رواية #انتي سيوف الثأر في اجفاني الفصل الرابع عشر 14 - بقلم الكاتبه سمو العراق

البارت الثاني عشر
رواية..انتي سيوف الثأر في اجفاني
بقلمي...نور سمو العراق

مسائكم محمل بالزهور النقيه

💔💔💔💔💔💔

أيها الجاني..ضربك يؤلمني
ان كان يريحك فاضربني اكثر فقد انهارت قواي
ساصمت وساتنفس السموم التي تاتيني
وسأهضم اي لعنه تصل الئ امعائي
وسأنتحب بهدوء فما عدت اقوئ علئ شئ
ولم اعد اتحمل سيوف ثارك الجارحه..
💔💔💔💔💔

اخذته من ايده وباوعتله بخوووف وتردد

لزمت الموبايل حيييييل وشمرته ضربته بالحايط

هو دار وجه وشاف الموبايل تفلش تفلش...

قبض علئ اييييده بعصبيه حتئ بينت شرايينه

هجم علييييييه واني انهزمت بس هو لزمني..

بلعت ريكي بخوف وجسمي انحنئ خلف طوفان الجبن والانهزام...

لزمني من كتفي حييييل احس اصابعه سكاكين نبتت بضلعي انحنيت وياه من الوجع

كال وعيونه تلمع نشوه شيطانيه....ليشش كسرتي

تنفست بخوف ورعب كتله...محلوو بابا حيجيبلي احلئ منه هو كال

ترك كتفي ولزمني من وجهي حفر اصابعه بخدودي لزمت ايده اخفف من الوجع واحاول اتخلص منه بس مكدرت چلابتين ولزكن بخدودي

كال وهو يتنفس بقوووه...كدامي وتحت عيوني وبدون اي احترام تكسرينه ومتقصده اكيييد بي شئ

لزمني حيل وشمرني علئ الجربايه وصعد فوك جسمي صار يضرب بيه بعشوائيه حطيت ايدي علئ وجهي اتفاده ضرباته

ويغلط ويسب شعري تطاير من ايده

خالد...بنت الكلب بنت الزمال اعترفي من كتل مهتدئ ابوووج الكلب لو مصعب الساقط احجي احجي

والله اخليكم تبجوون دم عصابه الله بلانه بيكم تكتلون مهتدئ وخليكم تتهنون بكتوو فلووسه واخذتوو سيارته وكتلتووو والله كلبي مليان دم عليكم...تفووو عليج وعلئ امثالج

رفعني من اكتافي وصرت مثل لعبه بيده يجيبني هيج وهييج دخت من ضرباته بس حميت وجهي منه  اذاني احسن صخنن من الضرب وصارت تصفر واحس فقدت السمع

لزمتني حاله من الرجفه والخوووف شيطان متمثل بجسم انسان

بجيت علئ حضي الاغبر هاي تاليه واحد مثل هذا يضربني ويجرم بيه

عااط بوجهي حييييل....كووووووومي شغلي الموبايل

فتحت عيوني المليانه دموع بصدمه من كل عقله اشغله هو تفلش صار وصله وصله

عاط بيه مره ثانيه...كوووووووووومي شغلي

كمت من الخوووف والجبن الي تملكني رجع سحبني

ورفع اصبعه بتهديد...ورب العزه وحق ذيج الايام العدت وراحت وماشفت منها بس القهر وكله بسببكم اذا الموبايل مااشتغل

ادفنج هنا وادوووس علئ گبرج واتفل عليه

بلعت حسرتي وارجف مثل السعفه تحت اعصار قوووي

مشيت بيأس واسئ علئ حالي عايشه ويه وحش بشري مريض نفسي

كعدت علئ الارض سحبت الموبايل المستحيلات سبعه وثامنها الموبايل يشتغل

ضليت اجمع بي واحاول اشغله  قريت عليه قران بس ماكووو مااشتغل ختمت عليه القران ومااشتغل ضليت اتوسل بالموبايل يشتغل ماكوو

