تحميل رواية انثي من نار بقلم ميرفت السيد pdf

كنت نايمة صحيت على صويت وزعيق

خرجت من اوضتي مفزوعة باتعثر في خطواتي من الخوف والخضة

لقيت بابا في اوضة النوم ماسك واحد بيضربه والراجل بيحاول يلبس هدومه ويدافع عن. نفسه بنفس الوقت

وماما بقميص النوم واقعة على الأرض وبتنزف دم من بوقها

خوفت دخلت تحت السرير بدون.ماحد يشوفني وانا باترعش وباعيط بصوت.مكتوم ولقيت حبيبة اختي الصغيرة بتعيط ورايحة لماما خطفتها بسرعة جنبي وكتمت صوت عياطها وشاورتلها تسكت وفعلا سمعت كلامي وانا حضنتها وخبيت وشها عشان ماتشوفش الي بيحصل

لحد. مانامت بسرعة حطيتها جنبي وفضلت اراقب الي بيحصل

الراجل زق بابا و جري على برة بسرعة وبابا راح وراه ملحقهوش رجع تاني لقى ماما بتحاول تقوم بصعوبة

بابا مسكها ورماها على السرير وقلع الحزام وفضل يجلدها بيه وماما بتصرخ وبتترجاه لخد. ماصوتها وقف

وانا باعيط عياط

مكتوم وفجأة بابا نده عليا وجري على اوضتي وهو بينادي عليا انا واختي طلعت من تحت السرير وسحبت اختي بصيت على ماما لقيتها اغمى عليها خرجت لقيت بابا في وشي

اتصدم وقالي : انتي كنتي فين ياحلا

عيطت قرب مني وحضنني انا واختي وقالي: متخافيش ياحبيبتي مفيش حاجة

روحي اوضتك ونامي عشان الصبح هانمشي

وشال حبيبة وفضل جنبنا لحد مانمت غطانا وباس راسي انا واختي بكل حنية كعادته

وراح لماما طول الليل اقلق على زعيق لحد. مالقيت ماما داخلة علينا بشنطة هدومها وفضلت وفضلت تعيط وتقول خلي بالك من اختك ياحلا

قولتلها: ماما رايحة فين

: مسافرة ياحلا

عيطت وقولتلها وانا باحضنها ماتسبنيش خدينا معاكي

مسحت دموعي وقالت: مش هاغيب كتير هاتوحشوني

وقلعت سلسلة فيها قلب عليه صورتي انا وحبيبة من ناحية والناحية التاتية صورتها هي وبابا لبستهالي في رقبتي وقالتلي خليها معاكي اوعي تقلعيها

قولتلها: حاضر

قالتلي: ماتعيطيش اوعي تكوني ضعيفة أبداً انتي بنتي الجامدة الي ماينفعش تعيط او تخاف من اي حاجة في الدنيا

قولتلها: حاضر بس ماتعيطيش انتي

قالتلي وهي بتشهق من. كتر العياط: عشان هاتوحشوني انا باحبكم اوي

بابا اتدخل وقالها وهو بيبعدها: لا حنينة اوي يامنال وانتي كنتي عملتي حساب ليهم احمدي ربنا اني سيبتك تلمسيهم ياوس.... خة

وسحبها بعيد وقالي: انا هاوصل ماما للقطر وراجع اوغي تخرجو ولا تقفوا بالشباك زي ماعلمتك ياحلا

قولتله : حاضر يابابا

جريت وبصيت من ورا الشباك وشوفتهم بيركبو عربية بابا

وبعد. ساعتين رجع بابا لوحده ومعاه صاحب العمارة ومحامي وعقد وبابا مضى هو وصاحب العمارة واخد شنطة فلوس ودخل لم هدومنا وعفشنا ولبسنا

وبالليل كنا راكبين عربية بابا وانا حاضنة عروستي باربي وحبيبة معاها تويتي وورانا عربية فيها عفشنا

وبعد شوية وصلنا بيت جدو والد بابا طلع يستقبلنا هو والعيلة

جرينا عليه انا وحبيبة اخدنا بالحضن وفضل يبوس فينا ويدينا شيكولاتة كالعادة

وبعد مابابا واخواته نقلو عفشنا في شقة بابا الي ماما كانت رافضة تعيش فيها زمان

جدو طلع وقعد هو وعمي منصور وعمي محمد مع بابا وقاله: ايه الي حصل يامنير

بابا: طلقت منال

جدو: ليه

بابا: مش مرتاح ومشاكلنا كترت واتفقنا نتطلق بشرط. تسيب البنات وتسافر لأهلها بدل ماالبنات يتعقدو

عمي منصور: نورت بيتك يامنير

عمي محمد: ياما قولتلك منال متنفعش بس...

قاطعه جدي: خلاص ياولاد نصيبهم كدة ياللا انزلوخليهم يرتاحو

وقبل مايمشو طلعت طنط فادية مرات عمي محمد بصينية مليانة اكل وفاكهة وسلمت علينا وباستنا ونزلو كلهم

ماعدا جدي الي قعد يلعب معانا

وفجأة :........

الجد: انا عاوزك تاخد اجازة وتيجي معانا الجو هايعجبك اوي

عدي: بس حلا مش هتضايق؟

لا ياحبيبي بالعكس

: طيب انا مش عاوز اتقل عليها ولا على خالها بالاقامة يعني

هو عامل شقة مخصوص كانت بتاعة امها ليها هي وحبيبة

: خلاص ياجدو مفيش مانع بس اسمحلي عاوز اطلب منك. طلب كدة ومحرج

محرج من ايه اتفضل

: بصراحة موضوع امي مضايقني ومش عارف اتصرف ازاي

تنهد الجد بعمق وقال: والله يابني أي حل يرضيك اعمله معاها انت وابوك بس بعيد. عن البيت دة

احنا طول عمرنا بيتنا بينضرب بيه المثل بالهدوء والاحترام وان اسرارنا جوة بيتنا انما امك هاتفضح ستر البيت بافعالها

عدي: معاك حق اناهاتكلم مع بابا واشوف ناوي على ايه

حلا خرجت من غرفتها لقت جدها مع عدي قالت: مقصدش اقاطعكم

الجد: بعد اذنك طبعاً كويس انك جيتي انا عزمت عدي يسافر معانا

حلا: انت بتستأذن ازاي يعني ياجدو انت تجيب الي انت عاوزه انا مش رايحة عالة على حد عيلة ماما كويسين اه بس الارض ملكي اما وحبيبة وبعدين عدي ينورنا طبعاً ياريت خليه يغير جو

بقلم مرفت السيد

ابتسم عدي وقال: تسلمي يابنت عمي هستأذنكم انا السلام عليكم

جلست حلا مع جدها وقالتله: جدو انا عاوزة اخد رأيك في حاجة بس خد الفيتامين بتاعك الأول

اخد الجد. منها الاقراص وقالها: قولي ياحبيبتي

: بافكر لما ابلغ السن القانوني بإذن الله واقدر اتحكم بفلوسي بفكر اعمل مشروع خيري زي مركز طبي تبع جمغية خيرية كدة

الجد. كان بيبصلها بانبهار: موافق جدا فكرة ممتازة

: ربنا يخليك ليا

انا الي عاوزك ضروري بقى

: خير يارب

انتي دلوقتي رفضتي الجواز او الارتباط الا لما تخلصي دراستك صح

: صح ياجدو

تمام بس في حاجه كدة جوايا مش عارف اقولهالك ازاي

: قول على طول ياجدو ياجميل😍

بصراحة يعتي لو في عريس هيموت عليكي وبيحبك وكان متكلم مع منير الله يرحمه وقاله لما تخلصي دراستك وكلمني وانا رفضت لأنه كان عنده شوية عراقيل كدة بس هو موضوعك قالب معاه بجنون انا خايف يحصله حاجة فحبيت اشوف رأيك

حلا بينها وبين نفسها كانت عارفة انه عدي ولكن تظاهرت بعدم المعرفة وقالت بهدوء: جدو انا مش عاوزة اعرف مين محتاجه اركز بدراستي عاوزة بابا يبقى فخور بيا عاوزة ابقى دكتورة وليا اسمي واراعي اختي لحد ماتخلص تعليم هي كمان فصدقني العيب مش بالاشخاص انا رافضة اي ارتباط تماما دلوقتي

الجد: الي يريحك ياحبيبتي تصبحي على خير

تاتي يوم راحت حلا شغلها واخر اليوم دخلت مكتب خالد و قالتله: انا من بكرة مسافرة كام يوم فبستأذنك باجازة

