رواية #انتي سيوف الثأر في اجفاني الفصل الثاني والعشرون 22 - بقلم الكاتبه سمو العراق

البارت الثامن عشر
رواية...انتي سيوف الثأر في اجفاني
بقلمي...سمو العراق

💔💔💔💔💔💔💔

هل تعلمون من هي؟؟

هي أختي أغلى ماعندي 
هي من ارى في عينيها سطورا أكتب عليها أرق المشاعر وأصدقها..

كم أحبها ؟؟ كم أشتاق اليها ؟؟

كم مره وددت أن غلفت قلبي وقلت لها :

خذي قلبي لن ابخل به عليكـ ؟..

هي بين الحياة والموت!! ..

فهي تلد طفلها بعتمه الضلام ؟ ..

رانيا ...

........................

اتصل موبايل ام خالد...

وفتحت خط...

عمه كالت....ياااااااا صدددددك ياااا ياااا شلوووون يبووووووو

تركت المكناسه مذهووله واني استمع الكلامها

كالت...هسه هسه اجي بيا مستشفئ انتم...

كلبي ضل يوجعني وخفت من كالت بأي مستشفئ

قفلت الخط وكالت

دااانيه عممه طيني جواريبي وعصابتي..

كتلها بخووف...خييير عمه شكووو

كالت...رانيه واكعه وصايره عدها ولاده وهي بشهر السابع وخايفين عليها وعلئ الطفل

لطمت صدري بخوف ورهبه...هاااا يمممه اسم الله عممه هسه شلونها..؟ خلي اروح وياج

عمتي...لا حبيبتي مستعجله وخالد ما يقبل تطلعين

ضجت اختي الوحيده دتطلگ وميقبلون اروح الها

انطيتها جواريبها وعصابتها وعباتها

لبستهن بسرعه كالت مرتضئ وين يأخذني...

كتلها ماادري يمكن بغرفته اليوم مرايح الشغله

كالت روحي كعدي

كتلها لا عمه اني مالي شغل

صاحت علئ اخته كلتلها مرتضئ،وين:؟

كالت...فوووك

كلتلها...روحي كليله امي تريدك

راحت اخته تكعده شووويه واجت هي وياه

هسه كاعد من النوم وشعره مبهذل ولابس تشيرت اسوود ضيق وبجامه رصاصي بصراحه شكله يلووگ الرانيه...

كلها بنعاس...هاااا يمه صباح الخير رايده شئ

كلتله...هلا صباح النور يمه بعد امك حضر روحك بسرعه مرت اخووك تطلگ ولازم نروح

شفته مسح وجه بتوتر وتافئف...يمممه وشگلولج عليه ام زكي هسه هي تطلگ اني شلي شغل...

ام خالد...ولك يمممه شلوون شلك شغل جااا غير اليوم فرحه النه راح يشرفنه ابن اخوك المغدور لازم تفرحون...

مرتضئ...عمار وين ياخذج اني اكلب السياره بيج من النعاس البارحه ليل كله ما نايم

امه...شني عاشگ وما نايم

مرتضئ...هههه اي عاشگ

امه....هههههه يالله ان شاء الله ماضل شئ وازرعها بحضنك....روح بدل روح تاخرنه

جررر حسسسره قووويه هو وين وامه وين ...

بس هو مصر ما يتزوج رانيا لو تضل اخر انثئ علئ وجه الارض

وحاليا مشاعره مشتعله بحب سحر

اتذكر من اخذهم رجعهم للكوت....

جانت نظراته مثبتهن عليها بالجام مالت السياره وكل شوويه يرمقها بنظره جريئه...

وهي تنزل عيونها خجلانه منه لكن سرعان ما ترفع عينها وتنظرله بعيونها الخجووله...

اتذكر قساوة جدتها وياها بالكلام...