كال...هااااا شغلتي

جاوبته واني اشهك من البجي...هسه اوكف اشتغل وطفئ

« طبعا جذب بس اريد اسكته وانطي النفسي امل كاذب»

ركز بعيونه عليه وعض شفته ووكف

احس ماتت رجليه من الخووف زحفت ورجعت ليوره

هو وكف مثل الشبح كدامي

سحبني من ايدي ضليت ارجف بس لا يعيد عليه الحركه ويطك العصب مثل ذاك اليوم

توسلت بي....لا لا عفييه خالد الله يوفقك الله يرحم مهتدئ لا تكسر ايدي والله لهسه توجعني

كال بهمس وهو يحرك خصلات شعري...ليش كسرتي اريد سبب مقنع

سكتت ماعرفت اجاوبه

كمل وهو يرتب بشعري...معقووله اكوو بي شئ يخص مهتدئ

هزيت راسي بسرعه...لاااااا

خالد وعيونه تتاملني...لعد

تكلمت بصدق...مصع  ممم مصعب

خالد بحقد...انعل ابوووج يا ابو مصعب يا ابو عشريتج ياابو العرفني بيييج

عاط بوجهي...شبي نعال مصعب هو قتل مهتدئ؟

جاوبته برجفه...لاااا بس مصعب دزلي رسائل

خالد...شبيهن؟

دانيا...ماكوو شئ يكول احبج وحتئ لو تزوجين اخطفج وازو

ماكملت كلمتي بسبب البوكس الي اجاني علئ بطني

صرخت بصوووت عاااالي وكعت علئ ركبي لزمت بطني من الوجع واسعل بصوره متتاليه

حطيت ايدي علئ شفايفي انترست دم انرعبت من منظر الدم معقووله معدتي واحشائي تضررت

ضليت اتلوئ من الوجع وابجي من الألم

هو تقرب مني  بسرعه رجعت من الخوف رغم جسمي الهزيل ميعيني

كعد ركبه ونص سحبني بقوووه الصدره

ضليت ابجي من الرعب والخووف صرت اضرب بي بعشوائيه اريد اخلص منه

شالني بسرعه عبالك شال ريشه ضليت ارفس برجليه مااريده يلمسني

نومني علئ السرير وسحب كنلكس وضل يمسح بشفايفي من الدم

حط ايده علئ بطني ضغط حييل صرخت

كال احتمال صار عندج ثقب بالمعده

حطيت ايدي علئ وجهي...ياااربي خلصنه منه

سحبني بعصبيه...محد يخلصج مني اله تعترفين منو وراج وليش هددتي مهتدئ جان اخذتو سيارته وفلوسه وعفتووو بس انتم كلاااااب قتلتوو لان مو نفس طائفتكم...

اندك الباب بسرررررعه

هو صاح...منوووو؟

اخته وعذراء عرفتها من صوتها جانن يدكن علئ الباب بس لا سمعنه من ضغط علئ بطني

كلتله عذراء..خالد الحك اخوتك سكارئ هلا هلا

هو وكف. وكال...لا تطلعين صوت

تغطيت بالبطانيه وكتمت انفاسي وضليت ابجي  بصمت جوه فراشي

طلع فتح الباب واني دخلت بنوبه بكاء حاده وكفت بصعووبه ولزمت بطني وحنيت ضهري من الوجع

رحت للحمام غسلت اغسل ودم يرجع ينزف تخبلت يممه راح امووت ليش هيييج انزف

لزمت بطني احس مااعرف احجي بس احس الدم ميطلع من جوفي ولا من معدتي

اذكرت هو من ضربني اني من قوة الضربه عضيت لساني

ياااا اثاري لساني هو الينزف فتحت حلكي شفت لساني مجروح وينزل الدم بغزاره حطيت الكنلكس عليه يرجع ينترس...