خالد: مفيش مشكلة خالص مكانك. موجود

شكرا يادكتور

وصلو ليوم السفر

واستقلو عربية عدي وكان. عدي سعيد. جدا لانه هايقدر يشوف حلا لاطول وقت ممكن

وصلو وايمن كان باستقبالهم وكان سعيد جدا باستقبال الجد

وصلهم للشقة وطلب منهم يرتاحو وينزلو عشان الغدا

عدي في اوضة

والجد في اوضة

وحبيبة ومنار باوضة

وحلا في اوضة

الكل فضو شنطهم ونزلو في الجنينة قدام البيت وسط الزرع والخضرة

وبعدها حلا راحت مع خالها تشوف الارض وعدي معاهم

خالها سابهم وراح يباشر شغله

عدي قالها: الارض جميلة والبلد. كلها حلوة ومريحة للاعصاب

نظرت اليه حلا بهدوء وقالت: انا عمري ماهفرط بالأرض دي ابدا

: عندك حق

عدي ؟

: نعم

انا نفسي اعمل حاجات كتيره اوي بحياتي

: زي ايه

افتح مستشفى تابعة لجمعية خيرية واخد المحصول بتاع الارض دي وابيعه انا وممكن اصدره بنفسي و

لاحظت انه شارد وهو بيبصلها

: عدي انت سامعني

ايوة طبعاً

: امال سرحان في ايه

فيكي.. قصدي في كلامك

: وايه رأيك

عجبني وان شاء الله اساعدك بتنفيذه

: شكرا ليك ياعدي انت بجد دايما جنبي وبتهون عليا كتير

بلاش شكرآ متعمليش فرق

صادف مرور الحاج محرم العمدة وابنه دكتور عمر

اول ماشافو حلا قربو وسلمو عليها وعرفتهم على عدي

محرم: طالما جدك هنا حصلتلنا البركة دة راجل له عندي جمايل لاتعد بكرة الغدا عندنا يابت الغاليين ولا وقتك ضيق كااعادة

حلا: لا احنا اجازة بقى هانيجي بإذن الله

عمر: لو احتجتي مساعدة بدراستك قوليلي

حلا: اكيد ياعمر

وعدي واقف بيغلي وبيبص لعمر بغيظ

ايمن رجع وسلم على محرم وعمر وقال: شوفت ياحاج محرم الارض بتطلع دهب من يوم ماورثتها حلا

محرم: الله اكبر دة مال يتامى ربنا يزيد ويبارك

حلا: انا كنت عاوزاك بموضوع مهم بس بكرة ان شاء الله

محرم: عنيا عشانك اشوفكم على خير بكرة

بطريق العودة عظي قالها:مين عمر دة

دة ابوه عمو محرم يبقى عم ماما عمدة البلد

: اه وعمر دة يعرفك. منين

سؤال غريب مش قولتلك قرايب

: قصدي كلمتيه قبل كدة

اه طبعا وقت وفاة بابا وحاول يسعفه

: وشه وحش عليكي يعني

متقكرنيش ارجوك بقالي سنين باتهرب من عزومتهم للسبب دة بس عامة دة مش ذنبه دة عمره

'انا اسف فكرتك بذكرى تضايق الله يرحمه

يارب

قابل ايمن احد اصدقائه ووقف عدي و حلا بانتظاره وعدي بيشوف رسايله

حلا عجبتها نخلة وهي بتبص عليها وماشية بدون ماتبص قدامها او تنتبه وقعت في حفرة صغيرة

عدي جري عليها لقاها بتقول وهي بتبكي: رجلي اتجزعت

بسرعة شالها وايمن جري عليهم واتصل بعمر يحصلهم عالبيت

وعلى ماوصلو البيت وعدي شايلها كان عمر وصل بعربيته بسرعة

الجد والكل اتخضو حلا طمنتهم عدي دخلها اوضتها والكل وراه

دخل عمر عشان يشوف مالها

وعدي واقف جنبها ولسة عمر هايرفع طرف الفستان عشان يشوف رجلها.

بسرعة عدي...........

عدي مسك ايديه وقاله بحدة: انت هتعمل إيه

عمراتحرج: هكشف عليها

عدي بعصبية: هي هتشاورلك على مكان الألم

عمر وشه احمر ومتكلمش

الجد وهو بيحاول يصلح الموقف: معلش ياعمر يابني ولادنا دمهم حر على البنات

عمر: حصل خير

وهو وعدي اتبادلو نظرات تحدي

حلا شاورت على مكان الالم وبدأ عمر يكشف وربطلها كعب القدم وقال: التواء بالكاحل محتاجة راحة ورباط ضاغط بس ومسكن

سلامتك يادكتورة

حلا: الله يسلمك شكرآ ياعمر

الخال: انتي اكيد اتحسدتي تعالى ياعمر اوصلك

بعد. خروجه الجد قال: ياعدي انت احرجته وهو اتكسف ليه يابني كدة دة شغله

عدي: ياجدو مينفعش يلمسها اصلا من نفسه المفروض يفهم بس عشان مضطرين

حلا: هو محترم جدا ياعدي وميقصدش حاجة

عدي بعضب: انا مخي كدة ياجماعة

وغادر الغرفة منفعلا قابلته زوجهة الخال وابنها قالتله: تعالى يااستاذ اقعد برة بالخضرة كدة وهدي اعصابك انت حمش، شويتين

ابتسم الطفل له فنسى غضبه وفضل يلاعبه فتركته له وذهبت

اخد الطفل وفضل يلعب معاه

عمر مشي وهو متنرفز ورجع شغله بالمستشفى

واتصل بابوه وقاله: ازيك ياحاج انا عاوز اتجوز

هاقولك لما ارجع هي مين

وقفل مع ابوه وهو بيبتسم بمكر

حبيبة ومنار وهما بيساعدو حلا تقوم عشان متحمسين للغدا عند العمدة😁

حبيبة: حلا هو انتي مش واخدة بالك من تصرفات عدي

منار: شايفة طبعاً دة الاعمى يشوف🤣

حلا: بطلو هبل

مرات الخال جابت عصاية وقالت لحلا: خدي ياحبيبتي اتكي على دي كانت بتاعة امك الله يرحمها ومن قبلها ابوها الله يرحمه

حلا: يعني وراثة

حبيبةبمزاح: يعني من حظنا هانورث عصاية نسند عليها من وجع العضم

دخل عدي وقالها: هتقدري تمشي ولا إيه

ابتسمت: هاقدر بإذن الله

الجد: ياللا بينا ياجماعة

توجهو لمنزل العمدة وتبادل الجميع التحية وجلسو لتناول طعام الغداء

وبعدما انتهو قال العمدة لحلا: خير يابنتي كنتي عاوزاني في إيه

حلا: خير ياعمي بعد اذنك واذن الجميع انا عاوزة ابني مسجد هنا في بلد. أمي على روحها وروح بابا الله يرحمه ولكن مش محتاجة قرش يتدفع من حد. منكم مع كامل احترامي هاظفع من فلوس ماما وبابا عاوزة كل الثواب ليهم

محرم: ونعم القول والفعل

العم محمد: ربنا يكرمك

حلا: بس هحتاج منكم تساعدوني بالاجراءات انا هابنيه بالجزء الي بيطل على الطريق من ارضي

بقلم مرفت السيد

عمر: ياسلام برافو عليكي

محرم: اعتبري الموضوع خلص

الجد: ربنا يكرمهم بيكي ويرحمهم ويغفرلهم

محرم: دلوقتي انا عاوزك ياحاج عبد التواب بموضوع اسمحولنا ياشباب

خرج الجميع عدا الجد والاعمام

الجد: خير ياحاج محرم

محرم: خير بأذن الله الدكتور عمر عاوز يطلب ايد حلا وفاتحني بالموضوع وانا مش هلاقي بنت بادبها واحترامها ومننا ايه رئيك انا قولتله سيبني افاتح جدها الاول

الجد: والله يامحرم كذا عريس بيتقدملها بس هي قفلت الموضوع دة ورافضة اي ارتباط الا بعد ماتخلص دراستها رافضة تماما

محمد: البنت مهما اتعلمت مسيرها للجواز

الجد: اكيد بس هي طموحة ودماغها مليانة مشاريع للمستقبل بإذن الله وبعدين لما تتخرج هي تقرر

محرم: انا مانكرش اني معجب بيها واتمناها زوجة ابني ولكن انا موافق على كلامها البنت سلاحها شهادتها انا هبلغ عمر بكلامك

الجد: الله المستعان

جلست حلا مع البنات وفشلو يتكلمو ويضحكو

والشباب قعدو سوا

عمر قال لاولاد.عمه : على فكرة ياشباب عدي يبقى ظابط

بصله عدي وقاله: عندك. مشكلة ولا حاجة

عمر: بالعكس يمكن احتاج منك. خدمة قريب

عدي ببرود: من عنيا

عمر: انا عاوز اتجوز حلا وانت ابن عمها ومتربي معاها ممكن تكلمها تشوف رأيها إيه

تمالك عدي اعصابه لمعرفته برد حلا المسبق على موضوع الجواز ولمعرفته بان عنر بيرد على الي عمله معاه فابتسم وقاله: بإذن الله هكلمهالك