جدتها...سحيييره اكعدي وستچني مرة عمج من دكلج كوومي نضفي كووومي لا تعاندين لا بالعباس اطبع العصا علئ ضهرج

سحر...جده شنهيه جاااا مو انه كله مخلصته الشقل والغران...«والقران» كله عليه بناتها بس كاعدات حتئ هزل جسمي من التعب

جدتها...هو انتي شمسويه..   والشقل مثل المطي بس سوگي

سحر...جده شهل مثل الي يلعب النفس ...وبعدين جده والله مرة عمي غاسيه بالصيف توديني للبستان اكطع باميه وانتي تعرفين شلون تكسر الضهر وتاذي وبالشتاء تخليني الگط خباز من الارض

جدتها...جاااا غير حتئ تعيشين وتاكلين

سحر...اي جده ما گلنه شئ بس بالعباس ضهري انطر وشقل البيت عليه من قير غيس وعمايله بيه

جدتها...لا غيس لا تحجين عليه انتي عنوديه وتعانديه يكلج اقسلي غميصي تعوفينه وتشردين

سحر...جده اسكتي غيس اكبر نذل وغاسي اني اكرهنه عساه الموووت

ضربته جدتها بيها حييل وعدة ضربات

جدة سحر وهي تضرب بيها....دهر الصابج فلك الفلكج ملعووونه تدعين علئ غيس ان شاء اللة عمرج غبل عمره...«قبل عمره»

سحر عقدت حواجبها ولمعت الدمعه بعينها...

عساني اموت ولحگ ابووي وامي

مرتضئ...حجيه علئ كيفج مبين من كلامها تعبانه علئ كيفج وياها بعدها صغيره ترئ

جدتها...صقيييره ؟؟ مو تقسل ...شمالها صقيره بكد الحوولي...« ابن البقره اعتقد » بس هي صلفه ما تكعد راحه...

سحر دارت وجه للجام زعلانه من كلام جدتها ومبين من ملامحها تضايقت...

وصلنه للكوت وبالتحديد المنطقتهم الزراعيه جان
الجوو حلوو بيها 

والريحة الاشجار والمزارع ترد الروح وعطر اوراق ليمون تااارس الشارع والخضار شئ جمييل عبالك بالجنه....

كالت ...خاله مرتضئ اوكف هنا وصلنه

وكفت ونزلت الحجيه نزلت وراها وسديت باب السياره وكفت يم باب سحر

نزلت واحسها شووويه وتنفجر كووه كاتمه عبرتها...

اول ما طلعت رجلها وكعت حذائها من رجلها

انتبهت عليها هي بسرعه غطت رجلها بصايتها القديمه

نزلت نفسي ورفعت حذائها حطيتها بصفها علئ الكشن

ووخرت شووويه...

لبست حذائها....بتوتر

كالت بتذمر...شهل الاصبع الزايد والله حتى مااكدر البس الغندره...« القندره» هسه شنهي فايدته

ضحكت باوعت عليها رفعت عيونها ونزلتها

حطيت ايدي على السيارة

كتلها...سحر لا تتعافين علئ نعمة ربج ..وعسئ ان تكرهوو شيئا وهو خيرا لكم

ضحكت بخجل كالت...وشنهي فايدته بلا زحمه

كتلها بضحكه...ماادري بس ما مأثر عليج اعتقد ويكولون العنده بااعضاءه زياده فهو بخيت

كالت...لا والله مأثر يوجعني كللللش ومااعرف البس الغندره لان تصير رجل جبيره ورجل صقيره

وبعدين منو كال انه بخيته انه لو بخيته ما ماتوو اهلي وخلوني بيد الطامات

جاااي اجاوبها تركتني وراحت بسرررعه

يالله شكد حبيتها عبالك طفلتي انزرعت وتربعت علئ عرش كلبي معقووله بهل سرعه حبيتها

احسها بريئه ونضيفه وخجوله اتمناها اكثر من رانيا

تكون الي زووجه والله اداريها مبينه البنيه متعووبه وكاسرين ضهرها بشغل...

ضليت يمهم يومين تعرفت علئ قيس شكد غثيث احس بنظراته وصخه علئ سحر....

وحسيت بتهربها منه حسيت بخوفها من تشوفه نذل احتمال مسويلها شئ....

رجعت الواقعي ...رحت غسلت وجهي وفرشت اسناني

بدلت بسرررعه لبست بنطرون اسوود وقميص نيلي ومشطت بسرعه وطلعت

امي ....بعد وكت جااا نمت اكثر

مرتضئ...يالله امشي

طلعنه ركبنه السياره واتمنئ يتغير كل شئ احس اني اكثر شخص مظلوم لان يردون يربطوني بإنسانه من سابع المستحيلات كلبي يرف عليها...

لا ومع كل هذا هي خطيبة اخووو وحامل منه وهسه دتجيب ابنه

اني راضي اربي ابن اخوووي بس ماا ارضئ اتزوج مرة اخوووي نفسي متتقبل....

