رواية أنتقام عاشق 🔞 الفصل الأول 1 - بقلم الحساب مغلق

للكاتبه روز محمد

...♡♡قراءة ممتعه...

جنت نايم لما سمعت صوت المضيفة صحتني وكالت : وصلنه أستاذ لبغداد ...
......
وأخيرا. ...وصلت بعد شهر ونص  سفر من دوله لدوله لحد ما مليت ....
اني بسرعة صحصحت شغلت موبايلي واتصلت بالسايق عبد المنعم ....

الو .... عبد اني وصلت للمطار تعال حتى تاخذني ...

صار أستاذ ...الحمد لله على سلامتك. ..

بعد ما نزلنه وخلصت إجراءات المطار واستلام الحقائب... طلعت لكيت عبد المنعم دينتظر ....

حمد لله على سلامتك أستاذ. ...نورت بغداد
شكرا ...يالله بسرعة وصلني للبيت لأن كلش تعبان ومنايم من البارحة

صار أستاذ. ..بس انت مو كلت تطول بالسفر شهرين شو رجعت قبل هالفترة.؟.

خلصت قبل وقت وكلت ارجع.. لأن تعرفني من أسافر ما ارتاح أبد ...اضوج من الغربه..انتظر على نار أخلص حتى ارجع لبيتي وارتاح

أي والله أستاذ الغربة متنراد ...

وصلنه للبيت ...اني ساكن بمنطقة راقية بيتي كلش كبير ....وفرت بيه كلشي ممكن أي أحد يحلم به. ... عايش مع والدتي وأختي زينه آخر العنقود طالبة بالجامعة واخويه أمجد أصغر مني مخلص كلية زراعة ودايح بالشارع ويه البنات ...وزوجتي زمن...صار سنتين متزوج  بس ما عندي أطفال...
أول ما وصلت دخلت للبيت كان كلش هدوء..جانت الساعة 10 الصبح.....اكيد امي يم أم مصطفى جيرانه.. هي متعوده الصبح تروح يمهه تشرب كهوه....وزينه  بالكلية ....وزمن اكيد نايمه. ...خلي اصعد على كيفي حتى افاجئهه. ...
صعدت ....وبدل ما افاجئهه اني تفاجئت
!!! ....انصدمت من الي شفته....
صدمه غيرتني للأبد.... وحولتني لحيوان ....وقتلت الإنسان الي بداخلي...

زمننننن......!!!!صحت بصوت مخنوك
هي عاطت من شافتني....وغطت نفسها....
تدرون ليش ؟
....أي جانت دتخوني ...وعلى فراشي. ..والمصيبة الأكبر. ...دتخوني ويامن!!!ويه اخويه ...أي أمجد اخويه ابن أمي وابويه ....سندي وحزام ظهري ....نايم ويه مرتي ....
من شافوني  كامت تبجي وتتوسل

احمد؟؟؟؟شجابك ....أحمد خلي افهمك ....أحمد اسمعني ..
اني مجنت اسمع شي ....حسيت جسمي صار ثكيل. ...ونفسي ضاق...حسيت بحرارة تطلع من وجهي... وراسي صعد بيه الدم ...عيوني كمت ما شوف بيهم...صرت امشي بصعوبة باتجاهم .....هي تغطي بجسمها ... وهو استغل الصدمة الي عندي وركض.. طلع من الغرفة ....وانهزم  خارج البيت 
اني محسيت على  نفسي  إلا  وإني فوكاهه واضرب بيهه بكل قوة لحد ما اختفت ملامح وجهه من الدم الي كان يطلع من كل مكان

ليش ولج ....ليش تخونيني ...احجي ....

الله يخليك ...كافي راح اموت ...

من شوكت تخونيني وياه ؟؟؟

والله هو الي غواني...

احجي من شوكت ....احجيييي

من  زمان . ..ارتاحيت ....

ليش ولج ...بيش قصرت وياج؟ خليت الناس تحلف براسج ... انطيتج اسمي وسويتلج قيمه.... تاليهه تخونيني ؟ ويه اخويه .؟؟؟

..انت السبب ...دائما تاركني وملتهي بشغلك. ..بس أمجد جان موجود على طول ...وهو الي غواني... وإني من الفراغ وإحساس الوحده اتجاوبت وياه ....