عمر بلهفة: بجد

عدي: طبعاً بس ليه واحنا نقدر نكلمها سوا دلوقتي

عمر: انا اتحرج لأ مقدرش

عدي: تعالى بس معايا وانا هتكلم

ولم ينتظر الرد وسحبه وراح لحلا قالها: عاوزينك يادكتورة

قامت معاهم باستغراب: في إيه

عدي: عمر عاوز يتجوزك

عمر وجهه احمر خجلا

حلا بصت لعدي بعتاب وقالت: تعالى معايا ياعمر

ووقفو على جنب وفهمته وجهة نظرها بكل ذوق ابتسم علي من انها كلكته على انفراد وعفته من الاحراج وتفهم موقفها

وعدي بيبص بنظرة انتصار لعمر

خلصو العزومة وانصرفو وتاني يوم حلا طلبت من خالها يدفع ارباح الارض لبناء المسجد وطلبت من جدها يدفع النصف من فلوس ابوها الي سايبها عشان تكون ساهمت بفلوس ابوها وكلفت خالها بمتابعة كل شيء

ومحرم ساعدها بالاجراءات وبدأ العمال يشتغلو بالبناء ويوم رجوعمم اكدت حلا على خالها انه يتابع معاها بكل حاجة و بعد الانتهاء يبلغها لحضور الافتتاح

وودعتهم هي واسرتها وعادو للمنزل محملين بالخضار والفاكهة

وبعد ماسلمو على الاعمام وكانو مرهقين من السفر فخلدوا للنوم

ليستيقظو على مفاجئة غير متوقعة

...........

اتفاجئنا الصبح باستدعاء من القسم لعمي منصور ولمراته هدى بتهمة ضرب وطردمنال

عدي قابل امين الشرطة وعرفه بنفسه وقاله انه هايتصرف

عدي اتصل باصدقائه الي منهم ظابط صديق له بيشتغل بالقسم التابع لمنطقة سكنه وفهمه ان دة بلاغ كيدي من أمه وانه مفيش دليل وانها عملت كدة لانها على خلاف مع ابوه

الظابط طلب منه يروحله عشان يبعتولها تتنازل ويقفلو المحضر

عدي قال لابوه: متقلقش انا هتصرف

وفعلا عدي راح القسم وبعتو لوالدته وجت شافت عدي وشها اصفر

عدي استأذن من صاحبه يتكلم معاها بمكتبه على انفراد

قعد وقالها: وبعدين يعني

ردت بحدة: وبعدين فيكم انتم نسيتو امكم انت واخواتك

: ماهو انتي بافعالك دي بتختاري خسارتنا

دة كله عشان خايفة عليكم

: من إيه ومن مين دول اهلنا وبعدين ينفع تتبلي على بابا ومراته كدة انتي عارفة بسهولة جدا يثبتو كدبك ووقتها انتي الي هتتحبسي

بتهددني بتهدد امك

: لأ بس انتي غلطانة انا مش عارف انتي عاوزة إيه

ولو قولتلك الي انا عاوزاه هتعمله:؟

: مااوعدكيش الا لو في استطاعتي انا برضه فاهمك وعارف دماغك

طالما فاهمني وعارف دماغي يبقى متنساش اني أمك وطاعتي فرض عليك

ضحك عدي من قلبه وقالها: هي دي طريقتك طول عمرك تعالي بقى منضيعش وقت وقوليلي عاوزة إيه

ابوك يطلقني ويبعتلي حقوقي كلها

: تمام طالما دي رغبتك هابلغه في حاجة تاني؟

لأ بس كدة

: ماشي بس يعني نورا ونور مش عاوزة تشوفيهم ولاايه

اه طبعا وابقى سلملي عليهم

: بس ليا سؤال لو تسمحي

خير؟

: عاوزة تطلقي ليه

اترددت وقالت بلهجة مترددة: عادي مش مرتاحة مع منصور

بقلم مرفت السيد

: ماشي ياامي دلوقتي هاتمضي على تنازل عن المحضر

هامضي عشانك بس انت وعدتني تنفذ طلباتي

: ماشي ياأمي

وعاد عدي لمنزله وجلس مع جده ووالده وبلغهم بطلبات منال

منصور: انا موافق

الجد: متتسرعش لو حابب تكمل معاها بس تجيبلها شقة برة يبقى افضل

منصور: لأ ياحاج انا مبقتش طايقها خصوصا بعد جوازي من هدى ست عاقلة وكاملة

الجد: دة قرارك الاخير

منصور: ايوة وحقها تاخده بس تمضيلي اقرار انها استلمت حقوقها

عدي: تمام هاحددلك ميعاد معاها عند المحامي وابلغك

الجد: لاحول ولاقوة الابالله

وتم الطلاق

وبعد شهور العدة اتجوزت منال من شاب يصغرها باكتر من عشر سنوات

ونورا اتحددت خطوبتها على ابن خالها والدة حسن سميحة كانت ست محترمة وكانت مش بتحب منال اتفقو على ميعاد الخطوبة قبل بدء الدراسة

حلا كانت بتساعد نورا وبنجهز معاها كل حاجة ويوم الخطوبة الي عملوها بكافيه صاحب عدي الكل كان سعيد وبيحتفل بس حلا كانت مبهرة وكل العيون بتراقبها كالعادة وعظي رغم انشغاله باستقبال المدعوين بس كان بيراقب حلا وحسين عنيه مش بننزل من عليها ودة اثار غيرة اولاد اخت منال خصوصا ان حسن خطب بنت عمته

حلاكانت ملازمة لنورا طول الفرح

والكل بيحتفل لحد مامنال قررت تيجي بكل بجاحة بصحبة جوزها

الكل اتصدم من منظرها وهي داخله متزوقة بشكل مبالغ فيه ومتأبطة ذراع شاب بالتلاتينات

وتقدمت بكل غرور من منصور واسرته وسلمت على منصور وقالتله: مبروك يامنصور انت عجزت اوي ليه كدة

ماردش عليها وذهبت الى العروسة وحضنتها وقالت: حبيبتي زعلانة منك انك معزمتنيش بس مش مهم

نورا لم ترد واشاحت بوجهها بحزن كانت مصدومة ومكسوفة من تصرفات امها الي استطردت: اعرفك بأمين جوزي

رد حسن: نورتي ياعمتي اهلا وسهلا

منال: وهو انت افتكرت عمتك ياحسن تلاقي امك سلطتك

جت سميحة وردت عليها: بقولك إيه هو انتي مش واخدة بالك ان محدش طايقك ولا عاوزك هنا

منال بعصبية: دة فرح بنتي وابن اخويا يانحس انتي يالي عييتي اخويا وجبتيله الفقر

لسة سميحة هاترد قام. عدي وقال: يامرات خالي انتي اعقل من كدة اتفضلي وأنا هاتصرف

وبص لجوز امه باحتقار وقال لامه: خلاص شوفتي نورا ووريتي عريسك الاراجوز للكل

امين: انت بتقول ايه

عدي: اخرس يالا وانتي ياامي متبوظيش فرح بنتك

منال بغيظ:امشي يعني ماشي حاضر ياعدي ياللا بينا ياامين

وهي بطريقها للخروج لمحت نور بنتها الصغيرة فحن قلبها ولسة هاقرب منها بس نور خافت وجريت على هدى مرات ابوها واستخبت بحضنها

منال حست بغصة بقلبها وبصت لابنائها وهما رافضينها ورافضين وجودها وجريت على برة وانفجرت من العياط

عدي راح لحلا كانت قاعدة جنب جدهاوقالها: ممكن تساعديني ياحلا

: اه طبعاً عاوز ايه

واحد صاحبي حاسس بانه هايغمى عليه ورافض يروح للدكتور

: اه طبعاً

ونهضت معاه لحد صاحبه علي

عدي قال: اتقصل ياسيدي جبتلك الدكتورة لحد. عندك

علي: مفيش داعي انا كويس

حلا: قولي بس بتحس بايه يمكن اقدرافيدك

علي: رعشة وتعرق وجوع مستمر وريقي جاف مهما شربت وغيامة على عنيا وباخس

حلاكتبتله على ورقة وادتهاله وقالت: حلل سكر تراكمي وتحليل سكر صايم وفاطر وروح لدكتور متخصص ومعاك النتيجة ومتقلقش

علي: يعني دة سكر انا كنت خايف عيلتي كلها عندها

حلا: متقلقش خير باذن الله

علي باعجاب: ماشاءالله لما تتخرجي باذن الله اعتبريني اول زبون

عدي بصله بغيظ وسحب حلا بعيد : تعبناكي ياحلا كفاية تعبك. مع نورا

حلا: تعبك راحة وبعدين نورا دي اختي

ولسة بتلف عشان ترجع مكانها اتفاجئت ب..........

