاني حاسه ان هرتك -ب جري -مة *بعد ما دخلت سمعته وهو بيشد معاها في الكلام :في ايه يا ماما بالراحه مش شايفه ان هي قربت تولد وتعبانه :انت محسسني انها حامل في زربه عيال ده هو حته عيل او بنت واكيد واحده

زيها خلفتها كلها بنات :مالهم البنات انا راضي عشان خايب :طب يا ماما انا مسامح مديحه ومش زعلان عايزين حاجه ثانيه عشان تلحقوا تروحوا :انت بتطردنا يا عادل :هو انا قلت كده انا بسال سؤال وبعدين انا جاي من الشغل تعبان وانت عارفه برجع اكل وانام عشان ارجع اتربط في الساقيه ثاني يوم مش بطردك ... واذا انت مش هتستحمليني مين هيستحملني :يا حبيبي يا ابني ربطتك في الساقيه بطلباتها:انا طول عمري كده يا امي من قبل ما اتجوز اشربي

الشاي يلا وتعالي اوصلك :لا انت تعبان ادخل نام وريح وخليها تخف طلبات شويه الرحمه حلوة :هي مش بتطلب حاجه يا امي وبعدين هي كمان بتشتغل وبتساعدني انا هدخل انام عشان ارتاح واقدر اروح الشغل بكرة بدل اليوم اللي اتخصم بسبب خناقه الست مديحه هو انت اتخصم لك :مش راجع بعد الفجر كنت هقدر اروح الشغل ازاي .... ابقي خلي مديحه تفكر بعد كده قبل ما تتخانق او قبل ما تبيع اخوها :انت لسه شايل منها

:لا يا امي مع السلامه بقى من غير زعل عشان هلكان *دخل بسرعه بعد ما مشيوا لقى دموعي نازله وانا نايمه على السرير :دارين مالك بتعيطي ليه :شوف يا عادل انا اتعلمت من تجربه خطوبتي ما اتسرعش هو سؤال واحد وعايزه الحقيقه من غير لف او ك -ذب احنا بينا كثير ومن حقي عليك اني اعرف ايه اللي حصل : اوعدك هجاوب بس ممكن تسمعيني للاخر :حلو يبقى انت متوقع السؤال و هسمعك طبعا للاخر وخد راحتك في الشرح كمان ....

علي دفع لك فلوس عشان اتجوزك من غير موافقه اهلي *بص في الارض وسكت زع -قت :الاجابه اه او لا مش تسكت :ارجوك اسمعيني :هو انا بعمل ايه دلوقتي انا هادئة خالص ... اتفضل سمعاك :علي كان زبون عندنا في الورشه وكنت بتكلم مع واحد صاحبي اني عايز شغل تاني يجيب فلوس بسرعه عشان جهاز مديحه لان خطيبها ممكن يسيبها لاننا متأخرين في الجهاز ... فهو سمع وعرض عليا مبلغ محترم في المقابل اني اضحك عليك او افهمك اني مهندس ....

بس صدقيني رجعت له الفلوس واللي يأكد كلامي الزن -قه اللي عشتيها معايا في جهاز مديحه لاني حبيتك بجد ... والله حبيتك قوي يا دارين : الحب كان واضح في ض -ربك ليا و اه -انه مامتك ... خلصت ولا لسه عندك كلام :انا ما كذب -تش عليك دي كل الحقيقه وكنت ناوي اعترف بس خف :وانت في مخيلتك هيكون رد فعلي ايه : هتسامحيني عشان ابننا واظن اثبت لك الفتره اللي فاتت اني بحبك:خيالك واسع قوي يا استاذ عادل مفكر اني ممكن اعيش مع واحد غشا -ش وكذ

-اب زيك :انت بتعملي ايه *كنت وقتها بلم في هدومي زي ما انت شايف :هتروحي فين : الشارع عندي احسن من القعده مع واحد زيك *بدات أنه -ار و اعيط وصوتي يعلى :مفكر انك بكلمتين هتضحك عليا و اسامحك و اقولك اه يا حبيبي الحب اللي بنا اكبر من الك -ذبه الكبيره و الخطه اللي رسمتها عليا *حاول يحضني عشان اهدى زقي -ته :ابعد عني ايدك القذره دي ما تلمسنيش تاني كفايه استحملت ض -رب منها عشان ما كنتش عارفه اروح فين وانت استغليت ده