كافي ...اسكتي ....ماريد اسمع صوتج .... كااااافي

ظليت اخنكه بايديه وهي تقاوم لحد ما بدت تضعف ورادت تموت .... بس حسيت اكو احد ديسحبني.. لحد ما بعدوني عنهه ...جانت امي راجعه للبيت وسمعت صوت العياط وصعدت هي والخدم والحرس  عبالهم حرامي ....بس من شافوني... بعدوني عنهه ...لزموني حتى ما اقتلهه...جنت مو واعي...صرت مثل الوحش .... حتى صوتي اتغير ...

عوفيني  يمه خلي اقتلهه الخاينه الساقطة  ..خانتني السافله ويه ابنج الساقط ...اليوم احركهم اثنينهم

هي استغلت الفرصة ...وانهزمت. .ملحكت  تلبس شي ..بس لفت جسمها بالشرشف وطلعت تركض....اني دفعتهم وطلعت وراهه ..جنت اريد اقتلهه. .. بس انتقام  الله جان أسرع ...
من طلعت تركض ضربتها سيارة وماتت بنفس اللحظة ..ماتت بنكاستها وهي متلفلفه بثوب الخيانة....طبعا الناس والجيران التمت والموضوع صار واضح ..جانو يباعون عليه ينتظرون  مني احجي شي ...اني تفلت عليهه وكلت
الى جهنم ...اني معليه بيهه... خابرو اهلهه خلي يجون يدفنوهه ويدفنون عارهم وياهه
دخلت وقفلت الباب ... امي بعد ما فهمت ظلت دك وتلطم وتبجي ...ظليت اباوع عليه وما حجيت شي  .. صعدت فوك وإني دايخ ... عبالك بحلم. ..دخلت للغرفة باوعت عالسرير لعبت نفسي وراد يغمى عليه ...دخلت بسرعة للحمام وفتحت الدوش ووكفت جواه  وإني بملابسي  ..
.
معقولة هيج يصير بيه؟ اني أحمد العيسى ابن موفق العيسى....   هيج يصير بيه؟؟ ...اني الي  الناس توكف
من  افوت.. وأكبر راس ينحني الي . هيج يصير بيه؟؟

راح احجيلكم عن نفسي ...اني  اسمي  أحمد  ابن  موفق  العيسى  ... حاليا اعتبر أشهر واصغر  واغنى رجل أعمال بالبلد....صارت عندي أكبر مجموعة شركات متخصصة بالحديد والاسمنت وبناء واستثمار العقارات بالبلد وحتى فروع  لشركاتي بالدول المجاورة
عمري 28  سنة ...خريج  كلية إدارة وإقتصاد ... شكلي جذاب طولي 182 جسمي متناسق حيل وعندي عضلات  لأن هواي العب  رياضة من واني صغير ...
بشرتي لونه اسمر فاتح... عيوني لونهم  غريب بين الأزرق والرصاصي... وهي جانت سر جاذبيتي ...شعري بني غامق وعندي لحية و شوارب  خفيفة....

احمد....
ظليت واكف تحت الدوش وإني بملابسي وصرت أحجي ويه نفسي ...
معقول هيج يصير بيه!!
ليش
أني  احمد ابن موفق العيسى هيج يصير بيه أني جنت من أفوت الناس توكف الي