🫢😳😳😳🤔

لقت خالد ونونا داخلين الفرح لأنه صديق لحسن وحسين

حلا حست بضيق ولكن نظرة خالد ليها وهي متأنقة ومبهرة ونظرة نونا المليئة بالصدمة لرؤيتها و بالغيرة جعلت احساس الضيق يتبدل لثقة عالية بالنقس

تقدم خالد ونونا وسلمو على حلا وعدي فضل واقف جنب حلا

خالد: مبروك ياحلا عقبالك

نونا: انا مكنتش اعرف انك هانكوني موجودة

حلا: انا الي عازمة كل الناس ومعرفش انك. جاية

خالد: البهوات نسيوا يعزموني افتكروا امبارح بس

حلا: نورتونا اتفضلو

عدي: مش هتعرفينا

حلا: اه دكتور خالد المعيد بتاعي ونونا زميلتي وخطيبته ودة عدي ابن عمي ظابط شرطة

اتبادلو السلام نونا بصت لعدي باعجاب وعدي بص لخالد بحدة

خالد ونونا راحو سلمو عالعروسين وقعدو

عدي قال لحلا: حلا ارتاحي شويه بقى انتي تعبتي اوي اليومين دول

حلا بابتسامة: تعبك راحة بعد اذنك

وراحت لنورا

شوية والدي جي نده على صحاب العريس يرقصو معاه فخالد قام وساب نونا

الي في ثواني قربت من عدي وفضلو يتكلمو وحلا شايفاهم ومستغربة من جراءة نونا وعي بتضحك مع عدي وبتلمس ايديه بشكل يبان تلقائي بس هي متعمدة

خالد راجع الترابيزة ملثاش نونا بس شاف المنظر فاخد مفاتيحه ومشي بهدوء وهي مش شايفاه اصلا لمحته على باب الكافيه سابت عدي وطلعت تجري وراه وحلا شايفة كل دة

عدي وصحابه قامو يرقصو مع العريس والبنات مع العروسة والفرح كان جميل

خلص الفرح والكل انصرف وراحت عيلة عبد التواب لبيتهم وكل واحد. دخل شقته

شوية والكل اتخض هلى صوت زعيق من شقة محمد وفادية

محمد كان بيزعق مع مجدي وفادية كانت بتصوت وتعيط بصوت عالي

عدي وابوه والجد خبطو على محمد

فتحتلهم فادية وهي بتعيط

دخل الجد بسرعة لقى محمد بيضرب مجدي

منصور وعدي حاشوه عنه ومجدي قال: انا مغلطتش

محمد بعصبية: طيب ياكل.... ب اتفضل قولهم على عملتك السودا

فاديةبعياط : ليه كدة يابني حرام عليك

منصور: فهمونا في إيه

عدي جلس وهو يتثاءب

مجدي: اسمعو ياجدو ياعمي ياعدي بابا عامل كل دة عشان اتجوزت هو انا طفل لازم اخد الموافقة واحدة عجبتني واتجوزنا إيه المشكلة

منصور بسخرية: انت مصدق نفسك ماتسترجل يادكتور وقولهم المشكلة فين

فادية: انا لازم اربيها البت دي انت السبب ياعدي

عدي بعدم فهم وهو يحاول مغالبة النعاس:

وانا مالي بالليلة دي يامرات عمي

الجد: هاتنطقو ولا نمشي الكل عاوز ينام ورانا اشغال

منصور: العروسة تبقى عبير طليقتك ياعدي

فادية: اتحدفت علينا منين دي اخرة صبري ابتي البكري اول فرحتي يتجوز مطلقة

الكل ساكت ومصدوم

مجدي وهو يغادر: انا رايح لمراتي وانتو اتفاهمو سوا

بقلم مرفت السيد

عدي ضحك وقال: انا طالع انام انا طلقتها واي حاجة تعملها دلوقتي برة عني

منصور: لاحول ولاقوة الابالله اهدا يامحمد وانتي يافادية ادخلو نامو وبكرة نتكلم ياللا يابابا عشان ارتاحلك شوية قبل صلاة الفجر

الجد: لاحول ولاقوة الابالله

كل واحد دخل على شقته ونام وطبعا حلا ونورا وهدى حتى حبيبة ومنار ونور كلهم سمعو الي حصل لان صوتهم كان عالي

بس الكل رجع للنوم ورجع البيت لهدوئه مؤقتا

تاني يوم كان عدي بالشغل بيتلقى خبر ترقيته ونقله لمحافظة تانية لفترة بعدها هايرجع شغله ويستقر بالقاهرة بحزن لأنه هايبعد عن حلا

كان امامه 3 ايام قبل السفر

روح البيت لقى الكل مجتمع ومستنيينه عشان يشوفو حل بموضوع مجدي

محمد: انا لازم اخليه يطلقها

فادية: ايوة صح

حلا: اسمحولي كدة هتخلوه يعاند

الجد: كلامك صح يابنتي هو دلوقتي واخد الموضوع على رجولته

هدى: انا عارفة اني غريبة عنكم ولكن ياجماعة الموضوع يتحل بالاقناع

فادية: انتي واحدة مننا دلوقتي

منصور: ايوة ياهدى انتي مش غريبة وكلامك صح

وعلى فكرة ظروف عدي لما اتجوزها تفرق كتير عن مجدي

محمد: ماتتكلم ياعدي

عدي: والله ياجماعة كل حاجة تتحل بالعقل احنا متصل بمجدي ونطمنه ولما ييجي انا الي هاقوله قد ايه غلط بقراره بس مش عاوز انفعال ياعمي وانتي كمان يامرات عمي سيبونا انا وهو

فادية: عين العقل حاضر ياحبيبي

اتصل عدي بمجدي واقنعه يبجي وان محدش هايضايقه ولا هيحصل زعيق

شوية ووصل مجدي الكل قاعدين بيتابعو بدون تدخل زي ماعدي طلب منهد

دخل وقعد وبعدها قال: ياجماعة انا مغلطتش قولي ياعدي هو انا بنت

عدي قاله: شوف يامجدي انا مش بألومك بس عالاقل استشيرني يااخي كلمني دة احنا صحاب مش ولاد عم

مجدي: حقك عليا بس انت بالذات كنت هاترفص

عدي: يامجدي افهم البنت دي مش زي ماانت شايفها دلوقتي ملاك نفس الدور دة عملته عليا قبلك بس الخقيقة انها عكس كدة

مجدي بانفعال: عشان عارف انك ظلمتها

وبص لحلا وهو بيقول لعدي: وحبيت غيرها

عدي اتنرفز من نظرة مجدي لحلا وفجأة ضربه قلم

وقاله بعصبية: مش معنى اني محترمك وباعاملك كراجل ومش عاوز اعيب بسيرة واحدة كانت على ذمتي في يوم انك تنسى نفسك واسمع بقى ياعم الراجل الملام دة اول مرة هقوله عبير دي حرباية في عز ماجدو كان بالمستشفى كانت بتتفق مع امي على اتهام ابويا بالتحرش بيها وتحاول تحمل مني وخطها بالشات بالفون معايا بالتاريخ ورغم كدة وقفت جنبها طلقتها وجبتلها شقة بمكان راقي وامن

وردت الجميل بانها لفت عليك وعملت عليك ضحية

عامة انا عاوزك تكمل معاها عشان تكتشف لوحدك حقيقتها. حلال عليك يابن عمي مبروك

وسابهم وخرج

مجدي انهار عالكرسي منطقش بحرف وسط ذهول الجميع

وصدمتهم الكل بيبصو لبعضهم مش مصدقين اليى سمعوه

الجد قال:لله الأمر من قبل ومن بعد

قام واخد حلا ودخل شقته وكذلك منصور ومحمد وفادية دخلو اوضتهم ومجدي لقى نفسه لوحده مفيش حد. معاه غير باسم اخوه

راح حضنه واداله شيكولاتة وخرج ركب عربيته واتجه للصيدلية بتاعته وفونه مش بيبطل رن

قفل فونه وقعد على مكتبه هو بيفكر في الكلام الي عدي قاله

بالليل عدي رجع البيت ولسة طالع شقته اتفاجأ ب.........

😳😳😳😳🤔🤔🤔🤔🧐

لقى حلا بتنده عليه يطلع

طلع وهو مستغرب وقفت على باب الشقة قالتله: عاوزاك بموضوع مهم

عدي: خير طيب فين جدو

قالتله: نايم تحت بشقته

ايوة بس انا مينفعش ادخل

: هو انا قولتلك ادخل حبيبة ومنار قدامك اهم قاعدين ونور كمان بيلعبو

بص جوه الشقة لقاهم بيشاوروله

ابتسم وقالها: مااتصلتيش بيا ليه طيب

عشان مكنتش فاضية اسمع بقى بكرة افتتاح المسجد الي بعمله على روح ماما وبابا

: مبروك ياحلا ربنا يجعله بميزان حسناتهم

ينفع تيجي معانا انا وجدو صد رد عشان اشغالنا وكدة ولا أاجر عربية

ضحك وقالها: عنياحاضر بس مش هينفع نبات

مخك بقى تخين ليه

: مقبولة منك

ياللا انزل نام

: مفيش اي مقابل طيب 🤣

عاوز ايه🤔🙄

بصلها بنظرة كلها حب وتأمل في وجهها وقال بابتسامته الهادئة: كدة خالصين تصبحي على خير

مجنون انت صح😒

عدي ممكن سؤال اخيرقبل ماتمشي

: طبعاً

نونا كانت عاوزة منك ايه بالفرح انا قتبلتها بالشغل وكانت لطيفة معايا على غير العادة

: كويس انها مش صديقتك ومجرد زميلة لأنها ....

