انثى في عرين الوحوش الفصل العاشر 10 - بقلم الاميرة ارجوان

الكاتبة الاسدية

كالي لاتضلين هنا خافن يجوج الشرطة ويذبوج بالحبس

انة خفت من الحبس عبن كرابتنة مرة انحبس وكتلوة بالحبس من كد الدك علية بالصوندات

ضليت ابجي وين اولي وين انطي وجهي شفت زلمة جبير بالعمر يمشي شوي ويكعد امبين علية تعيبان وموش بصحتة

كلت هذا زلمة بكد ابوي خلني اسالنة بلكت يعرف ماجد

تكربت منه حسيت علية راد يطيح بالكاع سندتة عبنة زلمة جبير وطيحتة صعبة خافنة يتكسر

ابو سمير اشكرج عمو ياريت تكعدنيني لان دخت

هيلة تعال اكعد شمالك عمي اشوفنك مريض

ابو سمير اي والله عمي مريض وجيت البغداد وصفولي طبيب جيت علية

هيلة سلامتك عمي ارتاح شوي

كعدتة بالكاع وانة وبنياتي كعد شوي غاد عنة بس نرجس كل شوي تروح تلعب وياه وانة اصيحن عليها واردنها

صار الغروب وراح يجيني الليل وانة ماعرف وين اروحن وين اطي وجهي

اخر شي الزلمة كالي عمو عينيني اوصل السيارات كركوك اخاف اوكع على وجهي

هيلة اي عمي بس انة ماندلن وين السيارات

ابو سمير اني ادليج عمي انتي امبين عليج مو من بغداد وين رايحة

هيلة عمي انة بس تذكرت ماكولن من الناصرية انة من العمارة وجاية اروحن الماجد ابن زلمتي عمي انت ماتعرفة

ابو سمير هذا ماجد وين يسكن وين يشتغل تعرفين عنوان رقم تليفون

هيلة لا كلشي ماعرف انة هيج جيت على وجهي

ابو سمير لاحول ولا قوة الا بالله زين عمو عندج مكان تروحين اله كرايب اهل اهنا

هيلة لا مامش ولا واحد

ابو سمير تعالي وياية اوصلج السيارات العمارة رجعي الاهلج لا ولد الحرام تقشمرج وانتي امبين عليج فقيرة وعلى نياتج

هيلة لا عمي انة ماردن للعمارة لو يذبحوني ماردن

ابو سمير شوفي عمي اني اريد اساعدج اني رجال جبير وصحتي مو تمام اخاف الله ياخذ امانتة حتى مسوي زين وساتر عليج وعلى هذني بناتج

هيلة رحم الله والديك عمي عبني ماعرف كلشي

ابو سمير شوفي اذا كلتلي الصدك اساعدج لوجه الله بس اريد الصدك

هيلة عمي وروح محيسن انة ماجذبن عليك

ابو سمير انتي مهزومة من اهلج

هيلة شوف عمي انة راح اكلك الصدج بس بروح اهلك لاتردني ليهم انة انهزمت من اهل زلمتي لنهم يردون يزوجوني للزلمة الي جتل زلمتي

ابو سمير زين اذا هو كتل رجلج شلون يزوجوج اله

هيلة عبنهم مايدرون هو جتالة بس انة شفتة بعيني

ابو سمير وليش ماكلتي هو كتلة

هيلة جا غير كلالي اذبح بنياتج اذا حجيتي جلمة وحدة

ابو سمير شوفي عمو اني رجال جبير وجيت البغداد لان وصفولي طبيب زين بالقلب

والدكتور يكول تحتاج عملية واني ماعندي احد عندي ولد اثنين مسافرين للخارج وزوجتي ماتت صار اكثر من 15 سنة يعني لا ناصرا ولا معين

هيلة الله يعينك عمي والله يرحم زوجتك

ابو سمير اذا وافقتي اتداريني وتديرين بالج علية من اسوي عملية بس اكوم بالسلامة اخذج الكركوك اهناك اوفرلج سكن وعيني عليج واكول عنج بنت اخوية المرحوم واكون الج سند شكلتي

