أنتقام الصفحه 27 (ترميم) الفصل الخامس وخمسون 55 - بقلم خلود ال محسن

انستا lorai_alrwi

يلة مو بس ننشر هدية اريد تفاعل
……………

تابعوا قناة التلي وحساب الانستا……قرأة ممتعه

:-صعب حبيبي بس دير بالك على غلاهن اسبح واجي
:-تمام حبيبتي

فتت للحمام سبحت اتأخرت شوية لان من صعب بالبيت اخذ راحتي بالسبح اذا هو ماكو مااكدر غلاهن كلش وكحة والكاهه لاعبة لعب بالبيت

طلعت انشف بشعري فتحت باب الغرفة هدوء والاضائه خفيفه مالت نوم باوعت على الجرباية صعب نايم بدون تشيرت وعلى بطنه غلاهن حاضنته ونايمة سديت الباب على كيفي سحبت غالية بهدوء من حضن ابوهه بس حركتهه فز من نومته :-اسم الله نام بس اخليهه بمكانهه

:-لا عوفيهه مشتاقلهه

باوعتله عاگدة حاجبي كرصت زندة بقوتي:-اخخ اخخ بنت الحلوة للليش

:-مشتااق لمنووو صار اسبوع ما شايفينك وهسه مشتاق لمنو

ضحك وخلة ادية على ضهر غالية يحضنهه:-غير بنيتي خطية

:-والله دنعل ابوهه

رفع ايدة يريد يكفخني رجعت ليورة بسرعه اخاف يلوحني:-ماا ادرري بالغلط

:-يلة بوية اخذيهه بمكانهه وتعاي لمكانج

شلتهه من حضنه خليتهه بالسرير مالتهه خلة المخدة على راس الجرباية يباوعلي طلعت مشط وكريم شعر وكفت كدامنه انطيتهن اله فتحلي رجليه اكعد بينهم كعدت سحبني من أجتافي عليه:-حتجعصني

بعد شعري من ضهري دنك راسة وخلة خشمة برگبتي يتنفس بيهه:-جمارة

:-همم

:-تغارين من غاليه!

:-لا و يلة مشطلي اريد اكوم اخلي مرطب

عض رگبتي بخفة بعدت نفسي عنه ضايجة رفع راسه مني وبدة يمشط بشعري كام يزافر زين ما رگعني بالمشط ادري بي ضاج محذرني كلشي اسوي ولا ابعد نفسي اذا باسني ومنا صارلة اسبوع رايح بشغل واني هيج سويت متأكدة راح يطلعهه من خشمي

كمل شعري شمر المشط بحضني بدون ما يضفرة ورجع ارتكة على ضهر الجرباية يكلب بتلفونة درت وجهي علية مدنك راسه ولا عبالك يمة

:-صعب

:-همم

:-اضفرة الي يضوجني

عاف التلفون مد ايدة لشعري انطيتة ضهري من راد يضفرة درت وجهي علية
:-عوفة بطلت

رجع ارتكة بدون ما يحجي :-شبيك

:-نعسان وتعبان كومي اريد انام

كمت بدون ما احجي سحب الغطة وشمر التلفون تمدد على بطنه واني رجعت المشط والكريم لمكانهم اخذت ثوب قصير من الكنتور وعطر باوعتله مسوي روحة بسابع حلم

نزعت الترك بسرعه لبست الثوب وترست روحي عطر بقيت حايرة شسوي اجيت بصفة تمددت حسيت علية تحرك عرفته يجذب ما نايم عبرت ايدي على ضهرة كش جسمة بس مستمر يمثل النوم وداير وجهه للجهه الثانية
بقيت امشي اطراف اصابعي على ضهرة واضحك صاح

:-لا حول الله ولا قوة الا بالله ما انام شلون بلة

:-شبيك شسويت هسه اني

:-وخري ايدج

:-شعليك هو ضهر رجلك لو رجلي

دار وجهه يضحك ورافع حاجبه:-شتردين!

قربت منه عبرت ايدي على بطنه محتضنته:-مشتاقتلك شبيك ياعيني

سحبني لحضنة اكثر فوتني بننص صدرة باس راسي وسحب نفس قوي ابتعد ورفع راسي اله:-أنا شكايل ملاذ

:-شنو

:-لا تسوين روحج غشيمة الف مرة محذرج من هل سالفة لو مو متعاركين اذا بستج ما تبتعدين

:-مو انت ضوجتني

:-ليش بوية ضوجتج

:-تحب غالية اكثر مني

رفع جف ايدي خلاه على گلبة:-ولج انت هنا مكانج محد ياخذة بنص گلبي وغاليه بنيتي شلون ماحبهه

:-شكد تحبني

:-بوية حبج ماكو اله حد

:-بس تحب غالية اكثر مني

رفع نفسه صار معتليني باس رگبتي ورفع راسة يبوس قريب لاذني سحب شحمة اذني عضهه بخفة

حجة بصوت ناصي:-ما تجين بية شوك المشتهيج وعندي خاطر مشتريج مزاعلتنه؟

بقى ساكت شوية ابتسمت ورفع ايدي على رگبته حاوطتهه حركت راسي بمعنى اي

:-ليش من عدنة العشك ما تشترين يابة ماتجين؟

:-أحبك

گام يبوس بيه عبالك سنين ما شايفني مو اسبوع ذاك هو صعب من زواجنة لهذا يومه ما اتغير كلامة حبه خوفة عليه يزيد ما ينقص خلاني اصير جريئة بوجودة ما استحي اسوي اي شي من يزعل ارضي واني الممنونه اسوي اي شي يريدة وهو بالمقابل مسويلي اكثر

ابتعد عني وسحبني لحضنه يتنفس بشعري:-ملاذي

واني احرك ايدي على الوشم:-همم

:-اكو موضوع اريد احجي الج

:-وهو

:-ما ادري اذا ترضين او لا بس ملاذ انة مقتنع

رفعت راسي اباوعلة مستغربة:-شنو صعب!