:انا كنت بض -ربك غص عني :ايه ده هوكان الض -رب جوه الاتفاق كمان :لا عشان كنت بحس انك قرف -انه مني عشان ميكانيكي كان احساس صعب :وانت فعلا كان احساسك في محله :انت بتقولي كده من ورا قلبك انت بتحبيني :انا عمري ما حبيتك كان وهم اني حبيتك الفتره اللي فاتت بس فوقت منه على كابوس كذ -بتك طلقني يا عادل من سكات وانا متنازله عن المؤخر يا اما هخلعك لعدم التكافؤ فاهم يعني ايه عدم التكافؤ *الغض -ب عماه وزع : انت كل شويه طلقني...

طلقني مفيش مره حسستيني انك متمسكة بيا : لان دي الحقيقه ما بصدق فرصه عشان اخلص منك : واظن عايزاني اطلقك عشان تروحي تتجوزيه صح و ترجعي حبك القديم :هو فعلا طلب مني كده بس قلت له انه لا يؤتمن وانت كمان لا تؤتمن .... انت وهو مش رجاله ولا فيكم صفه واحده من الرجوله *كنت اه قاصده اهي -نه و اوج -عه واقول له الكلمه اللي بتض -ايق كل راجل عشان يت -وجع بزياده بس ما كنتش اعرف ان الوج -ع هيبقى بزياده قوي كده *فض -ربني بالقلم

:مش هسيبك يا دارين لو اخر يوم في عمري عشان تروحي له *وبدا يض -رب فيا زي المج -نون مش قادر يتحكم في نفسه لما حس انه خلاص خ -سرني .... وانا انفعالي زاد و صوتنا كان عالي قوي *الجيران سمعتنا اول مره من شهور يمكن من بدايه سكنا واحنا تقريبا متفاهمين من غير مشاكل فالناس اتخض -يت

*وطبعا مع كل الاحداث دي نسيت الحبه ووقعت على الارض جات لي النوبه ولكم ان تتخيلوا واحده في جسمي لما تقع وحامل في الشهور الاخيره وقعتي هزه الارض و ارتجفت جامد *عادل اتخ -ض لانه نسي هو كمان لان من فتره طويله النوبه ما جتش وفضل ينادي عليا بصوت عالي وانا مش سامعه *الناس اتلمت وطلبت الاسعاف والبوليس لانها ما تعرفش ايه اللي حصل لقوني واقع -ه على الارض مش بنطق

*عادل حاول مع البوليس انه يروح معايا المستشفى الظابط رفض لما الناس قالوا انهم سمعوه بيض -ربني *طبعا رحت على اقرب مستشفى حكومي دخلت العمليات وولدت بدري عن معادي لان البيبي ات -ضر من الوقعة ومفيش مخلوق معايا *جبت احمد زي ما كنت حاسه بس كان محتاج حضانه والمستشفى طبعا ما فيهاش و امكانياتها ضعيفه

*استنوا طبعا لما افوق عشان اتصل على حد يجي يستلمه يوديه حضانه لان مفيش معايا اي ورق ومحدش من الجيران استنى معايا بحكم عدم اختلاطي بيهم *حاولوا على قد ما يقدروا يسعفوه اول ما فقت لقيته في حضني فرحت قوي بس لما الممرضه حكيت لي ما كانش قدامي غير حل واحد ورقم واحد هو اللي انا حافظاه *اخذت منها التليفون بتاعها واتكلمت وانا بعيط وبدعي ربنا انه يرد اول ما قال : الو اتصلت على مروان ولة على وايه مصير ابنها

*طبعا كلمته وانا ببكي ما عرفش صوتي غير لما قلت : بابا ارجوك ما تقفلش اعتبرني طالبه حسنه وانت بتعمل خير كثير ابني هيم -وت محتاج حضانه ارجوك ساعدني *رد بحزن حسيته في صوته لكن تصنع الق -وة :احسن له انه يم -وت بدل ما يطلع له ام زيك ... لانه اكيد هيعمل فيك نفس اللي عملتيه فينا ما يقدرش تعبك ويبقى عايش حياته ولا بيفكر في اهله :يا بابا ارجوك عاقب -ني اي عق -اب تاني بقول لك هيم -وت ويضيع مني :لو م