هيلة عمي وين تاخذني يا بجان كلت

ابو سمير الكركوك

هيلة عمي هاي ترتوت شكثر عن العمارة يعني بعيدة

ابو سمير كلش بعيدة ومتخطر ابال اي واحد من اهلج انتي بيها

بس اهنا راح تضيعين انتي وبناتج واولاد الحرام هواي يكدرون يقشمروج وانتي زغيرة وحلوة راح هواي يطمعون بيج شكلتي

هيلة جا ياهو يكول ما انت من تسوي عملية وتصير زين ماتضحك علية وتعوفني وتروح لوحيدتك الترتوت

ابو سمير اسمها كركوك مو ترتوت

هيلة ترتوت انة ماعرف ياهو يكولن ماتعوفني

ابو سميرة شوفي ان شاء الله الله ميكومني بالسلامة اذا اقشمرج لو اعوفج

هيلة جا خوش انة اباريك وديرم بالي عليك عبنك خوش زلمة

ابو سمير زين هسة نحتاج مكان نبات بي حتى باجر ارجع للطبيب ويحدد موعد عمليتي

هيلة جا انت ماعدك اهل بغداد

ابو سمير لا ماعندي خلي نروح انام بفندق

هيلة مشيت وراه صعدنا سيارة زغيرة يكول تكسي وشوفن الكلوبات والضوة اشكال الوان والشوارع حلوة والبيوت شعلاتهن كلش عاليات موش مثل بيوتنا

وكفنا يم بيت كلش عالي دش الزلمة وانة ضليت وي بناتي برة عبن عيب ادش خافن بية زلم

ابو سمير تعالي عمو ليش بقيتي برة

هيلة دشيت وياه واشوفنة طلع نفس جنسية بناتي اطاها الولد جاعد جدامة ميز جبير

الولد كال اريد جناسي اهلك

ابو سمير عمو انطيني جنسيتج وجناسي البنات

هيلة انة خفت على جناسي بناتي عين محيسن كال ضميهن زين لاتشوفيهن الواحد

كتلة انة ماعندي جنسية عبنها ضلت يم هلي

الولد ماكدر اخليكم تباتون بالفندق بدون جناسي

ابو سمير عمو هاي جنسيتي يمك واحنا كل واحد بغرفة اني كلش نعبان وعندي عملية باجر

الولد اعذرني حجي ماكدر هاي تعليمات ماكدر اخالفها

هيلة جا انة عدي جناسي بنياتي

الولد ميخالف انطيني اياهن

هيلة انطيتة الجناسي شو هاذ ماردهن الي كتلة ردهن الي

الولد من تطلعون منا ارجعهن ذني تامينات

هيلة انة مالي غرض اريدن جناسي بناتي

ابو سمير عمو خلي انام اليوم وباجر نرجعهن اني ارجعهن الج لتخافين عليهن

هيلة خوش عمي هسة وين انام انة وبناتي استحيت. اكلة جوعانين وجوري ونرجس يبجن من الجوع

ابو سمير تعالي اني اشوفج وين تنامين انتي وبناتج

هيلة شوي وجان يدش بحجرة كلش زغيرة وانة ظليت اتراجف عينها زغيرة حتى جعدة متكفي ونوب الزلمة ينام ويانة كتلة لا مادش هاي الحجرة كلش زغيرة شلون انام بيها

ابو سمير وهو يبتسم عمو هاي مو غرفة نوم هاي مصعد تصعدنا فوك

هيلة جا شنهي هاي تطير وتصعدنا فوك

ابو سمير لا مو تطير بس هي تصعد تعالي فضينا تعبت اريد ارتاح

هيلة دشيت انة والبنات وياه وهو ماعرف شنو سوة ونسدت علينة انة متت خوف اختنكت وماعرف شصار بية دخت وكلبي يرجف رجيف

شوي ونفتحت الباب وانة شردت بسرعة منها

اشوفن المجان غير الي جنة بية

ابو سمير تعالي عمو هاي غرفتج صدك انتي شسمج

هيلة انة اسمي هيلة

ابو سمير تعالي عمو هيلة هاي الغرفة بيها سريرين انتي نامي بواحد وبناتج على واحد وشوفي هذا الحمام اسبحو اكو مي حار وغسلو هدومكم واي شي تحتاجين اني بهاي الغرفة الي بصفكم