اتصل تلفونة قبل لا يحجي رفعة يباوعلة:-او شهاب كتله امرلك نسيتينيي

:-شعليه اني

:-لا يابة شعليج بس تتمخطرين كدامي انت ودشداشتج

فتح خط بقيت اباوعلة يحجي ويا شهاب بست رگبتة ابتسم وخلة ايدة على مكان البوسة:-أحم اي اشهب اي انتضرني

رجعت امشي اصابعي على ركبتة واني اضحك بصوت ناصي لحد ما صاح بدون ما يدري:-لااا

...ضحكت وابتعدت عنه وهو يبرر لشهاب على اساس نضربت ايدة وصاح

اول ما ردت انزل من الجرباية لزم ايدي ما يخليني انزل كمل مخابرة وسد التلفون سحبني اله:-ليش تسوين هيج

:-شمسوية كلشي ما مسوية

:-والله لو ما مستعجل اكضي بيج التوبة

اخذ ملابسة وراح للحمام كمت طلعت ملابس الي ولغلاهن فتت للحمام بسرعه خاف يروح منو يبقى يم الغالية باس غاليه وطلع صاح علية وهو بباب
الغرفة:-لاتسوين عشة اجيب وياي

:-تمام

طلع شوية وكعدت غلاهن وكفت بالسرير تباوعلي حجاياتهه مكسرة اكزكز عليهه من تحجي امسح بالميز صاحت:-ماممممييي

عفت البيدي ورحتلهه دخلت سنتهه الثالثة بس نعومة بشكل شلتهه بحضني افر بيهه وهي تضحك
:-تاكلين ماما

بوزت حلكهه وتحرك اصبعهه بمعنى لا:-نووو سبعاان اني

بوستهه باصبعهه التأشر بي:-يي باابييي

:-راح لعمو

:-شحاب

ضحكت وعضيت خدودها:-ولج عموو

رفعت راسي منهه ضربتني على وجهي خلتني اشوط نزلتهه اسب واغلط:-ووولج كم مرة كايلتلج اييدج لا ترفعينهه

بقت تضحك وضامة نفسهه بين رجليني هي ضاربتني وتريدني احميهه:-وخرري مني وخرري خلي ابوج يفيدج

:-ثحوبي اي راح

ضحكت اغم بگصتي:-ولج اخوانج همهه بابا كولي

كل حروفهه مخربطة الهاء والعين والسين لليوم ما تلفضهن صح

رجعت انضف وهي تفتر وراية كل ما اكمل شي تصفك الي شغلتلها البلازما على طيور الجنه وكملت شغلي سمعت الباب نفتح طلعت اتأكد عبالي صعب ناسي
وغاليه طلعت

فات صعب وغاليه راحتله تركض وتصيح بابيي تخوصرت اباوعلهم ما عاجبني:-شكد فاينة بنتك

كعد بالكاع اخذهه بحضنه وكام اجه يمي انطاني علاكة العشة: -طالعه على امهه فاينه

باوعتلي غاليه حاضنه ركبة ابوهه نسخ سبحان الله ببكلشي تشبهه:-فاانننة ماممي فاننه

ضربت على خدي:-وولج لاتلكفين اي حجايية

:-صوجج انت تحجين يمهه

:-اسكت انت خوب بس تجي بنتك تكلب علية اطلعوا انت وبنتك تعبتوني

:-بباابي

:-روح ابوج

:-ماممي دول عليج ثحووبي ادلهه اثمة بابي دول لا ثحووبي

رفعت ايدي اريد اضربهه وصعب اابتعد يضحك:-ااي وبعد شتكول امج

:-دول ثحوبي فاننه مادلة(صعب فاين مااكدرلة)

عكد حاجبة يريد يفهم الكالته
:-شنو بابا شتكول

ملاذ:-ولج شوكت كايلة

تاشر اله على التخم وتحجي:-بابي مامي داعدة هناا دول اي حل اتمل(ماما كاعدة هنا كول اي خل اكمل)

:-اي

:-دالت ثحوبي فانه ما ادلة يعني انت وتح ماتدللك(صعب فاينه مااكدرلة يعني انت وكح)

ضحك يبوس بيهه: -بابا تحبيني لو تحبين ماما

:-لا ححطية ملاد احبه وانت احبت

:-جؤ بابا عيب كولي ماما

:-وانت شدلللها

:-ااكبها ملاذ

رفعت اصبعهه تسويله :-نووو بابيي نوو

:-جا شنو

:-انتت ليشش مادلهه ماما شو دلله جمالَة عيب

ضحك ونزلهه بالكاع: -بابا ما اكدرج لا انت ولا امج اثنينج فاينات

شافني عابسه وجهي وحاضنه ادية لصدري قرب مني وباسني:-احلى فاينه

:-واني مابوثينني

لزم ايدهه يتمشون للصالة ويسولفون عبالك واحد جبير يتفاهم وياة

فتت للمطبخ كملت شغل فات صعب وغاليه وراة للمطبخ كعد يحضر بالعشة:-اكعدي بابا تعبتي

بقيت واكفة يمة وهو يحضر العشة:-بابيي حمودييي وينة

:-يم اهله

:-ضلبني بلاسي يدلي علاوي بابي مو بباببج هو علاوي بابي اني موو

:-بابا بس انا ابوج

صعب كلش يتنحس اذا غاليه كالت لغير واحد بابي وهي ياهو تشوفه وكالتله انت بابي حتى عمو هادي وشهاب وعلي كلهم تريدهم ابوهه

كعدنة نتشعة غالية بحضن صعب ساعة يوكلني ساعه يوكلهه اذا ماوكلهه تبقى تنك واني بس ينساني اخزر بي وضال بين نارين

كام يغسل لغالية وراحو بالصالة نضفت المطبخ سويت جاي ورحت يمهم غاليه تباوع على التلفزيون كاعدة بسيارتهه وصعب كاعد على التخم يكلب بتلفونة انطيته الجاي

اشرلي على المكان اليمة:-تعالي بابا اكعدي

كعدت بصفة عبر ايدة على ضهري وسحبني اباوع وياه بالتلفون

:-جمارة

:-ها

:-اريد اروح لبيت اعمامي

ابتعدت عنه منتفضة:-ششنووو

على صوتي غاليه باوعتلنه مستغربه قليل تسمعنه نعلي صوتنه باوعلهه صعب: -بابا باوعي لبيبي

