انثى في عرين الوحوش الفصل الثلاثون 30 - بقلم الاميرة ارجوان

الكاتبة الاسدية

جوري طلعنة اني ورشا للشط ونشوف الناس هواي شوية وشفت ماجد واركان واكفين وقصي يركض يلعب رياضة

انتبهت على اركان شلون يباوع علية
هذا هم بطران

قصي جوجو شلوني مو رياضي واخبل
جوري اي حبيبي اكيد اتخبل

قصي لعد شبيهم ميحسون

جوري منو تقصد

رشا الي ديلعب رياضة علمودهة وساحل روحة سحل وهي مامهتمة

جوري مافهمت منو تقصد

قصي خررب حضي شبيج باوعي زين وهو ياشر ويغمز الوحدة واكفة يم الشط

اركان هاي صدك انتي هيج لو شنو

جوري شتقصد اني صدك هيج

يعني ماعرفتي قصي شجان يقصد

جوري لا ماعرفت وبعدين اني شعلية بهيج سوالف

اركان على كيفج شدعوة هيج عصبية اشحجيت وياج

جوري وانت اصلا ليش تحجي وياية ومنو انت حتى تحجي وياية

رشا على كيفج جوري خالو ماكال شي وانت هم اركان على كيفك يجوز مانتبهت القصي

اركان شوفيهة عبالك حجيت وية الاميرة ديانا وهيج سوت

جوري لا الاميرة ديانا ولا شي اني خلك بت فصلية وماخذة واحد مخبل اعرف قيمة نفسي ميحتاج تكلي

اركان هو منو هيج حاجي وياج شنو كفرنة من حجينة وياج

رشا يمعودين هاي شكو اتعوذو من الشيطان كولو يا الله

اركان استغفر الله تنرفز اكبر واحد

قصي هاي شكو صوتكم وين واصل

اركان عمي اني غلطان من حجيت وياهة لا مو غلطان لان حجيت غلطان اصلا لان جيت وياكم ارجع وية ابوك احسن

رشا اركان يمعود وين تروح اذا هيج كلنة نرجع

جوري رشا وين ترجعين ماصدكت اجيتي واشوفج

رشا اذا كلهة ترجع شعندي باقية

قصي لا شنو يرجع هو بكيفة منو راح يخلي يرجع

اركان شعندي اضل بمكان كل شوية واحد يهيني بي اني شحجيت وهيج سوت بية

قصي ماكو شي كولو يا الله وها شوفو طيرتوا نص التنسيق الي نسقتة طارت البنية خرب حظي

جوري مو صوجكم صوج الي يوكف يمكم رشا ترجعين وياية لو تبقين وياهم

رشا لا حبي ارجع وياج

واحنة نمشي وساكتين اني جنت كلش متنرفزة وضايجة من موقف اركان ليش هيج يتعامل وياية ليش هيج يشوفني مالي قيمة حاله حال البقية مجرد بت فصلية

رشا اشبيج جوري بشنو صافنة

جوري مابية شي

رشا زين ليش هيج اتعاملتي وية خالو ترة هو ماكل شي يستوجب تتعاركين وياه

جوري اي طبعا هذا خالج ابن الحسب والنسب الي ميطلع منه الغلط

بس اني جوري بت الفصلية الي اتزوجت واحد مخبل الي كل الغلط يطلع منهة

رشا اني ماكلت هيج ليش اتحجيني شي ماكلتة

جوري لان هاي حقيقة الي كلكم تشوفوهة

واحنة نمشي ونحجي شفنة جبارة خطف من يمنة مثل الطلقة

عرفت بي مسوي مصيبة صحت علية جبارة جبارة اوكف خلي احجي وياك

جبارة ما اوكف خاف يكضوني

جوري اصبر ولك خلي افتهم اسويت

جبارة كلشي ماسويت

جوري لعد ليش اتخاف يلزموك

جبارة عبني طكيت هاذ الفاهي جي تعارك وية جوريتي

رشا عززة بس لا ضرب خالو اركان

جوري واني اشوف جبارة يختفي مادري وين راح كلت اي اكيد ضرب اركان ماكو غيرة

رشا هاي ليش خطية خلي نرجع نشوفة شبي عفية

جوري انتي روحي اني راجعة للبيت

رشا لا عفية ماندل شلون اروح تعالي وياية

جوري رحت وياهة واشوف اركان يغسلون شعرة والدم ينزل منه اخر شي نزع البلوزة الي لابسهة وخلوهة على مكان الجرح