-ات هتتعاملي معاها على انه م -يت ... لكن احنا بنتعامل معاكي على انك مي -ته وانت عايشه فاهمه الفرق بين الاحساسين:يا بابا ده طفل ما لوش اي ذنب باللي انا عملته انا اسفه عذب -ني باي حاجه انا راضيه بس بلاش هو حتى لو عايز تاخذه مني ما عنديش مانع *حس اني انك -سرت و حن قلبه :انت فين قولي لي العنوان *اديته العنوان بعت دادا مع السواق عشان تاخده بس كان الوقت خلص واحمد خلاص راح مني *كان عادل داخل وانا بص -رخ

:لا يا احمد انت عوضي عن الايام انت اللي هتسند ظهري انا اتحملت كتير قوي عشانك احمد يا حبيبي ما تسبنيش .... حقك عليا انا السبب اللي عملته في اهلي اترد فيك يا حبيبي *داده دخلتني في حضنها وعادل ما قدرش يقرب مني بس دموعه نزلت على ابنه اللي ما لحقش يشوفه *الدكتور ادني حقنة مهدئة *البوليس كان مع عادل عشان يسألني ايه اللي حصل بس الدكتور قال له على حالتي ومرضي وان جات لي النوبه وقعت لانه كان سألني اول ما فقت

*اخذوا مني احمد بالعافيه عشان يكملوا باقي الاجراءات وبعدين رجعوه ملفوف في كفنه *استنينا للصبح عشان ندفنه *دادا كانت اتصلت ببابا وعرفته وطلبت منها هدوم سوداء *اتحملت على نفسي وعلى وجعي ورحت لماما الفيلا وانا شايله احمد بين ايديا *بابا كان هناك حسيته زعلان عليا و اتص -دم من شكلي اول ما دخلت وماما كمان كانت بتعيط *دادا كانت سنداني بس عادل كان ماشي ورايا مش عارف يقرب مني حاسس بالذنب انه السبب *رميت نفسي في حضن ماما

:حقك رجع يا ماما انت وبابا قلبي اتك -سر و ضهري اتك -سر جربت ح -رقة القلب على الضنا ذنبكم دفعته خلاص سامحوني ... مش طالبه غير السماح .... عايزه يا ماما ادفن ابني مع جدي لو ممكن :طبعا يا حبيبتي :انا محتاجه لك قوي النهارده يا ماما ممكن تيجي معايا *بصت لبابا كلمته برجاء : اخر طلب يا بابا النهارده بس ومش هتشوفني تاني ولا هتسمع عني حاجه هختفي من حياتكم خالص انا أج

-رمت في حقكم وما استحقش اكون بنتكم بس محتاجه لماما النهارده جدا *بص لها بالموافقه انها تروح معايا ركبت معاها العربيه وانا مرميه في حضنها واحمد ملفوف على رجلي وفي حضني مش قادره اسيبه او اتخيل انه بعد دقائق خلاص هيروح مني للابد *وصلنا وعادل اخذه من ايدي عشان يدف -نوا سيبه شويه يا عادل في حضني:خلاص يا دارين اكرام الم -يت دف -نه خلينا نكرمه و ند -فن معاه ذنبي في حقه وحقك *اخذوا من

ايدي وانا بعيط قوي وبقوله: مع السلامه يا احمد .... عارفه يا ماما وهو في حضني حسيت ان روحه بتطلع حاولت امسكها و امنعها ما قدرتش .... انا ام فاش -له زي بابا ما قال عليا ما قدرتش اعمل له حاجه خذلته و خذلتكم ... سامحيني يا ماما دلوقتي عرفت احساسك وانا حامل فيه كنت بكلمه و ارسم له هيتعلم ازاي و هختار له عروسته بايدي و هعمل عليها حما ... كنت محتارة يلعب كوره ولا سباحه لا لا كاراتيه عشان يض -رب العيال

:خلاص يا حبيبتي ده نصيب مش ذنب .... انا سامحتك من اول يوم مشيتي فيه قلب الام مش بيشيل :بجد يا ماما :اه يا قلب ماما تعالي معايا على البيت : لا يا حبيبتي انا وعدت بابا اني مش هرجع تاني اشكريه انه سمح لك تبقي معايا في الوقت ده .. هو طلع عنده حق روحي وانا هقعد شويه و هروح مع جوزي : بس ما اقدرش اسيبك في وقت زي ده معلش هبقى اكلمك لو هينفع :طبعا يا حبيبتي طبعا :انا هقعد اقرا قران شويه و همشي