رجعت تباوع واني مصدومة من حجايته:-ملاذ بس خل افهمج الموضوع

:-شتفهمنيي يا اعمام صععب اثنينهم انعدموا وين تروح لولدهم ممثلاا؟ عبالك ينسون الي سويته بأهلهم حتى لو اهلهم مجرمين بس ما راح يسامحوك

:-مو الهم لام ابوي هي طلبت هذا الشي مرة وحدة ملاذ

:-مااخليك صعب هاي الفكرة شيلهه من راسك

خلة الجاي على الميز الكدامة لزم ادية ويباوعلي منتضرني اهدء:-شو باوعيلي هنا

:-ما اباوع وما راضية صعب انت ليييش تودي روحك للورطة صار شكد كاعدين ومرتاحين من تنفذ الحكم صاروا حنان عليك

:-هي طلبت تشوفني

:-لاا تقبلل لاترووح

:-ليش احرمهه من شوفتي من زمان انحرمت من شوفة ابنهه وتالي عرفته نكتل وههسه عرفت عندة ولد خل تشوفني اخر مرة ملاذ

:-لاا وانني صعب اذا صارلك شي وين اروح

:-ما يصير وعيونج ماعلية شي

:-ما تروح

سحبت ادية منه شلت غالية وهي بدورهه كامت تبجي بعدهه ما نعسانه وتدري اذا اخذتهه للغرفة اجبرهه تنام
سديت الباب بقوة وفتت للغرفة باوعت لغغالية تصرخ على ابوهه

:-اااشش اشش صوتج ما اسمعه ويلااا لفراااشج

كعدت بطارف الجرباية مكنبصة وتباوعلي دموعها على خدهه اول مرة اعلي صوتي عليهه وابجيها

بقيت افتر بالغرفة روحي تلوب معقولة يسويييهه ويروح ولدهم يكتلوة ومَيرف الهم جفن

باوعت على غالية بعدهه ضامه نفسه بالزاوية وتباوعلي دموعهه تنزل بدون صوت كعدت كدامهه نزلت راسهه
:-تعالي ماماتي

دفعت ايدي مغندبة :-ماليدج

:-بس اني احبج واريدج

ضلت تدفع بيدي:-مالليدج صحيتي بيه

:-شنو صحيتي

:-ماليدج اليد بابا ماحبيني انت

ابتسمت ورفعت الها حواجبي خليت ايدي على بطني مو حامل بس ادري هل موضوع يضوجهه:-خوش اخوج هذا ببطني راح يجي ويحبني اكثر منج

بقت تباوعلي وتشح بنضرهه كامت بسرعه وكعدت بحضني:-بث اني حبج ما ابجي اشدب عليتم هدا مَي بعيني

ابتسمت ساحبتهه لحضني ابوس براسهه سمعت الباب نفتح وغالية طفرت من حضني لابوهه

كمت من مكاني مسوية روحي ارتب بالجرباية واباوعلة بالمرايا شايل غالية يبوس بيهه وعيونه علية نزلت عيني وشغلت نفسي بالجرباية حمحم واردف بصوت ناصي:-ملاذي

ما رديت عليه الدمعه وكفت بعيني مجرد التفكير بالموضوع اتخبل فتحت الكنتور اخذت بطانية وسحبت مخدة من الجرباية مشيت من يمة تحت نضراتة الي تراقب حركاتي:-ضلي بالغرفة انة رايح للصالة

ما رديت عليه ولا هو سوة شي فتت لغرفة غالية فرشت لروحي

رجعت للغرفة لكيت صعب ما زال واكف يلعب بغاليه سحبتهه منه وهي سحبت نفسهه مني خزرتهه ما راضية عليهه وهي متشبثه بابوها كزيت على اسناني وحجيت وياهه بدون ما اباوع لصعب:-غالية تعالللي لا تشلعين گلبيي

:-صوتج ملاذ الطفلة اخترعت

:-غالليه

من خوفتهه اجتني بهدوء اخذتهه منه وطلعت سديت الباب وكعدنة بالكاع اني وغالية طلعت العابهه تلعب مكسور خاطري عليهه ضوجتهه بقيت العب وياهه لحد ما تعبت ونامت خليتهه بسريرها وتمددت بفراشي

-فكرة تجيبني وفكرة تاخذني صعب ينتهي اذا راح فعلا ينتهي

ما متعودة انام اله بفراشي بقيت اتكلب مر هواي وقت واني بس احوس درت ضهري للباب وغمضت عيوني احاول انام

شوية وسمعت الباب نفتح سويت روحي نايمة حتى نفسي كطعتة حسيته تمدد وراية وعبر ايدة على خصري كزبر جسمي من ايدة رفعت ايدة عني ودفعتهه:-وخر اريد انام

:-تعاي نحجي برة لا تكعد غاليه

:-روح لاعمامك ماريد احجي وياك وخر مني

:-ملاذ انة شكايل

:-اطلع صعب

:-شجرالج بوية شجرالج انه سويتلج شي يضوجج

:-لا سلامتك اطلع وصدك لو رحت لاعمامك ما يهمني درب السد ما رد بس خلي ببالك اذا صارلك شي اكتل روحي والله اكتلهه

ضحك وسرعان ما اخفى ضحكته خاف انكد عليه:-حتى وانت ضايجة مني تخافين عليه

:-ما خايفة عليك روح صعب ما تهمني بس شوف لا اني ولا غاليه نبقالك صدك من باجر اروح ولا عبالك اروح لامي والله احرمك من عدنة

:-شو عينج عليه خل احجي

:-ماريد اطلع حرف ماريد احجي وخر

:-ارد انام شلون بلة

:-وماتنام اني شعلية

:-لا انتِ الكادرة تنامين ولا انه تعاي بالغرفة ما متعود هنا
درت علية ضايجة منه بشكل:-شتريد تريد اجي يمك علمود تقنعنييي واتقشمر وتروح موو هذا الي تريدة

:-غاليه نايمة لاتكعد

:-ميخصك لو تهمك غالية لو اهمك ما تفكر تروح لاعمامك صعب افهمم اهلهم الي ماتوا اهلهم الي انعدموا ومنو صاحب القضية انتت تريد تعتب بابهم شمدريك مو خطة يستدرجونك بيههه

:-ترة انه صعب ملاذ!!