هيبة اسمي تسبقني   ،،اكبر راس ينحني الي ،،،شلون هيج تضيع هيبتي بلحظة ؟شلون راح أواجه الناس ؟ شكول للعالم ؟؟زوجتي خائنه يطبهه مرض ...
بس اخوية ،،،شلون هيج يسوي بيه !!!أني الي جنت طول عمري مدلل أمجد وما قصرت وياه بشي ،،،جنت ابوه وأخوه وصديقه  ....
ليش أمجد ليييش؟؟
وكعت بالكاع وخليت راسي عالحايط والمي ينزل عليه بس ناري مدّا تطفه أبد ....وقلبي  محروك عبالك بيه جمر
اوووف ...وينك يا بويه تجي وتشوف شصار بيه من وره ابنك ...
هو الي حرك كلبي وكسر ظهري اكثر من الحقيرة زمن
وانتي يا ساقطة ... شلون تخونني شكد حبيتج وفظلتج على كل البنات الي جانت وياي بالجامعه  ...ونفذت كل طلباتج حتى قبل ما تحجين ...وسكتت لما عرفت عندج مشكلة والحمل صعب عليج ...كلت خطية اصبر وياهه ......
بس الحمدلله ماصار عندي طفل يمكن جان قتلته لان أكيد ما كنت اتقبلته واكيد حيكون ابن زنه
اوووووووف يا ربي ليش هيج يصير بيه ........عمري ما أذيت احد ولا ضحكت على بنيه ......صح جان عندي علاقات بالجامعه ....بس عمري ما تجاوزت الحد ولا وعدت وحده .....ولا صار بيني وبين اَي بنية اَي شي غلط ...
حتى زمن هي الي تقربت مني وتعرفت عليه ......بالبداية ماجنت راغب بيه بس هي اقتربت حتى من اهلي وامي ،،وخلت الكل يحبه ،،وإني هم حبيته واستقدمت للزواج منه اول ما تخرجت من الجامعة
وتأليه تخونيني
ظليت اون واضرب راسي بالحايط لحد ما حسّيت على صوت زينه اختي وهي تبجي
سدت ألدوش وكعدت يمي بالكاع

زينه
وصلت للبيت من الجامعًة...اول ما دخلت تلكتني أم مصطفى وهي تبجي

خير خالة

هلو يمه حبيبتي ...الله يساعدكم بنيتي....ديري بالج على اخوج ...وخففي على امج هم خطيه حالها يكسر الكلب 

ليش ....شكو؟؟؟؟
دخلي للبيت وامج تفهج...أني اروح

......
زينة ...
دخلت للبيت شفت امي كعادة بالكاع وتبجي ...وتدك على رأسها والدم طالع من خدودهه من كد ما ملخة وجهه ...

يمه شبيج ؟...شصار؟ ....ليش هيج تسوين؟ ...احجي فدوة شكو ؟؟

شحجي ...شكول ليش اكو شي ينكال بعد هالمصيبة ..

وكامت تلطم وتبجي ..

شصاير يمه ... أحمد صرله شي؟ (اجه أحمد ببالي لأن جان مسافر وخفت صارله شي وإني ما ادري )...

أحمد ...سودة علية  شيصير أكثر من الي صار ...الله يعلم شنو حالته هسه.. ما اكدر احط عيني بعينه ولا احجي وياه ...

ليش يمه ...هو مو مسافر ... رجع ...!

أي ..ويا ريت ما رجع ...رجع حتى يشوف اخوج الناقص ديخونه ويه مرتة الساقطة ...

شنوووو؟؟

أي يمه ...أخوه ...ولج ابن  بطني خان أخوه ويه مرته ... وكانت امي تضرب على بطنه حيل وشكت دشداشتهه من اللطم والدك ...

اني ظليت مصدومة ...شنو هالحجي ....كعدت يم امي بالكاع و حجتلي شصار وإني ابجي مصدومة من الي سمعته. ...

وهسه وين احمد؟
فوك ...روحي شوفيه ...ما اكدر اروح واخلي عيني بعينه ...رجليه متشيلني حتى اصعد واشوفه ...روحي شوفيه خاف سوى بروحه شي ....
اني صعدت ركض لغرفتة ...جانت الباب مفتوحة بس هو ماكو ...سمعت صوت مي بالحمام ...دكيت الباب ...بس مجاوب ...فتحت الباب على كيف وإني خايفه لا اشوفه منتحر ...ظليت ابجي واندعي يكون الكاه بخير ...لكيته كاعد بالكاع والدوش مفتوح ...ادنيت عليه سديت المي ..وكعدت يمه بالكاع ...
أحمد ...حبيبي حمودي ...باوعلي ...احجي وياي فدوه اخويه الغالي ...
ما كدرت أكمل حجي ....كمت اشهك وابجي ...شريد اكول ...شلون اخفف عليه ...كل مره من يغلط أمجد اكله ميخالف سامحه لخاطري ...
بس هالمرة ما اكدر اكله هيج ..خواطر الدنيا كلها متشفع للي سواه أمجد ....خليت راسي على صدره وشبكته وكمت ابجي ...