بصي باختصار بلاش تتكلمي معاها تاني

طيب فهمني

: مش هقولك اكتر من اخلاقك عكس اخلاقها

حلا بانفعال: طيب كانت بتقولك ايه برضه ماردتش عليا

ابتسم : كانت عاوزة رقمي

تمام تصبح على خير

همس وهو نازل: وانتي من اهلي

دي بتغير ولا فضول🤔

بالصباح انصرف ثلاثتهم وبالطريق قال الجد: عدي حسن اتصل بيا لان تليفونك. كان مقفول وعاوزنا ضروري بكرة انا وانت

بكرة مفيش مشكلة لان بعد. كدة مش هينفع

الجد: ليه

بص لحلا بالمراة وكانت تنظر على الاشجار طوال الطريق وترتدي نظارتها الشمسية

وقال: انا اتنقلت ياجدو لبلد تانية

حلا شعرت بحزن ولكنها تظاهرت باللامبالاة

الجد: ليه كدة بس وماقولتش ليه

انا لسة عارف امبارح دي ترقية بس بعدها هارجع على طول هنا

الجد: شوفتي ياحلا البيه كان مخبي علينا

حلا: مكانش في فرصة يقول من امبارح والمفاجات كتير مبروك ياعدي

الله يبارك فيكي

الجد: ربنا يحفظك وتروح وترجع بالسلامة

وصلو البلد وتوجهو لبيت ايمن ثم للمسجد

بكت حلا وهي تتأمل المسجد بسعادة وتم الافتتاح بحضور العمدة والعائلة باجمعها واهل البلد كان الجميع يدعو لأمها وابوها بالرحمة

ودخل الجميع ليصلو به وكان الجد هو الإمام

صورت حلا المسجد والافتتاح وقامت بنشر الفيديو على مواقع التواصل تحت عنوان وولد صالح يدعو لهما

وبعدها صمم الجد على الانصراف ولكن تحت الحاح محرم تناولو الغداء كان عمر ينتهز كل فرصة ليتكلم. مع حلا وعدي يستشاط غيظا ثم انصرفو محملين بالزيارة زي كل مرة

كانت حلا سعيدة جدا وعدي طول الطريق ينظر اليها وهو يحاول تمالك اعصابه ولاحظ الجد فربت على كتفه وقال له هامسا: الصبر

بقلم مرفت السيد

وصلنا البيت ووزع خضار وفاكهة على البيت كله و كل واحد دخل شقته عشان ينام

ماعدا عدي طول الليل بيشرب سجاير وقهوة ودة لما يبقى قلقان وبيفكر

قدامي يوم وامشي اعمل إيه طيب هي رافضة الارتباط دلوقتي اتطمن انها مش بتفكر بالارتباط ولا اقلق لتحب حد وترتبط وتغير كلامها

واخيرا وصل لحل يطمن قلبه

فضل مستني النهار يطلع بفارغ الصبر

اول ماحس بحلا رايحة شغلها نزل وراها نده عليها: حلا تعالي اوصلك

لا متتعبش نفسك

: تعبك راحة دي اخر مرة هاوصلك قبل السفر وبعدين عازمك نفطر سوا وعاوزك بموضوع

اذا كان كدة ماشي

قعدو بمكان قريب من شغلها وهو متوتر جداوبعد طلب الفطار

قالتله: خير بقى في إيه

حلا انا....

سكت وتناول رشفة من القهوة

: انت إيه وبعدين. كل هاتشرب قهوة على معدة فاضية

ابتسم وقالها: سامحيني لترددي انا خايف وشايل هم رد فعلك

انت علمتني اتكلم وادخل بصلب الموضوع دايمٱ

: حلا طب افطري الاول وبعدها هاقولك

افطر انت كمان

بعدما انتهيا من تناول الافطار نظرت له وقالت: انا مستنية اهو مفيش وقت قول يااما ماتقولش

: حلا

ها

: في حد بحياتك؟

انت عارف رأيي

: عارف بس..

خلص ياعدي

: حلا انا محتاج منك وعد

بايه

: ماترتبطيش ولاتتخطبي او تتجوزي لحد مااخلص وارجع هنا بشكل نهائي

واوعدك ليه

: عشان خاطري مليش خاطر عندك

ليك بس افهم

: اتحمليني معلش عارف طلبي غريب ومفيش مبرر قوي اقدر اقوله عالاقل دلوقتي

لأجل خاطر حب بابا وجدو ليك انا موافقة مع استغرابي بس هاريحك

ابتسم وتنهد بارتياح: ربنا يطمن قلبك

ياللا بقى وصلني للشغل

ذهب كلا منهما لعمله وبالمساء اتصل حسن بعدي وبلغه انه بانتظاره

وصل عدي لقى حسن وحسين بانتظاره مع الجد ونورا وحلا ومنصور

اتبادلو السلام

منصور قال: اتفضل يابنات في اوضتكم عشان حسن عاوزنا بموضوع خاص

عدي: خير

حسن: انا محرج اتكلم وانا آسف على الكلام الي هقوله

الجد: قول يابني قلقتني

حسين بتردد: بصراحة كدة الكلام يخص عمتي

منصور: مالها

حسن: جتلنا البيت وقالت كلام احنا اتفقنا انكم لازم تعرفوه

عدي بنفاذ صبر: خلصو اتكلمو على طول

حسين: قالت كويس اني متجوزتش حلا وانهما هاترفض اي عريس عشان...

منصور: خلص قول

حسن: ياجماعة مش بالسهل كدة نتكلم

حسين: انا اسف بجد قالت انك ياعدي غلطت مع حلا

عدي بصدمة: إيه 😳😳

منصور بغضب: حسبنا الله ونعم الوكيل

الجدبهدوء: شوفو ياجماعة منال بتعمل كل دة نكاية فينا وانتمو لو حد منكم صدقها مايلزمناش يدخل بيتنا تاني

عدي: ايوة الي يصدق يصدق مش محتاجين نثبت لحد حاجة بس دة ميمنعش ان حقنا هاناخده حتى لو من امي

حسن: حاشا لله. نصدقها دة امي طردتها

حسين: اعوذ بالله انا مش مصدق ان في ام كدة

حسن: الكلام دة مش هايأثر بعلاقتنا ولا اكنه اتقال احنا بلغناكم عشان تعرفو هي بتنشر عليكم. كلام بالباطل وممكن تأذي حلا بيه فلازم وقفة

عدي مسك تليفونه وخرج عمل مكالمة ورجع بابتسامة قال: وانا خلاص اتصرفت

منصور: عملت ايه

عدي: ولاحاجة جوزها بيبيع مخ.... درات وزمانه اتمسك وكلها ربع ساعة وهتكلمني

مكملش جملته واتصلت بيه فتح الاسبيكر: الحقني ياابني جوزي قبضو عليه

وانا مالي

: ساعدني دة بريء

طيب مانا وحلا بريئين من اتهامك لاول ولاخر مرة لو جبتي سيرة حلا تاني مش هاراعي انك امي

عيطت وقالت: انا مقلتش عنكم. حاجة الي بلغكم. كداب يابني ارجوك انا....