:-ما يهمهم تلكاهم كازين اسنانهم كتلوك صعب وين اروح انني ماتفكر بينه اني وغاليه شلون بينه اذا اهلهم هيج همَ شنوو

:-مارايح لاحد بس لام ابوي

:-ووهسه تذكرتك هسه!

:-ما جانت تدري ابوي عندة طفل

:-ليش ما تدري مو كلشي صار كدام عيونهه ماحسست مافكرت للحضة ابنهه يجوز صدك خلف ماافكرتت انت طفل من حجيت شنو غايتك تجذب

:-اعمامي قنعوهه

:-الحجي وياك عقيم انت مخطط ومقرر ملاذ اخر همك ودام هذا قرارك اتقبل قراري وروح مني الله يخليك

:-بس كومي وياي خل نحجي برة ماروح اذا ما ترضين وغلاتج

:-بس اطلع تقشمرني روح اريد انام

:-كومي لخاطري

:-ماريد صعب روح لعمامك مو هذا الشي يريحك روح

:-ماارتاح وانت ماراضية

:-ما يهمني

رجعت درت للجهه الثانية رفع ايدة يلعب بشعري ويجر حسرات

ابتععد شوية بس حسيته بعدة بالغرفة سمعت طكت الجداحة :-ها ما ناوية!

درت وجهي علية عاكدة حاجبي:-شتحجي بلة اذا ما اقتنعت ما تروح؟

:-وعيونج ولا اخطي

كمت من فراشي وهو كام قبلي ما مصدك طلعت كعدت بالصالة ما افوت للغرفة يقشمرني بسرعه:-شوفي بابا وعيونج ما اطول اقل الساعه بس اشوفهه واجي حلفتني بروح امي مااكدر

:-هو هذا الي ردت تحجي

:-جاي تفهميني لو لا

:-اي افهمك روح معلليه بيك بس اذا رجعت واذا ما رجعت ما راح تلكاني

:-هيج بوية

:-واكثر صعب تعرف بيه شكد اتأذه لو صارلك شي وتتعمد تأذيني

:-ما يصيرلي وداعتج وغلات بنيتنه اروح وارجع

:-روح

:-راضية!

:-لا

عدل كعدته يحاول يسطر على نفسه ما يعصب عليه :-زين زين شوفي

:-شنو

:-اخذج وياي

رفعت عيني عليه صفنت شويه افكر بالكلام الحجاه مستحيل يياخذنه لمكان ويدري بيه يأذينة لو ما متأكد ماعلينه شي لذلك كال هيج:-وغاليه!

:-ناخذهه انه وانت وغاليه وهيج ما راح تخافين عليه تتوقعين اخذكم لمكان مو امن؟

:-شوكت ناوي تروح

نزل راسه متحير شلون يجاوبني رجع باوعلي:-باجر

غمضت عيني ماريد انفجر بي مقرر كلشي وجاي هسه يشوف اذا قبلت لو لا:-رجلي على رجلك

:-هاي هيه اتفقنا وهسه كومي ننام طفيت

:-ما انام يمك اريد يم بنتي

:-نايمة ما تفز اذا فزت انه اجيبهه يمنة

حركت راسي بمعنى اي ورحت للغرفة تأكدت من غالية نايمة هي ما تكعد باليل بس تكعد الصبح من وقت لان معودتهه تنام بوقت

رجعت للغرفة كعدت على الجربايه العب بتلفوني واسولف ويه برق صعب نزع التشيرت واجة بصفي عينه على التلفون قدملي باكيت الجكاير ورثتله وانطيته اله رفع راسه ما عاجبة يريد اني اشربه:-ها شنو غير رضيتج

:-ما ارضى لحد ما نرجع

:-ياطلابة الرجعه بويه صارلي اسبوع مو يمج گلبي متلوع عليج وهسه انت مثل البربوك مطنكرة عليه

:-اني بربوك !

:-شلعتي گلبي ولج

:-خوش اذا ما علمت هاي الكلمة لغالية باجر فلا اطلع ملاذ

:-انه عندي طفلتين شلون الناس تسميني ابو غاليه مو بعينهم انتِ

:-هم سويتني بربوك وهم سويتني زعطوطة نعم الله عليك

خليت التلفون على الميز وتمددت بمكاني كمل جكارته واجة بصفي يبوس بيه يريدني ارضى واني راكبة راسي باوعت عليه متذكرة شغله:-اكلك

:-ها حبيبتي كولي

:-اعمامك شنو عدهم

:-شنو

:-اقصد يعني شنو عدهم منو راح يشوفنه واحنه نشوف منو

:-انه رايح اشوف ام ابوي الباقي مالي دخل بيهم يسلمون ما يسلمون هل شي راجعلهم

:-يعني همَ عدهم بناات لو لا

:-اي عمي الجبير عنده ثلث ولد واربع بنات وعمي الثاني عنده ست بنات وولد واحد بس احترك وانطاج عمرة وعمي هادي عندة ثلث بنات واشهب

:-يعني هنه حلوات

ابتسم بخبث رافعلي حاجبة:-ما شايفهن

:-بس اهلك حلوين يعني هسه يطلعن حلوات

رادهه حجة علمود ينومني بحضنه سحبني عليه باس بين عيوني:-وشعليج منهن

:-مو خاف بيبيتك تكول ابن عمهن اولى بيهن وتزوجك وحدة منهن

:-انه السبب ورة موت اهلهن تردين يرضن بيه

:-يعني اذا اهلهن عايشين يرضنن بيك؟

شاح نضراته عني مبتسم:-امم ممكن عدهم عادي الولد يتزوج اثنين وثلاثة

حجيت بنتر والضوجة باينه بصوتي:-وانت عندك عادي؟

رجع يباوعلي:-غير كون عيني تشوف غيرج مابدلج ببنات الكون كلة بنتي ومرتي وام بنتي وملاذي بعد شلون ابدلج بسهولة