الله لا يوفقك ياخويلد يانذل مستر عقد معقد

رجعت اخلي اكنلكس واشمره متت ولعبت نفسي ودخت من البجي بطني ائذتني

قررت انهزم بس مو اليوم من ينقلع يولي لاي مكان اريد اروح الاهلي ونسافر خارج العراق هذا الخبل مااكدر اعيش وياه والله

...............................

نزل بسرعه معقووله اخوووته سكارئ واخته وعذراء وراه

عذراء جانت تنطي الاحداث اول بأول وتحجي بسرعه وهو مامهتم. الها وينزل درجات الدرج اثنين اثنين شافهم واكفين يتمايلون اضاهر مكثرين....

مرتضئ بدون تركيز ويروح يمين ويسار...لا لا ام خالد لا دكولين شارب اني استحرم

ام خالد بعصبيه...يالاغم شووف روحك شلووون تتطوطح يالسكييير

هجم مرتضئ علئ امه ولزمه عمار

مرتضئ بتمايل...هدووووني هدوووني عليها دكلي سكير...اني سكران ؟ اني سكران...؟

ام خالد انهزمت ضربت بصدر خالد

لزم امه بحنيه وعيونه علئ السكارئ المنحرفين

هز راسه باسئ...اوووف سكارئ عزززة الله...والله وربحنه

ام خالد...شوووف جايين سكارئ

مرتضئ هد مره ثانيه وممثبت علئ نفسه...هم كالت سكارئ هدوووني

صارت وره ابنها خايفه من ابنها الثاني

تقرب منه خالد وعطره براشدي وكع من طوووله ورجع وكف وهو يتمايل

تضربني تضربني لك نذل والله اليوم احرك البيت

خالد لزمه من ياخة قمييصه وسحله هو وعمار مثل الخرفان

طبعا مرتضئ رايييح كووولشي ميحس لان اول مره يشرب ومكثر لذالك ضل يخيط ويخربط وعمار شويه مسيطر

عذراء بخبال...ابو العرگ

مرتضئ  بعصبيه ولكنه بالكلام...اني سكران وبااماكن عامه واعتدي على الرايح والجاي اقتلوني واذبحوني بس فكووني من هاااي الناگه ام ثوب الازبري..

طبعا عذراء لابسه اخضر بس صار عنده عمئ الوان

سحبهم خالد ودخلهم للحمام فتح الدوووش وشغل المي البااارد جان الجوو شووويه بارد ماكاسر المي خلاها علئ برودته

وحطهم جوه الدوش شهكوو من بروده المي

ضلووو تحت المي عده دقائق حسوو شوويه صحصحووو....

باوع عليهم بنظره غريبه وحاقده

مرتضئ لزم راسه من الوجع وكعد علئ ارضيه الحمام السيراميك وتقيئ بمراره

اما عمار غسل وجه وكعد بالحمام وملابسه مبلله

باوعوو عليه ثنينهم بخووف وحييييره

ثبت نضراته عليهم وعيونه تتاملهم مسح علئ لحيته بهدوء

مرتضئ بدووخه...اءءءء

خالد....اشششش ولا كلمه

حقراء سافلين سكارئ!!!! جايين سكارئ لك انت المطي الثاني سكران عمرك ب 29 سنه وسكران شخليت للزعاطيط...« يقصد مرتضئ »

نزل راسه بخجل من اخووو

تقرب منه ضربه راشدي انضرب بالحايط

خالد...هذا حتئ من تريد تشرب تتذكرني سافل لك طلعت اختك بوجهك بنت عمك زوجة واخووك تعرضت الها نفسك الدنيئه تقربت منها شراح نكول شنحجي شلوون نسدها

رجع سحب عمار وضربه  بالحايط وانت لك حمار عبالك ماادري بسوالفك وسهراتك بالبارات وابو نؤاس يشهد عليك