رشا الله ياخذك يالمخبل ليش هيج هاي كله علمود اتحاجة وية جوري

جوري هو هيج اي واحد يحجي وياه لو وياية يضربة

اركان الضاهر حتى المخبل يحبج

جوري هو منو غير المخبل يحبني

رشا اني اشكرج يعني حتى اني مخبله

قصي والله راح نطلع كلنة مخابيل لان انحبج يلا خالو خلي نروح الامي خاف الجرح يحتاج خياط

اركان لا ميحتاج بس تعقيم واشده حتى يكطع الدم

جوري لا نازف دم هواي تحتاج خياط
رحنة للبيت واركان مخلي البلوز على راسة رغم ما الجو كلش بارد وهو ولا مهتم للبرد

ميادة عزة بعينج ميادة شبيك اشصار وياك شنو وكعت اندعمت

قصي لا بس هذا جبارة الخبل ضربة ونهزم

ميادة الله يضربة ان شاء الله ليش هيج شمسويلك ياحقير

اركان يمكن لان اتحاجيت وية جوري الضاهر يحبهة ويغار عليهة

ميادة شو خلي اشوف الجرح سودة علية اشكد نازف دم يا يا هذا الجرح جبير يحتاج خياط

قصي اروح ادور جبارة اليوم خلي يصبرلي

جوري ضليت واكفة واني اتحلف لجبارة على سوايتة لو صاير بالولد شي

ميادة تعالي ماما ساعديني خلي اخيط الجرح

رشا ما معلية اني اخاف خلي افلت

ميادة كرة عيني ياخريجة الصيدلة
اتخاف تعالي ماما جوري ساعديني

جوري استحيت اكللهة اني من يوم حادث نرجس ماكدر اشوف الدم يصير عندي فوبيا

ميادة تعالي ضغطي حيل على الجرح خلي اروح اجيب جنطتي مال العيادة همزين اخذت احتياطاتي وجبتهة وياية

جوري اتقربت على اركان خليت ايدي على راسهة

حسيت نفسي كلش قريبة منه يمكن حتى دكات كلبي يسمعهة والرجفة الي صارت بجسمي مو طبيعية

انتبهت علية شلون صافن بوجهي اجت عيوني بعيونة ماتحملت وخرت ايدي وردت انهزم

اركان وهو يوكف بوجه جوري وين رايحة متتحملين قربي منج مو وهو كلش يتقرب من جوري

جوري حسيت المسافة بيني وبينة انعدمت اباوع على تقاطيع جسمة الرياضي والعضلات

ماعرف شنو الاحساس الي اجاني حاولت الفت من يمة لان كاتحمل اذا لمسني

اركان شبيج شو اتخربطت كل احوالج

جوري اني

ميادة اتاخرت عليك يا هاي ليش عفتي الجرح كام ينزف من جديد

جوري لا كلام

كعدت اتنضف ميادة الجرح واني احاول ما اباوع عليهة

ميادة عيني جوري الزمي هذا الكطن من اخيط اذا يطلع دم امسحي

اول ما بدت تريد اخيط احس الدنيا اسودت بعيني وفقدت السيطرة على جسمي

ماحسيت غير اني بحضن اركان وميادة تضرب على وجهي وهي تقيس الضغط الي

ميادة ها عيني مادري بيج هيج جبانة جان كلتي اخاف

حسيت بعطر اركان يدخل للرئة مالتي وجسمي كلة يرجف سحبت روحي بحركة كلش ملفتة للانتباه