:-زين اني اذا متت هم تزوج عليه

ضربني على شفتي بطرف اصابعه:-اذا سمعت هاي الحجايه منج اكص لسانج نامي كمتي تمسلتين

رفعت نفسي راكية روحي على ايدي اباوعله ما مقتنعه:-يعني من اموت تتزوج من بنات عمك

حجة بحدة يريد يسكتني :استغفر الله ملاذذ لاتخليني ارفع ايدي عليج نامي

دنكت بسته بخدة وابتعد مبتسمة:-هسه شلون ما اتشاقة وياك اني

:-اتشاقي بس لاتحجين بالموت

نزلت راسي ابوس بي رفع ايدة يعصر بزندي ويحجي بصوت ذايب:-ملاذي

تعمدت ابوسه برگبته واتركلة اثر وهو مصدوم مني اول مرة اتجرأ وهيج اسوي رفع ادية حاوطني ودار للجهه الثانيه صار هو معتليني ويبوس بيه باوعت لرگبته بيهه اثر حسيت بأنتصار المهم من يشوفنه بنات عمه يعرفن بية متزوج

يمشي بأيده على كل جسمي وكل جزء يتغزل بي وحد لحد ما وصل لعيوني باسهن وبقى يباوع بيهن:-دوهنني هل عيون

رفعت ايدي ابعدة عنه ذاب كل ثكلة عليه:-وخر اريد انام

:-انت تحرشتي وهسه تردين تنامين والله لكضي بيج التوبه

ضحكت متشبثة برگبته :-انعس شبيك

:-خرا بعمامي ماتنامين والله على زعلتج هاي يابربوك اذا ما سهرتج للصبح

:-انت منتبه صاير تفشر ععلية والله اكل لامي عليك شوف ترة بس تحجيهه غاليه تلكفهه منك هسه تمشي وتصيحلي فاننه عود فاينة

:-ماتتعلم ماحاجي كدامهه

رفعت ايدي اتلمس برگبته مبتسمة مايدري شسويت بيهه ما يقبل لان يطلع كل يوم للمكتب لو يطلع العصريات ويه الولد

رفع اصابعي اله وعضهن: -ااي ايي شبيك

:-ملاذ *** رگبتي

:-لا لا وين شهل لفضة صصعب اني شجنت احجي

بقينة سهرانين للصبح ما يخليني انام صارت ب 6 الصبح سمعت صوت غالية تبجي مابيه اكوم اجيبهه:-كوم جيبهه عليك الله

عافني وكام لبس ملابسة وطلع رجع لغرفة يمشي بهدوء منومهه بحضنه خلاهه بيناتنه ونمنه

حسيت ايد ناعمة تتحرك على وجهي بعدت وجهي متنحسة:-ادعدي ماميي

غلست منهه ادري بيهه ما تطلع اذا احنه بالغرفة والنعسه بعيني مابيه اكعد شوية وسمعتهه تحجي ويه ابوهه:-ولتت بابايي ادععدد ثارت ثبح والشمث طلعت شنو مادعدون

ضحكت على حجايتهه وصعب رد عليهه:-لا بابا ارجعي نامي بعد وقت

:-دوم شحاب حابرك دوم

فتحت عيني كوة اغفي:-غالية اذا نمتي هسه العصر نطلع بسيارة

بس كتلهه هيج راحت لحضن ابوهه دحست روحهه باوعتلهه تبوس بوجهه وهو يضحك يمثل عليهه نايم فتح عيونه وهي عاطت بفرح:-داعد انت شذاب شذبين عليه

كعد وبقى يدغدغ بيهه وهي تضحك كمت من فراشي بعدني نعسانه شكول عليك صعب

:-دعتتت ماميي

بوستهه ولميت شعري كمت طلعت ملابس فتت اسبح خايفة من الراح يصير اليوم يعني راح يلتقي بأهله شراح يصير رغم قنعني بس بعدني متخوفة فتت للغرفة صعب عاگد النونه ويخوزر بية مشطت شعري اباوعله ضايج وغالية تلعب يمة:-شبيك

:-شمسوية برگبتي ملاذ يعني اله اليوم مو تدرين عدنة طلعه

:-ماادري

كام ضايج اخذ ملابس وراح للحمام جبت غاليه يمي و حضرت الريوك طلع وكعدنه نتريك ارفع راسي اباوعله وارجع ادنك بسرعه:-شكو

:-شبيك صعب هسه انت مو لاعب فلقة برگبتي

:-انت تلبسين حجاب اني شألبس

:-ما مبين

:-لا وين مبين ابد ولا مبين
ادري بيج متعمدة تسوين هيج

:-شبيك هسه انت شبيك بس تصيح حاسدينك شنو من البارحة ولليوم بس تحجي عليه

:-ياهو الحاجي ام حلك

:-ياهيي ام حلك

جان مخلي غاليه بحضنه قربت روحي منهم وسحبته من شعرة قبل لا اسحب ايدي لزمهه وعضني:-ااايي شبيييك مجلوب

عضيت على شفتي اداري الموقف:-ماادري والله هي طلعت

اباوع لغالية تضحك مكيفة على وضعنه:-ليش تجاوزين مو محذرج

:-نسيت والله لسانني هذا مو اني

:-اكصة الج ويبطل ما يغلط

:-شبيك هسه شكنالك مو عضيتني ما حجيت شي

عفته وكمت للغرفة سويت روحي اني الزعلانة حضرت ملابس لغالية وعدلت الغرفة فات وراية يگلب
بالكنتور مخبوص ثنينه شياطينة تتكامز:-شتدور

:-شألبس

عفت البيدي ورحت اطلعله بقى واكف وراية انطيته قميص وبنطرون وعليهن سترة ردت ااطلع صايرة بينه وبين الكنتور ما يبتعد:-اريد اطلع غالية وحدهه

باس ايدي بمكان العضة:-ماريد السانج يتعلم ع الغلط

:-اعتذر مني عضيتني حيل

رجع باسهه بقوة:-اسف وماعضج بعد

:-جا تعال دنك

:-شنو

:-دنك راسك

دنكلي مستغرب بست راسة بمكان الملشة:-اني هم اسفة

عصر خدي بين ادية وسولي مجال اطلع سبحت غالية وبدلتلها وصعب بعدة يرتب بشعرة:-صعب شأخذ وياي

:-ما نضل هواي سلام ونرجع

:-تمام

:-احسبي حساب الطريق طويل اخذي اي شي تحتاجة غالية

:-اي زين انت تريد اجيبلك شي

:-لا حبيبتي

خليت اغراض بسيطة لان الطريق طويل سلمنة على امي وطلعنه امي ماتعرف وين رايحين كل وبالهه طلعه عادية
الطريق كلة ملاحضة على صعب لونه مخطوف:-صعب

ما رد عليه صافن بالطريق:-صعب شبيك احاجيك

:-ها حبيبتي

:-وين صافن صاير شي!