نزل راسه بخوووف

احجي بلعت السانك لو تعرف بنفسك غلطان

عمار..ضجنه وشربنه

رفع ايده وضربه راشدي ...هذا ردك ....عذرك اقبح من فعلك

امشووو ولوو من كدامي الا ابتلي بيكم

والله مال بصونده انبتلكم جلد جديد يا حقراء

مرتضئ بقهر...والله اني من القهر شربت

خالد بااستهزاء...وشبيك بلا بلا زحمه شو تاكل وتنام حتئ مصرف للبيت متنطي

مرتضئ...كله من وره رانيا

خالد...طيح الله حضك انت ورانيا تغضب ربك من وره رانيا صدك غبي

مرتضئ...انت اخذت اختها وماخذتها خليتني بحيييره مااكدر اعيش ويه خطيبة اخوي وابنها

خالد....امشي اطلع بره لا ابتلي بيك

طلعوو ثنينهم من الحمام والدووخه بعدها بيهن وملابسهم مبلله

عذراء بخبث....هل رائ الحب سكارئ..سكااارئ

مرتضئ بنص عين...ام كلثوم تسكتين لا اطلع قهر اليوم بييييج

طلع خالد اخذ امه بالاستقبال وضل يسولف وياها ويحجي

وبعدها امه راحت الغرفتها نامت

وهو نام علئ القنفه تارك دنوو الوحدها...علئ اساس هو مهتم...😒

...............................

الخوفُ قيّدَ أضلُعي
لم يبقَ لي شخصٌ معي
و شعرتُ همساً خافتاً في مسمعي
همسٌ يقولُ إلى متى
ستظلُّ تغرقُ في البكا

اول مشفته ارتعبت ركضت بسرعه بس هو شافني كعدت وره جدتي او بالاحرئ ختلت وراها

جدتي كالت...شبيج سحر جنج بزونه شارده من عتوي

بلعت ريكي بتوتر...لااا جده بس اريد اكعد يمج

جدتي...اكعدي

دخل هو وعيونه تدورني لف نضره داخل الغرفه وشافني

ابتسم بخبث...سحر گومي اغسلي قميصي

جاوبته واني لازمه ثوب جدتي...خلي اختك تقسل غميصك احسن

ضرب الميز الحاطين عليه التلفزيون...لااااا انتي

جدتي...كووومي سحر اقسلي غميصه

باوعت عليها ببراءه وخوف وبطني توجعني...جده مااريد

جدتي...شنهي الما تردينه

طبت مرة عمي بحقاره...ماتريد تشتقل « تشتغل» تريدنه احنه نخدمها ست الحسن والدلال

هو غميص خضي بسرعه وشري

قيس..تكووم وغصبا ما عليها

جدتي...كووومي ولج لا اچسر العوجيه علئ ضهرج

كمت بحسره وخوف علئ شرفي من وابن عمي الحقير مستقل..« مستغل» يتمي وحدتي وهو جان عايش عند جداده بغير محافظه وضال تايه محد يسئل عنه واخلاقه زفت

اخذت الغميص من ايده وطلعت اقسله.« اغسله» .بالحمام

جنت اتلفت لا يلحگني ويجبرني عليه

سديت باب الحمام وحطيت غميصه فركته حييل وبقهر شطفته ورجعت قسلته زين لا يرجع يكتلني

يعوف امه واخواته ويجي عليه لا اني اخدمه

عصرت الغميص حييل وماحسيت اله هو وياي بالحمام وغفل« قفل » باب الحمام

انرعبت كلبي ضل يدك بسرعه

رجعت ليوره انضربت بزاويه مالت الحمام

تقرب مني وعيونه تجدح

لزمني من شالي سحبه وشمره وهمس بااسلوب مستفز...اجيبج اجيبج بس والله اذا ماخليتج تمشين وتتلفتين مااكون قيس اني كم مره كتلج لا تعانديني

جاوبته برجفه...اءءءء  ووو والله

سحبني من خصررري حيييل وحضني ضل يشم برگبتي حييل وبوسني

دفعته واني ابجي خفت اصرخ ويزوجوني اله واني اكره ويتهموني هيييج

همس بحقاره وسفاله...سحر والله اله احبلج بولد

رجف جسمي كله وتقزز جلدي من كلمه عضيته حييييل من خددددده

حسيته خفف قبضته من عليه

دفعته وفتحت الباب وانهزمت 

احساس مؤلم وخووف من المجهول وعدم الامان ركضت ملهووفه كل مااريد اكول الجدتي اخاف من مرة عمي وبناتها

مره كلت لوحده منهن هيج اخوج يسووي بيه دكوول لا تذبين علئ ابن عمج فضايح وتهايم عيب عليج انت تتهمينه باطل

وهي كل زين تدري بي يتحرش بيه وحتئ مرات يبوسني كدامهن ويرفع بثوبي...