هيلة ضليت اعاين علية وين دش وسد الباب وانة سديت الباب بس يمة كتلني الجوع كلت خلني اسبح بناتي غبن البجان دافي دشيت اسبحهن لا لكيت طشت لا لكيت بريمز ومي حار جا شلون اسبح

رحت على الزلمة كالي هو ابو سمير دكيت الباب علية

ابو سمير ها عمو محتاجة شي

هيلة عمي الحمام مابي لا طشت لابريمز وماي حار شلون اسبح بناتي

ابو سمير عمو هنا ماكو طشت وبريمز افتحي الدوش يجي مي حار ومي بارد

هيلة انة ماعرف تعال علمني اجة وياي الزلمة جان يفتح البوري وخلة ايدة جواه

كال شوفي هذا حار وهذا بارد كاسري سوي دافي وهيج ارفعي يجي المي بالدوش واسبحو كتلة خوش عرفت

راح الزلمة وانة طببت البنات اسبحهن وهن ضلن مستغربات ويلعبن جوه الماي شكد حلو هيج السبح

سبحنا وكملنا طلعت بناتي ولبستهن هديمات غيرهن

نزلت الدواشك وخليتهن صفة وكعدنا عليهن بس مانكدر انام عبن جوعانات

شوي وندك الباب صحت ياهو

ابو سمير اني عمو فتحي الباب

هيلة فتحت الباب جان شايل بيدة جياسة هواي

ابو سمير ليش ماقفلتي الباب عليج هاج هذا اكل اعرف بيكم جوعانين

هيلة لا موش جوعانين

ابو سمير اكلي زين انتي وبناتج ومن اطلع منا اقفلي الباب ولتفتحي بس من تسمعين صوتي زين

هيلة خوش جا انت ماتاكل ويانة

ابو سمير سويلي لفة نص صمونة لان مو زين علية

هيلة جا شنهي النص صمونة ماعرفنها

ابو سمير ههههه عمو هاي الصمونة هاي مثل الخبز راح اخلي بيها شيش كباب وانة رايح الغرفتي اقفلي الباب وراية

هيلة راح ابو سمير وانة قفلت الباب ورجعت اكل وي بناتي يماي الاكل يجنن عمري وحياتي ماماكلة مثلة ونوب هاذ الصمون شكد طيب

اكلنا ماخلينة شي كلة خلصناه البنات هن وياكان نامن عبنهن تعبانات وانة خليت راسي اريدن انامن ماكدر

عبني افكر انة شلون شردت هسة شيكولون علية جا هسة عمتي منسية شسووت بيهم وغضبان راح يعوفني

ماعرف شكد يمكن طر الفجر وانة بعدني مانايمة

كوة خذت عيني النوم فزيت على حس البنات يلعبن
جوري يمة شوكت نرد لهلنا

هيلة بعد مانرد لهلنا عبن ما النة اهل

جوري جا وحبوبتي وكريمة وبيتنا

هيلة كتلج ما عدنا اهل خوش انسيهم

ضلينا كاعدين بالحجرة مالتنا لا وحيد دك بابنا لا وحيد كال وين صارو كلت خلني اروحن اسال على الزلمة اخافن عافني وراح

دكيت علية الباب مامش صوت دكيت مامش كلت لا هاي هية عافاني وراح ضليت اروحن وارد بين حجرتي وبين حجرة الزلمة ماعرف انة وين وين انطي وجهي

رديت ادكن بالباب هيست حس جوة بالحجرة وانة صحت عمي عمي وينك

شوي وانفتحت الباب واشوفن الزلمة كوة يتحرك

ابو سمير عمو هيلة اني كلش تعبان يمكن راح اموت

هيلة اسم الله عليك عمي لاتكول هيج هسة تصير زين

ابو سمير الله كريم بنيتي اعذريني ضليتو بلا اكل

هيلة لا عمي شبعانين من اكل البارحة انتخمنة كلش المهم انت رايد مني شي اسوي

ابو سمير لا عمو عينج على بناتج واني ارتاح بلكت العصر اكدر اروح للطبيب

رجعت الحجرتي وانة كلبي موجر نار على هاذ الزلمة الخير كلت ربي فرجها علية انوب الزلمة يصير بي شي