:-لا ماكو شي

غالية تنحست كلش ماتحب تبقى هواية بالسيارة
وصلنه بطريق فارغ صف السيارة على صفحة ونزل يفرفرها علمود تسكت

من هدأت رجع كعدهه بحضنة ويسوق لما وصلنه منطقة شعبية بدة يفوت بين الفروع وكفنة كدام بيت كللش جبير مثل البيوت القديمة مبينه منطقة شعبية نزل صعب شال غالية واني شايلة الجنطة مالتهه نزلت واكفة وراه ما ادري شنو المنتضرنه صعب فعلا مقتنع بقرارة لو لا

دك الباب صعب شوية وفتح الباب طفل صغير يطلع عمرة 10 سنين رغم صغر سنه حجايته مالت كبار :-منهو ضيفنة

:-صيح النه واحد جبير من اهلك بابا

:-تخسه انة مو بعيينك

نگلبت معاني صعب من الشرود للابتسامه خلة ايدة على خد الطفل:-ما عاش الما يگدرك بوية

:-تفضل تفضل الدار دارك

فتح النه الباب وصعب فات لزم ايدي عاصرهه بين ادية الطفل راد يروح يصيح احد صعب صاح عليه:-حبيبي انة ضيف حجية سليمة

باوع عليه بقى ساكت شويه:-اذا انت ضيفهه جدتي ناطرتك بالديوان

مشه كدامنه الولد واني اتلفت البيت رغم كبره بس ماكو احد كلهم اطفال يلعبون برة فتنه للاستقبال جانت مرة مترأسه الديوان جبيرة بشكل خطوط الكبر تارسه وجهه
طب صعب كدامي:-السلام عليكم

:-وعليكم السلام ياهو ديددة

تقدم الطفل باس راسهه واني وصعب واكفين مانعرف شنسوي

:-جدة هذا الولد الوصيتي يجيج للمضيف

دارت وجهه علينه تتفحصنه:-وليد عابس

صعب انطاني غالية وتقدم الها باس راسهه وهي لزمت ايدة تريده يوكفهه كامت حاضنته تشم بي وتبجي:-بيك ريحة وليدي ياعابس يايمة شوف ابنك شكبرة صار

من شفت كلام الحجية جريت نفس براحة جنت خايفة يضحكون علينه

طلع الطفل وبقينه بس احنه بالمضيف ماعافت صعب لحد ما هو ابتعد وكعدهه كعد كدامهه اشرت علينه بعكازتهه:-منهي البت الوياك لايكون اخيتك وانه مادري

باوعلي واشرلي اجي يمة:-لا حجية مرتي وبنتي

دنكت بوستهه واخذت غاليه مني تبوس بيهه وغالية تريد تجيني استغربت:-ولك يمة شتعودلك هاي الفرخة منين تزوجتهه

هستوه راد يحجي وصارت هوسه بباب المضيف وصوت عركة برة

كام صعب وكف كدامي وخلاني اني وغالية وراه يباوع للباب ويرجع يباوع للحجيه مكسور:-صدكتج تكسريني؟

كامت ما راضيه ضربت عكازتهه باللكاع وصاحت بصوت جمهوري ولا عبالك نفسهه المرة الجبيرة:-منننهي التجرررأت وعلت صوتهه منجنن خلنهه تفوتتلي هنااا

شوية وفاتت وحدة متوسطه بالعمو تعد وتسفط بالحجي وولد بعمر صعب لازمهه يسكت بيهه وفات وراهم حشك من الولد والنسوان تأشر على صعب وتهادد:-كتل ررجلللي وطاب لبيتنه والله ما يطلع حي مناا

:-علي اخذ امك واطلع منا لا اسويهه مكاصب ابن ابني معزز مكرم ببيتي وانتم المتفرجين كل واحد لحجرتة يلة
الولد بقى يصح على امه يريدهه تطلع وهي ولا بعينهه تريد تطفر على صعب

رغم كل الي صار صعب جان واكف يباوعلهه بهدوء خلاهم كلهم يحجون بلاخير كالها:-شنو التردينه! رجلج مجرم وهاي نهاية كل مجرم

صاحت بصوت يهز البيت:-مااغييررك الممجرمم ابن المسيحيةة ابن الزنا

هي كالت هيج وصعب فلت ايدي عصرت ايدة بقوة اوكفة ادري بي كلشي ولا يجيبون سيرة امة:-تجرأي لفضي كلمة ثانيه وحق الحق اندمكم

حجت الحجية وهي تضرب بعكازتهه بالكاع والغضب باين بوجهه:-ام علي اتجفي شري واطلعي لا اغضب عليج ونشوف ياهو يفوتج لعتبة البيت اطلعععي

شلت غالية من الكاع لان خافت من الاصوات والحجية جرت ايد صعب الي يتفاور على المرة:-تعال جدة بس اهده خلني احجي وياك

بقيت واكفة على صفحة وصعب وجدتة علي صفحة تهدي بي ماحس غير هاي المرة الي يصيحولها ام علي ههجمت عليه تريد تضربني وهي تصيح:-مثل ماحركت گلبي عله رجلي احرك گلبك بمرتك وضناك

لحضات بس لحضات فتحت عيني شفت صعب وراية رافع المسدس موجهه عليهه وهي واكفة گبالي صاح بيهم:-اليطاول على مرتي وبنتي لو مو مرة ما توكفين بعيني والله افرغ هل شاجور براسج ومايبردلي گلب ابن زناا وابن المسيحية يشرفج ويشرف رجلج

علي:-ابن عمي اتجفة الشر ونزل سلاحك امي من حرگة گلبهه هيج حجت واحنه كلنا تقبلنه جيتك لجن موش ترفع سلاحك بوجهه امي انه مسكت خواني ومامخلي احد يجي هنا كلة لاجلك بس لاتطاولون علينه