قفل عدي الفون وابتسم

الجد: ربنا يهديها

حسن وحسين قالو: والله قالت

منصور: احنا عارفين متشغلوش بالكم هي مستعدة عند المواجهة تقسم انه محصلش منها

عدي: بعد اذنكم حلا ونورا ميعرفوش حاجة عن الكلام دة

انا لازم انام عندي سفر بكرة بعد اذنكم

تاني يوم ودع عدي الجميع واهداه الجد. مصحف واحتضنه وهو يدعيله

وكذلك ابوه ومراته وعمه وكل من بالبيت لحد. ماجه دور حلا

اهدته بوكس صغير وابتسمت وقالتله: خلي بالك من نفسك دي هدية بسيطة

ابتسم: انتي كمان وطمنيني عليكي باستمرار

لا اله الا الله

حلا: محمد رسول الله

سافر عدي ومرت الايام والكل مشغول بحياته

لحد مامرت 3 سنوات و

احداث جديدة وتغيرات بدءا من الاجزاء الجديدة

طوال فترة عمل عدي في بلد تانية رفض يرجع الا بعد ماحلا تكون خلصت دراسة حتى الاجازات كان بيعذب نفسه ويرفض يرجع لعيلته كان عاوز لما يرجع يكون بشكل نهائي

حلا تفوقت بدراستها والنهاردة يوم. تخرجها وتكريمها لانها من اوائل دفعتها

يوم التخرج كان جدها رغم مرضه وكبر سنه صمم يكون موجود ومعاه حبيبة الي بتدرس بكلية هندسة وفاضلها سنة على التخرج ونورا الي بتشتغل دلوقتي بفندق تحت التدريب لانها لسة بتدرس سياحة و فنادق

وهدى مرات منصور الي بتعتبر حلا زي بنتها

وندهو على اسم حلا منير وطلعت عشان تستلم شهادتها وهي ترتدي روب التخرج واهلها والكل بيصقفلها لانها محط اعحاب واحترام الجميع اتفاجئت بدخول عدي سلم على العيلة ووقف معاهم يحييها

معاه بوكيه ورد وبابتسامته وكاريزمته نزلت وراحت لعيلتها حضنتهم وبصتله وسلمت عليه

قالها وهو بيهديها الورد: مبروك ياحلا

: الله يبارك فيك وحمد الله على سلامتك

احلويتي

ابتسمت بخجل: وانت اتغيرت برضه

ياترى للاحسن

: طبعا طلعلك عضلات اكتر من زمان😁😄

قاطعهم خالد ونونا

نونا: مبروك ياحلا

حلا: الله يبارك فيكي

خالد وهو يناولها دعوة زفاف: هانستناكي بفرحنا الخميس الجاي

حلا: مبروك

نونا وهي تنظر لعدي باعجاب : وانت كمان ياحضرة الظابط معزوم

عدي بابتسامة باردة: لو حلا هاتروح هاكون. معاها

بقلم مرفت السيد

خالد: هتكملي شغل معانا طبعاً

حلا: للاسف هشوف التكليف هايكون فين الاول

نونا: اوك ياللا باي

بعد اتصرافهما حبيبة قالت: اعوذ بالله الاتنين اتنح من بعض

نورا: ماجمع الا ماوفق

حلا: خانته 3 مرات ومكمل معاها بسبب ضغط عيلته

الجد: طيب ساعدني ياعدي انا عاملكم عزومة بمناسبة نجاحكم كلكم

حبيبة: اه ياجدو ياشقي بتوفر 3 *1

ضحك الجد: بس يابنت انتي فاكراني عاملكم اكلة سمك ولا ايه

عدي: بس دة واجب عليا

هدى: لا انت مش فاهم ياعدي جدك هايدبح عجل بمناسبة نجاح وتفوق احفاده كلهم

حلا: لأ كدة الكلام كبير ياللا بينا عالبيت

عادو لمنزلهم ليجدو محمد ومنصور وخين وحسين ايضا بانتظارهم بالطبل البلدي وموزعين شربات على الجميع وبانتظار حضورهم ليذبحو العجل ويوزعوه

وكانت مفاجأة عودة عدي

فادية وهي تحتضن حلا: ربنا يحفظك من العين يادكتورة

بكت حلا فتضايق عدي وقالها: ليه بس مالك حد زعلك

حلا: لأ بالعكس ربنا يخليكم ليا بس كان نفسي بابا يكون. هنا دة حلم حياته

الجد: هو حاسس بيكي وفرحان بكرة هنزوره باذن الله

احتضنها اعمامها بكل حب وفخر وقامو بالذبح وتوزيع اللحم على الجميع

وبعدما انتهو جلسو جميعهم مع الجد

حسن قال: اظن كدة انت خلصت انتداب ياعدي ورجعت خلاص صح

عدي: اه خلصت الحمد لله

حسين: طيب احنا عاوزين نستغل وجودكم. كلكم ونحدد فرح نورا وحسن

منصور: مفيش مشكلة

عدي: انت خلصت شقتك ياحسن

حسن: اه طبعاً على ذوق نورا كمان واخترنا العفش ومفيش حاجة ناقصة

عدي: ماشي بعد شهر كويس؟

منصور: حلو كدة تنزلو تحجزو قاعة وتحددو التاريخ ياولاد

حسن: على بركة الله ياعمي

الجد: وانا الي هكتب الكتاب باذن الله

حلا: دي احلى حاجة ياجدو بالموضوع

قامت فادية وهدى بالزغاريد

وحلا وحبيبة ونور قبلو نورا وباركولها

حبيبة: بعد اذنكم بقى ملناش بقعدات الرجالة الحلوين الكبار دول احنا هنطلع نحتفل فوق في شقتنا حفلة بنات وبس

منصور: لسانك عاوز قصه

قبلته حبيبة: حبك انا يامنص ياعسل انت

ضحك. الجميع على شقاوتها

بعدانصراف الجميع عدا العائلة سألهم عدي: اخبار مجدي إيه

محمد: اسكت ياعدي دة خلى عبير تتنازله عن كل ماتملك عشان يكمل معاها ويامنلها ومعاهم بنوتة اسمها اسما وحامل

منصور: مجدي اتغير وبقى حاجة تانيه وعنده صيدليات ربنا يزيده طلع امه تحج على حسابه اما عمك رفض وقال تحرم عليافلوس مراته

الجد: بس هو بيشغل فلوسها مش سارقها

عدي: والله طالما كويسين وبالرضا بينهم دي حياتهم وهما احرار

فادية: كانو جايين بس الحمل تاعبها اوي

عدي: طيب بما انكم مجتمعين انا عاوزكم بموضوع مهم

الجد: خير

عدي: انا.........

🙄😳😳😳🤔🤔🤔

عدي: انااا عاوز اتجوز حلا

منصور: ياريت دة يوم المنى

محمد: والله انت تطلبها من جدها هو الي رباها

الجد: ماهو طلبها من ابوها قبل وفاته وقاله بعد ماتخلص دراسة وطلبها مني ووقتها كانت صغيرة وهو اتجوز فانا رفضت ولما طلق هي قررت بنفسها مفيش مواضيع جواز تتفتح الا بعد الدراسة

عدي: واهي خلصت دراسة

الجد: ايوة بس لسة عندها تكليف وهاتشتغل

عدي: وانا معنديش مانع تشتغل

الجد: خلاص اصبر بس هي ترتاح شوية من انتهاء الدراسة وانا هافاتحها

عدي: ياجدو انا صبرت كتيييير

منصور: ايوة ياحاج يصبر ليه ماتكلمها

محمد: ياجماعة بالراحة بابا اكيد له حكمة

الجد: فهمتني يامحمد ايوة ليا حكمة وانت بالذات ياعدي لازم تفهم اني مأجل كلامي معاهالمصلحتك

عدي: حاضر ياجدو الي تشوفه

الجد: ربنا يباركلك حلا ليك بإذن الله بس اسمع كلامي

عدي: يارب

اما فوق البنات كانو بيهزو ويضحكو ويغنو فرحانين عشان نورا

هدى: عقبالكم يابنات واشوفك عروسة قريب ياحلا

حبيبة: ايوة يارب احسن دماغها ناشفة

نورا: لا مش عاوزين دلع ياحلا

منار: خلاص بقيتي دكتورة مفيش حجج تاني

حلا: اتهدو خلاص انا لسة ماقررتش

انا داخله انام عشان مرهقة

خلصو حفلتهم ومنار وحبيبة دخلو ينامو

وهدى ونور ونورا نزلو شقتهم

والبيت كله نايم كل عيلة بشقتها بس كان في حد بيحوم. حوالين البيت وحد من الجيران اسمه شريف بالبيت المجاور لهم اخد باله

اتصل بمنصور وقاله: خد بالك في اتنين رجالة بيلفو حوالين البيت ورايحين. جايين كدة ومنظرهم مريب انا صورتهم وهبعتلك عالواتس

قفل معاه ودخل منصور صحى ابنه

قام عدي مفزوع من النوم وهو بيقول: خير يابابا في ايه

بقلم مرفت السيد

منصور: شريف جارنا مصور اتنين بيحومو حوالين بيتنا خد الفيديو اهو

عدي قام بسرعة ولبس هدومه واتصل بالقسم وفي دقايق كان اتقبض عليهم

وعند استجوابهم بوجود عدي انكروا ولكن مع الضغط ومواجهتهم بالفيديوهات الي مصوراهم بيلفو حوالين البيت واتضح ان ليهم سوابق

واحد منهم قال : بصراحة كدة واحدة اجرتنا نراقب تحركات واحدة من البيت دة دكتورة ومعانا صورتها

التاني قال: ايوة يابيه ولما سألناها ليه قالت عشان تخلصو عليها وتريحوني منها

الظابط: معاكم دليل على كلامكم؟

المجرم الاول: اه يابيه رقمها ورسايلها وممكن اتصلك بيها حالا اسمها منال وجوزها محبوس بقضية مخدرات