البنات متعلمات يلعبن ويطربكن يلحوش جبير وهسة مسجونات بحجرة زغيرة ضلن بس يتباجن ويتعاركن وانة مالي واهسهن

للضهر اندك الباب علية كلت ياهو لنة صوت غريب كتلة انت ياهو كال انة جبتلكم الغدة

فتحت الباب ولد انطاني جياسة وراح جايب اشكال انة حطيت دجاج بالصمونة وخذيتها ورحت للزلمة ابو سمير دكيت علية الباب شوي وفتحها الي

ابو سمير ها عمو هيلة اليوم متو من الجوع لان جنت كلش تعبان

هيلة لاعمي اهم شي انت تصير زين وهاي جبتلك اكل عبنك ماماكل حتى تتكوه بي

ابو سمير اشكرج عمو الله يستر عليج اني العصر امشي للطبيب ومن ارجع امر عليكم

هيلة خوش عمي مامحتاج شي

ابو سمير لا عمو روحي البناتج وماوصيج لتفتحين الباب الواحد

رديت البناتي وهم اكلت كلش هواي صار الغروب والزلمة مارد كلش ضل بالي عندة

بالليل دك الباب علية وكال لمي غراضج عبن راح يدش للمستشفى والصبح يسوي عملية

لميت غراضي ورحت وراه دشينا للحجرة الزغيرة كال ننزل بيها جوة وهم كلبي كتلة الرجيف والدوخة نزلنا جوة اخذ

الجناسي من الولد انطاني جناسي بناتي ضميتهن زين وركبنا سيارة زغيرة وصلنا هم بيت كلش جبير كال هاي اسمها مستشفى هنا يسوون عملية للزلمة

بس مارضو يخلون بناتي يدشن وياي والزلمة كام يحجي وياهم يكللهم احنا موش منا والبنات مالهم غير امهم وشفت انطاهم فلوس وهم سكتو

دشينا الغرفة جانت موش كلش جبيرة بيها يسموة سرير هاذ مال مريض وبي واحد ثاني يكلون هاذ مال مرافق يا جا هي المرافق تحتاج فراش شمالهم هذول

ابو سمير عمو هيلة المرافق يعني الي يجي وية المريض يعني انتي يسموج مرافق

هيلة خلف الله عليك عبني مرة فقيرة هيج تضحكون علية

ابو سميرة شوفي عمو كلمة مرافق يقصدون بيها شي زين مو الي ابالج هذاك اسمة حمام او تواليت اهنا هيج يسموه

هيلة خوش جا انة وين حجرتي

ابو سمير اليوم انتي اهنا وياية لان هاي مستشفى مو فندق وكلها الصبح راح يدخلوني عمليات

شوفي عمو هاي الدنيا مادوم الواحد واني داخل عملية بالقلب يعني كلش صعبة الله العالم اذا طلعت منها لو لا

اذا الله كتبلي عمر مثل ما واعدتج اخذج وياية الكركوك واذا الله اخذ امانتة بعد عذريني

هاج هاي فلوس خليهن يمج خاف تحتاجين شي خاف يكلولج جيبي دوة لو دفعي حساب هاي كلهن يمج

هيلة جا عمي هاي هواي فلوس انة وين اضمنهن

ابو سمير اي كلش هواي دفعت فلوس العملية والباقي خليهن يمج ضميهن زين

انة هم ظميتهن وية الجناسي وصار الليل نيمت بناتي على السرير وانة خليت البطانية نص جواي ونص تغطيت بيها والزلمة نام على السرير

نايمين وندكت الباب علينة كالو للزلمة اتحضر راح انزلك للعمليات

ابو سمير هيلة عمو لتنزلين منا ترحين تضيعين ابد تضلين بمكانج

خذو ابو سمير وراحو والروحة روحة صار الضهر والزلمة ماكو وانة الوبن شوي ومرت مني مرية لابسة مال دكتورات سالتها على ابو سمير كالت كملت عملية بس خالي بالانعاش بالليل يصعدوه الغرفتة