:-شوف ماعندي عم ولااعترف بأحد منكم انت امك ابوك محد يهمني جاي اشوف هاي المرة كالهه ويأشر على بيبيته:-لان موش عار انه وماخليهه تتهنه بشوفة ابنهه المكتول

علي:-معتب بيتنه ثمن جلمتك يخوي

:-ومن واجب ابو البيت يحترم خطاره

دار وجهه عليه بلعت العافية وغاليه منزلتهه بالكاع ما اعين روحي اشيلهه:-ام غالية نروح احنه سلام وسلمنة

حركت راسي بمعنى اي اباوع على النسوان كلهه تخوزر بينه ايدي بايدة كوة شايلة غالية

:-خلي ببالكم مرتي وبنتي خط احمر مستعدة امحي ال(اسم العشيرة) من الوجود اذا گربتوا صوبهن

الحجية ضلت تنعة وراه كلهه طلعت وراحو لغرفهم بس الحجية طلعت ورانة:-يمة هايي سهيمة من يوم يومهه عرمة وماتنكدر اعذرني ييمة لاتاخذ بخاطرك من عدنه

:-ما صار شي حجية باس راسهه واخذ الجنطة مني سلمت عليهه اجة الولد الي يصيحون اله علي صاح

:-ألصعب

رفع راسة اله:-نعم

:-بس اجيت اعتذر منك على تصرف امي كتلك محروك كلبهه وانة وياك مو عليك صح ابوي المات بس ربك يكول بشر القاتل بالقتل ولا تعتبر يوم من الايام ما وراك اهل احنه وعمي هادي كلنه اهلك

:-جزاك الله الف خير

كالهه ومد ايدة للولد:-تشرفت بيك

شفت ذاك الفرحة بانت على عيونة طلعنه الولد شال غالية صعب ماراضي يمشي وراة خاف يسوي شي وصلنه للسيارة صعدت وخلاهه يمي باوع للصعب يضحك:-ترا انة موش عار واسوي شي لاتخاف وتراقبني

:-ما مراقبك

تسالموا وصعب صعد اول ما صعد يغلط ويسب بهاي المرة بقيت ساكتة لمن حسيته هدأ يلة حجيت وياه غالية نامت بحضني

صح عمو هادي قاطع علاقة بأهله بس بأمة لا ومن عرفوا صعب راح عليهم كلش فرح

رجعنه طبيعي بس ما يتواصل ويه عمامه رغبة جانت عندة وكسرهه بشوفتهم

رجعت اغلب وقتي لو بالبيت لو ويه غالية لو احجي ويه البنات رتيل وبرق مرة نحجي بالصدفة انة وبرق دزتلي رساله خلتني من صدك افكر بالموضوع كاتبه:-اكلج ملاذ صديقتي كاتبه ليش ما نكتب قصتنه عدهه

بقيت اقرة بالرساله واتذكر الاحداث الي صارت ويانه لكيت نفسي ابتسم مستلطفة الفكرة كتبتلها:-اليوم احاجي الصعب واذا قبل اردلج خبر

رجعنه نحجي عادي بس بقت فكرة القصة ببالي لليل رجع صعب من يم شهاب كعدنة نشاهد فلم وغالية ع الايباد واني كل شوي اريد احجي وخايفة شلون افاتحة بالموضوع

حمحمت وحجيت بتردد مادري اذا يقبل او لا:-حبيبي

:-كولي شرايدة بدون مقدمات

:-داكلك احبك شبيك

حجة بضحك:-امم نومي بنتج وسهله

:-شبييكك نيتك سززز

ضحك وسحبني لحضنه:-كولي حبيبتي شرايدة

:-شوف صديقتي قصتهه كلش حلوة كول اي

:-اي

:-فقررت تكتبهه عد صديقتهه هم كول اي

:-اي

:-ف اقترحت عليه

بعدني ما مكملة رفع حاجبة يباوعلي ماراضي:-اقترحت عليج تكتبين قصتج الجواب هو لا

:-شبيك خليني احجي

:-هو هذا التردين تكولينة ما دمرني غير الواتباد وسهرج عليه

:-ازعل ترة شبيك هسه والله اتمنى تنكتب

:-شنو قصتج بلا اشو مكضييتهه بجي

:-اي عادي معليك همَ يحبون هيج

:-ماكو ملاذ كطنه وشيليهه من اذنج

:-ما والله شبيك لليوم ما سويتلي شي اريدة

:-شنو الردتي وما سويته

:-ما تخليني اكتبب القصة

:-اي ما تكتبينهه انت الضاهر السهر مأثر عليج

كام طفة البلازما واخذ الايباد من غالية:-يلة بابا كافي نامي

:-مانعثيت

دنك عليهه شالها وبوسها:-لا بابا لازم تنامين علمود تصيرين بطلة

رفعت اديهه تسوي حركة تبرز عضلاتهه :-يثيرن مثلك جبيراتت

:-اي بس لازم تنامين

اخذتهه منه نومتهه وخليتهه بالسرير اعرفة حتى لو زعلت ما يقتنع

فات للغرفة نزع ملابسة بقى بالداخليات واني لازمة التلفون مطنشتة يمشط ويباوعلي بالمرايا:-عود زعلانة

مارديت علية خلة عطر واجة بصفي سحب تلفوني من ايدي خلاة على الميز من جهته:-نامي يلة

:-ماانعس

:-نامي بسرعة يلة احسب للخمسة اذا ضليتي كاعدة اطردج لبيت امج

:-يطردنني هوو والله اطردك واطرد عشيرتك الفاين

خزرني ماراضي بس بوجهه ضحكة كوة كاتمهه:-شلون بيج انتِ

:-خليني اكتب القصة

حجة بجدية:-اذا لحيتي بالموضوع الحجي راح يختلف وتدرين بيه من اقفل سدي السيرة ويلة نامي

دار وجهه للجهه الثانيه بدون ما يسمعني شأحجي ونام غميته كوة مصبرة روحي ما ازعل لان راح يقفل بالزايد
نمت ضايجة منة شراح يصير اذا كتبتهه كعدت الصبح طالع بدون ما يكعدني بس من يضوج يطلع وما يبوسني الصبح