كعدت يم جدتي وحطيت راسي بحضنها وبجيت

كلمته زلزلتني حسيت امتهن انسانيتي خايفه حيييل شوكت يجي شخص ينغذني..« ينقذني » من ضلمهم

جدتي ماكالت شبيج تبجين لان متعوده ابجي بحضنها وعبالها لان قسلت غميص غيس...

............................

من البارحه اتلوئ من الوجع وبطني احس بداخلها طفل ثقلت عليه ولساني موتني

تقريبا الساعه ب 10 ونص الصبح

هو من البارحه نام جوه ان شاء اللة نومة اهل الكهف وماتكعد غير بعد 600 سنه واول ماتكعد تموت يارب

اندك الباب سويت روحي نايمه بسرعه

كالت بسخريه...نايمه المسعده...يالمسعده وبيتج علئ الشط اكعدي عيني شمستج عاليه

اخت خالد كتلها...عذراء عيب مو هيج بعدها عروس

همست من تحت البطانيه...كبر مثل اسلوب ابن خالها نفس التربيه

اجت رفعت البطانيه انصدمت من شكلي هي واخته

اخته كالت شبييج؟

كتلها واني اشهك من البجي...بطني دا تأذيني

كالت...شبيها؟؟ الد....

كتلها...لا لا

عذراء الناگه شاورت اخت خالد والبنيه استحت

مدري شكالت الها

راحت اخته نزلت جووه وعذراء كعدت يمي

كالت..عرفت والله من البارحه الصريخ والوني

دخلت عمتي وهي كطعت كلمتها

عمتي كالت...هاااا عمه شبيج شيوجعج

كتلها بطني توجعتي

بس احجي بصعووبه من لساني

خطيه عمه كالت خاف صرتج مكطوعه

كتلها مااعرف

كالت راح اجيب كريم مال اعصاب واخرطها الج ورجعها هسه اجي

راحت عمتي وعذراء كعدت تسولف

كالت لاخت خالد

البارحه زعلت منجن هسه ماصدكتن الولد سكارئ حشمتن الوادم كلها انتظرن شوويه خلن واحد منهم يغتصبني حتئ الزك بي ويزوجني ههههه

كتلها...عادي تزوجين واحد يغتصبج ويهينج

كالت...بااع هاااي لج الرجال رحمه لو جان فحمه

كتلها..لعد ماتزوجتي الفحمه العندي

كالت وهي تحط ايد علئ ايد...تعااافه يريد وحده ناعمه واني طووويله هي الناعمه حتئ مابيه خير ولابيها قووه هسه هو بعده ما ماخذج ضليتي تونين

كتلها...شنو ماخذني

غمزت بعينها بعدم رضا...اممم علينه البارحه ليله حمره

هاي شتحجي كبر

ضلت عيونها مركزه علئ اماكن الدم هي من لساني والغبيه اخذتها بغير شئ

كالت...كلشي بالغرفه يشهد وعود ليش ماتكولين خاف انحسدج باجر نتزوج وانسوي اكثر من هيج بس مانضم مثلج....