:طب يا حبيبتي اذا مصره انا عارفه راسك ناش -فة *ندهت على عم صابر المسؤول عن المدفن: يا صابر الست دارين تيجي في اي وقت افتح لها المدفن:حاضر يا هانم *بعد ما مشيت بصيت لعادل :خلاص يا عادل خلصت اللي كان بيربطني بيك راح ارجوك طلقني كده هنستريح احنا الاثنين :يا دارين انا بحبك خلينا نهونها على بعض:خلصت يا عادل طلقني بالمعروف عشان افتكر لك لحظه حلوه انا مش هقدر بعد اللي حصل اعيش معاك وانت عارف ليه

:يا دارين ظروفي اللي دفعتني اعمل كده لكن اكيد حسيتي بحبي لك : وانا كمان ظروفي اللي دفعتني اقبل بك واكيد انت كمان حسيت اني ما كنتش بحبك وجودنا مع بعض ع -ذاب لينا *ما قدرش يجادل معايا :انت طالق يا دارين .... تعالي اقعدي في بيتنا وانا هرجع اقعد عند ماما :مع السلامه يا عادل ملكش دعوه بيا بعد اللحظة دي انا هتصرف :هتروحي فين وانت خليتي مامتك تمشي: قلت لك هتصرف ورقتي ابعتها هنا هاخذها من عم صابر

*سابني ومشي بعد اصراري وقعدت على الأرض جمب ابني اقرا قران من اللي انا حافظاه و ادمع عم صابر:مش هتروحي يا بنتي عشان اقفل المدفن :اقفل يا عم صابر انا قاعده مع ابني شويه مش هقدر اسيبه :ازاي بس ده الليل داخل والمكان وح بالليل : اقفل يا عم صابر مش ماما قالت لك تفتح لي في اي وقت:وهي عارفه انك هتباتي هنا :لا مش عارفه ولا عايزاها تعرف:ما اقدرش دي مسؤوليه *سابني ومشي واتصل على ماما وحكى لها اللي حصل و عن طلاقي من عادل

*ماما كانت عارفه ان دماغي ناشفه طلبت من دادا تجهز لي اكل ودواء واي حاجه ممكن احتاجها وبعد ساعه كانت وصلت المدفن : دارين كده تضحكي عليا و تخليني امشي تعالي ارجعي معايا البيت :مش قادره اسيبه يا ماما ده كان هيبقى عوضي عن الايام وعن اللي حصل لي انا اتبه -دلت قوي يا ماما قوي ... هو ليه انا مريت بكل ده عملت ايه للع -ذاب ده .... حتى الطفل اللي اتمنيته راح ... انا كنت بكلمه كثير و احكي له واطلب منه يبقى حنين عليا

:اي حاجه بتحصل عشان نتعلم منها و تقوينا :بس دي ما قوتنيش انا اتكس -رت قوي يا ماما :ايه اللي حصل معاكي يا حبيبتي احكي لي *حكيت لها كل حاجه حصلت معايا لغايه الواقعة الاخيره و استريحت لما حكيت لها ما هي كانت كل اللي ليا ومش بخبي عنها حاجة.... كانت أكثر من صحبتي فعلا حضن الام لا يعوض :كل ده حصل يا دارين من غير ما تكلميني طب يلا نروح عشان تستريحي :معلش يا ماما مش هقدر اسيبه

:طب انا جبت لك كل حاجه هتحتاجيها كلي وخدي الدواء انت خارجه من عمليه ما تكس -ريش قلبي عليك ودي فرشه كمان وغطاء تنامي عليهم النهارده وفي بودي جارد واقف بارة يحرسك ... ومن بكره ترجعي :لا يا ماما بكره انا همشي :هتروحي فين :لما استقر هبقى اكلمك :لا انت مش هتكلميني انا عارفاك : انا مش عايزه اعمل مشاكل بينك وبين بابا لاني عارفه انه مش بيرجع في كلمه قالها وكان عنده حق لما قال على ابني احسن له يم -وت :من ورا قلبه يا دارين انت

عارفه كويس ان هو بيحبك :عارفه بس كلامه صح كان هيعيش مع ام فاش -له ولا مع اب كذ -اب الفراق صعب بس كده احسن له ربنا رحمه :مش قادره اسيبك هنا وامشي