رواية انتقام حبيب الفصل الأول 1 - بقلم سارة عادل

بس اللي في دماغك دا هياذي ناس كتير
تيم:لا كل حاجه متخطط ليها كويس المهم اعمل اللي قلتلك عليه وبس
جميل:وريم هنعمل معاها اي مينفعش ناذيها ولا نقرب منها
تيم:خليك في شغلك وبس وسيبها عليا أنا عارف كويس هعمل اي
جميل: بلاش البنت دي يا تيم هتبقي سبب دمارك لو قربت منها
تيم ببرود:أو هتكون سبب اساسي في مو ته خليك مركز في اللعب كويس وسيب كل الباقي عليا وشوف النتيجه في الاخر
ـــــــــــــ
تيم بقالي ساعه مستنياك اول مره تتأخر علي معادك انت فين كل دا
بص في تليفونه وضحك بخبث ودخله جيبه وكمل سواقة
بعد دقائق
ريم بابتسامه:دقيقة وكنت همشي بس كويس انك جيت عايزة اقولك حاجه ضرورية جدا
تيم بصلها بهدوء وقال:ريم أنا مش هكمل في العلاقة دي حبيت اقلهالك وش لوش اظن وصلك اللي كنت عايزك فيه استأذن بقي
قال كلامه ولف وشه وابتسم بخبث ومشي كام خطوة
ريم كانت واقفة مكانها مش مستوعبه اللي بيقوله الصدمه كانت قوية بالنسبالها بصت ليه لقته بدأ يبعد جريت عليه ومسكت أيده وقفته وقالت بغضب:انت بتقول اي انت مستوعب اللي بتعمله مش كفاية مستحمله غيابك طول الوقت وساكته
تيم ببرود:اظن كلامي كان واضح ابعدي ايدك لو سمحتي
ريم بزعيق:لا مش هبعدها تقعد معايا وتتكلم زي الناس فهمني اي اللي بتقوله دا هو لعب عيال يعني ولا اي
تيم:اعتبريه كدا واه لو مخلوق عرف أن كان فيه حاجه بينا سعتها هتشوفي حاجه متعجبكيش يا ريم فاهمة
ريم بغضب:لا مش فاهمه أنا هندمك علي كل حاجه سابت أيده وقالت بحده: انت انسان قذ ر
تيم بصلها بغضب ومشي وهيا وقفت والدموع اتجمعت في عينيها جريت عليه تاني حضنته وقالت بضعف:ارجوك متسبنيش متعملش فيا كدا انت عارف انا بحبك ازاي متعملش فيا كدا عرفني باللي حصل ونصلحه سوا بس متسبنيش
تيم بهدوء حاول يبعدها عنه بس كانت متمسكه بيه جامد قال بصوت هادي:ريم ابعدي
اتمسكت فيه اكتر وصوت بكائها بيزيد
زقها بعيد عنه جامد وقال بصوت عالي:ملكيش الحق تعملي كدا تاني مفهوم متفكريش تاني تقربي مني لا عايز اشوف وشك تاني ولا عايزك في حياتي قال كلامه وهيا قعدت علي الارض مش مستوعبه اللي حصل
ـــــــــــــــ
بس انت مش فارق معاك سمعة عيلتك ولا فارق معاك اخواتك ولا فارق معاك اي حاجه ماشي علي هواك لعند لما هتهد دا كله فوق دماغنا
حمزة ببرود:أنا صح واللي مش مقتنع بكدا مش فارقلي وحقي هاخده النهارده بكرا في النهايه هاخده
محمد بغضب:حق اي انت ظا لم ودا نتيجة للظ لم اللي عملته أنا معتش هحميك.ولا هقف وراك في حاجه وانت حر في تصرفاتك بس انا مش هسيب أملاك العيلة كلها في ايدك وتضيع اخواتك خد حقك واتصرف فيه براحتك
حمزة بغضب:انت عايز بعد ما كبرنا في السوق تسحب مني كل دا لا كله حقي واخواتي أنا هديهم نصيبهم لما اكبر الشغل اكتر
محمد بغضب:اللي في دماغك مش هيحصل وانا اللي هقفلك في كل.حاجه
حمزه:تبقي عدوي وانا مبرحمش اعدائي
محمد بصدمة:عايز تحط ابوك عدو ليك انت طينتك اي دا غلطتي بوظتك بدلعك وسبت امك تشكلك علي هواها وادي نتيجه التربية الغلط منها لله
حمزة بحدة:صدقني لو سيرة أمي جت بالسئ تاني مش هراعي انك ابويا
محمد بصله بهدوء وقال: اطلع برا بيتي مش عايز اشوف وشك تاني
حمزة بسخرية:بكرا يبقي بتاعي وانا اللي هطردك منه