ميادة على كيفج ماما لوما اركان ينتبه عليج جان وكعتي بالكاع ونكسر بيج شي زين تلاحك عليج

اركان سلامتج واسف كلة بسببي

جوري لا ماصار شي بس اني عندي فوبيا من الدم

عفتهم وطلعت ماعرف شنو هذا الشعور الي حسيت بي واني يم اركان

مالازم اخلي اي مشاعر عندي تجاه اي شخص بس مشاعر الكره والحقد والانتقام اي بس الحقد كلشي غيرة مؤجل الى اشعار اخر

رشا هاي شبيج جوري شو تحجين وية نفسج

جوري لا بس اتخربطت ماكدر اشوف الدم

رشا جان كلتي متشوفيني انهزمت ماتحمل

جوري خلي اروح ادور جبارة اكيد هذا يضل خاتل وخايف خطية

رحت ادور على جبارة اخر شي لكيتة بغرفة خالة سكينة

كلش عصبت علية

جبارة ليش هيج تعاينين علية

جوري شنو هذا تصرفك ها ليش هيج سويت بالولد ماكلت خاف اطلع عينة

جبارة جا عليش يتكاون وياج ها شنهي شايف روحة انة مارضى اي واحد يصيح عليج

جوري شنو اني زغيرة ماعرف ادافع عن نفسي انت معليك بية لتصرف هيج تصرف بعد

جبارة لا انة علية بيج وتي مسؤوليتي ومارضى اي واحد يتجاوز عليج يو على امي ان رضيتي وان زعلتي هاذ انة مارضى خوش

جوري لك جبارة افهم اني خايفة عليك مو كل مرة يعدوهة الك ولا كل مرة يكولون مسودن وميفتهم انت ليش هيج لو صاير شي بالولد

جبارة جا شمعنة سلمان تكيفين من اطكنة واطلع دمة جا هاذ شعندج وياه

جوري ماعندي شي وياه وحتى لو عندي انت معليك

سكينة جا صكد الي سمعتة اذني انت جبارة اوليدي موش مسودن

جبارة انتي امي المسودنة انة موش مسودن وحتى جوري مسودنة

سكينة اي يمة صكد انة مسودنة عبني طول عمري اضنك مسودن وتكلضم اتكلضم عبن وليدي وحيدي مسودن واهو صاحي وكلشي مابي

جوري خالة فدوة ليروح واحد يسمعج

سكينة وتي يجوري جا من دريتي وليدي موش مسودن ماكلتي وريحتي كليبي جا انة ابجي وانحب على حضج جي خذيتي مسودن وتي تعرفين موش مسودن وماتكليلي

جبارة يمة الخاطر ربج لا يعرفون جا اتي فضحتيني

سكينة جا يمة خلهم يسمعون خلهم يعرفون الود ودي اطكنهة بهلهولة اسمع الديرة كلهة

جوري خالة اذا سويتي هيج راح تخسرين ابنج احسبي ميت

سكينة لا اسم الله يمة عليش احسبة ميت

جبارة يمة اتي فضحتينة جا الوادم كلهة راح تعرف

جوري خالة فدوة هواي اكو اشياء متعرفيهة اتخلي سلمان وغيرة يذبحون جبارة اذا عرفو مو مخبل

اريدج تتعاملين وياه مثل الاول لتخلين واحد يحس بيج

سكينة يمة تعال خلي احضننك وابوسنك يمة هي هاي فرحتي المامش بعدهة فرحة وهي تحضن جبارة