وقدمو دليل ادانتها واتصلو بيهاوبالفعل تم اثبات تورطها

الظابط: ايه ياعدي تحب نخلصها ودي

عدي للظابط: انت مستني ايه ياامجد اقبض عليها القانون فوق الجميع وهي اخدت فرص كتير بس مفيش فايدة

روح عدي وهو مرهق وتعبان وحكى لابوه الي حصل لقى منصور بيطلب منه يوصل اخته وبنات عمه يشتروا لوازم. الجهاز

لسة بيقول: يابابا انا مانمتش

لقى حلا طالعه ولابسة تريننج سوت اسودّ وزي القمر فيه وبتقول: ازيك ياعدي ازيك ياعمي نطلب اوبر ولا إيه

قاطعها عدي: انا جاهز اوبر ايه بس انا اخو العروسة ياللا بينا

منصور وهدى بصوا لبعض باستغراب وانفجرو من الضحك

نزل عدي حكى لجده الي حصل لحد ماالبنات جهزوا ونزلو ركبو العربية لسة عدي هايركب لقى تخته. نورا قاعدة جنبه

عدي قال لاخته بهمس: انزلي اقعدي ورا وخلي حلا مكانك بدل مااتحجج وارجع

نورا بضيق: تعالي ياحلا مكاني

حلا: ليه

نورا: عشان اخويا الحنين بيتضايق من كلامي بالقون صوتي بيزعجه

حلا بدلت معاها

انطلقوا للمحلات والمول وهناك عدي قابل صاحبه علي قعد معاه وشربوا قهوة وفضلو يتكلمو

علي: انت واحشني

عدي: اديني رجعتلكم. اهو

ولما علي لمح حلا قال لعدي: انا طلقت مراتي بقالي شهرين

عدي: ليه كدة

علي: نصيب

عدي: ربنا يعوضك

علي: ماهو انا بقالي فترة متردد بس في واحدة عاوز اتقدملها

عدي: ومستني ايه

علي: مساعدتك

عدي: انا ليه عاوز تتجوز اختي خلاص على وشك فرحها بعد شهر

علي: لأ عاوز بنت عمك الدكتورة الي زي القمر دي

وشاور على حلا

عدي شرق وهو بيشرب القهوة ووشه احمر بس تمالك اعصابه: للأسف اتأخرت ياعلي

علي: ايه اتخطبت

عدي: على وشك

علي: طب طالما لسة يبقى فرصتي موجودة

عدي: ماهو عريسها يبقى صاحبك

علي: مين

عدي بابتسامة: أنا

علي بارتباك: انا اسف مكنتش اعرف

مبروك

عدي: الله يبارك فيك

علي: عن اذنك انا ورايا مشوار

عدي: سلام

خلصو وروحو وعدي بيغلي وقبل ماحلا تنزل قالتله: عدي انا عاوزاك تعلمني السواقة

عدي: من عنيا بس ليه

حلا: هاشتري عربية انا هحتاجلك معايا كتير اوي الايام

عدي بسعادة: انا تحت امرك

حلا: عاوزاك انت وجدو بكرة ضروري

عدي: طب ليه مش دلوقتي

حلا بمكر: بص لعنيك انت مانمتش اطلع ارتاح وبكرة نتكلم

عدي: على فكرة هديتك وانا مسافر مافارقتنيش لحظة

حلا ابتسمت ودخلت البيت

عدي بص لساعته وابتسم بسعادة و سلم على جده وطلع شقته نام

وباليوم التالي حلا جمعت عدي وجدها وحبيبة

الجد: خير ياحلا

عدي: انا قلقان بصراحة

حلا: خير متقلقش

عدي: طيب الحمد لله

حبيبة: في إيه يالولا

حلا: انا......

🤔🤔🤔🤔🙄😳😳

حلا: انا بعد اذنك ياجدو هابدأ إجراءات استلام فلوسي انا وحبيبة من البنك

الجد: وماله ياحبيبتي حقكم

حلا: ربنا يخليك لينا ياجدو يارب

عدي: طيب انا حاسس ان لسة قي كلام تاني عندك

: معاك حق ياعدي

انا هعمل مشروع خيري جمعية خيرية شاملة مسجد ومستشفى

ايه رأيكم؟

حبيبة: ياريت دة مشروع ممتاز

الجد: كلام حلو اوي يابنتي ربنا معاكي

عدي: وانا معاكي بتخليص الاوراق

الجد: بس يابنتي كدة انتي هاتنشغلي اوي والعمر بيجري

حلا: قصدك ايه ياجدو

: تتجوزي يابنتي

عدي سكت وقلبه بيدق الجد. كمل كلامه: ويكون انسان مايعطلكيش عن طموحك ويساعدك

حلا: اه عندك حق طبعاً

حبيبة: يعني موافقة على الجواز

الجد؛ ايوة كدة هي موافقة

حلا: اه موافقة ومش بس كدة انا قدامي الشخص الي موافق على كل دة ومستني من زمان وهايستنى كمان ويساعدني وانا مش هالاقي زيه ومحدش يسألني هو مين لأني هاعلن عن ارتباطي بيه رسمي لما اخلص وافوق

الكل بحالة صدمة ولكن. عدي اتعصب وقال: تعرفيه من امتى؟

حلا ببرود: من زمان

: ازاي وانتي كنتي ضد الموضوع دة طول فترة دراستك

عادي هو استناني

: مين ياحلا وازاي تعملي كدة

وايه يعني هو اني اختار شخص مناسب عيب

: لا العيب إنك تاخدي قرار لوحدك وتلغينا مش يمكن يطلع وحش

مستحيل

: يمكن طمعان فيكي

محصلش

: يمكن بيلعب بيكي

لايجرؤ

: ومستنيكي بدون مقابل؟

اه بيحبني من قلبه

: مفيش حد بيحب ويستنى كل دة بدون مقابل الا الحب وبس

لأ في على فكرة

: مش مصدق انك تعملي كدة

عملت إيه يعني

: اخترتي بدون مشورة حد وقررتي لوحدك ولغيتي وجودي ووجود جدك

دي حياتي ياعدي

صمت للحظة ونظر اليها بخيبة امل وهو يغالب دموعه وشعوره بالألم ثم هتف بعصبية مخيفة: لأ مش حياتك لوحدك

دي حياتي انا كمان

الجد: اهدا يابني

لا ياجدو خلاص مفيهاش اهدا واستنى انا تعبت

وجلس متهاويا على اقرب كرسي ووضع رأسه بين يديه

بقلم مرفت السيد

حبيبة نظرت لحلا بعتاب

حلا اقتربت منه وقالت: عدي محدش عندي اغلى منك بدل ماتساندني بقراري وتفرح عشاني

ماردش عليها

: بصلي ياعدي

وبعدت ايديه عن وشه بصلها وهو صامت ابتسمت وقالتله: ممكن تديلي فرصة اني اعرفك بيه بعد. مااخلص مشروعي ولو معجبكش هارفضه فورا

فكر بسرعة وعجبه الحل ووجد بصيص امل بكلامها فقال بهدوؤ : بجد ياحلا

بجد ياعدي

: طيب انتي قابلتيه او ناوية تقابليه

محصلش ومش هايحصل

: ولاتتصلي بيه

حاضر ياعدي

: انا اسف اني انفعلت دة خوف عليكي

عارفة ربنا يخليك ليا

وبعدين انا رايحة البلد اخر الاسبوع وهحتاجلك. معانا وبعدها نبدأبالاجراءات وقي مخامي صديق بابا الله يرحمه هانروح نقابله الاسبوع الجاي واوكله يخلص كل حاجة بس برضه هحتاجلك معايا

: وانا عنيا عشانك هستأذنكم. انا عشان. هصحى بدري

بعد. انصرافه الجد: ليه كده ياحبيبتي

ياجدو انا عارفة بعمل ايه انت طول عمرك عارف اني قد المسئولية واقدر اتصرف

: ايوة بس

متتعبش نفسك ياجدو ارجوك انا فهمتك الي في دماغي وانت وافقت

: بس صعب عليا اني....