كعدت غالية ريكتهه وبدلتلها خليتهه يمي بالحمام سبحت بسرعة بسرعة خابرت على صعب مارد علية شوية وهو اتصل:-الو

:-هلو حبيبي

ضل ساكت شوية جر نفس :-ماتكتبينهه

:-شبيك مو ع القصة اريد اروح لامي ومن ترجع تعال علية محتاجة شغلات من السوك

:-هسه اخابرهه تجي عليج لاتطلعن وحدجن

:-تمام

:-غالية شلونهه ريكتيهه لاتعوفينهه بدون ريوك

:-اي حبيبي ريكتهه

:-بدليلها

:-سبحتهه وبدلتلها حبيبي

:-تريكتي انتِ

:-اي وكملت كل شغلي وسبحنه اني وغالية والبيبان مقفلة

:-زين زين هسه اخابر امج شوفي

:-ها

:-لاتضوجين

:-لا ما ضايجة

:-عفية بابا يلة لاتفتحين الباب اله تخابرج

:-تمام

سديت الخط منه وانتضرت امي تجي اتصلت علية يلة فتحت الباب مسوين الدرب سجة على امي مايعبر يوم اذا ما نروح الها لو هي تجينة بس اغلب شي بليل لان صعب موجود

وصلنه للبيت اتفقت وية رتيل نروح سوة عفت غالية يم امي وهي بدورهه عافت جهالها يم امي تورطت بينه ورحنه سوة

اخذت فستان مصري مال رقص شفت الوصلة الي يلبسنهه استحيت اخذهه طلعت برة وشاورت
رتيل: -رتيل بربج اريد هاي الوصلة

عكدت حواجبهه تباوعلي متخوصرة:-شنو صعب يدور ركص ولج

حطيت ايدي على حلگهه اسكتهه:-ولجج صوتج يمفضوحة

:-هنيالك صعب جا انة هم راح اخذ لعلاوي شنو قابل احرمة من هيج مناضر خلابة

لسانهه رشاشه ولا تستحي خليتهه تفوت وحدهه للمحل تجيبهن واخذت شموع وكيكة ماادري وين تفكيري من سويت كل هذا

رجعنه للبيت خليت الاغراض وكمنة اني ورتيل وية امي حضرنة الاكل صعب اجة علينه للبيت تعشينة وعلي اجة اخذ رتيل لليل صعب وصلنه للبيت وراح وية شهاب نومت غالية خليتهه بفراشهه

فتت سبحت وعطرت الغرفة شسورت شعري خليت مكياج بسيط وحضرت الكيكة خليت يمهه عصاير وشموع لبست الفستان فضيحه اباوع لروحي بالمرايا الفستان مفتوح من جوة لنهاية الزر والدلعة مالته على كل صدري

ما اهتميت لميت شعري بقراصة صغيرة خابرتة كال نص ساعة ويجي تحججت ضايجة لان غاليه نامت اريدة يستعجل

شديت الوصلة على وركي وشغلت اغنية من زعلك من بجاك اهز بخصري اتدرب قبل لا يجي سمعت باب البرة نفتح طفيت الضوة وعفت بس ضوة النوم مشتغل

وعدت الاغنية من جديد سويت نفسي ارگص واباوع للمرايا على اساس ما ادري بي احس گلبي يريد يطلع من مكانة اول مرة هيج اسوي نفتح الباب باوعت عليه بالمرايا واكف مصدوم جبرت روحي اكمل رگص درت وجهي عليه ووكفت سد الباب برجلة وخلة سترتة على الميز الكدامة

جان مصدوم مني وبنفس الوقت مبتسم اردف بصوت هادء:-كملي

رجعت اركص رغم رجفتي كعد على الجرباية قريب مني عيونة تراقبني من فوك ليجوة عبالك اول مرة يشوفني شغل جكارتة يباوعلي بتمعن حتى ما يرمش صرت اردد بالاغنية اهز جتفي بخفة ادنك علية وارفع نفسي
:-من زعلك من بجاكك لانعل ابو الي بجاك

انفاسة ما منتضمة وهو يباوعلي نزع قميصة شمرة على الجرباية:-ارجعي هزي بخصرج

رجعت اركص وصوت اليرات الي بالوصلة شي يطك بشي راح المستحة كام من مكانة يمشي ايدة على طول فتحة الفستان يتلمس برجلي صار بمستواي:-شمسوية ملاذ

:-عجبك؟

:-وبكل صلافة تسأل

رفع ايدة يتلمس بخصري:-تهزين بروحي مو بخصرج

حاوطني بيدة ورجععني ليورة سد الاغنية شال القراصة من شعري وشمرهه نزل ايدة فتح الوصلة مالت الرگص وكعت بالكاع رفعني من الكاع يبوس بية:-لا اوكع صعبي

:-اوكعج انة!

:-جبت كيكة خل ناكلهه

:-زوج انة هذا الكيك كدامي بوية

نزلني على الجرباية ودنك يبوس برگبتي:-صعب

:-همم

:-عجبك رگصي والفستان!

:-حيل

يحجي عبالك بعالم ثاني:-زين اكتب القصة؟

رفع راسة باوعلي شوية تنهد وعض شفته الجوة:-بهذلتيني ملاذ بهذلتيني

:-يعني اي

:وراهه يصير كل يوم تدلليني

رفعت ايدي محاوطة رگبتة:-جا انة شعندي غيرك

:-جا وركص وفستان وحدة وحدة على گلبي جمارة

:-يعني هسه اي

:-التردينة يجراللج

خلة ايدة علي خصري يمشيهه على طولة:-اطوف هنا ولج.......

ثاني يوم ماراح للدوام لان ضلينه للصبح كاعدين مااكدر يداوم

كبل راسلت برق علمود القصة وانطتني حساب البنية بديت اسردلهه قصتي رغم اكو شروط من صعب واشياء ما لازم احجيهه هواية شغلات ما قبل عليهه بس قبلت باي شي المهم اقتنع انشر…

.
.
.
.

.
.…على خصرها تطوف النغمات…خلودكم

لنـا لقاء