جبارة جا شمالج تسودنتي يمة

جوري من سمعت جبارة هيج كال التفتت شفت ماجد واكف بالباب مال خالة سكينة

ماجد ها خالة على شنو تحضني ليش اتشجعي هيج يسوي شفتي حالة اركان خطية

جوري لا مو تشجعة هي حجت علية وفهمتة من كال الهة ماسوي هيج بعد حضنتة

سكينة اي خالة هيج سويت عبن وليدي مسودن وموش بوعية

جبارة اتي المسودنة لا تخليني اطكج بحجارة

ماجد ها جبارة مو كلنة انت حباب ومتسويهة

جوري اكول ماجد شلون صار اركان

ماجد تعالي وياية جوري خلي نشوف اركان وعندي حجاية وياج

جوري رحت امشي وية ماجد واني ساكتة

ماجد اكول جوري انتي ليش رابطة حياتج وية هذا المخبل شتترجين منه وشنو مستقبلج وياه

جوري اني الي رابطة حياتي وياه لو جبروني على هذا الارتباط

ماجد الي جنتي مجبورة الخاطرها راحت وامج اخر شي الي فهمتة صارت بعيدة عنهم وماعليهة شي

وبيبي وماتت وغضبان الله يلعنة مهزوم ومنعرف وين صار واذا على سلمان اني اقنع عبد وجاسم واني وياهم نكدر نوكف بوجه سلمان شكلتي

جوري لا خليني شريد اخسر اكثر من الي خسرتة

ماجد لا كافي خسائر فكري باجر شنو ضاملج مستحيل اخليج على ذمة جبارة

اركان اكيد المستقبل كله كدامج اذا ذيج المرة استغلو ماجد وحدة هاي المرة كلنة وياه ومنعوفهم يستغلوه

جوري اني واخوية نحجي اشدخلك بالمواضيع الخاصة

صح انتي واخوج بس لتنسين اني ماجد بالنسبة الي اخوية وابوية
من يوماتزوج اختي وهو يرعاني وحسبني اخوه والي يخص ماجد يخصني

جوري بس اني ما اخصك ومالك شغل باموري الخاصة

ماجد جوري حبيبتي ترة اركان ماكال شي ولتغيرين الموضوع

جوري اني ماريد اطلك من جبارة واريد اضل هنا

ماجد شعندج هنا شتسوين بهذا المستنقع

جوري اريد اخذ ثار اختي

ماجد ومنو كلج مانفكر ناخذ ثار نرجس احنة اخوتهة

جوري لا بس اني اختهة انت اول واحد اخذت بنتك ونهزمت بيهة وعفتنة المصيرنة بالاعدام

ميادة حقج يا امي بس صدكي منعوفج انتي بس اتطلكي من جبارة حرامات هيج وردة تندفن وية واحد مخبل

جوري لعد وذيج الوردة الي اندفنت ونكتلت بطريقة بشعة مو حرامات

رشا وهي تحضن جوري كل الي تكولي والي تسوي حقج وياريت اكدر اساعدج باي شي تطلبي مني اسوي المهم ترتاحين

جوري حبيبتي اكيد من احتاجج اول وحده الجأ الهة انتي

مر اليوم علينة اتحس بسرعة يخلص
ثاني يوم ماجد رجع البغداد

اما سلمان مشغول بالاجتماعات والواجبات داخلين حالة انذار

اليوم اخر يوم بالسنة كعدتي وية رشا وميادة وقصي ومحسن احيت بية هواي اشياء حلوة

اما اركان عبالك توم وجيري كل كلمة مني او منه تكب معركة

جبارة كوة لازمتة عن اركان ماعرف ليش هلكد يكرهة وميطيق وجوده

ميادة اكول بنات مالازم نخلي هاي السنة تمر بدون ما نحتفل بيهة

جوري شنو يعني نحتفل بيهة

اركان صدك يعني متعرفين شنو يعني نحتفل بيهة عمرج ماحتفلتي بعيد راس السنة

جوري لا عمري ماحتفلت بيهة لان امي فصلية وكلشي متعرف وهي مرية فلاحة منكدر نوصل الثقافة حضرتك

اركان بابا انتي شبيج منو هيج حجة ليش تفسرين على مزاجج هو مجرد سؤال واني اعتذر بعد ما اسال