...
أحمد ...
حسيت من زينه سدت المي ...بحركة وحرارة على وجناتي ....عرفت انو اني جنت ابجي بس دموعي جانت مختلطه ويه المي وما حسيت بيهن ...ردت اوكف دموعي بس مكدرت ...فشلت ...استسلمت... وظليت ابجي بس بدون صوت...مجنت اسمع شتكول زينه ...عبالك اني بغير عالم  ...حسيت بزينه خلت راسهه على صدري ..وكامت تبجي ....انقهرت عليهه ...خليت أيدي على راسهه ردت اطمنهه انو اني بخير وبعدني عايش ...
...
زينة شالت راسهه ولزمت ايد أحمد وباستهه

فدوه خويه ...كوم ويايه ...الله يخليك ...لتظل هنا ...تعال ويايه...انطيني ايدك خلي اساعدك حتى تكوم ...

انطيتهه أيدي وكمت وياهه بصعوبة سندتني زينة لحد ما طلعت من الحمام ...

أريد انام ...

أي بعيوني ...تعال ..
.
لا لا ...مو  هنا ...مو بهاي الغرفة ...ولا على هذا الفراش النكس ...

صار ...تعال للغرفة الثانية ...

اخذتني للغرقة الثانية نمت عالفراش بهدومي المبلله ...جنت مثل المشلول ...زينه جابت منشفة ونشفت راسي ...
.
أريد انام ...عوفيني ..

لا ماعوفك وانت بهالحال ...

ليش ...زغير أني ...

لا بس أخاف تسوي شي بروحك ...

لتخافين ...فكرت بهالشي بس مكدرت ...لأن عندي هدف لازم احققه. .. لازم انتقم ...

تنتقم ؟؟

أي ...انتقم لنفسي ..من الي خانوني ...انتقم من الدنيا ومن زمن وحتى أمجد ...ماعوف حقي ...

أحمد ...بس زمن ماتت ..

زمن وحده ماتت ..اكو 100 زمن ممكن انتقم منهه ...وإذا أمجد ملكيته هم راح انتقم من كل واحد جنت اعتبره أخ وصديق ..كلهم خونه....خلص ....اني راح اعيش بس حتى انتقم واحول حياة الآخرين إلى جحيم ....

خفت من كلام أحمد ...جان يحجي بحركة وصوته مجروح  ....عذرته لأن الي صار مو قليل ...هم خسر زوجته وأخوه وشرفه وسمعته كله بيوم واحد ....

روحي نزلي شوفي امج خاف صارلهه شي ...ادري بيهه هسه منهاره ...اني صرت زين ...

بس انت تعبان ....

كتلج عوفيني ونزلي ...أريد ارتاح ...أريد هدوء حتى اكدر انام .....
كامت زينة ...وطلعت وسدت الباب ....غمضت عيني ...ردت انام ....الله ....شكد حلو انام وانسى كل الي صار واكعد الكاه حلم مزعج وانتهى .....هنياله الي يكدر ينام هسه ...مستعد انطي ثروتي وكل ما أملك حتى انام وارتاح وانسى الي اني بيه
....بس رأسا فتحت عيوني وحسيت بحرارة تطلع من راسي لما تذكرت صورتهم وهم بفراشي .....شلون بعد اكدر اغمض ....شلون اكدر انام وصورتهم متفاركني   ..شيعدي عليه هالمصيبة ....مستحيل اكدر أتحمل. .. لازم اكو شي ينسيني ...أي ...ماكو غيره ....ولو اني تركته من زمان ...بس هو الي راح ينسيني ويخليني أركز على انتقامي ....
كمت بسرعة ...رحت للغرفة بدلت ملابسي ...وطلعت ....
سمعت زينه وامي يصيحون ورايه بس ما اهتميت ...ركبت سيارتي وطلعت ...
♡♡♡