حبيبة: ياجدو ياحنين

حلا: ياللا ياحب عمري نام واتطمن الي انت عاوزه هايحصل

الجد: امري الى الله

صعد. عدي لغرفته واغلق الباب على نفسه وامسك بفازة والقاها على الحائط بقوة فانكسرت طرقت نورا الباب فقال بغصبية سيبوني في حالي وجلس حتى يهدأ وظل يقول لنفسه يارب ماتتجوزه يارب قلبي واجعني انا باحبها متحرمنيش منها انا ممكن. اموت لو دة حصل

كان.عدي ينتظر يوم السفر بفارغ الصبر وكاد يطير من السعادة لما علم انه هايسافر معاه بمفردهما لاتشغال حبيبة ومنار مع نورا بتجهيزات الزفاف الي اقترب ميعاده

والجد حالته الصحية لاتسمح بالارهاق والسفر

انطلق مع حلا وقلبه يدق بقوة وهي نائمة اغلب الطريق وهو يتأملها بسعادة

اقتربا من الوصول فايقظها فطلبت منه ان ينتظر خارج السيارة حتى تعدل هندامها

فغادر السيارة حتى نادت عليه

كانت تضع عطرها المفضل له فقال لها: عارفة ياحلا انا باكره مشواررك كل فترة للبلد دي

: ليه

عشان خالك راجل امين وتقدري ترتاحي وهو يتابعك بتتعبي من السفر وكدة

: بجد. دة السبب ولا عشان. عمر

اتوتر وقال: اه انا مش بارتاحله

: بس هو كويس

حلا اوعي يكون هو الشخص المقصود

ابتسمت وقالت : احنا وصلنا

استقبلها خالها وزوجته الحامل وابنهما الي بقى طفل جميل وابنتهما الصغيرة ذات العامان

اتبادلو السلام وكان. محرم وعمر بانتظارهم بمنزل أيمن

تهلل وجههم لما شافوها وبعد السلام وتبادل كلمات الترحاب

محرم. قال: فين جدك امال

عدي: تعبان شويه

عمر: سلامته الف سلامة مبروك على النجاح

حلا: وانت مبروك الجواز

اتصدم. عدي وابتسم وقال: الف مبروك

عمر: الله يبارك فيكم عقبالكم

محرم: عقبالك ياحبيبي انا ليا ورق كدة بتاع حد. حبيبي محتاج واسطة في مصر عشان يخلص

عدي: من. عنيا خد ارقامي والي يكلمتي يقولي من. طرف الحاج. محرم

احضرت زوجة ايمن الطعام وتناول الجميع الغداء، سويا

وبعدها انطلقوا لزيارة الارض والمسجد واصرت حلا على التبرع بربع مكسبها من الارض الى المسجد ليتم توزيعه على الايتام والفقراء

وبعدما انتهوا انصرفا محملين بالزيارة كالعادة

بالطريق سألها عدي: ماقلتليش ليه ان عمر اتجوز

مجاتش مناسبة

: بقيتي شخصية مش سهلة خالص

ضحكت: ودي حاجة حلوة ولاوحشة

: انتي حلوة بكل حالاتك

ابتسمت واحمر وجهها🤭😊

وظلا طوال الطريق يتبادلا الأحاديث والمزاح تمنى عدي الا ينتهي الطريق حتى وصلا بسلام

وبدأ اسبوع جديد وطوال الاسبوع وعدي يرافقها من المحامي للشهر العقاري للبنك

وبعد انتهاء ألاوراق عدي ساعدها بالحصول على ارض قريبة من المنزل ومناسبة لبناء المسجد والمستشفى

وبدأ البناء فيى مشروع احلامها وعدي يتمنى الا ينتهي البناء حتى لا يقابل العريس

وبيوم عاد عدي من عمله ليسمع زغاريد من المنزل دخل وهو يضع يده على قلبه ليجد...............

😳😳😳😳🤔🤔🤔🤔🤔🤔

فجأة سمعو صريخ في العيادة

والدكتور طلب الممرضة تدخله

قام عدي بقلق وقال : دي حلا

السكرتيرة قالتلهم: متقلقوش دة طبيعي

مجدي: متقلقش ياعدي يمكن. تكون واخيرا اقتنعت بوفاة عمو منير وبتعبر عن حزنها

شوية والدكتور ندهلهم وكانت حلا نايمة

قالهم: هي بترتاح دلوقتي وانا اديتلها ابرة مهدئة وان شاء الله لما تفوق هاتلاقوها بقت طبيعية هاتعيط وتحزن

عدي: يعني ناخدها ونروح

الدكتور: مفيش مانع

مجدي: هي كدة هتحتاج جلسات تاني

الدكتور: هي خلاص رجعت طبيعية جدا وابقى طمني عليها يامجدي وانا هقولك هتحتاج. حلسات تاتي ولا لأ

عدي شال حلا لحد العربية وروحو بيها ولما وصلو شالها

الجد شافه جري عليه قاله: مالها

عدي: خدت إبرة مهدئة

فادية ومحمد طلعوا يطمنو عليها

فادية: طيب يابني طلعوها فوق

الجد: انا هاسبقك وافتحلكم الباب

محمد: اصل حبيبة نايمةهنا مع منار ونور

طلعو فوق وعدي دخلها لحد. اوضتها مع الجد

ولما خرج لقى الجد بيبكي وهو ماسك سجادة الصلاة بتاعة منير

ومجدي بيواسيه عدي قال: وحد الله ياجدي انت راجل مؤمن

الجد: لا إله إلا الله

مجدي قال: جدي دة احنا بنتعلم الايمان والصبر منك

الجد: ربنا يصبرني فراقه صعب

اقعدو ياولاد انا هعمل قهوة هعملكم معايا

ودخل بدون انتظار الرد يعمل القهوة

فجأة الباب خبط عدي فتح لقى اخته الصغيرة اخر العنقود نور بتعيط وبتقوله عدي بابا وماما بيتخانقو ونورا عاوزة تموت نفسها

عدي نزل جري لقى منصور ومنال بيتخانقو ونورا بتبكي وفي ىسكينة عالارض

جىي عدي حضن نورا وقال بزعيق: في إيه يابابا انتو بتتخانقو ليه ومالها نورا إيه اللي بيحصل

منصور: لقيت امك عاوزة تاخد نورا ويروحو عيد. ميلاد بنت اختها ونورا زي ماانت عارف بتنام من العلاج ومينفعش كمان تخرج بملون ومكياج قدام البيت ومفيش اي دم عندها ولا اكن الي مات اخويا

نورا سمعت زعيقنا كانت هتموت نفسها لولا لحقتها

منال: وفيها إيه لما اخرج ببنتي ونشم هوا ونفرح عادي هو قعادي هنا حزينةهايرجع منير الله يرحمه ماكفاية انت ياعدي باشا بقيت مرهون لحلا خلاص انا الوحشة دلوقتي

عدي بصلها بذهول ومنطقش اما منصور قالها: تصدقي انك. معدومة الدم والاحساس اتفضلي

وشدها لحد باب الشقة وخرجها برة وقالها: روحي لاختك وهيصي وارقصي ومترجعيش

عدي دخل نورا اوضتها اترمت في حضنه وقالتله: متزعلش مني ياعدي انا اسفة على اي حاجة عملتها غلط انا هاتغير

عدي ربت على رأسها وابتسم وقالها: وانا واثق من كدة ناني يانورا عشان بكرة تطلعي تعزي بنات عمك وتوريني التغيير الي بجد

نورا: حاضر انا والله زعلت على عمي دة كان. طيب

عدي: حبيبتي انا عاوزك تعرفي ان الدكتور بيقول انك بقيتي افضل وانك دلوقتي تقدري تخرجي لوحدك وتتعاملي مع الي حواليكي لانك واهيرا بقيتي تعرفي ىالفرق بين الصح والغلط والحرية والتسيب

نورا: ربنا مايحرمني منك

: تصبحي على خير

وانت من اهله

عدي خرج لقى نور نايمة عالكنبة شالها ونيمها على سريرها بجوار نورا

البيت كله نام والصبح صحيوا على.. الجد بينده عليهم كلهم يطلعوله

الكل هرول لشقة منير لقوا حلا بتصرخ وبتعيط بهستريا والجد. مش قادر يهديها

بقلم مرفت السيد

مجدي قال: الدكتور قال دة طبيعي

فادية: لا مينفغش نسيبها كدة

عدي: سيبوها تطلع الي جواها

فضلت تصرخ وتعيط

وتقول: سبتني ليه يابابا انا مليش غيرك

اعمل ايه من بعدك يارب

وفضلت تكسر في كل الي ايدها تطوله لحد. مافقدت الوعي

شالوها لحد. اوضتها ومحدي اتصل بالدكتور الي قالهم. دة كبيعي وصحي وهي هاتصحى وهترجع طبيعية بحزنها ومع الوقت هاتهدا ومفيش اي قلق دة مان. محرد صدمة وانكار

محمد: لاحول ولاقوة الابالله العلي العظيم

الجد: روحو شوفو اشغالكم انا مش هاسيبها

عدي: انا اجازة ياجدو

مجدي: وانا خلصت امتحانات واجازة

محمد: انا هاروح شغلي بالاذن

فادية نزلت مع جوزها

وحبيبة ومنار صحيوا وطلعوا قعدو مع جدهم

عدي: انا عاوزك بموضوع ياجدو

الجد: قول ياحبيبي

عدي: ممكن ندخل البلكونة نتكلم براحتنا

قبل مايتحركو دخلت نورا كان شكلها متغير للكل لبسها وشعرها بقت ارق واجمل

سلمت على الجميع وطلبت منهم تدخل تطمن على حلا

الجد: دي اتغيرت خالص