...................

راحت عمه ومرتضئ

احس روحي طلعت اباوع علئ اديه ترجف رجف مو طبيعي

خفت علئ اختي حيييل من حسيت راح افقدها اختلاجات عنيفه بداخل صدري

دعيت الها خووفي مبالغ بي مااعرف لان اختي الوحيده وهي د تطلگ وبين الحياة والموت تمنيت اوكف وياها وانطيها من عمري

اني حياتي ممله ومعتمه بوجود خالد

بس هي حياتها بتدت بوجود طفلها الغالي ابن المغدور وحبيب قلبها...

طلعت الموبايل من صدري ورحت قفلت الباب

خاابرت ماما

ما حصلتها...

خابرت..ريانه...هم ماحصلتها خفت خاف صاير شئ

ضليت بقلق عليها نزلت دمووعي دعيت ربي...

ياااربي لا تفجعني بااختي

لثواني انطيت الحق لخالد بالي يسووي من حسيت بفقدان الاخ...

لكن سرعان مااتراجعت لا مو من حقه يعذبني صح الاخ غالي بس الحي ابده من الميت

وسوالف خالد وراه موضوع اكبر من موضوع اخوو

اني لو اخووي ميت اصلي اله وترحم عليه موو احارب العالم واتهمهم باطل وانتقم منهم

تصلت مره ثانيه انفتح خط

لكن للاسف الباب اندك

من الخووف ما عرفت شلوون اقفل الخط من الغباء فتحت مايك

وماما تصيح بصووت عالي...الووو الوو

حضنت الموبايل حيييل وكتمت الصووت وطفيته كووله...

ضميته بصدري والخووف مبين عليييه

انضرب الباب بقووه عرفته خاالد

رحت بسرعه فتحت الباب...

اول ما فتحته...

كال...بعد وكت..وين جنتي

حاولت اضبط انفاسي كتله...جنت بالحمام..

عافني وراح كعد علئ السرير

كال...شبيج جنج وحده مسوويه مصيبه

كتله...لاااااا بسسس

نزلت دموعي بسرعه

هو بسرعه كاال....تعاااالي شبيييج:؟

اجيت يمه وحطيت اديه علئ وجهي وبجيت بصوت عالي...

سحبني من ايدي كعدني على رجله

احس صخنت من حركته..

كال..شبييج احجي

كتله بشهقات...اهئ اهئ رانيه دا تطلك

باوعلي بنص عين...كال خررب يومج عبالي ابووج مات...

انصدمت جاوبته...اسم الله ان شاء اللة بااعدائه وعمره طووويل اصلا بابا بتركيا...

كال...اي هسه تلكينه متزوج لو مسوي مساج عند لميس...

جاوبته واني امسح دموعي...لا بابا يحب ماما ميتزوج عليها...

كال...ابووج ذيب يوهم ماما يحبها وهسه يجيبلج اخ تركي...

جاوبته...كوون مثل مراد حتئ يكسرك تكسر

ضحك بصوت عالي وحضني حييل..

حاولت اسبح نفسي بس،هو مقبل

كرهت كعدتي بحضنه وبطني لوتني

همست بخجل...خالد عووفني

رخه ادييه من علئ خصري وتركني...

وكفت والخجل غطاني تغطي...

كعدت ...احس روحي تقتلع من مكانها اريد اعرف اخبار اختي...

اتصل موبايل خالد...

فتح خط...كال...الوووو ...هلا يممه ...اهااا الحمدلله ...شجابت...ولد ...الحمدلله يالله ...اي اكيد هسه جايكم....

فرررحت من كال جابت ولد ركضت عليه

كتله بفرحه...خالد ريانه جابت:؟

وكف وهو يعدل بقميصه واخذ سويج سيارته...اي جابت ولد

كمزت من الفرحه...ياااااااااي فدووووه الحمدلله الحمدلله واخيرا حصير خاله

باوعلي بنظره استهزاء وراد يطلع...

لزمته من ايده...

كتله بتوسل وتمسكن...خااالد الله عليك اخذني وياك

كال...روووحي... اخذها وياي المن ماخذج اعرضج للدكتور

توسلت بي وشويه وابجي...خالد الله يخليك الله يحفظك شبيك حباب،والله بعد ما اطلب منك اي شي فدووه الكلبك...