سكتت محاجيتها

اجت عمتي كعدت علئ السرير ورفعت بلوزتي عن بطني وحطت الكريم علئ بطني وضلت تسوي مثل المساج بهدوء رغم توجعت بس عفتها

شوويه ودخل خالد اول مشفته نزلت البلوز بسرعه ودرت وجهي زعلانه

راح كبل علئ كنتوره طلع ملابس ودخل للحمام

شووويه وصاح...داااانيه داااانيه

عمتي كالت ...منئ روحي شوفي اخووج شيريد

كتلها واني ارفع نفسي بوجع لا عمه اني اروح

مشيت واني لازمه بطني

وكفت يم الباب كتله هااا شتريد

كال جيبي قميصي الاسود الي الياخه مالته تكون ربع

رحت للكنتور دورته كلهن نفس القمصان ونفس لون وبيهن عشرين قميص كلهن نفس الشئ مدري شيحس خبل ولا عنده ذووق....

وكفت يم الباب دكيته بهدوء

هو فتح الباب وسحبني بداخل الحمام

انصدمت من تصرفه وجرائته جان لابس بس البنطرون وبدون قميص

كتله بعصبيه...شبيك تخبلت

كال باستهزاء..انجبي انجبي ماميت عليج شوفي اذا امي سئلتج علئ شئ لا تجاوبين ولا دكولين اني ضربتج فاهمه

كتله بعناد...لا اگلها

كال شوووفي لا تخليني اغركج بالمي اتقي شري وانطيني قميصي

كتله اخذ شلون قميص اقدم من موديل جدي الله يرحمه

كال بسرعه وهو يدكم بقميصه بلهفه وسررررعه عبالك فاته القطار...الله يرحمه مات وخلف عاهات

غثاني بكلامه ...كتله شعجب انت وياه نفس المواليد شعجب هو توكل وراح وانت بعدك حيا ترزق

كال بعد مادفعني وطلع...ضال حتئ اكسر راسج وبعدين اني رغم كبير بس مبين اصغر منج يا بيبي

اخذ مفاتيحه وجكايره وموبايله وبدون مايمشط خله وطلع...روووحه بلا ردددده

رجعت تمددت وعمه ضلت تفرج بيه

كالت عوود اليوم كلت جنتنه الجديده هي تسويلنه غده شووو جنتنه طلعت مريضه

ضحكت بتعب كتلها...لا هسه اسووي

كالت...لا اليوم ارتاحي ومن صيرين زينه ان شاء اللة نعيش وناكل من ايدج

كتلها ان شاء اللة

كالت عذراء...اكلج طيب

كتلها...مااعرف والله بس مطلعه كم اكله من النت ومتعلمه عليهن

كتلها...وانتي

كالت...والله اكلي يخبل حتئ اخواني الصغار يكولون هنيال رجلج عليج

كتلهم هو وينه الكلب ابن السطعش كلب غير يجي

ضلن يسولفن ويضحكن بعدين عمه كلتلهن يجيبلي ريوك راحت اخته جابت ريوك

مكدرت اكل من الوجع لساني حتئ مي مااكدر اشربه

بصعووبه اكلت شووويه

يعدين عمه كلتلهن يالله خلنها ترتاح

هنه خلن وطلعن

اني كمت سبحت والوجع موتني لساني اذاني حييل

طلعت لبست ثوب قصير وردي ونص ردان ومشطت شعري ولفيته ونمت

مرت تقريبا 3 ساعات

دخل بسرررررعه وشعره مبعثر وقميصه مبهذل وبنطلونه شوويه بي تراب

وشفته مجروحه شوويه والدم نازل شوويه عليه

طلعت وجهي شوويه من البطانيه وضحكت

الضربه يستاهل مكافئه مني والله الكتله لو الزمه اشبعه طن بووووووووس

ضحكت بهدوء

وهو عاط...اضحكي اضحكي بنت الكلب عبالج ماشفتج

جفلت بمكاني وغطيت وجهي

نهايه البارت...يتبع

تسلموو ورداتي لتقبلكم اعتذاري ان شاء اللة غدا اخر امتحان ادعولي وان شاء اللة التزم وياكم...

لاتنسوو التصويت والمشاركه ولكم مني جزيل الشكر

كونوا انتم كونوا بخير...احبكم بحجم السماء 😘