ميادة يمعودين هاي شبيكم عبالك رويسية

رشا وهي تشاور امهة بدون ما احد يسمعهة اكص ايدي اذا ميطلعون واحد يحب الثاني

ميادة والله كلشي يصير

جوري احجي بصوت عالي رشا اشكلتي الامج

ميادة هاي اسرار دوله

قصي اركان خلي نروح اليوم للمدينة نمر على السوك محتاج شغلات

ميادة وين ترحون يمعودين اكعدو وسكتو ليروح يصير ميصير

اركان لا ميصير شي ولازم نعبي السيارة بانزين خاف نحتاجهة

جوري طلعو الولد بالسيارة ورحنة اني ورشا ومحسن للشط بس اليوم كلش برد مو طبيعي

محسن رشا عفية كلش بردت اريد ارجع للبيت

رشا تندل ترجع لو ارجع وياك

محسن لا اندل صرت كل يوم نروح ونرجع سوه اندل الدرب

جوري خلي اخذك حمودي حبيبي

محسن لا عمة اني اندل

جوري عافنة محسن وراح كاعدين على الشط اجتي بنية علينة

فاطمة هلو بنات اشلونكم

رشا هلا عيني زينين انتي شلونج

فاطمة اني اسمي فاطمة جاية من بغداد وية اهلي

رشا مثلنة احنة هم اجينة من بغداد اني اسمي رشا وهاي اسمهة جوري

فاطمة الله حلو اسمج جوري انتو مين من بغداد

رشا احنة من المنصور وانتو

فاطمة احنة من البياع كرايبنة اهنا كاعدين وابوية جابنة بس ولا مرتاحين ناس همج متخلفين

رشا اي اكثرهم اهنا هيج

فاطمة جوري شو متحجين انتي

جوري انتي توجهين السؤال الرشا وهي تجاوبج

كاعد نحجي وصل قريب علينة ولد شاب حلو مرتب

الولد فطومة وينج ادور عليج

فاطمة اجيت يم رشا وجوري عجبني احجي وياهم بنات هذا اخوية محمد

رشا اهلا وسهلا

محمد هلا بيج اعتقد اني اعرفج وشايفج

رشا اني هم عبالك شايفتك

محمد اخاف شايفج بالجامعة

رشا اني جامعة بغداد كلية الصيدله

محمد واني هم جامعة بغداد كلية الصيدلة

سلمان والله خوش واجفات تتمعشكن جدام الوادم كلهة بلا مستحة ولا حيه

رشا شنو هذا الحجي عمو شنو نتمعشك

محمد اخوية لتفتهمنة غلط اني زميلهة بالكلية وشفتهة صدفة كلت اسلم عليهة

سلمان ماريدن اشوفنك جدامي لا وحك علي ادفننك بمجانك

جوري جريت رشا وعفت سلمان والولد يحجون ونريد نرجع للبيت

رشا هذا شبي سلمان شنو اتخبل هيج يسوي كدام الولد

جوري احمدي ربج ماسوة شي من نذالته

رشا عزة يعني شيريد يسوي

جوري موزين ما سحلنة من شعرنة كدام الولد لو ابسط شي يرمي الولد ويرمينة ويكول غسل عار

رشا شنو ليش عيني هو بكيفة

جوري اكلج رشا هذا الولد محمد هو الي دز اختة تحجي ويانة واجة وراهة حتى يتعرف علينة

رشا هاي شمدريج

جوري صار جم يوم اشوفة شلون يباوع عليج ويراقبنة واليوم لان شافنة وحدنة سوه هيج واجة حجة ويانة

رشا والله انتي طلعتي مو سهلة

جوري وصلنة للبيت جان جبارة كاعد زعلان حتى ميحجي وياية

ميادة ها ماما اخوج وين

رشا منو اخوية

ميادة اشبيج محسن وين ليش ماجبتي وياج

رشا ليش مارجع للبيت

ميادة لا مارجع وين عفتيي اخوج يمة ابني وين راح

مساء الورد اليوم البارت طويل لعيونكم تعويض عن التاخير

حبايبي لتنسوني بالتصويتات 🌟🌟

تقبلو تحياتي

اختكن الاسدية