كاال....اهووو وخري دانيه لا تعرضيلي

باوعتله ببراءه ودلع...شبيييك خلووودي حباب

باوعلي بغموض وابتسامه غامضه...رووحي بدلي منتظرج..

فرررحت لا لا طرررت من الفرررحه

رفعت نفسي حييل وحضنته رجليه ما لاحت الارض حسيته انصدم من تصرفي

بسته بخده حيييييل وركضت ابدل

حط ايده على خده بذهول كال بعصبيه...بنت النعال شسوويتي:؟

وكفت بخووف وحطيت ايدي على شفاتي جاوبته...ولا محاطه حمره لتخاف ما لزكت بخدك

كال بجمود...مو حمره...ب.  ماكمل كلامه...كال يالله بسرعه ترئ ما انتظر هواي

ركضت بسرعه طلعت ملابس لبس جينز ضيق وبدي ضيق لحد الخصر

وكلت اطلع بليره طووويله البسها فوكاه

هو جان كاعد علئ السرير من شافني رفع عيوونه عليه

كال بعصبيه...تطلعين هيييج؟

كتله...لا هاااي بليره البس فوكاه

وكف وابتسم ببتسامه خبيثه تقرب مني واني رجعت خطوات..

باوع علئ خصري اني صاحبة خصر كووولش نحيف

لزمني من خصري...

كال...والله لو انتي بالخارج جان صارت بالمگاوير علئ خصرج

باوعت بعيونه بخووف وحطيت ايدي الناعمه علئ ايده الخشنه...

كال بهيام وهو يحرك انفه الطوويل علئ خدي...يابه طلعت محظوظ وماادري بروحي

ضربني بقوه علئ خصري...كال شماكله نستله

صرخت كتله...اوووي شبيييك علئ كيفك

لزمني بسرعه لفيت نفسي صار ضهري علئ صدره هو حضني من وره عرفته اليوم حالته حاله

امداني اني من اشووف حالته هيج وعيونه تتنطنط عليه البس عباية الصلاة واضل افتر كدامه

حضني وهو يشم بركبتي حاولت اخلص نفسي ماكدرت خفت من صارت ايده علئ صدري من الخووف انثنت رجليه بس لا يحس بالموبايل

حنيت نفسي للخلف وهو انحنه وياي

صرخت من ايده تسللت لخصري من تحت البدي

الحمدلله اندك الباب بهمجيييه

كلت بصوت عالي...منوووووووو

عذراء...كالت...اني ولج لحكي دووونه اختج جابت كلوووووش يمكن اتزوجه

تركني هو رحت ركضت فتحت الباب

ضحكت بوجهه

كالت ولج شلابسه جنج عصفور مهلس

كتلها...اسكتي خالد يكول خصرج لو بالخارج تصير عليه عركه

عذراء بغيره...عليمن حتئ. مايشبع عوود مثل خصري مليان شحووم ههههه

ضحكت

كال خالد روحي لبسي صايه من اختي هذا مو لبس احس نفسي كرن

كتله لا خاااا.....

حط اصابعه علئ شفايفه...اااااش لا تعاندين تعرفيني انتي...

عذراء...يممممه منجن النسوان هسه الرجال يكلج البسيلج  صايه ولي البسي اله تحصليلج كتله

خالد ولا يهمك هسه انطيها عباتي

كتلها...لا عذراء شكرا عباتج شتصير عليه وانتي طولج 180

كالت..صخام بوجهج ولج طولي 175 نبعه اني...خالد شووف مرتك المجعوصه تقلد عليه هسه كون بحلاتي واحد مينقهر

كلها خالد...عذراء هسه احاسبها وانتي انسئ النسيان نعمه

كلتله ...عندي مشكلتين بالحياة...من واحد يكلي انسي السالفه مستحييل انسئ ومن واحد يكلي لا تنسين انسئ بسرعه هههه انتم هم مثلي...

خالد...اي بالضبط...ولج دانيه ابن اختج راح يسجل بالمدرسه واحنه بعدنه مرايحين اله امشي راح اعوفج

رحت لبست البليره وشال ركضت الاخته انطتني صايه لبستهن بسرررعه وطلعت وياه لزم ايدي بحنيه اول مره اشوفه منه

ركبنه بالسياره طبعا باع الئ احتركت بالبطش وشتره جديده بس زيد فلووس عليه...

وانطلقنه للمستشفئ جان الصمت سيد الموقف...

................... ....