بنياتي كتلهن الجوع تذكرت ضميت صمون ضال من الغدة مال البارحة طلعت صمون واكلنا

بالليل جابو ابو سمير بس كلش لايحجي ولا جنة بي روح

ضلت عيوني تجري علية بس ابجي عبن خفت علية لان خوش زلمة

كل شوي اطب جوكة يلتمون علية شوي ويمشون تالي صارت صنطة ولا حس بالمستشفى

بنياتي نامن وانة اريدن انام ماكدر

شوي واحس على الزلمة ياشرلي تكربت منة كتلة انت زين شتحس

ابو سمير زين لتخافين نامي ارتاحي

هيلة حسيت علية زين وتطمنت علية خليت راسي ونمت وكل شوي افزن اشوف الزلمة نايم وارد انام

صار الصبح وردت جوك تطب وجوك تطلع يعاينون بالزلمة ويكلبون بي ويروحون

الزلمة حجة وي واحد شوي اجاني كالي اريدن فلوس عاينت على ابو سمير اشرلي اي طلعت فلوس ماعرف شكد انطي شال الولد اثنين خذاهن وراح

حسبة ساعة رد الولد وهم جايب اكل ردت انطي الزلمة اكل مارضة كال مايصير اكل شي

ضلينا ثلث تيام بالمستشفى وراها كال راح نرد للفندق عبنة مايكدر يروح الترتوت عبنها بعيدة والدرب موش زين علية

ردينا النفس البيت الجبير بس هالمرة كلنا بحجرة وحدة عبني انة الي اعينة يكوم للحمام انة اعينة اكومنة واكلبنة منا منا

ضلينا ايام تحسنت حالة الزلمة كالي راح نرد الكركوك

انة رديت الفلوس للزلمة عبنة صار زين وانة ماريدن فلوس

عفنة بغداد ورحنا الكركوك ضليت يم ابو سمير كال راح اسويلج مشتمل انتي وبناتج وخليج عينج علية عبنة هو زلمة وحيد مالة اهل

ضليت سنتين وياه يجيبلي اكل ويشتريلنا هدوم وسجل جوري بالمدرسة

بيوم رحت انظف بيت ابو سمير جان مقهور كلش كتلة ليش مقهور

ابو سمير اليوم ابني خابرني وكال راح يجي للعراق حتى ياخذني وياه وزعل لان سويت عملية بدون علمهم

وتعرفين اني صحتي مو تمام اريد اعيش بقية ايامي وية احفاذي اريد اموت يمهم

هيلة جا انة ياهو الي ياهو ياخذ بالة من بناتي وين اروحن يذبحوني اذا رديت الهلي

ابو سمير انتي هذا المشتمل الج بيتج محد يكدر يطلعج منه ماطولني عايش بس اذا متت بعد ربج يعذرني

اني فكرت اسجل المشتمل باسمج بس انتي حتى جنسية ماعندج

هيلة كلها ايام واجة ابن الزلمة سمير جان فرحان بي كلش بس تعاركو شلون مسوي مشتمل وانة كاعدة بي

اخر شي جذب على ابنة كالة انة تزوجت هيلة وسجلت المشتمل باسم هيلة بالمحكمة وسكته

سافر ابو سمير وي ابنة بعد ما انطاني فلوس اعيش بيهن
بس الدنيا كل يوم تغلى والبنات صارن يريدن كل شي والفلوس خلصت

كامت النسوان ياهو تحتاج مساعدة تودي علية اساعدها وتنطيني فلوس وبديت اخبز للناس وعشت كل حياتي هيج

اخذم للناس حتى بناتي مايحتاجن واحد وحتى يصيرن احسن الناس ويدرسن ولا يضلن مثل حالي

وانة ضميت عليجن خفت لا تريدن تردن الاهلجن وتعيشن الي اني عشتة وياهن وياريت واحد معترف بيجن

جوري ومنو يكول كل هاي القصة الي سولفتيها النا حقيقية

حبايب كلبي حلفتكم بداعت منسية محد صوت هسة احلفكم بداعت منسية وغضبان صوتوا مو موتوني شتخسرون اذا صوتوا 🌟🌟🌟

تقبلو تحياتي

الاميرة ارجوان الاسدية

الاغنية اليوم اهداء مني كلش احبها

https://www.youtube.com/watch?v=Ot9xEMlWnfM