مرتضئ اول ما اجينه

شفت رانيا انقبض گلبي جانت حالتها حاله شفتها بالحديقه مطلعيها

لابسه نفنوف مال حوامل اسوود وشال وشعرها طالع

شفايفها حمر من البجي

تبجي بصوره تكسر الخاطر وتباوع للعيون تدور حنان

مااعرف بالحضه انكسر خاطري عليها لو مهتدئ هنا يمكن يبجي وياها الله يرحمه ويسكنه  جنانه

اجتها الطلقه وهي بشهر السابع

صررخت من الوجع

ونادت باسم التاركها غصب

رانيه....مهتددددددددئ ادعيييلي راااح اموووت ..ان شاء الله اموت والتقي بيك حبيببببببي

درت وجهي بسررعه حسيت مثل الي انضرب  راشدي

ياااربي شلووون اتزوجه والله اشوووف مهتدئ بيها..

اخذتها امها لداخل المستشفئ دخلوها الصالة الولاده وامها وامي،يدعلها

اني هم دعيت الها الله يكومها بالسلامه هي وطفلها وان شاء الله كوولشي ينحل

ظلت تقريبا ساعه ورها دخلنه للقاووش

طلعت الدكتوره بقاووش المستشفئ،وهي شايله طفل

فرحنه بي بس مقبلت نشوفه لان طفل خدجي

اخذوو للخدج ورانيا ما شفناها بعد كالو تعبانه

رحنه شفنه الطفل ناعم وصغير واحمر وملامحه ما مبينه

امي بجت عبالك اليوم مهتدئ مااات

ام خالد...ولك يممممه مهتدئ ولك يمممه تعال شوووف ابنك ولك يمممه مااكدر افرح وانت ما موجود ولك يمه ماعهدتك قاااسي ماهزتك دمعات رانيه ماهزك ولادة ابنك يممممه مهتدئ التراب لامك لتراب اليه يا ضنااااي محد يعوض مكانك يا لغالي يمممه كسرتني...يمممه ابنك يتيم وهو بطن امه

شلون اسجله باسمك وانت نايم بالگبور اااخ يمممه

كوه سكتتها وبجيت البجيها اخذتها للصاله وحاولت اهدئها انطيتها مي سكتت شووويه

ام رانيا ما خلوها تدخل شووويه واجت خالت رانيه وياها ولد شاااب حلووو...

سلم عليه ببرود ورديت

باركت النه راحن شافن الطفل

شووويه واجه خالد هو ودانيه

دانيه....

دخلت شفت عمه ومرتضئ وكاعد بصفهم شاب يبووو هذا مصعب شجابه اليوم تصير بنعل

مصعب اول مشافنه وكف ملهوووف

خالد عصر ايييدي حييييل

كال...هذا النعال شجابه يدري بيج جايه

كتله بهمس...لا والله ماادري

سلم خالد علئ امه واخوو وانطاهم جنسية مهتدئ حتئ يسجلون طفله بااسمه

مصعب كال...شلونج دانيه

باوعت لخالد بخووف...كتله اي زينه الحمدلله

خالد سحب الجنسيه من امه بسرعه وسحبني من ايدي وراه

تحت انضار مصعب الحارقه...

ضل يدردم...وجه النعال شجابها الاصفر شكد اكره

وجه ابليس والله هذا نذل راضع ويه ابليس

سكتت محجيت بس ضحكت بكلبي من كال علئ مصعب الاصفر...صدك مصعب بشرته صفره

وصلنه للي يسجلون الطفل ويسون الطاوله مالته

كال...شنو حابين تسمون الطفل

هو عقد حواجبه كال...والله ماادري شنو رئيج ب جبر

كتله...طفل هذا جد جدي اسمه جبر

كال...جااا شنسمي

كتله...المعزز

كال...شهل الاسامي الارهابيه

كتله...يااا المعز اسم من أسماء الله الحسناء المعز المذل الجبار المتكبر...وبكلبي ان شاء لله يذلك

كال...والله طلعتي متدينه فيفي عبدوو ماعرفتج

درت وجهي زعلانه

كال لهذا الي يسجل...سمي مفتدئ قريب علئ اسم ابو...

باوعتله حنيت عليه خطيييه الله يرحمك يا مهتدئ ويجعل قبرك روضه من رياض الجنه...

سجله ورحنه للخدج

يااابه شفته يجنننننن مو طفل احممر مدري لان ابن اختي بالغت هههه

اصلا هو بكد جف خالد مينشاف وين شفته يجنن لا بس حبيته ابن اختي الغاليه...

كتله...يمممه خالد يجنن كيوت

كال ببتسامه...ادري بنفسي

كتله...لا هو مو انت

باوعلي صفح...

درت وجهي ...يمممممه صدقه بودي اكله كربووش يجنن...

كال..شدي حيلج وخلينه نجيب مثله حلووو

كتله...ميطلع مثله حلووو هذا طالع علئ ابوو

كال...لا طالع علئ عمه

كتله...منو مرتضئ عماار

كال بعد ما لوه ايدي...لااااا اني

جاوبته بعد ماابتعد....اي النسخه الاصليه

كرهني باابن اختي...«-بكلبي طبعا »

كال ...من يصير عندي طفل اسمي جبر

كتله...لا سمي كسر هههههه

كال...انجبي

كتله...اني من يصير عندي طفل اسمي المعز

كال...شحدج والله تريد تسمي ابني المعز

كتله...ابني مو ابنك انت سمي ابنائك بكيفك وابتعد عن ابنائي

كال...كل مااريد امشي عدل ترجعيني للصفر ومع العلم ما ناسي موضوع مهتدئ تردين تطلكين ....سهيله اني الج...

كتله...سهيله شنوو اني دنووو واررييي....سكتت مابيه حيييل مشاكل بالمستشفئ

والله انووب هو المان مخلصها دايحه وشوارع وغلط ومايريدني اطلگ

رجعنه رحت شفت رانيا خطيه تعبانه وموجوعه بستها وبجيت عليها شووويه

كالت بتعب ابني حلووو

كتلها...يجنن يشبه مهتدئ

بجت بصمت وتنهدت رادت صورة طفلها بس محد ماخذله صوره

بعدها طلعت خالد مقبل اضل شفت عيوونه بكصته ومصعب يخوزر بي...

وعلئ ساعه يتعاركوون رجعت وياه للبيت وهو ابد مافتح موضوع...

..........  . ..............

بعد مرور اسبوووع

جنت قافله الغرفه واتراسل ويه بنات خالتي

ورانيه وكل همي اصير مديره الكروب...

بس رانيا هي المديره

رسلت صوره مفتدئ ضليت اقلد عليه واضحك

وبنات خاله يضحكن رانيه زعلت وطلعت من الكروب

واني فرحت بسرعه عينت نفسي مدييييره ومسؤؤله

عبالك صايره مسؤؤله بوزارة الداخلية...

بعدها ضفت دانيه وصارت حالها حال المشتركين

اسميهم موظفين عاديين ههههه

شوويه ولمياء كالت...

اني احب واحد والواحد تزوج بس اني اشوووفه بالهواء بالشجر بالمي بالبحر احبببه مااكدر اتخيل نام وغفت عينه بحضن غيري

كتلها...حبيبتي لمياء مدام هو متزوج لا تخربين بيته وان شاء الله الله يقسملج الاحسن منه

كالت...ماكووو احسن منه مااشوف واحد احسن منه

كتلها...ليش لخلقه مخلق غيره

كالت...خلق بس هذا ابدع بخلقه....خلقه متعوب عليها

اني اتنفسه احببببه احب شعررره المجعد احب اشم عطره واحطه علئ صدري

لثواني انرعبت وخفت...

كتلها...لمياء ممكن تدزين بصمه

كالت...ليش

كتلها..دزي ومعليج

كالت...صوتي محلووو والله

كتلها...ميخالف

كالت...هههههه عبالك صوت رجال...

كتلها...نعمي...رققي

كالت...ما يتنعم والله...

......

شكت بي مصعب ردت اخابر. انيه تنطيني رقمه

دزيتلها رساله كتبت رانيه...اريييد رقم مصعب

هي كالت...شلج بي خبله

كتلها...مالج شغل

كالت...انجبي لا رجلج يكتلج

كتلها...بداعه مفتدئ ارسلي

هي رسلته بسرعه

قارنت بين الرقمين

طلع مصعب النذل داخل بالكروب ومسوي روحه بنيه.....

نهاااايه البارت ...يتبع

لا تنسوا التصووويت عزيزاتي 😘

كونوا..انتم كونوا بخير....love you

غلسوو علئ السحكات بدون مراجعه..😘